ZKIZ Archives


女人天下中環在線--女股神撐股神劉央:爆胎比亞迪炒得過 李華華

2010-10-28  AD




 

有「股神」畢菲特照住嘅比亞迪(1211)第三季業績爆胎險炒車,無數嘅股神信徒忐忑不安,到底呢隻神級車股點玩落去?係咪要學股神咁愛佢一生一世?華華惟有竭盡所能幫大家搵「女股神」、西京投資主席劉央指點吓迷津!

40蚊會有支持

劉 央噚日出席理士國際(842)投資者推介會之後就話,比亞迪係隻完美嘅炒股(Perfect trading),原因係市值大、流通量又多,再加埋畢菲特咁趣味性嘅故事。咁點玩法呢?佢話對上一次6、7月份,喺45蚊左右買入比亞迪,等升到58蚊 沽出;到呢一次「爆胎」事件,佢相信比亞迪會喺40蚊水位有支持;而理據係比亞迪主營業務唔錯,又喺中國做生意,之不過咁,仍要睇大環境同政治因素。各位 「1211車隊」成員不妨參考吓。

劉央一向好「豪」,畀咁多記者圍住嚟問,點會淨講一隻股咁Dry!佢仲講吓近排啲新股,話大家熱捧嘅四環 醫藥(460)管理層定價過於進取,嫌太貴所以冇買;因為佢相信Mark價咁高有機會跌落嚟,到時再買都未遲,佢作為一個價值投資者,未必一定要喺招股嗰 陣買新股,二手市場買入都一樣,好似10月頭掛牌嘅融創中國(1918),喺IPO嗰陣以2000萬美金認購,但上市後一直潛水,至今都未返過家鄉(招股 價3.48元),佢認為跌到得個3倍市盈率,已經差不多係極限,未來只會有增長空間,所以佢又已經增持咗一批貨!至於噚日佢現身撐場嘅電池股理士國際,佢 就掟咗3000萬美金入飛。

「女股神」最後仲話,大家記住炒股唔炒市呀!

李華華


女人 天下 中環 在線 女股 股神 神撐 撐股 神劉 劉央 爆胎 比亞 迪炒 炒得 得過 華華
PermaLink: https://articles.zkiz.com/?id=18895

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019