ZKIZ Archives


唱《好心分手》憑歌寄意林雅詩哭訴老公唔肯離婚

1 : GS(14)@2015-11-13 08:44:20

■林雅詩昨日谷胸現身,喊住表示對溫文英已死心。


性感女星林雅詩的老公溫文英最近疑出軌斷正,與人妻Grace Wong在街頭攬錫。林雅詩昨日穿上tube dress,谷胸現身淺水灣舉行的「香港燒烤節」,她心情明顯沉重,在台上獻唱《好心分手》時有點哽咽。她直言是憑歌寄意,並說:「大會安排咗兩首歌,一首輕快啲,但我揀咗《好心分手》。」林雅詩透露已透過律師搞離婚,但老公冇反應,她說:「我有問過佢(小三),但佢唔認,好失望,佢話:『係個女仔舂埋佢,唔通我推開人咩?』」被問老公有沒有氹她?林雅詩喊住搖頭,身旁的經理人即遞上紙巾,是否已死心?她說:「死心嘞!」是否不能挽回?她說:「唔係咁答我囉,唔承認自己啲嘢,好無稽。」



■受訪其間林雅詩情緒激動,經理人在旁照顧。

■林雅詩爆溫文英不肯協議分居,她希望照顧兒子。資料圖片


■在台上保持微笑的林雅詩(中)與眾嘉賓一起祝酒,未見有異樣。

「淨係想要番個仔」

有爆料指Grace Wong有老公及女兒,林雅詩「唔」了兩聲,並謂:「近排聽得太多嘢,自己瞓得唔好,之後接到好多冇來電嘅騷擾電話,打嚟唔出聲。」懷疑邊個?她說:「我冇諗。」林雅詩與溫文英的兒子今年已經10歲,小朋友知道父母感情出現問題,林雅詩直言好想自己照顧兒子,但老公仍未肯協議分居。問是否擔心被分身家?林雅詩又再爆喊謂:「唔知,我淨係想要番個仔。」早前林雅詩在潘紹聰的《恐怖在線》爆老公買佛牌後性情大變,林雅詩解釋:「唔止呢樣嘢,大家都睇到佢做咗啲咩,綜合所有嘢先有咁結果。佢話第一次見個女人,第一次見就咁?即係好有問題囉,解釋好荒謬。」她直言現在心情難以平復,但仍會繼續工作,問到經濟可有困難?她說:「OK,媽咪會幫我take care個仔,我可以照顧到自己。」之後林雅詩合十雙手,結束訪問。採訪:黃曉妍攝影:沈健程





來源: http://hk.apple.nextmedia.com/entertainment/art/20151113/19370328
好心 分手 憑歌 寄意 林雅 雅詩 哭訴 老公 唔肯 離婚
PermaLink: https://articles.zkiz.com/?id=293836

【迎猴年】為囝囝變女強人林雅詩洗走負能量

1 : GS(14)@2016-02-08 03:24:48

■去年經歷老公疑似偷食兼婚變的林雅詩,日前提早去浸浴洗走負能量。攝影:陳志嵐


去年因老公疑似出軌斷正,決心斬纜結束10年婚姻的林雅詩(Grace),回復單身後一直努力工作賺錢,決意獨力撫養兒子,今日是年廿八洗邋遢,所以她提早跟足農曆新年習俗,實行浸浴洗走霉氣應節。雖然拍攝當日正值強烈寒潮持續襲港,不過Grace一於冇有怕,希望在猴年有一個新開始。撰文:何慧斯



還有兩日就是農曆新年,現時獨力撫養兒子的林雅詩,復出後馬不停蹄頴銀,但新年習俗仍會做到足,她說:「我會繼續派利是㗎!我覺得呢樣係開心事,今年我會安排一個family trip畀囝囝、媽咪同Uncle、細佬同埋佢女友,雖然我囝囝都試過同婆婆一齊去旅行,但係今年我想更加warm啲、熱鬧啲,亦希望囝囝唔會覺得有太大轉變,好彩佢都OK,我仲同囝囝講農曆年會陪佢多啲,希望可以有8、9日時間陪佢,所以新年前要趕晒所有工作。」



逃出離婚陰霾

由全職主婦變做身兼家庭和事業的媽媽,面對這個轉變,Grace努力工作賺錢的同時,亦不會忽略照顧囝囝,她坦言是自己和兒子的一個學習的好機會:「而家佢對我啲工作好有興趣,好似前排我上咗內地拍電影,我哋成日都視像,我都有畀現場啲嘢佢睇,佢都好似好奇同好有興趣。」她還說:「仲有一次我約咗一班好耐冇聯絡嘅小學同學聚會,我囝囝經過我食飯嘅地方,好開心話想上嚟搵我,仲要同啲auntie傾到唔捨得走,以前佢唔會咁樣,可能佢想我多啲時間陪佢,亦都想了解我做緊乜,所以你問我,而家對我哋嚟講,係一個好好學習,教識佢做嘢係咁樣,畀佢睇吓原來媽咪做嘢係咁。」



■浸浴前,林雅詩預先準備好浴鹽放進浴缸。

■林雅詩銳意過新生活獨力養子,希望新一年沖走霉氣。

■一向愛錫囝囝的林雅詩,上月被拍到帶兒子去掃玩具。資料圖片



已經走出離婚陰霾的Grace,無論在工作和生活態度上都明顯樂觀和積極,她有感而發地說:「經過呢個情況,嘗試過好唔開心,情緒好低落同失控、爆喊,仲要做啲好儍嘅嘢,但係我覺得係時候要企出嚟,做一個強壯啲嘅女人同媽咪,唔想畀小朋友有太多負能量。我真係好感恩,身邊好多朋友好錫我,又幫我搵工,嚟緊我會有啲大計,好似會出飲食書,教人做小朋友餐盒,又會做吓啲關於飲食嘅網上節目,仲有做飄移車手。」場地提供:VEGAS360





來源: http://hk.apple.nextmedia.com/entertainment/art/20160206/19481570
猴年 為囝 囝囝 囝變 女強人 林雅 雅詩 詩洗 洗走 走負 能量
PermaLink: https://articles.zkiz.com/?id=295491

林雅詩恐囝囝有陰陽眼

1 : GS(14)@2016-03-05 01:12:14

林雅詩和亞視前藝人楊正軍前晚現身奥海城舉行電影《施壓者Bully》,主演的林明禎妹妹林詩枝和董寶茜則低胸壓場,爭取曝光率。《施壓者Bully》是懸疑片,林雅詩說:「其實自己都好鍾意睇懸疑同鬼片,十幾年前都拍過,自己接觸過啲靈體,都幾驚,好似自己出埠都見過,見到透明人物體,自己屋企見過,細佬有陰陽眼。」她擔心囝囝都遺傳到:「囝囝同我講佢見到半透明人好驚,之後搵過好多宗教做過唔同儀式,好彩而家跟鄧萃雯返教會,都有叫小朋友去,囝囝仲勤力過我,定時返之餘,仲叫我多啲返。」另外,楊正軍上個月已經離開亞視,有傳亞視想在最後一日做亞姐,他表示不介意以兼職形式為亞視服務到最後一刻。採訪、攝影:張俊銘





來源: http://hk.apple.nextmedia.com/entertainment/art/20160303/19513409
林雅 雅詩 詩恐 恐囝 囝囝 囝有 陰陽
PermaLink: https://articles.zkiz.com/?id=296730

聞帶仔探入院前夫呆晒林雅詩行騷強顏歡笑

1 : GS(14)@2016-03-14 01:43:51

■林雅詩離婚後密密工作,昨日為婚紗騷披嫁衣,百般滋味在心頭。


林雅詩(Grace)自去年與老公離婚後,密密工作搵銀,昨日在灣仔會展為婚紗騷活動行騷,其10歲囝囝及媽媽也有前來撐場,不過二人都低調戴上口罩,當傳媒邀請他們與Grace合照但遭拒絕。
Grace提到帶兒子看她工作,問到之前她前夫入院,她帶兒子探望時她即呆了,並強顏歡笑,臉部更現抽搐:「係,佢OK嘅,普通身體檢查,因為年紀大,之前太忙,有幾個月冇見。」記者問到囝囝會否掛念爸爸?會否有復合機會?她表示:「佢冇刻意講,知佢哋有WhatsApp聯絡。應該唔會,我呢邊嘅手續已經搞晒,差佢嗰邊未搞,我控制唔到。」



■徐淑敏表示結婚10周年會再着婚紗慶祝。

■已有三女的徐淑敏,與小女孩行婚紗騷駕輕就熟。

■蔣怡昨與小女孩行騷,她透露白色情人節會與囡囡過二人世界。



Suki婚紗留給囡囡

另外,兩位媽咪徐淑敏(Suki)及蔣怡則在鑽石山,為以紙巾做物料的婚紗活動行騷,大會安排了小朋友與她們一齊表演。已是三女之母的Suki更露背真空上陣,她表示:「有六、七年冇着婚紗,我希望將件婚紗留畀囡囡,將來可以加啲嘢畀佢用,自己就計劃結婚十周年再着婚紗。」Suki透露已約定老公四年後的11月15日再披嫁衣。問到蔣怡會否覺得紙巾製的婚紗不環保?她說:「唔覺得喎,因為佢哋本來都係用多出嚟嘅物料做嘅,同埋知道會去啲比較窮困嘅地方,畀啲將會結婚嘅女仔再着嘅,覺得好有意義。」採訪:王連連攝影:陳俊強、陳慧安





來源: http://hk.apple.nextmedia.com/entertainment/art/20160313/19527138
聞帶 帶仔 仔探 入院 前夫 呆曬 曬林 林雅 詩行 強顏 歡笑
PermaLink: https://articles.zkiz.com/?id=297812

林雅詩荔園鍊車:啱新手玩

1 : GS(14)@2016-07-17 15:41:38

■林雅詩自言在內地曾深造過飄移技術,覺得電動車速度一般。


荔園再次重開,今次移師亞洲國際博覽館,名為「荔園Super Summer2016」的活動現已開幕,開放至下月7日止,當中最吸引的要數在露天車場玩的XRace電動高卡車。由德國設計師設計的一條650米長室外賽道,配合德國RiMO電動車,在香港限速為50km。昨日主辦單位舉辦試玩會,本報找來林雅詩試玩,參加者須年滿18歲及身高達1.5米,開始前要參加簡介會了解旗號。高卡車還規定不論男女,長頭髮都要紮起,所以長頭髮的雅詩要將頭髮收入頭盔內,防止長頭髮捲入摩打產生意外,而圍巾、頸鏈一概不准戴,還要穿有袖衫和及膝褲。戴頭盔前工作人還提供浴帽,既安全又衞生,玩之前要簽免責聲明。林雅詩自言平時在馬路開車都不會太快,但到過內地學過飄移,昨日在第一個圈賽道上車手都很斯文。經過三個圈後,雅詩造出1分15秒時間最快圈速,排行第8。而排第一位的車手最快圈速是57秒。



■林雅詩昨日試玩前除了要紮起頭髮外,還要簽免責聲明。

■林雅詩以1分15秒最快圈速,排行第8。



多彎加速驚撞


林雅詩試玩完後說:「以前有玩開高卡車,所以有經驗,不過今次可能係電車關係,所以覺得車速唔係好快,賽道設計多彎,令到速度都慢咗,幾次想加速都加唔到,而且路窄所以都唔係好敢超車,驚有碰撞,呢條賽道啱啲新手,都幾好玩。」
XRace每次收費280元,可以玩一節約45分鐘,大會更特設最快圈速獎,整個活動中圈速最快的一位,可以獲得首屆國際汽聯電動方程式錦標賽第三季分站賽、香港電動大獎賽Grand Stand門票兩張。另外,場內還有碰碰車、吸蕉大笨象及我要射波等機動及攤位戲遊戲,入場門票由140元至180元不等,長者半價。採訪:曹家誠攝影:陳順禎



■荔園除機動遊戲,還有不少攤位遊戲可供選擇。

■小朋友喜歡玩的攤位遊戲還有毛公仔做獎品。



來源: http://hk.apple.nextmedia.com/entertainment/art/20160716/19696778
林雅 雅詩 荔園 鍊車 新手
PermaLink: https://articles.zkiz.com/?id=303959

林雅詩上凸下傷

1 : GS(14)@2016-08-21 08:11:10

■身穿超低胸裙的仙樂都,自爆暴肥升cup。

林雅詩、吳堯堯(仙樂都)及陳蕊蕊等,前晚在銅鑼灣出席電影《絕地戰場》慈善首映,林雅詩和仙樂都性感現身搶風頭,不過林雅詩左膝包紮了紗布,原來是拍戲受傷,她說:「噚日拍《功夫之王》,喺10幾呎高夾住舞獅用嗰支樁,好似跳鋼管舞咁,但就喺上面跣咗落嚟,扭傷咗,而家仲有少少痛,呢兩日要上船唱歌,下星期再拍。」以超低胸裙現身的仙樂都,上圍凸出,她說:「之前喺越南拍劇食肥咗5磅,由細碼變中碼,上圍升cup,而家D cup再多啲,啲鈕就爆,要努力減肥。」採訪:羅慧敏攝影:陳志嵐




來源: http://hk.apple.nextmedia.com/entertainment/art/20160821/19744299
林雅 雅詩 詩上 上凸 凸下 下傷
PermaLink: https://articles.zkiz.com/?id=306758

林雅詩被航拍機撞傷

1 : GS(14)@2016-09-04 18:03:47

林雅詩昨日在中環出席「廠商會好聲音2016總決賽」,她的手臂包着繃帶,肩膊、頸和腳都有不少傷痕,她透露因為早前拍電影《功夫之王》時,不慎被航拍機撞傷,她表示雖然已打了破傷風針及服食消炎藥,但手臂位置仍有發炎含膿,現時要暫時停工,她亦因此而推掉了一部酬勞有5位數字的內地網絡電影。有否向劇組要求賠償?她表示復工先再傾。




來源: http://hk.apple.nextmedia.com/entertainment/art/20160904/19759126
林雅 雅詩 詩被 航拍 撞傷
PermaLink: https://articles.zkiz.com/?id=307471

林雅詩爭撫養權落淚

1 : GS(14)@2016-09-10 13:54:45

■林雅詩昨日現身灣仔法院為囝囝撫養權上庭。



林雅詩(Grace)昨日現身灣仔法院,跟溫文英為囝囝撫養權上庭。大約早上11時,Grace由律師陪同下離開法院,起初她還強顏歡笑,不過當問到官司進展時,她已眼泛淚光:「我同囝囝而家都好擔心個情況,今次嘅情況唔係咁好,但詳情唔可以講太多。」問到是離婚抑或撫養權方面出現問題?Grace說:「其實所有嘢都包括在內,但而家情況有啲唔同咗,我哋暫時溝通唔到,暫時都未有結果。」訪問中段,Grace已哭成淚人,特別問到是否擔心囝囝撫養權時,更是泣不成聲,她說:「我交畀律師去處理,囝囝由細到大都係我湊佢。」採訪:曹家誠攝影:仇志德




來源: http://hk.apple.nextmedia.com/entertainment/art/20160910/19765930
林雅 雅詩 詩爭 撫養權 撫養 落淚
PermaLink: https://articles.zkiz.com/?id=308508

林雅詩陽光下解放

1 : GS(14)@2016-10-16 08:20:08

林雅詩、黃建東(左)和郭峰等昨日在荃灣宣傳即將開拍的電影《花與她》,會在陽光與海灘的東南亞取景。林雅詩透露會自備泳衣大解放,今次離港兩個多星期拍攝,十分擔心囝囝,答應任何時候可視像見面。她在片中演失憶女子面臨婚姻問題,令她勾起離婚不快事。近日黃建東和楊明在劇集咀嘴而被指hehe,他不介意被標籤,更激演出亦勇於嘗試。採訪、攝影:卓寶花




來源: http://hk.apple.nextmedia.com/entertainment/art/20161016/19802012
林雅 雅詩 陽光 解放
PermaLink: https://articles.zkiz.com/?id=312281

林雅詩讚阿仔生性

1 : GS(14)@2016-10-18 08:15:32

林雅詩和師弟翟俊威昨日在紅磡出席慈善活動,二人最近在網站主持飲食節目,林雅詩更會推出飲食專欄「詩詩細味」,她說:「我識煮西餐,囝囝鍾意食煎三文魚、三文治同熱狗,我以前喺英國讀營養學。」兒子有否下廚?她笑說:「佢試過煎蛋,好sweet。」林雅詩指自己是一個不乖的媽媽,每天要飲兩罐可樂,又愛食糖和朱古力。對於前日花五位數字,為兒子舉行電車派對提早慶祝11歲生日,林雅詩說:「我感動到喊,因為見到個仔大個,好生性,佢願望係快啲同媽咪一齊。」問前夫溫文英對兒子生日有沒有任何表示時,她直言沒有。採訪、攝影:黃曉妍




來源: http://hk.apple.nextmedia.com/entertainment/art/20161018/19803831
林雅 雅詩 詩讚 讚阿 阿仔 生性
PermaLink: https://articles.zkiz.com/?id=312585

【馮仁昭四圍超】林雅詩兒子精神困擾

1 : GS(14)@2016-10-21 05:28:17

林雅詩(Grace)噚日去柯嘉琪(Kiko)喺九龍城開嘅大閘蟹店開幕,Kiko同朋友合資6位數,專程去陽澄湖搵當地蟹商合作:「自己有親身去陽澄湖睇貨,對大閘蟹認識更多。」
Grace話對大閘蟹情有獨鍾:「我一次食10隻,之前朋友送咗一籮蟹畀我,多到食唔切,要分畀屋企人。」Grace個仔早前精神出現問題:「佢精神受困擾,情緒唔係咁好,有睇心理醫生。」撰文:馮仁昭




來源: http://hk.apple.nextmedia.com/entertainment/art/20161021/19807318
馮仁 仁昭 四圍 林雅 雅詩 兒子 精神 困擾
PermaLink: https://articles.zkiz.com/?id=313055

林雅詩被指戀江湖人

1 : GS(14)@2016-10-24 04:21:00

林雅詩(Grace)與梁敏儀昨日於尖沙嘴出席「弘武電影制作發佈會」,同場宣佈Grace簽約,老闆馬天樂大讚她有毅力,更希望捧她做一姐,以過千萬開拍多部電影予Grace主演。提到感情事,Grace說:「放埋一邊先,主力湊小朋友同工作。」昨日有讀者報料指Grace與一名江湖中人同居,Grace聽後大感愕然,停頓5秒後說:「冇啲咁嘅事,冇人追又點會同居?我諗傳聞啫,有人追都唔拍拖住,工作行先。」至於同場的梁敏儀則大讚Grace很堅強,笑言有筍盤也會介紹給她,提到自己的感情,敏儀透露去年11月已低調下嫁設計師Mike,問到生育大計?她說:「冇太大想法,所有嘢都係緣份。」採訪:羅慧敏攝影:陳俊強




來源: http://hk.apple.nextmedia.com/entertainment/art/20161023/19809236
林雅 雅詩 詩被 被指 指戀 江湖人 江湖
PermaLink: https://articles.zkiz.com/?id=313290

憑「食腦」上位林雅詩金主新歡被爆疑有家室

1 : GS(14)@2016-11-10 08:02:40

38歲林雅詩同江湖猛人「沙田Me」過從甚密,憑「食腦」上位,喺新西蘭定居、讀大學,早前佢返香港爭坐館時,更被爆佢有一個外籍妻子,沙田Me可以講一口流利英語,人又聰明,自2007年回流返港後,立刻得到賞識,同江湖中人「薯仔」過澳門搵食做叠碼,有指沙田Me只要兄弟有事相求,佢都一定盡力協助,所以一向得到兄弟支持。沙田Me於90年代冒起,曾跟隨一名叫Ricky嘅大佬做睇場,正在上位之際,突然去新西蘭留學,並喺當地結婚,5年前先回流返港。話說昨日有周刊指沙田Me近年開始喺娛圈發展,不時同圈中人有聚會,上年更投資電影《極闘》搵咗佢兩個囝囝做男主角,又指係因為沙田Me唔想出面,先叫佢下屬馬天樂去做電影公司老闆。




來源: http://hk.apple.nextmedia.com/entertainment/art/20161110/19828339
食腦 上位 林雅 雅詩 詩金 金主 新歡 被爆 爆疑 疑有 家室
PermaLink: https://articles.zkiz.com/?id=314898

爆劈腿睇天意林雅詩背金主新歡 同老闆出埠

1 : GS(14)@2016-11-10 08:02:40

■林雅詩上月出席電影公司簽約儀式,馬天樂以老闆身份出席。



現年38歲的林雅詩在05年與溫文英結婚,產子後淡出娛樂圈,去年復出自爆與溫文英已分房五年,其後溫文英被影到當街啜人妻Grace Wong,令林雅詩決心離婚,並為兒子撫養權跟前夫打官司。



■江湖猛人「沙田Me」被指目前與林雅詩同居,而馬天樂是他下屬。

■林雅詩去年復出時,自爆與溫文英婚姻出現問題。資料圖片


傳兩人同居

近日多次傳出林雅詩與江湖猛人、人稱「沙田Me」的翟浩琛拍拖,甚至發展至同居階段,惟上月她出席「弘武電影制作發佈會」簽約儀式,與公司老闆馬天樂接受傳媒訪問時,提到「沙田Me」即口窒窒,又強調自己單身。不過,劇情發展至昨日峯迴路轉,有周刊影到林雅詩陪馬天樂去越南,返港後在車廂纏綿兩小時。報道指林雅詩上月向傳媒透露會到上海工作,但原來她是去越南陪馬天樂,回港時二人刻意保持距離,其間林雅詩疑似向馬天樂發脾氣,男方才走近幫她拿行李,之後馬天樂到停車場取車,約凌晨2時送林雅詩返抵大角嘴。


「相處好開心」

不過,林雅詩抵埗後未有即時下車,留在車廂與馬天樂纏綿,二人又挨又錫,林雅詩還一度伏身在司機位位置。據知馬天樂是沙田Me的下屬,由於沙田Me不想出面,故找馬天樂任弘武電影公司老闆。昨日林雅詩接受《蘋果》訪問,提到江湖猛人沙田Me,她說:「我哋識咗一段時間,不過只係朋友關係。」至於和老闆馬天樂,林雅詩則表示:「佢一直都對我好好,而家相處好開心,之後嘅發展留番畀上天安排,我會繼續努力工作,亦唔會忽略照顧囝囝。」採訪:唐琛悠




來源: http://hk.apple.nextmedia.com/entertainment/art/20161110/19828229
爆劈 劈腿 腿睇 天意 林雅 雅詩 詩背 背金 金主 新歡 老闆 出埠
PermaLink: https://articles.zkiz.com/?id=314900

車廂纏綿 林雅詩解釋「個頭失蹤」原因:我跌咗電話

1 : GS(14)@2016-11-12 05:55:01

正辦緊離婚嘅林雅詩,復出拍戲又要養仔,但似乎波折重重。最近佢簽咗間電影公司「弘武電影公司」,老闆馬天樂話要捧佢做一姐,點知就喺呢個moment,又突然爆出有「江湖中人」同林雅詩拍拖,更發展至同居。當日馬天樂都有陪林雅詩出席記招,被追問呢件事時,林雅詩當時O咗嘴,停頓5秒之後話:「同居?冇冇冇咁嘅事。都冇人追,點會有…有…有人同居。」仲開始緊張口窒窒。當聽到話有人嗌佢「阿嫂」時,林雅詩直頭完全唔識反應,身旁嘅馬天樂未有出手相助……事隔兩個幾禮拜,突然又有新聞,報道稱該名「江湖猛人」係人稱「沙田Me」嘅翟浩琛,更有指他就是「弘武電影公司」幕後老闆,對林雅詩非常「照顧」,兩人更同遊台灣;但林雅詩卻被拍得同「沙田Me」嘅「馬仔」馬天樂交往,兩人同車兩粒鐘,期間男方摸面又鍚嘴,肉緊非常,離奇嘅係同坐前座嘅林雅詩個頭突然離奇失蹤………




來源: http://hk.apple.nextmedia.com/entertainment/art/20161112/19831456
車廂 纏綿 林雅 雅詩 解釋 個頭 失蹤 原因 我跌 跌咗 電話
PermaLink: https://articles.zkiz.com/?id=315224

林雅詩為纏綿解畫

1 : GS(14)@2016-11-13 11:32:38

林雅詩日前被周刊拍到和老闆馬天樂在車廂內咀嘴,其間她的頭部更離奇失蹤。昨日她在尖沙嘴出席賣旗活動時黑面,而馬天樂亦有現身,二人即場發聲明否認有關報道。對車廂纏綿一事,林雅詩解釋:「當日心情唔好,馬生安慰我,至於話我個頭消失兩分鐘,其實係執番部電話,我哋係朋友關係。」而她的兒子就讀國際學校,對事件不知情。




來源: http://hk.apple.nextmedia.com/entertainment/art/20161113/19831750
林雅 雅詩 詩為 纏綿 解畫
PermaLink: https://articles.zkiz.com/?id=315343

色膽包天江湖猛人包養林雅詩背金主搞搞震

1 : GS(14)@2016-11-14 00:59:05

2016-11-10 NM

最近有多間傳媒都收到讀者報料,指拍過三級片的性感女星林雅詩同有「沙田Me」稱號江湖猛人翟浩琛過從甚密,消息稱二人已發展到同居關係,林雅詩升級做咗「阿嫂」,得到特別照顧。不過,事情發展出人意表!上月二十七日,林雅詩出席活動時向傳媒表示同一晚要起程到上海工作,但實情她當晚會合了電影公司老闆馬天樂,同飛越南happy;但三日兩夜唔夠過癮,二十九日二人返港後,仍在車上短聚多兩個鐘,其間磨鼻摸面又挨又錫樣樣做齊,林雅詩個頭更一度離奇消失,隔了一段時間,再由男方司機位下方緩緩升起,情景令人充滿遐想。散料爆搭上江湖人

上月二十二日,林雅詩出席「弘武電影公司」簽約儀式,宣布成為旗下藝人並接拍多部電影,接受訪問時,現場有記者指收到讀者報料,指她最近與一名江湖猛人同居,林雅詩聞言,當場嚇到面色變青,完全唔識俾反應,之後才回應:「冇冇冇咁嘅事,都冇人追,點會……有……有……有人同居。」當時企在旁邊的電影公司老闆馬天樂亦一臉尷尬,未有開腔幫林雅詩解圍。據指,與林雅詩搭上的江湖猛人是勝和坐館,人稱沙田Me的翟浩琛,林雅詩所簽的電影公司,據悉沙田Me是其中一個幕後老闆,簽約儀式當日,他有低調現身記者會,不過沒有公開上台;直到大部分記者離開後,林雅詩亦有走到沙田Me身邊傾偈,兩人似乎相當熟落。

較早前,亦有讀者向本刊爆料,指林雅詩同沙田Me於九月尾一齊乘搭中華航空頭等位去台北,並入住當地W酒店,二人關係,在江湖圈中亦流傳甚廣。事實上,近年沙田Me開始接觸娛樂圈,不時同圈中人有聚會,去年更投資開拍電影《極鬪》,由他兩位公子負責做男主角。「今次Me哥唔出面做老闆,係唔想咁高調俾人知佢出錢出力捧Grace(林雅詩),所以搵咗其中一個馬仔馬天樂負責幫佢搞呢間公司,呢個馬天樂仲做埋導演同編劇,度身開戲俾Grace。」知情者說。

車廂激戰

講大話轉移視線

正當大家都以為失婚林雅詩榮升做「阿嫂」,點知事情又有突破性發展。十月二十七日,林雅詩在中環出席一個公開活動時,主動向傳媒爆料稱同一晚要飛去上海工作;活動後,她便揸車去機場,泊低車去租WiFi蛋跟住check in,全程只有她自己一個人。不過,最奇怪是林雅詩所搭航班CX721,目的地並非她口中的上海,而是去胡志明市。

發老闆脾氣

在越南短短三日兩夜,林雅詩於二十九日晚上十一時返到香港,身邊還多了一個人,就是她所屬的電影公司老闆馬天樂;但兩人表現避忌,出閘後一直保持住四、五個身位距離,扮晒唔識。行了一段路後,林雅詩突然停步,嬲爆爆向馬天樂發脾氣,只見馬天樂立即行番轉頭笑晒口幫她攞旅行袋,不過女方繼續燶口燶面,去到停車場攞車後,林雅詩企埋一邊煲煙,男方就負責搬行李上車。

人頭離奇消失

由於當時已經接近凌晨兩點,街上冇人車又少,這個時候,林雅詩突然間在乘客位
色膽 包天 江湖 猛人 包養 林雅 雅詩 詩背 背金 金主 搞搞
PermaLink: https://articles.zkiz.com/?id=315395

林雅詩遭前夫問戀事

1 : GS(14)@2016-11-17 11:30:40

林雅詩早前被報道指跟電影公司老闆馬天樂於車廂纏綿兩個鐘,日前澄清事件後,她昨日以賽車女郎造型現身荃灣為汽車雜誌影封面相。被問到對影車相可有恐懼?林雅詩表示沒恐懼,但每當朋友想安慰約她外出時,不論男女朋友全部被婉拒,免得再被影,甚至工作都不需要同事陪伴。報道出街後,林雅詩指前夫突然關心她的感情生活,但她覺得兩人已離婚,沒興趣知前夫感情生活,不明對方用意。問到前夫是否想再追求她?林雅詩冷淡說:「我唔知啦,睇天安排。」完成手頭工作,她計劃好跟兒子和媽咪在聖誕假期去旅行。採訪、攝影:馬建華




來源: http://hk.apple.nextmedia.com/entertainment/art/20161117/19836003
林雅 雅詩 詩遭 前夫 問戀 戀事
PermaLink: https://articles.zkiz.com/?id=315948

林雅詩食牛易撞邪

1 : GS(14)@2016-11-18 17:56:38

林雅詩昨日在九龍城一間清真牛肉館拍攝飲食節目,但原來林雅詩已戒食牛肉十多年,她解釋:「曾經有兩位師傅話過我八字敏感,好易撞到靈異嘢,所以少食牛肉為妙。試過有時推唔到朋友,食少少就接連一、兩日都見到。」問到有否遺傳給囝囝?她說:「見過,前夫係拜泰國佛像,囝囝都會驚,但而家我哋都信咗基督教,情況改善咗好多。」近日為緋聞林雅詩直言心緒不靈,她說:「之前喺清水灣見到白影,差啲有交通意外,想離港散心,又怕俾人話唔知去邊。」她透露前夫溫文英亦有關心她的緋聞,她說:「我哋仲一齊住,下月頭我哋就會上庭,知道囝囝撫養權歸邊個。」採訪:曹家誠攝影:陳順禎




來源: http://hk.apple.nextmedia.com/entertainment/art/20161118/19837181
林雅 雅詩 詩食 食牛 牛易 易撞 撞邪
PermaLink: https://articles.zkiz.com/?id=316138

林雅詩上庭遭抄牌

1 : GS(14)@2016-11-26 13:51:06

■林雅詩昨日將座駕直接泊在法院外雙黃線禁區。



林雅詩昨為與前夫溫文英就兒子撫養權到灣仔上庭,遲到15分鐘於早上9時45分抵達法院的她,把私家車直接泊在法院外雙黃線禁區,最後遭抄牌。林雅詩離開時接受傳媒訪問,承認大家仍在爭奪撫養權,又指前夫溫文英答應過她很多事情,但是都做不到。林雅詩又指溫文英每周都會見囝囝,若她不在港,之後都會補回時間,可是對方覺得不足夠,要求囝囝在他寓所過夜,但她不想影響兒子學業,而最重要是囝囝都不願意。林雅詩透露囝囝已有情緒問題,學校都有幫忙。問她知否勝數有多大?林雅詩謂:「都未知,佢喺財產同贍養費方面都唔肯妥協,上庭排期去到12月頭。」採訪:王連連攝影:沈健程




來源: http://hk.apple.nextmedia.com/entertainment/art/20161126/19845727
林雅 雅詩 詩上 上庭 庭遭 遭抄 抄牌
PermaLink: https://articles.zkiz.com/?id=317087

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019