2009-04-09 AppleDaily
| ||||||
| 自金融海嘯爆發，股市樓市近排至叫做升番啲，但我哋特首連同各級官員，繼續不厭其煩同大家講，最差時候仍然未到。平民聽到會積穀防饑，但打開門口做生意嘅，似乎有個問號喺頭殼頂！好似TVB電視廣播（511）總經理SK鄭善強，就似乎對政府呢個講法有啲存疑。 高官係時候收口 SK 噚日同華華等一眾傳媒朋友嚟次「善強飯局」，佢話照佢所見，TVB嘅廣告今年頭一季係跌，但踏入4月份好明顯見到好轉，而廣告某個程度係反映經濟環境嘅指 標。佢又覺得，政府係咁唱淡，會唔會嚇親喺香港做緊生意同埋想嚟香港做生意嘅人呢？照咁講，政府似乎係時候反思一下，邊個先係唱衰香港嘅罪人！講開SK， 雖然唔會見到佢喺幕前，但查實忙到好似幕後大老爺咁。好似呢排，佢就忙於同官府反映搞數碼廣播後，網絡容量唔夠嘅問題，當中牽涉到空中網絡提升呢啲咁技術 問題，希望今年底獲批。另外，佢又忙於搞擴大收視調查範圍，事關以往收視調查，只係覆蓋700呎或以下嘅住宅，但數碼廣播後，觀眾大部份係來自700呎或 以上住宅，所以，舊調查其實已經反映唔到真實情況。 唔夠水搞數碼廣播 佢話希望6月份搞得掂，但o依家業界仲未有共識，事關擴大範圍一定加重電視台成本，而o依家有人唔肯畀錢。唔知係邊個唔肯科水呢？ | ||||||