ZKIZ Archives


中環在線:法國輸世盃股神賺大錢 李華華

2010-6-24  AD






 

世界盃都未踢到 16強,但賭波界別嘅「雷米金盃」得主已經提早誕生,佢係邊個?咪股神畢菲特囉!佢老人家仲要係憑住令好多人輸錢嘅法國隊贏大錢,真係賭波都要講命水!

咁 股神係點贏嘅呢?話說乜都賭一餐嘅股神,佢檔巴郡響3月嗰陣賣咗一張保單,內容係如果法國隊捧盃,佢哋就要賠錢畀個客,而佢曾經同CNBC透露,大概要賠 3000萬美金o架!

不過,佢就唔肯披露呢個客仔係乜水,o依家法國隊「衣錦還鄉」,股神亦將啲錢袋袋平安啦!唔知股神會唔會喺下封畀股東 嘅信,爆吓呢個輸客係邊個呢?

至於邊條「o靚」咁醒幫佢老人家賺大錢,之咪係保險部負責人Ajit Jian囉!根據股神向佢班信眾介紹,呢位AJ就係之前幫佢開盤,賭大學籃球比賽可能停辦、百事可樂贊助嘅比賽可能要派彩10億美金等等嗰位仁兄,有啲非 常大又唔尋常嘅事需要投保嗰陣,只需要撥個輪畀AJ就得……原來係「犀利哥」,失覺失覺!

話時話,華華認為股神其實唔只贏咁少o架!如果佢 同我哋成龍大哥賭「巴塞」捧唔捧到世盃,直頭揭幕禮未開始都有錢收啦!

李華華

LiWaWa@AppleDaily.com
 



中環 在線 法國 輸世 世盃 盃股 股神 神賺 大錢 華華
PermaLink: https://articles.zkiz.com/?id=16297

學者股神賺足七倍

2015-03-12  NM
 
 

 

學者,往往給人感覺紙上談兵,但如果能將書面知識與實戰結合,可以是另一種「威力」。理工大學管理及市場學系副教授梁劍平,執教鞭已二十四年,拿着經濟學學士、市場學碩士及管理學博士學位;但他炒股不局限於書本上的框框,會自行分析上市公司,結合管理及市場學理論,建立自己組合。其組合市值,在過去三年間,每年連續保持一成半至兩成升幅,個別持股十年來升值七倍,跑贏恒指。在他的組合中,最看好的是煤氣(3)及領匯(823),以下是他的揀股理論。

記者到理大教員室,找梁劍平訪問,希望能讓讀者參透他的炒股玄機。走進教員室,梁劍平已有備而來,桌上擺放好幾吋厚、平日建立起的數據和分析,坐在椅上蓄勢待發。一問及他的愛股中華煤氣和領匯,梁立即拆解它們的業務,一氣呵成說了十五分鐘,記者想插嘴都插唔入。梁劍平揀股有兩大原則:第一,該公司的業務要自己能夠明白,業務愈簡單愈好,「例如中華煤氣同領匯,我都明白到。煤氣喺香港,人人都要用,你同我都識。而領匯嘅獨特之處,係香港有好多商場,主業係營運商場,唔難理解。」第二,行業要有前景,「前景來講,領匯無問題,本地商場永遠係少。而煤氣嘅市場仲未飽和,喺香港做獨市生意,佢而家又去內地發展。」公司過了兩個基本關卡,梁劍平接着會分析公司財務,及股票每年的派息率,「股票每年要有三至四釐嘅股息,呢個股息水平嘅benchmark,係跟人仔定期存款,佢都有百分之三至四。」

最愛煤氣

對梁劍平來說,煤氣是他的至愛。他詳細分析說:「煤氣管有特性,起咗無得拆,新公司好難再打入舊市場。而且同電燈公司不同,煤氣加價唔使向政府申請。至於內地業務,水同電就話係戰略資源,一般由內地政府嘅企業來做。但煤氣未去到呢個層面,內地政府發展城市,會邀請中華煤氣去做。中央覺得港資比海外資金更為信得過,所以煤氣有得做。」梁劍平看好中華煤氣的發展,拿起桌上收集到的數據,如數家珍,「管理層每年都會新增十五個項目,而按近年的成績,中華煤氣都做到,推測未來都可以維持到每年十五個新項目,每個新項目需要兩至三年才能運作暢順,並開始節省成本,收益可以明顯增加。」

四叔好帶挈

煤氣還有一個特色,其他上市公司少有,就是人稱「四叔」的中華煤氣主席李兆基,多年來讓中華煤氣派發紅股。梁劍平分析指出,這是四叔自己一舉兩得的安排,散戶同時搭了順風車。「用紅股代替部分現金股息,可以幫公司慳番資金去發展。而且,四叔自己手上多咗股票,只要公司股價唔跌,派息唔變,佢實質上係升咗值。」中華煤氣派紅股加部分現金股息,收益率平均一成二,由於公司同年的純利增長往往在一成三以上,高於紅股和現金股息總值,令公司的現金股息可隨時加碼。梁看破四叔從煤氣賺錢的秘密,○四年以五萬六千四百元買入一萬股煤氣。連股價升幅、紅股和現金股息,這項投資十年間升值超過七倍,現時總值達四十六萬七千元。

中華煤氣進軍內地近二十年,初時由四叔與內地政府洽商項目。現時,四叔年事已高。不過,梁劍平不擔心假如煤氣不是四叔掌舵,內地業務無以為繼,「煤氣入咗去咁耐,四叔嘅手下都同內地官員熟晒,有關係,無四叔都做到嘢。」今年初,梁劍平分三次沽出手持的一半煤氣股份,共三萬股,均價十七元六毫,「煤氣一年只係得一次升浪,要睇三月業績報告宣布派息及紅股情況。人仔近來貶值,煤氣有唔少營業額來自內地,業績會受影響,所以沽咗部分先。」不過,梁認為煤氣前景良好,若股價跌至近期低位十七元時,可以買入。

十年炒股之路

翻看梁劍平的學歷,梁正式踏入職場前,在加拿大獲經濟系學士學位。他一九八○年畢業,首份工是香港一間化工廠的銷售部門。四年後,梁轉到澳洲工作,其間再修讀市場學碩士。隨後他在澳洲雀巢公司,負責市場策略工作。一九九○年,他離開商場,回到理大任教至今,並修讀遙距的管理學博士學位。教授變股神之路,源於十年前梁劍平不時聽見大學的同事討論股票,「聽得多自己都想試吓玩。雖然嗰時唔識股票,但我係marketing出身,公司嘅財務分析難唔倒我。初期學分析時,我有參考前基金經理東尼喺《壹週刊》嘅專欄、其他媒體報導同埋網上資料。玩得耐,慢慢有自己一套模式。」他每天回校前,會先看一小時《經濟日報》新聞,回校後再花一至兩小時看AAstock,更新市場訊息。晚上回家後,再看一至兩小時新聞。他說自己的興趣就是看新聞,雖然花上很多時間,但妻子和兒子都沒有怨言,「一來個仔已二十多歲,大咗。二來我睇新聞,都係坐喺佢哋隔籬!」閒時他會換上運動裝,在理工大學裡緩步跑,或者逛街,巡視「業務」。

買領匯做收租佬

梁劍平的另一愛股,是領匯。領匯是房地產信託基金,旗下有兩百多間商場,會將大多數盈利用作派息,散戶等於間接投資商場來收租。他研究過,港府規劃地區時,人口有一定比例才會批准起商場,「你睇日出康城起咗三期,都未有一個商場。加上近年來,自由行帶起商場嘅估值。唔旺嘅商場業主純收租金,旺嘅商場,甚至可同商戶分成。而家領匯嘅租金,同市場租金有好大差距,平均呎租只是四十二蚊,所以領匯有得做。」領匯現價四十七元,升多跌少,梁認為是因領匯有二百多個商場,每年都有一批商場的租約結束。這時管理層往往把握機會,將商場翻新並重新定位,「續租時,領匯往往要商戶執到同商場形象吻合先俾續租,其他商場而家都係跟領匯做法。」此外,領匯每半年重新釐定估值一次,然後在簽新租約時加租,所以領匯的股價走勢,與每股資產淨值變動的方向一致。估值上升令每股資產淨值上升,股價亦隨之上升。

進軍內地有隱憂

近年來,領匯出售香港商場,計劃騰出資金到深圳買商場,開拓新市場。梁劍平認為有危亦有機,「內地商場嘅加租速度慢,頂多一成。加上內地地方大,內地人好興喺網上購物,玩淘寶。」梁認為領匯進軍內地,就要動腦筋做好O2O,將網上平台同實體店結合,才能生存,「我覺得佢哋唔會咁笨嘅,都運作咗咁多年。佢而家係想搵內地商場執好佢,令商場估值上升。」梁指出,自己去年十二月底,一度以均價五十二元全數沽清領匯持股,合共七千股。不過,在二月中,又再以四十九元七毫買入二千股,「喺去年年底,領匯最新的每股資產淨值係四十八元,但股價升到五十二元,已經偏遠價值近一成,我見好價就賣咗先。」來到二月中,領匯估價回落,加上預計三月公布業績時,每股資產淨值會上升,所以又再買入,「我都無計錯,之前領匯去到五十三元就見頂跌番落嚟。但領匯前景好,喺四十八至四十九元的水平,我都會再加注!」

學者 股神 神賺 賺足 足七 七倍
PermaLink: https://articles.zkiz.com/?id=135578


ZKIZ Archives @ 2019