ZKIZ Archives


老公犯眾憎 徐淑敏停工激瘦

2012-01-11  NM
 
 

 

「飯局事件禍延娛圈」,曾志偉涉「掌摑」事件,黃浩被圈中人圍剿,老婆徐淑敏不好過;黃浩自稱「老婆唔使做」,無綫順理成章,停止為徐淑敏接job祭旗,冇工開徐淑敏情緒受影響以致暴瘦,我見猶憐。

開刀祭旗

出口撐曾志偉捱告的梁烈唯,有無綫「超級」高層力撐;同人不同命,同是無綫藝人的徐淑敏(Suki),卻受老公黃浩牽連,不但暫停幕前工作,連快錢job都一律暫停。自殼王陳國強入主無綫,曾志偉在無綫儼如隱形高層,在公司內部有絕對影響力;加上梁烈唯事件,無綫眾「超級」高層對黃浩同仇敵愾,部署反擊,徐淑敏的處境更不好過。「雖然樂小姐同外邊講『聽話兩個都撐』。但有高層好唔高興,認為黃浩太寸,連老婆嘅同事都搞,又冇偈傾,又話自己唔使老婆做嘢,無綫見佢咁,咪借口話件事令到Suki形象好差,通令下面暫時唔好幫佢接job,直到另行通告!」無綫內部人員透露。夾心人難做,徐淑敏過去即使幕前工作量不多,但一直受到廣告商歡迎,一個月起碼有兩三個活動,如今做了祭旗犧牲品,外接job叫停,情緒難免大受影響。「佢成個人落晒形,瘦咗好多;之前同人講話要減少娛樂圈工作,專心搞美容,其實根本唔到佢話事,依家佢只係想件事快啲過去!」徐淑敏閨中密友透露。

寸黃浩吐口水

無綫冇面俾,公器寸黃浩。謝天華、森美主演的《法網狙擊》,當中強姦高海寧的大反派白健恩,便重演年前黃浩向記者吐口水事件,對白和場面亦如出一轍,擺明玩嘢。

重演吐口水事件

TVB擺明唔妥黃浩,現正播映的《法網狙擊》更重演黃浩吐口水事件。

向太插口有因

「飯局事件」演變成「掌摑事件」,黃浩被娛樂圈藝人圍揼,甚至連向太陳嵐亦開腔,暗寸有人借「向氏契仔」認親認戚,攞着數。有指向太力撐徐濠縈和梁烈唯,是因為與多位「飯局」成員關係密切,兒子向佐是徐濠縈老公陳奕迅的好友,而梁烈唯女友則是向太的公司員工。據了解,其中最關鍵原因,是「飯局」成員中的何超儀。近年「中國星」淡出電影圈,轉向澳門博彩業發展,向太跟賭王四太和何超瓊均屬好友。前年一月,何家爭產事件期間,由何超瓊擔任董事的澳門旅遊娛樂有限公司,以估值折讓四成、5.5億出售澳門東望洋四幅地給中國星,賭王何鴻燊退回之前中國星購買位於澳門南灣湖畔地皮的兩筆訂金,共3.6億,令中國星有足夠資金買下澳門蘭桂坊酒店全部股權。

老公 犯眾 眾憎 淑敏 停工 激瘦
PermaLink: https://articles.zkiz.com/?id=42554

持續激瘦fans擔心麻美成功抗癌闢謠證健康

1 : GS(14)@2016-02-10 14:18:54

曾屬AV界人氣女優嘅麻美由真,三年前證實患上卵巢癌,當摘除子宮同卵巢保命後,麻美由真積極抗癌終大步檻過,已經從良宣佈退出AV界嘅佢,推出完自傳《Re Start》後,上年轉型成清純歌手進軍樂壇,令廣大網民大讚麻美嘅奮鬥經過既勵志又感人。麻美當年同蒼井空、吉澤明步等組成首代惠比壽麝香葡萄,目前佢已洗甩AV味,不過最近就有人擔心麻美健康問題,事關佢近年越來越瘦,的確有別當年充滿肉地嘅身形。為咗唔使令粉絲擔心,麻美日前終於留言否認健康再亮紅燈,佢話:「上年夏天開始改善飲食、再上又有做運動,所以係瘦咗些少。身邊好多人都好擔心我,仲問我身體有冇問題?不過,我目前好健康,請大家可以放心。」





來源: http://hk.apple.nextmedia.com/entertainment/art/20160210/19485854
持續 激瘦 fans 擔心 麻美 成功 抗癌 闢謠 健康
PermaLink: https://articles.zkiz.com/?id=295730

盧太:希望大家祝福佢盧大偉患癌激瘦 留醫照講爛Gag

1 : GS(14)@2016-03-02 15:01:58

■以往屬大碼身形的盧David,近兩年突然急瘦,上年12月出席活動時兩邊面頰亦見凹陷。互聯網圖片



今年71歲的無綫資深藝人盧大偉(盧David),昨突然傳罹患腸癌和病危消息。其實自前年他辭演劇集《倩女喜相逢》後,便鮮有出席公開活動。記者在其facebook的大合照中,發現盧David身形激瘦,精神狀態欠佳。其好友鄧英敏昨表示對方現正在醫院療養,更有「唔認得人」情況出現,不過仍愛搞爛gag,盧太更謂希望大家可以祝福佢。


盧大偉是無綫昔日節目《歡樂今宵》的中流砥柱,更是搞笑始祖,除了喜歡搞爛gag,更愛扮鬼扮馬,最經典莫過於他和沈殿霞合跳《天鵝湖》一幕。早年盧David開辦教室,教小朋友口才和配音,兩年前亦曾替無綫客串劇集《女人俱樂部》,重新活躍幕前。同期他原本應承無綫拍另一新劇《倩女喜相逢》,但最後卻以病為由辭演,往後盧David鮮有出席公開場合,直至昨日卻突然傳出他罹患腸癌和病危消息。



■盧David的太太多年來在丈夫身邊為他打點一切,對於有傳老公患病,她希望大家可以祝福他。互聯網圖片

■就算近年患病,盧David亦致力他的教室。



性格積極正面

本報記者昨致電盧太,她說:「佢係年紀大,即吓油箒,而家有啲攰,感冒都有啲攰喇,今日都有好多傳媒朋友打嚟問,多謝大家關心。」有傳盧David患腸癌?她說:「我都聽講有報道出咗嚟,David而家情況唔想多講,佢需要靜心休養,調理番個身體,我唔係醫生,有啲事我都唔識得點講,佢係一個好正面、好積極嘅人,希望大家都可以祝福佢。」據悉盧David去年2、3月發現患腸癌,經曾志偉介紹名醫醫治,並已進行切除癌細胞手術後,腎臟亦出現問題,是以他除接受癌症治療外,要接受血液透析療程。據一位上月到醫院探望盧David的好友透露,盧David精神不俗,與友人傾談時心情暢快,還不時講他最擅長的爛gag。



■兩年前盧David(右)曾為無綫拍節目,但其後卻以病為由辭演新劇。

■盧大偉曾是無綫最受歡迎的主持之一。



「少少唔認得人」

盧David好友鄧英敏昨透露早前見過對方,發覺他瘦了足足兩個碼,縱使穿很多衫仍覺凍,鄧英敏在電話中表示:「最後一次見佢係去年年尾,當時我哋出席活動,佢係嘉賓之一,原本要上台講嘢,不過佢嗰晚狀態唔係幾好,所以我就走落台同佢傾幾句,見佢傾偈嗰陣,條氣好唔順,如果100分滿分,我諗佢嗰晚得60至65分。其實我估計佢個病係呢兩、三年嘅事,中間唔排除有做過手術,不過可能佢冚住唔想畀人知。有次食飯撞到佢同老婆,都有同佢傾幾句,原本想同佢影合照,不過佢太太就話唔好,話等佢精神啲先再影,咁我都明嘅!」鄧英敏透露原定《歡樂今宵》一班舊同事在農曆年約埋敍舊,盧David最初應承會和太太出席,但最後都冇現身:「嗰次係珠女(吳麗珠)發起嘅,我哋朋友之間都知佢唔舒服。有個舊同事同我講,佢而家有少少唔認得人,近排一直留喺醫院療養。」記者亦試過致電吳麗珠,她表示早前曾見過盧David,但其他就不方便回應。至於曾和盧David合作過的薛家燕昨表示:「我幾個月前有聽聞過呢個消息,身體唔係咁好,但係我一直都好忙,我個女都有提過,叫我有時間去睇吓佢。」與盧David同一基督教教會的寶珮如則說:「我同佢同一教會,我只係知佢身體唔係好舒服,好耐冇見佢返教會,其他就唔清楚。」採訪:王梓嫚、魯吉、何慧斯





來源: http://hk.apple.nextmedia.com/entertainment/art/20160302/19512114
盧太 希望 大家 祝福 佢盧 大偉 患癌 癌激 激瘦 留醫 照講 講爛 Gag
PermaLink: https://articles.zkiz.com/?id=296582

陳子聰激瘦看護照顧

1 : GS(14)@2016-09-07 21:46:14

■徐濠縈(右)昨日將合照放上網後秒刪,相中可見陳子聰激瘦,頭髮亦稀疏。互聯網圖片



陳子聰早前因為腸胃出現問題而入院接受治療,住院期間除了眾多好友探望及慰問外,最重要是得到太太何超儀每日不辭勞苦到醫院,無微不至的照顧。陳子聰終於病情好轉,上星期六已秘密出院,但畢竟大病一場,所以他整個人也消瘦不少,頭髮亦見稀疏。



■陳子聰獲老婆何超儀悉心照顧。資料圖片

本報昨日聯絡超儀,問到子聰出院後的狀況,她透過發言人回覆:「唔回應啦!多謝關心。」據知陳子聰完成了切除腸臟某部份組識的手術,術後進展相當樂觀,因狀況理想關係,超儀亦可安心復工。而超儀為令老公盡快康復,每月豪花200萬,除了租住頂層單位,又請私家看護24小時全天候照顧。採訪:陳以晴




來源: http://hk.apple.nextmedia.com/entertainment/art/20160907/19762429
陳子 子聰 聰激 激瘦 看護 照顧
PermaLink: https://articles.zkiz.com/?id=307992

葉月里緒奈再現幕前激瘦疑患厭食症

1 : GS(14)@2017-03-03 00:59:52

日本過氣女星葉月里緒奈(前名:葉月里緒菜)當年跟有婦之夫真田廣之搞不倫,被封為「魔性之女」,人氣跌入谷底嘅,喺香港都有「二奶菜」稱號。41歲嘅葉月曾幾何時係日劇界紅人,如今佢已冇晒光彩,幾乎喺藝能界消聲匿跡,近日佢為TBS電視台日劇《刑事夫婦3》客串演出,相隔兩年重返幕前。葉月多年前閃嫁壽司師傅,98年結婚後兩個月已經離婚,喺04年再婚並誕下囡囡,之後就暫別演藝圈。不過葉月外型已今非昔比,一向瘦削嘅佢比以前更加皮包骨,觀眾睇完佢個樣都話驚驚,形容佢似乎健康欠佳,觀其充滿病態嘅面容,唔少網民都話佢似患有厭食症o添!




來源: http://hk.apple.nextmedia.com/entertainment/art/20170302/19945055
葉月 緒奈 再現 幕前 前激 激瘦 瘦疑 疑患 厭食
PermaLink: https://articles.zkiz.com/?id=327464

田村正和患病激瘦

1 : GS(14)@2017-04-13 00:24:10

現年73歲的日本著名男星田村正和健康欠佳,雜誌《女性自身》日前追訪他外出散步,發現田村包到冚也看得出瘦了一個圈,記者上前追問其近況,田村回應:「我的體重下降了些少,現時約109磅。」


田村消失幕前逾一年,報道指他患病要停工休息,並因冠心病而接受手術,激瘦後的田村早前被目睹跟太太到餐廳用膳,只見他手震情況嚴重,連用刀切肉也顯得無力,不過田村自言已沒有大礙,打算於本月復工。




來源: http://hk.apple.nextmedia.com/entertainment/art/20170412/19987362
田村 正和 患病 激瘦
PermaLink: https://articles.zkiz.com/?id=330304

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019