ZKIZ Archives


短炒細價股難發達 黃國英

>2008-05-06  AppleDaily

沽 股票是一門學問,但卻被人所忽略。大部份人都將注意力放在入市的考慮,沽股票通常是以死板的目標價或止蝕位作為準則。自己一向崇尚且戰且走,當然不會如此 靜態思考,所以沽貨基本上有3種情況,第一是覺得要認錯;第二是發現更佳的機會要套現換馬,畢竟不是無限能源;第三則是原有的入市理由已不再成立。由於自 己是以催化劑作為投機指標,因此第三種情況出現最多。

短炒細價股難發達

以目前的環境作例,便應該要和中資航空股分手。早前看 好,是博原油價格下滑,可是紐約期油輕輕觸及110美元一桶之後,高速回升至117美元之上,最大理由不再成立,何況A股後市只一般,以及中國有可能加成 品油價,對航空公司不利,南航(1055)A股勁升,不外大炒落後,應以客觀條件作準。從昨日的交投可以看出氣氛非常審慎,股票要逆流而上十分困難。如果 貪便宜,工業股反而尚可考慮,跌得過殘,有些反攻空間,加上目前商品只是主力的原油及玉米回升,其他不算特別,環境對工業股而言,不算得特別差。不過工業 股長遠變數仍太多,估值難以調升,現在不外是跌得太殘,修正早前超賣狀況而已,難以重返昔日盛世。近日自己對刻意求冷的興趣不高,價位是殘,但當市況好 轉,買幾十萬元之後價位往往已飛升,而到高位想出貨又困難,如果要大手買,唯一是趁下跌途中人家拋售時行動,可是當時多數有更多一線股值得買入。在香港炒 二線股的人始終太少,令遊戲並不好玩,亦因此會造成惡性循環,令越來越少人玩。見到不少人雄心壯志,要炒二三線發達,其實不明白股份流通性太低的掣肘,短 炒細價股是不會致富。年輕人假如想在金融市場建功立業,先學宏觀大勢,才是比較正路,不過路一定崎嶇得多。作者黃國英為證監會持牌人士

電郵: alex@amplecap.com
短炒 炒細 細價 價股 股難 發達 國英
PermaLink: https://articles.zkiz.com/?id=848

軟庫投資10年回報8倍 中環在線:孫正義發達靠畢菲特 李華華

2008-08-04 AppleDaily

前 日本首富,軟庫(SoftBank)創辦人孫正義,前日出席喺杭州舉行嘅第二屆APEC工商諮詢理事會亞太中小企業峯會,佢講到軟庫嘅「創富」過程。軟庫 透過經營手機、寬頻同日本雅虎業務,收取大量現金,孫正義就喺過去10年,用咗其中30億美金,投資全球800幾間科技公司,結果勁賺260億美金,投資 回報高達8倍幾。

每十年定人生目標

有咁驕人嘅成績,佢自爆係向股神畢菲特嘅巴郡偷師。據《中金在線》報道,孫正義話,畢菲特 嘅巴郡擁有保險公司,呢啲保險公司為巴郡提供穩定嘅現金流,畢菲特就係透過呢啲現金流,不斷加碼投資麥當勞、可口可樂同強生等有潛力嘅公司,結果帶嚟豐厚 嘅回報。孫正義就係參照呢個模式,不過,孫正義可以講係青出於藍,因為據佢話,畢菲特過去10年嘅投資回報都係兩倍。孫正義話,自己嘅人生目標從來冇動搖 過,「一生都賭喺微電腦上」,佢嘅目標係「30歲時,賺足夠嘅錢投資;40歲時,落一個大賭注,做一筆大投資,對人生有一個大挑戰;50歲,要實現公司嘅 目標;60歲時,接力交棒畀下一代。」孫正義今年51歲,離交棒仲有9年,佢唔係蹺埋雙手等退休,而係喺嚟緊10年,定下大計──要喺退休前將軟庫打造成 世界第一嘅手機上網公司。據美國財經雜誌《福布斯》08年全球富豪排名榜,孫正義排名第201位,身家高達51億美金,約398億港銀,佢亦係日本第5大 富豪,佢創辦嘅軟庫家陣市值達1527億港銀,公司持有日本雅虎4成股權,市值約685億港銀。電郵:LiWaWa@AppleDaily.com
軟庫 投資 10 回報 中環 在線 孫正義 孫正 發達 靠畢 菲特 華華
PermaLink: https://articles.zkiz.com/?id=1594

不倒閉便發達 王雅媛

2008-11-11  HKHeadline


港 股氣氛好轉,朋友們都從新開始買股票了。身邊的朋友都是一些比較年輕的人,他們可以承受的風險也比較高。近日他們便組織了一個基金,叫做「不倒閉便發達」 基金,基金金額不是特別大,大概二百萬元左右,專買一些從高位計起跌了起碼九成的股票,打算運作三至四年。從高位計起跌了九成的股票,此時此刻,市場上起 碼有幾百隻。基金的目標並不是那些沒有實質盈利、只有概念的股票,而是那些因為某單一事情或行業由看好變成不看好,令到公司股價大跌,但其實又有實力捱過 這次危機的股票。所以被看中的股票大多數都有一個相同的地方,便是雖然股票跌了那麼多,但其市值仍是有十幾二十億元的。因為這些公司才有實力捱過危機。

選股條件

早前基金便趁着大跌市出擊,買入三隻跌得非常誇張的股票,分別是玖龍紙業(2689),合生創展(754)及九龍建業(034)。九龍建業在香港很多旺 區,比如旺角、尖沙咀都有投資物業。比如大家都耳熟能詳的信和中心、始創中心,都是它的物業。根據九龍建業最新的公佈,公司資產淨值約每股十五元一角。公 司公佈的資產淨值跟我本身計的十九港元有點出入,不過當然是以公司最新公佈的為準確。公司投資股票Ac-cumulator及Decumulator,目 前為止虧損了三十七億港元。根據公司通告,它已經在十月將大部份財務投資變現。假設公司最後要為此投資虧損五十億元,亦即是每股四元四角。減去投資虧損, 集團資產淨值每股仍有約十一港元。當集團復牌後,股價竟跌到一元以下,折讓了九成以上。以集團主席的財力,我們偏向於相信它是有能力解決這次危機。而我們 亦相信一兩年後,當大市好轉,大家都會忘記這次事件,而重新給九龍建業一個比較合理的估值。所以只要它捱過了這次的危機,不倒閉,未來股價將有機會升回好 幾倍,符合了「不倒閉便發達」的選股條件。

資源股有其價值

除了這三隻股票之外,基金還會選擇一些股價跌了九成的資源股。全世界資源變得愈來愈少,這個想法永遠是對。所以那些本身擁有很多礦或資源的公司,仍然是有 其價值的。但基於它們股價的波動實在是太厲害了,所以此類股票並不會佔組合太大的部份。最後,希望可以為組合找到起碼十五隻以上,這種「不倒閉便發達」的 股票。不過隨着大市回升,難度似乎愈來愈大了。王雅媛為持牌人士,並沒有

持有以上股票

逢周二見報
倒閉 發達 王雅 雅媛
PermaLink: https://articles.zkiz.com/?id=3180

突然發達-亞洲聯網科技(679)

http://www.hkexnews.hk/listedco/listconews/sehk/20080203/LTN20080203013_C.pdf

3. 出售之資產
銷售股份,最少為11,709,910股及最多為16,728,443股已發行及未發行之亞智股份,相當於本公告日期亞智全部已發行股本約19.1%(最少情況)或27.3%(最多情況)。
倘公開收購人於公開收購下收到之接納總數低於公開收購上限及高於公開收購下限,本公司須出售所有銷售股份(相當於16,728,443股銷售股份)予買方。倘公開收購人於公關收購下收到之接納總數高於公開收購上限,則買方將只會向本公司收購部份銷售股份,而買方將收購之銷售股份之確實數目,將按比例以亞智股份總數為公開收購上限作為分子,及以在公開收購下由公開收購人收到之亞智股份總數為分母。因此,倘在公開收購下公開收購人接獲亞智股東全數接納公開收購,買方將只向本公司收購11,709,910股銷售股份。
......
4. 代價
銷售股份之公開收購價為每股銷售股份新台幣37 元(相當於約港幣8.82 元),銷售股份之總代價為新台幣618,952,391 元(相當於約港幣147,510,103 元)(假設本公司透過公開收購將所有銷售股份出售),而買方根據相關公開收購規則,以現金清償。公開收購價較 (i)亞智股份於購股協議前之最後交易日於臺交所所報之收市價新台幣26.6 元溢價39.1%;(ii)亞智股份於購股協議前截至最後交易日(包括該日)止五個交易日,在臺交所所報之平均收市價新台幣26.4 元溢價40.1%; 及(iii) 亞智股份於購股協議前截至最後交易日(包括該日)止最
後十個交易日,在臺交所所報之平均收市價新台幣25.94 元溢價42.6%。公開收購價由買方決定,而買方以其自行就亞智股份進行之獨立評估作參考。

greatsoup:
公司持有的淨現金為零。流動項目也幾乎為零。
公司上半年業績扣除特殊項目後大幅惡化。
但這次接受收購後,套現價值一點六億,折合每股接近四毛錢,以淨市值扣價,殼價大概六千萬,約每股一毛多,值不值錢,見仁見智。

突然 發達 亞洲 聯網 科技 679
PermaLink: https://articles.zkiz.com/?id=3845

你破產時我發達

今日的股票,有悲有喜。

(1) 恆豐金宣佈延期派股息

http://www.hkexnews.hk/listedco/listconews/sehk/20081009/LTN20081009571_C.pdf

由於林世榮先生暴斃,貸款構成技術性違約,銀行開始催收貸款,導致公司出現財政困難,所以公司之前公佈派發股息4仙及特別股息2仙,會宣佈延期至另行通告。

這家公司好像佳寧,但是我仍看好公司可以復牌,因為公司有很多價值高又可變現的金器,不過各位股東就要蒙受不少損失了。

http://www.hkexnews.hk/listedco/listconews/sehk/20081009/LTN20081009529_C.pdf

意馬國際一定是好缺水,繼認股送股被股東反對後,不但以低價配售新股,又以高達12厘的息率向認購股票的股東借錢,今次配股失效只是因認股送股被股東反對的延續而已。

http://www.hkexnews.hk/listedco/listconews/sehk/20081009/LTN20081009516_C.pdf

金銀認券在兩日內公佈的兩單包銷供股,一單因公司被銀行追數而取消,另一單在調低供股價後,又因股市暴跌而取消。

這家公司看來很快會破產,連金銀這些大公司都唔肯玩,大家有機會要跳船了。

講完壞事,就要講講一鋪發達的案例。

http://www.hkexnews.hk/listedco/listconews/sehk/20081009/LTN20081009553_C.pdf

王氏國際宣佈,公司將會與新鴻基合作發展其在觀塘總部-王氏大樓

這兩項目會分兩步走:

(1) 公司把王氏大樓的64.3%實質權益出售予新鴻基,剩下35.7%由王氏持有 ,該塊地皮值535,531,000元,故能套現344,342,000元。

(2)新鴻基出售一塊地皮的35.7%予王氏國際,該塊地皮值364,620,000元,故要出資130,168,000元。

兩者相抵後,公司暫時可套現約2.14億元,另持有兩地皮35.7%,另現在已可錄得特殊溢利4.2億港元,此後可以分享建成後的成果,以建成後每呎值8,000元,總建築面積762,840呎,及以公司以自己的最高承擔約13.3億推算發展兩塊地皮的成本約37.254億計,公司估計可獲利達8.49億元。

公司現時發行股數為466,921,794股,現時股價為0.56元,市值即2.61億,以潛在獲利及變現獲利12.69億,實在非常驚人,真是發達了。
破產 時我 發達
PermaLink: https://articles.zkiz.com/?id=4081

中環在線:燈帝靠旅館名冊發達 李華華


2009-06-01  AppleDaily





 

好 多後生仔夢想創業致富,但最終敗興而回,之不過,原來世上有人係為勢所逼,無奈選擇創業,最後仲要發大達,講緊嘅係被內地傳媒稱為「燈帝」嘅真明麗 (1868)主席樊邦弘。樊邦弘祖籍四川,老竇係國民黨軍人,後來敗走台灣,燈帝就咁喺當地出世,之但係,佢少時雖然相信馬克思主義、批評國民黨,但隨即 被人點相,遭思想改造兼嚴密監控,慶幸佢當時未滿18歲,唔係隨時要坐足一世監。

按圖索驥搵啱客

樊邦弘好欷歔咁話,本來想揸 筆做記者,可惜佢嘅特殊背景搞到搵到工都冇人敢請,好彩兒時聽帶學英文(類似靈格風嗰隻),可以靠繙譯維生,又喺機緣巧合下代理美國Tivoli公司嘅燈 飾產品,朝早做燈,夜晚換燈,但捱咗幾年覺得冇得發圍,卒之膽粗粗走去旅館拍門搵生意。華華奇怪咁樣大海撈針都得?佢解釋話,當時有人兜售住客來自乜嘢國 家同埋做乜生意嘅旅館名冊,佢就係靠呢本「天書」,成功打開外銷門路掘金嘞。



中環 在線 燈帝 帝靠 旅館 名冊 發達 華華
PermaLink: https://articles.zkiz.com/?id=8284

金錢藍圖主宰能否發達 黃國英 (Alex Wong)


http://hk.myblog.yahoo.com/alexwongkwokying/article?mid=12724


投資、投機, 長期而言, 技術最多只佔五成。心理往往更為關鍵。技術稍具根基, 但戰績徘徊不前時, 改善心理質素, 往往比學多幾招新招更為有效。

你問十個人「想唔想發達」, 十個有九個就都會話「想」。 但很多人的潛意識, 其實是拒絕發達的。換句說法, 潛意識跟想發達的意識水火不容、火星撞地球而不自覺。初初聽到這個理論, 也半信半疑。後來朋友說了他的親身經歷之後, 有更深窺投資心理學堂奧之感。

先說一下理論。每個人對於金錢和成功, 內心都有著一份藍圖(Money blueprint) 這份藍圖深植在各人的潛意識裡中,像程式一樣, 控制著人於金錢、投資的想法、感覺和行動。小朋友白紙一張, 對萬事萬物並無定見, 像海綿一樣, 將身邊的人, 尤其是父母的言行, 有理無理, 照單全收。以朋友J的經歷為例子, 老豆三代單傳, 為舊式的「二世祖」, 嗜好是叨番口大雪茄, 挽住籠雀仔去酒樓飲茶; 嫖賭飲蕩吹無所不好, 一揾到些少錢, 就花天酒地極速豪花。J由阿爺湊大, 感情深厚, 卻與老豆水火不容。阿爺勤力過新界牛, 一年365, 每日十幾個鐘頭捱世界, 一毫子都唔捨得駛。

名牌大學畢業後, J在職場中也算平步青雲, 在財富五百公司當管理層, 後來更創業。看似一帆風順, 但問題是辛苦到白了少年頭, 身家也像恆指, 只有波幅, 難見升幅, 博來博去得個桔。多年苦思不解問題癥結, 以為只是技不如人, 後來渉獵了心理學後, 才明白己是自己的程式設定出了問題, 自己唔俾自己發達。

原來J在家人長年累月的耳濡目染下, 繼承了阿爺的新界牛之魂, 潛意識對於不事生產、無所事事極為痛恨。但理智上卻極追求財務自由, 揾夠退休唔駛捱。潛意識跟意識互相衝突, 潛意識九成九會佔上風, 新界牛之魂主宰金錢藍圖, 自自然然注重過程的付出, 多於最終的結果。財務自由嘆世界, 鏡花水月而矣。另一個問題是由於J仇恨老豆的二世祖性格, 對於花錢享受心生拒絕, 缺乏富人對於金錢和物質的渴求, 難言破釜沉舟的鬥志, 只滿足於小勝小利, 大業當然不成。反觀股神, 14歲手不釋卷<<1000美元的1000>>, 為了賺十元八塊, 老點朋友剝光豬在高爾夫球場潛水執波賣, 更貪平不買潛水鏡, 求其買過二手防毒面具頂檔, D害到朋友上西天。手法匪夷所思, 他人切勿模仿, 但正是這種求財若渴的藍圖, 支配著巴老一生滾雪球的財富之旅。

就像名交易員Ed Seykota西科塔的名言:「勝好,敗好,市場總能人滿足。」金錢藍圖set得好,獲利才使人滿足。但很多人投機,潛意識求的是興奮、被人關注,甚至有意無意輸錢博同情。越輸越賭而不能自制,很有可能內在金錢藍圖出了大問題而不自知,不知改,危矣。



金錢 藍圖 主宰 能否 發達 國英 Alex Wong
PermaLink: https://articles.zkiz.com/?id=13751

發達豈用排資論輩? 黃國英 (Alex Wong)



 

http://hk.myblog.yahoo.com/alexwongkwokying/article?mid=12892

年過三十的讀者,應有參加大學舊同學聚會的經驗。遙想當年同校同系,起步點類近。十載之後,像全馬跑了25公里,各人的成就、遭遇,已經差天共地。有人已經揾夠上岸,打風流工。有人心靈仍然繾綣前塵往事,拒絕接受時代改變。有人決定弄兒為樂,自絕塵想。有人早已落根上海,日拼生意,夜劈茅台,沉醉溫柔鄉。

同窗的際遇,已南轅北轍。不明白,為甚麼社會那麼多人,會對於「第二代」、「第四代」這些標籤,如此甘之如飴,猛咁舔來舔去?香港現時最大的迷思,是深信閣下的命運,在出世的一刻,就已經無從更改。四代香港人,你是第四代,不能像第二代一樣,可以揸股揸到發達,sorry, you are too late!八十後呢,就一定無機會,死梗o架嘞:第二代死唔斷氣,第三代又等上位等到嘔,做瓜你,壓住你,幾時先到你?

這會不會是over-generalization?自己早前同第一代徒弟聚舊,一位「八十後」的青年,十幾年前在自己的部門做暑期工,大學畢業後再一齊工作大約兩年,剛剛在0910月成立自己的對沖基金,4個月回報逾三成,自己也認購了25萬美金。30未出頭,身家已令人稱羨。自己算是半個師傅,與有榮焉。聚會中,他不停地將不同的二三線股分析,如數家珍般一一道來。當日恒指的19,400防線正被沖擊,街外個個垂頭喪氣,他卻戰意高昂。見到面前的他,憶起10年前的自己,根本也有八、九分相似。只是近年來戰線擴闊到股票、商品和外匯中,加上現時的研究團隊的經驗,仍欠些火候和經驗。炒字花的功力,已經不可同日而言。

就像很多年輕人感嘆,buy and hold的黃金年代已經遠去。但誰敢保證十年後的人不會感嘆:「十年前識得長揸嗰D內需股就好了」。騰訊(700)、中石油(857)、中人壽(2628)10倍股,還不是在大市半死不活的時候,悄悄地萌芽?要破解傳說中的第二代必勝神話,只要到維園下棋的地方,跟那些伯伯交流五分鐘,就很足夠了。正如同事開玩笑地說:「人哋又係第二代, 我老豆又係第二代,點解剩係buy and hold紅萬(寶路),又唔buy and hold幾層太古城?」

我們會不會是生在福中苦自憐?歐美的稅率,超過50%,香港只是人家的幾分一。沒有外匯管制,沒有資本增值稅、沒有股息稅,互聯網沒有審查,不用擔心財產忽然被沒收。上一代人,沒有像美國的嬰兒潮,留下N兆美金的債務給下N代去還。香港真的差到,要隨後幾十年無人能發達?

無人能保證一代人中,人人發達。但也沒人能肯定,一個generation中,出人頭地的,不會是自己?以空洞的labels,去合理化很多事情,會否是飲鴆止渴,而不自覺?相信「沒有生不逢時」,應該着數很多。能者居之,發達豈用排資論輩?

發達 豈用 用排 排資 資論 論輩 國英 Alex Wong
PermaLink: https://articles.zkiz.com/?id=14563

投資香港股市,外國股市,地產,樓市之(壹壹肆)發達三大要素之:買甚麼?(第九十九回) 阿牛

http://hk.myblog.yahoo.com/yomagyomag/article?mid=1608

投資港股:阿牛揀股法(十)

要講分散投資,最出名嘅名言,就喺   don’t put all your eggs in one basket。真喺五年班小學生都識;之但喺我地一方面不停引用呢句說話,另一方面就從來都唔做,淨喺咁買蛋嘅。

                      

既然名言都喺講一套做一套,充滿矛盾;咁阿牛都唔爭在,講過唔算數喇。我八月八號講過:

唔好揀未發育股,揀已經考驗過嘅,參考番上次牛市三期嘅情形,決定買唔買。

咁而家阿牛冇左個地產板塊,就唯有講過唔算數,焗住改改句說話佢攞番嚟用。

呢個喺阿牛真實嘅心理歷情。到今時今日,阿牛自然好清楚已經冇左地產板塊,但喺當日揀南航嘅時候確實喺未知,所以今日喺Blog呢度就照寫出嚟,按時間過程,諗法嘅改變,俾大家參考。

其實啲未發育股,當中亦有啲好嘢嘅,嚟緊嘅日子可以升幾倍都唔定,佢地最大嘅問題,喺唔知邊隻會升,因為全部都未經過大牛市。我地先睇吓半新股,裡面亦有好掂嘅,例如750興業太陽能,上市一年,就已經升幾倍。

       

相反,好唔掂嘅,亦大有人在,大家睇吓1638佳兆業,上市半年就跌左幾倍。

       

點解呢?

阿牛唔知。

我亦唔相信有人知;因為剛上市,大家見到嘅業績都喺嗰一兩季,駛唔駛咁認真,炒高幾倍,或者質低幾倍呀!我亦唔信上市時個PE估得咁差,差幾倍,要個市場調節得『咁激』。

咁即喺點呀?

即喺人為囉。

根 本股票市場,幾乎全部都喺人為,同房地產市場唔同,房地產市場喺有實用價值嘅;例如一隻舖,你唔好信我值三千萬,但喺我個個月用佢搵廿萬,個租值就走唔甩 嘅,有數計。所以一舊磚頭,跌到盡有個譜,但更重要嘅喺,升到盡都有個譜,你夾硬炒到剛才間舖五千萬,佢嘅賺錢能力點谷上三十五萬一個月呀?所以咪爆煲 囉。相反,十隻股票,九隻唔派息,話值幾多錢,講嘅啫;PB點正斗,又喺講嘅啫,你明日可以攞佢去折骨賣咩?但炒起上嚟就反而冇束縛,話升幾倍就升幾倍。

我地又睇吓一隻人人都識嘅股票,1211比亞廸。

      

佢上市後,經歷多年都喺咁上下,2007年 就跟大隊升左三倍幾,都算有交代,後來跟隨著海嘯下跌,仲跌破埋上次牛二佢自己條底線;牛二都有廿蚊咁滯,熊市就得番十零蚊。如果攞嚟同早兩日我地睇各種 股票熊市反彈嘅力度比較,例如康師傅,國航等等,咁阿牛就唯有俾佢評級喺『惡劣』,同招金嘅走勢,差唔多衰。之但喺過左半年,阿李錄先生介紹巴菲特先生買 入比亞廸,於是乎市場上平地一聲雷,升價十倍。

你話點解間公司可以忽然叻八倍吖?你教我。

升在乜呢?

一個『口實』

口實即喺乜呢?即喺人人眾口一詞都話:『冇理由咁平喎,應該貴啲』

就喺要呢句說話。

要人講得出呢句說話,得兩個理由。第一,就喺信個人,巴菲特先生就喺人版,大家都唔喺買比亞廸,買巴菲特而已。第二就喺信事實,例如有間公司佢賣啲貨,去年值六十皮,今年市場公價賣百二,你話個股價應該點吖?都未計生意好做,會搏晒老命去增產,賺多左嗰啲。

有冇咁筍嘅嘢呀?

啱啱又有喎,就喺賣呢舊嘢喇。

                  

有『口實』,就有希望。


投資 香港 股市 外國 地產 樓市 壹壹 壹肆 發達 三大 要素 甚麼 第九 九十 十九 九回 阿牛
PermaLink: https://articles.zkiz.com/?id=17314

投資香港股市,外國股市,地產,樓市之(壹貳壹)發達三大要素之:買甚麼?(第一零六回) 阿牛

http://hk.myblog.yahoo.com/yomagyomag/article?mid=1741

投資港股:中信泰富(一)

中國鐵鈦講左幾日,大家都會感覺到,佢喺可能得,但唔喺實得嘅嘢。如果佢得,閒閒地升五六倍,如果佢唔得,只喺升一倍半倍都唔定;咁究竟買唔買好呢?

阿牛有一個提議,就喺將佢綑縛式,同另外一隻股票一齊買。今次嘅目標要搵隻百份百一定升嘅股票,咁兩隻一齊買就拉上補下;例如搵隻一定升嘅,假設升三倍,隻鐵鈦如果升五倍,打和之後就有四倍,隻鐵鈦如果只升一倍,打和之後都仲有兩倍。

咁有乜嘢股票一定升嘅呢?

穩陣嘅大企業囉,即喺大藍籌。但喺個唔好處就喺,升就一定升,但喺唔升得多。

今時今日,最落後嘅藍籌有四隻:和黃,富士康,招商局,中信泰富。

富士康,愛莫能助。招商局,落後唔多。和黃,唔好攪我。

                                             

大家睇吓中信泰富幅圖,你估吓下次牛市個高位喺幾多呀?

         

 

喺咪$50呀,都冇乜研究囉。

中信泰富,喺五百八十億嘅企業,比對先前嘅鐵鈦只喺五十八億,南航喺三百億。仲得人驚嘅喺,中信泰富只喺母公司中國中信嘅『一忽仔』;中國中信資產喺萬幾億。

中國中信喺鄧小平伯伯1979年改革開放的最早制成品;由他自己親手策劃,並指派紅色愛國資本家榮毅人先生創辦。

                      

 

業 務範圍主力『 非銀行性的金融事業,並兼營任何可以想象的業務』,廣東話就叫做『汁都撈埋』。當時中信喺全國最具規模嘅企業,所以曾幾何時,成為眾矢之的,話佢『官 倒』,即喺官商勾結,利益輸送。之但喺當時中國仲喺未有商營企業,只有國營企業;忽然話要攪個商業體制,又話要俾佢生存壯大,咁點先算『適當咁』幫助佢, 又點先算利益輸送呢?

後來大家都習慣左,知道開放改革喺有啲尷尬情況,漸漸就冇乜嘢喇。

 

中國中信喺以金融事業為主,於1990年來港,收購了一間叫泰富發展的公司,改名為中信泰富,注資上市。中信在香港的業務只有少量金融投資,反而是以鋼鐵業為主,包括在澳洲採鐵礦和運送回國生產鋼材;其他業務包括物業投資,海底隧道,國內的發電廠,電視衛星,和澳門電訊。

阿牛喺咪睇中佢嘅鋼鐵業呢?

唔喺。

                  


投資 香港 股市 外國 地產 樓市 壹貳 貳壹 發達 三大 要素 甚麼 第一 一零 零六 六回 阿牛
PermaLink: https://articles.zkiz.com/?id=17468

投資香港股市,外國股市,地產,樓市之(壹壹伍)發達三大要素之:買甚麼?(第一百回) 阿牛

http://hk.myblog.yahoo.com/yomagyomag/article?mid=1645

投資港股:中國鐵鈦(一)

 

中國每年用鐵甚多;去年的用量是9億噸。中國本身的鐵礦石的儲存量是全球的14%,主要蘊藏在東北和西南地區。西南的鐵礦主要在四川省的攀枝花地區,該區已探測及開發中的鐵礦有31億噸。全國去年鐵礦產量2.73億噸,如果用9億噸的用量相減,就需要進口6.27億噸。

全球其他高蘊藏量地區,包括澳洲,南美和印度。各地開採鐵礦和外銷鐵礦,都是 巨無霸的大公司。點解要大公司,而細公司做唔到呢?就喺因為鐵礦石喺數以億噸咁開采嘅,而且礦石笨重,運輸是極麻煩和極大工程的,唔講得笑嘅。如果同其他 礦物相比,例如煤礦就一樣喺咁大量,但喺煤就輕身很多,容易運送;再對落下面的鋁礦,產量只喺講緊幾多千萬噸,而且鋁金屬只有鐵嘅三份一咁重。跟著啲銅、 銀、金之類就只喺講幾多十萬噸。所以總括嚟講,鐵礦石:『 質重量大 』 。

中國是進口鐵礦石的頭號買家,從前是有個類似進口鐵礦石組織咁嘅東西:中鋼協,負責主持同外國三間大公司,巴西的淡水河谷,澳洲的力拓,同埋必和必拓公司,分別議價、議量,以每年為單位,定出買賣價和大概承擔的買賣量;為之『年度定價方式』。

 呢個辦法其實自1981年 開始,已經用左三十年。簡單來說,就喺每年三月,由中國、日本、歐洲、三大用家,集體同淡水河,力拓,必和必拓、三大供應商議價,由四月一號,生效至翌年 三月底。協議相當簡單,就是對幾大鐵礦石,磁鐵礦、赤鐵礦等,作出定價,成為當年全世界的公價;其他細節如品質上的輕微差別,各地運費差別等等,一律省 略,各出口商『多除少補』,差額自付,即喺『食自己』。

 

               

咁形式嘅合約,其實喺有利買家多於有利賣家,所以當需求一年復一年咁上升,呢個制度終於在2008崩潰了,不能再維持。當年,日本的新日鐵,和淡水河谷首次作出較明細的定價,把不同品質的兩種粉礦價格區分了,給予一個6%的差異,開了『同品種,不同漲幅』的先例。『粉礦』就是已經研碎了的精礦,礦石粒直徑在6mm或以下。此例一開,澳洲嘅力拓首先退出集體議價,向中國買主徵收額外的運費,從而獲得更高的售價。

 

         

 

2009年就是更糟的一年,因為建立了三十年的模式已經給打破了,遊戲的規則需要從新建立。這年的談判異常艱苦,直到五月底才達成協議。到了2010年,本年的情況就只能用『失控』來形容!

 

上述三大公司佔全世界出口鐵礦石的海運量70%以上;由於三大公司的壟斷,去年年底開始,三間公司聯合抬控價格,紛紛拋棄年度定價方式,並步步逼迫全球的鋼企,逐步從年度定價走向季度定價,再走向月度定價,再走向『指數定價』。所謂指數定價,即喺海鮮價。

 

凡喺呢啲可加可減基制,就梗喺有加冇減喇,今年第一季度,三大礦山仲用緊年度定價時,仲賣緊61美元一噸,從四月開始,拋棄年度定價之後,開始季度定價,二季度價格約每噸123美元,三季度定要價更升至每噸147美元。情況惡劣。

跟住我地中國人發揮民族特性,使出渾身解數;就喺『一盤散沙,各自為政』,一窩蜂各自去敲門,各出奇謀。

結果喺點?

咪衰多二錢重囉!

        


投資 香港 股市 外國 地產 樓市 壹壹 壹伍 發達 三大 要素 甚麼 第一 一百 百回 阿牛
PermaLink: https://articles.zkiz.com/?id=17469

投資香港股市,外國股市,地產,樓市之(壹壹陸)發達三大要素之:買甚麼?(第一零一回) 阿牛

http://hk.myblog.yahoo.com/yomagyomag/article?mid=1653

投資港股:中國鐵鈦(二)

我們鏡頭一轉,去到千里以外的澳洲。

         

喺個幾月前,遙遠嘅澳洲,發生了政治風波。五十三歲的總理兼工黨黨魁,Kevin Rudd 陸克文,黯然辭職;由副總理,四十八歲的 Julia Gillard 吉拉德接任。

這一樁小小的,本來關我地叉事嘅新聞,卻輾轉關係到我地嘅投資。

                    

陸克文,祖藉英國,小時候因為患左風濕性心臟病,佢父母決定在郊區的農莊生活,希望良好嘅天氣會給兒子帶來健康。在陸克文弱冠時,他父親因車禍去世,之後一家人的生活漸趨困苦。他在大學時主修中文和中史,能說得一口流利的中文,2007年上任總理後,澳洲和中國的關係達到史無前例的和洽。至2009年,中澳雙邊貿易額達七百五十億澳元,佔澳洲總貿易額的 17%。但是陸克文終於在新的礦務稅上觸礁下台;事源澳洲政府,因種種開支,財政上十分吃緊,所以希望在2012開始,徵收新礦務稅,對賺到盤滿砵滿的礦商,收取 40% 的暴利稅。此舉當然不受歡迎,最終引發礦商串同工黨內部份人發起『迫宮』,去掉陸克文,扶植副總理吉拉德。

                            

吉拉德,出生於英國威爾斯,孩提時因小兒久咳,她父母於她七歲時移民澳洲,希望女兒身體較佳。大學時吉拉德修法律,畢業後成為律師,據說她和礦商關係很好,對中國就好感欠奉。她上台後幾天已經和礦商達成共識,把 40% 稅率降為 30%,又增加多種寬免,皆大歡喜。

澳洲的礦商如此神通廣大,實在何許人也?

      

必和必拓,BHP Billiton 是全澳洲最大的公司,也是全世界最大的礦務公司。他是兩個龐然大物,BHP Billton 2001年合併而成。BHP是地道的澳洲公司,創於1885年,而 Billiton 則是英國背境公司,創於1860年;必和必拓現在是倫敦富時指數的成份股。

                        

力拓,Rio Tinto 是英資公司,相比必和必拓,也是歷史悠久,始創於 1873年, 是全世界第四大礦務公司,也是倫敦富時指數成份股。力拓於2009年,可能需要資金週轉,於當年二月和中國鋁業達成一項1500億人民幣的入股和建立戰略 伙伴關係。但是,到了四個月後,同年六月,力拓單方面終止和中鋁的協定,過橋抽板。後來更爆出力拓四個高層人員,牽涉入洩露中國國家機密,被拘捕及定罪, 大家攪得很不愉快。跟著,力拓就傳出轉和必和必拓尋求合作。

力拓和必和必拓在幾個月內達成了中國最不願見到的共式:就是合併了澳洲的礦務,組成了一間50:50的新公司。將來不論營運上,和討價還價上的能力,都更上一層樓。

中國對於近月澳洲的種種轉變,束手無策。但可以肯定的是:

1) 2012年 開始,鐵礦石肯定會更貴;我們不能有任何奢望,澳洲礦商們會把30%的新稅啃掉。羊毛,永遠是羊身上出來的。

2) 新澳洲政府的親中情度和舊政府比較,相去甚遠。

3) 力拓和必和必拓,將會越來越惡,對中國的入口企業越來越兇。

4) 新政府的30%稅可能是緩兵之計,到財政緊迫時自然會再增加上去。尤其是如果這增加的份數,是由中國人乖乖的付鈔的話………

       


投資 香港 股市 外國 地產 樓市 壹壹 壹陸 發達 三大 要素 甚麼 第一 一零 零一 一回 阿牛
PermaLink: https://articles.zkiz.com/?id=17470

投資香港股市,外國股市,地產,樓市之(壹壹柒)發達三大要素之:買甚麼?(第一零二回) 阿牛

http://hk.myblog.yahoo.com/yomagyomag/article?mid=1691

投資港股:中國鐵鈦(三)

尋日去完澳洲,今日時空倒流,番去三千五百年前,嗰陣中國喺商朝。

《西京賦》話:『殷人屢遷,前八後五』。

殷人,商朝也。屢遷,多次搬動咁解;搬乜?首都也。前八後五,共十三次。

當時雖然冇而家咁多家電,工廠,寫字樓要搬;但喺當時冇『人人搬屋』,只有『人手搬屋』,所以搬國都極為大鑊。

咁點解仲要搬呢?

因為要追逐銅礦。

當時之最新科技,就喺煉紅銅;紅銅用嚟造兵器,同儀仗禮器;當其他人仲用緊木矛竹劍,同埋掟石頭,銅刀銅劍嘅威力就同飛機大炮差唔多。邊位知道下面隻秘密武器:銅戈,究竟點樣用,阿牛請佢食嘢。

       

每當一個地方嘅銅礦採完,商人就情願搬國都,去一個有礦源嘅地方,方便開採,古人選擇移船就墈,寧把國都搬近礦場,都不選擇把礦石老遠搬回來。

礦石,自古都難搬運,今日亦然。

鐵礦石開採之後,運至港口,然後下船,海運至交貨港口,貨主就要自己負責把礦砂運至冶煉廠。例如四川的鐵廠,就要從廣東湛江,或廣西防城港把礦沙接走;運輸費一般由港口運送至廠裡都要每噸 RMB200 至 RMB300

        

如果買賣由國內生產的礦砂,相對就簡單得多,可以在自己廠房最就近的火車站收貨,稍為搬動一下就可以運送回廠了。 加上最近進口礦砂以『海鮮價』計算,和以前的年度價格比較,就很難確保每一次都和同一礦商買貨,而每一次換貨種之後都要從新適應煉制的時間和成份,因為每種礦砂的精細成份都不同。如果能夠跟同一個國內礦主進貨,買進同一種礦砂,實在有很多的方便。

今年初,春節前後,雲南地區的鐵礦砂價格,曾經一度炒高至全國市場價的1.4倍。雖然只維持了短短兩星期,但也間接指出煉鋼廠的保守政策,寧可硬接一批貴貨,也不願到外省找新貨源,証明煉鋼業他們自己有一套準則,不足為外人道。

       

說了三天,都是在推銷同一個東西:國產鐵礦股。

現在整個市場只有一隻:

                           893      中國釩鈦磁鐵礦業有限公司


投資 香港 股市 外國 地產 樓市 壹壹 壹柒 發達 三大 要素 甚麼 第一 一零 零二 二回 阿牛
PermaLink: https://articles.zkiz.com/?id=17471

投資香港股市,外國股市,地產,樓市之(壹壹捌)發達三大要素之:買甚麼?(第一零三回) 阿牛

http://hk.myblog.yahoo.com/yomagyomag/article?mid=1709

投資港股:中國鐵鈦(四)

893中國鐵鈦在去年九月中上市,上市後由 $3.5 最高升至今年一月時的 $5.59。股價跟著反覆上落,直至四月九日開始顯著下瀉,直至七月十五日的 $2.25最低位。

 

        

呢啲叫做『嚴重超賣』。

簡單嚟講,叫做走勢惡劣,或者話,平一平都冇人買。

咁仲制!

 

即喺咁:中國鐵鈦一向都有兩個大股東,一個叫做『合創』,一個叫做『Green globe』。合創喺鐵鈦嘅原始股東,即喺創辦人,大老闆。Green globe喺第二大股東,佔9.9%股權;背後喺洋鬼子,在美國非主版上市,喺投資公司,據說對買賣資源股頗有心得。阿牛睇過Green globe 嘅資料,唔喺好鍾意佢地咁對住我笑,覺得佢地喺『奸』嘅。

http://www.greenglobeint.com/about/history/

         

網頁一開始就講啲乜嘢環保,乜嘢環保旅遊概念,不過又同時喺個投資機構,好似有啲虛浮。

好喇,呢個 Green globe 在鐵鈦上市前已經入股,股份成本低至$2.2 ;在六個月禁售期後,Green globe就開始拋售股份,好像想把手上的9.9%,全數賣出,於是股價開始插水,由五元以上一直估售到二元多。

 

大股東合創都講得啱,人地Green globe有權賣喎,而且事前已經咨會左,咁賺到錢,人地想到此為止都好合理啫。

在這幾個月當中,另外又添左變數,就喺因為殺出左多一個程咬金:景順投資。正當Green globe開始賣出,景順就開始買入,最多時景順持有8.7%股權,但喺買入又點托得住Green globe拋售吖,景順結果坐左艇。景順今次可以算冷手執個熱煎堆,跟著發覺『辣親手』,隻手起曬水泡,唯有又將手上煎堆拋掉,表演一幕高買低拋嘅尷尬場面。

 

        

 

呢個喺四月十五日嘅事,呢頭Green globe話減持,景順在四月十六日就話增持,跟著頂左幾個禮拜頂唔到,接住就沽埋一份,同Green globe齊齊沽;結果股價就一路從五蚊跌到落去兩個二。

但喺另一邊廂,其他投行,例如交銀、德銀就仍然相當睇好鐵鈦,維持買入評級,德銀睇$4.1,交銀睇$5.4。

所以:

1)   如果唔喺有減持風波,股價而家應該在四、五蚊上上落落。

2)   股價在兩個二應該喺底價,大概冇乜人會有興趣在兩個二樓下沽貨嘅 

3)   股價要等呢一朝平服晒,先有得再向上。要靠牛市三期的帶動。不過都喺好似下面隻牛咁,舉步為艱。

        

4)   佢因為喺初次發育股,所以走勢會好飄忽,升得慢,跌得快,會好令你失望,要到牛市接近尾聲先會有顯著升幅。到時喺好短時間內就要睇到實,見頂就要走貨,大 家睇番早幾日,講南航上一朝個走勢就會略知一二。最尾嗰幾蚊,幾日內就要攪掂,好似打邊爐淥龍蝦咁,分秒必爭。

                  

阿牛就決定到時乜都唔做,搵個地方呢埋,坐定定喺度睇住佢,同佢惡鬥。

大家個心臟頂唔頂得到呀?


投資 香港 股市 外國 地產 樓市 壹壹 壹捌 發達 三大 要素 甚麼 第一 一零 零三 三回 阿牛
PermaLink: https://articles.zkiz.com/?id=17472

投資香港股市,外國股市,地產,樓市之(壹壹玖)發達三大要素之:買甚麼?(第一零四回) 阿牛

http://hk.myblog.yahoo.com/yomagyomag/article?mid=1718

投資港股:中國鐵鈦(五)

 

昨天講完,隻中國鐵鈦好似都好多波折,而且暫時股價都疲弱,上次年初業績又喺升嗰幾個%,點解仲要諗佢呢?

首先,我地要攪清楚自己想點。

我地喺睇緊下一次牛市,唔喺睇緊呢兩個月,所以乜嘢股權變動,邊個買邊個賣引起短期震蕩,喺唔關我地事嘅,反而俾到個機會我地平啲入到貨。

 

如果你問Green globe點解要出貨,阿牛就真喺唔知,亦都冇可能查到,因為喺冇人會披露嘅。但喺你叫我估,我會估喺正常商業決定,短期獲利,跟著換投資項目。

再講到鐵鈦公司的穩健程度,阿牛就相當滿意:

1)   公司多次表明,礦場選擇以『表礦』為 主。所謂表礦就是地面下很淺的礦脈,可以露天開採;即喺通地挖掘就可以,無須礦洞,無礦井,亦唔會有礦難。這樣比起有些礦務公司,天花龍鳳,話自己嘅安全 措施點好點好,以為真係可以杜絕礦難,中國鐵鈦優勝得多。佢地都忘記左,最好嘅安全措施,其實喺『唔好做危險嘢』。

        

2)   再進一步,公司的礦場,全部都外判俾人做開採,自己唔做,進一步減低風險。礦物運輸和部份初級提煉,亦喺外判。

3)   公司揀嘅礦場,都極接近鐵路,方便運輸。

4)   公司的發起人,王勁先生,人如其名,喺礦業界元老,無人不識,所以對公司買入新礦及業務發展,幫助極大。亦因為咁,集團先做到四川的最大鐵礦業民企,規模僅次於國營的攀枝花礦業。

5)   公司上市所得,皆用於業務發展,不是用來還債。公司負債甚輕,有十七億現金在手,可作發展新礦場及加工廠用。

6)   公司對細節東西,亦有留意,例如選礦需要大量用水,就情願在礦廠當地,和鎮政府合作,花三千萬建一個水庫,確保將來有足夠工業用水,免至乾旱的日子,影響生產。

7)   四川自大地震後,重建需要大量鋼筋,加上國家眼見從前的樓房不堪一震,把建房標准提高,引發省內鋼鐵業無限商機。

其實大家知唔知四川有幾勁呢?單喺一個重慶直轄市就有幾千萬人,五個香港咁大。人地三個月就要出一份新地圖,因為城市不斷澎漲,幾個月張圖已經out。

 

香港,借歪喇!

        


投資 香港 股市 外國 地產 樓市 壹壹 壹玖 發達 三大 要素 甚麼 第一 一零 零四 四回 阿牛
PermaLink: https://articles.zkiz.com/?id=17473

投資香港股市,外國股市,地產,樓市之(壹貳零)發達三大要素之:買甚麼?(第一零五回) 阿牛

http://hk.myblog.yahoo.com/yomagyomag/article?mid=1724

投資港股:中國鐵鈦(六)

你可能會話,就算公司冇問題,業績賺多左,快速增長嘅公司大有人在吖,點解要揀中國鐵鈦呢?

啱。

其實業績好同股價一啲關係都冇:

 

                        業績好,不等如派息多,不等如股價升

大家睇吓上星期公報嘅業績;長實公報,盈利增加4%,跟著第二、三日,股價逆市升幾個%。

       

調番轉,騰訊又喺嗰兩日公佈業績,盈利增加40%,跟著第二、三日,股價反而下跌!

 

            

點解呢?

 

因為市場感覺唔同,長實公報業績,照例搵齊傳媒,做場大騷,李嘉誠蓮子蓉咁口面談天說地,跟著又有和黃話3G就嚟有錢賺;跟著霍建寧第二日高調增持和黃,做戲做全套;大家於是眾口一詞,猛話好呀好呀,咁就買上去。其實4%增長,算把喇。

 

騰訊又唔同,早輪俾人洗倉,喺咁跌跌跌;大家都唔喺真心睇佢業績,一心沽佢。其實40%增長,好靚喇。

所以要買著啲有運行嘅股票,就要有以下嘅基本條件:

1)  行業要無懈可擊,前景要秀麗。

2)  一般股民要睇得明你嘅好處。你兜兜轉轉講得復雜,佢地唔做功課,唔明嘅;反而喺唔喺咁實在就唔太緊要,佢地明同埋肯信就得。大行話有分析員,其實都喺一樣。

3)  一定要耐唔耐見報,如果你幾個月都唔見一見報,隻股票冇人識,就識飛都冇用。隻和黃早前就喺喇,提都冇人提,咁唔掂嘅;所以呢次公報一下業績,如果遲少少冇聲冇氣,無以為繼,個升勢一樣唔掂嘅。

 

4)  公司又唔好太大,太搶眼。騰訊就喺好好嘅例子,佢個QQ,同啲遊戲真喺好成功,但喺『發育過早』,牛市一、二期已經發育,早幾個月升左一大截。咁你想牛市三期點好呀?再可以升幾多呀?其他股票都仲浮吓浮吓,佢已經升完,仲俾基金洗埋倉,將來冇人知佢跟住會點,咁點炒呀。

 

喺呢方面,鐵鈦就優勝,一來個行業前景真喺極佳。二來佢優點一目了然,喺因為 鐵礦石貴,原全唔駛証明間公司要有乜嘢過人嘅能力,如果有能力就更佳。三來佢曝光唔錯,每一兩星期就有人提吓;仲有,唔駛一定講到佢隻股票,只要一講到鐵 礦,立即關晒佢事,因為香港得一隻鐵礦股。而家佢未hit就仲好,阿牛可以平平地買到,到牛三時,市場四圍搵藉口炒作,我唔擔心佢冇份。

 

原來鐵礦物喺今年中國no. 1話題之commodity, 國內已經廣泛同頻密咁討論,報張,雜誌不停見報,完全唔喺乜嘢秘密。香港嘅報刊就冇乜點講,我都未見過有任何有份量嘅討論,其實我地報刊嘅水準我真喺唔敢 恭維,連咁嘅話題都走漏得。但喺到左明年,鐵礦石價再升,全國嘩然,我地就遲早都要講到,到時大家就好『聰明』咁諗到,鐵礦股喺寶嚟。

大家有冇認真諗過點解坑渠蓋會有人偷嘅呢?

        


投資 香港 股市 外國 地產 樓市 壹貳 貳零 發達 三大 要素 甚麼 第一 一零 零五 五回 阿牛
PermaLink: https://articles.zkiz.com/?id=17474

投資香港股市,外國股市,地產,樓市之(壹貳貳)發達三大要素之:買甚麼?(第一零柒回) 阿牛

http://hk.myblog.yahoo.com/yomagyomag/article?mid=1945

投資港股:中信泰富(二)

今日講吓中信泰富嘅技術分析。阿牛經研究後嘅結果喺:

                                                     

真嘅。就喺得個『?』。

中信泰富喺最早一批『窗口公司』,例如392北京控股,就喺北京市嘅窗口公,363上海實業就喺上海市嘅窗口公司,咁大家覺得中信泰富喺乜嘢嘅窗口公司呢?冇錯,就喺國家嘅窗口公司。

 

                                          

國家嘅窗口公司,基本上唔喺一間正常嘅公司,因為公司的業務方向,唔喺淨喺商業考慮,一定有其他考慮,例如:

 

1) 國家長遠利益的考慮

 

2) 外交的考慮

 

3) 國防的考慮

 

4) 種種形式的必需商業活動,而又不適宜由中央政府直接運作的考慮

也就是說,有很多東西我們不知道的,亦不適宜知的。在這裡阿牛都要表明自己並不知道任何機密,亦從來沒有嘗試查探任何機密;阿牛只想說,我選擇中信泰富,純粹是信任:

        

阿牛相信,連中信泰富的高級職員亦不會知道公司很多的東西;每個人都只知道自己需要知的東西,各部門之間亦一定有相當的自主性,只有極少數的幾個人知道全部的東西。

我們作為投資者又應如何定位呢?

明天說壓力測試。

                                           


投資 香港 股市 外國 地產 樓市 壹貳 貳貳 發達 三大 要素 甚麼 第一 一零 零柒 柒回 阿牛
PermaLink: https://articles.zkiz.com/?id=17608

投資香港股市,外國股市,地產,樓市之(壹貳參)發達三大要素之:買甚麼?(第一零八回) 阿牛

http://hk.myblog.yahoo.com/yomagyomag/article?mid=1951

投資港股:中信泰富(三)

 

最近,中國銀監會建議商業銀行進行房價下跌60%的重度壓力測試,業界叫晒救命。其實跌六成就真喺好尷尬,應該都冇乜金融機構可以企得住;咁耐以來阿牛見過兩次真實的60%測試,一次由董建華個X人,幫我地香港人做『人體測試』,攪到日日有人燒炭,幾年間死千幾人,數以萬人家破人亡,有人肚餓到偷麵包,搶飯盒。

第二次就喺2008年10月,中信泰富炒燶澳幣。當時熊市剛過,中信泰富成間公司先淨番唔夠三百億,跟住話因為買澳元  Accumulator 蝕左一百五十億;單嘢出街,第二日中信泰富跌55%,剩番$6.5。尷尬嘅喺之前不久,公司先公報左話一切正常,跟住蝕咁多錢。更尷尬啲喺,揸旗嘅『疑似』喺榮家小姐榮明方,於是大家憎人富貴厭人貧,想人地再尷尬啲。

              

但喺:

 

不可不知中信泰富在澳洲有鐵礦,當時正在開發而未投產之際,需要用唔少澳元;買定啲澳元,lock死個價,方便控制成本喺好合理嘅,而且當時澳元一升再升,榮小姐看漲喺好合理嘅,而買 Accumulator 亦喺正常手段。簡單嚟講,等如lock死個兌換價同數量,再慢慢供款而已;點知個澳元會急跌喎!

側聞榮小姐做大生意好有膽色,私下更喜歡『跑夜馬』;唔喺我地啲小男人星期三去快活谷嗰隻,喺騎住隻馬,夜晚通山跑喎;兄弟,你有冇咁膽色呀?阿牛就冇喇。

好喇:

戲肉就喺,北京中信母公司兩星期內已經落實俾一百一十五億備用信貸香港中信泰富。一場風波,迅速落幕。証監側側膊唔多覺,中信泰富繼續做指數成份股。

買中信泰富,好過你攞住張報紙,左度右度啲壞鬼鱔稿,搵啲所謂實力股。

有乜嘢勁得過蝕得起吖,中信先喺 power 嘛!

                    

                        * * * * * * * * * * * * * * * * * * *

阿牛又想起啲肥皂劇:

老豆:咁夜呀,仔。

阿仔:嗯……

 

老豆:咪行住……食左飯未?

阿仔:嗯……

老豆:呢輪你好忙咩,成日唔見人。

阿仔:嗯……

 

老豆:叫廚房開飯你食左先喇……我晏晝入左錢落你戶口填晒條數喇……你下次小心啲呀。

阿仔:嗯……

 

老豆:你阿媽話成個禮拜冇見過你,呢兩日又話唔舒服,你食完飯上去同阿媽請安喇……我乜都冇同你老母講過。

去喇。


投資 香港 股市 外國 地產 樓市 壹貳 貳參 發達 三大 要素 甚麼 第一 一零 零八 八回 阿牛
PermaLink: https://articles.zkiz.com/?id=17609

投資香港股市,外國股市,地產,樓市之(壹貳肆)發達三大要素之:買甚麼?(第一零九回) 阿牛

http://hk.myblog.yahoo.com/yomagyomag/article?mid=1954

投資港股:中信泰富(四)

今日要講嘅兩個問題,阿牛嘅答案都喺:no

首先,睇完尋日個阿牛劇場,大家有冇覺得個仔,喺咪敗家仔嚟㗎?

阿牛答案喺:no

唔一定,老實講,邊個做生意未失過手吖。個老豆咁 cool ,佢以前唔喺一樣試過衰過,套劇冇講啫。你可能會話,個老豆可能衰過,不過衰少少,無個仔咁大鑊,會唔會呢?

會,因為當時佢老豆副身家冇咁大,同埋未必有老豆個老豆照吖嘛;其實 每個生意人做決定之前都喺諗住賺嘅,唔喺做嚟把鬼咩。而佢落疊之前,一定都會計過輸唔輸得起,包括有冇老豆幫佢埋單都喺考慮因素之一,全部佢都會計算在 內。所以阿仔衰一鑊,而佢老豆找得到數嘅,絕對合情合理,根本輸得起。

仲有,你估佢老豆唔知咩,甚至乎心知肚明,未必關個仔事,或者佢老人家親自出手,戰果可能都喺一樣。

從前90年代有間上市公司叫兆峰陶瓷,由一個後生仔叫李兆峰白手興家攪嘅,高峰時買埋南灣嘅別墅,住喺李嘉誠隔離,連李嘉誠都話佢叻仔;後來 2001 年公司擴張過度,一下週傳唔嚟,執埋笠。

                             

李嘉誠點?唔通幫佢呀,都叫大家弄肋而為,冇咁大個頭就咪帶咁大頂帽喇。白手興家一個唔小心,就喺咁嘅下場。你買佢股票,咪陪葬囉。

衰左,最緊要有人找數,咁就喺叻。冇人找數,就唔叻。未衰過唔算叻,你『未』啫,唔表示你唔會。

跌底爬番起嚟?呃細路就得。

                

冇左份八千蚊嘅工,梗爬得番起身喇,搵過份九千嘅都得呀。冇左八十億,你赤手空拳搵番九十億我睇吖!

跌在那裡,就趴在那裡。

不過,李兆峰先生好嘢,而家轉戰上海,雖然冇以前咁大,一樣企得住。但喺個樣就蒼桑好多囉。

           

阿牛誠心祝福佢。李生,加油!

                      * * * * * * * * * * * * * * * * * * *

第二個問題,中信泰富公報業績,純利急增一倍,阿牛喺咪好開心呢?

阿牛答案都喺:no

點解?

因為時候都未到,公報業績都唔會炒上嘅,最近放榜潮:

建行盈喜 ,股價跌

袞煤盈喜,股價又跌

鐵鈦盈喜,股價都喺跌

因為都未到牛三,個市要到牛三,個市場氣氛好,盈喜先有藉口炒上。

但喺,亦有異數嘅,早輪隻999 I.T. ltd 公報業績,當然喺好好,結果由一蚊炒上三蚊,仲唔跌番落嚟。所以好難講,天時地利人和一夾埋,炒高左就買唔番,陣腳大亂好尷尬。所以點解隻鐵鈦,阿牛咬實 牙根都要而家入貨,明知佢多數要等幾年,都未必有嘢睇。就喺怕佢『萬一』,忽然受市場重視,升倍零兩倍,唔湯唔水,咁就大劑,你話仲買唔買落去好吖。

咁買 I.T. 咪得囉!

你知唔知I.T.今年賺多左幾多呀?比舊年多五倍咁多。你話炒高三倍喺咪合理呢。咁你又知唔知南航今年賺多左幾多呀?喺八十倍呀!結果咪升左一毫子咁大把。

你話我聽下一個喺邊隻股票,盈喜之後會升幾倍嘅。


投資 香港 股市 外國 地產 樓市 壹貳 貳肆 發達 三大 要素 甚麼 第一 一零 零九 九回 阿牛
PermaLink: https://articles.zkiz.com/?id=17610

投資香港股市,外國股市,地產,樓市之(壹貳伍)發達三大要素之:買甚麼?(第一一零回) 阿牛

http://hk.myblog.yahoo.com/yomagyomag/article?mid=1973

投資港股:中信泰富(五)

 

                        

                                           榮毅仁 (1916-2005)

故事由1865年說起。那年是同治四年歲次乙丑,是殿試之年,也就是三年一度考狀元的日子。當年的一甲第一名的狀元是滿洲鑲黃旗人崇綺,不過今天說的不是崇綺的故事,而是一個『交白卷』的人,無錫人薜福成。

薜福成當日並沒有作答,而是用答案紙寫了一封長信給曾國藩;當大家還在為八股文,破題,承題,起股,束股之際,薜福成已經在表達他的世界觀。他和很多無錫人一樣,已經具備了當時人沒有的『世界視野』。

其中的要點是無錫人早已擺脫了重儒輕商的傳統觀念,他們有自己一套『義利兼顧』的營商理念。無錫又因為靠近上海,兼收太湖水道運輸和滬寧鐵路之便,在清末就和常州和南通,成為中國新興的工業重鎮,以巢絲,紡紗和麵粉加工為三大經濟支柱。

        

榮毅仁先生的伯父和父親就是做茂新麵粉公司賺了第一桶金,跟著就兼做振新紗廠,一直到解放前,合共辦了幾十間工廠和錢庄,成為中國最大的民族資本家族。到了1949年,榮毅仁先生做了重要的決定,就是堅持留在大陸,不隨國民黨撤退台灣。

解放後中央已經留意到這批留國商人,翌年1950年,榮毅仁三十四 歲,獲邀和國家領導人吃飯,認識了周恩來總理,周總理笑說榮毅仁是『少壯派』,也就是『少壯派』三個字的由來。1956年察量當時的形勢,榮毅仁把榮家名 下的商業帝國,包括紡織廠,麵粉廠和銀行,無償交給了國家。上海市長陳毅尊他為紅色資本家,又助他選上海副市長,紡織工業部副部長。

文革開始後,榮家得周恩來總理一力保全,安然渡過。文革後的十一屆三中全會後,在鄧小平的支援下,1979年10月成立了一個投資機構—中國國際信托投資公司,CITIC

 

(China International Trust and Investment Company),由榮毅仁任總裁。請留意,公司是直屬國務院的, 後來就易名為中國中信集團。公司第一年就接待了四十多個國家來洽談業務的四千多人,和國內企業的三千多人,連前美國的國務卿基辛格也受聘為CITIC的顧 問。CITIC以其獨一無二的國家背景,觸角伸進所有的經濟領域以及承擔起國家在國際經濟合作方面的發展。

 

80年代尾,CITIC發動了‘收購香港之戰’,1987年1月購入國泰航空12.5%股權,又收購港龍的38.3%股權,以及香港電訊公司20%股權。1990年中信購入泰富投資,翌年借殼上市,改名為中信泰富。

 

1993年,榮毅人年屆76,他把中信交給了助手魏鳴一和王軍,自己則回到政治圈,當國家副主席。

 

2005年榮毅人以89歲高齡逝世。


投資 香港 股市 外國 地產 樓市 壹貳 貳伍 發達 三大 要素 甚麼 第一 一一 一零 零回 阿牛
PermaLink: https://articles.zkiz.com/?id=17611

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019