ZKIZ Archives


老公犯眾憎 徐淑敏停工激瘦

2012-01-11  NM
 
 

 

「飯局事件禍延娛圈」,曾志偉涉「掌摑」事件,黃浩被圈中人圍剿,老婆徐淑敏不好過;黃浩自稱「老婆唔使做」,無綫順理成章,停止為徐淑敏接job祭旗,冇工開徐淑敏情緒受影響以致暴瘦,我見猶憐。

開刀祭旗

出口撐曾志偉捱告的梁烈唯,有無綫「超級」高層力撐;同人不同命,同是無綫藝人的徐淑敏(Suki),卻受老公黃浩牽連,不但暫停幕前工作,連快錢job都一律暫停。自殼王陳國強入主無綫,曾志偉在無綫儼如隱形高層,在公司內部有絕對影響力;加上梁烈唯事件,無綫眾「超級」高層對黃浩同仇敵愾,部署反擊,徐淑敏的處境更不好過。「雖然樂小姐同外邊講『聽話兩個都撐』。但有高層好唔高興,認為黃浩太寸,連老婆嘅同事都搞,又冇偈傾,又話自己唔使老婆做嘢,無綫見佢咁,咪借口話件事令到Suki形象好差,通令下面暫時唔好幫佢接job,直到另行通告!」無綫內部人員透露。夾心人難做,徐淑敏過去即使幕前工作量不多,但一直受到廣告商歡迎,一個月起碼有兩三個活動,如今做了祭旗犧牲品,外接job叫停,情緒難免大受影響。「佢成個人落晒形,瘦咗好多;之前同人講話要減少娛樂圈工作,專心搞美容,其實根本唔到佢話事,依家佢只係想件事快啲過去!」徐淑敏閨中密友透露。

寸黃浩吐口水

無綫冇面俾,公器寸黃浩。謝天華、森美主演的《法網狙擊》,當中強姦高海寧的大反派白健恩,便重演年前黃浩向記者吐口水事件,對白和場面亦如出一轍,擺明玩嘢。

重演吐口水事件

TVB擺明唔妥黃浩,現正播映的《法網狙擊》更重演黃浩吐口水事件。

向太插口有因

「飯局事件」演變成「掌摑事件」,黃浩被娛樂圈藝人圍揼,甚至連向太陳嵐亦開腔,暗寸有人借「向氏契仔」認親認戚,攞着數。有指向太力撐徐濠縈和梁烈唯,是因為與多位「飯局」成員關係密切,兒子向佐是徐濠縈老公陳奕迅的好友,而梁烈唯女友則是向太的公司員工。據了解,其中最關鍵原因,是「飯局」成員中的何超儀。近年「中國星」淡出電影圈,轉向澳門博彩業發展,向太跟賭王四太和何超瓊均屬好友。前年一月,何家爭產事件期間,由何超瓊擔任董事的澳門旅遊娛樂有限公司,以估值折讓四成、5.5億出售澳門東望洋四幅地給中國星,賭王何鴻燊退回之前中國星購買位於澳門南灣湖畔地皮的兩筆訂金,共3.6億,令中國星有足夠資金買下澳門蘭桂坊酒店全部股權。

老公 犯眾 眾憎 淑敏 停工 激瘦
PermaLink: https://articles.zkiz.com/?id=42554

名人投資:徐淑敏:不做花瓶

2014-01-09  NM
 
 

 

樣靚聲甜的徐淑敏(Suki),○六年參選港姐,之後拍劇集兼做主持,成為宅男女神。○九年,嫁予飲食才俊黃浩,先後誕下兩名女兒。今個月,Suki結束無綫合約,正式轉型從商,演藝成為副業。她的女強人之路,始於一一年懷孕期間,突然皮膚敏感,啟發她創立自家品牌的護膚品。首次創業的她撞板多多,但以自己做生招牌下,成立一年,現時每月賺超過五十萬,公司由最初的三個人,變成現在十個人,未來還會進軍日本市場。創業‧勇敢

二十九歲的Suki,已是兩女之母,她的創業故事,亦與女兒有關。「佗住二女四、五個月時,突然塊臉敏感,唔可以再用平時嘅護膚品,之後睇書發現可以自己做護膚品,台灣已經好興,於是走去學。」Suki說,除了看書,她亦報讀香薰治療課程,用香薰精油製造護膚品。「材料有水、植物油、精油,全部都係天然,成本又唔貴。」開業初期,公司只有Suki、品牌設計師及香薰治療師三個,由商業登記、找辦公室、買原料、找生產商,都由Suki一手包辦。曾為罕有的白玫瑰花水,親自飛到保加利亞,向當地的花農「拍門」。一二年九月,護膚品牌SÈVE正式成立,但性格急進的她很快便有第一次失敗經驗:「我之前自己出錢製作咗個美容頻道叫《SÈVE TV》,教人化妝、講吓名媛衣櫃,用咗超過十萬,原本打算賣給電視台、報紙副刊,最後只係賣到俾《蘋果》嘅《add》,收視都係一般。」重新上路,最大困難是請人。「很多有經驗嘅人嫌品牌新,唔肯做,剛畢業嘅人玩一陣就走,試過做咗兩日就話唔做。」她檢討過後,明白員工要有歸屬感和滿足感,才做得長,「我以前要求好高,語氣亦較差:『你快啲俾我啦』,而家識得用獎勵及鼓勵,放手俾佢哋去負責搞活動,俾佢哋學嘢,又有滿足感。」整個投資成本約四至五百萬元,Suki坦言當中三百萬來自老公黃浩,但開業半年後,公司已自負盈虧。現時每月盈利超過五十萬元,今個月更會請全公司員工去日本旅行慶功,「我哋廣告費唔多,又無門市,都係靠同事幾乎廿四小時咁覆facebook訊息。客戶服務做得好,靠口碑先有咁好成績,希望今年可以打入日本市場。」

投資‧怕怕

創業大膽,其他投資就很謹慎。「咁大個女淨係買過兩次股票,以後都唔敢買啦。」七年前,Suki跟家姐男友買股票,「佢喺銀行幫人買股票嘅,諗住我都係佢未來姨仔,好天真咁靠晒佢,拎咗兩萬蚊出來。」一個月內,這股票令她大賺一倍,「我連股票名都唔知,以為好易賺,再拎咗四萬蚊去買,點知最後輸突,蝕咗五萬蚊。」自此,Suki就不敢再買股票,婚後改跟老公買入風險較低的外匯,「三年前見澳元跌得比較低,買咗二十萬港元嘅澳元,而家都有賺錢;最近日圓跌咗好多,我都買咗三、四十萬港元嘅日圓,再跌會再買。我哋好鍾意日本,一年都去三次,就算唔升番都可以自己用。」

家庭‧美滿

Suki兩個囡囡,一個四歲,一個兩歲,現在還未有金錢觀,日後教授理財的重任,由老公負責。「我理財好差的,未識老公之前,我係賺十蚊使十二蚊嘅人,同朋友食餐八千幾蚊嘅飯,我會爭住俾錢,又或者今個月接多咗show,就走去買架車。無諗過以後要供車,同埋下個月要拍劇,無咁多收入。」婚前她試過負資產五十萬元,結婚後,反是老公影響了她。「佢係嗰啲賺十蚊只肯花一蚊嘅人,如果我想買嘢,佢會講:『你鍾意就買啦』,但個樣好心痛,搞到我都唔捨得買。」她表示,兩個女兒都很懂事,很少會扭計買玩具,「佢哋好生性,我同佢哋講,爸爸啲錢要留番俾佢哋讀書。等佢哋讀小學,我諗住每日俾十蚊佢哋做零用,教佢哋點用錢啦。」

蘇民峰:馬年旺火木

馬年將至,金融界不少人都篤信風水命理。本刊找來風水師蘇民峰講解馬年股市投資運程,以及個人投資心得。為馬年大市趨吉避凶,同時亦向讀者推介馬年五隻「最旺」股票。

年中可入市

蘇民峰除了睇風水外,更愛投資股票及炒樓炒鋪,已有近十年投資經驗,保守估計身家逾四億元。他透露,今年從股票市場斬獲約三百萬元,回報率約一成多。一四年為雙數年,他指港股會先跌後升,雖然經濟逐漸進入穩固期,但不宜太過樂觀,要買防守性夠強的股票。「我已經開始沽啲股票,唔好咁快撈底喎,因為三月時仲有暗湧,五、六月先係入市時機。」以板塊來說,蘇民峰指馬年屬火及木的行業最旺。「去年旺水,所以賭股同科網股升得最勁。今年屬火,最旺嘅係電訊、電子電腦、石油、煤礦同能源,至於木就係紙、成衣、家具同紡織等。」蘇民峰透露正逐步買入中移動(941),「一來屬火,二來有4G概念。中煤(1898)都幾好,煤炭股去年回落唔少,估值相對較便宜。而屬火股份,仲有中石油(857)。」至於屬木的板塊,今年有機會翻生,「比較睇好波司登(3998)及安踏(2020)。羽絨幾時都有人著,今年生意一定升。體育股都開始炒復甦,李寧(2331)盤數好難睇,買唔過。」蘇民峰指,屬水的板塊將是今年表現最差的,建議持有賭股、金融股及航運股的投資者,在一月前要沽售。

利時大業主

不過,蘇民峰有八成的資產,都投資在樓及鋪位上。他表示,一五年前,香港樓市仍然會往下調整,以地理命格來算,西南方將會行大運,「用油尖旺區做界線,運氣會向左面走,去年條運走到深水埗,馬年就會走到荃灣區,買樓最好買荃灣啦!」由於樓市向下走,蘇民峰近年已出售中環地鋪、汀九豪宅及一間寫字樓,目前居所是租用,沒有自住物業,餘下一個舊樓單位租予風水學生作社團活動,並持有十多個尖沙咀利時商場鋪位,「唔會再買鋪啦,愈升愈貴,我賣個中環鋪已賣平咗(四千七百萬),而家又升咗三成。而家租金回報率得嗰一釐幾,計落點都唔化算。」他手上的利時鋪位乃○七年買入,他指一世都不會放,「一間一百呎鋪,月租成三至四萬蚊,邊度搵呀?」租樓住的蘇民峰,一直在物色擁有大露台的特色單位,但不心急入市:「而家樓價咁貴,租樓係好過供樓,啲人成日覺得幫人供樓唔抵,呢種心態係錯嘅。等一五年樓價跌,而家租樓仲化算!」最後,他指十二生肖中,屬兔的今年投資運程最好,羊、雞運程亦佳,最差的三個生肖則為鼠、虎、豬。

名人 投資 淑敏 不做 花瓶
PermaLink: https://articles.zkiz.com/?id=87836

徐淑敏幼女滿百日

1 : GS(14)@2014-11-09 13:32:38




互聯網圖片



生了三名囡囡的徐淑敏(Suki),今年8月幼女黃沁誼(Isabella)出世後,小寶寶昨日滿百日,Suki把母女照貼facebook後留言:「今日Baby Isabella100日生日喇!點解佢個樣成個mini Kenny Wee(黃浩 小圖左)咁嘅?」



資料圖片

細看小寶寶的樣子,果然長得像爹哋黃浩的餅印一樣。Suki表示對三名女兒都會一視同仁,並不會偏心。



【三個粉絲去首爾】追星實錄,即上韓劇讀:http://hk.apple.appledaily.com/kstar




來源: http://hk.apple.nextmedia.com/entertainment/art/20141109/18928431
淑敏 幼女 百日
PermaLink: https://articles.zkiz.com/?id=286361

孻女mini Kenny百日宴苗條徐淑敏圓留學夢

1 : GS(14)@2014-11-18 23:02:36




■徐淑敏和老公黃浩結婚五年,連生三女,幼女前晚擺百日宴。



徐淑敏(Suki)與黃浩(Kenny)日前剛度過結婚五周年,兩人婚後密密生,由二人世界變成五口之家,「媽媽咪」Suki今年8月生了孻女黃沁誼(Isabella),雖然三胎都是囡囡,未圓追仔夢,但Suki都非常滿足,全家人前晚在黃竹坑一間私房菜為Isabella擺百日宴,小主角Isabella以pink baby造型現身,被媽咪Suki形容為mini Kenny的Isabella全晚大受賓客歡迎,任人抱逗人喜愛,沈卓盈、馬賽和黎虹讌夫婦等都有到賀。



■徐淑敏雖然滿場飛招呼賓客,但也不忘教大女Vianna用餐禮儀。

■畫師為小主角Isabella畫的卡通畫,可愛到爆燈。

■馬賽(左)和沈卓盈(右)前晚現身道賀,沈卓盈還送契女Isabella身上靚裙。

「三個都咁錫」

Suki以白色和粉紅佈置會場,她本人則穿上tube dress大騷事業線,產後才三個月苗條身形差不多回復產前狀態?她說:「仲未呀,仲爭3磅,我要努力減埋佢,其實開心都係保持童顏嘅秘密。」有事業有家庭的Suki,下一步還有甚麼計劃?她說:「我想趁後生學多啲嘢,有計劃出年去英國一個月讀個短期課程,老公答應資助我,等我完成細個好恨嘅留學夢。」問到對三個囡囡可有偏心?Suki說:「唔會呀,三個都咁錫,怕佢哋有童年陰影。」4歲長女黃心瑤(Vianna)甚有大家姐風範,影全家福及切蛋糕時,Vianna不時湊近狂錫細妹Isabella,3歲二家姊黃心柔(Renee)則嗲爆爹哋,影相時又會拉裙子擺甫士搶鏡。百日宴現場還安排了畫師給賓客繪畫卡通畫留念,Isabella的Q版畫,臉頰脹卜卜萌爆。採訪:比華利



【三個粉絲去首爾】追星實錄,即上韓劇讀:http://hk.apple.appledaily.com/kstar




來源: http://hk.apple.nextmedia.com/entertainment/art/20141118/18938379
孻女 mini Kenny 百日 苗條 淑敏 留學
PermaLink: https://articles.zkiz.com/?id=286493

Kelly徐淑敏仔女玩轉嘉年華蝦餃仔氹掂扭計小龍包

1 : GS(14)@2015-02-03 00:34:42





■陳慧琳老公Alex昨帶蝦餃仔(右)和小龍包遊嘉年華,三父子餅印一樣,連視線都一致。攝影:朱志聰



星二代都遺傳着父母的優良因子,昨日中環友邦歐陸嘉年華星光熠熠,陳慧琳(Kelly)老公劉建浩(Alex)做湊仔公,一拖二帶着「蝦餃仔」劉昇及「小龍包」劉琛享天倫,即使老婆Kelly沒有同行,Alex都照顧妥貼,五歲多的劉昇還發揮大哥本色幫手
Kelly 淑敏 仔女 女玩 玩轉 嘉年華 嘉年 蝦餃 餃仔 仔氹 氹掂 掂扭 扭計 小龍
PermaLink: https://articles.zkiz.com/?id=287600

徐淑敏湊囡囡荔園贏把扇

1 : GS(14)@2015-07-06 08:36:00

■黃浩跟二女Renee(左二)掟階磚,可惜得個桔。


【爆相爆片】結業18年的荔園近日在中環海濱重開,吸引不少一家大細捧場,如徐淑敏(Suki)前日便偕老公黃浩及兩個囡囡Vianna和Renee到荔園享受家庭樂。昨日讀者劉先生透過本報「爆相爆片」報料,指前日下午4時半左右發現Suki一家四口現身荔園,同行還有兩個黑人保鑣,認真大陣仗。不過,劉先生指Suki一家全程只攻攤位遊戲,包括掟階磚、飛甩雞毛和彈跳青蛙等,但Suki只是負責影相,由黃浩出馬跟兩個囡囡玩遊戲,可惜屢次失手,僅在其中一個遊戲贏得小禮物,而他們玩掟階磚其間,有荔園高層上前跟Suki夫婦打招呼和合照,然後送了兩個公仔給兩個小朋友。劉先生又表示,Suki疑似是真空上陣,不少途人認出Suki並舉機拍照,Suki也未有抗拒任影唔嬲,而她一家逗留了半小時便撤退,本來Suki欲帶女兒玩摩天輪,但未知是否天氣太熱還是其他原因,最後還是打消念頭上車離開。



■索爆徐淑敏前日現身中環荔園,被不少途人認出並以手機拍照,分分鐘搶鏡過荔園中其他景點。讀者提供圖片

■徐淑敏裙背開窿,又難怪被誤會為真空上陣。

■二女Renee(中)手上的扇,是黃浩玩遊戲贏得的。


■黃浩一家四口遊荔園,也要黑人保鑣(箭嘴示)同行,相當大陣仗。

「背脊有個窿啫」

記者昨致電Suki,她指前日family day帶兩女到荔園逛逛,細女Isabella因為年紀太細未同行,Suki說:「當嘉年華會咁,其實同以前荔園又唔係好似,但佢哋(女兒)都開心。」未有參觀恐龍屋?她說:「冇呀,好熱呀,所以玩咗一陣,影咗啲相就走。老公掟中咗把扇咋,咁啱撞見個PR,佢送咗兩隻公仔畀我哋。嗰度有啲噴水咪降吓溫囉!跟住帶啲小朋友去食雪糕。」對於讀者指她真空,Suki笑住否認:「背脊有個窿啫!唔係真空。」採訪:魯吉





來源: http://hk.apple.nextmedia.com/entertainment/art/20150706/19209586
淑敏 囡囡 荔園 贏把 把扇
PermaLink: https://articles.zkiz.com/?id=291281

徐淑敏湊女反轉迪士尼

1 : GS(14)@2015-08-03 08:46:24

■徐淑敏昨日下午帶三個囡囡及嫲嫲等入迪士尼玩。


徐淑敏(Suki)昨日下午與三個囡囡、嫲嫲和家人等一行多人,在三個保鑣陪同下到迪士尼,享受家庭樂,因囡囡是《魔雪奇緣》的超級粉絲,所以見到她們穿上戲中的公主服飾,在職員接待下遊玩。她們一行人入場後,湊巧遇上巡遊活動,未知是否因Suki要照顧細女,加上現場圍觀人數眾多,於是Suki便叫保鑣抱着兩個囡囡欣賞,後來她們更走到《魔雪奇緣》新開設的夏雪節滙演,玩了差不多兩個多小時才離開,當時天氣仍相當炎熱,Suki不忘為大家買冰凍飲品消暑。採訪、攝影:朱志聰、徐錦池





來源: http://hk.apple.nextmedia.com/entertainment/art/20150801/19238807
淑敏 湊女 反轉 迪士尼
PermaLink: https://articles.zkiz.com/?id=291924

徐淑敏細女吼實乳豬

1 : GS(14)@2015-08-04 08:19:56

■Suki的幼女Isabella前日一歲生日,全家一齊切蛋糕。


徐淑敏(Suki)和黃浩結婚五年抱三,二人世界變成五口之家,孻女黃沁誼(Isabella)前日一歲生日,三代同堂慶祝,壽星女獲送迷你兵團(Minions)和芭比3D蛋糕。
Suki擁女合照如四朵金花,她昨日表示沒想過婚後多產,她在電話中說:「以前只不過諗最多生兩個,大家庭熱鬧啲。」Isabella是肥妹仔,Suki說:「佢肥到條頸都冇咗,好為食。」Isabella前晚看到侍應送上乳豬都望到流口水。



■Isabella望着面前的乳豬,有得睇冇得食。

■栢芝送客人離開時,表示自己好開心。



栢芝勁開心


此外,昨日是張栢芝大仔Lucas的8歲生日,栢芝前晚在深灣遊艇會四樓兒童遊戲室提早與囝囝慶祝,栢芝送客人入電梯時向大家說:「我真係好開心呀,Lucas咁多年生日,最多人嚟就係今年喇!」後來大家轉去八樓另一個兒童遊戲室繼續開P。採訪、攝影:比華利、徐錦池、朱志聰





來源: http://hk.apple.nextmedia.com/entertainment/art/20150803/19241058
淑敏 細女 女吼 吼實 乳豬
PermaLink: https://articles.zkiz.com/?id=291937

結婚6周年老公送大禮徐淑敏收6卡百萬黃鑽

1 : GS(14)@2015-11-23 14:24:47

■Suki和Kenny結婚6年,育有3女,還計劃稍後追仔。


徐淑敏(Suki)和丈夫黃浩(Kenny)上周日結婚六周年,又被稱為「糖婚」,為慶祝這甜到漏大日子,他們並沒過二人世界,而全家外出晚飯享天倫,Kenny還豪花100萬冧老婆,他給愛妻送上重6卡黃鑽戒指,Suki拖着老公手的照片貼facebook,寓意「執子之手,與子偕老」之餘,大放幸福「閃光彈」。


■Suki和Kenny上周日糖婚,Suki獲老公豪送百萬黃鑽答謝她持家有道。

送黃浩電子產品

Suki婚後為Kenny密密生了三個寶貝女,雖然全家陰盛陽衰,但Kenny都願為一屋女人照顧周到。Suki分享夫妻相處之道,她昨透過WhatsApp回覆:「成日向對方講多謝,感謝佢為家庭同自己嘅付出。」結婚6年有經歷風浪嗎?Suki答:「冇乜大風浪。」不過夫婦間絕對有爭拗,Suki:「每次小爭執完,老公多數會氹番,我認為唔好贏咗場交,輸咗個家。」她表示對Kenny很滿意,並說:「好好,冇乜要改。畀佢99分,一分進步空間。」Kenny給持家有道的Suki送巨型黃鑽,她也回饋老公電子產品。採訪:劉敏





來源: http://hk.apple.nextmedia.com/entertainment/art/20151122/19382775
結婚 年老 公送 大禮 淑敏 卡百 百萬 黃鑽
PermaLink: https://articles.zkiz.com/?id=293878

徐淑敏教囡囡抗壓

1 : GS(14)@2016-03-16 14:28:10

徐淑敏(Suki)昨日到海洋公園推介樂園動物大富翁,宣揚保育,適逢她的大女黃心6歲生日,所以Suki特意和老公黃浩帶同三位千金,及家人一起到樂園遊玩。談到近日不斷有學生自殺事件發生,身為人母的Suki直言甚關注事件,她說:「我每日臨瞓都會同啲女傾偈,問吓佢哋開唔開心,了解吓佢哋係咪擁有太多或各樣,令佢哋有一個抗壓能力。」
Suki透露大女今年將升讀小一,在選擇學校和教育方面,唯一希望少功課,她說:「多功課我要一齊做好大壓力,小朋友唔逼得,功課以外日常生活仲有好多嘢要做,少啲功課,屋企歡欣寧靜啲。」採訪:卓寶花攝影:陳俊強





來源: http://hk.apple.nextmedia.com/entertainment/art/20160316/19530748
淑敏 囡囡 抗壓
PermaLink: https://articles.zkiz.com/?id=298155

徐淑敏賀求婚7周年

1 : GS(14)@2016-08-11 06:08:31

■徐淑敏與老公帶三個囡囡到初相識的餐廳慶祝求婚7周年。


徐淑敏(Suki)於09年跟黃浩(Kenny)火速撻着,同年底奉子成婚,不但沒七年之癢,反而更恩愛,數年間由二人世界變熱鬧五口之家。
Suki和Kenny於大前晚求婚七周年紀念日,到了當日相識的意大利餐廳慶祝,三名囡囡Vianna、Renee和Isabella全部到齊,一家人圍着切蛋糕溫馨。Kenny在facebook貼相放閃,Suki昨在電話中回應說:「我同老公都好lucky,但最幸福係三個女,父母都咁錫佢哋。」Suki轉眼升呢人妻七年:「我哋年年周年紀念都去番當年相識嘅餐廳,隔幾年就多個女,今年就同三個女一齊慶祝,好開心呀。」Kenny送了甚麼禮物?Suki說:「佢成日陪我哋一家人去旅行,已經係最好嘅禮物。」採訪:劉敏





來源: http://hk.apple.nextmedia.com/entertainment/art/20160811/19731430
淑敏 求婚 周年
PermaLink: https://articles.zkiz.com/?id=305390

同校小一新生徐淑敏郭可盈送女開學遲到

1 : GS(14)@2016-09-02 05:49:41

■黃浩和徐淑敏昨日送升小一的長女Vianna開學。



星爸媽昨日早起接送子女開學,徐淑敏(Suki)、郭可盈和郭晉安的子女原來都就讀位於九龍琵琶山的保良局蔡繼有學校,Suki長女黃心瑤(Vianna)和郭可盈及林文龍的囡囡林天若同樣今年升小一,但不同班,兩位新生昨開學遲到。



■送完囡囡上學,徐淑敏夫婦在保鑣陪同下等車前來接送。DV圖片

■靚媽郭可盈(左)昨早湊女返學,升小一的天若醒目孭着書包,老竇林文龍則做柴可夫(右圖)。


滿意學校

昨早約8時半,Suki與老公黃浩(Kenny)陪Vianna返學,同行還有兩個保鑣,分坐兩架七人車到達,車子抵校時剛好學校鐘聲響起,Suki心急怕囡囡遲到,司機把車駛入學校範圍,驚動校方保安勸阻,要把車停在校外,Suki夫婦拖實Vianna行入學校,Vianna紮馬尾配整齊白色校服,孭起書包十分醒目。問Suki是否遲了出門?她說:「今朝已經7點出門口,因為先送二女返學,途中遇上兩架車爆胎,搞到塞咗一陣。」
Suki表示Vianna入了心儀小學,她昨在電話中說:「呢間學校重視語言,英文同中文都唔錯,整體學習氣氛良好,可以一條龍讀到grade12,仲出過IB(國際預科文憑)狀元,成績同口碑均好。」



■郭令山很獨立,爸爸郭晉安開車送抵學校後自行落車。


唔請補習

林文龍昨親做柴可夫司機送囡囡天若開學,可盈就負責從旁打點,天若戴上兩個藍色蝴蝶頭飾,精靈可愛,他們比Suki一家更遲。可盈昨在電話中說:「聽日要再早啲,我好鍾意呢間學校嘅教學方法,學生會返得開心,我今年先畀囡囡適應吓小一,唔使請補習,我會自己教番,一齊同行,我都重讀小一,生命有take2。」可盈續說:「唔使科科一百分,唔想畀囡囡壓力,開心學到嘢就得。」此外,郭晉安的8歲長子郭令山在同校升讀小三,郭晉安昨早8時10分送子上學,非常準時,齊蔭頭的令山精神奕奕孭書包自行步入學校,甚有師兄風範。採訪、攝影:葉君海、陳杰




來源: http://hk.apple.nextmedia.com/entertainment/art/20160902/19757032
同校 小一 新生 淑敏 郭可盈 送女 開學 遲到
PermaLink: https://articles.zkiz.com/?id=307193

湊女返名校著乜?郭可盈牛仔裙 徐淑敏Zara配Hermes

1 : GS(14)@2016-09-03 23:28:55

前日開學日,明星家長當然非常忙碌,一早湊仔女返學校。郭可盈、林文龍前日湊囡囡林天若返學,徐淑敏(Suki)女兒黃心瑤亦是讀同一間小學,明星家長look以淺淡舒服為主色。一向富泰的郭可盈,化了淡妝,白色雪紡top搭配牛仔裙,牛仔裙長度亦屬端莊的及膝長度,感覺清新不失時尚。至於徐淑敏就繼續拎濶太愛牌Hermès,不過她平溝貴,搭配日牌冷衫及$399 Zara白褲,調低阿太味,優悠格調,不覺太招搖。更多美容、時尚新聞,即上:http://add.appledaily.com




來源: http://hk.apple.nextmedia.com/entertainment/art/20160903/19758820
湊女 女返 名校 著乜 郭可盈 牛仔裙 牛仔 淑敏 Zara Hermes
PermaLink: https://articles.zkiz.com/?id=307342

【乳癌勇士】光頭林淑敏送正能量

1 : GS(14)@2016-09-17 16:15:45

林淑敏



乳癌是女性殺手之一,《北非諜影》女星英格烈褒曼及憑《紅樓夢》演林黛玉走紅的內地女星陳曉旭,亦因此病奪去性命,但圈中亦有不少抗癌成功例子。


林淑敏

2010年發現右胸長有硬塊,確診為第二期乳癌,憑其堅毅個性及教友支持,接受多項手術及化療,一年後終擊退癌魔,她更公開自己化療後的光頭look及抗癌經過,為癌症病人送正能量。



蘇施黃

2005年在電台節目上公開自己患上乳癌,透露做婦科驗身時發現患上第二期乳癌,呼籲女性每半年要做一次乳房X光檢查,及早預防。



汪明荃(左)葉麗儀(左)

汪明荃

先後在1994年及2002年患上甲狀腺癌和乳癌,幸及早發現,不需要做化療,接受割除乳房腫瘤手術後已康復,兩次患癌的汪阿姐更未有停下工作。


葉麗儀

曾在電台分享患病經過,鼓勵患乳癌女性,她自爆於1996年發現右邊乳房有硬塊,幸好只是第一期乳癌,但仍要接受切除腫瘤手術及做電療以防復發。




來源: http://hk.apple.nextmedia.com/entertainment/art/20160915/19771115
乳癌 勇士 光頭 淑敏 送正 能量
PermaLink: https://articles.zkiz.com/?id=309240

【馮仁昭四圍超】徐淑敏少入廚切親手

1 : GS(14)@2016-10-12 07:52:35

徐淑敏(Suki)近日飛咗去東京學廚,報咗法國藍帶烹飪課程,佢希望學成歸來。
Suki撇低老公黃浩同三個囡囡去學廚,佢噚日話:「結婚之後,我入廚房次數,5隻手指數得晒,平時冇練習,差唔多每星期都切親手指,呢次為屋企人食好啲,挑戰學煮法國菜,導師係米芝蓮三星廚師,仲有四個星期,我要畀心機。」撰文:馮仁昭




來源: http://hk.apple.nextmedia.com/entertainment/art/20161012/19797861
馮仁 仁昭 四圍 淑敏 少入 入廚 廚切 親手
PermaLink: https://articles.zkiz.com/?id=311708

【馮仁昭四圍超】徐淑敏明年追仔

1 : GS(14)@2016-11-16 05:47:54

微博圖片





徐淑敏同老公黃浩(Kenny)結婚7年,佢哋噚日喺日本慶祝,徐淑敏婚後連生三個女,恨仔嘅Kenny同老婆商量咗,打算出年再追仔。仍身處日本學廚藝嘅徐淑敏噚日話:「呢個課程讀到下月中,我出年仲會去法國學多個藍帶課程,忙到大約出年12月後。」徐淑敏如果明年底肚皮再開工追仔,估計生狗仔機會好大。撰文:馮仁昭




來源: http://hk.apple.nextmedia.com/entertainment/art/20161116/19834776
馮仁 仁昭 四圍 淑敏 明年 追仔
PermaLink: https://articles.zkiz.com/?id=315819

徐淑敏藍帶烹飪畢業

1 : GS(14)@2016-12-17 23:54:37

徐淑敏(Suki)今年9月飛東京報讀法國藍帶課程,學煮法國大餐,三個月密集式課程前日完結。Suki前晚在facebook貼出最後一日上堂情況,以及考試菜式煎鴨胸,色香味俱全。
Suki獲老公黃浩飛往日本接她返港,她也歸家似箭,昨日在電話中說:「好掛住香港,由6月尾一直周圍飛,到而家都冇乜返過屋企。」Suki準備今年聖誕邀請朋友回家開P。




來源: http://hk.apple.nextmedia.com/entertainment/art/20161217/19867817
淑敏 藍帶 烹飪 畢業
PermaLink: https://articles.zkiz.com/?id=319378

徐淑敏遊園 締造囡囡回憶

1 : GS(14)@2016-12-24 10:42:37

■徐淑敏日前帶孻女沁誼到海洋公園玩,更獲送吻甜到入心。攝影:陳順禎



徐淑敏(Suki)身為海洋公園基金教育大使,為響應樂園明年40周年,且本月舉行以集體回憶做主題的活動,於是日前帶兩歲多孻女黃沁誼到海洋公園尋找和締造回憶。



■徐淑敏有女萬事足,覺得女兒黐自己很幸福。

無悔離開電視圈

貌似爸爸黃浩的沁誼相當乖巧,偶爾向媽咪送吻,令Suki甜到入心。Suki憶起童年時每逢影相就喊,所有舊相都是嬲爆爆,並指二女心柔遺傳了她兒時黑面的本性:「我幫啲女扮靚影相,輪到二女就黑口黑面,性格似足我,係我翻版好得意。」
Suki早前到日本讀法國藍帶課程學煮法國菜,還帶沁誼到當地生活三個月,Suki說:「同細女每晚都pillow talk,佢會攬住我甜笑、錫我,呢個女一向好cool,嗰刻覺得好幸福,三個女一歲幾時都唔黐我,但而家會成日搵媽咪,轉變好大好sweet。」完成烹飪課程後,Suki會在聖誕派對上大顯身手,炮製四餸加一個甜品宴請親朋。Suki表示享受學習,稍後還會學手握壽司,更無悔離開電視圈發展:「個人經歷多咗,時間自己掌握,睇返過去一年完成珠寶鑑證證書,之後又讀咗兩個證書,學新事物令我好快樂,呢樣嘢係之前事業畀唔到我。」採訪:卓寶花




來源: http://hk.apple.nextmedia.com/entertainment/art/20161223/19874154
淑敏 遊園 締造 囡囡 回憶
PermaLink: https://articles.zkiz.com/?id=319877

徐淑敏花百萬豪遊杜拜

1 : GS(14)@2017-01-07 07:08:09

■徐淑敏遊杜拜時入住帆船酒店。



徐淑敏(Suki)和黃浩(Kenny)帶着三名女兒及家人,選擇到了杜拜和阿布扎比過熱辣辣新年,三代同堂去跨年之旅。Suki這次入住杜拜七星級帆船酒店,以及阿布扎比八星級酋長皇宮。Suki表示是次旅程主要在酒店hea爆兼觀光,她昨日在電話中說:「幾乎每日都轉一間酒店,總共住咗十間唔同嘅酒店。」據知單是酒店花費都逾百萬。
Kenny帶着囡囡留在酒店泳池嬉水。鍾情刺激玩意的Suki,當然有去阿布扎比的法拉利主題樂園玩全球最快過山車Formula Rossa,她說:「好可惜得我一個玩,冇人陪,冇咁盡興。」由於囡囡太年幼,就在阿布扎比騎駱駝。採訪:楊定




來源: http://hk.apple.nextmedia.com/entertainment/art/20170107/19888768
淑敏 花百 萬豪 遊杜 杜拜
PermaLink: https://articles.zkiz.com/?id=321765

明飛日本行大運徐淑敏兩女舞獅開年

1 : GS(14)@2017-01-29 10:31:37

■Suki與Kenny陪兩個囡囡在花園玩舞獅。



徐淑敏(Suki)和老公黃浩(Kenny)家有三寶,分別是長女黃心瑤(Vianna)、二女黃心柔(Renee)和孻女黃沁誼(Isabella),連同Kenny媽咪及胞姊,全家七口過新年熱熱鬧鬧。
Suki日前陪Vianna和Renee玩舞獅,兩姊妹一人舞一隻,在屋企花園周圍走,Suki打鼓,Vianna還找爹哋合作,非常有默契。兩姊妹又輪流向爸媽拜年,Vianna淡定講出連串恭賀說話,Renee則口啞啞,但一樣?得父母大利是,Suki笑言:「Renee唔係食螺絲,佢直情係講唔出口,佢怕陌生人。」


「想家人更幸福」

Suki表示雞年是進修年,她將到英國學做管家:「學吓招呼客人技巧、摺衫同放好啲嘢,我覺得做家庭主婦應該樣樣都做到盡善盡美。」她表示「學嘢不是求分數」,但求學以致用:「呢刻使命感係想令家人更加幸福。」Suki一家愛放假出埠旅行,所以明天年初三都會出發離港飛到日本行大運,她說:「我就好鍾意喺香港過農曆新年,但老公屋企習慣避年,妥協咗,所以開咗年,初三先出發。」採訪:陳杰攝影:林德雄


■Vianna(左)舞着大獅頭,妹妹Renee就緊隨其後。

■Vianna和Renee(中)排隊向媽咪拜年?利是。



來源: http://hk.apple.nextmedia.com/entertainment/art/20170129/19911865
明飛 飛日 本行 大運 淑敏 兩女 舞獅 開年
PermaLink: https://articles.zkiz.com/?id=324599

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019