ZKIZ Archives


無力還債洪欣內地匿埋:我係無辜!

2012-12-13  NM
 
 

 

42歲洪欣遭「疊碼仔」老豆拖累,被澳門賭廳發出「江湖追數令」,到處張貼大字報,脅迫清還四百多萬「疊碼數」。洪欣最擔心自己和家人的人身安全,直認無力父債女還,正身在內地的她呼寃說:「我由始至終都係無辜!」江湖追數令

過去兩個月,港澳兩地到處有人張貼大字報,向洪欣追討四百多萬賭場「疊碼數」。原來早在今年九月,已有收數公司向洪欣追債。被唱爛賭,受「江湖追數令」所困的洪欣,一直未有公開露面,僅在微博發聲明澄清事件;據知她目前身在內地走埠,因為擔心人身安全,短期內都不會返港。對於父親拖欠的四百多萬「疊碼數」,洪欣透過電話向本刊記者坦言無力代父還債。「我只係個普通藝人,為咗屋企、為咗生活,都有好大嘅經濟壓力,要好努力咁做嘢,真係冇能力幫爸爸還呢筆債,更何況由始至終,我都係無辜者。」今年九月,已經有收數公司搵上門,近日收數行動升級,洪欣被到處貼大字報。對此,洪欣十分無奈,「我都好擔心屋企人嘅安全,自己一個女人仔,真係好難處理呢件事,依家已經報咗警,現階段交俾警方處理,亦好多謝外界關心,目前情況尚可。」因擔心行蹤外洩,洪欣只肯說現時身在內地,未有透露確實位置。

每注十萬

據熟悉賭廳人士爆料,洪欣於三年前經朋友介紹認識姓麥的賭廳負責人,並推薦父親做「疊碼仔」,介紹內地有錢賭客入場賺佣。前年二月至六月間,洪父先後向賭廳「大衞會」和「發達會」提取五百三十多萬泥碼,借予兩名內地賭客,但之後未有如期向公司還款,扣除回佣,合共欠下賭廳四百十一萬。外間亦有指形象斯文的洪欣有賭癖,喜上賭船耍樂,後來更直接到澳門賭場搏殺,最愛玩百家樂,每注十萬上落,豪氣程度令人側目。「外邊雖然有人唱佢爛賭,不過我就冇見過,佢連打麻雀都唔識,又點會賭錢呀?」洪欣的閨中密友為她抱不平。亦有指近年洪欣跟隨好友蔡少芬等成為虔誠教徒,經常參與教會活動,豪賭生活已不復再。

孭起頭家

多年來,洪欣獨力扶養與莫少聰所生的兒子莫鎬廉,靠拍戲、登台孭起成頭家,直到○九年與年輕十一歲的內地演員張丹峰結婚,兒子改名張浩鋒,經濟壓力才稍為紓緩。「佢咁多年都住喺跑馬地間屋,地方雖然有千零呎,但除咗佢一家三口,外家嗰邊啲人都逼埋一齊住,唔係外邊人諗得咁富貴,要佢幫手還四百幾萬,真係冇可能。」洪欣好友說。

我父母唔生性

有賭癮,好易輸咗頭家,唔少圈中人都家有「賭鬼」,十足「7仔」,梗有個喺左近。

還父債 張栢芝

99年,張栢芝入行一炮而紅,同一時間,有江湖背景的父親張仁勇傳欠下千萬巨債「著草」,有人發出「江湖姦殺令」,逼張栢芝父債女還,當時經理人朱永龍馬上開記者會交代事件,張栢芝淚流披面表示「好驚」,之後警方介入調查,事件才得以擺平。

還母債 蔡少芬

單親家庭長大的蔡少芬,其母經常被傳媒影到過大海豪賭,蔡少芬入行後曾代母清還過千萬賭債。02年,蔡少芬忍無可忍,開記者會公開與母親斷絕關係,直至近年母女倆因宗教信仰,關係才修補。

無力 還債 洪欣 內地 匿埋 我係 無辜
PermaLink: https://articles.zkiz.com/?id=41010

父債女還 洪欣狂做跑數

2013-1-10  NM
 
 

 

早前洪欣遭「疊馬仔」老豆拖累,被澳門賭廳發出「江湖追數令」,更四處張貼有洪欣照片的欠債大字報,逼她父債女還。據了解,欠款多達四百十一萬,為避債主,隱居內地的洪欣向外表示無力代父還債。但口硬心軟,洪欣為助父親解困,上月中開始已向內地中介公司放聲氣,商演、剪綵價錢一萬幾千都肯接,努力跑數,搵得幾多得幾多。露事業線

週日(一月六日)晚,洪欣應國內美容院邀請,收五萬酬勞到深圳君悅酒店出席二十周年晚宴;當晚被邀出席的貴賓,全是最少花二十萬入會的會員。以明星會員身份壓軸亮相的洪欣,穿上低胸純白長裙,披上毛毛外套,隱約露出事業線。接受完主持人訪問,講述美容心得後,再與觀眾玩遊戲、唱歌同派簽名相。台上演出完,洪欣返回休息室仲未收得工。近百位會員在門外排隊等候合照,為免人多混亂,大會安排三至四人一組一齊影,做人肉布景的洪欣不停賣笑近二十分鐘,終於完成五萬酬勞的指定工作。

大小通吃

返酒店房,記者上前問洪欣近況,她只笑笑口不發一言,至於會否返港或長居內地避債,洪欣未有正面回答:「我好好,多謝大家嘅關心!」「佢(洪欣)呢排做多咗好多job,有啲劇搵佢客串都照接,不過最好搵都係美容院,佢年紀唔細但皮膚保養得好,所以好多美容院鍾意搵佢。只係估唔到連結婚策劃公司搵佢錄賀詞,甚至做啦啦隊呢啲濕碎錢佢都照殺,真係好等錢使。」一名內地中介公司職員說。

暫居上海

有報導指洪欣因受「江湖追數令」困擾,即使事件已交由警方處理,但為安全計,仍決定與細自己十一年的老公張丹峰、十二歲兒子張浩鋒,一家三口離港暫避;有指她原本打算搬到老公的北京老家,但為方便到橫店拍劇,才改變計劃,暫居上海。

五千都殺

由被貼欠債大字報,到澳門賭廳發出江湖追數令,洪欣最近終於復工跑數。做慣走埠登台的她,五千蚊散job,照殺!

父債 債女 女還 洪欣 欣狂 狂做 做跑 跑數
PermaLink: https://articles.zkiz.com/?id=42556

洪欣cute爆B女曝光左望右望八卦豬

1 : GS(14)@2015-03-22 22:39:55





昨日8點半左右,喺利舞台見到洪欣同埋老公張丹峰,仲有兩個老人家加埋細女,但就唔見佢嘅大仔。佢哋一行五人一齊出現,相信係食完晚飯,洪欣老公就抱住囡囡,仲同囡囡玩得好開心。不過之後洪欣老公發現記者之後,就立即黑面,仲即刻通知洪欣,但係洪欣就冇黑面,心情仲好靚,仲同記者打招呼。而囡囡見到記者都唔驚,仲有望實記者。





來源: http://hk.apple.nextmedia.com/entertainment/art/20150322/19085505
洪欣 cute 曝光 左望 望右 右望 八卦
PermaLink: https://articles.zkiz.com/?id=288784

素顏洪欣

1 : GS(14)@2016-07-17 16:01:36

【玩枱布】■晞彤扭計玩枱布,洪欣即時手指指兼鬧爆,當眾教女。DV圖片








【金鐘】現年44歲的洪欣與細她11年的內地演員張丹峰09年結婚後,育有兩歲多的囡囡張晞彤,連同與莫少聰所生的15歲大仔莫鎬濂,湊夠一個「好」字。日前素顏的洪欣帶同仔女、媽媽及外籍傭人,一行五人到金鐘太古廣場食晚飯,身穿黑tee及牛仔短裙的洪欣負責做司機,而大仔落車後即幫手抱着妹妹,身穿黑白波點裙的晞彤面圓圓眼仔精靈,輪廓似足媽咪。



扭計唔食

洪欣等人點了北京填鴨及多款菜式,等待上菜時,囡囡晞彤即要自己用匙羹進食,更要與媽咪齊齊玩她手上的手錶,不過食了一會,囡囡就開始冇耐性兼扭計,又不肯進食、不停玩枱布及餐具。洪欣見狀即手指指及鬧囡囡,而大仔見狀即幫手夾食物給妹妹,以及為洪欣斟茶。相信洪欣十分緊張子女,她先幫囡囡夾填鴨,見大仔掛住玩電話即開口教訓。



【抱女走】■洪欣日前嘆完北京填鴨後,抱着兩歲大的細女晞彤與大仔一同離開。DV圖片

【有笑容】■洪欣終於可以安心食飯,不時與大仔密密傾。DV圖片

■晞彤食到一半扭計,要婆婆(左)同傭人帶出餐廳外玩。



囡囡食量不多,傭人為她帶上奶嘴,更與洪欣媽媽帶她到餐廳門外玩,洪欣見囡囡蹦蹦跳,又不時行向她一方露出笑臉氹她開心,之前黑面已全消,心情好轉後胃口更不錯,其間不時與大仔傾談並露出笑容,最後她將食剩餸菜打包,就親自抱囡囡離開菜館。採訪、攝影:畢紹基、徐錦池





來源: http://hk.apple.nextmedia.com/entertainment/art/20160717/19697915
素顏 顏洪 洪欣
PermaLink: https://articles.zkiz.com/?id=304063

洪欣激凸body 跳性感舞情挑外籍男

1 : GS(14)@2016-07-17 16:01:37

洪欣喺1990年由陳欣健推薦入行,演出過唔少電視劇及電影,亦係前無綫電視藝員,拍過最為人知就係1993年同黎明拍《原振俠》演藍綾一角,又拍攝《魔刀俠情》、《箭俠恩仇》等電視劇;電影就拍過《新半斤八兩》、《七日情》、《怪俠一支梅》及《冒牌皇帝》等,2002年同陳雅倫一齊拍《性Salon狂想曲》,大跳性感舞情挑外籍男。洪欣為莫少聰於2000年生B做單親媽咪,生咗囝囝莫鎬廉,多年獨立撫養囝囝,於2004年曾以「最索Body」為塑身公司擔任產後纖體代言人,不過有段時間,佢就甚少參與圈內活動,2008年先參與電視節目《亮相》做嘉賓,自2011年拍完古裝劇《深宮諜影》後開始減產。其後洪欣2009年改嫁大陸演員張丹峰後,囝囝改名為張浩鋒,2014年為張丹峰生咗囡囡張晞彤,現時洪欣主力喺大陸發展。





來源: http://hk.apple.nextmedia.com/entertainment/art/20160717/19698538
洪欣 欣激 激凸 body 性感 舞情 情挑 外籍
PermaLink: https://articles.zkiz.com/?id=304064

老公抱女洪欣餵飲水一家三口平民遊銅記

1 : GS(14)@2016-08-11 06:08:35

■洪欣日前與老公張丹峰攜女兒在銅鑼灣行街。


素顏洪欣日前和老公張丹峰及囡囡到銅鑼灣行街,兩公婆主力看兒童用品及玩具,最後買了少少玩具及衫仔便離開。其後再約兩位女友人去睇相機。而除了照顧囡囡外,洪欣亦有做好賢妻本份,得知抱着囡囡的老公口渴,即趁乘電梯時拿出水樽餵老公飲,sweet到爆!





來源: http://hk.apple.nextmedia.com/entertainment/art/20160811/19731462
老公 抱女 女洪 洪欣 欣餵 飲水 一家 三口 平民 遊銅 銅記
PermaLink: https://articles.zkiz.com/?id=305402

妹妹肉緊錫錫洪欣大仔生日:好感動

1 : GS(14)@2016-08-17 08:01:30

昨日係洪欣大仔張鎬濂嘅16歲生日,於是佢同埋老公張丹峰兼2歲大嘅妹妹晞彤,齊齊同哥哥慶祝。越大越似媽咪嘅鎬濂,名符其實是小鮮肉。妹妹晞彤仲好肉緊攬住哥哥,又好肉緊咁作狀錫錫哥哥,感覺得意又兩兄妹相當有愛﹗鎬濂事後亦有貼圖同留言話:「祝自己生日快樂啦啦啦啦,謝謝大家預祝我的生日,哈哈,好感動好開心,妹妹好可愛。」跟住洪欣留言話:「祝我的寶貝兒子生日快樂,希望你每天都快樂和健康,媽咪就安心了。」張丹峰亦貼咗同仔仔鎬濂合照:「『小林靜』已經長得跟粑粑一樣高啦!最幸福的事,就是看著你一天天長大,希望你平安快樂,我永遠是你最堅實的臂膀,生日快樂!大寶貝張鎬濂Ashley。」身為媽咪好友嘅蔡少芬,亦都有轉發留言:「仔!生日快樂!真好,看到你帥氣十足,為你感恩!祝願你一生美好,開心有勇氣去面對一切挑戰!愛你啊!」




來源: http://hk.apple.nextmedia.com/entertainment/art/20160817/19739837
妹妹 肉緊 緊錫 錫錫 錫洪 洪欣 欣大 大仔 生日 好感
PermaLink: https://articles.zkiz.com/?id=306251

洪欣素顏約張文慈飯敍

1 : GS(14)@2016-09-01 06:12:29

人妻洪欣昨晚約7時單拖現身中環,撇甩老公張丹峰和一對仔女,原來約了好友張文慈到置地廣場的cafe飯敍,着短褲騷長腿的洪欣,身材依然好弗,完全不似是生了兩個小孩的師奶。不過,素顏的她見到記者表現好避忌,明顯不想沒化妝的樣子示人,即時擰轉面背向記者打電話。不久後,着吊帶裙襯草帽的張文慈姍姍來遲,兩人在餐廳門外大約等了5分鐘,獲侍應安排到僻靜角落開餐,大約十分鐘後食物陸續上枱,兩女邊食邊傾十分開心。上月初,洪欣在金鐘又被影到素顏開餐,似乎脫去明星光環的她,完全不喜歡化妝,崇尚自然。採訪、攝影:羅德光




來源: http://hk.apple.nextmedia.com/entertainment/art/20160831/19754661
洪欣 欣素 素顏 顏約 張文 慈飯
PermaLink: https://articles.zkiz.com/?id=306926

【爆相爆片】搞續牌企正隔籬人妻洪欣唔認得林德信

1 : GS(14)@2016-10-19 05:28:46

【排隊等】■洪欣等候辦手續時,擰轉頭望了一望站附近嘅小朋友。



本月初45歲牛一嘅人妻洪欣,同31歲嘅林子祥囝囝、男神林德信唔同年代入行,兩人冇合作過,唔識真係唔出奇。所以日前佢哋同時喺金鐘嘅運輸署撞到,雖然企正隔籬,但大家招呼都冇打,視而不見。



【見唔到】■林德信(左)同洪欣企隔籬,但完全零交流。 

擦身而過

讀者鍾小姐透過本報「爆相爆片」,分享佢日前影到素顏嘅洪欣喺金鐘嘅運輸署搞續牌,佢同林德信只係有一個身位距離,但洪欣似乎認唔出呢位後輩,兩人完全零交流。鍾小姐話佢哋各自各喺度排隊等續牌,等咗一陣就輪到洪欣,但係唔知佢係咪有啲文件未準備好,所以轉個頭佢喺側邊密密填,跟住到林德信去窗口辦手續,不過洪欣仍然未搞掂,佢哋兩人最後只係擦身而過。當時洪欣身上條連身裙有啲縐,搞到佢個樣有啲攰,不過佢自從同現任丈夫張峰丹生咗囡囡張晞彤後,就專心湊女,有時又做柴可夫接送小朋友,續牌都好緊要㗎。




來源: http://hk.apple.nextmedia.com/entertainment/art/20161019/19804892
爆相 相爆 爆片 搞續 續牌 牌企 企正 正隔 隔籬 籬人 人妻 妻洪 洪欣 欣唔 認得 林德
PermaLink: https://articles.zkiz.com/?id=312695

【馮仁昭四圍超】當年被指棄洪欣母子莫少聰晒抱仔相反擊

1 : GS(14)@2016-10-20 08:05:33

【出生2日】■莫少聰噚日登出當年剛出世囝囝嘅相上網爆seed。微博圖片





莫少聰前日突然喺微博爆seed,講返佢同舊愛洪欣嘅恩怨,當年洪欣話同聰仔生咗個仔莫鎬廉(現名張浩鋒)之後,兩母子冇人理。聰仔叫洪欣捫心自問,當年嘅事,真係全部都係佢錯咩?仲話佢沉默唔代表佢唔敢講嘢。到噚日聰仔攞咗當年抱住剛出生嘅囝囝莫鎬廉相,佢喺微博上載咗兩張相,日期同樣係2000年8月18日,即係囝囝出世後兩日,當時見到莫少聰抱住囝囝,另一張係一名中年女子抱住莫鎬廉,估計係聰媽,莫少聰留言:「好吧,第一次公開兒子的這些照片,滿足大家做偵探的願望,希望每個人都向柯南學習,發現事情背後的真相。」當年傳聞係洪欣懷住莫少聰嘅BB,冇結婚最後分手收場,仲話洪欣當年孤身去加拿大分娩,聰仔背負住負心人嘅包袱。近日聰仔同孫雪玲離婚,接受訪問時話當年外界一直話佢狠心唔理個仔,事實係聰媽一直好錫孫仔,不過聰仔同洪欣冇緩衝嘅橋樑,令佢哋不相往還。



【16歲】■今年8月莫鎬廉(左二)生日,洪欣全家為囝囝慶祝。微博圖片

慘食死貓

據知情人士透露莫少聰食咗10幾年「拋妻棄子」死貓,該名人士又話洪欣大肚時已經同聰仔同居,到洪欣入院產子,聰仔仲陪埋入產房,一直都喺佢身邊,所以會有呢張抱仔嘅相出現。但有一日洪欣突然抱走個仔人間蒸發,之後就傳出聰仔唔理佢哋兩母子,該知情人士話:「當時聰仔搵極都搵唔到兩母子,佢又為咗個仔,所以冇去爭辯選擇唔出聲。」撰文:馮仁昭




來源: http://hk.apple.nextmedia.com/entertainment/art/20161020/19806090
馮仁 仁昭 四圍 當年 被指 指棄 棄洪 洪欣 母子 莫少 少聰 聰曬 曬抱 抱仔 仔相 反擊
PermaLink: https://articles.zkiz.com/?id=312879

傳洪欣當年瞞婚莫少聰誤做第三者

1 : GS(14)@2016-10-24 04:20:55

■有傳當年洪欣隱瞞人妻身份,與莫少聰拍拖。資料圖片



洪欣與莫少聰這一對,分手後成陌路人。16年來莫少聰一直沉默,背負「負心漢」角色,被指對兒子莫鎬廉(現名張浩鋒)不聞不問,又由得洪欣當年孤身去加拿大分娩。最近莫少聰終於按捺不住,於微博出po並貼圖,分別是莫少聰及莫母當年在加國抱住初生莫鎬廉的相片,證明傳聞皆失實。



■莫少聰日前突然在微博貼出與初生囝囝的合照,似乎是想還自己公道。微博圖片

離婚妻想分身家

昨日有周刊指,莫少聰遭細27歲的內地妻子孫雲玲提出離婚及要求分身家,而令他更煩惱的是一班疑幫洪欣出頭的「寫手」,經常開不同賬戶在微博罵他。其實莫少聰和洪欣的恩怨一直是個謎,有傳洪欣於96年與商人黃國梁秘密結婚,一年後離婚,翌年與莫少聰合拍電影《亡命天涯》撻着,莫少聰更飛甩拍拖10年的空姐女友。但昨日卻有另一版本,指洪欣當年一直未離婚,莫少聰誤成第三者。直至99年,洪欣被影到與賴昌星(廈門遠華走私案主犯)上賭船,繼而傳出緋聞,當年洪欣指報道失實,斥罵:「使唔使講到我咁cheap?寫到我成世未見過錢咁。」但同年洪欣與莫少聰仍是分手收場,翌年莫鎬廉出世。莫少聰當時安排洪欣在加拿大生BB,惟返港後兩人誤會加劇,令兩父子無機會再見面。記者昨日致電洪欣,但至截稿前仍未回覆。採訪:嵐山




來源: http://hk.apple.nextmedia.com/entertainment/art/20161023/19809283
傳洪 洪欣 當年 瞞婚 婚莫 莫少 少聰 聰誤 誤做 第三者
PermaLink: https://articles.zkiz.com/?id=313277

與賴昌星上賭船洪欣:使唔使講到我咁cheap?

1 : GS(14)@2016-10-24 04:20:56

洪欣絕對係圈中索女神之一,曾被指介入劉鑾雄同李嘉欣嘅關係,1999年又因為賴昌星(同廈門遠華走私案主犯)上賭船傳出緋聞,直至1996年被爆同圈外男友黃國梁喺美國拉斯維加斯註冊結婚,可惜翌年離婚收場,之後先至同莫少聰一齊。但昨日有周刊引述知情者稱,原來喺洪欣同莫少聰一齊時,根本未離婚,亦冇同莫少聰講佢仲係人妻。知情者又指,99年1月洪欣被拍得與賴昌星上賭船一事,知情者稱當時洪欣係同另一女性友人上賭船玩。睇番當年嘅報道,洪欣事後回應同賴昌星去玩呢單嘢,佢都係話當時同另一友人上船玩,咁啱賴昌星在身邊行過而已。但當年嘅報道都係話洪欣的確係同賴昌星上船,洪欣仲成晚都坐喺佢身邊陪玩百家樂,賴仲隨手將一疊錢俾洪欣做賭本。同行仲有幾個賴昌星嘅大陸朋友,成班人一齊玩到天光。成個過程俾傳媒影晒。報道出街之後,有記者問番洪欣,話報道指佢見到大堆籌碼好開心喎,洪欣即謂:「使唔使講到我咁cheap?寫到我成世未見過錢咁。」、「嗰晚個女朋友叫我上賭船玩,點知俾人寫到咁。陪老闆呢啲字眼好核突,你叫我以後點見人。」同年,洪欣同莫少聰分手,00年莫鎬廉出世。講開賴昌星,可能好多人細細個就聽過呢個名。現年57歲嘅賴昌星,最為人熟知是佢係廈門遠華走私案主犯,該案曾被喻為中共建政以來最大經濟案。2012年,賴昌星於廈門市中級法院被判處他終身監禁,剝奪政治權利終身,沒收個人全部財產。今年7月,賴昌星稱患有嚴重心臟病同同糖尿病,病情日趨加重,但獄方拒絕醫務人員之治療建議,減刑無望。賴昌星生於福建一個貧農家庭,10歲先至讀書,三年級即輟學做生意。1977年賴昌星從事汽車配件買賣掘到第一桶金。1991年移民香港,由鰂魚涌搬到去比華利山別墅,做地產生意,然後回廈門註冊成立遠華公司,為人豪爽,出手闊綽,不缺美女,更借呢班美女為其搭成「通天梯」,與中共黨、政、軍高層搭上關係,方便走私。




來源: http://hk.apple.nextmedia.com/entertainment/art/20161023/19809820
賴昌星 上賭 賭船 船洪 洪欣 使唔 唔使 使講 講到 到我 我咁 cheap
PermaLink: https://articles.zkiz.com/?id=313280

【馮仁昭四圍超】莫少聰再寸洪欣捱轟

1 : GS(14)@2016-11-08 05:54:12

資料圖片





莫少聰噚日喺微博再發功,撰文暗寸舊愛洪欣:「不知道是不是世事總荒唐,事實真相抵不過一個『偽』字,原來人們只相信自己所相信的而非真正的是非黑白!這一次怪我太執着。謝謝一些秉着私心說『正義』的人讓我覺醒甚麼是『人性』和『社會』。」之後,有網民留言怒插:「別再說話了,以前很喜歡你,現在覺得你很惡心!」莫少聰抵死回覆:「美女!祝你一生幸福!」撰文:馮仁昭




來源: http://hk.apple.nextmedia.com/entertainment/art/20161107/19824826
馮仁 仁昭 四圍 莫少 少聰 聰再 再寸 寸洪 洪欣 欣捱 捱轟
PermaLink: https://articles.zkiz.com/?id=314589

【馮仁昭四圍超】洪欣囡囡慶生表情多

1 : GS(14)@2017-02-06 07:28:03

微博圖片





洪欣同細佢11年嘅老公張丹峰結婚後,生咗囡囡張晞彤,而佢同莫少聰生嘅仔莫鎬濂?家仲跟後父姓,改名做張鎬濂。前晚張丹峰喺微博貼咗好多家庭相,原來佢哋為囡囡慶祝3歲生日,捧住蛋糕嘅囡囡表情多多,錫完爹哋媽咪後,又錫哥哥鎬濂。張丹峰留言:「寶貝女兒,生日快樂!健康幸福的長大,爸爸、媽媽、哥哥永遠愛你喲!」撰文:馮仁昭




來源: http://hk.apple.nextmedia.com/entertainment/art/20170206/19919081
馮仁 仁昭 四圍 洪欣 囡囡 慶生 情多
PermaLink: https://articles.zkiz.com/?id=325667

洪欣拖老公名店睇袋

1 : GS(14)@2017-03-03 00:54:41

洪欣跟內地演員張丹峰於09年結婚,誕下女兒張晞彤(Yannes),而跟莫少聰早年所生的大仔莫鎬廉,出世後一直跟媽咪生活,早前更改跟後父姓,改名為張鎬濂。洪欣昨日下午撇下大仔,跟老公及三歲囡囡一家三口現身中環置地廣場,同行還有一名外傭,不施脂粉的洪欣雖然略顯疲態,但在Gucci店看手袋時,就顯得興致勃勃,不時拿着手袋照鏡擺甫士,張丹峰就做湊仔公負責照顧囡囡,洪欣在店內揀足20分鐘,最終空手而回。



■洪欣撇下大仔跟老公張丹峰及囡囡在中環行街。

眾人離開商場時,張丹峰煙癮大作,在路邊點煙只吸咗一口,隨即發現有記者,慌忙弄熄煙頭再掉入垃圾桶,之後再通知老婆,二人即帶囡囡坐車離開。採訪、攝影:畢紹基




來源: http://hk.apple.nextmedia.com/entertainment/art/20170301/19943024
洪欣 欣拖 老公 名店 睇袋
PermaLink: https://articles.zkiz.com/?id=327331

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019