ZKIZ Archives


馮仁昭四圍超:杏兒學煮餸等嫁

1 : GS(14)@2015-07-30 08:26:44

回復自由身嘅胡杏兒,噚日去咗廣州出席活動,近排有傳佢將於年底喺英國同男友李乘德(Phil)結婚,杏兒笑笑口話:「恭喜我乜嘢呀?冇呀,未呀,總之所有嘢唔係自己公佈,唔可以當真,而家好多傳聞,有啲人話我去英國結婚,連我自己都唔知。」前排有報道話杏兒將會豪貼200萬包辦童話式婚禮,杏兒話呢個都唔係事實,童話式婚禮亦都唔係佢想要嘅嘢,所以唔會講太多。不過問到佢如果將來結婚會唔會幫手畀啲錢?杏兒笑話:「呢啲我唔理喇,我梗係蹺埋雙手,如果有人娶我梗係人哋畀喇,呢啲係誠意。」講到理想嘅求婚儀式,杏兒話:「未發生喎,我唔知呀,我覺得誠意最緊要。」


■杏兒與Phil越愛越高調,早前被拍到手拖手行街。資料圖片

佩服林夏薇閃婚

跟住又問杏兒會唔會好似林夏薇閃婚?佢笑住話:「我好佩服佢,好犀利,真係可以呃到你哋(傳媒),但係我覺得每個人有唔同嘅選擇,如果係嘅話,我自己覺得唔使咁秘密,你哋都會戥我開心嘛!」日前杏兒喺Instagram大晒廚藝,為爹哋媽咪親自下廚,睇嚟佢係為做人妻做準備,杏兒話:「呢啲年齡去練吓都差唔多,都要學吓呢啲嘢,如果唔係生活會好乏味同枯燥,唔可以淨係得工作。」撰文:馮仁昭





來源: http://hk.apple.nextmedia.com/entertainment/art/20150730/19236598
馮仁 仁昭 四圍 杏兒 兒學 學煮 等嫁
PermaLink: https://articles.zkiz.com/?id=291882

莊思明等嫁楊明

1 : GS(14)@2016-05-24 10:27:38

莊思明、艾威、林熹瞳與張松枝昨日到屯門為電影《囧到洛杉磯》拍攝煞科戲,思明前晚從吉隆坡探完男友楊明班,兼探望父母返港,問到媽咪對男友印象如何?她說:「唔知呀,幾好啦。」她本人就給楊明好高分,最欣賞男友待自己好。思明多番表明跟男友認認真真發展,至於何時結婚就交由男友回應,她就會儲錢待嫁。父母未知她在街頭錫錫成為了封面相?她笑說:「可能遲啲會不停放閃,等大家唔會大驚小怪。」艾威首次擔任男主角,跟身兼監製、編劇及演員的林熹瞳對稿時經常爭拗,幸好兩人埋位後又沒有事,早前到美國取景近一個月,艾威指感覺像打入荷李活,林熹瞳坦言過程中獲益良多。採訪:馬建華攝影:陳慧安





來源: http://hk.apple.nextmedia.com/entertainment/art/20160524/19624541
莊思 思明 明等 等嫁 楊明
PermaLink: https://articles.zkiz.com/?id=301278

【姊妹等嫁】王君馨爆男友求咗婚

1 : GS(14)@2016-09-01 06:24:22

處女黨的成員最近戀情甜蜜蜜,除岑麗香和男友強強打得火熱之外,30歲的王君馨相信是下一位待嫁新娘,日前她出席活動時承認男友已求婚,待對方由紐約來港找到工作後,再計劃結婚大事。


另一位未嫁的處女黨成員苟芸慧,雖先後傳出撻着朱璇男友湯珈鋮、葉澍堃細仔葉瀚華,近日又與富三代陸恭和傳緋聞,但苟姑娘通通否認,感情仍未有着落。至於人妻鍾嘉欣就剛榮升做媽咪,於上月誕下7磅5安士囡囡Kelly(左圖);李亞男去年嫁王祖藍後,祖藍更擲逾1億元於大埔買入三千呎豪宅。




來源: http://hk.apple.nextmedia.com/entertainment/art/20160901/19755723
姊妹 等嫁 王君 馨爆 男友 求咗 咗婚
PermaLink: https://articles.zkiz.com/?id=307022

【處女黨員】王君馨等嫁

1 : GS(14)@2016-10-10 00:43:49

處女黨中堅分子王君馨、鍾嘉欣、李亞男和岑麗香感情早有着落,連苟芸慧亦與陸漢洋打得火熱。


王君馨

4年前自爆是處女的她,今年8月承認獲拍拖11年男友Daniel求婚,日前Daniel更由美國來港與王君馨甜蜜約會。


岑麗香

去年10月被本報發現跟圈外男友Joshua拍拖行街,其後香香大方承認戀情。


鍾嘉欣

上年秋天與加拿大脊醫Jeremy閃婚,今年2月於溫哥華行禮及擺酒,鍾嘉欣並於8月誕下囡囡Kelly。


李亞男

與拍拖6年男友王祖藍去年2月於教堂舉行婚禮,繼而翌日在香港迪士尼舉行婚宴,成處女黨最快出嫁一個。




來源: http://hk.apple.nextmedia.com/entertainment/art/20161008/19794434
處女 黨員 王君 馨等 等嫁
PermaLink: https://articles.zkiz.com/?id=311175

吳若希送上門翻撻男友等嫁

1 : GS(14)@2016-10-24 04:20:55

■吳若希上月在社交網自爆跟闊少男友Alex分手,近日又傳火速復合。資料圖片



入行以來是非及緋聞多多的吳若希,上月自爆與澳門闊少男友Alex分手後,本月10日又忽然在微博暗示要暫別娛樂圈好好休息,因而一度傳她懷孕。不過,據本報了解,吳若希原來已火速跟男友復合,近日她便到澳門陪男友享受二人世界,大肚傳聞實屬流料。



■日前吳若希宣佈暫別娛樂圈,原來是與男友過二人世界。互聯網圖片

■吳若希月前被發現與Alex搭經濟艙到泰國旅行。資料圖片


意氣嗌分手

據了解,Alex想與吳若希到美國結婚生仔,拍拖沒多久已求婚,今年初曾於社交網展示百萬支票,揚言要養女友一世,甚至提出幫女友與公司解約,但偏偏篤信風水的吳若希,深信師傅所講要在2018年後才可結婚,由於Alex不停催婚,吳若希為此問題經常與男友嗌交,二人大吵一鑊後,吳若希一時意氣下嗌分手。不過,吳若希嗌分手後感到極不開心,不停在社交網暗示掛住Alex,據知情人士說:「吳若希主動過澳門搵Alex,好快就復合咗,跟住一人讓一步,Alex唔使女友去美國,吳若希就同無綫請咗一年長假,過去澳門陪男友,不過吳若希堅持2018年先結婚,佢覺得而家仲養得起自己,唔使睇人面色做人,如果佢唔自己賺錢傍身,第時有乜事佢咪食屎。」


購900萬豪宅

至於吳若希大肚傳聞,知情人士指實屬流料說:「佢都唔想咁快結婚,點會畀自己大肚呢?而且佢之前去旅行,如果大肚仲點可以玩潛水同skydive?」據知本月中吳若希更榮升業主,豪擲9百多萬購入何文田新盤何文田山畔細單位作投資,又在澳門與友人合作搞生意,其男友Alex還陪她在澳門睇舖位。記者日前就復合等事致電吳若希求證,她透過短訊回覆說:「我放緊假,唔喺香港,唔會回應任何新聞。」採訪:皓騫




來源: http://hk.apple.nextmedia.com/entertainment/art/20161023/19809234
吳若 若希 希送 上門 翻撻 男友 等嫁
PermaLink: https://articles.zkiz.com/?id=313278

【溫哥華直擊】香香等嫁強強 戴鑽戒晒幸福

1 : GS(14)@2016-12-17 23:54:19

■昨日香香左手無名指戴上巨型鑽戒,在溫哥華的餐廳見傳媒。記者羅德光溫哥華傳真



【香香出閣】現年32歲的「香香公主」岑麗香,本月初在Instagram宣佈與拍拖一年多的男友強強(Joshua)在加拿大溫哥華結婚,踏上人生另一個階段。婚禮將於加拿大時間17日、即香港時間明日舉行,香香昨日在當地一間日本餐廳舉行記者會,交代婚禮細節。


靠姊妹幫手籌備

身穿紅噹噹價值5千多元、Canada Goose羽絨褸的香香,十足十聖誕老人,她的左手無名指戴巨型鑽戒,但強強未有現身。香香由經理人和助手陪同到場,受訪時難掩喜悅,不時流露出幸福甜笑,她說:「好開心呀見到你哋(傳媒)!強強唔係artist,唔好畀佢去咁public event。」



■自公佈喜訊後,香香收到不少祝賀。

■香香(右三)由經理人及助手等陪同下開記者會。

■香香與強強打算享受二人世界,暫未有造人計劃。

■婚宴將於當地的Fairmont Hotel Vancouver舉行。

婚後要分隔異地

據悉婚宴將於當地一間歷史悠久的Fairmont Hotel Vancouver舉行,酒店外型似一座古堡,宴會廳好有宮廷感覺。香香宣佈婚訊後收到好多祝福,但籌備時間卻好花工夫,她解釋:「我大部份時間喺香港,planning for我係難啲,惟有靠上網同姊妹幫手,強強呢段時間都做好多嘢,我鍾意嘅嘢都係佢幫我,辛苦佢。」香香坦承與強強最夾的地方是大家都好有童心,她說:「我哋兩個都似小朋友,搵咗手拖手嘅Gummy Bear做主題,人人都有糖食。」香香直言喜歡白色聖誕,為遷就各方好友,特別選聖誕前夕舉行婚禮。而婚後可能仍需分隔兩地,但會先放一個長的蜜月假期,問會否立即造人生B?她說:「唔會,仲有時間,享受二人世界先。」香香未有透露「處女黨」姊妹誰會出席,但肯定王君馨不會到場,她說:「因為婚禮同台慶頒獎同一日,我人生最大日子,都希望佢同時間攞獎。」採訪、攝影:黃曉程、羅德光




來源: http://hk.apple.nextmedia.com/entertainment/art/20161217/19867799
溫哥華 直擊 香香 等嫁 嫁強 強強 鑽戒 幸福
PermaLink: https://articles.zkiz.com/?id=319356

陳珍妮收鑽戒等嫁吳璟儁做政制局政助?

1 : GS(14)@2017-08-06 18:41:18

黃紫盈唔做大台主播,自由身事業運仲好,先後為有線電視、nowTV、新城電台做過主持。閒時都有接下工作,做活動司儀,又拍下自己節目。可能掛住大台主播呢個招牌,對出路真係有幫助,呢幾位同行就知道喇:陳珍妮只係加入咗大台新聞部4年,已經儲夠經歷,仲出咗本書做《TVB新聞部血淚史》,講述呢4年嘅辛酸史。上個月,同樣做傳媒嘅男朋友以鑽戒求婚,不過陳珍妮就嫌男友表白唔清楚,求婚過程一啲都唔浪漫。駱文捷講起駱文捷可能未必有印象,但將地名瓜達拉哈拉錯讀做「哥凸啦X拉」呢位女主播,大家應該會知。駱文捷其實喺上個月都宣佈咗離開TVB,至於新工就係市場推廣及公關。鄭萃雯一畢業就喺大台新聞部工作,一做就係11年。鄭萃雯上個月中同TVB講拜拜,去職業訓練局做公關。佢仲話新工時間會穩定啲,方便照顧兩個小朋友。柳俊江喺大台新聞部任職8年,離職後喺香港愛護動物協會做過中國外展總監。柳爺現時為古天樂出資成立嘅facebook專頁「fool club」做旗手,之前亦都喺電影《雛妓》粉墨登場。吳璟儁大台新聞部台柱,《講清講楚》主持,專跑政治新聞,早前盛傳佢將會出任政制及內地事務局政治助理。不過日前公佈嘅首批副局長、政助人選就未見佢個名。




來源: http://hk.apple.nextmedia.com/entertainment/art/20170806/20112983
珍妮 鑽戒 等嫁 嫁吳 吳璟 政制 局政 政助
PermaLink: https://articles.zkiz.com/?id=339894

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019