ZKIZ Archives


投資的天空:熊市炒賣要知足 投資的天空:熊市炒賣要知足 上周筆者以「勿用耳朵代眼睛」為題,籲讀者不要盲目跟隨消息入市,4萬億元人民幣救市方案未必就有化腐朽為神奇之能,結果兩周過去,大部份個股依

2008-11-23  AppleDaily


 

上 周筆者以「勿用耳朵代眼睛」為題,籲讀者不要盲目跟隨消息入市,4萬億元人民幣救市方案未必就有化腐朽為神奇之能,結果兩周過去,大部份個股依然乏善可 陳,反而筆者在13700水平造淡,卻有不俗賺頭,並在上周四於11900水平附近平倉獲利,功成身退。周四平倉之後,歐美股市繼續下跌,起初仍只算反 覆,但美國聽證會之後,美股便開始崩堤式下跌,當晚凌晨便收到讀者Annie電郵,話大市擺明再跌,淡倉是否平得太早?筆者今次睇市是否出錯?

跟隨系統買賣

筆 者明白,大市如斯下跌,沽家得勢不饒人,有此疑問實屬合理,正如筆者早前在13700水平造淡,亦有讀者問熊市追沽是否太過危險一樣。其實筆者平倉,皆因 系統目標已達,是否繼續持倉,純看投資者的個人取向,牛市之時,股價總是會升到你唔信,當時大可嫌賺得唔夠,放心長期持有,但熊市市況反覆,賺夠就要走, 要學識知足,唔強求。市場上經常有「專家」預測大市見底點數,其實股市裏沒有神仙,真正專家都估唔到底,何況筆者只係炒家一名?所以士佳常話投資跟系統, 買賣平常心,周四平淡倉後,手中尚餘適量正股,筆者唔敢講已作出最佳決定,但熊市賺錢殊不容易,今次能夠從淡倉獲利,減低日後儲貨成本,已經無憾,亦懶理 當晚美股升跌。結果,周五早上筆者剛覆完Annie電郵,大市隨美股低開,但幅度遠低於預期,不久更展開極地反彈,由11700反彈至13100,市場氣 氛逆轉,投資者即由問筆者「是否平得太早?」,變成問「係咪撈得貨?」。發問上述問題,證明投資者亦被市場牽着走,見升看升,見跌看跌。筆者不知道大市會 否就此見了近期底,但回心一想,如果前一日未有在11900附近平倉,如今大市狂升,肯定會被市況影響判斷,尤其午後大市高開,氣勢何其凌厲,隨時就在最 高位平倉,利潤即時化為烏有。近日筆者捉到市場節奏,在升前叫揸,跌前嗌沽,全靠多年投資及睇圖經驗,圖表會說話,所言非虛,有長期跟進本欄的讀者,近日 應該有所斬獲。熊市之中,需要幫忙的人越來越多,如讀者能從淡倉之中獲利,力之所及,亦應抽出部份利潤幫助有需要的人,多做善事。張士佳
投資 天空 熊市 炒賣 知足 上周 筆者 勿用 耳朵 眼睛 為題 讀者 不要 盲目 跟隨 消息 入市 萬億 人民幣 人民 救市 方案 未必 就有 有化 腐朽 神奇 之能 結果 兩周 過去 大部 個股
PermaLink: https://articles.zkiz.com/?id=4097

知足常樂 股海無涯

http://blogcity.me/blog/reply_blog_express.asp?f=U5ESNT0PL4145585&id=208312&catID=&keyword=&searchtype=

由於少讀書,所以我不知道"財務自由"呢四個字的來源, 甚至到今天我也不懂何謂"財務自由", 但這四個字似乎已是每個投資/投機人的奮鬥目標, 十幾年前還未見過呢四隻字前, 我們這種爛炒的人只認識"發達"呢兩個字...

 

根據字面解釋, "財務自由"是指不需要為財務煩惱, 可以自由自由咁生活. 如果我沒理解錯, 那約95%的人根本不用投資已可達標, 另5%在失業中......

別 以為我又發神經, 這可是我這個weekend的體會. 週六早上行山時遇到一位相熟老伯, 他82歲, 剛入完醫院通波仔, 但已行得快過我, 我要小跑至追得上他老人家. 老伯生果金加綜援, 月入不過4000大元, 住既係自已起既鐵皮屋, 一星期飲兩次早茶, 玩下馬仔, 有病唔睇醫生, 佢話通波仔係佢呢30年第一次見到醫生, 好彩佢老婆係政府度做清潔算係公務員, 所以至可以免費通波仔....老伯好樂觀又好睇得通, 40年前佢係海員, 之後冇得做, 於是就乜都唔做, 佢話佢去完全世界, 覺得做人至緊要開心, 係香港係唔會有人餓死既......(我覺得佢財務自由過我好多)

另一位呀伯七十幾歲, 住我上面, 開會計師樓, 昨日落來看我既裝修以做參考, 大家傾傾下, 佢突然好語重心長咁講:"我呢世人實在錯失太多(發達)機會...." 佢好惆悵因為佢d朋友大多係上市公司主席, 佢問我會唔會有第二波, 似乎仲未死心想發達...

同 兩個呀伯傾完, 我突然有d領悟, 所以今日即刻去左旅行社, 下星期同老婆去九寨睇秋色, 記得98年呢d時候, 曾特首都係去左九寨溝, 99年5月我第一次去九寨, 去到後終於明白點解佢係都要10月份去而唔等到我地11月死晒至去, 事隔10年, 我終於想起呢個塵封多年既心願.... 

知足 常樂 股海 無涯
PermaLink: https://articles.zkiz.com/?id=29007

鏞記正牌大少教路:知足常樂

2012-11-08  NM
 
 

 

鏞記爭產案發展至今,隨著甘健成離世及清盤案於上週三被駁回,身為鏞記創辦人甘穗煇的第三房、甘老太一家人四分五裂,輸盡親情。塞翁失馬,焉知非福。鏞記的正牌大少、亦即甘穗煇的「真正」長子,是二房的甘琨華。他早年是鏞記股東,但被父親安排接掌名氣遠遜於鏞記的鑽石酒家,讓鏞記徹底由三房掌管。○二年鑽石酒家結業,他移居溫哥華,閒時與太太釣魚、寫字唱曲,與世無爭。本週日,記者找到回港探親的甘琨華,說起當年如何抽身而退,他以蘇東坡名詩中其中兩句回應:「日啖荔枝三百顆,不辭長作嶺南人。」說罷,哈哈大笑。沒有失望,他教路:「知足常樂呀!」

七十三歲的甘琨華,眉毛生得長,與其父甘穗煇十分像樣,經常笑意盈盈。上週六晚,偕妻女剛由溫哥華回港的他,出席同父同母的妹妹甘秀玲娶新抱的婚宴。當晚大部分已移民外地的二房及四房兄弟姊妹都回港出席,獨欠爭產的三房。甘秀玲說:「同佢哋都親密,不過較少聯絡;爸爸一直希望我哋兄弟姊妹和睦共處,每逢有咩喜慶,我哋都會一齊出席,我哋一家人真係好開心o架。」說到鏞記,大家只會想起甘健成及甘琨禮;其實甘穗煇有四位太太及十八名子女,元配麥女在訂婚不久後離世,未正式入甘家。三九年,甘穗煇娶了麥玉珍,兩人屬父母之命,共生有甘琨華等七個仔女。甘琨華說,當年其母和父親一齊捱,搞起鏞記,「我阿媽係揹住我整燒鵝,又幫鏞記啲員工車衫。」直至他五歲,爸爸認識了三房麥少珍,即大家熟悉的甘老太。甘秀玲說:「雖然三房都姓麥,但無關係的。爸爸同姓麥嘅人真係好有緣,當年鏞記上手老闆叫麥鏞,又係姓麥!」他們說,媽媽是傳統女人,非常吃得開,而阿爸亦非常「識做」,甘秀玲說:「阿爸買一隻戒指,會人人有份o架。我哋下午飲茶,佢哋(三房)就上午飲囉。」其後甘穗煇再娶四房何雪瑩,這名字由二太太麥玉珍所改,甘秀玲說:「佢正式斟茶入門做我阿媽嘅妹妹,仲成為麻雀腳添!」

由鏞記到鑽石

甘穗煇四二年在上環搞鏞記,四七年又與兩位朋友,在皇后大道中開設鑽石酒家。六十年代再在西洋菜街開分店,由二房打理。直至七四年,甘穗煇與拍檔、龍記企業及新會商會合資於上環德輔道中興建廿多層高的龍記大廈,底下七層作鑽石酒家。琨華被父親安排到新鋪,與四房長子琨廉並肩作戰。而鏞記就全權交由三房的甘健成、甘琨禮及甘琨岐打骰,然而翻查公司註冊處,七、八十年代的鏞記,由甘穗煇持七成股份,其餘三成由甘琨華、甘健成及甘琨禮平分。直至九○年,甘琨華於鏞記的股份突轉手予三房幼子甘琨岐。甘琨華笑笑口說:「呢啲係爸爸嘅安排,佢話點就點囉!」鑽石酒家的名氣一直不及鏞記,會否不是味兒?說到這裡,甘秀玲搶答:「媽媽教我哋做人要知足。」甘琨華望著妹妹,又大笑起來:「係呀,知足常樂!」八十年代中,中英談判期間,鑽石酒家其餘兩位股東有感前途不明朗,欲離開香港,故部分鑽石酒家相繼結業,只剩下上環龍記大廈分店,甘琨華一直在那兒做總經理。直至九三年,他亦開始擔心回歸問題,故於五十四歲之齡提早退休:「我每個細佬妹都去外國讀書,有外國護照,我就一直喺酒樓做嘢。咁啲仔女要去外國讀書,我咪走囉,我爸爸同意o架!」其實,甘琨華於皇仁預科畢業後,曾去香港電台跑了三年新聞,才被父親召回幫忙。他也挺懷念在外打工的日子:「出去打工,一個月有四日假。我返鑽石酒家做,同事年尾收爐,但我係太子,人哋放假,廚房要維修,我都要睇住,幾十年無休息。」

百五萬龍鳳大禮堂

除琨華外,二房的兄弟姊妹皆沒有沾手飲食業,這或許解釋了為何沒有大家族典型的兄弟相爭。二弟琨強在三、四歲時已去世;已故的三弟琨偉是律師,四弟琨得曾在科威特當研究博士,五弟琨泰做資訊科技,大妹秀玲是藥劑師,而細妹惠玲則做酒店管理。琨華退休後,鑽石酒家由四房的大哥琨廉一人打骰,直至○二年結業。甘琨廉說:「咁大間酒樓,我唔想一個人做。」秀玲說:「我哋諗,幢大廈轉為收租都唔錯吖!」他們其後把大廈租予喜悅皇宮,據知每月為甘氏兩房人帶來約四十萬元租金收入。直至去年,更以二點一億元沽出龍記大廈由他們持有的七層,秀玲說:「收租都要管理呀!」公司註冊處資料顯示,持有龍記大廈部分業權的創業有限公司,兩房人共十二個股東,其中三名成員以海外註冊公司持有;決定是否出售,過程難免有爭拗,美玲說:「我哋做每一個決定,都好理解每一個兄弟姊妹感受o架。」她指由於大家都「無咩所謂」,「最終幾個電郵問嚇大家,好快有共識。」

二房及四房一起搞鑽石酒家,即使酒家已結業,仍經常聯絡。本週二,鑽石酒家的雕塑及餐牌等於沙田文化博物館展出,他們齊出席。左起為四房的琨亮、淑玲、愛玲及其丈夫、琨廉;二房的琨華及太太、琨偉太太Susan、琨得、秀玲、惠玲及琨泰。

甘氏家族表

雖然鑽石酒家名氣不及鏞記,但食物質素卻不下於後者。《香江知味:香港的早期飲食場所》一書的作家鄭寶鴻說:「其實我當時都唔知兩間嘢係同一個創辦人,不過嗰時食鑽石酒家隻燒鵝,都覺得味道同鏞記有得揮喎。」甘琨華說,他們用的是鴻基煤,是正宗明爐燒味,父親興建龍記大廈時,起了一條煙囪:「全港只有我哋同鏞記係有煙囪嘅酒樓,之後政府無再批牌喇。」他憶述,雖然鑽石是中式酒樓,但也創造不少西式菜,如沙律煙熏魚及梳乎釐布甸等。但最令人印象深刻的,是鑽石酒家的龍鳳大禮堂,「嗰時都有啲酒樓有龍鳳,但係塑膠嘅,我哋係搵上海師傅人手造,手工好仔細,同埋真係用金箔鋪o架。」琨華指酒家其中三層是大禮堂,七四年興建這些龍鳳雕塑共花一百五十萬元,而每年保養亦是數十萬。鑽石酒家結業後,他們把這些物件連同菜牌、紙袋等近二百件物件收藏,今年二月捐予沙田文化博物館,本週二率先展覽二十件,讓從外地回來的弟妹一起預覽。現時甘琨華在溫哥華樂得清閒,過去曾有傳他打算以鏞記的名義在外地開分店,他說:「根本無可能,你幫我澄清嚇。」然後繼續侃侃而談他的退休生活:「我鍾意釣魚、寫毛筆字。仲喺溫哥華參加咗合唱團,叫溫馨(Vansing)合唱團,出年仲會去上海表演添。」塞翁失馬,最重要可以繼續逍遙自在。

甘家二房物業


鏞記 記正 正牌 牌大 大少 少教 教路 知足 常樂
PermaLink: https://articles.zkiz.com/?id=39605

知足常樂爭氣父子︰我哋係清貧

1 : GS(14)@2015-06-12 08:39:59

【本報訊】「雖然清貧,但我哋兩父子都過得安安樂樂,開開心心。」他們的家沒有冷氣機,只靠兩把小風扇送風,家中洗衣機、電視機、雪櫃,都是別人捐贈,已退休的黃伯現與獨子同住,明年大學畢業的兒子,希望從事會計工作孭起頭家反哺爸爸。為省錢他們平日專買冷藏食物,一次煮幾日餸,之後放入雪櫃食幾日,省吃儉用。可是用了20年的雪櫃近日壞了,「連隔夜餸都食唔返。」被迫外出用膳。現時他們有個簡單願望,就是添置新雪櫃,繼續清苦日子,等待好日子來臨。記者:馮詩媚「冇錢可以慳住用,而家兩父子靠3千幾蚊綜援都生活到,只係儲唔到錢買雪櫃先需要人幫手。」除了晚飯時間,他們都只會開著一個10W(瓦特)的慳電膽照明,光線照不亮全屋,慳儉的黃伯,閒時會坐在燈前,翻開拾回家的舊報紙,舊書籍,「雖然過晒期,但未睇過都當新嘢睇,睇完又可以拎去賣返10蚊、8蚊。」探訪當日,氣溫32度,沒有風吹入屋,黃伯開動廳中一把舊風扇,他一邊講一邊大汗淋漓,兒子阿麟亦抹著汗說「都幾熱,不過已經習慣。」阿麟現時在公開大學修讀會計,明年完成學士課程:「畢業後會做會計文員,養阿爸係必然,之後半工讀,希望考到會計師牌,改善生活。」他說常記住「樹欲靜而風不息,子欲養而親不在」這句說話,一定要反哺爸爸。平日阿麟用家中的生銹書桌溫習做功課,木床代替椅子,狹窄房間只用一個小燈膽,為讀書他向政府借下20萬貸款。課餘,阿麟會彈結他自娛,「玩結他係機緣巧合,兩年前喺附近執到,有少少爛,喺教會學識基本指法,得閒自己練吓。」阿麟小學時父母離異,跟黃伯同住,年輕時黃伯做酒樓待應養大兒子:「佢以前好少出聲,除咗食飯,就匿埋入房睇書;我哋冇多餘錢,個仔好少去街玩,只係星期日返教會。」生活平淡清苦,他們無怨言,知足常樂「生活費慳得就慳,唔會買新鮮餸,雪藏食物平啲,但雪櫃最近壞咗,存放唔到,連隔夜餸都食唔返,好嘥!」回想早前,打開雪櫃發現冷藏食物變壞,才揭發雪櫃失靈,這陣子,他們要外出吃飯,增加支出。阿麟展望明年畢業後找到會計工作,便可自食其力改善生活,不過這刻亟需更換用了20年的雪櫃,現在剩下微風和燈光的雪櫃,望有心人能完成這兩父子的基本所需。經「蘋果日報慈善基金」關顧主任了解後,黃伯家中的雪櫃已失靈,引致在炎熱的天氣下大量食物變壞,無法食用。他盼善長能慷慨捐款,助他能有足夠金錢購買雪櫃。「黃伯」捐款編號:C2017網上捐款:http://bit.ly/1nQRthE蘋果日報慈善基金電話:29908688傳真:23076307電郵:mailto:charity@adfund.org.hk
WhatsApp:98627828網址:http://charity.appledaily.com.hk蘋果基金facebook專頁:http://goo.gl/eYKB89蘋果基金收捐款戶口恒生銀行:368-006565-001滙豐銀行:580-198836-001中國銀行:012-898-00067655如捐款至指定個案,請於入數紙/支票背面寫上其捐款編號,然後電郵/傳真/WhatsApp訊息/郵寄至本基金。蘋果日報慈善基金於一九九五年成立,乃根據《稅務條例》第88條獲豁免繳稅的慈善機構,接受市民捐款外,《蘋果》捐出1%盈利,幫助有需要的人和資助有意義的社會及教育活動,一切行政費用由《蘋果》支付,善款的一分一毫,全數用於受惠人所需。蘋果基金務求按照捐款人意願,把善款送交指定受惠人。然而個別受惠人可能因長期離港及搬遷等情況以致失去聯繫,甚或受惠人已經逝世或拒收捐獻,有關善款將撥捐蘋果基金作其他慈善用途。





來源: http://hk.apple.nextmedia.com/news/art/20150612/19181867
知足 常樂 爭氣 父子 清貧
PermaLink: https://articles.zkiz.com/?id=290812

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019