| ||||||
內 地大型券商國泰君安上個禮拜俾傳媒踢爆,舊年員工薪酬連福利開支高達32億人仔,平均每人過百萬年薪,事件惹來全國嘩然,仲俾中央電視台炮轟。 噚日國泰君 安澄清,舊年員工實際人工支出只有8億人仔,比前年跌44%,高層平均人工57萬銀,董事長都只係83萬,百萬年薪只係一場美麗嘅誤會。國泰君安解釋,傳 媒混淆咗會計上「計提」同「實際發放」兩個概念,32億人工支出只屬「計提」部份,係粗略、未經審計數字,當中仲計埋社保費,其實舊年實際發放嘅員工薪酬 只有8億銀,以國泰君安3554員工計算,每人平均年薪得22.5萬咋喎。咁 又難怪傳媒咁敏感,家陣市道唔好,國泰君安作為國有控股,如果仲咁大花筒,點 會唔俾傳媒猛轟呢?前幾日,財政部已經向國企發出薪酬上限規定,國企老總年薪最多280萬,最低為2.5萬銀,按呢個計法,國泰君安老總祝幼一舊年人工都 未過新上限一半。 |
2009-04-09 AppleDaily
| ||||||
自金融海嘯爆發,股市樓市近排至叫做升番啲,但我哋特首連同各級官員,繼續不厭其煩同大家講,最差時候仍然未到。平民聽到會積穀防饑,但打開門口做生意嘅,似乎有個問號喺頭殼頂!好似TVB電視廣播(511)總經理SK鄭善強,就似乎對政府呢個講法有啲存疑。 高官係時候收口 SK 噚日同華華等一眾傳媒朋友嚟次「善強飯局」,佢話照佢所見,TVB嘅廣告今年頭一季係跌,但踏入4月份好明顯見到好轉,而廣告某個程度係反映經濟環境嘅指 標。佢又覺得,政府係咁唱淡,會唔會嚇親喺香港做緊生意同埋想嚟香港做生意嘅人呢?照咁講,政府似乎係時候反思一下,邊個先係唱衰香港嘅罪人!講開SK, 雖然唔會見到佢喺幕前,但查實忙到好似幕後大老爺咁。好似呢排,佢就忙於同官府反映搞數碼廣播後,網絡容量唔夠嘅問題,當中牽涉到空中網絡提升呢啲咁技術 問題,希望今年底獲批。另外,佢又忙於搞擴大收視調查範圍,事關以往收視調查,只係覆蓋700呎或以下嘅住宅,但數碼廣播後,觀眾大部份係來自700呎或 以上住宅,所以,舊調查其實已經反映唔到真實情況。 唔夠水搞數碼廣播 佢話希望6月份搞得掂,但o依家業界仲未有共識,事關擴大範圍一定加重電視台成本,而o依家有人唔肯畀錢。唔知係邊個唔肯科水呢? | ||||||
2009-04-16 AppleDaily
| ||||||
華 華噚日講過中海油(883)董事長傅成玉嘅千萬年薪要上繳,同樣係中資油股嘅亞洲最賺錢企業中石油(857),情況亦不遑多讓,睇番佢哋新鮮出爐嘅年報, 董事長蔣潔敏竟然完全冇人工收,佢07年5月走馬上任嘅大半年都咗91.6萬(人仔.下同)啦,睇落好似好大犧牲噃。熟悉國情嘅專家同華華講,蔣總07 年所嘅未必全部自己落袋,好大部份要上繳中央,然後再由阿爺出糧加津貼。今次披露08年就「渣都冇」,唔通望住油田真係可以止肚餓? 非執董 五減一加薪 至 於副董事長周吉平,佢08年51.5萬,因為07年未到任,冇得比較。而6名受薪嘅非執行董事亦難以倖免,好似前特首董伯伯細佬董建成咁,舊年都減薪 5.68%至24.9萬;非執董之中只有蔣凡係逆市奇葩,加薪14.03%至56.9萬,唔知佢哋公司係用乜嘢準則加減薪嘞。 | ||||||
2009-04-30 AppleDaily
| ||||||
巨 型國企中國中鐵(390)照顧住廿幾萬名員工生計,董事長石大華背負嘅壓力咪話唔大,一旦國家政策有乜風吹草動,導致公司養唔起咁多員工就麻煩,隨時動搖 國之根本嘛!石總亦深明箇中道理,所以中鐵經營嘅業務層面何其廣泛,佢強調要「堅定一個思路」,即係堅持建築業上、中、下游協調發展,形成相關嘅多元化產 業結構,有咁嘅揸fit人睇住中鐵,員工都可以放心啲啩!之但係,國企管理制度或多或少窒礙企業發展,石總話,所有幹部已經係按合同聘用,中鐵每年亦會招 聘上萬名大學生,正所謂老人老辦法,新人新政策,令公司更加市場化。石大華噚日又喺業績記者會上有感而發,話對住記者朋友份外有親切感,皆因佢位千金都係 華華同行──新聞從業員,喺中央電視台做編輯,唔知會唔會近水樓台,隨時可以訪問老爸呢? | ||||||
2010--5-25 AD
| ||||||
太子黨究竟幾有 實力?睇睇中銀香港(2388)噚日發佈嘅新聞稿,同埋上市公司通告就知一二!中銀宣佈,委任朱燕來(圖)做集團助理總裁,除咗直接report俾總裁和 廣北之外,仲會協助同支持其他三個個人銀行、企業銀行同金融市場業務嘅副總裁。 呢個最新上位嘅大內總管,其實响2001年10月已經加入咗 中銀香港,做緊發展規畫部總經理,依家仲係中銀香港附屬,南洋商業銀行同南洋商業銀行(中國)嘅非執董。 最重要嘅係佢嘅背景,佢老竇係大名 鼎鼎嘅前國務院總理朱鎔基,而大佬朱雲來就係中國國際金融公司(CICC)嘅總裁,依家朱小姐由總經理「升呢」,同老竇阿哥一齊做「朱總」,中銀香港有人 做董事發通告就一啲都唔奇怪,但係有人做助理總裁都要發通告公告天下,就可以見到佢哋幾咁重視朱小姐。 |
|
||||||
恒生銀行前總經理壽明,因收受客 戶兩隻鑽石勞力士錶及現金共六十七萬元,向對方提供十成按揭貸款,因而被廉署檢控。上週三,他被裁定收受利益罪成,判處入獄四年。今年五十六歲的壽明, 「紅褲子」出身,十八歲加入恒生由練習生做起,三十多年來不斷攀升,最終坐上這間全港第二大市值銀行的第三把交椅。然而他最終因貪污瀆職,淪為階下囚,為 今年剛慶祝成立七十周年、一向講求信譽及穩健的恒生銀行,寫下不光彩的一頁。上週三早上十一時,是壽明和其前下屬,信貸部經理盧沛成,以及行賄他們的歐江 國際董事何小海判刑的時刻,灣仔區域法院九樓,早已擠滿聽審人士。當三名被告由懲教處人 員帶出犯人欄時,只見昔日的恒生總經理壽明,臉色蒼白,眼袋又深又黑,雙手被扣上手銬,木然無表情。他身旁的前下屬盧沛成,當見到太太和兒子到來,忍不住 隔着犯人欄捉住兒子的手,激動得不斷流淚。壽明見狀,只無奈地拍拍盧沛成的膊頭。而壽明的太太和獨子,早已移居加拿大,案件由開審至今,也沒出現聽審。歐 江國際董事何小海,去年已因詐騙銀行信用狀而被判刑九年,今次他行賄罪成被判刑三年零三 個月,可與早前判刑同期執行。盧沛成在此案的參與較少,判囚二十一個月,而主角壽明則重判四年。法官蔡慧蘭說:「他的行為,破壞銀行多年來的誠信,更影響 香港作為一個金融中心的聲譽,對恒生銀行造成二億八千三百萬元的損失。雖然今次判罪,令他失去二千二百萬元的退休金及前途盡毀,但仍須重判。」 貪 字踏上不歸路聞判後的壽明表現冷靜,慢慢走上階下囚之路。壽明曾經貴為恒生銀行第三號人馬,居行政總裁鄭海泉和副行政總裁陸觀豪之後,如今可謂一無所有。 自九九年六月被停職以來,他已喪失每月十七萬薪金及八萬元房津,以及二千二百萬元的退休金。他十年前購入的半山曉峰閣豪宅,在出事後一年已賣掉。坐監前, 他與母親和妹妹,報住有十多年樓齡的屯門兆隆苑居屋單位。記者於壽明被判罪後翌日,上門找其八十七歲母親,她不久前動過眼部手術,以微弱的聲線向記者說; 「我唔想講啦。」壽明被判刑的消息,在恒生銀行內是忌諱,職員沒高談闊論。曾與壽明共事的貸款部職員,只竊竊私語:「佢點會只為兩隻勞力士錶同幾十萬就咁 蠢呀!」壽明自九四年起,掌管企業銀行部,與企業客戶關係密切。該部門員工指,壽明喜歡佔小便宜,例如有次壽明向其中一客戶訂購家居用品並要求送貨。送貨 當日,應門者是一位操不純正廣東話的北方佳麗,她對貨品諸多不滿,並要求退貨,壽明於是着下屬跟進。「雖然佢有俾番錢,但係買嗰一千幾百蚊貨,自己喺街買 都得啦,佢都好意思要個客送上門!但嗰次就俾我哋知道,佢有個北方佳麗。」 替炒家開水喉而恒生中人更流傳,這北方佳麗正由歐江國際所介紹, 在溫柔鄉中,壽明逐步行入歪路。歐江國際大股東何紀椿,自八十年代已開始炒樓搵錢,十年間買賣半山御花園、大坑柏景臺、北角賽西湖等二十個物業,為他帶來 近八千萬利潤,當時全部物業均由新華銀行提供信貸。直至九四年,歐江轉與恒生來往,當年歐江以近一億四,買入會展中心十七樓全層寫字樓,並透過恒生尖沙咀 加拿芬道的市場部主任黃大偉(已潛逃往加拿大),向恒生申請十成按揭貸款。黃大偉把歐江的申請,交由壽明「把關」的信貸部分析,初部獲得信貸經理盧沛成批 核。由於貸款額遠高於物業一般的七成按揭成數,故不獲他的上司、信貸部助理總經理陳德榮批核。後來作為總經理的壽明,趁陳德榮放假,向歐江批出這筆貸款。 而何紀椿為答謝盧沛成和黃大偉,向各人贈送價值由三萬到五萬不等的勞力士錶。不到一個月,歐江又向恒生申請按揭貸款,以二億三千萬購入會展中心二十六樓。 陳德榮同樣不贊成,壽明並在其他同事面前,直斥他「無膽鬼,有生意唔識做」。最終恒生以八成六按揭額向歐江貸款,何紀椿事後向壽明贈送一隻鑲有紅寶石、價 值十九萬五千元的男裝勞力士,及一隻女裝的勞力士錶。自此,歐江與壽明的「合作」無間斷。 樓價狂瀉露端倪何紀椿還指示兒子何小海,成立空殼公司, 與友人製造虛假交易,然後向恒生申請逾九億元的信用狀,以增加物業按揭成數。九四至九七年間,歐江透過恒生按揭的物業近三十宗,涉及金額近五億七千萬,都 是海怡半島、御花園、愉景灣等當炒住宅物業。壽明到法國旅遊,曾由何紀椿送出頭等機票,以及支付共五萬元旅費,二人都會相約在文華東方酒店作「交收」。恒 生職員更相傳,每次壽明外遊,歐江都會介紹女伴相隨。壽明貪污的醜陋面目,隨着九八年金融風暴令樓價狂瀉六成而逐漸現形。歐江於九八年起,未能如期還按揭 貸款,恒生內部就揭起賬簿來查看,事件才得以被揭發。九八年度恒生企業銀行業務出現五億四千萬元營業虧損,由盈轉虧(九七年賺十三億),作為企業銀行業務 的主管,壽明難辭其咎。及至九九年六月,廉署正式邀請壽明協助調查,從此他與恒生三十五年賓主之情就畫上句號。而這位由紅褲子出身,攀上恒生第三把交椅的 銀行家,令名譽董事長利國偉大跌眼鏡。 尖沙咀分行打江山壽明自十八歲中學 畢業後便加入恒生銀行當練習生,對零售及押匯業務都熟識。他不斷自修,八九年成功考取香港銀行學會理事會成員資格,兩年後升為營業處主任,駐守尖沙咀加拿 芬道分行。當時恒生的貿易融資業務,分為幾個小組負責。壽明的加拿芬道分行,是九龍區貿易融資交收中心,他當日被稱為「標頭」。那時候,壽明已經很懂得與 客戶交往。「每逢過年,他都會叫啲伙記幫佢約客戶拜年,過年過節啲客送禮在所難免,而壽明嘅下屬都好識做,幫佢約咗客就算,到時候唔會一齊去拜年,免得尷 尬或麻煩。」壽明舊同事說。不久,恒生把所有貿易融資隊伍統一合併,並搬往總行,由壽明執掌整個貿易融資部。 上司下屬齊墮馬九六年,由董事長利國偉一手扶植的行政總裁歐肇基,升為副董事長, 大權在握,新一代領導層亦旋即上位,陸觀豪任副行政總裁,另外莫偉健、黃建群和壽明任總經理。恒生在歐肇基帶領下,作風變得積極進取,尤其積極拓展企業融 資,更由壽明主理企業銀行及國內業務,其中貸款予中資企業較積極,如九六年向中旅國際、上海實業等安排共數以十數億計的銀團貸款。在歐肇基掌政期間,恒生 的貸存比率大幅上升,由九四年百分之四十,升至九七年百分之六十。壽明跟着歐肇基上位,然而歐肇基於九六年,以內購形式,以特惠價三千五百萬向客戶之一的 熊谷組,購入玫瑰園獨立屋;出入揸保時捷跑車,與一貫銀行家踏實的作風有別。歐氏於九八年三月突然請辭恒生,其後壽明亦因收受利益,而被迫停職。壽明今次 被判入獄,銀行界人士都表示唏噓,「只差三年就退休,有成二千萬退休金,佢真係戇居啦!」一華資銀行家說。 主謀背景歐江國際的大股東是何紀 椿,也是本案主謀,他是浙江溫州人,其叔父輩在台灣生產尼龍絲。七九年何紀椿才由國內到港,靠轉口尼龍絲返大陸而賺錢。歐江國際成立於一九八八年,寫字樓 設於尖沙咀東海商業中心,同鄉黃作民說:「佢對人都幾闊綽,之前只知道他在半山有好多住宅收租,還經營江南邨酒樓,成日請人食飯。」何紀椿與公司一名廿多歲上海女子搭上後,太太陳美蓮便跟他離婚,二人育有兩子一女,何小海是長子,現在服刑。何紀椿在兒子被捕前已潛逃國內,在杭州及上海經營地產,生活仍逍遙。 |