ZKIZ Archives


星國首季經濟成長零、台港韓保三失敗 東南亞搶飯碗 最強四小龍也重傷

2016-05-02  TCW

一向是優等生的新加坡,近來不但金融中心光環漸暗,觀光賭場獲利也衰退,這場與東南亞的競賽,反映四小龍整體困境。

「亞洲四小龍」近年來成長失速,其中最讓人意外的是新加坡。

服務業首季產值衰退四%

向來人均所得排名第一的獅城新加坡,日前公布今年第一季經濟成長率,和前一季相比是零成長,主因是扮演成長動能的服務業疲軟:今年第一季服務業產值衰退近四%,是二〇一五年第一季以來首次衰退。國際貨幣基金(IMF)預估,星國今年經濟成長率一.八%,在四小龍中只高於台灣(一.五%)。

星國最著名的濱海灣金沙酒店,屬美國拉斯維加斯金沙集團所有。據其最新財報,今年第一季來自新加坡的獲利比去年同期衰退三四%,該集團主席阿德森(Sheldon Adelson)表示,他打算出售此部分資產。

服務業另一支柱金融中心,據彭博統計,新加坡證交所初次公開發行(IPO)金額創十四年來最低,遠不如泰國、馬來西亞,這是因為東南亞各國開始搶新加坡飯碗。

在馬來西亞,擁有全球第三大棕櫚油樹種植面積的Felda、亞洲最大醫療集團IHH等,都在本國而非新加坡上市;印尼雅加達證交所執行長蘇利托(Tito Sulistio)表示,他們正勸說在新加坡上市的印尼及外國公司,改回印尼上市。

菲律賓證交所也在說服外國公司來當地上市,二〇一四年韓國Phoenix半導體,就選擇在馬尼拉證交所上市。

據全球金融中心指數 (GFCI)今年三月統計,新加坡仍然是亞洲排名第一的金融中心。不過,東南亞各國陸續開放,新加坡優勢開始縮小,其經濟成長減速,就是反映了這個現象。

這是整個亞洲四小龍 縮影,它們或轉型為金融中心(星、港),或轉為出口資本財及中間 產品(台、韓)。如今東南亞各國也籌備金融中心,中國則打造紅色供應鏈,四小龍又被取代。據IMF預估,今年四小龍經濟成長率皆 低於三%,遠不如菲、越(破六%)。

對四小龍而言,這是一場永不休止的競爭,對手不斷模仿自己,若找不出新定位,四小龍光環褪色也將無可避免。

文·楊少強

星國 首季 經濟 成長 零、 、臺 臺港 港韓 韓保 保三 失敗 東南亞 東南 飯碗 最強 四小龍 四小 重傷
PermaLink: https://articles.zkiz.com/?id=196141

【盛女配小鮮肉】跪求「雙宋」相戀 港韓忘年戀點算?

1 : GS(14)@2016-03-08 16:12:50

宋仲基喺劇中成日騷肌。《太陽的後裔》截圖


【三個粉絲追韓劇】由宋慧喬和宋仲基「雙宋」擔正的《太陽的後裔》熱播,靚女喬妹好戲,靚仔宋仲基騷肌,更打破「第八集定律」,在第四集就出現最期待的畫面KISS,難怪收視集集創新高!粉絲都盼望「雙宋」能夠有情人終成眷屬,同時,應該沒有人會介意喬妹比宋仲基年紀大吧?



打破「第八集定律」,喺第四集就KISS!《太陽的後裔》截圖

「雙宋」玩姊弟戀,不過喬妹keep得咁好,都唔係好覺即。《太陽的後裔》截圖

韓劇近年興玩姊弟戀,好似《記得你》以34歲張娜拉配28歲徐仁國,《她很漂亮》用31歲黃靜茵拍27歲朴瑞俊。



韓劇近年流行玩姊弟戀,例如《記得你》以34歲張娜拉配28歲徐仁國,《她很漂亮》用31歲黃靜茵拍27歲朴瑞俊,而朴瑞俊早前更在《魔女的戀愛》與46歲嚴正花玩母子戀,只因女藝人青黃不接,劇組惟有選擇以盛女配小鮮肉。



朴瑞俊早前更喺《魔女的戀愛》同46歲嚴正花玩母子戀。

不過韓國社會唔係好接受姊弟戀,Viu韓劇導賞員太成(左)係韓國人,話如果女友大十年會太多,Viu韓劇導賞員阿愁都唔想男友細過自己。

現實中真係有港韓忘年戀,39歲港人Eva(左)同相差14年嘅25歲韓男윤영훈拍拖。



事實上,韓國社會並不太接受姊弟戀,尤其是年長一輩,不會希望媳婦比兒子的年紀大。Viu韓劇導賞員太成是韓國人,認為如果女方大自己十年會太多,即使Viu韓劇導賞員阿愁是香港人,亦接受不了比自己年紀小的男生,覺得像是照顧小孩。



윤영훈話屋企人畀咗好多壓力佢,第一,擔心同Eva溝通唔到。

第二,男方家人擔心Eva的年紀影響懷孕。

第三,又怕小朋友嘅語言會出現混淆。



三個粉絲專訪現實中港韓忘年戀主人公,39歲港人Eva正與相差14年的25歲韓男윤영훈拍拖,相戀快將一年,男方指這段情還未得到他的父母支持。윤영훈直言在Eva和家人之間承受着很大壓力,這段關係走得很困難。由於Eva為了男朋友和讀韓文,才剛搬到韓國生活,男友一直協助她適應,並沒有告訴她自己的壓力和擔心,直至專訪一刻,Eva和三個粉絲一樣,也是第一次聽到男友訴苦。



明知路難行都偏要行,原因是윤영훈對Eva嘅感覺,

就如劇中宋仲基對喬妹一樣,是一見鍾情!《太陽的後裔》截圖



윤영훈一口氣說出多個問題,首先,因為Eva尚未精通韓語,擔心她不能夠與其家人溝通,其次是小孩的問題。韓國人十分傳統,認為傳宗接代是一件非常重要的事,但基於Eva的年紀偏大,難免會令男方家人擔心她懷孕的問題。再者,即使生小孩的問題解決了,윤영훈的父母又會擔心小孩的語言問題。雖然估計二人的小孩會從他們身上學懂韓語、英語、廣東話和普通話,但韓國人的民族性相當高,爺爺嫲嫲認為小孩的母語必須是韓文,不希望他會混淆其他語言以至影響他的韓語程度。



雖然윤영훈一開始就明知路難行,但表明都偏要行,原因是他對Eva的感覺,就如《太陽的後裔》劇中宋仲基對喬妹一樣,是一見鍾情!當時他們是在街邊小食檔相遇,윤영훈幫不懂韓語的Eva買東西吃,然後陪她走往地鐵站。雖然在這短短過程中,Eva已經表明自己的年紀,但윤영훈一句:「The feeling is stronger then worry!」,二人便交換了聯絡,拍拖至今。윤영훈認為沒有人會知道將來的事,至少目前他們仍然會選擇走下去!鳴謝:Sweet Roll Rollcake Cafe主持:動主播阿仙、Viu韓劇導賞員阿愁和太成攝影:陳家文、李錦鏵、張宗光《太陽的後裔》片段由Viu提供:
https://goo.gl/p5eSbS【三個粉絲追韓劇】
http://hk.apple.nextmedia.com/enews/animation/kfans/





來源: http://hk.apple.nextmedia.com/entertainment/art/20160308/19520520
盛女 女配 配小 鮮肉 跪求 雙宋 相戀 港韓 韓忘 忘年 年戀 戀點 點算
PermaLink: https://articles.zkiz.com/?id=297266

【《太陽》後遺症】港韓新人扮雙宋 韓籍女婿禮金分期供

1 : GS(14)@2016-05-26 17:39:29

最近掀起影《太陽的後裔》婚紗相,港韓準新人Vivian和Peter都玩埋一份,Peter話初初影好怕醜。


【三個粉絲追韓劇】《太陽的後裔》餘溫停不了,除了上集介紹有粉絲到太白市拍攝地朝聖,在越南和內地都出現情侶扮主角劉時鎮和姜慕煙影婚紗相。三個粉絲見證了一對港韓情侶跟《太陽》風,邀請韓國攝影師為他們影一輯「太陽的婚紗相」。動主播阿仙和Viu韓劇導賞員Ruby見證香港準人妻Vivian和韓籍準人夫Peter,在江南奧林匹克公園扮雙宋影婚紗相。雖然初初兩人都有點怕醜和尷尬,但Peter笑言,「慢慢投入咗劉時鎮嘅角色,就唔再怕醜!」



但係慢慢投入咗劉時鎮嘅角色就放鬆咗喇!

不過投入做戲夠喇,因為Vivian話唔鍾意另一半係軍人,時間唔定又危險。



Peter投入做戲便好了,假設另一半是以軍人為職業,Vivian直言不能接受,「普通軍人如果做文職都還可以,但如果好似劇中男主角係特種部隊,就接受唔到,一來時間唔穩定,二來有危險性。」不過Peter剛剛相反,「我對女軍人嘅印象係護士,好似天使咁,形象溫暖。」現實中,Peter不是軍人,是民宿MONO HOUSE老闆,亦沒有選擇女軍人做另一半,反而要娶港女,他指Vivian獨立的性格最吸引,「喺韓國約會,通常係男生畀錢,但Vivian竟然係AA制,加上就算佢韓文唔好,為咗close啲都好努力講,呢種女生真係好有魅力。」



Peter就相反,覺得女軍人多數係護士,好似天使咁溫暖。

跟韓劇影相,攝影師權先生話無難度



港女有魅力,想做港女婿就要給力!Peter分享有一事令他很震驚,「傾到結婚先知道,原來香港文化係要男方向女方父母畀禮金,韓國無呢回事,所以我毫無準備。」那要怎麼辦?他尷尬地說與Vivian及其父母商量過,解決辦法是禮金分期供。「太陽的婚紗相」為Vivian和Peter的婚事增添趣味和美好回憶,當大家即場圍觀兩位攝影師的相機,都大讚他們專業「影得好似」。兩位韓籍攝影師權先生和金先生是婚紗攝影公司HEBA FOR YOU的老闆,他們指跟韓劇影相並不困難,美中不足的是難以找到與劇中類似的場景。



即時睇相,大家都大讚佢影得好似,不過權先生就介意個景唔夠似

識講廣東話嘅婚紗公司老闆小春解釋,韓國攝影師好少出外景,佢哋重點影新人嘅表情。



為何兩位攝影師會執著於場景?韓國華僑,操流利廣東話的MiAmor婚紗攝影公司老闆小春解釋,韓國婚紗攝影師不常出外景,主要都在攝影棚內拍攝,所以背景是他們控制之內,不會被場地限制,「佢哋最主要影新郎同新娘嘅表情,人係話題,唔係個景。」他指新人都想被讚人靚多過景靚,而且受韓劇影響,新娘喜歡韓妝、韓式造型和韓式婚紗,所以越來越多香港新人飛往韓國影婚紗相。



小春又話因為韓劇,香港女生都鍾意韓妝、韓式造型。

韓國婚紗,所以越嚟越多香港人飛韓國影婚紗相。



鳴謝:MiAmor婚紗攝影公司(首爾江南和香港尖沙嘴均有分店)
Avenue JUNO
PROVIA Spasa
HEBA FOR YOU
MONO HOUSE主持:動主播阿仙、Viu韓劇導賞員Ruby攝影:陳家文、李錦鏵、唐志安《太陽的後裔》片段由Viu提供:
https://goo.gl/pUH6ly【三個粉絲追韓劇】
http://hk.apple.nextmedia.com/enews/animation/kfans/





來源: http://hk.apple.nextmedia.com/entertainment/art/20160526/19627354
太陽 後遺 遺癥 港韓 新人 扮雙 雙宋 韓籍 女婿 禮金 分期
PermaLink: https://articles.zkiz.com/?id=301500

【港韓姊弟戀】為聽韓妹嗌「Oppa」港男涉虛報年齡或被判「終身」

1 : GS(14)@2016-10-20 08:05:36

韓國老婆關心問「忙唔忙?」日本老公就覺得佢問「多唔多客?搵幾錢?」(《我們結婚了》截圖)



【三個粉絲追韓劇】嫁娶外國人或者係出走香港嘅好方法,不過要維繫異國情緣都唔容易,好似《我們結婚了》嘅曹曹夫婦(現已下車)早前探一對日韓夫妻,日本老公娶咗韓國老婆,只係因為一句說話就上火!情況係老公收工返屋企,老婆咪關心咁話:「辛苦喇,今日忙唔忙呀?」原本係純粹出於關心,點知老公就聽到弦外之音,好嬲咁話:「你係咪想問我今日賺到幾多錢?」原來日本人係唔會問人「忙唔忙」!兩國嘅文化差異容易令夫婦之間產生誤會,有兩位港男都經歷過相同嘅事,一位Gary娶咗韓國老婆十年,另一位Kay就同韓女Chloe拍拖四年。



港男Gary(左)和Kay嘅另一半都係韓國人,都試過因為文化差異嗌交。

Chloe話Kay最初講大話,比真實年齡報大3歲!

Kay解釋話都只不過係想聽Chloe嗌佢「Oppa」,又話當Chloe知道自己大啲,就變得惡起上嚟。

韓女Chloe一講到文化差異,就大鬧Kay為咗「Oppa」(韓文:哥哥)呢個字講大話!佢好勞氣咁話:「曖昧嗰陣我問過佢幾多歲,我係89年出世嘅,佢就話自己係88年,咁我咪認為佢係Oppa囉!」點知拍拖幾個月之後,Chloe睇到Kay本護照先揭發,原來Kay係91年出世,Chloe話簡直無言:「點解要講大話?年紀都可以講大話嘅咩?萬一我發現唔到咁點算呀?」
Chloe邊鬧邊「睥住」Kay,Kay就邊聽邊笑,佢解釋話:「嗰時好奇吖嘛,想聽佢嗌我Oppa!」雖然出發點係甜蜜嘅,但畀Chloe篤爆咗之後,o依家就嗌佢「喂」或者「傻瓜」。韓國人好重視年齡,後輩一定要聽前輩嘅說話,所以Kay話當Chloe知道自己年紀大啲,就惡到o依家!不過有時惡,先係真正愛一個人,連講大話都可以原諒,Kay畀Chloe判終身...照顧佢都抵啦!至於Gary就好享受老婆對佢惡,佢話:「講得上真正愛一個人,就係由太太開始,唯獨佢會對我好嚴苛。」Gary開始話當年,講返十年前識老婆嗰陣,當時得二十幾歲,Gary就有部兩門跑車,仲覺得自己好型添!點知,佢老婆(當時女朋友)竟然話佢:「唉!你都廿幾歲人啦,點解仲揸埋啲死飛仔車呢?」Gary話嗰吓嬲得嚟又有啲甜,覺得佢個人夠真,就認定佢係老婆喇!



Gary就話鍾意老婆惡,好似佢啱啱識老婆嗰陣有部兩門跑車,個個都話型,得佢老婆話:「唉!你都廿幾歲人啦,點解仲揸埋啲死飛仔車呢?」Gary話又嬲又有啲甜喎!

仲有個文化差異係「黐線」兩個字,香港人當口頭嬋,韓國人真係用嚟鬧人,所以Gary老婆和Chloe初初聽都好唔慣,以為人哋鬧佢哋。

至於文化差異,Gary話試過衰喺「黐線」兩個字。佢話教過老婆講「黐線」,有一次同屋企人食飯,Gary妹妹就對住佢老婆笑住講「黐線」,老婆就成晚唔出聲喇。佢問老婆發生咩事,老婆就話:「你阿妹做咩話我黐線?」「黐線」對於香港人嚟講只係口頭嬋,但係對於韓國人嚟講就真係鬧人嘅說話,Kay女朋友Chloe都話有同感。佢話成日聽到Kay啲朋友講「黐線」,都會諗「係咪講緊我?」,後嚟先明白「黐線」係香港人嘅日用語。兩位港男Gary同Kay都已經講得一口流利韓文,希望盡量減少語言上嘅誤會,不過始終唔係母語,未必事事能夠解釋清楚。Gary話韓國人太有禮貌,有好多語言偽術,例如如果女仔問:「我今日靚唔靚呀?」男仔答:「幾可愛吖!」咁即係話個女仔唔靚。又例如男仔約女仔去街,女仔唔會直接拒絕,會話:「睇吓點先啦!」咁其實即係唔去。場地提供:平昌 By BBQ7080地址:佐敦莊士倫敦廣場5樓電話:59017080主持:動主播阿仙、viu韓劇導賞員Ruby記者及繙譯:卓惠媛(Joyce)攝影:陳家文、李錦鏵《我們結婚了》片段由Viu提供:
https://goo.gl/Yx13PE【三個粉絲追韓劇】
http://hk.apple.nextmedia.com/enews/animation/kfans/




來源: http://hk.apple.nextmedia.com/entertainment/art/20161020/19805995
港韓 韓姊 姊弟 弟戀 為聽 聽韓 韓妹 妹嗌 Oppa 港男 男涉 虛報 年齡 或被 被判 終身
PermaLink: https://articles.zkiz.com/?id=312884

【動畫●泡菜x榨菜】過年着韓服拜黃大仙 港韓混血兒自嘲怪胎

1 : GS(14)@2017-05-27 00:06:53

Jade係香港出世,土生土長嘅港韓混血兒,媽咪係韓國人,Jade講笑話:「全屋女人都棟起腳食飯!」



尋找首爾的香港】「我屋企嘅女人都係棟起隻腳食飯!」90後Jade即場示範韓式餐桌禮儀--「棟起隻腳、晾起隻手」,仲有㗎,「飯碗要擺低,一定用匙羹食,餐餐都要食泡菜!」咪以為Jade係哈韓族,而係港韓混血兒,呢一切都喺韓籍媽咪身上學返嚟,仲笑住話,「爸爸係香港人,佢見我哋食飯咁粗魯都無辦法。」



仲有,飯碗要擺低,一定用匙羹食,餐餐都要食泡菜!

Jade細細個就會着韓服,

仲話媽咪試過叫佢着韓服去黃大仙拜神。

Jade喺香港出世,土生土長,聽Eason、霆鋒啲歌長大,當年韓風仲未襲港,未有少女時代、Super Junior、BigBang等令人為之瘋狂嘅K-Pop歌手,呢半個韓國人嘅身份,令Jade擁有不一樣的童年。「怪胎」兩個字,Jade用嚟形容細個嘅自己,「身邊嘅人會問我好多奇怪問題,好似細個搵小學,有人聽到我同媽咪講韓文,因為佢哋唔識聽,就問『你媽媽係新移民嚟㗎?』」即使去到韓國,韓國嘅親戚都會問,「香港有冇西瓜呀?食多啲西瓜啦!香港有冇柑呀?食多啲柑啦!」對於當時只係小朋友嘅Jade,根本唔識答,「只係覺得好煩囉!」



Jade細個覺得自己係怪胎,無論香港朋友定韓國親戚都會問佢奇怪問題。

直至大長今嘅出現,先令佢為自己擁有一半韓國身份感自豪。

雖然Jade喺香港長大,亦離唔開韓國文化。例如過年,香港人會去親戚屋企拜年,但Jade就要跟媽咪周圍去拜神,「我最記得有一年大年初一,媽咪叫我着韓服去黃大仙拜神,當年套韓服係橙紅色,周圍啲人都望住我!」佢話嗰時超級唔鍾意,超級尷尬!小學時期,都有試過被取笑,嗰時學校除咗Jade係港韓混血兒,仲有個港日混血男生,「我記得細個同嗰個男仔打交,畀老師罰企,其他老師行過就話,『嘩!做咩呀?日韓大戰呀o依家?」Jade話嗰時真係覺得好肉酸!



大長今後K-Pop都開始彈起,有次Jade識朋友可以到後台同Rain合照。

Jade話韓國親戚住嘅屋都好似畫中畫嘅模樣。

直到Jade15、6歲,玩一個韓國社交平台,該平台嘅特色係每日會隨機抽選用戶作介紹。有一次Jade被選中,平台介紹佢係「懂得五國語言的香港韓國混血女生」,點知就收到韓國網民嘅惡意留言,內容係「香港韓國呢啲唔係叫混血,係叫國際婚姻呀!」Jade話「國際婚姻」係對其父母嘅侮辱,因為韓國人所指嘅國際婚姻,係30歲以上嫁唔出、娶唔到老婆嘅人,要喺落後地區例如越南,買個老公或者老婆返嚟。細個面對咁多港韓文化差異,Jade唔係太鍾意自己係半個韓國人,直至大長今嘅出現,先由令人奇怪變成令人羨慕,「大長今播出之後,越嚟越多K-Pop歌手出嚟,當啲人知道我係港韓混血兒就會話,『吓?你係韓國mix嚟㗎?嘩!好勁呀!咁你咪識講韓文囉?』」



喺榨菜同泡菜之間,Jade話唔可以唔食泡菜,不過講到做人,就話想做香港人,「始終喺香港長大,鍾意香港文化多啲,唔係好鍾意韓國嘅階級觀念,即係我大你一年,就叫你做乜你都要照做。」
Jade又話唔習慣韓國男人嘅大男人性格,所以如果喺港韓之間揀另一半,都希望揀返香港人,唯一只有一個要求,「我會好夢寐以求一個韓式婚禮,男朋友係咩國籍都要着韓服!」
Jade Chin Blog
https://www.facebook.com/jadechinblog場地提供:狎鷗亭居酒屋地址:尖沙嘴諾士佛臺9號冠福中心1樓電話:35792992記者:鄒倩婷(阿仙)攝影:峰 Neo剪接:Roy編審:陳家文




來源: http://hk.apple.nextmedia.com/entertainment/art/20170526/20034003
動畫 泡菜 過年 韓服 拜黃 大仙 港韓 混血兒 混血 自嘲 怪胎
PermaLink: https://articles.zkiz.com/?id=334064

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019