隔牆有耳：房署收欠租 狂追$0.45
1 :
GS(14)@2012-04-07 14:20:43http://hk.apple.nextmedia.com/te ... 104&art_id=16212564
住喺慈雲山慈樂邨 15年嘅郭生，一直都同待業嘅阿哥住；之前因為工作需要，暫時搬咗去柴灣獨居。約 4、 5個月前返屋企時，竟然發現房署寄咗封欠租通知書嚟，話佢冇交租兩個月，所以佢拿拿臨清還合共約 3000幾蚊嘅欠租，找清條數一身輕。
點知上月初房署又寄咗封欠租通知，寫明「閣下仍未繳交租金港幣 0.45元」，郭生心諗：「家陣欠嗰 4毫子租都要出信，有冇搞錯呀？」男人老狗決定唔理呢啲婆乸數，點知房署窮追猛打，隔咗十幾日後第二度出信，郭生睇完火都嚟埋，覺得為咗嗰 4毫子而嘥埋郵費兼人力，唔係咁合乎成本效益囉，佢好不忿咁話：「人哋放貴利、財務追數都唔會追得咁密啦！」
八方講句公道話，覺得 0.45元都係錢吖，仲要係公帑，唔搞清楚又點交數上去呢，房署都係盡自己本份啫！但房署接連寄兩封信，都要用成$2.8郵費，仲多過筆欠款幾倍囉，難怪令郭生心中有氣嘅。
欠租隨時收回單位
公屋租戶如果長期欠租，房署可以要求住戶遷出㗎；若郭生堅持唔交欠租，分分鐘為咗幾毫子，連間公屋都冇得住。好彩郭生預告呢個月交租時會順便交埋餘下欠款，房署可以唔使煩咯。
與母同住公屋30年 一直無登記房署收屋 無戶籍夫妻嗌跳樓
1 :
GS(14)@2015-10-10 23:34:25■消防飛將軍游繩在聲稱跳樓的夫婦單位外候命。翁鈺輝攝
【本報訊】房屋署人員昨晨在沙田新翠邨新明樓執行收樓行動時，單位內夫婦及一名女親友拒絕開門，有人更聲言被逼遷嚷跳樓，警員及消防員接報到場調停及戒備。雙方對峙兩個多小時，房署答允寬限兩周後才收樓，事主態度軟化自行開門，暫且結束收樓鬧劇。記者：翁鈺輝與房署鬧收樓風波的一對夫婦，包括39歲姓蕭男住客和其38歲姓黃妻子，兩人佔用19樓一單位，據了解，蕭9歲時隨持有戶籍父母入住該單位，但他一直沒有登記戶籍，而房署亦沒有其戶籍資料。久而久之，蕭一直與母親同住，至數年前他結婚後，黃姓妻子搬入居住。據知婆媳因不和，蕭母其後遷出，單位只剩下他倆夫婦居住。房署早前查悉該單位的夫婦沒有戶籍，遂要求收回單位，昨日為最後遷出限期。昨晨10時，房署職員到場收樓被拒，屋內夫婦與一名女親友拒絕開門，有人更聲言跳樓，職員報警。警員配備鐵甲威龍等裝備到場戒備，雙方隔門對峙，而消防則在地面張開氣墊，並派飛將軍在樓上單位候命救援。
■大批警員帶備盾牌到場戒備。
獲房署寬限兩周
其間一名區議員助理到場與房署職員加入游說，經兩個多小時游說工作，至中午12時許，姓蕭夫婦獲房署讓步，答應寬限兩周後收樓，情緒平復自行開門，結束收樓鬧劇。房屋署回覆記者查詢稱，有關單位的所有認可人士都不再在單位居住，昨天房署是根據房屋條例收回單位，其間因單位內的非認可住戶情緒不穩，遂延期執行收樓行動，但未有回覆單位非認可住戶，是否認可住戶的兒子，以及他是否遭拒絕申請入籍等問題。立法會兼當區區議員梁國雄稱，新明樓被收回單位男住戶一直未有因戶籍問題向他求助，據梁初步了解，該男住戶入住單位約30年，曾向房署申請加入戶籍不果，惟事主以私隱拒絕透露詳情，並稱暫時毋須協助。
來源:
http://hk.apple.nextmedia.com/news/art/20151009/19326450