ZKIZ Archives


大劉甘比撐國民妹妹IU清唱《囍帖街》忘詞

1 : GS(14)@2015-12-21 14:45:26

■大劉與甘比昨日帶同子女捧場,足見IU魅力十足。


韓國女歌手IU近日因新專輯涉抄襲封面及《ZEZE》的歌詞疑似帶孌童和性暗示等是非,令她由「國民妹妹」變成網民眼中的「國民是非精」,但昨日再度來港的IU,抵達機場不時跟接機粉絲揮手微笑,心情似乎未受影響。昨日下午IU現身銅鑼灣皇室堡舉行的聖誕活動時,更吸引粉絲逼爆4層商場,就連劉鑾雄(大劉)和女友陳凱韻(甘比)都攜仔女捧場,可見連串是非未影響對IU的人氣。



■韓國女歌手IU昨日出席銅鑼灣活動,心情大好,未受近日是非影響。

■IU跟粉絲玩自拍,盡顯親民一面。

■IU吸引大批粉絲逼爆商場,場面墟冚。



晒廣東話致謝

IU甫出場即以廣東話打招呼,繼而冧粉絲說:「現時韓國好凍,但香港好溫暖,加上現場有好多粉絲,令我更溫暖。」月前IU在香港個唱上獻唱謝安琪的廣東歌《囍帖街》而人氣大升,昨日應司儀要求即席再清唱《囍帖街》一小段副歌,雖然IU一度忘記歌詞,但全場粉絲尖叫大讚,IU遂以廣東話說「多謝」回應大家,之後獻唱歌曲《Friday》,又做出心心手勢。《囍帖街》作曲人郭偉亮及填詞人黃偉文(Wyman)早前盛讚IU唱得好,問IU會否考慮與他們合作?IU說:「我當然好榮幸,當時想為香港粉絲準備特別環節,所以準備這歌曲,練習時好辛苦,因為我廣東話不好,但得到台下粉絲拍手我覺得好有自信,好開心,翌日再見到歌曲創作人讚賞,覺得自己辛苦是有成果的。」之後IU邀請粉絲上台玩遊戲,未知是否怕男朋友張基河呷醋,IU跟男粉絲合照時不敢太親密。採訪:黎嘉穎攝影:沈健程





來源: http://hk.apple.nextmedia.com/entertainment/art/20151220/19418875
大劉 甘比 國民 妹妹 IU 清唱 囍帖 帖街 忘詞
PermaLink: https://articles.zkiz.com/?id=293987

費玉清唱Hebe《小幸運》似朗誦 網民:又被洗腦

1 : GS(14)@2016-11-29 00:14:39

「原來你是我最想留住的幸運…原來我們和愛情曾經靠得那麼近……」近年唔少婚禮有人播、賣衫舖又播……電影《我的少女時代》主題曲,由Hebe@S.H.E唱嘅《小幸運》hit過一排,雖然唔係啲咩「洗腦歌」,嗰種相愛而不能愛嘅初戀感覺,令人刻骨銘心,就係呢一種錯過嘅愛情,叫人更加要珍惜、捉緊目前擁有嘅幸福,加上Hebe嘅天籟之聲,自然聽出耳油!「小哥」費玉清都挑戰唱《小幸運》,喺大陸音樂節目《天籟之戰》PK大陸歌手呂俊哲,費玉清以Classic版唱出個人風格,個樣唱得認真得嚟又有啲似朗誦,字正腔圓得嚟又有啲「老歌」tone,見佢瞪大對眼來唱,又確係投入程度滿分。表情絕對係十級陶醉!!!一抬頭、一舉手都散發過份強烈嘅情感,唔知網民又點睇呢!當然唱得好唔好呢!?都係各花入各眼…有網民覺得「佢個樣好似唱緊國歌」、「朗誦般的表情」、「硬係覺得有啲嘢唔對路」、「又被佢洗腦」,另有網民撐費玉清嘅,「雖然感覺不同,但都好好聽」、「這就是能唱出個人風格」、「有種無法取代韻味」及「我要唔要換ringtone費玉清版」。




來源: http://hk.apple.nextmedia.com/entertainment/art/20161128/19847975
費玉 清唱 Hebe 幸運 朗誦 網民 又被 被洗 洗腦
PermaLink: https://articles.zkiz.com/?id=317392

樂仔笑千嬅清唱搵Key

1 : GS(14)@2017-04-13 00:23:58

《春嬌》兩位主角昨駕臨《蘋果》fb live,網友投票想聽楊千嬅唱《別問我是誰》,她即場預備清唱,余文樂搞笑問:「使唔使換歌衫?升個台畀你?我幫你打拍子,不過會越打越錯,歌迷追拍子越追越快,不如唔好拍,我成日戥啲歌手慘!」千嬅一臉認真說:「等我搵番個key先。」樂仔笑讚:「專業係唔同啲,好似人哋tune結他。」



■在上集《春嬌與志明》樂仔易服扮王馨平唱《別問我是誰》。資料圖片

當千嬅清唱幾句歌時,樂仔和彭浩翔在旁做手勢,千嬅唱完後,樂仔說:「你哋有so啦,歌后免費大派餅。」千嬅沒好氣問:「派乜餅?」樂仔笑說:「月餅囉,定係你哋想揀餅呢?」激到千嬅大發嬌嗔。




來源: http://hk.apple.nextmedia.com/entertainment/art/20170412/19987387
樂仔 仔笑 笑千 千嬅 清唱 Key
PermaLink: https://articles.zkiz.com/?id=330263

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019