ZKIZ Archives


英雄哥拒拉埋天窗 陳淑莊甩拖另有原因

1 : GS(14)@2010-11-06 15:33:53

http://www.eastweek.com.hk/index.php?aid=9229

陳淑莊同尖沙咀京菜館仙宮樓老細叢鐵飛(綽號「英雄哥」)拍拖八年,英雄與美人(在芸芸女議員中,算唔錯啦)本是絕配,奈何情海多變,世事無常,上周傳來消息話兩人已平靜地分手,回復自由身,一段情緣畫上句號。
陳淑莊與英雄哥(右圖)平靜分手,表面泰然,卻難掩內心黯然。她說分手原因是工作太忙,這並非故事的全部。

莊姐被記者追問,笑笑口證實此事,全冇沮喪神色。佢話甩拖皆因自己太忙,開會由朝到晚,禮拜六日又要出席居民大會、地區活動,就算抽到時間食餐飯,都要不停手覆電郵、回電話,講唔到幾句嘢,咁樣拍拖好難有情趣,但食得鹹魚抵得渴,議員生涯就係咁,惟有忍痛斬纜。
對英雄哥為人,莊姐評價十分正面,話佢好人到極,對自己無微不至,一直默默在背後支持,所以大家分手仍是好友,以後會繼續來往。
莊姐這個版本都有幾分真實,但並非故事的全部,一位同佢熟絡嘅人士,向小弟透露箇中另一原因,值得向各位補充。
該位人士指,兩人今次分手早在五、六月時開始醞釀,到八月間協議分手,為免畀人大做文章,大家「夾」過統一口徑,話做議員工作忙,相處時間少,所以感情轉淡,冇第三者亦冇其他問題。實情係:莊姐覺得大家已拍咗八年拖,自己年紀亦唔細(今年三十九歲啦),繼續「拖」落去始終唔踏實,所以提出不如正式拉埋天窗,給女孩子一個「家」。但英雄哥講到婚姻大事,就十分猶豫,好唔想從此被困,莊姐知道情花冇希望結果,冇名冇份拖落去都唔係辦法,不如各行各路算了。

為人好玩 唔想從此被困為何英雄哥抗拒結婚?知情人士分析,佢老哥接老竇間京菜館經營二十幾年,在娛樂圈中交遊廣闊,同唔少大明星稔熟玩埋一齊,而他性格豪邁,為人好玩,經常在菜館甚至屋企共敍把酒共歡,有時亦會去楊其龍的 dragon-i之類蒲點蒲吓,如果同莊姐結婚再度成家立室,呢種生活方式好難繼續,都仲係做番孤家寡人好啲,可能基於呢個顧慮,英雄哥最後對莊姐之提議婉而拒之。
英雄哥結過婚,早與太太離異,個仔都廿幾歲,或者曾經滄海難為水,唔想重複不快經歷,所以對結婚有保留。對莊姐嚟講,女仔到呢個年紀想settle,亦是人之常情,奈何對方另有想法,冇計啦!
雖然感情遇挫折,莊姐近日未見低沉,依然忙到隻狗咁埋首議員工作,睇嚟唔算係重傷。佢私下同好友講,暫時放下心情,唔想即刻搵另一男友替代,反正緣去緣來,緣份要嚟就嚟,毋須強求。
人生如戲,戲如人生,想不到愛做戲的陳淑莊,在現實中成為「情變」的主角。
2 : 龍生(798)@2010-11-07 15:04:59

狠角色!
坐艇8年, 毅然止蝕!
英雄 哥拒 拒拉 拉埋 天窗 陳淑 淑莊 莊甩 甩拖 另有 原因
PermaLink: https://articles.zkiz.com/?id=271448

蔡東豪:「我不想見到沒有陳淑莊的立法會。」

1 : GS(14)@2012-09-07 09:57:31

http://www.sharpdaily.hk/article ... B%E6%B3%95%E6%9C%83
「我不想見到沒有陳淑莊的立法會。」
蔡東豪
兩年前,發生大浪西灣事件,政府初時態度強硬,但民意沸騰。
不足兩星期,政府已改變立場,立法保護大浪西灣。
我不想香港人忘記,曾經有一群有心人做過一件這麼美妙的事,寫了一本書,書名叫《七俠四義》,記錄七個為大浪西灣付出過的人。
七俠中,六個是普通人,最後一個也是唯一的政治人物,是陳淑莊。她在議會內為事件奔走發聲,從法律著手,跟政府硬碰。
這就是陳淑莊,義不容辭為更美麗的香港站出來。
香港島有七席,何不使用手上一票,確保立法會保留陳淑莊的聲音,一個給予香港人想像的年輕人。
蔡東豪
2 : Sunny^_^(11601)@2012-09-07 10:19:23

我不想見到有陳淑莊的立法會

公文袋不斷既司法覆核令香港受難.

無論係賓賓居港權,還是bridge要多付的數百億等等..

這就是公文袋,義不容辭為破壞香港站出來。

香港島有七席,何不使用手上一票,確保立法會沒有陳淑莊的聲音,一個給予香港人惡夢的中女。
3 : GS(14)@2012-09-07 10:23:28

陳小姐...唉
4 : Sunny^_^(11601)@2012-09-08 09:22:37

我自問自己段野都有pt,已經唔係廢話/9up

請問呢個說話極有質量既200大哥有咩唔鍾意既地方
5 : terryyim(13133)@2012-09-08 16:30:07

情理上,為左推一個陳小姐上去,要推多個陳先生,好多人感情及理智上都未必接受到
6 : GS(14)@2012-09-08 16:34:37

5樓提及
情理上,為左推一個陳小姐上去,要推多個陳先生,好多人感情及理智上都未必接受到


是囉,點解要扮大方?
7 : Atkinson(1514)@2012-09-10 13:43:56

從法律上,公民黨做的我睇唔到有咩錯,有法不依先係大問題
情感上呢, I am so sorry.

(陰謀論:不能排除有人想動搖香港法律, 一次又一次釋法好嗎?)
8 : GS(14)@2012-09-10 22:56:03

7樓提及
從法律上,公民黨做的我睇唔到有咩錯,有法不依先係大問題
情感上呢, I am so sorry.
(陰謀論:不能排除有人想動搖香港法律, 一次又一次釋法好嗎?)


請大家說100次:他是好人
9 : Atkinson(1514)@2012-09-11 10:38:46

8樓提及
7樓提及
從法律上,公民黨做的我睇唔到有咩錯,有法不依先係大問題
情感上呢, I am so sorry.
(陰謀論:不能排除有人想動搖香港法律, 一次又一次釋法好嗎?)


請大家說100次:他是好人


在於搵食既立場,有咩好人唔好人.....
蔡東 東豪 不想 見到 沒有 陳淑 淑莊 莊的 立法會 立法
PermaLink: https://articles.zkiz.com/?id=281432

陳淑莊斥王維基非同路人

1 : GS(14)@2016-07-12 03:12:56

【本報訊】公民黨陳淑莊昨在銅鑼灣街頭宣佈與該黨東區區議員鄭達鴻合組名單出戰立法會港島區直選,以「破、立、自」為選舉口號,寓意突破高牆、頂天立地、自省自救、永續自治,獲佔中發起人朱耀明及陳健民站台支持,陳向同區勁敵王維基翻舊賬,指對方支持《基本法》23條立法、撐葉劉淑儀做特首、力挺政改「袋住先」,並非民主同路人。



指王撐葉劉及假普選


陳淑莊誓師期間不點名批評王維基,指一個同意23條立法、支持葉劉做特首、認為單是踢走689便夠及支持假普選的人,「係咪我哋(民主派)嘅人?」她呼籲選民看清楚一個人的政綱及其過去與品性,別遭人混淆視聽。針對王維基「換特首」的選舉口號,陳指非建制派的選民不會滿足於只換走梁振英,而是希望建立民主制度。王維基澄清,他主張港人未有共識下不應為23條立法,又指當日說支持葉劉,是與梁二選一,「有得揀梗係曾俊華同曾鈺成」。同樣在港島區出選的新民黨葉劉淑儀及工黨何秀蘭於有線電視節目中稱,料王維基參選會影響選情,葉劉指王因失落免費電視牌,「為啖氣」出戰,擔心被王「找晦氣」。■記者姚國雄





來源: http://hk.apple.nextmedia.com/news/art/20160711/19689813
陳淑 淑莊 莊斥 斥王 維基 非同 路人
PermaLink: https://articles.zkiz.com/?id=303205

王維基倒灶 陳淑莊險勝

1 : GS(14)@2016-09-06 22:15:51

【本報訊】港島區6個議席中,參選人王維基(圖)及公民黨陳淑莊選舉前同被看高一線,在選前最後一次大型民調中,得票率分別排第2及第3,僅次首位的新民黨葉劉淑儀。惟選舉開始後疑被人氣拖累失去優勢,最終令王維基高開低收大熱倒灶,陳淑莊得票逾3.5萬,以2,000票之差險勝王維基奪港島末席。凌晨個別港島區票站結果已顯示,陳及王的票數遜其他對手。其後的中期點票結果中,二人更位列第6及第7,得票6,345張及6,067張,只是相差大約300票。


指民調拖累選情

不過之後差距漸大,陳淑莊最終得35,404票奪港島末席,王僅輸2,000多票,得33,323票排第7高票落敗。陳相隔4年得重返議會喜極而泣,事後在facebook上感謝選民支持。未能晉身立法會的王維基則表示「一路都講民調唔係好準」,他指選前民調支持度高踞第2、3,惟周日落區拉票時不少市民認為他夠票,最終轉投他人。王維基指太遲開始告急無助救票。他認為敗因是投票形勢和策略資訊太混亂,民調的高支持度反而拖累選情,但他仍慶幸由議事經驗豐富的陳淑莊勝出。民建聯張國鈞以41,152票當選,他指建制派在港島取3席已達理想。上屆當選、今屆排在張後面的鍾樹根指,民建聯被界票下,仍能力保一席已不容易,他寄語張入議會後,不要學他「咁符碌」。■記者陳雪玲、袁楚雙




來源: http://hk.apple.nextmedia.com/news/art/20160906/19762030
維基 陳淑 淑莊 險勝
PermaLink: https://articles.zkiz.com/?id=307728

陳淑莊重返議會與政府「鬥長命」

1 : GS(14)@2016-12-27 12:15:06

【本報訊】9月立法會選舉黨派大換血,多名資深議員退下火線,迎來一張張新臉孔同時,闊別一屆的公民黨陳淑莊重返議會。相隔4年,她發現做議員原來要學懂與政府「鬥長命」,「以前跟開嘅議題,過去4年有啲改變,但仲係冇進展」,樹木法、檔案法、私人會所用地等她關心的議題,訪問中無限loop;念念不忘,必有迴響,她笑言再戰立法會,「因為太多嘢未做完」。陳淑莊2008年首戰立法會,排在名單首位與余若薇在港島區雙雙勝出;2012年公民黨變陣,陳由被抬變成抬轎,名單最終僅陳家洛當選,她則高票落敗。今年立法會選舉與鄭達鴻合組名單戰港島,成功重返議會。


成為前輩 學識補位


再戰議會的兩個月,陳淑莊發現議會生態4年來轉變極大,泛民的「飯盒會」不復再,「初初唔係幾觸摸到,G廿幾(民主派會議名稱)究竟溝通形式係點?會唔會長久?都幾唔清楚」。但她指多得特首梁振英,令民主派短期內變得緊密兼逐漸建立默契;而民主派的版圖變化,同時亦令政府捉不到路,讓民主派可攻其不備。另一個轉變是資深議員數目大縮水,連她亦成了前輩。陳說:「第一次(議會)冇咗吳靄儀……要靠自己睇熟(議事規則),到時應急都要知,呢一點幾有趣,多咗要求自己。」新一屆立法會開鑼即因宣誓風波屢次流會及引發衝突,會否後悔重返議會﹖她指原有心理準備梁振英會連任,4年任期要「同佢死過」。而梁振英終於不連任,議事時或毋須太動氣,「咁快就動氣,幾時捱到4年?」話音未落,提起教育局局長吳克儉,她青筋暴現,力數對方不是,「點可以請呢啲人做教育局,直頭係超然!」議員搶sound bite(精句)卻是恒久不變,陳認為sound bite是一種藝術,當然要細心準備發言內容及方式,但有時亦不可因sound bite而忘記補位,如早前討論機場三跑,「全部同事都問三跑、問融資,我就係唔問,要問地契」,因她深明要在有限發言時間令官員提供更多資訊,不可只見樹而不見林。顯然,這就是經驗。另一不變的是做功課,例如睇文件,她稱有時聽到部份議員提問「直情反白眼」,「大佬呀,(文件)寫晒㗎,你唔好問啦,唔好嚇我……有冇搞錯,唔好嘥大家時間扮問問題,阻大家時間,我真係覺得好惡劣,連基本嘢都唔做」。■記者陳雪玲




來源: http://hk.apple.nextmedia.com/news/art/20161227/19877820
陳淑 淑莊 重返 議會 政府 長命
PermaLink: https://articles.zkiz.com/?id=320148

【馮仁昭四圍超】寶珮如喜見梁淑莊

1 : GS(14)@2017-01-17 01:55:27

曾被喻為亞視鎮台之寶嘅劉志榮08年病逝,令一直深愛佢嘅太太梁淑莊(左)飽受打擊,好少公開露面。不過,前晚寶珮如為尖沙嘴一個聯歡晚宴表演,竟然巧遇舊同事莊姐,兩人仲開心合照。寶珮如噚日同馮仁昭講:「估唔到莊姐仲認得我,佢精神好好,依然咁雍容華貴。莊姐話自己有一段時間冇出嚟,呢幾年佢心情已經平復番,所以出番嚟見吓啲朋友。」撰文:馮仁昭




來源: http://hk.apple.nextmedia.com/entertainment/art/20170116/19898123
馮仁 仁昭 四圍 寶珮 珮如 如喜 喜見 見梁 梁淑 淑莊
PermaLink: https://articles.zkiz.com/?id=322826

勁過薯片眾籌陳淑莊人日收「兩球」

1 : GS(14)@2017-02-05 10:51:42

特首參選人曾俊華周五宣佈發起眾籌,以顯示自己深得民心,短短一日已有逾200萬元進賬。但公民黨陳淑莊自認更有「號召力」,原來她的議員辦事處於初七「人日」當天收到內附200萬元陰司紙的恐嚇信。雖然新正頭認真「唔老厲」,但陳淑莊仍不失幽默稱「薯片叔叔開聲,12個鐘,籌一百七十萬,我今朝辦事處一啟市,二百萬自動送上門添呀!」並留下「唔好咁嘥錢、好無聊」的hashtag,獲不少網民留言力撐。根據陳淑莊上載的相片顯示,有人將兩張各自寫有「壹佰萬」的冥鈔,連同一封恐嚇信寄到陳的議員辦事處。有網民建議陳報警處理,批評寄信人黑心,但亦有人著她要百無禁忌,一笑置之,「正面啲諗,紙紮舖做多咗生意,對經濟有貢獻」。




來源: http://hk.apple.nextmedia.com/news/art/20170205/19918786
勁過 薯片 眾籌 籌陳 陳淑 淑莊 人日 兩球
PermaLink: https://articles.zkiz.com/?id=325473

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019