ZKIZ Archives


學玩雜耍扭汽球做專業表演者

2016-07-14 NM

現時有不少場合會邀請娛樂表演者及小丑來帶動氣氛,市場上對專業表演者的需求不少,但一些有興趣入行的人士,卻不知該如何接觸這行。有見及此,坊間便有機構舉辦表演藝術的相關課程,讓學員可以習得表演技藝,還有機會了解表演業,為入行作準備。

香港雜耍之家舉辦的娛樂表演暨小丑藝術專業證書課程,主要為有興趣投身成為表演者的人士作準備,課程總監Man表示課程會由多名有資深表演經驗的導師親自任教,「課程包括3個基礎課程,包括魔法、雜耍及氣球班,完成後可繼續進修小丑演藝技巧及表演演藝導師入門,讀完先叫完成晒成個課程。學員咩都唔識都可以報讀,我哋會由基本技巧教起,好似魔術、扭氣球、扯鈴及轉碟等雜耍技巧,之後會教上小丑妝及舞台表演技巧等,務求學員可以自己完成一個表演。」

耐性好重要

不少人認為熟悉技藝就可以表演,Man表示性格及如何演繹才是成為專業表演者的關鍵,「而家表演好多時需要同小朋友相處,所以鍾意小朋友及有耐性好緊要。另外,表演唔係上到台將啲雜耍玩完一次就可以,同觀眾嘅互動先最重要,好似行埋去小朋友面前表演,身高會令佢有壓迫感,你可能就要蹲低;大人就鍾意節奏明快啲,可以揀快歌音樂去配合表演。」

實習兼工作轉介

Man指出完成考核的學員,可獲得證書及實習機會,「完成晒所有課程後,我哋會有個筆試及表演考核,評核學員嘅表演理論及要佢哋準備一個5分鐘嘅個人表演,合格就會有張證書,我哋先會安排實習機會及轉介工作畀拎到證書嘅學員。」

學員阿魚:我做文職工作,但坐唔定,做咗幾年後想轉行,自己對雜耍有興趣,於是報咗呢個course,明白要成為專業表演者,除技藝外,走位、音樂配合及觀眾交流等表演技巧都十分重要。

課程總監Man:現時市場對專業表演者嘅需求好大,主要嘅工作會有生日會、商場及公司慶祝活動等,初入行嘅人士,上台表演5至10分鐘大約收$500至$1,000,當累積一定經驗後,表演5至10分鐘可收$3,000或以上,之後仲有機會成為導師。

學員阿Lok:讀書時玩過扯鈴,亦有參加過表演,可以帶畀人歡樂,畢業後有朋友介紹我報讀呢個課程,學到唔少表演用嘅技巧;加上完成課程後有實習,可以體驗到真實工作嘅情況,對入行好有幫助。

課程:娛樂表演暨小丑藝術專業證書課程機構:香港雜耍之家對象:年滿18歲的有興趣人士。學費:$18,000堂數:50堂,共100小時。內容︰行業簡介、各類小丑的化妝技巧及服裝風格、小丑逗趣及雜耍表演、魔術表演、氣球藝術知識、扭氣球、各類氣球造型製作、現場表演技巧、個人素養及求職技巧等。查詢:3575 9355

撰文:曾志恒攝影:葉偉豪(部分圖片由被訪者提供)

學玩 雜耍 扭汽 汽球 球做 專業 表演者 表演
PermaLink: https://articles.zkiz.com/?id=205466


ZKIZ Archives @ 2019