ZKIZ Archives


徐子珊1秒輪姦vs楊怡1分鐘鼻頂

1 : GS(14)@2012-10-27 14:43:33

http://hk.apple.nextmedia.com/entertainment/art/20121027/18049561
徐子珊和楊怡同是本年度視後大熱人選,前晚無線劇集《雷霆掃毒》和《名媛望族》分別播出她們的重頭戲,兩花旦的視後肉搏戰一觸即發。子珊曾自爆參演《雷》劇輪姦戲添心理負擔,可是這幕戲短得只得一秒,網友揶揄根本看不出子珊演技上的突破,「木偶鼻」楊怡在《名》劇反而豁出去被劉松仁強吻,更以尖鼻頂實他。
...
拍攝時自爆心理創傷
為爭視後寶座,同是33歲的子珊和楊怡分別在劇中豁出去,子珊在《雷》劇飾演毒後,前晚播出一集交代她被黑幫大佬李家鼎啪白粉針,跟住遭他的四名手下輪姦,有指子珊有望憑這場戲食糊膺視後,面對頒獎禮倒數,她壓力大增,甚至食慾不振,情緒起伏甚大,更令她帶來心理創傷。萬眾期待的重頭戲前晚播出,可是為時僅一秒,轉眼即逝,網友炮轟這場戲言過其實,子珊被對手施暴戲份不多,看不到她被輪姦時的痛苦表情,鏡頭著墨較多是她被侵犯後,憶述噩夢令情緒崩潰,惹網友狂插。
相反傳變臉後驚現「木偶鼻」的楊怡,前晚在《名》劇成功搭上暗戀的63歲劉松仁,劇情交代松哥借醉挑逗楊怡,當楊怡把酩酊大醉的松哥扶上房,他不准楊怡離開,用力把她壓倒床上,然後一輪嘴問:「你覺得我有冇魅力?吸唔吸引到你。」未待楊怡回答,他便主動狂咀她,這幕戲他們四唇交接,楊怡和松哥的鼻樑互頂,從側面看來她的木偶鼻極搶戲。兩人激嘴一分鐘,繼江美儀出動「黑絲誘惑」色誘松哥後,前晚這幕再牽誘惑,並帶出他們的感情線。
2 : 自動波人(1313)@2012-10-27 15:06:05

好多人期待睇子珊被輪,但最後只得一秒
3 : 寧采臣(25759)@2012-10-27 15:09:08

同玉蒲團雷海欣得一蚊有咩分別? 回水!
4 : 自動波人(1313)@2012-10-27 15:25:02

快啲聲討tbb!
5 : GS(14)@2012-10-27 20:34:48

so disappointed about
6 : 承天(1379)@2012-10-28 10:05:04

徐子珊而家代言1173 喔 佢成日搵D無線姐仔黎代言?係咪有關係 上一期係阿余喎
7 : GS(14)@2012-10-28 10:09:39

6樓提及
徐子珊而家代言1173 喔 佢成日搵D無線姐仔黎代言?係咪有關係 上一期係阿余喎


覺得他們好老
8 : 承天(1379)@2012-10-28 10:12:10

7樓提及
6樓提及
徐子珊而家代言1173 喔 佢成日搵D無線姐仔黎代言?係咪有關係 上一期係阿余喎

覺得他們好老
岩佢地STYLE 1173賣D 3係上左年齡的買 我媽6十 都鍾意去 所以我成日覺得佢間野冇活力 但佢市場又係岩呢味=.=
9 : GS(14)@2012-10-28 10:14:30

8樓提及
7樓提及
6樓提及
徐子珊而家代言1173 喔 佢成日搵D無線姐仔黎代言?係咪有關係 上一期係阿余喎

覺得他們好老
岩佢地STYLE 1173賣D 3係上左年齡的買 我媽6十 都鍾意去 所以我成日覺得佢間野冇活力 但佢市場又係岩呢味=.=


不過他d業績就真是麻麻地,他找到他的市場
10 : 寧采臣(25759)@2012-10-28 10:14:34

Weeko正, 搵除紙衫smileysmiley
11 : 承天(1379)@2012-10-28 10:16:59

10樓提及
Weeko正, 搵除紙衫smileysmiley
你鍾意尖口面的女仔?!
12 : 寧采臣(25759)@2012-10-28 10:18:17

11樓提及
10樓提及
Weeko正, 搵除紙衫smileysmiley
你鍾意尖口面的女仔?!


以前鐘意stephy果D, 而家口味隨住年紀大改變了
13 : GS(14)@2012-10-28 10:19:11

12樓提及
11樓提及
10樓提及
Weeko正, 搵除紙衫smileysmiley
你鍾意尖口面的女仔?!

以前鐘意stephy果D, 而家口味隨住年紀大改變了


Stephy 好似整左咁
14 : 寧采臣(25759)@2012-10-28 10:20:17

其實我用過倩女幽魂, 以前女優做頭象, 係因為覺得以前既生活比而家好既一個投射
15 : 寧采臣(25759)@2012-10-28 10:21:11

Stephy應該有, 楊怡肯定有
16 : 承天(1379)@2012-10-28 10:21:24

12樓提及
11樓提及
10樓提及
Weeko正, 搵除紙衫smileysmiley
你鍾意尖口面的女仔?!

以前鐘意stephy果D, 而家口味隨住年紀大改變了

我好認同百分百感覺入面 JERRY同許樂講你太容易將你的100分比出分當你成長第時遇到你認為更好的甘即係101分02分?
人大左口味唔同左 或者應該話比較知道自己想要邊鍾..
17 : GS(14)@2012-10-28 10:21:49

14樓提及
其實我用過倩女幽魂, 以前女優做頭象, 係因為覺得以前既生活比而家好既一個投射


呢個角度幾特別...女鬼同AV 女又點形容好?
18 : 寧采臣(25759)@2012-10-28 10:25:37

16樓提及
12樓提及
11樓提及
10樓提及
Weeko正, 搵除紙衫smileysmiley
你鍾意尖口面的女仔?!

以前鐘意stephy果D, 而家口味隨住年紀大改變了

我好認同百分百感覺入面 JERRY同許樂講你太容易將你的100分比出分當你成長第時遇到你認為更好的甘即係101分02分?
人大左口味唔同左 或者應該話比較知道自己想要邊鍾..


但我覺得永遠係第一個最好, 不過有選擇先係老闆
19 : 承天(1379)@2012-10-28 10:26:39

15樓提及
Stephy應該有, 楊怡肯定有
都岩的 用D無記姐仔 甘D師奶又最鍾意煲劇
20 : 寧采臣(25759)@2012-10-28 10:30:23

17樓提及
14樓提及
其實我用過倩女幽魂, 以前女優做頭象, 係因為覺得以前既生活比而家好既一個投射

呢個角度幾特別...女鬼同AV 女又點形容好?


其實可以用肥彭做頭象smileysmileysmiley
21 : 寧采臣(25759)@2012-10-28 10:31:05

19樓提及
15樓提及
Stephy應該有, 楊怡肯定有
都岩的 用D無記姐仔 甘D師奶又最鍾意煲劇


鄧萃文應該都吸金
22 : GS(14)@2012-10-28 10:32:02

20樓提及
17樓提及
14樓提及
其實我用過倩女幽魂, 以前女優做頭象, 係因為覺得以前既生活比而家好既一個投射

呢個角度幾特別...女鬼同AV 女又點形容好?

其實可以用肥彭做頭象smileysmileysmiley


唔用張永霖?
23 : GS(14)@2012-10-28 10:32:23

21樓提及
19樓提及
15樓提及
Stephy應該有, 楊怡肯定有
都岩的 用D無記姐仔 甘D師奶又最鍾意煲劇

鄧萃文應該都吸金


大陸開的人工隨時是TVB 10倍
24 : 寧采臣(25759)@2012-10-28 10:33:34

22樓提及
20樓提及
17樓提及
14樓提及
其實我用過倩女幽魂, 以前女優做頭象, 係因為覺得以前既生活比而家好既一個投射

呢個角度幾特別...女鬼同AV 女又點形容好?

其實可以用肥彭做頭象smileysmileysmiley

唔用張永霖?


依條友算把啦, 無好感
25 : GS(14)@2012-10-28 10:34:16

24樓提及
22樓提及
20樓提及
17樓提及
14樓提及
其實我用過倩女幽魂, 以前女優做頭象, 係因為覺得以前既生活比而家好既一個投射

呢個角度幾特別...女鬼同AV 女又點形容好?

其實可以用肥彭做頭象smileysmileysmiley

唔用張永霖?

依條友算把啦, 無好感


不過他真是有d怪怪地
26 : 寧采臣(25759)@2012-10-28 10:36:10

而家stephy miki依D真係無興趣
27 : 寧采臣(25759)@2012-10-28 10:40:13

16樓提及
12樓提及
11樓提及
10樓提及
Weeko正, 搵除紙衫smileysmiley
你鍾意尖口面的女仔?!

以前鐘意stephy果D, 而家口味隨住年紀大改變了

我好認同百分百感覺入面 JERRY同許樂講你太容易將你的100分比出分當你成長第時遇到你認為更好的甘即係101分02分?
人大左口味唔同左 或者應該話比較知道自己想要邊鍾..


或者根本唔應該比較, 因為你用果陣既眼光同人生經驗俾分
28 : ironforge(21491)@2012-10-29 15:34:34

呢d都成新聞..仲咁多人回...乜野世界
29 : GS(14)@2012-10-29 22:40:25

28樓提及
呢d都成新聞..仲咁多人回...乜野世界


TBB 節目無聊嘛
徐子 子珊 輪姦 vs 楊怡 分鐘 鼻頂
PermaLink: https://articles.zkiz.com/?id=281767

【仁心解碼II】楊怡老豆狂斬全家播足兩次

1 : GS(14)@2013-04-13 15:54:11

唔知點解對楊怡做殺人犯好有期待...好少劇集講女主角會變左殺人狂魔

呢套劇就是談情說愛殺人版的楊怡

http://www.sharpdaily.hk/realtim ... 3%E5%85%A9%E6%AC%A1
楊怡俾李綺雯飾演連環殺手角色禁錮兼放血,喺迷迷糊糊期間,記番起晒佢嘅童年陰影。

話說劇中飾演楊怡嘅老豆李家鼎當年同楊怡嘅養父母(即係李家鼎嘅表弟)因誤會嘈起上嚟,李家鼎狂性大發斬殺全家,過程重口味兼夾血淋淋,李家鼎淨係殺養父鍾志光都捅咗兩嘢,跟住割養母劉桂芳喉嘅時候仲成灘血噴出嚟,最後連佢哋個女都唔放過,捅佢背脊!嘩,細路都殺,好驚呀!

不過TVB可能更驚觀眾睇得未夠清楚,之後再要楊怡諗多一次成件事,咁就足本重播。連睇兩次捅人兼噴血,真係隔夜飯都嘔番出嚟...
2 : GS(14)@2013-04-13 15:55:55

http://tvb4life.pixnet.net/blog/ ... 2%E6%AE%BA%E4%BA%BA
楊怡與黃智賢為劇集拍外景,患精神分裂症的楊怡殺人後被男友黃智賢以槍阻嚇,早前傷腳的楊怡奔跑時仍一拐一拐,大動作時更要替身上陣。

楊怡與黃智賢前晚為劇集《仁心解碼2》拍外景,劇情講述有精神分裂症的楊怡「鍊」死李綺雯,但遭上司兼男友的黃智賢發現,用槍警告,她驚得拔足狂奔。早前腳部受傷的楊怡行路時一拐一拐,但仍親身拍跑步場面,不過大動作仍要替身上陣。問到飾演精神分裂病人是否辛苦?楊怡說:「都比較吃力,好彩角色唔使成日喊得好犀利,但就經常有幻覺。」談到男友羅仲謙被指有一名內地富家女友,楊怡笑說:「炒作嘢啫!(信任佢?)都唔需要講信同唔信,今個月係『炒作月』,當幫我哋宣傳囉!」

獎唔嫌多

黃智賢近期經常飾演警探角色,問他會否感到悶時,他說:「警匪片呢類題材好多元化,我都演過八次警察,以我影齡講唔算多,由PC做到警司。」說到有份演出的《雷霆掃毒》結局被爆,多個主角都要死,他指報道並非完全正確,只透露苗僑偉及徐子珊的死與他有關。問到去年奪得台慶男配角的他有否信心今年冧莊?他說:「獎冇人嫌多,好似甜品咁,不過其實我已經好飽,有埋甜品咪搓住個肚囉!」

笑對恐嚇

談到有人在微博留言恐嚇,黃智賢笑說:「會當佢哋開玩笑,我打算介紹一件頭醫生畀佢!」在新劇中經常跟林峯抗衡,問到會否覺得Fans看得太肉緊才留言恐嚇,他說:「我感受到Fans嘅力量,感受到瘋狂嘅愛,有反應係好事,但總會有明智嘅觀眾識得分辨。」

《仁心解碼2》楊怡用雙手叉李綺雯頸部,兩人七情上面。
楊怡用雙手叉李綺雯頸部,兩人七情上面。

《仁心解碼2》(左起)黃智賢、楊怡
(左起)黃智賢、楊怡

《仁心解碼2》傳男友羅仲謙有一名內地女友,楊怡笑言當炒作。
傳男友羅仲謙有一名內地女友,楊怡笑言當炒作。

《仁心解碼2》在劇中患精神分裂症的楊怡「鍊」死李綺雯。
在劇中患精神分裂症的楊怡「鍊」死李綺雯。

《仁心解碼2》黃智賢拔槍警告,楊怡受驚狂奔。
黃智賢拔槍警告,楊怡受驚狂奔。

《仁心解碼2》黃智賢拔槍警告,楊怡受驚狂奔。

謙仔爆緋聞楊怡避記者

正趕拍無綫新劇《仁心解碼2》的楊怡,前晚與劇中老竇李家鼎、黃智賢及李綺雯等,到深水埗一條後巷拍攝一場謀殺戲。

該場戲講述楊怡與李綺雯於後巷發生爭執,最後李家鼎到場,不慎錯殺李綺雯。飾演警察的黃智賢其後趕到,知道李綺雯被殺,便拔槍準備拘捕李家鼎。楊怡為保護老竇鼎爺,不惜以身體擋着黃智賢,拖着鼎爺逃離現場。

不過,現場所見楊怡十分錫身,連簡單的逃跑鏡頭,都要用替身代跑。不用埋位的楊怡,更躲於後巷暗角位,似乎是刻意逃避現場記者 追問有關男友羅仲謙的緋聞。

此外,前晚拍攝外景時亦發生不少「蝦碌」情況,黃智賢追捕鼎爺及楊怡時,不慎跌了手槍,狀甚尷尬。
仁心 解碼 II 楊怡 老豆 狂斬 全家 播足 足兩 兩次
PermaLink: https://articles.zkiz.com/?id=282511

擊退小三蔡思貝楊怡恨嫁謙謙 睇樓盤好事近

1 : GS(14)@2015-04-06 00:23:50





■楊怡噚日晏晝喺紅磡睇完緻藍天樓盤去停車場攞車,恨嫁恨到出晒面,話想同男友羅仲謙結婚。


【紅磡】今年35歲嘅楊怡同細佢五年嘅羅仲謙拍拖三年,有傳好事近,會喺今年八月拉埋天窗;但呢排盛傳新一代「發電廠」蔡思貝明目張膽姣媾謙謙,激到楊怡要趕男友離開自己喺將軍澳嘅寓所兼推遲婚期。不過,謙謙不嬲冧女招數多,好快就「降服」楊怡成功箍煲。噚日有讀者喺紅磡售樓處見到楊怡同謙謙一齊排隊,準備買將軍澳日出康城嘅緻藍天新樓盤。據悉,嗰個樓盤主打三房及四房,三房入場費603萬,比起近年高企樓市屬平盤,首日發售吸引過千人排隊。楊怡和謙謙噚日一早蒲頭,讀者李先生表示,朝早十點半左右,見到佢哋兩個戴住眼鏡、帽同口罩,同普通市民一樣喺最低層開始排隊,因為噚日天氣頗熱,但兩人就由頭包到實,似足焗桑拿咁,反而仲引人注目。李先生話當時佢哋兩個身邊仲有其他人,包括楊怡媽咪同經理人嘉莉,羅仲謙就同助手同行。排隊嗰陣謙謙同楊怡都好避忌,全程低頭唔出聲。



■楊怡同謙謙戴晒帽、眼鏡兼口罩,但反而仲令人注視。讀者提供圖片

羅仲謙、楊怡資料圖片


■有傳蔡思貝(圖)早前姣媾謙謙,激嬲正印女友楊怡。資料圖片

「我都想呀」

大概晏晝四點半,本報記者發現楊怡同經理人現身停車場,一身小雲look嘅楊怡狀甚輕鬆行去攞佢架80多萬元嘅Range Rover越野車,問佢係咪買樓?佢有啲失望咁話:「冇買到呀,我睇之嘛。」準備結婚用?楊怡完全唔掩恨嫁心情:「下年結婚?冇咁快呀嘛,我都想呀!哈哈!」佢話打算買樓投資用,再追問係咪同謙謙一齊買樓?佢就話:「你問佢喎,我唔知,大家都係投資啫。我同經理人,仲有媽咪一齊睇。」然後禮貌揮手,同記者講Bye Bye,明顯心情靚到爆!採訪、攝影:徐錦池、陳辰





來源: http://hk.apple.nextmedia.com/entertainment/art/20150405/19101651
擊退 小三 三蔡 蔡思 思貝 貝楊 楊怡 怡恨 恨嫁 謙謙 樓盤 好事
PermaLink: https://articles.zkiz.com/?id=289264

楊怡甜笑期待謙謙愛的宣言

1 : GS(14)@2015-10-07 01:51:15

■黃長興抱B女出席活動,他謂有計劃追多個。


日前本報拍得楊怡與男友羅仲謙蜜遊台灣夜市,昨日楊怡在青衣城出席「BB爬行大賽」時,表現風騷,主動提到台灣之旅,她表示:「非常好玩,今次我去台灣有去探班嘅,我係同朋友去,謙仔喺嗰邊拍緊電影。」楊怡謂前後逗留六天,並非每日陪住男友,自己也有跟友人外出玩。專程飛台灣探班,楊怡指有朋自遠方來當然會開心,連自己都覺得開心,因為可以放假,問她是否好事近?楊怡說:「都係好事近,就嚟聖誕節,好開心,冇話係咪好事近,如果台慶有獎攞,我就係好事近。」如獲獎會否講愛的宣言?她笑言會考慮,再問會否期待由謙仔講?她甜笑說:「我好多嘢都期待,好似台慶有獎。」至於同場的黃長興就帶同歲半囡囡晞桐現身,他透露有意再追多個BB。採訪:馬建華攝影:仇志德



■楊怡昨日提到謙謙不時甜笑,有問必答。

■楊怡日前與謙謙拍拖遊台灣。



來源: http://hk.apple.nextmedia.com/entertainment/art/20151005/19320755
楊怡 怡甜 甜笑 期待 謙謙 愛的 宣言
PermaLink: https://articles.zkiz.com/?id=292809

胡定欣奪獎 楊怡嬲豬拒再合作?

1 : GS(14)@2015-12-17 09:36:26

台慶頒獎禮,其實同辦(扮)工室政治一樣,都係遊戲一場。所以羅家英戥愛妻汪明荃拎唔到視后感不值、於微博暗示係權鬥問題——自前無綫電視製作部戲劇製作總監梁家樹走後,其派系已樹搖葉落:「你明白的。」家英哥對阿姐講。似乎未明白的,是家英哥。不過咁,只得兩套劇叫係做「女主角」(嚴格而言係第二女主角)嘅胡定欣捧走視后係咪好事呢?問得呢個問題,當然想講唔係好事,仲忽然拉埋楊怡落水喎。昨日有周刊報道指,胡定欣封視后之後,楊怡即時向公司傳話,話明唔想再同佢喺工作上有來往。歷史又回到2010年《萬千星輝頒獎典禮》,多得TVB捕捉到楊怡「疑似藐」身旁嘅胡定欣,唔單止同佢冇偈傾,神情仲有啲藐藐地,疑似爆咗句:「你話博咩呀?著到咁!」不過咁,盛傳有離心嘅楊怡,之前回應傳媒問佢點睇自己得獎機會時,就話自己今年成績唔算突出,反而撐胡定欣有好大突破,想對方拎獎咁話喎。講真嗰句,早已有傳下年初約滿嘅楊怡,一心北上掘金,唔肯「加監」續約,所以依家都ok清閒……既然係咁,邊個拎視后對佢而言,其實都已經唔重要,咁又何來傳話唔想同胡定欣合作呢?所以,呢個傳聞,有啲伏。其實胡定欣同楊怡一樣,都係先拎飛躍女藝員、再摘最佳女配角,然後躍升視后嘅「大滿貫贏家」,其演技亦明顯成熟不少,只係同主角欠了點緣。但講到緣,相信31歲嘅鍾嘉欣感受更深,一向乖乖女,又同公司續咗8年長約,做到39歲都繼續係無綫人——但今年視后,都係冇佢份。





來源: http://hk.apple.nextmedia.com/entertainment/art/20151217/19415445
胡定 定欣 欣奪 奪獎 楊怡 怡嬲 嬲豬 豬拒 拒再 合作
PermaLink: https://articles.zkiz.com/?id=293967

楊怡轉軚拍網劇

1 : GS(14)@2016-02-08 03:25:28

現年36歲楊怡去年落敗視后,將約滿無綫的她心灰意冷,原打算不續約,叠埋心水嫁給細她5年的羅仲謙,但經高層游說後,近日楊怡似有轉軚迹象答應拍新劇。不過新劇未開工,據知楊怡已推掉工作,事關早前空降藝員科的助理總經理杜之克,同一時間開拍網劇《使徒行者2》,想搵楊怡頂替佘詩曼。杜之克是公司新貴,又與余詠珊老友,權衡輕重下,楊怡當然識得揀!





來源: http://hk.apple.nextmedia.com/entertainment/art/20160206/19481715
楊怡 怡轉 拍網 網劇
PermaLink: https://articles.zkiz.com/?id=295503

古堡婚禮「希望似公主出嫁」羅仲謙高呼太太 楊怡冧晒

1 : GS(14)@2016-03-28 14:16:09

■羅仲謙和楊怡昨日一出機場已笑着接受在場的傳媒祝福,楊怡戴在左手的巨鑽婚戒非常搶眼。


新婚的羅仲謙和楊怡昨日終於由英國飛回香港,約下午3時半,心情大靚在機場笑住手拖手接受傳媒祝福,但現場混亂,擾攘5分鐘才能做訪問。榮升羅太的楊怡左手無名指戴上巨鑽婚戒,估計主石約3卡,四邊鑲滿鑽石,sweet爆的她說:「呢啲嘢幾多卡唔緊要。」兩人不肯透露求婚過程,只說是在今年,楊怡感動到喊。問楊怡事前知不知?謙謙搶答:「知道我咪好失敗?」突然結婚是否奉子成婚?楊怡大反應謂:「唔係啩?咁快,我條腰今日好似22吋。」



■昨日機場有近百傳媒採訪,一度引起混亂。

■(左起)楊卓娜與老公和謙謙的爸爸隨後出閘。

■楊怡昨日在微博貼相放閃。



在港補擺酒

問是否已簽紙註冊,他們說:「當去旅行,一行十幾人左右,希望雙方家長見面,有甜蜜、美好回憶。」兩人透露會在香港補擺喜酒,但未必會返圍村。問到當日愛的宣言?謙謙笑言:「講英文㗎喎,唔好啦,而家講會甩甩漏漏。」謙謙解釋為何到英國利茲普城堡結婚:「因為我鍾意英國嘅古典氣氛,同埋我希望太太好似公主咁出嫁。」楊怡冧爆甜笑說:「多謝。」問到婚禮費用?謙謙說:「唔重要啦,最重要係令太太開心就OK。」楊怡直言仍未習慣被叫羅太,問她與無綫續約成數時,她搞gag謂:「今年擺酒成數一定高。」是否趕生B?她說:「都唔係咁急啫,順其自然。」謙謙補充:「我太太都唔急我急乜嘢?」謙謙之後要出外開工,可擔心新婚就分開?楊怡說:「幾好吖,我唔使偷偷摸摸。」二人承認已同住,臨離開謙謙應記者要求錫了楊怡額頭兩次,之後一齊返將軍澳寓所。


■有讀者透過本報「爆相爆片」,影到羅氏夫婦前晚現身英國希斯路機場。讀者提供圖片


返家後,楊怡立刻更新微博再放閃,貼二人手牽手的婚紗照並寫:「將踏入人生另一階段,謝謝你從此牽着我走……」胡定欣、胡杏兒等留言祝賀。之後羅仲謙回覆:「羅楊怡,謝謝你的愛。」另外,讀者Man昨透過本報「爆相爆片」,提供一張羅氏夫婦等前晚6時許在英國希斯路機場的相片,Man透露他們乘坐的並非經濟客位。採訪、攝影:黃曉妍、畢紹基、馮嘉銘、葉君海、黃曉程、吳耀輝、徐錦池





來源: http://hk.apple.nextmedia.com/entertainment/art/20160328/19546958
古堡 婚禮 希望 公主 出嫁 羅仲 仲謙 高呼 太太 楊怡
PermaLink: https://articles.zkiz.com/?id=298640

放閃肉麻晒不停 謙謙楊怡微博繼續甜

1 : GS(14)@2016-03-28 14:16:10

羅仲謙唔識冧女?你呃人,講大話!羅仲謙同楊怡早前喺英國秘婚,昨日返港接受大批傳媒追訪,返屋企冇耐就喺微博到po咗張婚紗相,仲寫住「羅楊怡!謝謝你的愛」。嘩!冠埋夫姓喎,就算佢哋對註冊一事模稜兩可都好啦,其他人都叫你羅生羅太㗎喇!楊怡都喺微博Po同一張婚紗相話「將踏入人生另一階段,謝謝你從此牽著我走......感謝大家對我們的祝福」,真係好sweet呀!早前謙謙更加被發現ig淨係follow咗楊怡一個,昨日淨係講「羅楊怡」呢三隻字,已經冧爆老婆喇,之前仲話唔識o氹女仔喎!所以話,越係話自己唔浪漫嘅人,通常先係最浪漫。最近有唔少網民表示女友都要求自己學謙謙咁,淨係follow自己一個,你話謙謙你係咪做壞規矩.......





來源: http://hk.apple.nextmedia.com/entertainment/art/20160328/19547418
放閃 肉麻 不停 謙謙 楊怡 怡微 微博 繼續
PermaLink: https://articles.zkiz.com/?id=298643

羅仲謙楊怡齊穿adidas NMD 拖手現身機場

1 : GS(14)@2016-03-28 14:16:13

新婚的羅仲謙同楊怡,昨日終於由英國飛回香港,兩日拖手現身機場,謙謙更不時主動搭住楊怡肩膊,非常sweet!雖然兩人冇刻意配襯造型,不過就同樣穿上近期大hit的adidas NMD波鞋,非常緊貼潮流。謙謙着上黃色NMD波鞋,配襯黑白色Appe by Bathing Ape外套,再加一個黑色大backpack,一身潮童造型;楊怡就以黑皮褸及闊腳牛仔褲,襯灰色NMD波鞋,揹了一個拼色Celine Trapeze手袋,架上黑超,大晒手上份量大足的鑽戒,好閃!更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20160328/19547417
羅仲 仲謙 謙楊 楊怡 怡齊 齊穿 adidas NMD 拖手 現身 機場
PermaLink: https://articles.zkiz.com/?id=298649

杏兒撐楊怡離無綫

1 : GS(14)@2016-03-31 14:49:00

■胡杏兒昨出席樂視發佈會,以貼身中空裙晒身材。


胡杏兒昨日於九龍灣出席樂視發佈會,穿上綠色貼身中空長裙是否要做索爆人妻?杏兒笑說:「要㗎!就算生咗BB之後都要努力靚。」提到好姊妹楊怡跟羅仲謙結婚,她說:「戥佢開心,幾好呀!我嗰group好幾個未結,希望快啲去飲,做姊妹。」下一個會否到胡定欣結婚?她說:「好難講,個個都叫糊,都睇好,都有chance。」會否怕楊怡爬頭生B?杏兒笑說:「唔驚,開心事,請飲一定要請我,等佢張帖。」她更拍拍肚皮謂會努力。談到楊怡即將離開無綫,杏兒說:「呢個係循環,十幾年,離開唔係終結,轉吓環境,生活上嘅轉變,一定會發生,而且TVB好多新花旦,係好事,大家有不同發展。」採訪:羅慧敏攝影:沈健程





來源: http://hk.apple.nextmedia.com/entertainment/art/20160331/19550921
杏兒 兒撐 撐楊 楊怡 怡離 離無
PermaLink: https://articles.zkiz.com/?id=298882

馮仁昭四圍超:陳展鵬祝福謙謙楊怡

1 : GS(14)@2016-03-31 14:49:00

陳展鵬噚日同區瑞強、劉丹等喺粉嶺出席「保良局慈善哥爾夫球賽」,講到無綫小生花旦流失,楊怡又約滿賺人仔,展鵬話:「唔知,希望佢同羅仲謙開心快樂。其實而家栽培好多新人,阿怡、鍾嘉欣同胡杏兒都搵到好歸宿,男人就以事業為上。」另外區瑞強話最初係同曾志偉、譚詠麟、陳百祥學打波,志偉健康好咗,唔使成日飲醉俾人抬走。撰文:馮仁昭





來源: http://hk.apple.nextmedia.com/entertainment/art/20160331/19551117
馮仁 仁昭 四圍 陳展 祝福 謙謙 楊怡
PermaLink: https://articles.zkiz.com/?id=298883

楊怡嘆內地童生活艱難

1 : GS(14)@2016-05-08 14:54:05

楊怡與吳卓羲昨在銅鑼灣出席「樂施米義賣大行動」開幕禮,現場播放講述兒童掛念離鄉打工父母心情的短片,楊怡看後感觸落淚,她說:「我都算係單親家庭長大,爸爸早走,媽咪改嫁,我覺得香港係個好好嘅地方,見到內地啲小朋友好艱難,都想出一分力。」今天母親節,吳卓羲表示會親自下廚煮海鮮,與吳媽媽一過齊歡度。





來源: http://hk.apple.nextmedia.com/entertainment/art/20160508/19602298
楊怡 怡嘆 內地 生活 艱難
PermaLink: https://articles.zkiz.com/?id=300095

楊怡唔驚謙謙被睇蝕

1 : GS(14)@2016-05-22 12:16:12

■楊怡(左)與回港過暑假的上山女兒Hilary出席代言活動,頻頻賺錢。


楊怡和上山詩鈉女兒Hilary昨日在觀塘出席代言的跳舞學校活動,楊怡自言喜歡做運動,問到若跟新婚丈夫羅仲謙一起做運動,可怕他穿貼身褲被其他學員睇蝕?她說:「謙仔可以一齊學,做運動係着呢啲褲,佢過到自己嗰關就得。」她稱不會呷醋,笑說:「有嘢梗係公諸同好。」而這次是楊怡離開無綫後第一個代言工作,酬勞可以全數歸自己,問她酬勞是否豐厚?她說:「開心滿意價,以前同而家都係開心嘅。」而Hilary趁暑假回港工作,稱美國生活費昂貴,要幫補母親家計,但不會刻意接穿比堅尼的工作。她不久前才與男友分手,否認回來散心,也不急於拍拖,更說:「之前拍拖兩年,覺得二人唔係好啱,所以分開,但大家仲係朋友有聯絡。」採訪:王連連攝影:仇志德





來源: http://hk.apple.nextmedia.com/entertainment/art/20160522/19622441
楊怡 怡唔 唔驚 謙謙 被睇 睇蝕
PermaLink: https://articles.zkiz.com/?id=301092

首度夫妻檔袋6位數酬勞謙謙啜低胸楊怡 10.2補擺婚宴

1 : GS(14)@2016-06-01 11:36:57

■羅仲謙和羅太楊怡昨首度以夫妻檔揾錢。


楊怡同羅仲謙今年3月在英國秘密註冊結婚後,昨日首度以夫妻檔出席銅鑼灣一間美容中心開幕,楊怡穿上紅色低胸裙示人。有傳今次夫妻檔酬勞有6位數,謙謙笑指兩人價錢一定比一人貴,楊怡則謂:「一定有6位。」



■楊怡昨日低胸現身活動,「愛妻號」謙謙笑言婚後好愉快。

■謙謙和楊怡今年3月秘密在英國註冊結婚。資料圖片

■吳卓羲和陳敏之將會擔任兄弟和姊妹。資料圖片



「盡擺50圍左右」

活動中,謙謙和楊怡公佈將於10月2日在香港The Ritz Carlton補擺婚宴,問到設多少席?謙謙笑說:「盡擺啦,40、50圍左右!」他透露婚宴主題要有古堡感覺,並有意找吳卓羲、王浩信做兄弟,楊怡說:「會搵伍詠薇、陳敏之做姊妹,馬賽同唐詩詠都話自薦。」而司儀林盛斌(Bob)更叫楊氏伉儷預演婚宴,謙謙於是錫錫老婆面頰,還轉到不同角度遷就記者拍攝。記者笑指以為二人宣佈「造人」成功,謙謙即說:「下次,下次再宣佈。」是否努力「造人」中?楊怡直言一切隨緣,待婚宴後才計劃生B。



「有BB可以自由啲」

現時是自由身的楊怡,她笑謂已簽了給老公謙謙,說:「佢咁頻撲係因為要搵錢,其實有適合,我都會拍,希望能夠睇多啲嘢,如果有BB都可以自由啲。」謙謙即說:「佢主力係休養身體。」會否效法佘詩曼開工作室?楊怡說:「我係初哥,叫我搞未必識處理。」問到為何沒帶婚戒?楊怡說:「我哋係唔慣帶嘢嘅人,工作時寧願放喺屋企。」此外,早前有位網上電台節目《恐怖在線》聽眾指見到謙謙車頂上兩個疑似膠公仔識揮手,他們表示搬到新居住得很舒適,並笑言要祝福該聽眾。採訪:黃曉妍攝影:葉君海





來源: http://hk.apple.nextmedia.com/entertainment/art/20160601/19635496
首度 夫妻 檔袋 位數 酬勞 謙謙 啜低 低胸 胸楊 楊怡 10.2 補擺 婚宴
PermaLink: https://articles.zkiz.com/?id=301607

楊怡為Now站台:眼界多啲

1 : GS(14)@2016-06-20 05:45:24

林海峰、鄭中基、楊怡及樂基兒等,昨日在尖沙嘴出席nowTV公佈第三季節目內容活動,楊怡夥拍足球員謝德謙推介體育節目時,直認對謙字特別有好感。離開無綫後首次亮相其他電視媒體的楊怡說:「冇乜唔同,自由身,眼界多啲。」有傳她的死敵胡定欣爭演《溏心風暴3》,楊怡說:「講到宮廷鬥爭咁,劇本啱有機會合作,但我想搞好自己婚禮先。」


■同為人父的林海峰(右)和鄭中基,談起囡囡特別冧。


為活動設計了笑臉圖像的林海峰,談到父親節時說:「佢哋(女兒)可能會畀驚喜我,其實早啲瞓已經係好好禮物。」對於商台DJ當奴早前遇襲,他謂:「而家反而驚點樣網上招呼你,希望我開騷時佢哋湧晒出嚟啦。」鄭中基則透露收到囡囡自製筆座和紙卡領呔禮物。採訪:卓寶花攝影:仇志德





來源: http://hk.apple.nextmedia.com/entertainment/art/20160620/19660893
楊怡 怡為 Now 站臺 眼界 多啲
PermaLink: https://articles.zkiz.com/?id=302258

台灣拍拖斷正 楊怡謙謙行夜市Lynn浸情侶溫泉

1 : GS(14)@2016-08-17 08:01:27

吳若希自從同澳門闊少男友Alex公開戀情,愛得高調,之前蜜遊泰國、峇里,最近仲去咗台灣,其實台灣確係港人旅遊勝地,有唔少圈中愛侶都鍾意去台灣尋開心。胡杏兒李乘德杏兒喺上年1月同剛拍拖冇耐嘅李乘德去台北出席友人婚宴,李乘德仲攬住杏兒,二人更於街頭喪啜,杏兒上年出嫁,成為李太。熊黛林郭可頌熊黛林(Lynn)自2013年4月宣佈同天王郭富城分手後,翌年同郭可盈胞弟郭可頌撻著,前年12月蜜遊台灣四日三夜,出外十指緊扣,更貼面自拍,仲一齊浸情侶溫泉,早前男友求婚成功,有傳二人豪擲2千萬買豪宅築愛巢。楊怡羅仲謙羅仲謙去年10月喺台灣拍電影《泡沫之夏》,女友楊怡人肉速遞飛去當地探班,被影到拍拖行饒河夜市,羅仲謙同楊怡今年3月秘密赴英國搞婚禮。文詠珊吳啟楠有讀者爆料指JM去年6月與富二代吳啟楠蜜遊台灣著名景點十分,二人感情穩定。




來源: http://hk.apple.nextmedia.com/entertainment/art/20160817/19739840
臺灣 拍拖 斷正 楊怡 謙謙 夜市 Lynn 情侶 溫泉
PermaLink: https://articles.zkiz.com/?id=306242

楊怡謙謙10月擺酒

1 : GS(14)@2016-09-01 06:12:28

楊怡和羅仲謙昨日以夫妻檔到尖沙嘴出席嫁囍禮餅活動,適逢是楊怡37歲生日,阿謙送蛋糕獻吻給驚喜,楊怡即場分享過往甜蜜趣事:「有次去迪士尼玩,佢偷偷book房佈置氣球扮唐老鴨。」活動上阿謙又錫又攬,問到是否薪酬高?他說:「我喺屋企都成日會做,都冇錢收。」大前日是阿謙的生日,楊怡並沒送禮,阿謙笑說:「唔使啦!佢都送咗成個人畀我。」造人方面?楊怡說:「日日都做緊,每日工作努力做人,生小朋友隨緣。」兩人將於10月2日在港補辦婚宴,兄弟姊妹團有唐詩詠、馬賽、康華、張美妮、楊卓娜、吳卓羲、馬國明、王浩信及單立文等共18人,阿謙謂玩新郎的底線,是不能弄亂頭髮和污髒。採訪:卓寶花攝影:沈健程




來源: http://hk.apple.nextmedia.com/entertainment/art/20160831/19754655
楊怡 謙謙 10 月擺 擺酒
PermaLink: https://articles.zkiz.com/?id=306924

英國童話婚禮仲未做羅太楊怡謙謙驚爆未註冊

1 : GS(14)@2016-09-06 22:50:56

【英國行禮】■羅仲謙今年3月兌現承諾,為楊怡安排浪漫童話婚禮,但原來二人當時未註冊結婚。資料圖片



羅仲謙和楊怡原來未註冊結婚?二人今年3月在英國肯特郡利茲普城堡(Leeds Castle)舉行童話婚禮,拍拖四年的姊弟戀終於修成正果,當全城以為二人已成夫婦之際,昨日本報記者竟在香港婚姻註冊處發現謙謙與楊怡的擬結婚通知書,原來當日兩口子在英國並未正式註冊結婚,謙謙和楊怡昨日在電話中承認:「我哋喺英國係舉行Wedding Blessing儀式,10月2號先會喺香港擺酒,當日就會正式註冊。」



上月30日滿37歲的楊怡,與32歲的羅仲謙將於下月2日在香港麗思卡爾頓酒店筵開50席大宴親朋好友,他們亦已經開始派發喜帖,由於謙謙和楊怡圈中朋友眾多,屆時他們會宴請不少電視台和電影圈的演藝人。一直以來,大家以為謙謙和楊怡早在今年3月在英國已經完婚,因為當時有一張二人身穿結婚禮服,跟雙方家長合照的相片流出,而他們結束英國之旅返港後,楊怡左手無名指亦已戴上閃爆婚戒,謙謙又以「太太」尊稱身邊的楊怡,所以大家都誤以為他們已經在英國正式註冊結婚。



【排期文件】■本報昨日發現謙謙和楊怡的擬結婚通知書。攝影:黃曉妍

【喜帖曝光】■一對新人的喜帖採用紫底白字,十分浪漫。

【隱瞞父母】■謙謙和楊怡3月在英國行禮時,雙方父母都有同行,謙謙昨指當日只是wedding blessing!


上月交結婚通知書

不過,本報記者昨日在金鐘婚姻註冊處,發現謙謙和楊怡在上月24日才遞交擬結婚通知書,驚爆二人原來仍然未註冊成為合法夫妻,記者昨日致電謙謙和楊怡查證,他們回覆說:「我哋喺英國係舉行Wedding Blessing儀式,10月2號先會喺香港擺酒,當日就會正式註冊。」在英國舉行的Wedding Blessing,並非一個正式註冊手續,外國亦非常流行,據知謙謙向楊怡求婚之後,一直希望太太可以好似一個公主般出嫁,所以謙謙向楊怡提出英國之旅,兩口子計劃了一段時間,秘密計劃一個英國小型婚禮,對兩家人訛稱是一齊去英國旅行,抵達古堡後,才告知家人喜訊,跟最愛的家人一同分享喜悅。



■楊怡和謙謙經常孖公仔
英國 童話 婚禮 仲未 未做 做羅 羅太 太楊 楊怡 謙謙 驚爆 註冊
PermaLink: https://articles.zkiz.com/?id=307820

楊怡謙謙過大禮山珍海味堆到冚

1 : GS(14)@2016-09-09 05:36:49

■楊怡和羅仲謙上周五過大禮,禮物堆積如山,十分誇張。



楊怡和羅仲謙下月2日將在香港麗思卡爾頓酒店擺酒宴客,上周五他們依照傳統過大禮,在圍村長大的謙謙特別注重傳統,除了嫁喜餅是贊助,其他的山珍海味、紅酒和豬牌金器都是謙謙細心為阿怡準備。



■謙謙昨在Ig放閃,貼楊怡為自己慶祝生日相。

當日阿怡在家中等候,親自在家中佈置,在過大禮期間,她一直留在房中,家人接過大禮後,阿怡推開門見到堆積如山的禮物,即場嚇了一跳,繼而笑逐顏開,還笑笑口說:「終於嫁得出。」另外,昨日謙謙還在Instagram放閃,上載了二人的慶生照,相中的阿怡錫錫生日的謙謙,謙謙手上捧着蛋榚,開心滿瀉。撰文:非非




來源: http://hk.apple.nextmedia.com/entertainment/art/20160909/19764783
楊怡 謙謙 大禮 山珍 海味 堆到 到冚
PermaLink: https://articles.zkiz.com/?id=308350

楊怡玩透視做真空米

1 : GS(14)@2016-09-18 10:51:53

楊怡、鄭嘉穎和吳卓羲昨日在尖沙嘴出席洪天明夫婦等人開設的公司宣傳活動,當中以楊怡前deep V、後露背的透視裙最搶鏡,她笑指是「真空米」。



■鄭嘉穎不排除年底轉戰內地的可能性。

有傳鄭嘉穎年底約滿無綫轉戰內地,他直認有香港及內地公司找過他,「內地發展比較蓬勃,我唔排除呢個可能性。」曾指女友陳凱琳演技是小學雞起步,問他有否看女友在《巨輪II》演出?他說:「每個成熟演員都要時間,冇可能拍兩年就視后級。」並恭喜宣佈陀B女的謝安琪。採訪:黃曉妍攝影:陳慧安




來源: http://hk.apple.nextmedia.com/entertainment/art/20160918/19773650
楊怡 怡玩 透視 真空
PermaLink: https://articles.zkiz.com/?id=309589

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019