ZKIZ Archives


林德信 J.Arie 樂做影壇新鮮人 2015-10-05

1 : GS(14)@2015-10-11 02:11:07

http://www.skypost.hk/feature/%E ... %AE%E4%BA%BA/192059
新片《死開啲啦》上周舉行優先場,監製林家棟致辭時說:「最緊要給予新人機會。」講得出做得到,主角林德信和J.Arie都是影壇新血,經家棟改造,化身純情殭屍和巴渣港女。首次做主角的J.Arie解畫:「單看海報和戲名未必理解故事內容,今次玩很多表面和底蘊的意思,幽默得來亦諷刺港人居住問題,連殭屍都被掘出來,幾誇張!」
林德信(Alex)和J.Arie(雷琛瑜)同是歌手出身,亦是影壇新鮮人。前者拍電影的經驗較多,2013年在《喜愛夜蒲3》的大膽情慾戲,令人印象深刻。問有否向J.Arie分享演戲心得,他即擰擰頭。「沒有啊!所有都是她自學。今次這個組合很新鮮,雖然我們都是歌手,但是拍戲前並不認識,只是常常在Salon(髮型屋)見到對方,但那兒有很多藝人,大家都會扮Cool不出聲,我是整頭髮時在鏡中不經意瞄到她。」J.Arie笑言:「知道拍這部戲,我就放膽主動走去打招呼,這個相識經過太搞笑。」
同是天涯淪落人
Alex在戲中飾演沉睡百年的殭屍,因地產商進行挖掘工程,其山墳意外地被掘出來,他重返陽間就遇上同樣被地產商所害、終日被收樓逼遷的港女Apple(J.Arie飾),同是天涯淪落人。港大法律系畢業的J.Arie,本來斯斯文文,今次卻徹底被家棟改造,在戲中飾演野蠻兼諸多挑剔的港女,粗口講得到位之餘,更連摑Alex十幾巴掌。
J.Arie連聲稱讚家棟教新人有法。「今次是黑色喜劇,監製和導演都強調對白要很精準,帶有諷刺意思。監製很了解劇本,他會跟我們分析角色,甚至示範怎樣去演戲,在片場,他令我們很清楚自己要做甚麼。」Alex也忍不住說:「我份人很慢熱,第一次見監製是有點驚,因為他說話時渾身是勁,愈講愈興奮,但他講故事真是很吸引,亦對電影充滿熱誠,教曉我很多東西,我當他是我的老師。」
買樓如有逃生口
故事道出現今土地不足下,香港人的居住苦況,這方面,美國回流的Alex和土生土長的J.Arie也感受至深。Alex直言:「幾黐綫!以前在美國住,習慣居住空間很大,但不懂珍惜,幾年前搬返香港,方發覺這裏的住宅很擠迫,其實好慘!」J.Arie則希望趕快上車。「我有努力儲錢買樓。因父母是典型港式父母,管教嚴厲,買到樓搬出去住,就好似有個逃生出口吧!哈哈!現在人工未算很高,要節儉兼學識投資,才有機會滾大筆資金。」如今歌影兩棲,勤力加運氣,想在香港有瓦遮頭,指日可待。
林德信 髮型:Eve Chiu @ Private i;化粧:Jessica @ Oasis Studio
J. Arie 服裝:agnès b;場地:逸·酒店
撰文:何綺娜 
攝影:Lego
編輯:黃寶恩
設計:Alex
PermaLink: https://articles.zkiz.com/?id=293049

馮仁昭四圍超:千嬅拖林德信佛山開騷

1 : GS(14)@2015-11-10 08:43:50

楊千嬅啱啱完咗巡迴演唱會佛山站,林德信(Alex)做嘉賓,Alex笑話最開心可以拖到千嬅隻手,千嬅就笑問觀眾Alex係咪好靚仔,個樣似唔似爸爸林子祥都咁靚。今次巡演千嬅新加兩件戰衣,又特別點唱咗陳奕迅嘅《十年》,佢話每次唱首歌,唱到一半一定喊,因為歌詞太到位。另外,佢而家忙緊宣傳新戲《哪一天我們會飛》,千嬅話好多朋友睇完都話好感動。撰文:馮仁昭





來源: http://hk.apple.nextmedia.com/entertainment/art/20151110/19366361
PermaLink: https://articles.zkiz.com/?id=293813

【馮仁昭四圍超】松岡爆林德信單身

1 : GS(14)@2016-08-10 07:54:58

松岡李那(Linah)噚日同師弟組合R-ICE到銅鑼灣宣傳新歌《情迷Milano》。對於返香港有冇同傳已分手嘅林德信(Alex)見面,Linah話:「有約食飯。」仲係咪拍拖關係?佢話:「佢從來都唔係我男朋友,我而家都係單身。」提到Alex之前同江海迦(AGA)傳緋聞,Linah話:「相信只是傳言,而Alex現在是單身。」撰文:馮仁昭





來源: http://hk.apple.nextmedia.com/entertainment/art/20160810/19729624
PermaLink: https://articles.zkiz.com/?id=305294

【爆相爆片】搞續牌企正隔籬人妻洪欣唔認得林德信

1 : GS(14)@2016-10-19 05:28:46

【排隊等】■洪欣等候辦手續時,擰轉頭望了一望站附近嘅小朋友。



本月初45歲牛一嘅人妻洪欣,同31歲嘅林子祥囝囝、男神林德信唔同年代入行,兩人冇合作過,唔識真係唔出奇。所以日前佢哋同時喺金鐘嘅運輸署撞到,雖然企正隔籬,但大家招呼都冇打,視而不見。



【見唔到】■林德信(左)同洪欣企隔籬,但完全零交流。 

擦身而過

讀者鍾小姐透過本報「爆相爆片」,分享佢日前影到素顏嘅洪欣喺金鐘嘅運輸署搞續牌,佢同林德信只係有一個身位距離,但洪欣似乎認唔出呢位後輩,兩人完全零交流。鍾小姐話佢哋各自各喺度排隊等續牌,等咗一陣就輪到洪欣,但係唔知佢係咪有啲文件未準備好,所以轉個頭佢喺側邊密密填,跟住到林德信去窗口辦手續,不過洪欣仍然未搞掂,佢哋兩人最後只係擦身而過。當時洪欣身上條連身裙有啲縐,搞到佢個樣有啲攰,不過佢自從同現任丈夫張峰丹生咗囡囡張晞彤後,就專心湊女,有時又做柴可夫接送小朋友,續牌都好緊要㗎。




來源: http://hk.apple.nextmedia.com/entertainment/art/20161019/19804892
PermaLink: https://articles.zkiz.com/?id=312695

【馮仁昭四圍超】林德信淨拍散拖

1 : GS(14)@2017-03-23 06:27:28

林德信噚日喺西營盤戶外籃球場,打籃球拍飲品廣告,跑到身水身汗,佢笑稱:「今日已經換咗三件衫,上面就濕晒,下面未濕晒。」廣告另一幕要佢赤裸上身騷肌,佢專登操弗一個月。講到拍拖,林德信話暫時唔想認真拍拖:「屋企人教我,唔使咁認真,我又唔急結婚,自己有另一個目標,做好工作,?家對演戲好有信心。」撰文:馮仁昭




來源: http://hk.apple.nextmedia.com/entertainment/art/20170322/19965553
PermaLink: https://articles.zkiz.com/?id=328400

林德信自資出碟唔靠父

1 : GS(14)@2017-04-09 10:49:45

林德信和黎曉陽昨日在尖沙嘴分別舉行音樂會,仍未簽約唱片公司的林德信打算自資出碟,他表示不靠父蔭,亦不用父親林子祥幫手:「唔使爹哋幫手,我handle到。」林德信與姜麗文相熟,提到姜麗文在舊愛鄭俊弘公開新戀情後在社交網透露精神和情感透支,他說:「冇留意,等我傳訊息畀佢,唔好咁緊張。」他亦認識鄭俊弘,但拒評論對方是否花弗。




來源: http://hk.apple.nextmedia.com/entertainment/art/20170409/19984332
PermaLink: https://articles.zkiz.com/?id=329843

【馮仁昭四圍超】林德信自爆想結婚

1 : GS(14)@2017-05-19 05:28:05

林德信(Alex)同陳詩欣(Ayan)噚日去到荃灣為微電影《秒秒》主持首播儀式,兩人即場玩問答遊戲,揭示幾耐可以同異性拍拖同咀嘴,Alex話拍拖一日已經可以見家長,拍七日就可以咀嘴:「我都想結婚,近年發覺自己都鍾意小朋友。」Ayan就話拍拖三、四年可以結婚,但佢同男友陸浩明拍拖差唔多六年,對方仲未有表示,佢話:「未有計劃,都係等佢話事。」撰文:馮仁昭




來源: http://hk.apple.nextmedia.com/entertainment/art/20170518/20024673
PermaLink: https://articles.zkiz.com/?id=333564

林德信蒲勻全港戲院

1 : GS(14)@2017-06-10 12:55:59

林德信日前為微電影《秒秒》拍外景,跟女主角Ayan在商場內十指緊扣兼攬攬談情。拍攝當日林德信趁未埋位時在商場內閒逛,他說:「最鍾意逛商場內嘅小店,尤其係本地設計師或品牌,細個好鍾意逛書店同文具店,好開心。」除了逛商場,林德信更有逛戲院癮,他說:「我好鍾意去戲院睇戲,發現呢度(香港)嘅戲院有大有細,各具特色,我已經去晒全港所有戲院睇戲啦!」問到他有機會想在商場內開那類型的店?他表示最想開雪糕店:「因為唔少一家大細或者情侶拍拖都會行商場,食雪糕可以畀佢哋留低快樂又甜蜜嘅回憶。」撰文:曹家誠




來源: http://hk.apple.nextmedia.com/entertainment/art/20170607/20046654
PermaLink: https://articles.zkiz.com/?id=334863

【情史回顧】戀林德信首度交鋒

1 : GS(14)@2017-06-18 11:18:09

■松岡與林德信曾發展地下情3年。資料圖片



松岡李那與Mandy Lieu同是模特兒出身,同行如敵國,豈料在情路上都是對手。2013年,松岡已經與林德信發展地下情3年,但林德信卻被影到與Mandy在蘭桂坊約會,事後松岡醋爆表示:「我邊有資格唔畀佢同女仔約會喎!」今次,輪到松岡介入Mandy與洗米華的戀情,不過再加上正印洗米嫂,四角關係更複雜。



■松岡和Philip在2011年於銅鑼灣約會。資料圖片

而早年入行的松岡,在林德信之前,曾與新城DJ葉文輝傳出緋聞,二人在平安夜拍拖,但松岡否認戀情。之後,她就戀上時裝品牌Ground-Zero的設計師Philip Chu。




來源: http://hk.apple.nextmedia.com/entertainment/art/20170618/20059627
PermaLink: https://articles.zkiz.com/?id=335760

陪Shopping做阿四林德信拖女見家長 吳正元勁冧

1 : GS(14)@2017-07-02 14:19:30

【金鐘 融入家中】■林德信日前約媽媽吳正元及女友Candace去金鐘逛街,三人行感情好好。DV圖片



林德信與松岡李那分手一年多後有新歡,與同樣愛瑜伽的Candace Poon撻着。林德信沒有像以前跟松岡拍拖般避忌,實行與女友密密見,日前先帶身穿熱褲襯跌膊衫的Candace去中環開餐,翌日再帶她見媽媽吳正元,三人行到金鐘shopping。Candace與未來奶奶相處融洽,而林德信就做阿四拎戰利品兼做柴可夫司機。



現年32歲、林子祥與前妻吳正元所生的大仔林德信,與日籍舊愛松岡李那分手一年多,女方早前在安以軒的夏威夷婚禮上,與太陽文化娛樂老闆周焯華(洗米華)一攬傳緋聞成為新聞人物,不過洗米華隨即發聲明澄清,明顯想劃清界線。作為松岡的前度男友,林德信的感情生活就比較實在真實,近月已有固定女友Candace。Candace同樣愛瑜伽運動,二人不時被影到甜蜜拍拖,關係打得火熱。



【中環 食客吹水】■林德信日前與Candace在中環撐枱腳,更與認出他的鄰座食客打招呼。

【紙巾墊住】■Candace甚有儀態,進食時會用紙巾墊住。

【做柴可夫】■醫飽肚後,林德信駕車送女友回家。


做孝順仔

日前,本報就連環兩日直擊林德信與Candace在港島區拍拖。當日傍晚大概6時許,林德信與女友Candace現身中環九如坊,二人去了一間越南餐廳撐枱腳。Candace身穿熱褲襯跌膊衫,外表屬熱情如火型,林德信與她選了開揚的窗口位坐,似乎沒有戒心,不怕被人發現拍拖,相對他以前與松岡拍拖時長期避忌玩低調、前後腳的作風截然不同。林德信撐枱腳期間,鄰座食客認出他並打招呼,林德信禮貌微笑,表現零架子。他和Candace各自叫了一碗麵及小食共享,現場所見Candace雖然外形惹火,但食相甚有儀態,夾餸時會用紙巾墊住,二人吃了約45分鐘便結賬離開。拍拖不夠24小時,林德信和Candace翌日再次合體出動,Candace以短裙打扮示人,今次更有林媽媽吳正元做電燈膽,實行三人行去金鐘太古廣場shopping,即是女友已融入家中。林德信一心二用既做孝順仔,又做體貼男友,其間兩女結伴去洗手間,林德信就耐心等候,邊等邊玩手機,而他警覺性甚高,不時往商場上下層周圍望。



【金鐘 廁外玩機】■女友與媽媽去洗手間時,林德信企定定靜候玩手機。DV圖片

■林子祥與前妻吳正元育有大仔林德信及細女林德懿。資料圖片

■林德信與母親吳正元(左二)關係密切,曾一起上內地真人騷節目。資料圖片


讓出前座

作為未來新抱的Candace似乎與男友媽媽相處甚融洽,三人入了時裝店Zara掃貨,更有收穫,買了一大袋戰利品。林德信負責做阿四幫手拎,之後就齊齊去停車場取車。上車時,Candace相當識做,讓林媽媽坐司機位旁,而林德信亦充滿風度幫女友開車門,然後做柴可夫駕車離去。採訪、攝影:吳耀輝、孔志豪




來源: http://hk.apple.nextmedia.com/entertainment/art/20170702/20075737
PermaLink: https://articles.zkiz.com/?id=337687

Next Page

ZKIZ Archives @ 2019