ZKIZ Archives


對抗納米樓靠石膏板間房玩懸浮提升空間感

2017-06-01  NM

近年發展商不斷推出俗稱劏房盤的納米單位,吸引一眾心急上車的年輕人,發展商賺盡之外,連帶裝修相關行業商機處處。三十一歲的劉志衡(Penny),家族經營裝修行業多年,坦言「由細到大好憎呢行」,但因近年劏房盤湧現,令他對設計產生興趣,在五年前更決定自立門戶,成立PL Interior Design,專幫一眾年輕人設計細單位。Penny的公司至今已接獲三十多單生意,最擅長是用多種方法,解決劏房盤各種問題。但他就指,近年建築工人薪金颷升,加上遇到不少麻煩客人,都對他的生意構成壓力,他又如何拆解?

Penny接受訪問後,立即帶記者到完工的單位訪問。其中一間「成名作」,就是位於荃灣中心、實用面積三百七十七呎的單位,由一對母子居住。兒子Elvan就指:「一入到嚟已經好殘舊,畢竟呢度都好多年。」最後用了二十多萬,將客廳打造成連酒吧的空間:「我自己同媽咪嘅朋友,都覺得好似酒店式。我有時都會請朋友上嚟飲酒,播放啲音樂,真係已經好似酒吧一樣。」記者見單位以白灰色為主調,牆身用上各種花紋。特別之處莫過於客廳裝上大型酒櫃及吧枱,而吧枱內原來是用來放鞋,一物二用。Elvan更笑指日後結婚,都會搵Penny設計家居。近年二手樓市冰封,新樓的裝修成為各設計公司的主要「戰場」,一眾設計師都要想盡辦法搶佔年輕客人市場。Penny本身家中從事裝修行業,中學畢業後就跟隨父親到工場。他坦言一開始「覺得工場好污糟,成日都想離開呢行,一開始完全無好感。」但他愈做愈感興趣,加上身邊不少朋友都開始成家立室,不少都搬進劏房盤找他裝修,於是他五年前決定修讀設計課程,再自立門戶:「嗰時老豆無咗我幫手都有啲失望,但係佢做熟客多,年紀都有番咁上下,我自己就想做年輕客人多啲。」

開店即遇麻煩客

由於Penny多年來都是在工地埋頭苦幹,當獨立出來面對客人,少不免經常「撞板」。他指公司創辦不久就遇上麻煩客人:「成個工程一路都無問題,但去到臨完工,收尾數時,佢會提出好多普通客人唔會要求嘅問題,例如磚與磚之間嗰條縫嘅顏色,唔係百分百佢所想,唔想俾剩餘費用。之後我同爹哋傾,佢就話個客同你講咁多嘢,都係想你俾優惠。」他心灰道:「你對人好,都唔係個個客可行……」

兩招吸劏房盤客

Penny續指,為了吸納更多年輕客人,除了在Facebook宣傳之外,更與賣樓app合作,希望「買樓裝修」一條龍。現時公司有一半生意都是四百呎以下的單位,由於年輕人購買劏房盤比例愈來愈多,他表示:「好多二百至三百呎嘅單位,屋主都想好似住喺四、五百呎單位一樣。」他經驗所得,有兩招在他設計中經常使用。

招數一:石膏板砌臨時房

近年石膏板被視為建築業界「恩物」,因為裝嵌較傳統磚牆容易,加上厚度較薄、可隔音、防火,施工期較短,適合用在劏房盤中間房,Penny表示:「有啲客住兩年就走,可以用嚟間房,因為佢唔似傳統磚牆要做批盪,泥水係要用時間乾,一個單位去計,砌磚連人工大約一至兩萬,石膏板就可以平一半或以上。」他表示,現時大部分細單位都用上石膏板,而這材料可自行剪裁合適的大小:「依家假天花都會用到,當然無磚咁耐用。」

招數二:玩懸浮加空間感

傳統櫃枱都是以座地為主,Penny稱沒有變化之餘,放在細單位上更見侷促,所以近年就興起懸浮設計:「由地下度上嚟,六至八吋左右,令到整體空間感擴闊,喺櫃底就會安裝LED燈。」而有新興的床亦用上懸浮技術:「承托係可以嘅,視乎自己的體重,張床雖然係懸浮,但佢都有承托腳架。」

不斷加薪留員工

二十六歲就開設自己的公司,難免被一眾前輩級工人看低,他就指創業初期聽過不少冷言冷語:「比起老師傅,我真係算一個初哥,佢哋經驗豐富,我不時都會到單位監工,我就試過提吓啲師傅點做,佢就話呢啲嘢我梗係知,唔使你去提!甚至臨施工時話唔做,我都試過。」他就「點都要忍」:「當同佢哋關係打得好嘅時候,所有問題都能夠解決。」Penny的設計公司雖然已上了軌道,但仍要面對員工問題,因近年建造業界不斷加薪,自己都要用各種方法留住員工:「成日都要花心思去了解佢哋情況,或者多啲同佢哋聚會,留住佢哋嘅心,希望佢哋唔好轉工,因為出面都俾好高人工,起碼成二千蚊一日,令我哋做小生意嘅都非常困難。」Penny打算在今年內結婚,雖然工作期間經常接觸劏房盤,但他直言沒有買該類單位打算:「唔會考慮啦""我想組織一個家庭,可能有兩三個小朋友,我驚唔夠住。」

創業錦囊設計公司易賺錢?

做了十多年裝修的Penny就指,現時行內缺乏新人,導致人工不斷上升:「即使乜都唔識,新人入行已經有六、七百蚊一日,做到半年左右就會加人工,一加都係加五十蚊左右,如果醒目嘅話五年就做到判頭。」現時裝修及設計公司如雨後春筍,加上不少公司只以網店發展,令競爭更加激烈:「如果出嚟做判頭,生意就逐單計,一單小工程幾千至一萬不等,但最主要都係要打好關係,同埋手工及售後服務係非常重要。」至於有不少設計師獨立出來開公司,他就指與三行出身各有利弊:「設計師畫圖、對客經驗就會多啲,但喺報價方面,就要好小心,如果三行出身嘅話,呢方面問題會少啲。」

開業資料(5/2012)

租金:$120,000裝修設計:$80,000雜費:$50,000工具及材料:$100,000總計:$350,000(二按一上)

營業資料(4/2017*)

營業額:$375,000人工#:$150,000工程用料:$40,000訂造傢俬:$100,000雜費:$5,000盈利:$80,000*工程以每單計算,此為按月比例#七名散工

撰文:梁延宇攝影:梁正平ed_bn@nextdigital.com.hk

對抗 納米 樓靠 石膏板 石膏 間房 房玩 懸浮 提升 空間感 空間
PermaLink: https://articles.zkiz.com/?id=251204

揀宅設計:白色增空間感

1 : GS(14)@2015-04-09 00:35:36

■客廳電視有斜形特色牆,希望拉遠梳化與電視距離。








實用面積五百餘方呎的兩房單位,內櫳空間一般,設計首要方向是增加空間感,一方面,廳房走白色簡約路線,希望感覺會大些,同時,將廚房變成半開放式兼用玻璃趟門,令廚房變大,走廊變光猛,空間變多,一舉三得。記者:陳阮素攝影:李展翹


原則寢區與廚房之間有窄長走廊,廚房工作枱面以曲尺形設計,現在將廚房牆及門拆走,在廚房入口兩邊安裝灰玻璃趟門,令廚房枱面改成U字形,可以有更多貯物櫃,而平時打開趟門,亦可以將廚房光線引入走廊,改善走廊偏暗問題,又有同時擴闊廚房及走廊的作用。



電視配斜位特色牆

客飯廳本身空間不大,尤其客廳梳化與電視距離較窄,所以刻意配合電視機做了斜位特色牆,當多人坐梳化時,也可以稍稍拉遠與電視的距離,減低壓迫感。另外,女人喜歡買鞋,家中女主人及囡囡都有大量鞋子,所以飯廳設計了一個較大的鞋櫃,但飯廳剩餘的空間不多,惟有從餐枱款式去諗計,選用一張有伸縮性的餐枱,平時無親友到訪時,可以縮細,不怕佔用空間。全屋兩個房間,屋主夫婦選了細房,讓囡囡住進最大尾房。細房要容納夫婦衣物,除了鋪地台貯物之外,特別將原本貼牆的門位,移向中間,令原先只能訂做一個衣櫃的房間,變成有兩個櫃。囡囡房由於夠大,已有地方放置衣櫃,可以配合大型巨曲尺窗,訂造多一張書枱,上網或看書時均有充足光線。由於風水考慮,房門位不想「直冲」床頭,所以在床頭設計條子屏風。



■細房門位移向中間,可容納多一個衣櫃。

■大房的曲尺窗上設書枱,上網看書也夠光猛。





■飯廳餐枱可伸縮,不用招呼朋友時可保持活動空間。

■廚房拆牆改用玻璃趟門,增加空間感。



物業:堅尼地城泓都實用面積:530方呎家庭人數:3人



■平面圖



■設計師 Eric Fung



設計及裝修:Tint International Limited(36643664)歡迎讀者提供單位拍攝及介紹,請將資料傳真23703886或電郵mailto:property@appledaily.com





來源: http://hk.apple.nextmedia.com/financeestate/art/20150307/19066158
揀宅 設計 白色 空間感 空間
PermaLink: https://articles.zkiz.com/?id=289351

家壹特高樓層 擴空間感

1 : GS(14)@2019-05-14 06:42:20

https://www.mpfinance.com/fin/da ... 2916&issue=20190514【明報專訊】市區細單位一向備受追捧,恒地(0012)繼2月份推售旗下紅磡啟岸後,同系長沙灣家壹亦於4月緊接登場。家壹主打1房戶型,單位以3.5米(約11呎6吋)的樓層高度作賣點,空間感十足。項目鄰近港鐵長沙灣站,加上首批單位折實價全數低於600萬元,對鍾情市區的上車客有一定吸引力。

明報記者 謝穎怡

攝影 劉焌陶

家壹屬單幢項目,一層8伙,全盤共200個單位,戶型涵蓋開放式至2房,其中以實用面積244至277方呎的1房戶,佔全盤單位數目50%為最多;開放式單位實用面積介乎199至238方呎,佔全盤37.5%;另有小量2房單位,實用面積458至479方呎,佔約12.5%。樓盤自4月開售至今,累積售出約120伙,佔全盤位總數約六成。

提供200伙 1房佔五成

值得留意的是,項目有部分特色單位附連特大平台,例如面積最細的3樓F室,單位實用面積199方呎,平台面積569方呎。另外,3樓A室458方呎2房戶,平台面積達1615方呎,為單位面積的3.5倍。項目預計2021年4月落成,樓花期約兩年。

家壹設有一個交樓標準示範單位,以18樓E室為藍本,實用面積276方呎,屬1房間隔。甫進大門,旁邊就是開放式廚房,配備西門子家電如微波爐、洗衣乾衣機,並設有便攜式藍牙揚聲器,讓住戶在家中享受音樂。另為增加單位獨特性,發展商為買家提供3種廚櫃顏色,讓買家自由選擇。

單位樓層高度達3.5米(約11呎6吋),讓住戶可裝置高身大型儲物櫃,增加收納空間,各單位亦配備小摺梯,方便提取高處物件。發展商表示,住戶有需要時,可向管理處借取長摺梯。

浴室設於睡房內,以趟門分隔,可作套房。浴室內設有淋浴間、鏡櫃、無線智能充電板等。睡房採用曲尺窗設計,有助增加室內光線。

開放式戶附送組合衣櫃

恒地早前推售紅磡啟岸時,以全盤所有551個單位贈送衣櫃作招徠,是次家壹的開放式單位(F、G及H室)亦附設組合式衣櫃,內置多個間隔,上層為掛衣櫃,下層為抽屜;至於2房單位(A室)會附送多用途收納櫃,可存放鞋履等衣物用品。

家壹住客會所CLUB ADDITION設於項目2樓,佔地約3236方呎,提供VR遊戲設備、閱讀廊、燒烤區、多元健身設施如Queenax多功能訓練系統、Reax體能訓練設備等。

家壹鄰近元州邨、元州商場等,亦有部分舊式大廈,雖然區內新舊交替,但勝在生活配套齊全。事實上,該區近年有不少新晉屋苑落成入伙,如喜薈、喜韻、ONE MADISON。此外,項目雖然不設車位,但住戶經過元州邨即可到達港鐵長沙灣站,交通方便。

[睇樓速遞]
家壹 特高 樓層 空間感 空間
PermaLink: https://articles.zkiz.com/?id=352685

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019