ZKIZ Archives


最佳政改宣傳大使 沙膽彤

2015-05-04  NM  
 

 

陳智思落區宣傳政改被茶客阿姐噴到一面屁,陳智思個老婆係自己揀嘅,梗係口啞啞唔識答,計小宗話最好問吓過來人,新地大少爺郭炳湘,八十年代初其父郭得勝睇中上海搪瓷廠家顧林慶個幼女顧芝蓉(Lydia Koo),欣賞她的才幹,年紀輕輕已為獅子銀行旗下獲多利地產基金經理,有助郭氏家族在商場發圍,在老豆安排下,郭炳湘八二年娶Lydia為妻,結果婚姻只維持半年就觸礁。老豆幫你搵老婆,肯定唔掂。

另一富豪鄭裕彤未出世時已經由老豆同未來外父「指腹為婚」,其外父周至元是周大福創辦人,彤嬸當時可謂富家女,而彤叔年輕時亦獲外父賞識,喺澳門周大福打工,獲外父扶持,後來沙膽彤在香港地產界大殺四方,威過外父;而彤叔兩公婆幾十年感情都仍然維繫到,真正白頭到老,咁睇由老豆安排嘅婚姻又未必唔掂喎;計小宗話,如果彤叔唔係瞓緊覺,佢應該係政府嘅最佳政改宣傳大使。

坐穩條船呀!

近排唔少財經演員吹捧一隻叫新華匯富金融(188)嘅證券股,吹其剛配股後有機會賣殼予大陸金融機構,做證券行最緊要有fans,新華匯富有唔少漁民嘅好友捧場,其大股東蔡冠深喺越南做海鮮及地產生意,所謂虎父無犬子,佢伯爺蔡繼有做海產商販時就成立新華財務,借錢俾漁民買船,出海捕魚,漁民嘅「魚獲」就用以償還債務,其實都係high risk high return,所謂行船跑馬三分險,分分鐘遇上風浪一鋪清袋。科網股之時,蔡氏家族喺創業板搞咗間「Silk Road」,口痕友謔稱為「屍路」,炒個不亦樂乎後就見到啦,家陣改為搞博彩業,改名中彩網通,睇check record,呢隻新華匯富大上大落機會好高,班漁民fans坐穩條船!

金融逍遙客午夜凶鈴記得封口

游走於中港台併購、私募投資的金融多棲動物,現為多間上市公司主要股東及董事最近一單兇殺案,警察憑口供就老屈一名智障漢誤殺,做法人神共憤!做金融嘅,除了怕輸錢,一樣怕「午夜凶鈴」。曾被商業調查的人大概都有同感,打從收到風成為被調查對象的一天起,腦中必時刻盤算如何應對,那無形的精神壓力和折磨非外人可理解。曾有商界朋友清晨天未光被敲門請走協助調查,多年後的今日,晨早每當聽到門鈴聲,心還是會震一震!被帶走,最忌是神志不清時自辯。常與城中法律界人士吹水交流,聽其中一位大狀分享,原來在其接手的各樣案件中,大約八成時間(大狀按鐘收費),亦即八成費用,都花在推翻當事人被捕時不保持緘默而作的口供。面對陌生又恐懼環境,不做慣壞事的斯文人,往往傾向緊張地為自己辯解,主觀希望警察雪糕佬相信自己無辜。但經驗老到之士話齋,三更半夜帶閣下去一個陌生地方,應該不是善男信女。是不是害你姑且不論,應該肯定不是來幫你吧!退一萬步想,上到法庭再向法官講也不遲嘛,畢竟法治健全的話,法官才是掌握你命運的人,但若碰到中紀委,我勸大家還是早講早着,至少早點睡個好覺!

中環寸嘴大官上大官廳

工廈大王楊耀松長子,是各大有名食肆之VIP,喜歡研究已故及城中有錢佬對食之喜好,強調「貴」唔等如識食,自詡分享食經乃是提升讀者之水平。睇咗你哋上兩期Book B介紹羅傑承個女開嘅新食肆大官廳,即管去試吓,話晒我呢個順德佬係名正言順嘅「大官」呀!吖,個部長原來以前係四季龍景軒做過,叫Alan Tam;叫晒啲招牌菜,鬈毛豬叉燒、大官炒飯、黑魚子片皮鴨,都幾OK,最正係碗湯圓,用番薯蓉做餡,層皮透明嘅。話晒個地點係中環,以出品同價錢都唔算貴,遲啲有埋點心食,不過我問實Alan Tam,肯定唔會係隔籬,同樣係佢老細開嘅「來佬餐廳」攞啲點心過嚟至好喎!呢排個市都睇唔通,凡係唔上唔落嘅股票,我就同投行開Zero-cost option,話明Zero-cost,即係零成本,盡量唔使攞錢出嚟,好似我隻愛股中石化(386),個玩法咪買個put option,升到七個幾掟貨,呢隻為之上腳,但同時做番個call option,跌到六個幾我又兜番啲貨,此為下面隻腳,上腳對下腳比例做1:2,嗱,咁就真係有一腿啦!

擦鞋分層次

中環擦對鞋要收五百五十蚊,呢啲中環價值聽落真係嚇死人,五嚿半粗粗哋都買到對新鞋。小宗特意到置地廣場𥄫吓,見到午飯後時段,間鋪頭好鬼旺,洋人仲要排住隊等擦鞋。呢度有報紙睇,有冷氣歎,較戲院里疏乎好多;原來普通擦鞋七十至一百,師傅話五百五十蚊嗰款叫Mirror Shine,要花五至十日時間一層一層加鞋油,待乾再擦,讓鞋頭堅硬起來為之合格,唔少中環人喜歡著舊鞋(唔好誤會,皮軟,貪其舒適而已),再整次Mirror Shine,成對鞋立立令,所以擦鞋都分唔同層次。

猜猜我是誰

上個禮拜日黃昏六點幾,有個商而優則政嘅少爺一支公鼠咗入IFC間ZARA,猛咁摸人哋啲衫。莫非親自出馬,幫自己鋪頭抄橋?使唔使咁搏命呀?歡迎競猜呢位少爺係乜誰。請於香港時間星期三(13/5/2015)下午一時後來電郵提交答案。獎品係西班牙名釀Jaume Serra Cava(sparkling wine)一樽。只設一個名額,先到先得,不設上訴。

金牙大狀講嘢實時公布高官寫字樓溫度

環境局長黃錦星晒環保,話定有家規,要熱到28度至可以喺瞓覺之時開冷氣;佢仲話每個月都電郵電費單俾屋企人,以為警惕咁講。黃局長前任、冬姑‧廖秀冬定落,冷氣只可以開到25.5度嘅規矩,唔知黃局長以至所有高官嘅屋企同寫字樓可有遵守?本住資訊透明嘅原則,唔該各位高官實時公布屋企同寫字樓嘅溫度,等全個香港都知道佢哋有冇遵守官家定落嘅規矩。仲有,既然黃局長可以將電費單電郵俾屋企人,點解唔跟手上埋網,以昭告天下。既然黃局長可以咁坦蕩蕩,做乜特首同埋其他高官唔以黃局長為榜樣,將屋企嘅電費單、水費單、煤氣單通通公開?學前環保局長邱騰華話齋,環保係大家嘅事,萬勿以善小而不為。公開資料等大家有個知字吖,OK?

最佳 政改 宣傳 大使 沙膽 膽彤
PermaLink: https://articles.zkiz.com/?id=145085

沙膽虹手記:出「收工版」 冇啖好食

1 : GS(14)@2011-11-30 08:03:54

http://m.sharpdaily.hk/detail.ph ... 4104&category=daily
沙膽虹剛剛講完同事改《爽報》早版搞到生活顛倒再顛倒,怎料肥佬黎在上周五例會上又有新猷,不消兩秒鐘就下了一個連同事食晏的人權都剝奪的決定,《爽報》即日起中午版改為收工版,二時半截稿,五時派發。兩點半截稿,早上十一時後豈非要狂寫狂編,那還有食晏時間?
聯交所要改動上午收市和下午開市時間,影響經紀食晏的人權,都要經過經年諮詢,再分階段實施,仍有人嘈喧巴閉;但《蘋果》、《爽報》員工真爽快,一句囉嗦都沒有,四十八小時內部署好,七十二小時《爽報》收工版昨日已正式面世。
其實,出收工版就等於出一份新報紙!試想,當你黃昏下班時收到一份報紙,裏面很多仍是你今早看過的昨日舊聞,你肯定會媽叉兼丟掉,而且下次唔會再攞,所以一定要改好多好多好多版。肥佬黎更誇張,周末傳來SMS指示:「新聞除了最大一兩條外,都應盡量是新的。」
想收買人命咩?!《爽報》晚版昨日改版,二十幾人連食晏都沒有時間食,跑來跑去,改了二十版內容,約總版數一半,都無辦法滿足到肥佬黎只留番「最大的一兩條」新聞的要求!
今次真係要多謝劉德華,送給《爽報》晚版一個頭條,否則沙膽虹仲閉翳!這裏順道向劉華說聲恭喜。
各位手足,今早記住先好好食個靚早餐,否則十一時開始改版後,肯定冇啖好食。
(後記:肥佬黎火爆大鬧大班,讀者睇得好爽,俾人點擊到爆,搞到沙膽虹壓力好大。請各位看官聽眾多多關照。)

沙膽虹
沙膽 膽虹 手記 收工 冇啖 啖好 好食
PermaLink: https://articles.zkiz.com/?id=276770

沙膽虹手記:探望東尼 Tony Measor

1 : GS(14)@2011-12-30 11:28:34

http://www1.hk.apple.nextmedia.c ... 104&art_id=15934731

趁聖誕假期,到黃 双如的有食緣買了一個聖誕禮籃,去探望之前幫《壹》仔寫「天下第一倉」的東尼 Tony Measor。
東尼去年秋喺屋企唔小心跌親,跌斷咗髖骨,需要做手術。本來係一個小手術,但由於手術前幾日要停薄血藥,搞到佢手術後中風,手腳活動能力受影響,連講嘢都唔係幾流利。一年多來,東尼搵咗言語治療師和物理治療師,學習番講嘢和提升手腳活動能力;但身體弱咗,轉天氣時始終容易中招,試過兩三次肺炎要入院。前一陣子,他再因肺炎入咗醫院,平安夜才出院回家,與家人齊齊整整過聖誕。
沙膽虹見到剛出院嘅東尼,穿着棉襖,明顯消瘦咗,但精神唔錯,他太太話佢一返屋企,手就指向他做運動的椅子,話要踩單車練腳力,沙膽虹見佢床上亦放了一叠教發音講嘢的 notes,係東尼休息時照着練習的,可見東尼好努力,生命力好旺盛。
沙膽虹初出道做記者就識東尼,佢當時是《英文虎報》財經版阿頭。他是註冊會計師,又做過股票經紀,識睇年報,可以一針見血咁點出邊間上市公司有甚麼問題,邊間上市公司大股東常犧牲小股東利益,而且絕不手軟!沙膽虹喜歡睇他的稿和每周專欄,把他當成半個師傅。
其後東尼轉回證券行業,去咗道亨證券管理基金,最輝煌一役是八七股災前夕,佢大手沽空咗期指對冲住個倉,令他的基金跑贏晒同行。沙膽虹在約九五年就搵佢在《壹》仔開筆,寫「天下第一倉」,一寫就十五年,直到去年才封筆。
沙膽虹祝東尼早日康復。

沙膽虹
沙膽 膽虹 手記 探望 東尼 Tony Measor
PermaLink: https://articles.zkiz.com/?id=277083

沙膽虹手記:嫌三嫌四 害人害己

1 : GS(14)@2012-01-04 23:35:20

http://m.sharpdaily.hk/detail.ph ... 4104&category=daily
李怡先生好認同《蝗蟲天下》呢首歌,覺得內地暴發戶湧入香港搶奪資源,並將壞習氣帶埋嚟香港,而且香港正從國際城市變身內地大款在此炒賣的城市。其實,香港不是從來都係咁嘅咩?沙膽虹認為,香港要做真正國際城市,就唔好理佢乜資物資,總之來港投資就是好資!
過去二、三十年來,香港一直都有來自五湖四海嘅資金來炒樓炒股,東南亞幫、澳洲幫、印尼幫……真係見怪不怪,只不過現在變成溫州幫、福州幫等大陸資金而已!幾十年來,難道香港嘅資源被他們搶奪了?
日本在八十年代中經濟最繁榮時,四出投資,幾乎要把所有梵高名畫和整個紐約買下來!如今呢?日本經濟沉咗二十年,還在養傷,企業要不斷賣嘢減債,仲邊有能力買嘢?所以,我哋使乜咁驚呢?一旦大陸經濟進入下跌週期,你去求大陸人來「搶奪」你嘅資源,佢哋都唔嚟啦!
現在歐美都陷入嚴重經濟衰退,日本又在經濟低谷,全世界都望住中國這個大有錢佬,千方百計吸引大陸人自由行和到當地投資,香港自己唔搏命同人搶,分分鐘俾人搶走好多旅客和投資,o依家仲反而嫌三嫌四,要求限制呢樣禁制嗰樣,簡直害人害己。

沙膽虹
沙膽 膽虹 手記 嫌三 三嫌 嫌四 害人 害己
PermaLink: https://articles.zkiz.com/?id=277138

沙膽虹手記:香港人,學吓啦!

1 : GS(14)@2012-01-09 23:41:28

http://m.sharpdaily.hk/detail.ph ... 4104&category=daily
香港德輔道中喺全世界三十大購物大道中排尾二,廣東道DOLCE & GABBANA又粗暴禁止香港人拍照,再加上無日無之嘅食物有曱甴送兼死不認錯,香港的購物天堂美食天堂美譽,唔使賴蝗蟲累港,自己都快敗得乾乾淨淨!
反而,一位在澳洲開中餐館的老細,講咗個喺澳門嘅親身經歷畀沙膽虹聽,更令人擔心香港人服務態度遲早連澳門都不如。
這位仁兄趁聖誕新年回港探親,順便去澳門飲飲食食,佢住銀河酒店,貪就腳同班朋友去樓下嘅葡國菜餐廳食晚飯。當日佢有些水土不服,下午仲屙咗幾次,本來都想食少啲,但見馬介休球、沙甸魚和豬肋骨好正,都忍唔住食幾塊。主菜食完,佢覺得有點唔舒服,起身去廁所,點知未行到出門口就頭暈,之後仲眼前一黑,好彩有朋友同佢一齊去,馬上扶住佢而不致跌倒。
坐了一會,佢雖然恢復神志,但仲係面青口唇白,而且有啲暈暈哋;由於佢十幾年前中過風,為穩陣計都係call白車去對面鏡湖醫療中心檢查一下。當天在葡國餐廳的銀河餐飲經理蒙狄龍真係唔話得,不單全程照料,仲親自送佢幾個朋友行過去醫療中心,並囑咐要畀個電話佢令佢安心。
佢經過一輪診斷,吊埋鹽水,再做埋腦掃描,可幸乜事都冇,相信是屙了幾次令身體虛弱,可以出院返酒店休息。翌日朋友講番畀佢聽,佢先知自己遇到這位大好人,退房後親往道謝。
香港人,學吓人哋用個心去關懷客人嘅服務精神吧!

沙膽虹
2 : 鱷不群(1248)@2012-01-10 00:22:59

銀河酒店的銀河餐飲經理又點同一般sales
3 : 龍生(798)@2012-01-10 00:39:33

咪係....酒店緊係緊張啦.....
4 : passby(15493)@2012-01-10 06:31:32

又係寫文唔用腦…
5 : 肥B(18468)@2012-01-10 10:34:38

唔係...係賣廣告賣到出晒面了....
6 : GS(14)@2012-01-10 21:27:38

2樓提及
銀河酒店的銀河餐飲經理又點同一般sales


有番D家底,驚你唱
7 : GS(14)@2012-01-10 21:27:46

5樓提及
唔係...係賣廣告賣到出晒面了....


呢句正解
沙膽 膽虹 手記 香港 學嚇 嚇啦
PermaLink: https://articles.zkiz.com/?id=277189

沙膽虹手記:唔好靠聰明左閃右避

1 : GS(14)@2012-02-13 23:51:26

http://hk.apple.nextmedia.com/te ... 104&art_id=16065044
梁振英亦係聰明人,佢自覺比曾、唐聰明,更加會用聰明來處理事情。好似佢早前特登不請自去民建聯聚會、被記者追問點解會去,佢就話只係路過,但根本冇人信。這就是他慣了用聰明去處理事情,遇到問題就左閃右避,變成冇句真。現在梁被揭西九招標時他既是評審又有份入標,被質疑誠信有問題,佢即刻就耍,話入標財團只係問過西九地價,唔知對方會將佢名字寫入標書,跟住仲咬文嚼字話,審查有否利益衝突唔係評審嘅責任,而係政府秘書處的責任。
沙膽虹心諗,你家又唔係上法庭自辯,講呢啲嚟做乜?你自以為好聰明推卸責任,其實公眾對你的要求又點止你有冇守法咁簡單?你家選特首,要求當然係較高嘅道德水平!你可唔可以認吓錯,話自己的確有疏忽呢?有疏忽唔等於冇誠信啫!你越兜就越出醜,簡直當公眾儍嘅,既然每日百宗問價,又唔見其他人會未問過你就將你個名寫喺佢哋標書上?
連梁振英老婆都係咁!政府出稿轟梁翌日,梁氏伉儷本來要出席公開活動,記者見到梁太,問梁先生會唔會出席,佢竟然答佢哋係分別被邀請,所以唔知!沙膽虹唔敢百分百話佢講大話,但可以百分之九十九點九九九話根本冇可能唔知!明明知佢唔嚟卻左閃右避話唔知!
咁先至可怕!
沙膽虹
沙膽 膽虹 手記 唔好 好靠 聰明 左閃 閃右 右避
PermaLink: https://articles.zkiz.com/?id=277709

沙膽虹手記:何車何許人?

1 : GS(14)@2012-03-06 22:49:08

http://www.sharpdaily.hk/article/index/4104/20120306/62991
三百萬爽組合開倉一個月,恒指升百分之五,沙膽虹組合升一成,跑贏大市,但輸給何車足足一條街,果然薑越老越辣。好多人見何車咁犀利,都打聽何車何許人也?沙膽虹當初找何車寫專欄、以致後來搞爽組合,都答應過唔公開他的真名。他亦話過,如果公開他真名就馬上唔寫。
沙膽虹認識何車近三十年。他一直都是股評人,擅於睇年報,除了能發掘有潛力的超值股份外,更能從密密麻麻的數字中找出一些蠱惑交易和有趣、有新聞價值的資訊。他每日的股評成了沙膽虹必讀,除了可以學習睇年報外,亦成為追新聞的線索。何車愛飲啤酒,以啤酒當水,酒量驚人,沙膽虹當年常與他消夜飲酒聊天。所以對沙膽虹來說,何車可謂亦師亦友。
何車特立獨行,你敬他一尺,他敬你一丈,與他投緣的他兩脇插刀,不投緣的他根本懶得理你,給更多稿費他也不會幫你寫稿。他幫《爽報》搞爽組合亦是貪過癮,若勝出已承諾將獎金捐蘋果慈善基金。
各位看官聽眾,沙膽虹對何車的介紹只能到此為止!

沙膽虹
2 : GS(14)@2012-03-06 22:49:35

他一直都是股評人,擅於睇年報,除了能發掘有潛力的超值股份外,更能從密密麻麻的數字中找出一些蠱惑交易和有趣、有新聞價值的資訊。

我覺得佢今日推904,好討厭,沙膽紅唔好亂講野啦你
3 : dennis001(8614)@2012-03-06 23:05:30

我覺得財演人前人後兩個人....對住我呢地呢D散仔無咩出力
4 : GS(14)@2012-03-06 23:08:05

呃人多,邊個好野唔收埋先
5 : Clark0713(1453)@2012-03-07 12:03:44

I think I know who he is.

However, I promise someone that I can't say.......
6 : Clark0713(1453)@2012-03-07 12:04:29

He is also good at trading futures.
沙膽 膽虹 手記 何車 何許人 何許
PermaLink: https://articles.zkiz.com/?id=278115

沙膽虹手記:定力唔夠

1 : GS(14)@2012-03-10 16:04:11

http://www.sharpdaily.hk/article/index/4104/20120309/64915
《爽報》晚版前天頭版登了一張疑似唐英年私生女照片,翌日晨早收到讀者陳先生來電,指相中人是她女兒,《爽報》不查證清楚就刊登,是不負責任。陳先生來電簡直是當頭棒喝,作為《爽報》老總的沙膽虹責無旁貸,謹向陳先生父女、唐英年及讀者致歉。
沙膽虹翻查這件事,發現《蘋果》其實早一晚就有此照片,只是擔心網民惡搞,並沒有刊登。翌日個別報章刊登照片,變成內銷轉出口,《爽》晚怕蝕底,遂登埋一份,鑄成錯誤。
沙膽 膽虹 手記 定力 唔夠
PermaLink: https://articles.zkiz.com/?id=278199

沙膽虹手記:牛鬼蛇神令人卻步

1 : GS(14)@2012-03-12 23:26:39

http://hk.apple.nextmedia.com/te ... 104&art_id=16148095
沙膽虹近排寫了多篇文章鬧唐英年和曾蔭權,少罵了梁振英,馬上被人指撐梁,還跟肥佬黎講沙膽虹與梁振英好老友。其實,沙膽虹晨咁早就講得好清楚,對唐梁兩位候選人都唔鍾意。唐能力不高,處理一兩單醜聞都要擺老婆上枱兼搞到誠信破產,已不用多說;梁則心思縝密,做衰嘢後現場清理得較乾淨,手指模唔多,較難砌得佢入,但為人唔真誠冇句真,見人講人話,見鬼講鬼話,亦不敢恭維。
另一個令沙膽虹唔鍾意梁振英的原因,就是他身邊的牛鬼蛇神。羅范固然乞人憎,劉夢熊則更正中帶邪!不要說他搞的新界鄉事選委飯局有黑幫人物牽涉在內,就算他的上市公司生意,亦是拍住手法極具爭議的黃坤。在國內當大廚出身的黃坤,來港炒樓炒到上市,他的上市公司明珠興業收購舊樓翻新出售,往往贏得巨利,股價不斷被炒高。後來被踢爆這些交易不少原來是左手交右手,自己搓乒乓波咁將價格推高,製造盈利,而他自己則在場外出售自己公司的認沽期權賺期權金。神話破滅後明珠興業股價跌九成,小股東焦頭爛額,他私人好場外期權亦損失慘重,連幫他擔保的新中港(由徐展堂牽頭、新華社支持、超級富豪科水組成)亦一鋪清袋。
劉夢熊黐埋黃坤,是他旗下東方明珠第二大股東,而梁振英又黐埋劉夢熊,怎不叫人卻步?
沙膽虹
2 : GS(14)@2012-03-12 23:27:14

他好似講漏了黃金富同埋許智明...
沙膽 膽虹 手記 牛鬼 鬼蛇 蛇神 令人 卻步
PermaLink: https://articles.zkiz.com/?id=278271

沙膽虹手記:人之將死 其言也善

1 : GS(14)@2012-03-19 23:28:34

http://hk.apple.nextmedia.com/te ... 104&art_id=16168783
唐英年、梁振英和何俊仁三位特首候選人上周五晚的辯論,給沙膽虹的感覺就是唐英年綁住全身炸彈,衝埋去攬住梁振英,實行同佢同歸於盡。
唐英年可能已經好憎恨梁振英,認定他是爆他僭建地下室、連串緋聞和私生子的幕後黑手,今次同台辯論,真的是仇人見面,分外眼紅,也不理得甚麼客套禮貌,左一句梁振英,右一句梁振英,連先生兩字都慳番。
唐英年可能知道自己當選無望,整場辯論都唔係挽救自己民望,而係不惜賠上自己政治生命,連屬於機密的行政會議內容都照爆可也,指梁振英提出將商台牌照由十二年縮短至每三年一續,及在○三年一個硬推二十三條的會議上,講過香港始終有一次要出動防暴隊同催淚彈對付示威人士,讓人睇清楚梁振英是一個打壓言論兼集會自由的人。
對於唐對梁有關二十三條的指控,當年有份開會的葉劉淑儀表示冇咁嘅記憶,挺梁的李國章就話冇聽過,梁振英就當然矢口否認!而唐又吹佢唔脹,皆因行政會議所有言論都不記名,根本不會有證據。但沙膽虹就寧願相信唐英年,正所謂「人之將死,其言也善」,唐英年唔似無中生有,含血噴人,老屈梁振英。
無論唐英年被罵爆行會機密有多不智不是,他起碼給香港人睇清楚梁振英多一點面目吧!
沙膽虹
沙膽 膽虹 手記 之將 其言 言也 也善
PermaLink: https://articles.zkiz.com/?id=278318

沙膽虹手記:唔揀唔得咩?

1 : GS(14)@2012-03-29 00:04:27

http://hk.apple.nextmedia.com/te ... 104&art_id=16197860
梁振英上場,好多人覺得佢乞人憎,對佢嘅一舉一動睇唔過眼好正常,但唔代表香港人就因此要懷念曾蔭權和林瑞麟。李怡兄話,林瑞麟只不過係人肉錄音機,不斷重複一些廢話,比梁振英謊話連篇好受些。這可能對李怡兄如此,但沙膽虹諗起林公公不久前硬銷替補機制嗰副趾高氣揚的嘴臉和高八度振振有詞的人肉錄音機歪理,仍然想作嘔,亦不會覺得佢好受些,更遑論懷念!
沙膽虹咁講,並非親梁。現在社會好流行二分法,好似沙膽虹罵唐英年鬧曾蔭權,就馬上被人標籤挺梁;全世界人好唔鍾意梁振英,就會因此懷念曾蔭權和林公公!真係唔明這些是甚麼邏輯?難道沙膽虹唔可以唐梁兩個都罵,兩個都唔支持嗎?唔鍾意梁振英,覺得佢冇句真又好,格衰又好,唔可以同時唔喜歡曾蔭權咁鍾意黐住班闊佬攞着數和林公公揞住良心去推銷替補機制嗎?就連陳四萬都因為恨透梁振英,亦叫選委揀唐,難道憎梁唔可以同時恨唐而投白票,兩個都唔揀嗎?

沙膽虹
2 : 鱷不群(1248)@2012-03-29 13:35:26

我比較懷念董伯伯,至少他是個慈祥長者
3 : skfv(15984)@2012-03-29 13:55:25

李怡兄話:「林瑞麟只不過係人肉錄音機,不斷重複一些廢話。」

睇到呢度笑左~XD
4 : GS(14)@2012-03-31 12:50:06

2樓提及
我比較懷念董伯伯,至少他是個慈祥長者


至少他有後台
沙膽 膽虹 手記 唔揀 揀唔 唔得 得咩
PermaLink: https://articles.zkiz.com/?id=278488

沙膽虹手記:儲埋加薪 賺第一桶金

1 : GS(14)@2012-04-16 22:10:56

http://www.sharpdaily.com.hk/article/news/20120416/78778
壹傳媒今個年度加薪平均4.5%,話多唔多,話少唔少,啱啱追唔上5%的通脹率,有同事嫌加得少是人之常情。不過,沙膽虹斗膽建議,與其為加少一百幾十而冇癮,倒不如諗吓怎樣利用加人工的錢來增值。
以一個月薪二萬三千元的同事為例,每月加薪約一千,如果該同事將呢筆錢慳出來,一年可儲到一萬二千,到時將呢筆錢買股票,放一段時間,分分鐘翻幾十番!
各位同事千祈唔好以為沙膽虹危言聳聽!你哋唔信就睇吓港交所。該股2000年上市,招股價3.88元,認購三千股唔使一萬二千元,持有唔夠八年,喺2007年最高峯時,三千股港交所值逾八十萬元,差唔多變成百萬富翁。就算當時冇咁好彩抽到,在掛牌當天以每股八元多買入一千五百股,到2007年亦值逾四十萬!
類似例子其實仲有!好似中石油,2000年上市,一元二角任你買,如果你當時買一萬股,揸到2007年,一萬二千元亦變成二十萬了。
各位同事,好好將呢筆加薪儲起來,去賺第一桶金吧!

沙膽虹
2 : 鱷不群(1248)@2012-04-17 00:28:10

通脹嘛,分分鐘洗突
沙膽 膽虹 手記 儲埋 加薪 賺第 第一 一桶 桶金
PermaLink: https://articles.zkiz.com/?id=278782

沙膽虹手記:她爽快 我也爽快

1 : GS(14)@2012-04-23 22:09:42

http://hk.apple.nextmedia.com/te ... 104&art_id=16272995
沙膽 膽虹 手記 爽快 我也
PermaLink: https://articles.zkiz.com/?id=278911

莊老闆告沙膽虹

1 : GS(14)@2012-05-03 23:07:16

盤口幾多?

http://www.hkexnews.hk/listedco/ ... N201205021614_C.pdf
二零一二年三月二十日,《蘋果日報》刊登一篇題為《叁龍福方業績無核數照出》的報導(「報導」),指本公司公佈未經審核的業績。如本公司於當日發出公告作出澄清,該報導並無事實根據且有誤導成份。本公司已向《蘋果日報》採取法律行動,並向《蘋果日報》及該報總編輯張劍虹發出傳訊令狀。本公司將讓本公司股東及本公司潛在投資者知悉所述法律行動的重大進展,在適當時會作出進一步公佈。
2 : GS(14)@2012-05-03 23:08:12

http://realblog.zkiz.com/greatsoup/33139
垃圾公司, 惡人先告狀???

http://www.finet.hk/mainsite/newscenter/FINETHK/0/495627.html
三龍國際(00329):已向《蘋果日報》及其總編輯發出傳訊令狀

2012年5月3日

三龍國際(00329)表示,於3月20日,《蘋果日報》刊登一篇題為《三龍福方業績無核數照出》的報導,指公司公佈未經審核的業績,而公司已於當日發出公告作出澄清,指該報導並無事實根據且有誤導成份,公司已向《蘋果日報》採取法律行動,並向《蘋果日報》及該報總編輯張劍虹發出傳訊令狀,公司將在適當時會作出進一步公佈。

三龍國際指,已知悉最近公司的股價下跌及成交量上升,惟除上述外,董事會並不知悉導致該等波動的任何原因。
greatsoup : 呢間野認真搞笑,自己都未做好就告人唱衰佢? 莊老闆呢D是你自己的錢,你都唔好咁浪費是咪先 (2小時之前)
greatsoup : 有錢留番來搞多D刁呃股東錢同供股益民豐啦,真是抵你除炒股票外無盤生意做得死 (2小時之前)
greatsoup : 做生意最緊要是省錢,告人誤導? 人地是抵打,不過你嚇下肥佬黎叫他改番呢句就好啦,唔使玩到咁大 (2小時之前)
greatsoup : 你自己本身大把人,一人打一個電話平過找律師啦 (2小時之前)
留言
2. 名稱:greatsoup E-mail:greatsoup@gmail.com 時間: 2012-05-03 21:06:21 刪除
今次我幫莊老闆,生果真是有D nonsense,就是呢句:
http://zkiz.com/news.php?id=13101
「兩份業績均有披露,指相關的核數師工作,並不包括香港會計師公會所頒佈的核數準則,故兩公司的核數師並無就其業績公佈發表保證意見,換言之,核數師拒絕就公司業績發表意見。」

關於「核數師不給予意見,不但罕見,在業績報告中亦不顯著。」,在年報的確唔常見,但大部分份都有,都幾常見,我是但找幾份給你看看。
http://www.hkexnews.hk/listedco/ ... N201203281945_C.pdf
http://www.hkexnews.hk/listedco/ ... N201203231052_C.pdf
http://www.hkexnews.hk/listedco/ ... TN20120326753_C.pdf
http://www.hkexnews.hk/listedco/ ... TN20110530151_C.pdf
http://www.hkexnews.hk/listedco/ ... TN20110628539_C.pdf

按照公司年報,公司核數師確實是發表無保留意見,換言之,確實有誤導成分,沙膽虹今次真是抵打囉。所以在情在理今次真是無得打,不如死死氣和解啦,莊老闆今次睇唔過眼,我今日對某個報導都睇唔過眼。

http://www.hkexnews.hk/listedco/ ... N201203291901_C.pdf
意見
我們認為,按照香港財務報告準則編製的綜合財務報表真實公平地反映 貴集團於二零一一年十二月三十一日的財政狀況及 貴集團截至該日止年度的虧損和現金流量,並已按照香港公司條例的披露規定妥善編製。
3 : greatsoup38(830)@2013-06-15 16:50:14

329
4 : greatsoup38(830)@2013-06-15 16:50:33

885
老闆 告沙 沙膽 膽虹
PermaLink: https://articles.zkiz.com/?id=279092

沙膽虹手記:女人愛磚頭

1 : GS(14)@2012-05-15 23:41:50

http://www.sharpdaily.hk/article/news/20120515/90011
肥佬黎要求《爽報》增加主攻OL嘅內容,各位看官或已注意到《爽報》V2版和周五拆叠的變化,昨天《爽報》更加了兩個專欄,一個係眼科專科醫生余珊醫生寫眼睛美容和保健,另一個係獨立女性投資學。
為了找人寫獨立女性投資學欄目,沙膽虹亦特地搵過一些打工女王傾過,其中一位年薪過百萬的阿姐,甫坐下就問:「我有幾百萬現金,有乜好買?跟住沙膽虹組合買好唔好呢?」
沙膽虹心諗,兩三年前才聽妳講話買咗間樓收租,咁快供完?「唔係,不過o依家息口咁低,租金都夠冚,咪慢慢供囉!我其實可以整筆錢隊晒落去,唔使供,但係息口咁低,梗係借啦,唔借就笨,現金就留番嚟睇吓有乜投資機會。」她解釋。
此打工女王果然精打細算!沙膽虹見佢已經有一層樓自住,又有一層收租,建議她買盈富基金,長期跟住恒指走,又有三厘息!她臨走時口口聲聲說好,但沙膽虹心諗,睇怕妳都寧願買多間樓收租!女人總覺得磚頭比股票實在。

沙膽虹
沙膽 膽虹 手記 女人 磚頭
PermaLink: https://articles.zkiz.com/?id=279394

沙膽虹手記:革除老油條才有新天

1 : GS(14)@2012-05-17 00:24:08

http://hk.apple.nextmedia.com/news/art/20120516/16341319
《爽報》最近成立了一支十人調查組,專做調查報道,由跟了沙膽虹十年的 Mark哥指揮,而剛好《蘋果》在五.一前裁走一些採訪部員工,兩件事馬上被連起來,有員工問沙膽虹:「係咪有計劃陸續裁減《蘋果》嘅人,慢慢搵自己嘅人馬入嚟接手?」沙膽虹多謝該記者不嫌棄,向沙膽虹講出心底話。
請《蘋果》記者放心,沙膽虹絕無此戇居想法。《爽報》之所以要建立一支偵查報道團隊,完全是部署將來可能日日拆叠!須知道《爽報》印刷機所限,只能印六十四頁,在此限制下,即使全部是廣告,亦賺不了錢!非日日拆叠不可。為免加重《蘋果》的負擔,以及考慮到《爽報》自組團隊可更因應《爽報》讀者需求安排內容,才建立起這支團隊。同時,《爽報》現有港聞及法庭組同事,亦已開始做自己古仔。《爽報》將發展成一份有自己風格的報紙,將越來越不是小《蘋果》。
至於《蘋果》,則可更專注自己的讀者,把新聞做好。沙膽虹不單不會裁《蘋果》員,反而要加強人手,一方面要將一些有潛力有進步有雄心的記者提升,同時亦希望主管物色優秀記者,逐步將各組採訪隊伍變得更有活力有火氣和更專業,記者薪金職位反映實際貢獻,將守業、老油條的風氣革除,《蘋果》才有新天!
沙膽虹
沙膽 膽虹 手記 革除 老油條 才有 新天
PermaLink: https://articles.zkiz.com/?id=279415

沙膽虹手記:靠股息無後顧之憂

1 : GS(14)@2012-05-17 22:57:25

呢樣先是硬道理,我覺得東尼較甚麼Issar 技高幾籌

http://www.sharpdaily.hk/article/news/20120517/91084
跟《壹週刊》〈天下第一倉〉前倉主東尼的太太Jenny通電話,互相問候,知道東尼情況尚好,心中寬慰。畢竟他年紀大,兩年前又中過風,活動能力大不如前,能夠平平安安在家享天倫,心裏都為他感恩。「大女快要生產,他正盼望外孫出世,細女亦將從紐約回港,趁此機會好好共敍天倫。」Jenny說。
東尼對家庭十分負責,多年前先供滿西貢一幢房子,亦預備了一個投資組合,令太太足以靠股息維持家庭開支,令家庭生活無後顧之憂。「他不斷收集滙豐、太古、宏利等股票,我十幾年前仲鬧佢買太古呢啲股票冇用,o依家發覺息率真係好好。我計番一年收嘅股息,除一除,真係夠家庭每月開支。」Jenny滿意的說。
「所以我都唔理股價上上落落!今年初同東尼的朋友傾偈,好多都睇唔好,我於是沽咗少少。之後個市係咁升,心想好彩只沽咗少少。不過近日又跌番,所以好難講。」Jenny說。
買股票最根本目的就是收息和長遠升值,抱着這個宗旨投資的,就會集中選擇資產豐厚、管理良好和對股東負責的上市公司。若然想靠股票賺快錢,就很容易墮入快上快落的莊家股圈套,最後連本金都輸光。沙膽虹認識東尼近三十年,每逢問他是否應賣嘢,他總是答:「No! 」即使今天大跌市問他同樣問題,他的答案想必亦一樣。

沙膽虹
沙膽 膽虹 手記 股息 後顧 之憂
PermaLink: https://articles.zkiz.com/?id=279437

沙膽虹手記:廿一點算牌亦要夠叠水

1 : GS(14)@2012-05-31 00:18:52

http://www.sharpdaily.hk/article/news/20120530/95805
最近忽然好多人講廿一點算牌術,沙膽虹十多年前曾訪問過台灣算牌賭神戴子郎,亦透過他見過世界馳名的MIT算牌團隊,所以亦湊熱鬧寫吓。所謂算牌,即係睇住枱面上出咗幾多大牌,如果盒子裏所剩大牌(公仔及A)越多,就可加注,皆因此時莊家首張拿細牌時爆煲機會較大,以及玩家拿Blackjack莊家賠一倍半機會增加。
很多人驟耳聽落,以為玩廿一點好易贏錢,其實所謂剩低大牌多時贏面較高,是一百手牌裏面多贏不足一手,因此遇到好牌時跳注要夠大,才能抵銷平時的不利情況。平時打開每手五百的,加注時要跳到五千。但加注亦不代表一定贏,你有機會拿好牌,莊家亦然,只是你贏面高一些些而已,因此你最好具備相等於跳注額的三百倍資本,即一百五十萬元,才可以這樣打而不致於爆煲!另外,也不是所有賭場的廿一點都是同一規例,有些不能投降,兩隻A不能分牌或不是任何兩隻牌可以加注,對贏面都差很遠。
這種打法其實流行了幾十年,很多算牌客亦贏過大錢,但賭場為杜絕算牌客,不只加裝會算牌電腦,近年還全部改用循環洗牌機,裏面有六副牌,而且打一鋪就將牌放回去,即使打七門,每把牌不過半副,很難算得精準,所以職業賭徒亦不再用這方法搵食。至於他們如何再鑽賭場漏洞,有機會再寫。

沙膽虹
2 : drbull(3010)@2012-05-31 00:32:27

廿一點真係一個好有趣嘅遊戲!戴子郎出過本書叫漏洞投資學都唔錯架!
3 : 龍生(798)@2012-05-31 03:08:35

我去到賭場基本上只會玩21點....

by the way, 感覺比較無咁搵笨...當然, 我明白只是錯覺
4 : drbull(3010)@2012-05-31 09:10:50

其實最起碼都要識啲基本策略,咁就已經輸少好多
如果拎住對10都split真係想唔輸都幾難 :P
沙膽 膽虹 手記 廿一 一點 點算 算牌 牌亦 亦要 要夠 夠疊 疊水
PermaLink: https://articles.zkiz.com/?id=279630

沙膽虹手記:做唔到一哥有乜用

1 : GS(14)@2012-06-08 00:31:27

http://hk.apple.nextmedia.com/news/art/20120607/16404932
Ipsos(前稱 Synovate)近日公佈了由去年第二季至今年首季的報章讀者人數調查,包括免費和收費報紙。去年九月創刊的《爽報》,也有份在調查名單內,只是從第四季開始。今次數字,對沙膽虹而言,大有放榜的感覺。
調查結果顯示,首兩名讀者人數最高的報章,都是免費報紙,《頭條》第一,《爽報》第二,第三是《蘋果》。《頭條》讀者人數166萬,《爽報》123萬。男女比例方面,《頭條》43比57,《爽報》45比55;不相伯仲;大學或以上程度讀者,《頭條》有18.4%,《爽報》有14.4%;個人入息逾三萬者,《頭條》佔9%,《爽報》則佔7%;家庭月入逾四萬的讀者,《頭條》為26.5%,《爽報》為23.7%;全職工作讀者,《頭條》和《爽報》分別各佔65%及63%左右。
表面看來,《爽報》讀者人數已是全港第二,連《蘋果》也超過,好像不錯,但沙膽虹覺得,第二有乜用,有誰會因為拿亞軍而開心和開香檳?《爽報》做唔到免費報紙一哥,就算肥佬黎唔炒沙膽虹,沙膽虹自己都會覺得面目無光!
沙膽虹
沙膽 膽虹 手記 做唔 唔到 到一 一哥 哥有 有乜 乜用
PermaLink: https://articles.zkiz.com/?id=279756

沙膽虹手記:香港冇運行

1 : GS(14)@2012-06-23 13:09:44

http://www.sharpdaily.hk/article/news/20120622/104629
身家已經過千億的四叔李兆基,上禮拜被記者問到分身家問題時,竟然話o依家係食緊尾糊,最好等多三年,如果經濟配合,等收復番金融海嘯前嘅失地,甚至翻多一番才作打算。佢呢番話充份顯示這位地產富豪的貪婪和香港價值的扭曲,失禮兼令人啼笑皆非。
一周後,又出現一個張炳良,佢盛傳即將加入梁班子任房屋規劃及地政局局長,前日同記者講,佢卸任教育學院院長後,月底要遷出位於大埔的學校宿舍,近日開始積極睇樓,想搵番間二千幾呎嘅樓,但估唔到樓價咁鬼高,連佢都負擔唔起市區樓,所以會繼續住番喺大埔呢啲偏遠地區咁話。沙膽虹聽見就把幾火,覺得呢條友講嘢點解咁折墮?沙膽虹亦奇怪,點解冇記者問吓佢,佢o依家睇緊嘅大埔二千多呎豪宅,究竟要幾多錢?起碼亦要千多萬吧!月薪三十二萬嘅、可以買得起過千萬樓嘅局長,都話自己買唔起市區樓?究竟係咪個市要跌到你老哥住得起山頂,先叫做買得起樓呢?
好多香港人寧願在市區住細啲,而唔搬入所謂的偏遠新界區,都係為咗方便家人上班上課,減少沉重交通費負擔,你張炳良將來有AM車坐,油錢唔使畀,當然冇問題啦,住沙頭角萬呎大屋都仲得!作為新政府一個咁重要嘅局長,薪高糧準,每日花個多兩個鐘來來回回,難道唔怕嘥時間浪費納稅人錢?梁班子用埋呢啲人做局長,香港真係冇運行!
沙膽虹
2 : 鉛筆小生(8153)@2012-06-23 13:17:28

如果平買到沙頭角一我都想買
沙膽 膽虹 手記 香港 運行
PermaLink: https://articles.zkiz.com/?id=279938

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019