ZKIZ Archives


功夫講堂:速度鎖 歐錦棠

1 : GS(14)@2013-06-08 15:57:41

http://www.sharpdaily.hk/article/sup/20130607/202310
練功器具可以就地取材,隨便抓個水桶練餐飽,稍為講究則有不同的負重或抗力器具選擇;但亦可日新月異、絞盡腦汁以新科技在實際效能以外加添美觀與趣味感,有提高練習興趣的作用。
兩年前在網上搜尋到這一款新穎的練拳器具Speed Bag(圖),甚覺好奇,明明是與拳擊中的速度球同一名字,但看圖卻是有兩個金屬製把手的圓環,中間以金屬支架相連,似十足粵語古裝片中囚犯戴的「孖葉」,怎與速度球扯上關係?
原來設計的概念亦是源自拳擊的速度球練習,擊打速度球時要求雙手高舉,並交叉快速輕擊,這種練習主要針對提升雙臂的耐力和節奏感。
速度鎖的練習功能更臻一級,附有把手的圓環內藏走珠滑輪,可兩面轉動,當兩手提起速度鎖正面快速攪動時,正是模擬兩手作車輪式出拳,雖然與皮製速度球的練習不同,沒有擊打目標,但速度鎖是金屬製成,重量分為4磅(女子用)、8磅、和12磅(職業拳手用),就算選用8磅的,實際已是負重,練習時舉與頭高,若以最快速度密集向前攪動,就算職業拳手亦未必能堅持兩分鐘,鍛煉耐力、爆發力之餘更是一種極省時又見效的耗氧運動。
功夫 講堂 速度 歐錦 錦棠
PermaLink: https://articles.zkiz.com/?id=283023

功夫講堂:師傅不敗 歐錦棠

1 : GS(14)@2013-07-11 01:18:22

http://realforum.zkiz.com/thread.php?tid=5885
                                                    
                                            有幸曾與劉家良師傅當年在亞視《李小龍傳》中合作,得益不淺。電影投資充裕,武打場面有較多時間預備,電視劇集則不同,但師傅首演劇集,亦深懂「睇餸食飯」之理,其中一場與徐二牛師傅大打出手戲份,戲裏戲外兩人都是高手,當時那武指只能靠邊站。我從未見過如此快速流暢的度招過程,二人你兩招來我三招還,順似行雲流水,招裏假帶兩分真,在場無不嘆為觀止。
除粵語片時代,以後每逢劉師傅偶爾客串演出,都有個不成文規定,就是「功夫良不會被打敗」,打個平手可以,略佔下風無妨,但無論如何要功夫良打輸就唔得!就連與大哥洪金寶在《群龍戲鳳》中的經典大戰場面,先是師傅拳腳交鋒失勢,最後還是棍怕老郎,一棍在手戲裏打到大哥落花流水。最明顯在銀幕上慘敗的畫面出現過一次,就是由他執導的《陸阿采與黃飛鴻》,劉家輝飾演少年黃飛鴻,以竹樹大破他演江湖大盜所使的穿心腿,由於那是劉家輝處男作,又是公司力捧對象,師傅愛才不惜破格在銀幕上輸一次。
功夫 講堂 師傅 不敗 歐錦 錦棠
PermaLink: https://articles.zkiz.com/?id=283277

馮仁昭四圍超:當劇團係仔女歐錦棠唔生B

1 : GS(14)@2016-05-08 01:44:16

歐錦棠同太太萬斯敏嘅劇道場,呢個月19日會喺上環文娛中心演出《春雨歸來》,日前佢哋喺九龍灣綵排,阿棠同萬斯敏之間默契十足,仲學韓星晒心形手勢。講到呢齣舞台劇,阿棠話:「今次係講30年師生情誼,講人生競賽嗰啲嘢,我母校知道,話會拉大隊支持。」向來不平則鳴嘅阿棠,今次竟然冇刻意加入爭議性聲音,佢話:「而家唔合理又荒唐怪誕嘅事,其實幾百年前都有,所以唔會太着迹去講,反而今次有好多諗頭,加上我又好百厭想加入自己元素。」


■歐錦棠日前喺九龍灣為舞台劇綵排。

信仰改變人生

佢哋兩公婆經歷過離離合合,但係最後都行過難關,一齊生活,阿棠話:「之前同太太分開咗,嗰陣關係唔好,加上我又有抑鬱症,不過有咗宗教信仰後,處事同對人都同以前唔同,內外會自我更新,睇嘢角度同人生嘅意義都唔同咗。」佢仲話:「太太負責把關提點我,當然,我哋都會有爭拗,但係總有一方會妥協。」至於生B,阿棠話:「吓?咁貴,讀埋呢啲咁嘅書,唔好喇!」萬斯敏亦都話:「結婚嗰陣有共識唔生B,加上社會咁樣,如果要生成個計劃都唔一樣,我哋而家當咗劇團係小朋友。」撰文:馮仁昭





來源: http://hk.apple.nextmedia.com/entertainment/art/20160506/19599524
馮仁 仁昭 四圍 劇團 係仔 仔女 女歐 歐錦 錦棠 棠唔 唔生
PermaLink: https://articles.zkiz.com/?id=299767

【馮仁昭四圍超】歐錦棠披盔甲落旺角

1 : GS(14)@2016-09-13 00:19:23

歐錦棠同老婆萬斯敏將演出音樂劇《貞德主權爭戰》,佢哋噚日着住盔甲帶領劇中演員踩落旺角行人專用區高唱劇中歌曲。阿棠為音樂劇寫咗十幾首歌,大家要邊唱邊跳舞頗有難度,佢話:「好彩我有做開運動,我哋有個練氣絕招,平板支撐唱晒成首歌。」歐錦棠關心社區,佢為方國珊入唔到議會而覺得失望,佢讚方國珊對社區工作做得好好,希望對方會再接再厲。撰文:馮仁昭




來源: http://hk.apple.nextmedia.com/entertainment/art/20160912/19767735
馮仁 仁昭 四圍 歐錦 錦棠 棠披 盔甲 旺角
PermaLink: https://articles.zkiz.com/?id=308794

【馮仁昭四圍超】歐錦棠鬧TVB唔尊重鍾景輝老戲骨

1 : GS(14)@2016-11-16 05:47:53

■歐錦棠(左)戥鍾景輝唔抵,覺得應該將老人家啲戲拍咗先。





歐錦棠前晚同王宗堯喺九龍灣綵排舞台劇《科學怪人:誰主創造》,阿棠話好關心做完腸癌手術嘅鍾景輝(King Sir):「知道佢康復中,我作為後輩理唔到佢嘅飲食習慣,但好介意佢咁辛苦,嗰啲咁嘅電視台(TVB)都唔體恤,開工開到夜一夜,試過有次開工,返去等咗四粒鐘都冇得埋位,King Sir返番屋企,之後又call佢返去開工,佢又真係返去。」



■鍾景輝已請假停演《愛.回家之八時入席》。

等到半夜冇得拍

阿棠越講越勞氣,仲爆另一宗罪:「King Sir條頸做咗小手術,休息兩個禮拜之後復工,開戲等到04(半夜4點)都冇得拍,點解咁對老人家呢?其實唔只佢一個,仲有其他老人家都係,啲小朋友都有收工時間,11點前就要放佢哋走,點解唔可以將老人家啲戲拍咗先,好戥佢不值。」另外,阿棠最近想喺港鐵落舞台劇廣告,但過唔到審批。阿棠投訴港鐵年年加價,仲咁多要求:「話太驚嚇,都無謂同佢哋拗。我拗話之前套《死佬日記》都得,結果拗贏,但今次唔想再拗,可能港人心靈脆弱。」撰文:馮仁昭




來源: http://hk.apple.nextmedia.com/entertainment/art/20161116/19834774
馮仁 仁昭 四圍 歐錦 錦棠 棠鬧 TVB 尊重 景輝 老戲 戲骨
PermaLink: https://articles.zkiz.com/?id=315816

王宗堯笑歐錦棠儍

1 : GS(14)@2016-11-26 13:51:11

歐錦棠與王宗堯合演舞台劇《科學怪人:誰主創造》,日前接受本報訪問。歐錦棠大讚王宗堯專業:「佢成日問導演好多嘢,好多細節位都唔放過,同佢排戲啲即時反應,我敢講入行20年,唔係好多人可以做到。」王宗堯指歐錦棠儍,為舞台劇而特意到倫敦學形體動作:「有場戲講佢(科學怪人)啱啱出世,每次佢都用力咁撻落地,個台仲要用鐵板,真係好犀利。」提到香港政府對藝術的支持,歐錦棠謂:「西九都就嚟陸沉啦,咪西九氣囉。」採訪:盧妹攝影:仇志德場地提供:劇道場




來源: http://hk.apple.nextmedia.com/entertainment/art/20161126/19845677
王宗 宗堯 堯笑 笑歐 歐錦 錦棠
PermaLink: https://articles.zkiz.com/?id=317101

王宗堯 歐錦棠 聯手做好戲 2016-11-25

1 : GS(14)@2016-11-27 23:38:59

http://skypost.ulifestyle.com.hk ... %BD%E6%88%B2/236820

【晴報專訊】 Mary Shelley於1818年出版的《科學怪人》小說,先後被改編成電影、電視劇和劇場演出,接近100年來震撼讀者或是觀眾的心靈。歐錦棠兩年前在英國欣賞了Nick Dear為National Theatre改編的劇場版本,深感震撼。幾經艱苦,終於成功把這劇目帶來香港,更找來王宗堯作對手,誓要炮製一齣好戲。
在劇道場的《科學怪人:誰主創造》這個劇目裏,年輕科學家Victor醉心科學,為了他心目中的人類福祉,用屍體創造了一個新生命,他卻受不了創造出來的是一個科學怪人。
歐錦棠對National Theatre版本的《科學怪人》情有獨鍾,全因為故事的題旨。阿棠直言:「我沒有看過一個這麼感動我和震撼的演出,當中說人性的那種自我、衝突和哲理,很觸動我,它對人類的自大真的鞭撻得很厲害。」
難得好對手
故事中兩大主要角色--科學怪人和科學家,前者由歐錦棠親自演繹。「科學怪人是一個初生嬰兒,但很快有了智慧,變成了人,單向地尋找他的根源。相反,科學家卻複雜得多,他有個俊俏的外表,很得人喜愛。他既有愛群眾的仁慈心,但同時有表彰自己能力的自大;他目空一切,但也彬彬有禮,是一個很矛盾的人。在香港的演員中,要有外形、內涵兼且具有名氣,真的數不出五個。有一天,靈機一觸,我問宗堯,他二話不說便答應演科學家,我真的是喜出望外呢!」
王宗堯前年演出過歌舞劇《萬花嬉春》,雖然之後有不同劇團找他,但他對題材有着特別的選取。「我很喜歡看舞台劇,特別喜歡一些較為人性,看完可以反思的劇目。所以,棠哥找我演這角色,我就說:『好啊!』這次,我用很多時間去尋找自己內在的特質,那可能是一些黑暗面的東西,我將它們放進角色,這尋找角色的過程,是很好玩的。」
歐錦棠舞台演出經驗豐富,長達20年;王宗堯卻是第二次參與劇場,但二人不約而同,認為香港劇場的發展很不到位。阿棠帶點無奈說:「英國有全面普及的藝術戲劇教育,觀眾懂得欣賞不同的文化。香港劇場的文化培養,是漫長的路,完全未到位。現在每個星期,大小劇場也有四至五個劇目公演,表象是蓬勃的。但是,第一,當中的質素良莠不齊;第二,是戲種,這涉及市場和生存的問題。有些劇團要搵食,便做兒童劇或是青春音樂劇,但是,如果你是為了這原因去做,某程度上,都是仰人鼻息,都是可悲的,你當初承諾的藝術取向去了哪裏?」
劇場路漫漫
王宗堯以這次演出為例,分享了他的觀察。「在英國或是東南亞,一個製作會有很多支持,至少不需要為了要回本,而把製作壓縮,因為演出場數愈多,可以分散成本。但是香港的情況,我們一個戲排練幾個月,要搭布景,又要做服裝,卻只有六場演出。我們沒有長久的場地提供,但外國有場地給你作長期演出呢!」歐錦棠即回應:「香港政府責無旁貸,那是關乎整個社群的文化氣息修養,這些真的不是一朝一夕可以做到的。」愛劇場之深,自會明白香港劇場發展的困境。
爭取版權半年
這次演出的《科學怪人:誰主創造》獨家廣東話版權,是歐錦棠花了半年時間才成功爭取回來。「那版權公司很有趣,愛理不理。他們問你很多關於演出的問題,要你把過去做過的演出資料,給他們參考。然後,在合約上列明很多條件。因為,在亞洲區,他們只是曾經授權給日本,所以,他們處理得很嚴格。版權費相當貴,但是,我喜歡這劇目,要做齣好戲,其他事情我不理會了。」
撰文:張靛瞳 
攝影:Lego
編輯:陳禮恒
設計:梁政敏
服裝:H&M、Zara Men
鞋:HOGAN
化粧:Christy Lam
髮型:Hei@Xenter
場地:劇道場
王宗 宗堯 歐錦 錦棠 聯手 好戲 2016 11 25
PermaLink: https://articles.zkiz.com/?id=317256

歐錦棠操肌老婆嫌棄

1 : GS(14)@2016-12-01 00:01:31

歐錦棠和王宗堯昨日到筲箕灣探訪長者,阿棠受婆婆歡迎程度遠超王宗堯,但卻被誤認是已故林錦堂。阿棠今年踏足舞台20周年,他形容做舞台劇慘過食白粉,戒不掉。他又爆自從舉鐵操肌後常被靚女摸,他說:「本來覺得舉嘢好辛苦,但而家覺得係終身事業,太太就唔鍾意我啲肌肉,佢乜都睇我唔順眼,呢啲先係兩公婆,如果好迷戀你,乜都話好嘅一定係二奶或小三。」王宗堯為綵排舞台劇《科學怪人誰主創造》而忽略女友蔡潔,揚言今個聖誕不會共度佳節,他說:「我哋有WhatsApp,日前有4日唔使綵排,我都全日喺屋企,只係落街買飯。」採訪:卓寶花攝影:陳俊強




來源: http://hk.apple.nextmedia.com/entertainment/art/20161130/19849539
歐錦 錦棠 棠操 操肌 老婆 嫌棄
PermaLink: https://articles.zkiz.com/?id=317676

被樂易玲指推劇請990日病假歐錦棠反駁:係冇薪假

1 : GS(14)@2017-01-22 02:17:11

■歐錦棠早前在專訪中指樂易玲是婆娘,並狂數對方不是。資料圖片



歐錦棠早前接受雜誌專訪時,狂數無綫高層樂易玲不是,阿棠以「婆娘」形容樂小姐,指對方嫌自己「亞視味」太重,又大爆09年已故藝人陳鴻烈拍攝處境劇《畢打自己人》期間心臟病發猝逝,樂小姐竟禁止眾演員向外透露烈哥死訊,懷疑有人想做發言人。


樂易玲:每次都有假紙

樂易玲前晚出席在尖沙嘴洲際酒店舉行的「寰宇30周年晚宴」時,坦言對於被叫「婆娘」感到不開心,並反擊阿棠說:「有同事同我講開,話歐錦棠其實已經好耐冇喺公司開工喇。其實喺2013年開始,佢請咗九百九十幾日假,每次都有假紙,係病假嚟嘅。其實都搵過佢拍好多劇㗎喇,但佢都推咗,好似《公公出宮》、《無雙譜》,佢都係話唔舒服拍唔到。製作部都有諮詢過我,問我點解佢可以喺外面拍戲,但公司嘅劇就推。我都唔太知點解。」



■樂易玲前晚指歐錦棠請了990日病假。

■歐錦棠昨日在fb反擊樂易玲,指自己過往放的是冇薪假。

■歐錦棠早前與王宗堯合作舞台劇《科學怪人:誰主創造》。資料圖片

對於被指請了九百九十幾日病假,歐錦棠昨於facebook還擊,力斥樂易玲是「膠層」說:「當然成千日病假?你係老闆都唔批啦!邊個醫生批你病三年呀?嗰啲叫做冇薪假,我哋叫No pay leave,用新任財爺英文就叫No salary holiday,搞清楚先啦,膠層!」記者昨日致電阿棠,他說:「要講嘅喺facebook講晒,唔再多講啦。」採訪:張俊銘




來源: http://hk.apple.nextmedia.com/entertainment/art/20170121/19903705
樂易 玲指 指推 推劇 劇請 990 病假 歐錦 錦棠 反駁 係冇 冇薪 薪假
PermaLink: https://articles.zkiz.com/?id=323555

【馮仁昭四圍超】歐錦棠拔罐醫頸患

1 : GS(14)@2017-01-24 03:00:23

歐錦棠之前接受專訪時狂數無綫高層樂易玲不是,後來樂易玲回應時話阿棠請咗990日病假,又推咗幾部劇,㷫到阿棠喺facebook還擊,話自己放嗰啲係冇薪假期,叫樂易玲搞清楚。原來阿棠最近又病咗,佢噚日凌晨喺facebook貼咗張半身拔完罐嘅相,佢話:「《科學怪人》演出後遺症,一星期後逐漸浮現。條頸郁唔到,惟有搵大夫急救。果然好傷。」撰文:馮仁昭



歐錦棠 資料圖片





來源: http://hk.apple.nextmedia.com/entertainment/art/20170123/19905661
馮仁 仁昭 四圍 歐錦 錦棠 拔罐 醫頸 頸患
PermaLink: https://articles.zkiz.com/?id=323839

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019