ZKIZ Archives


2014 浩澤淨水: 新興行業:淨水機製造租賃領軍企業 Edward Lee 發掘十倍股

http://edwardten.blogspot.hk/2014/06/2014.html
2014 浩澤淨水
招股書
http://www.hkexnews.hk/listedco/listconews/SEHK/2014/0605/LTN20140605006_C.pdf


一間公司可以持續保持增長,市場因素,公司商業模式,競爭優勢防範競爭者,都是重要因素~
市場持續擴張,公司市佔率不變,公司收入就可以跟隨市場增長,如果公司競爭力強,食埋其他公司市佔率,增長就可以高於行業~
今次要研究既淨水機公司浩澤,佢既市場就有好高速增長,p.77
由圖表可見,2008年商用物業飲用水83.9%白開水,即係自己煲/熱水機,14.7%桶裝水,1.4%係用淨水機
去到2012年,5年間淨水機市佔率已經升至6.8%,如果2008年水機銷售總額係14億,2012年就去到68億,升幾倍
研究公司估計2017年將會去到21.7%企業會用淨水機,市場再大幾倍....
另外家用市場方面,2012年12.2%,2017年預計升至32%....
未來3年市場高速增長是肯定,未來水機市場就要看企業新增數目及家庭新增數目

市場會增大,市佔率又如何?
家用+商業,浩澤排第3,市佔率1.1%,最大是美的市佔2.2%,第2是沁園1.6%,但我找到沁園有負面消息,未來可能會被搶去市場
有一樣要留意的是,首十大之中,浩澤是唯一一家做租賃
如果只計商用,浩澤排第一,另外排第4既都係做租賃,應該是主要競爭對手
2012年整個淨水機市場銷售額424.51億人仔,商業只是73.9億,家用350.6億
即是2017年,商用市場會升至235.8億,家用就升至919.6億,總市場增至1155.4億
如果集團仍然保持1.1%市佔率,零售銷售價值就能增至12.7億,預計收入5.45億,
不過這只是粗略估計,中間有很多因素令公司可以爭取更多市佔率

浩澤經營模式比較特別,是只租不賣,客戶只需交租就可以租用水機,而且是全包宴
客戶無需就維修費,更換濾芯付費,但租金係幾多? 公司列出價格是p.3
家用企業年費:首年1,010至2,380,之後每年400-1090
除開首年每月84蚊-198蚊,之後每月33-91蚊
每部水機供30-40人用,其實月費都唔算貴...
集團亦有比較公司與其他公司的客戶使用成本p.132
除左生產商a成本低d之外,其他對手都高於浩澤
而浩澤亦提供較外服務,便利程度高...
公司2014年才推出第2代水機,第2代比第1代優勢p.133
淨水率大幅提高至95%(第1代25-50%),
淨水率25%是指,你入1公升水入去,部機可以淨化250ml乾淨水,另外750ml變廢水排落坑渠~
淨水率95%是指,你入1公升水入去,部機可以淨化950ml乾淨水,另外50ml變廢水排落坑渠~
因此淨水率越高,效率越高,用家就可以減少浪費水及減成本
之前提到沁園有負面新聞,就是它淨水率低,好多水變廢水浪費,用家成本高
其實這已經是行內已久的問題,但看來第2代水機已經解決
第2代水機仲有其他功能,最重要是自動通報故障問題,浩澤就會24小時內派人維修
用家無須致電再等待維修,2代亦有gps功能知道水機位置,維修時便無需翻查資料,減少行政成本
2代水機預期將可以推動集團收入增長及新增安裝量,增加市佔率

集團另一個優勢是最早用租賃模式運行淨水機業務,集團製造一部水機成本推算是2500HKD
一部機年收入平均1400HKD,以集團利潤率40%推算,一部機每年可賺560蚊,5年回本,之後就是純利潤
2代水機租金更高,但估計成本不會高太多,但現時未有數據,投資回報率22.4%
只要有資金製造水機,增長是可以很高,因為收入穩定,只要競爭不太劇烈,退機既人應該不多
由於製造水機資金投入多,回本期亦都較長,資金需求高,集團負債都很高.....
集團經營期短,2011年才開始業務.....開始時透過其他人投資要借貸來增加資金
高盛渣打是保薦人,高盛係前期投資者之一,上市後持股8.X%,渣打是公司債主,借貸俾公司,今次部份集資額用黎還債
今次公司集資都係做水機拎去賣為主,同埋建新廠,產能增加新安裝水機增加,可以應付未來增長
公司今次招股價等如13年歷史市盈率20-24倍,個人預測2014年預測市盈率15-18倍
公司收入下降風險極低,盈利下跌風險低,盈利有很大機會持續高增長
預計將會吸引不少基金入股,市場應該有很多人抽,應該幾難中
個人預測今年內股價可升至少30%
公司風險是公司業務模式找很多中介人參與,有點像傳銷模式
任何人都可以加入分銷,營運風險增加
最擔心是競爭,但現時市場增長高,供不應求,競爭未會太大
如果首日開市價只高出10%,都值得持有
公司都有負面新聞,但是是一年前,問題應該不大
沁園負面新聞較多,競爭情況要待行業成熟才可明顯見到

四大疑点拷问浩泽净水器
2012-11-05 10:47:00来源:《中国厨卫》 浏览次数:733
http://www.kitchen-bath.com.cn/Magazine/web/qiantai/nt_SearchNewsToId.do?NewsId=220
2014 浩澤 淨水 新興 行業 淨水機 製造 租賃 領軍 企業 Edward Lee 發掘 十倍 倍股
PermaLink: https://articles.zkiz.com/?id=101750

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019