ZKIZ Archives


何猷亨搞ball惹是非


2012-8-2  NM




上週五晚賭王四太仔何猷亨,以學生會名義處男下海搞保良籌款ball,四房全家撐場。家族猛料係人都俾面,十九歲仔碌人情牌已籌到一百萬,但原來阿太們對座位安排一直各有意見,保良局主席梁寶珠硬要安排女兒林玉茵坐主家席,知情者話:「仲指定個女要坐佢隔籬或對面,佢哋以為呢個係保良節目,忘記搞手係學生會。」有傳當晚有人要脅,叫朋友不要買兩張枱,直到開ball前仍未傾掂點坐,令猷亨好激氣,「他諗住大不了自己買埋兩張枱,最後顧全大局免阿媽難做,兼大家拗到無曬氣,是但啦,林玉茵最後坐阿媽對面。」知情者說。

事後向四太求證,她懵然不知說:「第一,我唔清楚,因為全程我無參與,亦唔清楚,都?曬頭。猷亨無同我呻,超盈自己買枱,坐唔坐主家席有咩所謂。」調位事件最後平息,是夜十九歲的壽星仔猷亨亦跟友人到dragon-i慶生兼慶功。

霍家遺珠

何家淑女出名索,但霍英東嘅兩個孫女霍思緯同霍詠詩都watt數十足,只不過蒲得低調,差啲走漏眼。

PermaLink: https://articles.zkiz.com/?id=35636

雪炫叢林過節冇得團圓子瑜免惹是非不返台

1 : GS(14)@2016-02-09 12:33:37

中國人會慶祝農曆新年外,韓國人一樣過春節,而且他們非常重視這傳統節日,不少藝人都會於春節期間回家跟家人團圓,不過近期人氣急升的女團AOA成員雪炫及TWICE的台灣成員周子瑜就同病相憐,二人都因為工作而要離開家鄉,未能跟家人過節。據知,雪炫因拍攝SBS綜藝節目《叢林的法則》而飛去東加,雖然之前已有傳她會出演節目,但節目組就非常口密,直至前日雪炫於Instagram預早跟粉絲拜年,透露自己今年要在叢林過節,不可以跟家人團圓,才正式承認自己是節目的新演出嘉賓。雪炫表示:「我要在叢林裏度過春節,會跟前輩努力生活迎接新年。大家都請開心地度過春節,祝大家身體健康,成為有錢人。新年快樂!」而跟雪炫齊齊於叢林過年的藝人就有男團2PM的燦成、INFINITE的成鍾、B1A4的燦多等。



■元旦時,子瑜(中)同樣選擇跟隊友在韓過節。

■有傳子瑜為了避開黃安而決定不回台灣見家人。

黃安



網民猜測避黃安

另外,現年16歲的周子瑜今年亦不回台灣過年。雖然子瑜暫時亦未有工作,不過她決定留韓過年,其所屬的JYP事務所表示:「成員可以自由選擇回家過節,或者留在公司練歌練舞,但4名外國成員,包括子瑜及來自日本的Momo、Mina及Sana,她們都不會回國跟家人團聚。」由於子瑜上月被台灣過氣藝人黃安檢舉做「台獨分子」,令她成為新聞人物,加上黃安日前低調返台,有網民推測子瑜可能不想在台灣遇上對方而寧願不回家。不過黃安已於昨日飛返內地,所以子瑜不用擔心太多。另外,有傳子瑜過年後回台灣考取與初中同等級的學歷,之後到韓國念高中。撰文:梁雯迪





來源: http://hk.apple.nextmedia.com/entertainment/art/20160209/19484427
PermaLink: https://articles.zkiz.com/?id=295665

直腸直肚易惹是非?劉曉彤宣萱好姊妹斷聯絡

1 : GS(14)@2017-04-04 08:59:25

劉曉彤於澳洲長大,為人直腸直肚,心直口快,唔知係咪因為咁,所以平日唔多花邊新聞嘅佢,都會惹「禍」上身。先係袁詠儀(靚靚),劉曉彤同靚靚一度甚為老友,但到99年靚靚指自己曾被一位好友出賣,更力數與對方交惡經過,雖然佢冇開名,但有傳媒「推斷」到係劉曉彤,其後靚靚受訪時就話自己識對方5個月就便跣一鑊。同年,林家棟喺大台綜藝節目中將呢單是否擺上枱,但劉曉彤否認爆大鑊,仲話自己毫無頭緒,佢講到如果自己真係得罪靚靚的話,願意講對唔住。不過,劉曉彤同另一好姊妹宣萱嗰單就大鑊得多,兩人同樣係「讀番書」、「鬼妹仔」性格,所以初頭好friend吓,又經常孖住出席首映禮,甚至接受訪問。不過,宣萱喺99年接受周刊訪問時,直斥劉曉彤將是非當人情,出賣朋友,三番四次想害自己但唔成功。宣萱仲講到嗰個是非精會被天收,劉曉彤被記者問回應時,話唔知發生乜事,但對於對方話「天收佢」耿耿於懷,亦為5年友情就咁告終感到可惜。另有周刊指宣萱同劉曉彤之間早有心病,消息指大台喺97年想簽當時主力攻電影嘅劉曉彤,身為好友嘅宣萱不單止唔幫手扯線,仲向大台高層力數對方不是,仲叫高層要再三考慮簽約事宜,最後劉曉彤要靠另一朋友搭路先入到大台,當時亦有指宣萱怕劉曉彤同自己走同一路線,會受到威脅。而劉曉彤喺02年上大台遊戲節目《吾係獎門人》時,喺「吾係落大閘」環節中,直爆自己最憎嗰個係宣萱,其後宣萱被問及此事,佢直指自己已經幾年冇同劉曉彤聯絡,加上玩緊遊戲,所以佢唔係太介懷,仲話自己同對方係普通同事,見到面會點頭打招呼。




來源: http://hk.apple.nextmedia.com/entertainment/art/20170403/19978781
PermaLink: https://articles.zkiz.com/?id=329155

新婚Eric羅惠美惹是非

1 : GS(14)@2017-07-09 03:39:16

韓國元祖男團神話的38歲隊長Eric上周六與26歲女星羅惠美結婚,不過昨日二人卻爆出是非,有報道指二人昨日結束蜜月之旅,並穿上品牌贊助服飾給傳媒拍照,但最終大批傳媒都撲空而回,令二人被轟不遵守約定。事後Eric、羅惠美及品牌方面都指報道與事實不符,而Eric昨日亦在官方Instagram親自回應事件,並就事件向到場採訪的傳媒致歉,以及為擔心他們的粉絲道歉。




來源: http://hk.apple.nextmedia.com/entertainment/art/20170708/20082363
PermaLink: https://articles.zkiz.com/?id=338511

Next Page

ZKIZ Archives @ 2019