ZKIZ Archives


愛作戰 盛品儒 陳霽平

2012-8-30  NM




三十六歲的亞視執行董事盛品儒,早前跟比他大五年的陳霽平傳出姊弟戀,被拍到二人親密摸臀入場睇戲,事後女的趕住認,男的卻唔認。

戀情未搞清,上週六男方又斷正,被拍到夜會爆乳女郎,未做正印卻殺出小三,畢竟男未婚女未嫁,這場愛情心理戰,隨時都有變數。講男

約陳霽平訪問,當然是因為近期她與盛品儒鬧得熱哄哄的緋聞,不旁敲側擊,跟盛品儒是什麼關係?「其實佢係我朋友,係好好嘅朋友,但係有可能可以發展,但未 正式發展。」二人認識四個月期間經常約會睇戲食飯,一提起約會,陳霽平立即露出甜笑,並大讚盛品儒細心,「佢每一次約我出街,都會諗去邊度食飯,睇乜嘢 戲,我唔使plan任何嘢,唔使用腦,佢都會安排得好好。」

訪問在上週六盛品儒被拍得於蘭桂坊醉攬爆乳女前進行,問到男方經常被拍得爛蒲爛玩,陳霽平說得輕鬆,「呢個我冇所謂,如果你真係鍾意蒲你繼續,我唔會介 意,我覺得大家要覺得合拍先再進一步發展。」對男朋友則採取自由放任政策,「我係會俾晒100%自由,佢哋鍾意點都得,男女拍拖我覺得最緊要信任,你越管 佢,佢就越覺得唔舒服,但當我知道你有日出軌,我會走,一定唔會有second chance!」

講女

被視為城中鑽石王老五的的盛品儒(James),自言非鑽石,「我只是一名普通王老五,仲係單身,目前以工作為重。」一句單身,不費毛力將同陳霽平的緋聞 推得一乾二淨。對這位緋聞女友他又點睇?他說:「佢係非常好嘅女仔,有學識又叻女,大家都係朋友,(有無發展機會?)將來嘅嘢真係唔知,(介唔介意對方大 過你?)做朋友最重要係傾得埋。」講到擇偶條件?James不忘賣廣告的說:「最緊要有良心。(是否一個要求高的人?)有要求總好過無要求。」自言宅男的 James透露,因為唔夠主動,廿五歲才有初戀,過去十年,拍過幾多次拖?他數數手指的說:「拍過五、六次左右,(仍未搵到結婚對象?)未,我好傳統結得 婚,將來就唔希望有離婚或者婚外情,所以要搵到個適合先拍拖,希望四十歲前結婚。」

四代富貴

上海出生的盛品儒,原名盛承灝,是家中的獨子,更是清末首富盛宣懷四子盛恩頤的後人,被指是富二代,他卻否認說:「首先我要聲明下,我唔係富二代,我只是 盛家第四代,俗語有說富不過三代,我是第四代,應該係由頭嚟過。」雖然沒有家規家訓,不過家族顯赫,難免備受注視,「其實到第二、三代都比較自由,始終是 書香世家,一定要練好毛筆字,不過我寫中文字都係唔靚。」兩歲便來香港的他,中小學讀過華仁、培正和國際學校,高中才到加拿大升學,在加拿大維多利亞大學 工商管理系畢業,九九年才回港。返港後,在銀行和水泥物料公司做過打工仔,又幫過父親的房地產生意做投資項目,兩年前由堂兄王征委任,出任亞視執行董事, 對他而言是一大挑戰,「希望將亞視定位成一間集新聞、財經、資訊為主的電視台,以良心為本,創意為先,亞洲CNN為目標。」

四個媽咪

外形比林峯更chok的他,近來經常見報,他說:「我以前好內向,個樣完全唔得,係典型宅男,自從做電視台後,工作上要高調,但我個人就唔喜歡出鏡見報, 唔想同公司藝人爭飯食。」由於父親長駐上海打理生意,他每隔兩、三個月便會返上海老家,而媽媽則留港打理家族開設的上海菜館留園和留園雅敘,他說:「放假 我都會返鋪頭幫手,平日主要是媽咪同兩位阿姨打理。」說起家中女人多,他打趣說:「細個我好多人錫,除了阿媽仲有三個阿姨,加埋就好似四個阿媽,四個一齊 催婚,都幾有壓力。」

完美男友

講到明男友偷食冇take two,與拍拖兩年的前男友、趙世儀兒子、趙世曾姪兒趙式言分手,有冇機會翻撻?「將來嘅嘢我唔知,我哋而家仲係好好嘅朋友。」她說趙式言是完美,「佢係 最sweet!心地善良、錫屋企,又鍾意小朋友,錫晒我全家,如果我daddy身體唔舒服,佢係醫生,可以即刻安排做檢查,佢會就晒你100%,又聰明, 佢絕對係完美丈夫或者男朋友。」講到咁完美,最後又是分手收場,陳霽平坦言有想過嫁給他,「有一個moment我覺得『咦,我會幸福喎。』可能係for someone else,但就未必係同我perfect。」

second chance

陳霽平父母是台灣人,父親做染布生意,她在台灣出世後便舉家搬到香港,她有一兄一姐,一家五口長年分散各地,小學畢業後到美國升中,大學畢業於加拿大多倫 多大學,之後回港於香港中文大學攻讀傳理系,又貪得意選港姐,由於懂得英語、國語、廣東話、法語及西班牙語,入行後她主要做主持、司儀的工作,怕悶的她又 想嘗試拍劇,但自《金枝慾孽》的「寶嬋」一角後便無以為繼,離開TVB,簽約王維基,「因為電視劇想有套代表作。」不過其實她最想可以自己監製一個電視節 目,「我同啲朋友有好多ideas for一啲電視節目,如果係有個investor需要content,我哋可以provide到,同埋睇吓對方有幾多budget。」與其得個諗字,不如 近水樓台,找盛品儒投資,如果你肯給他second chance的話。

 
作戰 盛品 品儒 陳霽 霽平
PermaLink: https://articles.zkiz.com/?id=36794

盛品儒爆王維基6億斟買亞視

2013-09-19  NM
 
 

 

通訊事務管理局一聲令下,九月一日辭職的前亞視執行董事盛品儒雖已離開公司半個月,據知被拉落台的他,已決心脫離傳媒行業,將轉到北京搞地產生意。

至於屢傳執笠賣盤的亞視,盛品儒聲稱在他「起身」前已有跟買家接觸,包括三年來依然未攞到免費牌的王維基,據知開價約六億,王維基並先後兩度搵中間人搭路,斟買亞視。轉移陣地

亞視為「紀念」盛品儒,製作MV式短片,狂讚,更日播夜播,搞到觀眾勁投訴。離職半個月,暫時未有新動向的當事人則主攻吃喝玩樂。

「James(盛品儒)冇做之後去咗幾個地方玩,北京都去咗兩次,佢話唔等錢使,仲plan咗跟住嗰幾個月會去美國、加拿大同日本。其實王征都已經幫佢搵咗地方落腳,喺北京搞地產生意,過完年後會去北京返工。」知情者說。

上週五(九月十三日)晚,盛品儒單拖到灣仔演藝學院睇歌舞劇《巴黎——永恒的癲馬Le Crazy Horse Paris, Forever Crazy》,但他開場一粒鐘後才出現,遲大到!

嫌出手低

唔使返工,一早起身跑步的盛品儒週一(十六日)在寶馬山公園附近見到記者,對亞視賣盤一事回應說:「我唔再係亞視管理層,唔清楚最近賣盤嘅嘢,不過我仲喺度嗰陣,就知道王維基同查懋聲大概兩、三個月前搵過大股東黃炳均(亞洲電視主席)傾買股份,最後傾成點唔知,你哋要問番當事人。」問他是否會轉移陣地,到北京搞地產生意?盛品儒說:「我休息緊,會放假到年底,中間可能會follow吓project,地產會係其中一個發展方向,學吓嘢,但仲未決定。」盛品儒踢爆王維基搵查懋聲搭路買亞視,據了解,雙方於第一次商談後,亞視認為六億價錢太低,未能成事。不過,等了三年,投資超過十億都未攞到牌的王維基並未放棄,之後再搵姚志勝(中國和平統一促進會香港總會執行常務副會長)出面,幫手拉線,但據知亞視至今依然未有反應,雙方仍在拉鋸中。

易主台

亞視宿命,低收視!還有頻頻易主。由82年接手的邱德根開始,亞視老闆換不停,只有林伯欣掌舵時經歷過剎那光輝,及後的揸fit人,一蟹不如一蟹。

邱德根

82年麗的因收視及財政問題,股權出現變化,商人邱德根注資一億入股,並改名為「亞洲電視」。搞藝員訓練班,畢業生有黃秋生、何家勁;又舉辦亞洲小姐,打破無綫壟斷選美活動十多年的局面。

林百欣

88年林百欣為首的「麗新集團」及鄭裕彤的「新世界集團」聯手購入亞視三分之二股權,入主後先改台徽,並把中文台改名「本港台」,英文台改為「國際台」,沿用至今。新主大灑金錢向無綫挖角,撬走台柱何守信、沈殿霞、盧海鵬及曾志偉。炮製受歡迎節目《今夜不設防》、《今日睇真啲》、《龍門陣》及劇集《我和殭屍有個約會》,令對手倒瀉籮蟹。可惜光輝業績未能令收視大幅度扭轉,及後鄭裕彤減持股份,林百欣最終也難撐局面。

吳征

林百欣掌控亞視期內入主的吳征,一度推行大刀闊斧改革。裁員並率先推行節目外判,減低成本負擔。吳征年代,新聞部突破傳統,推行藝員朱慧珊及何守信做新聞主播,可惜劣評如潮。

封小平

00年林百欣出售亞視股權予鳳凰衞視的陳永棋、劉長樂及內地商人封小平。而由封小平出任亞視行政總裁之後,股權不斷變動,07年查懋聲亦成為新股東,其間發生王維基任行政總裁半個月的短命鬧劇。

旺旺蔡衍明

09年又有新股東加入,旺旺集團蔡衍明以私人名義入主亞視。之前揸旗的劉長樂吸引中資企業入股,令亞視親中立場鮮明化。

王征

10年王征成亞視新主後,頻製「笑彈」,有誤報江澤民死訊、跳馬舞抗議、開洗腦班等,騎呢作風,將亞視僅有的兩點收視推向零。

盛品 品儒 儒爆 爆王 維基 億斟 斟買 亞視
PermaLink: https://articles.zkiz.com/?id=75631

爆出小三 老婆夜審要跪玻璃盛品儒背妻媾女認錯

1 : GS(14)@2016-03-17 14:52:48

前晚 銅鑼灣【未爆發前】■盛品儒前晚雖與蔡一鳳睇戲補鑊,但老婆返家後即大興問罪。



現年39歲的亞視前高層盛品儒花弗有前科,新婚未夠兩年,前日又爆出有小三Tasha,女方不甘遭冷落,爆料指曾為盛品儒「落仔」,她自稱手頭有醫生紙和超聲波證明,昨以短訊攻勢逼盛品儒夫婦見面兼對話。盛品儒再度偷食闖禍,馬上淆底向太太蔡一鳳認錯,前晚經老婆夜審後,盛品儒昨自爆徹夜跪玻璃求原諒,承諾會生性。


亞視前高層盛品儒前年跟銳思集團主席蔡一鳳拍拖時,男方曾被爆街頭啜爆C奶僆模郭奕芯(Ashina),蔡一鳳一度嬲爆險釀分手,盛品儒同年即用一紙婚書成功箍煲,去年底補擺婚宴。但前日又傳出盛品儒再出軌,有人在香港討論區開帖,呻遭人搞大肚要落仔。前日有網友在討論區申訴遇上名人感情騙子,並揞名爆:「成年啦,佢每次都係叫我等佢……佢而家創緊業好忙,佢叫我等佢返嚟……其實6月嗰陣時我有咗,我冇話畀佢知,因為我知道佢一定會驚……」前晚有讀者爆料指事件涉及盛品儒,昨日繼續有讀者起小三底,有指她叫Tasha,她不時在fb貼出腿張開大跳鋼管舞相,甚至貼展示胸前事業線的誘人照片。



【錫面冧妻】■盛品儒前晚自知闖大禍,跟老婆睇完戲當街情深一吻冧對方。

【死纏唔放】■盛品儒昨已傳短訊跟Tasha講清楚,但女方仍狂傳短訊求見,更在短訊中直認仍然喜歡他。

【騷擾正印】■Tasha昨日在fb傳短訊給正印蔡一鳳要求對話。



蔡一鳳:喺結婚前識

記者前晚短訊盛品儒求證令小三「落仔」傳聞,他回覆:「又俾人黑?當然否認,沒有此事,我沒有。」蔡一鳳向老公審問後,前晚在電話中回應:「James(盛品儒)解釋同個女仔喺結婚前識,記得舊年2月,有晚半夜老公收到個女仔短訊,我當時都查問咗,仲要老公快啲同人講清楚,唔好畀人幻想同希望。James同時承認幾個月前,我出咗trip,佢背住我同個女仔出去飲嘢,我就話佢結婚前點玩都得,但結婚之後就要對家庭負責任,佢都話知錯,堅決否認同女仔有親密關係。」兩公婆之間突然彈出小三Tasha,蔡一鳳仍有EQ㩒住怒火,前晚還孖咇到銅鑼灣時代廣場睇戲,離開時更十指緊扣,蔡一鳳等升降機時又讓盛品儒錫面,還做柴可夫載老公返歸



【小三晒乳】■盛品儒小三Tasha不時在fb貼出爆乳三點式泳照騷身材。互聯網圖片

【倒奶絕技】■Tasha除擁有巨咪,還會跳鋼管舞。互聯網圖片


■盛品儒昨晚做「跟得老公」陪蔡一鳳去澳門出席晚宴。

「出去飲過幾次嘢」

記者昨日再致電盛品儒,他解釋搭上小三Tasha經過:「我結婚前同佢透過fb網聊識嘅,老婆成日出差,陪唔到我,有時又嗌交,我咪識女仔激佢,我哋出去飲過幾次嘢,佢成日想見我,我話下次先,我承認係拖住對方,我處理得唔好,我都要同佢講『對唔住』。」盛品儒強調沒跟Tasha發生親密關係,也沒影過情慾相,對於有人在網上大爆落仔,問他會否考慮法律追究?他竟大方說:「我諗唔好搞大件事,我都有錯,我話斬纜又冇同佢講清楚,呢次講清楚,嚴正啲。」盛品儒認死狗求老婆原諒:「我跪咗成晚玻璃,膝頭都損晒。」更不忘擦老婆鞋:「我好對唔住我老婆,我娶到呢個老婆三生有幸。」蔡一鳳經過一晚冷靜已原諒老公,盛品儒明日會去泰國公幹,他臨時決定帶老婆同行,以旅行補鑊,昨晚他又黐實蔡一鳳去澳門出席活動。記者昨致電Tasha求證,她的手機轉駁到留言信箱。但Tasha昨午不斷傳短訊給盛品儒求見面兼力斥他不是,即使盛品儒斬釘截鐵絕交,但Tasha仍咬着不放:「你會搞大你朋友的肚嗎?醫生紙、超聲波照,我還留住……我知道你很憎我,但我仍然鍾意你,如果不是你,我不會下掉(墮胎),你必須為自己做的事負責。」盛品儒狠心不覆,她便在蔡一鳳fb留言,欲相約正印講數。採訪、攝影:陳杰、梁繼光、朱志聰





來源: http://hk.apple.nextmedia.com/entertainment/art/20160317/19532349
爆出 小三 老婆 夜審 審要 要跪 玻璃 盛品 品儒 儒背 背妻 妻媾 媾女 認錯
PermaLink: https://articles.zkiz.com/?id=298277

小三fb開火狙擊盛品儒封嘴 蔡一鳳勸收手

1 : GS(14)@2016-03-18 23:56:24

■蔡一鳳大前晚夜審完偷食老公盛品儒,前晚又糖黐豆出席澳門活動。


現年39歲至chok亞視前高層盛品儒,雖跟銳思集團主席蔡一鳳已婚,但他未肯修心養性,近日除爆出有小三Tasha,女方更自稱曾為盛品儒墮胎,盛品儒認數月前趁老婆公幹約會Tasha,更自爆為此跪玻璃向老婆認錯,兩公婆今日出發泰國度假補鑊。但小三Tasha昨日凌晨再現身facebook怒插盛品儒,要求他道歉。小三Tasha昨日凌晨在fb留言鬧爆負心漢盛品儒,要求男方當面道歉:「呢一年我條氣唔順,所以先係咁打畀佢,我真係用心待你。」Tasha不屑盛品儒否認跟她發生過關係,她力斥:「如果乜都冇發生過,一個女仔會需要做到這個地步嗎?你屋企幾樓、幾室我仲記得。」Tasha數臭盛品儒,卻大讚其妻蔡一鳳肯給他打圓場。



■Tasha不屑盛品儒否認跟她發生過關係,自稱記得對方屋企住幾樓、幾室。

■小三Tasha昨日凌晨又再在facebook貼文數臭盛品儒。


■蔡一鳳前晚在fb貼化妝師Gary為她扮靚的相,心情未受影響。互聯網圖片

「捍衞家庭是女性本能」

就Tasha所言,盛品儒昨短訊回覆:「不作回應,我先安撫我老婆最重要。」他封嘴避談,主要因為這件事遭家中長輩訓話。盛品儒昨晚原定會到灣仔出席電影活動,但臨時甩底。蔡一鳳昨更新fb:「希望老公痛定思痛,我之前太忙,這位小姐才有機會不停撩老公,希望她回頭是岸。一年前已經請呢位小姐唔好再不停發訊息打電話給我老公,捍衞家庭是女性本能。」蔡一鳳繼續保持EQ,她昨短訊回應:「就算『每件事都爛透了我還是很快樂』,因為活着就值得我們感到開心。有些時候經歷低潮只是為了讓我們再次感受自己是多麼幸運。」對於Tasha昨狠插盛品儒,蔡一鳳則說:「其實我希望呢位女仔快點清醒。James(盛品儒)發畀佢嗰啲堅決唔往來嘅訊息我都睇到,但係佢講嘅,我一啲都睇唔到證據。」採訪:楊定





來源: http://hk.apple.nextmedia.com/entertainment/art/20160318/19534070
小三 fb 開火 狙擊 盛品 品儒 封嘴 蔡一 一鳳 鳳勸 勸收 收手
PermaLink: https://articles.zkiz.com/?id=298384

盛品儒氹老婆鬧小三癲癲哋

1 : GS(14)@2016-03-19 22:15:57

■盛品儒和蔡一鳳昨早拍拖到泰國散心,訪問其間,蔡一鳳說到哽咽兼鼻紅紅。


有偷食前科的盛品儒日前被揭偷嗒爆乳小三Tasha,女方自爆為盛品儒「落仔」,自稱手上有醫生紙和超聲波證明。盛品儒事發後即向老婆蔡一鳳認錯,昨更攜妻到泰國公幹兼散心,兩人手上都沒戴婚戒,他們解釋沒這習慣。盛品儒孖老婆刻意晒恩愛:「太太原諒咗,件事好困擾,搞到佢食唔到嘢瘦晒。」蔡一鳳謂對老公心中有數,但訪問時哽咽說:「多謝呢個女人,我唔會理佢講啲嘢真定假,佢令我知道男人係會返屋企。」


■小三Tasha昨不屑盛品儒揶揄她癲,她表示對男人死心。資料圖片

Tasha:我會死心

盛品儒拍蔡一鳳膊頭安慰:「我覺得佢(Tasha)癲癲哋,可能要叫佢睇心理醫生!」蔡一鳳分享御夫術:「男人個心,如果係鍾意,推佢走都唔會走。」盛品儒否認令Tasha「落仔」,他說:「男人受到引誘最緊要識返屋企。」Tasha爆知道盛品儒住址,他反寸:「佢咁想見我,咪嚟我屋企見我!」盛品儒揶揄Tasha是癲,她昨電話回應:「話我癲咪癲囉,我唔想再拗。」Tasha強調與盛品儒交往沒有目的。她覺受傷:「我越揭佢(盛品儒)啲嘢,佢老婆會越傷心。」Tasha昨主動為事件畫上句號,她哽咽答:「我都要講Sorry,我會死心,怪自己冇帶眼識人,唔想再講。」





來源: http://hk.apple.nextmedia.com/entertainment/art/20160319/19535734
盛品 品儒 儒氹 老婆 鬧小 小三 三癲 癲癲
PermaLink: https://articles.zkiz.com/?id=298502

盛品儒豪擲近百萬接嬌妻 Philip娶杏兒畀得8蚊?

1 : GS(14)@2016-10-01 13:19:51

接新娘呢個還節,開門利是絕對係重點之一!近年有唔少圈中名人明星結婚都唔介意同大家分享喜悅,仲有唔少新郎為接嬌妻萬金豪花萬金o添!蔡一鳳 盛品儒亞視前高層盛品儒前年同蔡一鳳低調註冊,到去年底先喺四季酒店補擺喜酒,當日盛品儒接受訪問時仲自爆畀咗九十九萬九千九百九十九元做開門利是,寓意長長久久咁話!鄭希怡 梁學儲
Yumiko前年同化妝師老公梁學儲結婚,「龍虎豹」姊妹團之一嘅鍾欣潼(阿嬌)就爆新郎哥準備咗兩封利是,仲畀佢哋擸晒兩封利是,加埋有成19,999元。胡杏兒 李乘德杏兒去年嫁畀「港姐殺手」李承德(Philip),「胡說八道會」姊妹團就爆一行23人嘅兄弟團開頭只係肯畀8蚊開門利是,一眾姊妹梗係要加碼,最後 Philip都俾咗封5位數字嘅利是。宋熙年 陳智燊早前陳智燊同宋熙年喺英國拉埋天窗,仲請咗唔少娛中好友出席,其中做姊妹嘅高海寧就勁讚Jason出手闊綽,雖然冇透露開門利是有幾大封,不過就好樂意加碼。




來源: http://hk.apple.nextmedia.com/entertainment/art/20161001/19787743
盛品 儒豪 擲近 近百 百萬 萬接 嬌妻 Philip 娶杏 杏兒 兒畀 畀得
PermaLink: https://articles.zkiz.com/?id=310858

【馮仁昭四圍超】盛品儒許願生雞B

1 : GS(14)@2016-12-07 07:41:21

盛品儒今個月27號40歲生日,前晚係佢農曆生日,老婆蔡一鳳請咗班朋友返赤柱大宅搞BBQ派對,到場嘅有前亞視35D小花袁小曼同地產高層男友廖偉強,同埋薛芷倫等。恨生B嘅蔡一鳳前晚為盛品儒準備咗豐富食物,當中包括100隻生蠔。盛品儒話生日願望係想明年做老竇:「雞B一定要有啊!」而蔡一鳳近年都開始減輕工作量,以便配合。撰文:馮仁昭




來源: http://hk.apple.nextmedia.com/entertainment/art/20161206/19856062
馮仁 仁昭 四圍 盛品 品儒 許願 生雞
PermaLink: https://articles.zkiz.com/?id=318531

盛品儒夫婦美國遇劫

1 : GS(14)@2017-01-18 22:21:27

盛品儒近日跟老婆蔡一鳳到美國度假,昨日香港時間中午,他們在洛杉磯比華利山(Beverly Hills)附近的商場血拼,盛品儒遭黑人搶匪強搶去身上近千美元。蔡一鳳昨在電話憶述事發情況:「我哋喺mall買嘢,可能老公袋住成叠現金,我哋冇為意俾個黑人吊住,佢一路跟到商場出面嘅停車場,佢跑上嚟用手兜住件衫,疑似有槍,佢叫老公將身上嘅錢拎晒出嚟,佢早知叠錢放喺邊,索性伸手入袋搶,幾得人驚。」問到損失多少?蔡一鳳說:「好彩我哋喺商場買咗三、四千蚊美金嘢,老公身上現金用剩番唔到一千美金,如個賊有槍就好驚。」蔡一鳳驚魂甫定,她表示破財擋災,慶幸未有搶走心愛的Birkin手袋。採訪:楊定




來源: http://hk.apple.nextmedia.com/entertainment/art/20170118/19900019
盛品 品儒 夫婦 美國 遇劫
PermaLink: https://articles.zkiz.com/?id=323082

【關仁隱事】盛品儒懶理老婆情史

1 : GS(14)@2017-06-10 13:46:56

盛品儒與老婆蔡一鳳、莫文蔚與媽媽莫何敏儀昨到金鐘出席雜誌頒獎禮,蔡一鳳與盧啟邦的緋聞早前被翻炒,盛品儒聞言說對太太及自己有信心:「結婚前嘅嘢唔會理。」蔡一鳳強調兩人只是好友關係:「平時會互相支持做善事,老公都識佢。」另外,本月2日47歲生日的莫文蔚,與近20位舊同學到檳城旅行,明年是她入行25年,將籌備巡迴個唱。撰文:關仁




來源: http://hk.apple.nextmedia.com/entertainment/art/20170610/20050624
關仁 隱事 盛品 品儒 儒懶 懶理 老婆 情史
PermaLink: https://articles.zkiz.com/?id=335234

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019