ZKIZ Archives


37歲索腿天后陳敏之陀B升Cup晒身材

1 : GS(14)@2016-10-26 08:03:08

陳敏之呢個名大家都唔會陌生,更為人所知嘅就係佢「索腿天后」呢個名。「索腿天后」喺11年《怒火街頭》一劇,劇中陳敏之飾演妓女,俾警察抽水,又裸跑追賊;仲因為呢角色奪得「最佳女配角」。13年《My盛Lady》陳敏之飾演袁萱,由醜小鴨成歌后,更唱埋插曲《想一天》。其實現實中陳敏之都係一個歌手,仲係小室哲哉嘅徒弟。可惜歌運平平,不過總叫喺劇中可以實現一下歌手夢吖。14年陳敏之同圈外男友雷偉信結婚,婚後更宣佈減產;到今年7月宣佈懷5個月,今年9月仲陀住巨肚影三點式。




來源: http://hk.apple.nextmedia.com/entertainment/art/20161026/19812104
37 歲索 索腿 天後 陳敏 敏之 之陀 Cup 身材
PermaLink: https://articles.zkiz.com/?id=313537

似彭羚唱得 英皇東亞打主意 林海峰禁17歲索女林泳入行

1 : GS(14)@2017-02-12 15:40:21

2017-02-02 NM
屋企一屋女人的林海峰,老婆彭羚雖然已屆47歲,但保養得宜,依然見得人,五年前破例為Wyman作品展演出,好評如潮,惹來不少演唱會主辦商拍門,掟錢誘復出,但林狗一句唔俾!彭羚立即投降,棄船唔唱,繼續做煮飯婆日日湊女。眨吓眼,大女林泳已經17歲,生得又索又高。去年中,她跟媽咪去睇騷,即被英皇、東亞睇中,要簽林泳入行,但同彭羚下場一樣,都過唔到專制老豆嗰關,唔好發夢!搵林珊珊幫口

當年同王菲Sammi不相上下的彭羚,○○年誕下大女林泳後,便逐步封咪,全職相夫教女。轉眼林泳就滿17歲,已經高過媽咪,婷婷玉立兼有一張省鏡明星臉。

去年中,林海峰舉行「是但噏」,尾場妻女到齊捧場,見到當時剛將長髮剪到膊頭的林泳,唱片公司包括英皇同東亞都流晒口水,紛紛向林狗埋手,要簽林泳入行。

「女大十八變,林泳真係愈大愈靚,嗰次出嚟就即刻俾英皇同東亞啲人睇中,追住問阿Jan(林海峰)想唔想個女入行,但阿Jan一嚟已經落晒閘,當時都有人搵埋林珊珊想佢幫口,但珊珊知細佬性格,叫大家諗都唔使諗!」知情者說。

帶兩女會戰友

專制林狗禁入行,似媽咪唱得的林泳,繼續學校生活。早個月,全職湊女的彭羚就陪住兩個女林泳林清,同到數碼港公園玩。下午五時多,彭羚先放低兩個女去公園,自己再去泊車。當日彭羚約埋昔日唱片公司的戰友敍舊,友人還帶了兩隻poodle狗狗一齊到,林泳林清開心到癲,不停同狗狗追來追去。兩女初長成,彭羚望住兩個女,笑得十分滿足。細女林清大部分時間黐住媽咪,玩完一陣,就會返番彭羚身邊,甚至伏在媽咪大髀詐嬌。

得父母真傳

至於keep住及肩微曲髮的林泳,近一年再標高,十七歲已經高過媽咪大半個頭,牛仔褲衞衣打扮青春逼人,兩年前箍咗牙的她,輪廓清秀,雖然未至於索爆,但相當討人喜歡,難怪咁多行內人打佢主意。十七歲精力充沛,林泳追住狗狗氹氹轉,玩得勁開心,彭羚主動攞起手機,拍低女兒開心表情。林泳得父母真傳,唱歌好聽,讀書亦叻,是學校高材生。「阿Jan原本想個女繼續讀女拔,但Cass(彭羚)唔想個女讀書太大壓力,兩年前安排林泳轉咗去漢基讀國際學校,遲啲就會送個女去英國繼續讀書。不過林泳好鍾意唱歌,亦似足媽咪咁唱得!」玩了差不多一小時,彭羚起身執嘢準備離開;兩姊妹意猶未盡,一人拖一隻狗,繼續喪跑。至於同舊同事邊行邊傾的彭羚,雖然退隱多年,但同昔日幾位並肩作戰的唱片公司同事,一直保持聯絡,十分念舊。

似姊妹冇代溝

同友人say bye後,三母女攬住一齊行去攞車,其間經過麥記,兩個女先去買薯條,彭羚在外等,之後一同返回南灣寓所。「Cass好錫兩個女,每日都一定湊女返學放學,同大女更加好似姊妹咁,兩母女行街會拖住手,因為彭羚同兩個女一齊成長,所以佢哋冇代溝,林泳咁大個女,但有乜心事都會同媽咪講!」退居家庭十幾年的彭羚,一二年因為黃偉文,破例復出唱,即引來製作公司打主意,利誘復出開騷,甚至出到百五萬一場,但老公一句唔俾,彭羚即刻唔唱。老婆言聽計從,林海峰去年在演出中公開多謝彭羚,表示當年在TVB化妝間,第一眼見到她,就知道呢個就係嘞!又聲言有彭羚才有他,冧到老婆在台下喊爆。咪睇細細粒林海峰是但噏,骨子裡是大男人主義者,對妻女採取保護政策。老公話晒事,但結婚多年,兩公婆仲係好恩愛,不時撇低兩個女二人世界,早前,林狗同老婆去淺水灣拍拖食雪糕,發現鏡頭後,即由左邊企到右邊,試圖用身體遮擋鏡頭免素顏彭羚上鏡。有林海峰把關,落閘放狗,想打佢屋企啲女人主意,難!

搶手星二代

圈中不少星二代都遺傳父母優質基因,天生一副明星相,冇得輸。

譚曉風

譚詠麟與紅顏知己Wendy的獨生子譚曉風,高大靚仔,是牛津拔尖高材生外,更能文能武,一直有不少唱片公司向佢招手。

苗彤

二十五歲的苗彤(Pheobe),身材高『身兆』又愛曬得一身古銅膚色,盡得苗僑偉和戚美珍遺傳的她,不時於IG大晒噴血泳衣照,更多次傳被邀參選港姐,是最索星二代之一。

Nikkie & Chloe

梁家輝與江嘉年一對索爆孖女Nikkie(梁穎晨)和細孖Chloe(梁靜禧)樣靚身材正,非常吸睛,大受網民關注,孖女雖有意闖娛樂圈,但老豆梁家輝卻極力阻止。

撰文、攝影、攝錄:娛樂組
似彭 彭羚 羚唱 唱得 英皇 東亞 打主意 林海峰 林海 17 歲索 索女 女林 林泳 泳入 入行
PermaLink: https://articles.zkiz.com/?id=326599

【澳洲全球筍工】25歲索女跑出 全因為…

1 : GS(14)@2017-10-29 23:30:43

說起澳洲昆士蘭大堡礁,當然少不了全球「筍工」。來自台灣的張家綺(Summer)去年大學畢業後,參加澳洲昆士蘭「觀光大使」比賽,由全球3000人中脫穎而出,除了免費食宿及讀書外,還額外獲得3萬元澳幣(約18萬元港元)獎學金,去年10月遠赴澳洲讀書並任觀光大使。現時Summer已經回去台灣,但是她又獲得澳洲國際學生部門提供了一份全職工作,整個「旅程」可謂十分圓滿。現年25歲Summer接受本報電話訪問時,還興奮表示「這簡直是天上掉下來的禮物,我幾乎沒有花到一毛自己的錢!」然而,如何在芸芸三千人之中跑出?秘訣離不開「死chur」及「有野心」二字。


贏全球「筍工」索女︰我非常有野心

由參賽影片開始,來來回回總共拍了5次,由媽媽操刀,並在台灣知名場景例如台北101﹑中正記念堂等地方取景,最後選擇了河濱公園旁邊的教室,以教育學習的氛圍爭取評判的第一印象。如此精心佈局,換來了面試的機會「我很有自信地跟他們說,我非常有野心!也清楚自己的夢想是什麼,我想去昆士蘭讀書,完成我一直想出國讀書的夢想。」她不忘補充,記得要提到回到自己的國家或城市會如何宣傳昆士蘭。她還透露,若有機會參與拍攝宣傳影片,還會獲得額外零用錢,另外facebook上的貼文有很多人關注的話,還可以獲得澳洲其他旅遊城市的免費機票及住宿費用。


求職電郵石沉大海不忘死chur

為期半年的昆士蘭觀光大使完結後,更幸運的是她獲得澳洲國際學生部門的全職工作,成為社交網絡顧問,幫忙facebook的推文及回覆海外留學生的查詢。為了得到這份工作,她早在任觀光大使鋪路,「那時候國際學生部門是觀光大使其中的贊助商,當有活動的時候,各大知名的學校都會參與,那時候我很積極地推介自己,跟他們聯誼,讓他們對我有印象,當有職位空缺,我就一直去申請。」說罷,電話裡頭傳來陣陣的笑聲。即使是求職的電郵石沉大海,她仍然「死chur」至有結果。她直言「假設我很想要這一份工作,就會一直很積極地去爭取這個機會,一直傳電郵得不到回應,我還是會繼續很有禮貌地問他們,看還有沒有這個機會。」結果皇天不負有心人,迎來了這份顧問的工作。「他們不管我在哪裏,都沒有問題。我們的聯繫方式是用Skype或者facebook,即使回到台灣,我也可以在家工作。」繼全球「筍工」之後,Summer又迎來自己夢想的工作。記者﹑旁白︰吳美茸剪接︰梁依能




來源: https://hk.finance.appledaily.co ... e/20171023/20191325
澳洲 全球 筍工 25 歲索 索女 女跑 跑出 因為
PermaLink: https://articles.zkiz.com/?id=343321


ZKIZ Archives @ 2019