ZKIZ Archives


【浪迹遊蹤】三萬尺高空 可以請空姐幫忙的7件事

1 : GS(14)@2015-11-02 14:56:42

我怕此post一出,從此被空姐仇視。人在三萬尺高空,困在狹窄的機艙和更狹窄的座位,其實幾無助。不過有些事,你還是可以放膽㩒着頭頂嗰盞召喚空姐的燈,禮貌周周地要求。1)醫療用品:一般客機上都有基本藥物及急救用具可以提供予有需要乘客,(部份航空公司更可能連紓緩宿醉的藥都有)。至於界親手呢啲小事,舉手吧。2)調位:前題是有合理原因,如覺得鄰座乘客騷擾或扯晒鼻鼾,禮貌地問問空姐可否調位,如有空位一般都可以安排。3)飛機餐、小食、飲品:航空公司一般會預備比乘客人數更多的飛機餐,如食完一個唔夠飽,有剩餘飛機餐的話一般都不會吝嗇俾埋你食。而搭長途機時,半夜夜欄人靜瞓唔着睇戲睇到肚餓,亦可嘗試問問有無杯麵一類的小食。不過,空姐其實幾怕人食杯麵,香氣飄滿機艙,唔知有幾多人舉手要麵。4)遺囑:呢項真係無諗過,例如當心臟病發想起自己仲未立遺囑好好分配銀行戶口剩低嗰$28.4,機師有資格可作為遺囑見證人令你放心。5)參觀駕駛艙:講明,呢項並非每間航空公司都可以要求的,在起飛前或降落後可問問空姐是否可以進入駕駛艙參觀,一般降落後會比較方便。如英國航空其中一間有機會可參觀的航空公司。6)個人護理或衞生用品:濕紙巾、梳、潤膚液、牙刷、牙膏、耳塞、襪......有需要就問啦。7)兒童玩具及暫託:相信唔少人都最怕搭長途機遇着小朋友,十幾個鐘總是喊不停或叫不停,令人煩躁。部份航空公司會預備一些如布偶一類的小玩具可送給小朋友,希望哄到佢地係呢程機聽聽話話醒醒定定。如果隻身帶住隻化骨龍上路又人有三急,亦可以請空姐幫忙暫時照顧個細路。不過,如果你搭的是廉航,以上所講的,除咗某幾項,請當無講過。資料來源:英國每日郵報記者:曾冠輝





來源: http://hk.apple.nextmedia.com/su ... t/20151102/19356313
浪跡 遊蹤 三萬 高空 可以 空姐 幫忙 件事
PermaLink: https://articles.zkiz.com/?id=293729

【浪迹遊蹤】港機場搵靚位 夜拍飛行軌跡

1 : GS(14)@2015-11-09 00:04:58

越來越多人愛影星軌,其實夜拍不只得一種方法。日本一名航空迷,上年起於伊丹機場跑道附近,利用長時間曝光,捕捉飛機升降時,機身燈光在夜空劃下的光痕,如通往太空的銀河軌道。



曝光時間越久,可拍到更多光痕。

低角度拍攝,時間拿揑得當,可拍都整架飛機。



有網友就搜尋世界各地的不同版本,由三藩市、新加坡到東京機場都有。想影個香港版,其實機場也有不少拍攝點。二號客運大樓6樓展望台SkyDeck是最佳位置,可從高處清楚看到整個停機坪及起飛過程,不過每晚只開放至10點。本地龍友則推薦機場南環路,飛機維修廠HAECO外面的堤壩旁,可以隔住鐵網由低角度近拍,光影從高越過的軌迹。



日本網友若本規夫上年起常到伊丹空港拍攝,作品上載後即引起話題。

跑道與光軌以外,也可將停車場、機場建築等作爲前景。



機場展望台地點:二號客運大樓第六層(非禁區)開放時間:11:00am-10:00pm(星期六、日或公眾假期9:30am-10:00pm)
HAECO飛機維修廠交通:由東涌巴士站乘S52直達HAECO總站(飛機維修區)記者:甄俊宇資料來源:Grape網站





來源: http://hk.apple.nextmedia.com/su ... t/20151106/19361350
浪跡 遊蹤 機場 搵靚 靚位 夜拍 飛行 軌跡
PermaLink: https://articles.zkiz.com/?id=293787


ZKIZ Archives @ 2019