ZKIZ Archives


西環集中營:財爺倘去信 意味獲京開綠燈

1 : GS(14)@2016-10-28 06:05:13

退休法官胡國興去馬選特首,一石激起千重浪,日前即傳出財政司司長曾俊華已去信中央最高層,表達辭職參選意願。


無中央默許如政治自殺

外界對曾俊華去信消息有不同解讀,有指他未獲中央開綠燈,所以才有此行動,但民主黨中人對此卻有不同看法,因為根據民主黨與中央談判的經驗,曾的行動或代表中央已容許他辭職參選。該民主黨中人說,曾俊華如此去信中央最高層表達辭職參選意願,若完全沒有北京示意,做法如同政治自殺,「梁振英係現任特首,冇中央默許,都唔敢貿然宣佈角逐連任,何況曾俊華?」他指通常敢去信中央最高層提出要求,「其實背後係中央有人叫你寫信上去」。他以民主黨之前與北京就政改談判為例,當年民主黨就政改與獲中央最高層授權的前律政司司長梁愛詩商討,當雙方就政改有共識,北京要求與民主黨進行正式見面、確認民主黨立場,梁就要求民主黨寫一封給當時國家主席胡錦濤的信,提出要求與中央就政改會面,當時有民主黨中人奇怪,明明北京想正式會面,為何仍要民主黨寫信,要求與中央代表見面?事後有人向他們解釋,這是北京一貫做法,「就算中央做主動、所有嘢傾好晒,都係要你寫信畀中央,話係你提出要求,咁中央會話經考慮後接受,唔係中央主動要做」,萬一出了甚麼問題,有關人士可置身事外。該民主黨中人說,以此慣例推敲,若曾俊華可以去信中央提出辭職參選,「即係話中央最高層有人開咗綠燈,佢先會寫信畀中央,而唔會冇中央默許之前,自己寫信畀中央」,所以估計曾俊華辭職參選應該沒有懸念。周一、三、五刊出季陶




來源: http://hk.apple.nextmedia.com/news/art/20161028/19814888
西環 集中營 集中 財爺 爺倘 倘去 去信 意味 獲京 開綠燈
PermaLink: https://articles.zkiz.com/?id=313755

葉劉:財爺知不獲京支持做特首

1 : GS(14)@2017-01-02 00:48:48

【本報訊】財政司司長曾俊華至今未獲中央批准辭職,已宣佈參選特首的新民黨主席葉劉淑儀(圖),昨於電台訪問中再向曾俊華「發炮」,叫曾俊華「自己諗吓,中央到底同佢講咗啲乜嘢」,若中央不能與他合作,即使他當選特首,亦難以有效治港,又質疑曾俊華是否因為這個原因,所以「每日只係去食嘢」,而未有向選委拉票。


稱有上京與中央溝通


葉劉淑儀昨日接受港台訪問時稱,曾俊華辭職至今20日,仍然未獲中央政府批准,她聲稱請教過法律專家,知道曾辭去財政司司長後,即使未被中央任免,在法律上已不屬政府僱員,不再受特首條例約束,難以理解對方至今未宣佈參選,更質疑曾是否已知中央不會支持他,「曾俊華先生要自己諗吓,中央到底同佢講咗啲乜嘢」,更以曾一直未有向選委拉票,暗示他已放棄,「佢(曾俊華)係咪覺得自己法律上可以拉票,但如果中央覺得唔適合,佢選到都唔同佢合作,所以拉票都冇意思?係咪因為咁,佢每日只去食嘢?」葉劉淑儀又聲稱,自己有與中央官員保持接觸,亦有上京與中央官員溝通,但拒絕透露曾否談及特首選舉。葉劉又指,中央至今未有欽點下屆特首,是因為吸取過去教訓,知道選舉特首不只為填位,而是要有效管治,指過去「有啲欽點咗,但管治唔成功,令中央失望」,又認為下屆政府應重啟政改和就《基本法》23條立法,但表明若重啟政改「會搞到又有場佔中,咁就唔值得」,重申人大8.31政改框架「係中央政府的底線,要推翻唔係好實際」。曾任行會成員的葉太,昨日讚特首梁振英任內「做咗好多嘢」同時,狠批梁振英推出的樓市雙辣招已被證明是「冇用」,樓價短期內已再度急升,更批評梁司法覆核4名民主派議員是「去得太盡」,指若由她出任特首,就不會提出,「長毛有好多粉絲,係老反對派,覆核佢激嬲好多人,影響選委會(選舉)投票」。■記者林俊謙




來源: http://hk.apple.nextmedia.com/news/art/20170101/19883302
葉劉 財爺 爺知 知不 不獲 獲京 支持 特首
PermaLink: https://articles.zkiz.com/?id=320856


ZKIZ Archives @ 2019