📖 ZKIZ Archives

【馮仁昭四圍超】伊能靜攜小哈林談前夫

1 : GS(14)@2017-04-10 23:36:03

微博圖片





伊能靜同前夫庾澄慶（哈林）所生嘅兒子小哈林已經15歲，日前伊能靜喺微博玩直播，小哈林一直喺媽咪身邊搞搞震。直播期間，伊能靜突然叫大家唔好再提啲唔應該講嘅事，相信係講佢同前夫哈林嘅嘢，佢話兩人冇緣份，大家彼此尊重，亦都深愛自己嘅小朋友，小朋友都知道乜事。伊能靜話：「為甚麼大家不帶着祝福，我們大家現在都很開心。」撰文：馮仁昭




來源: http://hk.apple.nextmedia.com/entertainment/art/20170410/19985175
PermaLink: https://articles.zkiz.com/?id=329966

伊能靜自責跌女落地

1 : GS(14)@2017-04-22 10:43:36

■伊能靜（右）自責女兒墮地，心痛得自摑一巴。互聯網圖片



伊能靜和秦昊帶同女兒小米粒早前參加內地真人騷節目《媽媽是超人》，前晚網上流出一段小米粒從嬰兒座椅墮地的片段，事後伊能靜不斷自責，更自摑一巴。昨日凌晨，伊能靜在微博表示至今仍不敢看該片段：「有網民說米粒媽粗心，米粒媽真的好抱歉。即使平時深夜太累熟睡，但只要聽到米粒翻身都會馬上反射動作去抱着米粒的米粒媽，不知道怎麼搞的，沒放好就鬆手了，到現在還是深深自責。」



微博圖片

伊能靜指醫生建議觀察，但小米粒很堅強，晚上喝奶時，已經又變成愛笑的寶寶，「第二天早上連青的部份都退了，米粒一直是個頑強的奇蹟寶寶啊！」撰文：非非



緊貼「蘋果VR」熱潮，打開雙眼隨意門，讓「蘋果VR」陪您探索新世界：https://goo.gl/b5RQAB「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170421/19996126
PermaLink: https://articles.zkiz.com/?id=331202

小米粒1歲生日P伊能靜頻撲送完小哈利返台即陪囡飛

1 : GS(14)@2017-07-05 03:42:32

48歲伊能靜早前同囝囝小哈利去歐遊，不時喺微博貼出同囝囝嘅合照，而同現任老公秦昊生嘅囡囡「小米粒」六月底生日，呢個媽咪認真夠忙，由米蘭轉機阿姆斯特丹到台北，轉機嗰陣，要照顧囝囝去洛杉磯嘅事宜，伊能靜當晚差唔多累暈，跟手先落地送囝囝返屋企，再接囡囡「小米粒」飛返沈陽，去夫家為囡囡開一歲生日P。伊能靜昨日在微博貼出生日會嘅相，相中見場內以粉紅及白色佈置為主，話個party係由老爺同奶奶搞，用晒伊能靜鍾意嘅夢幻風格，佢好多謝老爺、奶奶同親友，而佢老公就由北京去沈陽，睇到囡囡即刻笑晒，又話翻糖上印有小米粒同伊能靜嘅肖像，伊能靜見到似乎覺得甜到入心，「讓再苦的咖啡都能變甜，要把自己活成一顆糖」!




來源: http://hk.apple.nextmedia.com/entertainment/art/20170704/20078609
PermaLink: https://articles.zkiz.com/?id=337901

網民質疑打針回春伊能靜晒全家福證明係遺傳

1 : GS(14)@2017-08-02 05:59:38

有「美魔女」之稱嘅伊能靜，雖然已經48歲，不過同細佢9年嘅老公秦昊企埋一齊，一啲都睇唔出年齡嘅分別，不過日前就有網民留言畀佢話佢每次講嘢，塊面都斜埋一邊，仲叫佢唔好嫌棄外表變老，去打玻尿酸回春。畀人批評外貌，伊能靜昨日就喺微博同大家「討論」，佢除咗將網民留言截圖之外，仲上載同家人嘅合照，解釋話自己由細到大都係大細面，又話現在做緊牙齒矯正。伊能靜堅稱自己冇打針，但申明立場話唔覺得整容係「唔認老」：「如果你喜歡我，你不去想我老不老，而是單純看進我內在，我整歪了妳也會喜歡我。希望你們愛我不是因為我的臉，因為我快50歲，我看起來真的不夠老，不管你看的順不順眼，我沒裝嫩，我就長這樣，我還是要感謝我媽。」暗示個樣係遺傳自母親咁話。




來源: http://hk.apple.nextmedia.com/entertainment/art/20170802/20108711
PermaLink: https://articles.zkiz.com/?id=339257
Next Page
ZKIZ Archives @ 2019