首富子：王菲演唱會最平一萬？腦殘先會買
1 :
GS(14)@2016-12-24 10:55:19中國首富王健林獨子王思聰，前日在清談節目《小葱秀》中，大談天后歌手王菲演唱會內幕。節目主持以普思投資董事長介紹王思聰，王思聰先解釋演唱會每一個環節都賺錢，即票價越高，歌手賺得越多。他指王菲演唱會曾定價1萬元(人民幣‧下同)被物價局否定，這種行為損害的是歌迷，「說白了也不是歌迷，這場誰買誰是腦殘粉」。王思聰指，一線明星的每場演唱會最好位置的定價約1,800元，無論是香港歌手陳奕迅、劉德華、張學友，票價定價太低，歌手分得越少，譬如定價2,000元計算，分五成給張學友，張學友就得1,000元。王菲演唱會原本定價1萬元被否決後，就將票價調低至7,800元。2016年王菲幻樂一場上海演唱會，於12月30日演出，票價分別設有1,800、5,800，及7,800元普通票，早前在售票網站開賣仍然造成秒殺，不少歌迷在網絡跪求一票而不可得。梨視頻
來源:
http://hk.apple.nextmedia.com/international/art/20161224/19875836
【一神一票】求神問卜測特首：奸人衰人先會當道
1 :
GS(14)@2017-01-29 10:31:40第5屆特首選舉將會喺今年嘅3月26日舉行，到目前為止，四位熱門候選人包括：林鄭月娥、曾俊華、葉劉淑儀及胡國興。早前「奶媽」林鄭月娥就喺一個閉門會議中表示呢次參選係受到上帝感召，係上帝嘅旨意喎！我哋就搵咗20個各大中西占星命理專家，用咗唔同方法：八字、面相、術數、奇門遁甲、六壬法科玄術，仲有扶乩、靈雀……；西式以塔羅、占星、靈擺，又走勻港﹑九新界各大廟宇去預測下究竟邊個最有機成為新特首。以下就係各師傅嘅節錄：
吳佩孚（方法：八字；預測特首：林鄭月娥）「今年2017年，天干上上面就丁壬合，就合咗木。所以姓氏嚟講係林鄭，或者曾俊華嗰啲，名裏面有木嘅元素，其實嚟講都係機會會大啲。但係丁酉年，個酉字嚟講等於個鄭字咁樣；上面既然合咗木嘅話，就等於雙木林林鄭。」轉姐（方法：數字命理分析；預測特首：林鄭月娥）「以排數嚟講呢，林鄭月娥，我會排行佢第三喇。撞到個數字佢係第9，3為木，9為火。所以木火通明，我會覺得佢係優勝一啲。」司徒法正（方法：術數；預測特首：曾俊華）「今年係丁酉年，天干地支係屬於陰火，屬於代表陰人，女性們；或者男性嚟講係代表滋油啲，四個嚟講，曾俊華先生比較上柔和一啲。」法基師叔（方法：六壬法科玄術；預測特首：林鄭月娥）「林鄭月娥我覺得個機會十分高，第一因為支卦顯示女星比較強；第二林鄭月娥個八字本身官殺星十分之強。」張芯熏（方法：奇門遁甲；預測特首：林鄭月娥）「林鄭月娥出勝率比較高，由於喺佢個命盤裏面，佢嘅值符星同埋太陰星比較旺相。」關雲麒（方法：奇門遁甲﹑面相；預測特首：曾俊華）「我用奇門遁甲開咗個卦，見到個盤係講緊青龍下水，意思主要係男性，而嗰件事唔係幾好做嘅，所以我會估曾俊華做特首個機會大啲。」夢妮妲（方法：直覺塔羅；預測特首：胡國興）「胡國興個牌講緊佢嘅公關好似做得幾好。第二都係講緊一個完成將士或者一個戰士勝利嘅一個牌。」
Angela（方法：塔羅；預測特首：胡國興）「暫時睇牌似乎比較勝算高少少，就好似係胡國興。」
Belinda（方法：占星；預測特首：葉劉淑儀）「過去三位特首董建華﹑曾蔭權，同埋梁振英都一模一樣有呢個土星水星90度嘅強硬相位，我就睇到唯一一個最類似就只係得葉劉淑儀一個。」何漢明（方法：求籤；預測特首：林鄭月娥曾俊華）「呢兩位林鄭同曾俊華如果能夠做到菩薩期望佢哋做到果一點嘅話，佢哋係可以跑出，連菩薩都唔會啟示話邊個一定得。」
占星師Belinda話只有「葉劉」嘅盤出現土星水星90度嘅強硬相位
玄學風水師吳佩孚話林鄭最有機，大家又想唔想佢估中呢
乩文嘅箇中玄機真係要靠自己去參透喇
我哋仲派記者走勻港九新界嘅廟宇求籤
我哋將四位候選人嘅名放入呢堆信封，靈雀真係識擔番出嚟！
周法緣師傅講嘢夠晒直接，話o依家香港奸人衰人先會當道，仲即場問記者林鄭個樣衰唔衰
陳淑嫻師姐（左）請呂祖先師預測邊個會成為新特首
夢妮妲仲話有三隻唔同嘅手，大家著唔同嘅衣著，意思係佢有兩個好重要嘅致勝元素
靈擺唯獨對住「奶媽」張相先順時針轉
另外，麥玲玲﹑蔡興華﹑楊天命就拒絕訪問；蘇民峰以及李居明就話連電話訪問都冇時間做。而代表星座界別嘅車婉婉同李丞責到目前為止都仲未回覆。今次訪問，我哋一共問咗20個唔同單位，暫時林鄭月娥成為大熱門，想知道更多師傅嘅獨到見解，即刻去片啦！玄學並非精密科學，節目內容只供參考，敬請留意。採訪：植詠珊(Cathy)拍攝：Neo、峰剪接：Roy
來源:
http://hk.apple.nextmedia.com/entertainment/art/20170129/19912276