ZKIZ Archives


中環在線:小小超借老竇錢本利還清 李華華

2008-08-22  AppleDaily

噚 日係超人旗下長和系派發成績表嘅日子,無獨有偶,細仔小小超李澤楷檔8號仔亦揀同日公佈業績。不過,小小超噚日冇蒲頭,有口痕友話可能費事應付記者提問佢 嘅感情問題。大家關心李澤楷嘅感情事,相反小小超就非常關心香港前景,佢最近接受「英國廣播公司」(BBC)訪問時就話,香港貧富懸殊係全世界最嚴重嘅, 擔心會影響香港競爭力同埋影響社會穩定。佢仲話,低收入同成本高昂,已經成為廣大市民創業嘅絆腳石,令港人失去向上爬嘅機會,受害會係成個社會。

香港要珍惜眼前優勢

此 外,香港回歸祖國都唔短時間,家仍然保住金融中心呢個角色,佢希望香港可以珍惜眼前優勢,例如保持透明度高嘅政府,同埋繼續享有新聞自由,唔好只係當自 己係中國其中一個城市,如果唔係就可能優勢盡失,遲早俾深圳或上海取代。據報道講,喺訪問時,小小超個公關不厭其煩咁向記者解釋,當年小小超向老竇借咗4 億美金買STAR TV後,早已連本帶利還清。即係話小小超已自立門戶成為超級富豪,對外界經常將佢嘅發迹,同老竇李嘉誠掛鈎,似乎仍然耿耿於懷。
中環 在線 小小 超借 借老 老竇 竇錢 本利 還清 華華
PermaLink: https://articles.zkiz.com/?id=1841

中環在線:小超戴博士帽老竇老婆No Show 李華華

2009-05-25  AppleDaily





 

四叔李兆基添乖孫好歡喜,香江首富李嘉誠亦不讓其專美,長子Victor李澤鉅噚日獲加拿大西安大略省大學,頒授榮譽法學博士學位。據講今次係Victor首個博士學位。

首次做博士只得保鑣傍住

「第 一次」的確係好寶貴,咁啱遇着狂風兼黃雨,更加令人難忘。唔知係咪貴人出門招風雨,又或者超人忙於公務,搵商機抗通脹,抑或怕搶咗個仔風頭,所以並冇現身 力挺乖仔;更奇怪嘅係,超人媳婦、小超人老婆王儷橋依舊低調,冇帶仔女一齊嚟同老公分享喜悅,只見兩名長實(001)公關同兩名保鑣傍住,場面好似爭咁 啲。不過Victor都喺台上坐足全程,差唔多個幾兩粒鐘,睇埋學位頒授典禮先至鬆人。咁難得着住件博士袍,Victor臨走前拉埋兩位企足全程嘅保鑣、 長實公關大員,同埋一位拖篋叔叔一齊合照留念,仲笑到見牙唔見眼。之但係,Victor可能趕時間返屋企同家人共敍天倫、同爸爸加餸慶祝,冇接受傳媒訪 問,不帶走一片雲彩就走咗。其實Victor喺美國史丹福大學攞到土木工程學士同埋結構工程碩士學位,今次獲加拿大嘅大學頒授榮譽博士學位,可能係佢同加 拿大有一定淵源,皆因長和系公司,尤其係Victor做主席嘅長江基建(1038),一直有投資加拿大。李華華 LiWaWa@AppleDaily.com



中環 在線 小超 超戴 博士帽 博士 老竇 老婆 No Show 華華
PermaLink: https://articles.zkiz.com/?id=8414

中環在線:撐老竇代言產品祖名掃霸王股票 李華華


2010-7-28  AD





 

霸王集團(1338)旗下洗頭水嘅致癌疑雲搞咗成兩個星期,最後要出動埋國家食品藥品監管局,嚟力撐產品唔會影響健康,之不過投資者似乎唔係太領情。上星期好多長線基金好似富達、未來資產咁,都排住隊沽霸王,所以霸王股價雖然已經累計跌咗兩成,但大家依然唔太敢撈底。

不過,凡事都有例外,除咗霸王老闆陳啟源身先士卒增持股份之外,霸王大名鼎鼎嘅代言人成龍……個仔房祖名,原來都有趁霸王股價暴瀉時,低吸霸王股份!

房祖名日前喺內地一個公開場合話,覺得霸王呢單嘢係因為有名人代言,引起大家關注,先至特別容易受到攻擊,所以佢喺霸王股票狂跌時就掃咗好多貨。

咁o依家批貨賺定蝕呢?祖名就好坦白咁承認做咗大閘蟹喇,不過佢堅稱睇好霸王長線行情,仲話股價一反彈,佢就會變有錢人o忝!投資銀行德銀似乎都同祖名一樣,覺得係時候博反彈,總共用咗成3億銀掃貨。

雖然祖名力撐老竇代言產品冇問題,但有內地網友就好有心機,總結咗成龍咁多年來代言產品嘅表現,例如小霸王遊戲機,公司最後倒閉;愛多VCD,老闆坐監;汾湟可樂,成個品牌銷聲匿迹;開迪汽車,全國賣900幾部……所以喺網上成龍又多咗個新綽號:「廣告殺手」!

李華華
 



中環 在線 撐老 老竇 代言 產品 祖名 名掃 霸王 股票 華華
PermaLink: https://articles.zkiz.com/?id=17058

中環在線謝瑞麟家和萬事興老竇唔再告阿仔 李華華


2010-11-30  AD




 

珠光寶氣大團圓結局!唔係講無記套劇,而係講謝瑞麟(417)兩父子恩怨錄!謝瑞麟噚日透過謝瑞麟珠寶出通告,話唔再告佢個仔仔謝達峰,兼唔附帶何條件咁話。雖然未知係咪真係父子情仇一朝了,但肯定謝家上下,包括做夾心人多年嘅新抱,謝瑞麟珠寶主席謝邱安儀最開心。

珠 寶大亨謝瑞麟兩父子嘅恩怨,講起真係幾峯迴路轉!早年阿仔爆老竇大鑊,話老頭子2008年非法提供回佣畀旅行社同虧空公款,最後搞到自己同阿爸同埋個高層 齊齊鋃鐺入獄,而老謝舊年底出冊後,又走去告坐緊監嘅阿仔,話佢趁自己破產嗰陣,侵吞抵押畀瑞士銀行嘅謝瑞麟珠寶股權……總之兩仔爺實行有你無我。

豪門恩怨反高潮

查 實豪門恩怨近呢幾年華華見唔少,新地(016)兄弟鬩牆、華懋千億爭產、新鮮熱辣仲有單南豐媽媽告南豐囡囡,老謝父子呢單,華華其實都係擔定凳仔等睇戲 咋,點知有和解呢個反高潮,證明塵世間冇嘢係拆唔掂嘅。總之,冇父子係冇隔夜仇嘅,始終血濃於水,家和萬事興,家衰「告」不停,希望老謝父子從此拍檔,將 盤生意做好,回饋吓班小股東啦!

李華華

LiWaWa@AppleDaily.com


中環 在線 謝瑞麟 謝瑞 家和 萬事 興老 老竇 竇唔 唔再 再告 告阿 阿仔 華華
PermaLink: https://articles.zkiz.com/?id=19854

宏霸入股美礦企不務正業?!中環在線:老竇豬變採礦豬 李華華

2011-1-13  AD 




 

「老竇豬」陳振 聰同「女朋友」「豬豬」龔如心屋企人爭產單官司,呢幾日審緊,作為男主角,理應好唔得閒,但係原來佢仲有時間打理自己檔宏霸數碼(802),而且近排仲動 作多多,上星期呢頭宣佈配股集資,又賣埋資訊科技產品銷售業務,噚日就話入股美國採礦公司做咗「採礦豬」,似乎有啲不務正業噃。

據宏霸通告 講,集團向投資公司Avalon買入喺美國場外交易議價板上市嘅Spartan Gold(SPAG)6.1%股份,呢間SPAG主要喺美國從事採礦及勘探業務,同做開射頻識別(RFID)產品嘅宏霸九唔搭八,但宏霸就撐話,可以為 SPAG提供RFID技術,應用喺採礦方面,總之有協同效應啦!

持股跌至17%疑似散水前奏

咁買個礦又要使幾銀呢?呢次入股總代價5070萬蚊,雖然宏霸上星期先至集咗資,但係今次就用每股3.25蚊發行1560萬股宏霸新股支付收購,咁即係間接引入Avalon做股東,佔擴大後股本4.82%。

話時話,宏霸舊年下半年配過兩次股,加埋上星期嗰次同埋今次發新股收購,單一大股東華懋集團所持龔如心遺產股權,會由舊年年中嘅23%攤薄到20.3%,陳振聰就由22.25%降到落17.38%……咁多嘢搞,唔通係散水嘅前奏?


宏霸 入股 美礦 礦企 企不 不務 正業 中環 在線 老竇 竇豬 豬變 採礦 華華
PermaLink: https://articles.zkiz.com/?id=21350

「愛的證據」 陳擬公開18段影音 郊遊片曝光陳自稱老竇豬 龔僅喚老竇

1 : GS(14)@2011-01-11 08:11:22

http://www.hket.com/eti/article/ ... b-850195?category=m
代表陳振聰的御用大律師Ian Mill表示,預計今日將可完成上訴陳詞。(張永康攝)

華懋慈善基金代表資深大律師張健利,料今或明起開始反駁陳方理據。(張永康攝)








在龔如心爭產案敗訴的商人陳振聰,昨正式提出上訴,並擬在庭上將二人共18段影音片段曝光,以力證愛侶關係。
庭上播出龔、陳17年前的郊遊片段,龔身穿熱褲及小背心,在攝影師陳振聰指導下,開心扮演汽車廣告女郎,於車前搔首弄姿,甚至坐在車頂上擺姿勢。陳自稱「心肝寶貝、老竇豬」,又呼龔為「珠珠」,但龔僅稱陳為「老竇」。
陳振聰一方上訴其中一項理據,是原審法官忽視他與龔如心的親密關係,為證明兩人是愛侶,陳向上訴庭呈上18段共長40分鐘的影音片段,片段更附上中英文字幕,猶如看電影一樣。
龔熱褲背心 車前扮模特兒
昨日首度在庭上曝光的4分半鐘片段攝於93年6月,當年33歲的陳振聰與57歲的龔如心,於清水灣郊遊,片中只見龔如心一人,略帶鄉音的男聲來自當攝影師的陳振聰,片中沒有其他人。
根據陳早前曾在庭上作供,他與龔如心於92年3月間相識,23日後更有親密關係,當時正值其妻譚妙清懷有第一胎,陳稱經常到龔入住的華懋起居室過夜。
片段中的龔如心梳一條辮、頭頂有紅蝴蝶結,身穿粉藍色背心、白色熱褲及前面有蝴蝶結的白色短外套,踏上一對白色高跟鞋,不時望着鏡頭咧嘴而笑,在銀色凌志汽車前行來行去,俯在車身擺姿勢及搔首弄姿,儼如模特兒。
陳指導拍照 不時向龔撒嬌
陳振聰擬定拍攝主題是扮拍攝賣車廣告,並提議「送俾Toyota,問佢賣唔賣股份出嚟」,龔如心聽罷一臉天真回答:「Toyota幾好㗎。」
龔在鏡頭前沒停下來,在車前不時擺出雙手托腮擺姿勢,對着鏡頭與陳說話,並與陳討論車,陳覺得「Toyota算最好囉」,龔卻表示「始終唔係好鍾意日本車……好似好豆泥」。
其間龔在車前走到另一邊,向陳說「老竇,個隻顏色好靚」,主意多多的陳提議龔作狀駕車,龔隨即坐在司機位,陳一邊拍,一邊耐心教導她如何駕車,提醒她不要亂動。
當龔天真爛漫說「開」時,陳隨即指示她「唔好呀,呢個珠珠」,龔卻表現儼如小孩一樣,拉低車窗向陳開玩笑說「Hello……我自己開咗走,留低你喺度」,陳即撒嬌回應:「唔好呀、留低個老竇……呢個珠珠……」
已閱呈堂資料 官叫停播放
當龔練習駕車期間,她提醒陳後面有車輛駛過,陳邊拍邊笑說「撞唔到老竇豬嘅……一陣撞親心肝寶貝點算喎。」龔未加理會,突然查問車頂的玻璃天窗如何開啟,片段中陳伸出戴手錶的左手指導龔開啟。龔成功開車窗後,將頭伸出天窗,及後更整個人坐在車頂上,露出腿部擺姿勢,並提議「呢個俾威威坐最好,個頭擠係度」,陳即附和「即刻可以賣廣告,珠珠、唔准郁呀,繼續做戲,仲有成30分鐘架……依家先做得8分鐘咋」,最後陳似乎擔心龔坐在車頂上,更指龔「你阿珠珠、嚇死人嘞」。
相信片中龔如心提及的「威威」是她養的一頭牧羊狗,據資料顯示,龔如心對愛犬感情深厚,甚至會帶同出席董事局會議。
首段片段播放後,隨即出現龔如心只穿背心及戴紅帽的模樣,惟上訴庭副庭長羅傑志即表示毋須再播放,因法庭已看過呈堂的資料。案件編號:CACV62&101/10。
2 : 鱷不群(1248)@2011-01-11 20:40:34

明明叫老竇,上庭就老作話叫老公,仲敢播出來,真係豬
3 : GS(14)@2011-01-11 20:47:06

2樓提及
明明叫老竇,上庭就老作話叫老公,仲敢播出來,真係豬


咁個法官都話唔使播晒,他又唔豬得晒

不過真是好應景
4 : GS(14)@2011-01-11 21:55:12

千億遺產上訴案 法庭播放四分鐘
龔如心、陳振聰親密短片曝光

http://hk.apple.nextmedia.com/te ... 104&art_id=14856889
5 : GS(14)@2011-01-11 22:39:40

擅打民事遺產官司 華懋案代表基金方
  2011年1月11日

【明報專訊】余若海可算是近年最炙手可熱的金牌大狀,他曾與律政司長黃仁龍同屬一個大律師辦公室,余擅長打民事及遺產官司,近年曾多番代表政府,處理教院聆訊、皇后碼頭司法覆核等案件。

南豐家族案件,余若海代表楊福和一方,另外華懋慈善基金與陳振聰的案件中,余去年亦伙拍張健利代表基金一方。年前,電盈(0008)私有化案,電盈母公司盈拓亦是聘用張健利及余若海兩位星級資深大律師。余亦曾代表合和(0054),出席合和2期的城市規劃上訴委員會聆訊。

有大律師曾透露︰「一個普通的silk(資深大律師)上庭一日收費約10萬元,資歷特別高的更不止此數。」他續說,資深大律師及大律師的收費,多為每日計算。

余若海於1957年出生。1978年及1979年在香港大學分別取得法學士學位及法學專業證書,並於1980年取得英國倫敦大學法學碩士學位。他於1979年在香港獲大律師資格,1995年獲委任為御用大律師,並自2003年起出任高等法院原訟法庭特委法官。現時雖是私人執業,亦獲委任為高院原訟法庭特委法官。
6 : GS(14)@2011-01-11 22:40:10

金牌大狀2.45億購山頂大屋
大律師余若海 成梁朝偉街坊
  2011年1月11日

【明報專訊】當時得令的資深大律師余若海,近期以2.45億元,呎價約4.16萬元向莊士機構(0367)主席莊紹綏,購入山頂樂善美道3號屋,與同為資深大律師的陳志海及影帝梁朝偉,一同成為樂善美道、和福道一帶的業主。


余若海是立法會議員余若薇的胞弟,近期承接多宗全城關注的官司(詳見另稿)。本報昨致電余若海辦公室,查詢購入該物業的有關情,惟至截稿前未獲回覆。

面積5887方呎 另連1500方呎花園

消息人士向本報透露,余若海於公布徵收額外印花稅之前,已經落實有關交易,仍有待數個月內收樓,才正式成為該屋的業主。該屋為近期山頂極少放盤的洋房之一,該屋曾於2004、2005年放售,當時曾向傳媒開放拍攝。

該屋樓齡雖近40年,但由於近年經過翻新,所以仍然十分簇新。該屋面積約5887方呎,另有車房,而花園及平台空間等合共4000多方呎,單是花園已有約1500方呎。全屋享有翠綠山巒及南區景色。

玻璃天幕 客廳內可觀星

這間山頂獨立屋約有3層高,地下一層,當年採用較少見的玻璃門分隔花園與客飯廳,令本身面積已達數千呎的客飯廳,更具空間感,業主並特意將玻璃相連的天花位置,改裝成玻璃天幕,令業主可以在晚上一面坐在客廳火爐旁,一面遙望天際。

該屋客廳樓底特高,中央建有火爐,兩張梳化令業主可圍覑火爐對坐,由於山頂燈光較市區少,住客晚上便可透過玻璃天幕,坐在梳化,「望月亮、數星星」。大廳採用躍式設計,首層尚有廚房以及偏廳,改作影音室;1樓則為3間客房並連偏廳,其中一房間更連覑逾千呎的平台,屬花園外另一個舉行戶外活動的地點;2樓則為主人套房。

鄰居有鄭裕彤女婿

樂善美道一段自成一隅,私隱度甚高,只有5幢洋房,其中新創建(0659)副主席、新世界主席鄭裕彤女婿杜惠愷,便持有1號屋。近日杜惠愷,聯同中央政策組非全職顧問兼太平紳士胡曉明,及樂善美道4、5號屋的業主入稟高院,指毗鄰另一豪宅喬苑非法侵佔地皮後,用作興建管理員辦公室,要求法庭頒令拆卸。資料顯示,3號屋的業主未有參與入稟。

另外,余的行家、資深大律師陳志海,於02年底以4028萬元購入和福道單號屋,大屋已升值至約2、3億元。另外國際巨星梁朝偉與妻劉嘉玲,亦於約06年,以7380萬元購入和福道另一間單號屋,大屋已升值至約2億元。
愛的 證據 陳擬 公開 18 影音 郊遊 曝光 自稱 老竇 竇豬 龔僅 僅喚 喚老
PermaLink: https://articles.zkiz.com/?id=272511

自認入行靠父蔭杜如風靠老竇找卡數

1 : GS(14)@2015-01-11 20:21:53





自從無綫播出《流行首爾》之後,主持杜如風被網民封為「世界級港女」,成為部份網民嘅狂插對象。有人話佢成日咁鍾意買嘢,質疑佢屋企係唔係好有錢,先至成為「天生購物狂」。其實,杜如風唔係大家想像咁「大富大貴」,佢曾經講過自己唔買嘢會身痕,中學擁有人生第一張信用卡,就碌爆咗!搞到爸爸媽咪好頭痕,碌爆卡嘅次數更多不勝數,後來佢媽咪要用到調低信用額,等佢碌唔到。杜如風都多謝爸爸退休前一直幫佢找卡數,屋企人冇要佢破產。依家有收入嘅佢,又出旅遊書、寫專欄、出騷,搵搵埋埋應該都夠使。而作風大癲大肺嘅杜如風,一向冇咩秘密,惟獨係真實年齡,神神秘秘唔肯講。翻查維基(Wiki)網頁,早前曾標註佢嘅出生年份係「1982年5月16日」,即係32歲;後嚟又有人改咗佢出生年份係「1979年5月16日」,即係35歲;2010年有報道話佢當時「33歲」,即係依家可能約「37歲」,真實年齡依然不詳。但就有曾經喺北角衛理小學讀書、兼夾係杜如風同班同學嘅「二五」爆料,指杜如風出生年份係1975年。由此推斷,杜如風今年五月,應該會踏入40歲。





來源: http://hk.apple.nextmedia.com/entertainment/art/20150109/18996864
自認 入行 行靠 靠父 父蔭 蔭杜 如風 靠老 老竇 竇找 找卡 卡數
PermaLink: https://articles.zkiz.com/?id=287120

蘇打綠旺添丁小威阿福齊做老竇

1 : GS(14)@2015-03-29 12:28:02





■蘇打綠昨在北京記者會上即場唱《小情歌》。


【北京直擊】台灣樂隊蘇打綠昨日在北京舉行「蘇打綠2015再遇見」世界巡迴演唱會記者會,首站演出將會在今年5月於北京工人體育場舉行,接着會在上海、廣州、成都、南寧、重慶、西安、香港、首爾、多倫多及洛杉磯等多個城市巡迴演出。繼鼓手小威去年於香港舉行的演唱會中,在逾萬名觀眾的見證下向女友Sunny求婚後,在今次的記者會上,又再接二連三傳出喜訊。事隔短短一年,小威宣佈與太太造人成功,他說:「今年是人生踏入另一個階段,現在已經差不多時間可以講,不過fans早前應該在微博看見迹象,我真係要多謝『送子哥』(青峰),他的魅力真的蠻厲害。」直到記者會的尾聲,小威又稱有一件事忍不住要說出來,他大爆阿福亦快要當爸爸,阿福表示前日才知道BB是男的,工作人員及團隊知道後均祝福他。接着青峰加入趁熱鬧,他大爆老闆也快當爸爸,想不到「送子哥」的威力認真厲害,不但令曾合照的人妻紛紛懷孕,連共事的男同事亦一同受惠,認真厲害!



■阿福及小威輪流當爸爸,青峰不負「送子哥」之名。

■青峰被家凱(右)撞破嘴,笑指對方故意。DV圖片

■現場歌迷反應熱烈,聽到舉手和應。



香港站玩神秘

事後蘇打綠接受訪問,問到小威還有否秘密要爆?小威笑言:「還要爆?我已經說了史上最大秘密,我們這個團隊藏不住秘密。(BB男定女?)還沒知道,但過了三個月,所以可以說。」在記者會進行期間,他們在台上唱《小情歌》時發生小意外,事緣青峰本來遞咪給結他手家凱,誰不知對方表演太投入,將咪不小心撞向青峰的嘴唇,事後破了唇的青峰笑說:「家凱心機好重,一路以為是表演,根本想報復,他是故意的,現在沒事,已經習慣了。」後來,又問他們為何演出地方惟獨欠缺台灣?但被青峰扮驚說:「這個問題不可以問的。」不過成員馨儀表示因為他們剛剛在台灣演出完,希望隔一段時間才再做,今次希望給一些之前看不到的歌迷欣賞,至於香港巡迴站的日子?青峰搞笑地說:「不可以說,不是四月、五月及六月,是否七月?我甚麼都不知道。」採訪、攝影:曾小嘉





來源: http://hk.apple.nextmedia.com/entertainment/art/20150328/19092793
蘇打 綠旺 添丁 小威 阿福 齊做 做老 老竇
PermaLink: https://articles.zkiz.com/?id=289073

鄭中基搵老竇夾Band

1 : GS(14)@2015-04-11 11:25:59

鄭中基近日忙於為主演的電影《全力扣殺》宣傳,同時亦要籌備明年的個人演唱會。他早前接受訪問時透露,對上一次開演唱會已是2006年的事,明年剛好相距十年,他說:「上次開演唱會時話希望下次唔使十年之後啦,所以打算2016開,而且出年係爹哋(鄭東漢)70大壽,佢後生時候鍾意夾band,可以借呢個機會同佢慶祝同埋請佢上台夾band玩下。」鄭中基目前正為演唱會的細節開會,同時為明年新碟定方向及揀歌,希望在演唱會有新歌唱,他說:「驚唔夠歌同埋真係好耐冇出碟,預計明年下半年紅館開三到五場,囡囡Emma話佢要上台跳舞同唱《Twinkle Twinkle Little Star》喎。」採訪:何永寧





來源: http://hk.apple.nextmedia.com/entertainment/art/20150410/19106826
鄭中基 鄭中 搵老 老竇 竇夾 Band
PermaLink: https://articles.zkiz.com/?id=289454

接老竇棒搵銀 欣宜預告錫錫秋官

1 : GS(14)@2015-06-15 08:45:28

鄭欣宜接父親鄭少秋(秋官)棒,為保健食品擔任代言人,昨日更於清水灣片廠拍攝新一輯廣告。欣宜得悉成為該品牌代言人後,即時將消息告知父親:「因為廣告入面要跳舞,所以我將排舞片send咗佢睇,佢都話睇咗好多次。」問到可會想超越父親的舊廣告?欣宜笑謂:「冇諗過要超越,只係想年輕一代都接受呢啲保健食品。爸爸嗰個廣告old school啲,而我哋呢個就新潮啲,首歌會用番,但就會重新編過曲。」


■秋官當年的廣告歌,早已唱到街知巷聞。互聯網圖片

父親節同老竇拍拖

早前秋官表示希望父親節收到女兒的吻,欣宜笑謂:「錫面珠咋?錫面珠冇所謂,我哋見親都會咁做。」欣宜透露已定好日子跟秋官慶祝父親節,並稱二人像約會一樣食飯行街看電戲,已是最好的父親節禮物。此外,提到早前擔任側田個唱嘉賓,對方更有意邀她擔任往後巡唱嘉賓,欣宜說:「搵我啦!其實我開頭都有啲擔心,因為要同佢跳啲較親密嘅舞,都驚佢啲fans會謀殺我,但見而家反應咁好,都好開心。」採訪、攝影:譚倩宜





來源: http://hk.apple.nextmedia.com/entertainment/art/20150613/19182421
接老 老竇 竇棒 棒搵 搵銀 欣宜 預告 錫錫 秋官
PermaLink: https://articles.zkiz.com/?id=290982

記得《阿笨與阿占》嗎 紅猩阿笨已14歲做老竇

1 : GS(14)@2015-10-07 01:51:19

日本節目《阿笨與阿占》早年大受歡迎,為觀眾帶來唔少歡樂,不過猩猩阿笨自二、三年前開始已絕跡螢光幕,趁住阿笨啱啱喺10月1號過咗14歲生日,諧星志村健就去動物園探吓阿笨,睇吓佢嘅近況,呢個過程就透過前日播出嘅節目《志村動物園》特輯播出。志村健當年同阿笨經常合作,直頭當佢仔一樣,呢一日志村健帶住蛋糕去動物園探阿笨,仲同佢玩自拍,阿笨冇見一排已經大隻咗好多,原來已經做埋人老竇,阿笨嘅囡囡就透過節目首度曝光,志村健仲形容係孫女已經出咗世,仲話俾阿笨爬頭做咗老竇咁話。





來源: http://hk.apple.nextmedia.com/entertainment/art/20151005/19321373
記得 阿笨 笨與 與阿 阿占 紅猩 猩阿 笨已 14 歲做 做老 老竇
PermaLink: https://articles.zkiz.com/?id=292810

遭後母懷疑偷錢13歲仔俾老竇頸鎖鐵鏈

1 : GS(14)@2015-10-10 23:44:18

重慶一名13歲男童小強,本月1日遭繼母懷疑其在家中偷了200元(人民幣‧下同),生父便在其脖子上鎖上鐵鏈,猶如行枷刑般懲罰。「她(繼母)說我偷錢,所以用鐵鏈子拴着我。」小強稱,當日早上覺得肚餓,便從家中拿去2元買東西吃,但他回家後,繼母便懷疑他偷去200元,並向小強的親生父親告狀。父親十分生氣,打了兒子一頓後,便用鐵鏈拴住其脖子,並在鏈子上加了把鎖。小強戴了5個多小時的鐵鏈後,姑媽趕到其家中,要求小強父親打開鎖鏈,但遭拒絕。姑媽決定報警,生父才打開鐵鏈。姑媽表示,自從小強的繼母上門後,小強就一直過得很「艱苦」。在小強剛滿6個月時,小強的父母就離婚了,小強一直是由爺爺嫲嫲撫養,而父親一直在外打工。3年前,生父重組家庭,小強開始跟隨父親和繼母生活。姑媽說:「自從孩子跟繼母在一起生活,就沒過一天好日子,每天都吃不上早飯。」從那時起,小強就要挑糞、挖地、收莊稼的重活。由於小強的成績不好,平時很頑皮,只有中學程度的父親,常常用打罵的方式進行教育。小強的父親一直靠電單車拉貨為生,兒子的生母離家出走後,由於缺乏母愛,小強性格孤僻,沒有上進心,學習成績很差,非常貪玩。嫲嫲並不認同,「孩子確實有點叛逆,學習成績也不好,但誰小時候不是這樣,難道都要拴着鐵鏈子?」繼母則表示自己並未虐待過繼子。小強的姑媽表示,會向法院提出訴訟,爭取小強的撫養權,由她自己來撫養他。《重慶晨報》





來源: http://hk.apple.nextmedia.com/international/art/20151009/19326661
後母 懷疑 偷錢 13 歲仔 仔俾 俾老 老竇 竇頸 頸鎖 鐵鏈
PermaLink: https://articles.zkiz.com/?id=292985

毛記主播晒冷 敢言新一代羅若Off感化老竇

1 : GS(14)@2016-01-18 00:57:44

「好似返咗工唔知有冇兩日,咁啱做《六點半左右新聞》時,話要做個學生議題,佢哋話我把聲似僆妹,咁就做咗啦!」人生第一份工,無論工種或時間,明顯和父母的期望有落差:「入嚟做已經係自己做過最盡嘅事,因為我同屋企人政見唔同,佢哋又話我晚晚好夜返,問我做呢份工值唔值得。直至《毛記分獎禮》,阿爸同事原來有睇,仲同番佢講,呢排佢對我嘅態度改變咗,仲寸寸哋咁講『幾好,你都幾受歡迎!』其實嗰一刻好感動!」真名:真.卓文迪(23歲)毛孩之前身:大學剛畢業毛孩之育成:應徵做PA,返第二日就調到幕前毛孩之特色:經常學生打扮





來源: http://hk.apple.nextmedia.com/entertainment/art/20160116/19454661
毛記 記主 主播 播曬 曬冷 敢言 新一代 羅若 Off 感化 老竇
PermaLink: https://articles.zkiz.com/?id=294351

廿四孝老竇做司機學友哼住歌 接細女放學

1 : GS(14)@2016-02-08 03:00:11

【親自接送】■張學友前日下晝5點鐘,包到冚喺擺花街等細女放學。








【中環】今年張學友同羅美薇踏入結婚20周年,二人先後育有15歲大女張瑤華同10歲細女張瑤萱。向來好注重家庭同私隱嘅學友夫婦,多年嚟為咗保護愛女,甚少一家四口高調出巡,以至兩女極少曝光,細女樣貌更係從未俾傳媒影過。近排學友除咗忙宣傳新戲,原來佢亦趁空檔,每日做柴可夫接女兒返學同放學。前日下晝5點,記者發現駕駛着黑色Range Rover嘅學友,頭戴cap帽面戴口罩,包到冚喺中環擺花街現身。而一直坐喺車廂入面聽着headphone嘅學友,嘴郁郁似哼住歌。其間曾經有途人向學友座駕行注目禮,但坐喺車入面嘅學友依然氣定神閒耐心等候。



【步行上車】■張學友細女張瑤萱(右)上車之前由一個中年女人帶住。DV圖片

【五官標致】■只得10歲嘅張瑤萱,同媽咪羅美薇有幾分相似。DV圖片


■張學友同羅美薇一向注重家庭同私隱,甚少全家高調出巡。資料圖片

五官標致似媽咪

學友足足等咗25分鐘,着上學校運動服嘅細女張瑤萱,就由一個中年女人帶住步行上車。現場所見,呢位從未曝過光嘅張家二小姐,雖然今年只得10歲,但已長得亭亭玉立,眼大鼻高,標致五官仲有幾分似媽咪羅美薇。佢臨上車前,好眼利咁望到記者影相,於是即刻快速縮入車廂。學友曾講過因為自己太錫囡囡,搞到屋企多咗兩個公主:「佢哋連洗衣機都唔識開,將啲衫拋到周地都係,我仲要幫佢執,真係自作自受,我都有份寵佢哋,我教女好渣!」其實兩個女兒有廿四孝爸爸照顧周到,就算做公主又何妨?採訪、攝影:梁繼光、黃曉程





來源: http://hk.apple.nextmedia.com/entertainment/art/20160205/19479978
廿四 四孝 孝老 老竇 竇做 司機 學友 哼住 住歌 接細 細女 放學
PermaLink: https://articles.zkiz.com/?id=295409

大發跟老竇學踢波

1 : GS(14)@2016-02-10 14:19:48

韓國綜藝節目《超人回來了》的宋一國三胞胎退出之後,很多觀眾都將注意力轉移去李同國的可愛囝囝大發身上。前日,李同國首次教大發踢波的片段在網上曝光,似乎身為足球員的他想大發將來繼承父業。


李同國


片段中,大發對足球充滿興趣,兩隻腳仔不停踢來踢去,最後更犯規用手推波。李同國就教練上身,對大發說:「用腳踢,不要用腳趾踢!」據知大發曾於周歲宴上抓了足球,令人期待他有望遺傳了父親的好腳法,成為出色球員。





來源: http://hk.apple.nextmedia.com/entertainment/art/20160210/19485445
大發 跟老 老竇 竇學 學踢 踢波
PermaLink: https://articles.zkiz.com/?id=295746

王力宏再做老竇老婆遮肚睇婦科

1 : GS(14)@2016-02-18 23:32:46

【攞BB小冊子】■李靚蕾以大褸遮肚,前日現身台灣內湖醫院睇婦科。台灣《蘋果日報》


現年39歲的王力宏與內地鋼琴家李雲迪早年在央視春晚合作演奏而結成好友,因為過從甚密而傳出兩人斷背。不過隨着王力宏在2013年高調宣佈與王靚蕾(原名李靚蕾)結婚後,李雲迪亦急急高調晒愛,確認女友田霏身份,亦有網友指是向王力宏「示威」。



【排隊睇婦科】■對於太太李靚蕾懷第二胎,王力宏謂收到大家的祝福。台灣《蘋果日報》

■王力宏於2013年與李靚蕾結婚,翌年誕下一女。資料圖片



睇BB小冊子

婚後一年,王力宏與太太造人成功,誕下女兒王嘉莉,如今嘉莉已一歲半。前日就有讀者目擊李靚蕾現身台灣的內湖醫院睇婦產科,見她穿着平底鞋,披上羽絨外套遮肚,更拿取嬰兒的小冊子來研究,因而令人懷疑她為王力宏懷有第二胎。對於太太的懷孕傳聞,王力宏在短訊中僅以簡單的「謝謝」回覆,似乎默認家有喜事。而昨日凌晨一時半左右,王力宏終於在微博報喜:「謝謝各位親愛的童鞋們。我們收到了你們所有的祝福!」更送上一個心心符號。



放假陪安胎

其實今個農曆新年前,王力宏曾表示要放自己大假,一向有問有答的他對於假期竟保持神秘,似乎是要陪太太安胎。據王力宏友人透露,去年12月28日在王力宏的派對上,曾見過李靚蕾飲酒,似乎當時還未知道自己懷孕。撰文:李森





來源: http://hk.apple.nextmedia.com/entertainment/art/20160218/19494795
王力宏 王力 再做 做老 老竇 老婆 遮肚 肚睇 婦科
PermaLink: https://articles.zkiz.com/?id=296229

王力宏開心再做老竇

1 : GS(14)@2016-03-31 14:48:57

王力宏昨在西九龍出席代言床墊活動,早前其妻王靚蕾(原名李靚蕾)被爆又有喜,二度做老竇的他說:「目前很好,感恩。很多歌迷知道後也祝福我們,很開心。」他表示仔女都沒所謂:「目前還不知道,但無論子或女,只希望身體健康。」此外,台灣藝人藍正龍的太太周幼婷再度懷孕兩個多月,昨日台灣消息指,周幼婷為安心做媽媽,由懷有長女至今已推掉7部片。而藍正龍為搵奶粉錢,除拍多個廣告外,還擔任導演王明台電影的副導助理。採訪、攝影:王連連





來源: http://hk.apple.nextmedia.com/entertainment/art/20160331/19551011
王力宏 王力 開心 再做 做老 老竇
PermaLink: https://articles.zkiz.com/?id=298877

老竇生意上市 股價全日升14倍翠如BB激變19億富千金

1 : GS(14)@2016-04-13 17:08:57

■黃翠如昨日現身撐父親,忽然變19億千金的她,與父親同樣笑到見牙唔見眼。攝影:李潤芳



黃翠如貴為余詠珊愛將,近年劇接劇做到冇停手,成為無綫當家花旦之一。翠如BB撈到風生水起,原來其父黃永華也真人不露相,昨日成為上市公司老闆,旗下土木工程公司聯旺集團(8217)於創業板配售上市。除翠如一家撐場外,準女婿蕭正楠亦現身到賀。而聯旺午後越升越有,越挾越高,全日股價暴升14倍,收市時黃翠如家族身家賬面暴漲近19億元,翠如BB搖身一變富千金。



■黃翠如(左二)與母親(左一)及三位姊妹與男友蕭正楠,昨日均穿得四四正正現身港交所。


港交所昨日最惹人注目的,相信是黃翠如一家,以及跟她情侶檔現身的蕭正楠。昨日黃翠如爸爸黃永華旗下的土木工程公司聯旺集團(8217),於創業板配售上市,股價中午收市報2.7元,較配售價0.26元急升9.38倍,以其持有的4.68億股計算,黃永華家族身家已達12.64億元,午後升幅更厲害,收市報4元,比配售價暴升14倍,身家賬面達18.7億元,翠如家族一日間暴發成19億元戶。翻查招股書,翠如BB父親、58歲的黃永華從事香港土木工程業逾19年,是聯旺集團的創辦人之一,現任執行董事及行政總裁。他在98年和另一創辦人黃智果,每人夾了一萬元成立公司,聯旺的主要業務是在香港承接土木建築工程,包括道路及排水工程。


■黃翠如父親黃永華的建築公司昨日正式上市,收市報4元,全日勁升14倍。互聯網圖片

讚父親好叻仔

昨日翠如BB偕蕭正楠執到靚靚撐爸爸場,事後她在facebook貼出父親的照片,並留言道出爸爸的勵志故事:「老爸由賣魚小販做到地盤工人,由手板被冰壞到腳板被地盤釘刺穿,苦了很多很多年,前幾年老爸說要退休,我第一個舉腳贊成,然而,他卻沒有停下來,今天是爸爸的大日子,不再是你為我們驕傲,而是我們為你驕傲,老竇,好叻仔。」翠如BB一家現時住在馬鞍山聽濤雅苑,雖然是私樓,但市值不過800萬,並非大富人家之宅,加上翠如BB以往被影到出入乘搭火車港鐵,跟鄭裕玲去旅行時買化妝品亦要狂格價,一直予人屬圈中慳妹一名。而且翠如BB早年在訪問中,曾透露自己出身低下階層,家中五姊妹和父母住藍田木屋區,當時一家七口睡兩張床,而黃父早年做小販,有幾年在九龍灣街市賣魚維持家計,因此黃翠如童年時經常流連街市。到她讀中四時,父親轉做裝修判頭,環境才開始改善。因此,不少人對於翠如BB父親公司上市,而且身家億億聲,均感到嘖嘖稱奇。



蕭正楠未入市

從草根變富戶,翠如BB昨日回應本報時表示:「好開心,多謝關心,冇乜回應喇!」繼續保持一貫低調。女友忽然成億萬千金,有讀者爆料指翠如BB今次亦帶挈男友蕭正楠和其家人進賬不少,但據知翠如BB和蕭正楠因拍劇拍通宵,昨日臨急臨忙趕到現場時,蕭正楠才得知黃父公司的上市編號,因此蕭正楠並未能因此發橫財。採訪:王梓嫚





來源: http://hk.apple.nextmedia.com/entertainment/art/20160413/19568387
老竇 生意 上市 股價 全日 14 倍翠 翠如 BB 激變 19 億富 千金
PermaLink: https://articles.zkiz.com/?id=299217

做住掌上壓湊女老竇逗得BB開心笑

1 : GS(14)@2016-05-08 02:56:09

別說太忙沒時間做運動了!美國加州有爸爸告訴你,湊仔、做家務、工作都只是藉口,只要你有心,就算要照顧孩子,都一樣可以繼續運動,更可哄得孩子開心,有助促進與孩子的感情。從周三上載的YouTube短片中,一名父親一邊做掌上壓,一邊親吻躺在地板的女兒,哄得女嬰很開心。每次父親親吻女兒後,女嬰都會開心得手舞足蹈呢!英國《每日郵報》





來源: http://hk.apple.nextmedia.com/international/art/20160507/19602000
做住 掌上 壓湊 湊女 女老 老竇 竇逗 逗得 BB 開心
PermaLink: https://articles.zkiz.com/?id=299958

13磅重兼激似老竇JC囡囡已識轉身

1 : GS(14)@2016-05-25 10:04:13

■JC愛女Tessa剛滿兩個月,JC留言指愛女喜歡啜手。互聯網圖片


女模Jessica C.(JC)昨日亦在Ig分享囡囡Tessa剛滿兩個月的新照片,胖胖的Tessa似足爸爸安志杰的樣貌,JC代女以英文留言:「我兩個月大了,我身長24吋,重13磅。我每晚醒來兩次。我喜歡吃手手。我是一個相當強壯的女孩,我俯卧時可以提起頸部和懂得轉身。我有時會很多話說,我也喜愛笑呢!」



■Tessa(圖)健康活潑,輪廓似足爸爸安志杰。互聯網圖片

安志杰。資料圖片



來源: http://hk.apple.nextmedia.com/entertainment/art/20160525/19626208
13 磅重 重兼 兼激 激似 似老 老竇 JC 囡囡 已識 轉身
PermaLink: https://articles.zkiz.com/?id=301461

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019