ZKIZ Archives


炸物店一變二老闆成輸家


2012-8-2  NM




故事的開端原本很簡單,兩個二十 六歲的年輕人李漢國(Country)和鍾焯榮(Wing)合作創業,在紅磡開設台式炸物店「暖粒粒」,曾月賺四萬,股東卻意見不合,分家收場。 Country找來台灣食品公司八度半注資,怎料又鬧翻,還被對方上門追數,業主怕麻煩,不再續約,店鋪被迫結業,這是故事上集。之後,八度半員工陳宗偉 (Ray,三十八歲)主動搭上Country,今年初在西灣河太安樓東山再起,並將店名改為「暖笠笠」。不久,Country再度被踢走。這時,舊拍檔 Wing又在灣仔另起爐灶。由一間變兩間,現在輸贏仍難下定論,但最大的輸家,一定是無鋪在手的舊老闆Country。

相約西灣河暖笠笠老闆Ray訪問前,記者翻查暖粒粒的訪問,發現負責人是兩位二十來歲的年輕人,豈料致電Ray時,他在電話另一端道:「兩個後生仔嘅故事,去到我呢度,已經完咗啦!」

老闆被踢出局

暖笠笠的前身正是暖粒粒,創辦人Wing和Country是中學好友,○九年大學畢業後,向家人籌借共四十萬,合作創業,更專程到台中學藝及走訪夜市,在 消費力不俗的紅磡黃埔區開設台式炸物店暖粒粒。新鮮感加上傳媒報導,小店開業首月已收支平衡,第三個月已賺四萬元。但新鮮感過後,生意逐漸變差,難捱每月 四萬元貴租,雖推出新品應市,仍只能收支平衡,即「白做」。一○年底,Wing決定退股,亦令小店故事正式改寫。當時,Country找來專營台灣食品的 八度半注資,用十多萬買下Wing的股份,成為公司新股東。Country亦因此認識不時下來巡鋪、在八度半做經理的Ray。記者找上八度半辦公室,才知 道公司由曾經接受「壹盤生意」訪問的台式飲品批發商盈豐持有,老闆黃麗靜(Candy)表示曾和Country簽訂半年合約,店內所有支出都由盈豐支付, 並和Country以六四形式分紅,「但未夠半年,李生(Country)話唔做,Ray又話辭職,我都估到佢哋想自己做。」約滿前一個多 月,Country不肯交盤數予八度半,改為自負盈虧,Candy指Country違約,遂找人上門追數,「我想追番十幾萬投資額,作為違約賠償。」 Candy不忿道。終於,業主怕麻煩,不再續約,店鋪被迫關門。錢當然沒得追了,Candy後來亦知道Country和Ray在西灣河再開鋪,她不慍不火 道﹕「李生走時仲拎走晒我新添置的爐具,不過我睇佢兩個一定做唔長,李生固執,Ray就未大透,實嘈。」一直想創業的Ray坦承找Country合作,為 的是他整炸物的技術,為免八度半再上門追數,他們將店名改為暖笠笠。二人商量後,由Ray先拿出約五十萬元開鋪,Country隨後付了十七萬予Ray, 股份一人一半,「做生意嘅嘢,都係各取所需啫!」Ray說。今年初,Ray以五萬元頂下現時太安樓鋪位。新店跟足舊店,原材料全由台灣入口,讀平面設計出 身的他亦自行拍攝產品照、設計價目表及優惠券等。倒模黃埔店的暖笠笠果然一開即賺,首月營業額更達十一萬,扣除營運開支和二人薪酬,仍淨賺三萬。

分家後大執位

可惜新店同樣後勁不繼,熱潮過後,第三個月營業額跌至起初一半。同時,Ray收到八度半委託的財務公司收數電話,指Country 欠債十五萬元,至今仍未還清。「佢一直都話自己找清咗條數,又話人地屈佢。」Ray表示,事件令二人關係惡化,Ray為防收數公司找上門破壞店鋪形象,要 求Country要不盡快還債,要不退股。最後,Ray以約十五萬元購入Country的股份,「佢完全無得俾意見,錢係我出,地方又係我嘅,咁嘅人都無 謂再擺佢喺鋪,反正炸嘢好簡單,我自己一個都做得嚟。」Ray不屑說。之後,Ray 開始「大執」暖笠笠,重新設定店鋪格局,讓客人可看到廚房,還為菜單多加花款,並將舊有六款調味粉增至九款。六月初,因天氣熱生意下降,Ray便在飲食優 惠網Baby Bamboo推出優惠券,又聽取廚師朋友意見改良炸漿,減低油膩感。早前,再加入近十款飯類,終於吸引到一班學生午市來撐場。一連串改革,扭轉生意跌勢, 六月份營業額回升至七萬,淨賺兩萬。但踏入暑假,少了學生客,鋪面又再水盡鵝飛,於是在上兩個星期開始,他推出滷水鴨舌、大腸、雞翼等食品吸引年長客人, 但反應仍是不夠快,上月只夠出糧,「我都預咗暑假要守。」Ray無奈道。

店名:暖笠笠

開業日期:12年2月地址:西灣河太安樓股東:陳宗偉 (前八度半員工)

開業成本(02/2012)

租金*$51,000頂手$50,000裝修$400,000入貨$1,000出牌$20,000雜項$2,000總投資$524,000*兩個月按金,一個月上期

營業資料(07/2012)

營業額$50,000租金$17,000入貨$15,000雜項$200盈利$17,800

店名:暖粒粒

開業日期:12年6月地址:灣仔柯布連道3號股東:鍾焯榮(紅磡暖粒粒前股東)

Wing自退股後,便幫叔叔往馬來西亞洽談代理一個麵包品牌,去年九月在將軍澳開設貝克男孩麵包店,專賣墨西哥包。半年前,他打算在灣仔開分店,知道灣仔 柯布連道的台式飲品店COME BUY有意分租鋪位,Wing寫計劃書向COME BUY提議賣炸物或麵包,傾足三個月才成事。兩個多月前正式開鋪,Wing先以麵包店試水溫,但做了一個月,生意都未如理想,於是改為自己有份創辦的暖粒 粒。

與台式飲品互惠互利

「一來係自己搞的,有感情,二來當時喺黃埔都有少少名氣,接受過唔少傳媒訪問。」不過,Wing雖同是創辦人,但暖粒粒的商標卻由Country註冊。因 此,開鋪前Wing亦事先取得Country同意。「當時只係因為售賣食品嘅種類爭拗,過後仲係朋友。」Wing表示,但問到Country被追數的事, 他即「耍手擰頭」,稱只知道黃埔店因錢銀問題結業,「我唔知李生點同你哋講呀,我退咗股就無再過問嗰邊的事啦。」Wing說。灣仔鋪人流旺,即使分租出來 的鋪位只有數十呎,月租仍要三萬元,「你話貴呀?佢成個鋪要十二萬呀!」個多月前,Wing只用十萬元添置爐具,便可立即開鋪。灣仔店所售的食物和黃埔舊 店相去不遠,連調味料亦向以前的供應商取貨,但價錢由最初在黃埔時兩款炸物十五元升至每款炸物二十二元,並取消了雙拼優惠。Wing更決定和旁邊的 COME BUY做套餐,「幫襯」暖粒粒後再買飲料便可減四元。六月開鋪時,天氣已轉熱,但暖粒粒首月已有八萬元營業額,收支平衡,「根據我之前經驗,賣炸物的生意 冬天會好過夏天,預咗要守啦,但係我都覺得幾滿意。」樂觀的Wing笑說。

開業成本(02/2012)

租金 $30,000器材$100,000入貨$30,000總投資$160,000

營業資料(07/2012)

營業額$80,000租金$30,000入貨$30,000人工*$15,000雜費$5000盈利$0*連老闆在內,共兩名全職

Country回應

前後開暖粒粒和暖笠笠的Country,現在反而一無所有。對於被追數,他顯得十分勞氣:「我哋只係簽到個租約完,完咗我咪走,反而我仲有錢未拎返,我可 以講我法律上無欠八度半任何嘢,佢追我數都唔係用法律途徑去追!」問到兩次開鋪,先是結業,再被踢出局,會否覺得可惜,他卻說:「我覺得仲有得做,又點會 可惜?」Country表示雖然黃埔店已結業,但大家還是爭著用暖粒粒的名義開店,證明仍有市場,他指已在內地物色鋪位開鋪,「我依家全力搵鋪,起碼暖粒 粒個名仲係我的。」Country說。對於Ray的指控,Country回應:「我同佢筆數到宜家仲未搞掂,不過合則來不合則去,我都唔想講太多。」雖說 不想講太多,但Country都忍不住寸道:「整炸物就算我肯教,佢都未必做得到!」

炸物 物店 店一 一變 變二 老闆 輸家
PermaLink: https://articles.zkiz.com/?id=35637

【奇聞】終極炸物狂迷 水都攞嚟炸?

1 : GS(14)@2016-06-06 03:02:49

美國男子發放咗一段展示自己成功將水拎去油炸的短片上網,令到大家都非常好奇。



美國麻省一男子Jonathan Marcus熱愛炸物,最近佢就發放咗一段展示自己成功將水攞去油炸的短片上網,令到大家都非常好奇,原來佢係先將水用海藻酸鈣(Calcium Alginate)薄膜包住,亦即係分子料理經常用來將液體球體化的方法,再蘸麵粉、蛋汁和麵包糠以190度的花生油炸起。味道嘛?當然是淡如水,因為呢粒根本係水。


Jonathan都提醒大家,呢道「料理」其實非常危險,因為萬一炸炸吓水球漏水,滾油就會彈至一發不可收拾,所以實驗過程佢都係選用一個有蓋的炸鍋。記者:容慧心



原來佢係用咗分子料理經常用來將液體球體化的方法,先將水用海藻酸鈣(calcium alginate)薄膜包住令水變成啫喱狀。

將水蘸麵粉、蛋汁和麵包糠,工序跟足平日的炸物。

美國男子用了攝氏190度的花生油把水炸起,但呢道「料理」其實非常危險,萬一炸炸吓水球漏水,滾油就會彈至一發不可收拾,勸喻大家都係唔好試。



來源: http://hk.apple.nextmedia.com/su ... t/20160602/19637222
奇聞 終極 炸物 物狂 狂迷 水都 嚟炸
PermaLink: https://articles.zkiz.com/?id=301904

【即整便當】日本老師傅坐鎮 炸物即叫即炸

1 : GS(14)@2018-03-12 00:12:15

小店位於灣仔,便當價錢雖然偏高,但炸物即叫即整,都是午餐不錯的選擇。


一click免費下載《籽想去東京》旅遊指南:http://bit.ly/2rSv4c4全新旅遊專頁,即like籽想旅行:https://fb.com/travel.appleseed最近灣仔進駐了一間日本便當店,裝修感覺似日式家常小店。店長清水剛為居港日本埼玉縣人,亦曾於人氣拉麵店油麻地橫綱拉麵工作。他擁逾二十年入廚經驗,亦曾於東京、瑞士等地工作。便當感覺較家常,以炸物為主,炸物即叫即炸。最特別的是宮崎名物,南蛮雞便當。醬汁混合他他醬及甜醋,惹味開胃。除便當外,小店另售飯糰。材料較簡單,食落味道較清,如明太子飯糰、鹿尾菜飯糰等。米採日本青森縣米,粒粒分明,食落有米香。記者:張欣頤攝影:王國輝



飯糰同樣即叫即整,食落鬆軟但不散,味道較清。

南蛮雞便當,$65。

咖喱豬扒飯,$68。


(前)明太子飯糰,$12;鹿尾菜飯糰,$12。

日本青森縣珍珠米粒粒分明,食落有米香。



來源: https://hk.lifestyle.appledaily. ... e/20180308/20325272
即整 便當 日本 老師傅 老師 坐鎮 炸物 物即 即叫 叫即 即炸
PermaLink: https://articles.zkiz.com/?id=349525

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019