ZKIZ Archives


買樓玩神秘 張玉珊持貨億五

2011-8-4  NM




近年三分二時間都留守國內,發展 其修身堂內地市場的張玉珊,上月尾在助手陪同下,現身ICC,到樓上的新樓盤瓏璽睇示範單位,貴客到,發展商安排獨立時間讓張玉珊慢慢睇,避免受騷擾。張 玉珊睇的2,640呎單位,樓價近億。近幾年,她手上持有的五個物業,全部升值,總市值一億四千多萬,升幅超過一半。有錢買樓,張玉珊卻神神秘秘,除了用 BVI公司,又搵阿媽阿哥個名登記,掩人耳目。大客專用時間

早個禮拜六(七月二十三日)上午十一時半,本刊發現張玉珊坐駕停在圓方的W酒店門外,一名地產經紀上車後,七人車駛上鄰座的ICC環球貿易廣場。原來張玉 珊要睇樓,一干人等跟隨地產經紀上了位於ICC十樓,新開賣的瓏璽示範單位。距離開放睇樓的時間早半小時,發展商卻特地撥出獨立睇樓時間,招呼張玉珊,地 產經紀為成功開單殷勤講解,全程講解冇停口。雖然瓏璽坐落大角咀地段,但因為面向維港景,低層細單位,呎價都過萬元,張玉珊睇的是二六四○呎高層單位,呎 價要四萬元,樓價過億,十分揦脷。

鍾意長揸

投資有道的張玉珊,自03年沙士之後,一口氣掃了多個豪宅,因為眼光獨到,賬面賺超過8,000萬。

阿Sa做鄰居

「Shirley有好多時間都喺內地,不過佢對投資國內房地產興趣始終唔大,反而每次返香港,撞啱都會睇樓,樓價升到癲晒,但佢仲好有信心,話睇定入貨差 唔多。舊年政府加百分之二十印花稅,打擊炒家,但Shirley買樓唔在意急放,對佢無影響,只要睇準就入市,嗰次佢都有即刻入貨,買咗跑馬地慧莉苑一個 二千呎單位,咁啱阿Sa又喺嗰時買咗隔籬單位,兩個做埋鄰居,佢鍾意速戰速決,買樓都一樣。」張玉珊身邊人說。對大型屋苑豪宅情有獨鍾,張玉珊在瓏璽示範 單位睇足四十五分鐘,之後轉場到圓方附近的另一豪宅天璽繼續睇樓。「Shirley鍾意無敵景,○四年佢買入松柏新邨,就俾成個馬場景吸引,因為單位無遮 無擋景觀好,依家間屋升咗四千幾萬。所以佢買樓都專吼高層單位,景觀同位置都好緊要。」

唔用自己名

唔豪唔吼,張玉珊的物業資產值,近年累積升幅不小,賬面已經賺近億。此外,她亦習慣用BVI公司,及親人名義買樓,掩人耳目。就有意購買近億的瓏璽,記者 上週日(二十四日)在書展向張玉珊求證,她卻大耍太極:「我成日都睇樓,呢啲係香港人嘅節目,今次咁啱俾你見到啫!(嗰日你睇埋天璽,係咪想再入貨?)未 有決定喎!(你近年買樓賺咗 成億?)你哋查到乜就寫,我無意見。」

增持股份

01年張玉珊退出娛樂圈投身商界,創辦修身堂控股有限公司(8200),成為香港最年輕的上市公司主席。04年,她為當時230磅的欣宜成功減掉100 磅,成功為公司打響名堂。近年,張玉珊積極開發內地市場,先後在杭州、北京、上海、深圳等地開設六間旗艦店,內地加盟店達101間,生意遍布全中國。今年 7月,她再購入608萬股公司股份,個人佔股權41.5%,市值6,142萬,而整間公司則市值約1.43億。此外,張玉珊早前亦成功取得SK-II內地 代理權,生意愈來愈多元化。


買樓 樓玩 神秘 張玉 玉珊 珊持 持貨 貨億 億五
PermaLink: https://articles.zkiz.com/?id=26808

強制驗樓玩謝業主文盲阿婆焗做司庫

2013-12-12  NM
 
 

 

屋宇署去年六月力推強制驗樓計劃,至今已向九千多名舊樓業主發信,限業主於一年內完成驗樓兼修葺工程,惟舊樓多沒有成立法團,業主又多是長者,加上屋宇署的支援不足,預計很多舊樓未能在限期前完成工程,隨時被檢控及罰款。

盧女士與家人居於樓齡近三十八年的大角咀必發樓五樓單位,今年一月,她收到屋宇署發出的法定通知,要求業主一年內驗樓及完成修葺工程,無法團的舊樓可獲額外三個月時間。必發樓只有約二十名業主,當中九成為長者,加上無業主立案法團,一直無人理會驗樓令。盧女士擔心不跟進事件會被檢控,遂擔任召集人,豈料「噩夢」隨之而來。

從事教育工作的盧女士本身有正職,每晚抽空數小時處理成立法團事宜,花了四個月時間,終於約齊業主開會,至七月始成立法團。但由於反應冷淡,為湊夠法定人數,就連目不識丁的婆婆也被迫出任司庫,盧女士大嘆無奈:「個個都七老八十,連打會議記錄都要社工幫手,仲要搵個唔識字嘅老人家嚟做司庫!而家又要買第三保、揀承辦商,得我一個睇嗰堆咁複雜嘅文件,做唔切又驚俾人告,政府真係好心做壞事!」記者曾嘗試訪問其他業主,但全部拒絕接受訪問。

跟進逾期驗樓或被檢控

根據屋宇署記錄,必發樓為全港首輪強制驗樓對象,業主須於今年十月完成驗樓,明年四月完成修葺,但必發樓法團至今還未聘請註冊人士驗樓,業主又對工程費甚有分歧,更遑論動工修葺,進度明顯落後。屋宇署又規定,業主或法團若不遵從驗樓令可被檢控,最高罰款五萬元及監禁一年。油尖旺區議員許德亮直言,過去數月收到數十宗同類求助個案:「舊樓唔少業主搬咗,淨係收租好難聯絡,再加上劏房、僭建嘅業權好複雜,要根據三四四(《建築物管理條例》)成立法團已經好唔容易,好多長者唔識工程事項,我哋想幫手都做到一頭煙。」根據屋宇署就強制驗樓計劃向立法會提交的進度報告,每年會揀選二千幢目標樓宇,惟截至今年九月,署方仍未收到任何已履行驗樓令的報告,顯示有關計劃名存實亡。署方亦承認,由於計劃太新且複雜,業主或法團認知不多,署方已接獲一萬七千多宗查詢,並舉行多場地區講座,但由於人手不足,下年度將縮減強制驗樓的目標樓宇數目。(周潔媚)

壹判官

屋宇署急推強制驗樓,低估了執行難度,令有心跟進的業主慘變磨心,應該好好檢討。劣劣劣(五個劣為最嚴重)

 
強制 驗樓 樓玩 玩謝 業主 文盲 阿婆 焗做 司庫
PermaLink: https://articles.zkiz.com/?id=84525

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019