中環在線：行家爆楊國強蝕錢賣樓 李華華
2009-03-04 AppleDaily
|
|
內 地發展商去年開始要減價賣樓，已經人所共知，但係要蝕錢賣樓，就要由富力地產（2777）聯席董事長兼總裁張力爆料先知。要蝕錢賣樓嘅發展商，咪就係碧桂 園（2007）囉。內地傳媒報道，張力較早前出席一個講內地樓市前景嘅論壇，當佢講到樓價究竟見底未嘅時候，就引述咗佢同碧桂園主席楊國強嘅一番談天對 話。楊國強同張力講：「目前開工面積達到千萬平方米，每個月開支十幾億，資金壓力非常大，故準備虧本將樓賣出去。」張力仲話，碧桂園賣嘅樓盤，係喺二線城 市賣三線城市嘅價錢。其實講嚟講去，張力都係想話畀大家知，大部份地產商都只有微利，個別甚至要蝕本，反映家陣樓價已經好低，買家好入市嘞。近期鋼材及水 泥價止跌回升，樓價應該跌到差唔多啩。
|
Next Page