ZKIZ Archives


自投羅網杜汶澤撞正舊愛顏仟汶

1 : GS(14)@2016-04-15 04:32:11

2016-04-14 NM

一班台前幕後前亞視人,上週舉行每年一度的「A記同學會」聚會,由於撞正亞視熄機「頭七」,參加人數踴躍,當中包括已過檔無綫的江美儀、陳煒等人,至於去年被指為避前度顏仟汶冇蒲頭的杜汶澤,以為今年亦缺席,但就送出一萬蚊作抽獎獎金,不過在臨散席前,阿澤玩驚喜突然出現,撞正前度未走,合照避無可避。阿澤陳煒科水抽獎

上週五(四月八日)晚,「A記同學會」包起尖沙咀一間酒樓搞聚會,知道仍有舊同事未有糧出,發起人之一江美儀感觸表示長痛不如短痛,結束是另一開始,兼且公開呼籲業界,以亞視員工忠心,作為聘用優先考慮,聲援一眾舊同事。「亞視終於玩完,所以今年大家特別踴躍,有成五百人參加,但其實個場都擺唔落咁多人,有啲遲嚟嘅都要打游擊周圍黐位坐,不過大家都係志在見吓敍舊。阿澤一早講咗唔到,但佢拎咗一萬蚊出嚟抽獎,早走嘅陳煒同朱慧珊都有拎錢出嚟抽,分咗好多個幾百蚊嘅現金獎,大家開心!最特別係安排鮑(起靜)姐特別頒個最佳女配角獎俾(吳)浣儀姐,補償佢喺金像獎輸咗!」一名有出席的前亞視員工說。

大塊田講明唔到

據了解,為避開前度顏仟汶,去年缺席「同學會」的杜汶澤,今年亦講明同老婆田蕊妮繼續甩底,差不多到散席時,阿澤又失驚無神出現,自製驚喜的他一踏入酒樓,即被大家輪住集郵,又取笑他是「TV Buddy」,搞到平時牙尖嘴利的他唔識反應。「好多亞視人都知,當年阿田係阿澤同顏仟汶嘅第三者,所以阿澤兩公婆會盡量避開三個人同場出現。顏仟汶今年都有報名,阿澤亦講咗話唔到,不過後來有人係咁打電話俾佢,叫佢點都趕嚟影張相;阿澤十一點半左右趕到嚟,雖然兩個人都有一齊影大合照,但分到好開,亦冇傾過偈。」

葉家寶不受歡迎

田蕊妮避席外,前高層葉家寶以及公關黃守東,當晚亦意外未有現身。「亞視拖糧呢段時間,好多同事都覺得佢兩個講嘢好官腔,完全冇企喺員工嗰邊,所以大家唔like佢哋,好似阿東早幾日仲講緊見過司榮彬,話有消息會通知同事,但大家根本都冇奢望會有乜好消息。其實佢哋自己都知,明知不受歡迎,所以都冇報名參加,費事嚟到面懵懵。」一名前亞視人說。

顏仟汶代還賭債

杜汶澤與顏仟汶已經分開十六年,雙方各有家庭,但時至今日,阿澤仍會刻意迴避前度。二人97年在亞視結緣,雖然拍拖只有一年多,但顏仟汶對杜汶澤火裡火裡去,即使他只是亞視「霉菜」藝員一個,又經常欠下賭債,不過顏仟汶卻無限包容,甚至代還債項。無限付出,換來是被狠撇。99年,因為田蕊妮介入,杜汶澤即離棄與自己甘苦與共的顏仟汶。有指有日杜汶澤瞓醒,就跟枕邊的顏仟汶說分手。過去顏仟汶也曾在訪問中重提舊事。「杜先生好絕,話分手就分手,用四個鐘就將屋企所有屬於自己嘅嘢搬走。」顏仟汶說分手後,她仍有跟痛錫她的澤媽保持聯絡,而澤媽亦永遠不會在她面前提杜汶澤三個字。分手不再是朋友,00年顏仟汶在公開活動碰上田蕊妮,記者要求影合照,阿田左閃右避,受傷的顏仟汶反而大方接受。

撰文、攝影、攝錄:娛樂組
自投 羅網 杜汶 汶澤 澤撞 撞正 舊愛 顏仟 仟汶
PermaLink: https://articles.zkiz.com/?id=299266

大馬回流香港踎地黑帶杜汶澤一拖十踩場

1 : GS(14)@2016-11-16 05:10:15

曾經因為政治立場俾大陸網民炮轟,冇幾耐仲傳出被封殺嘅杜汶澤,雖然有指唔少國際品牌,又或者大陸嘅工作唔敢搵佢,不過正所謂「曹操都有知心友,關公也有對頭人」,世界咁大,總係有啱傾嘅對象,所以早前阿澤將工作重心移師大馬,喺當地開拍過幾套戲,最近回歸香港,開拍啲本土嘢!曾經講過對得起自己最重要嘅阿澤,遇到一啲社會議題,佢依然不平則鳴,好似日前人大常委會全票通過《基本法》第104條釋法,阿澤留言話:「好多人問我做乜呢兩年唔搞喜劇,又會有人話好想睇之類。我只能夠講聲對唔住。你有心情睇啫,我冇心情拍喎。」唔拍喜劇唔緊要,咪改拍其他題材嘅電影,咁樣先可以振興本地嘅電影業發展。最近努力籌備新片《空手道》嘅阿澤,因為講女主角鄧麗欣係空手道高手,0依家安排Stephy努力苦練,阿澤亦好勤力咁周圍去睇景。日前《蘋果》喺下晝4點左右見到阿澤帶住啲後生仔,一行10幾人喺中上環出現,嗰陣佢哋成班人喺條長樓梯行上行落,有啲人喺度密密寫,似乎係mark低啲街名同位置,阿澤就同幾個人指指點點周圍望,間唔中又見到佢拎部電話影低啲相,仲踎喺條街到度位,大約逗留咗45分鐘左右,佢哋先離開。事後《蘋果》向阿澤了解,佢話:「嗰日係去睇景,0依家啲劇本同主角人選都定晒,應該12月中左右可以開工。」前排阿澤喺網上招募小演員,唔知人選又搵咗未?佢話:「呢個細路仔要識空手道,又要識得做戲,所以有啲難度,唯有努力casting。」而阿澤自己都有學空手道,噚日佢仲貼咗張相,話自己苦練咗5年空手道,終於攞到黑帶,佢仲話:「在電影開拍前成功通過考試,意義更加重大。這不但見證了自己五年來的努力,更重要的是教練的一番心血!一條腰帶一度氣,我的空手道人生,才剛剛開始!」有網民喺facebook留言話黑帶好厲害,但阿澤就好謙虛咁話:「黑帶只係開始。」




來源: http://hk.apple.nextmedia.com/entertainment/art/20161114/19833333
大馬 回流 香港 黑帶 杜汶 汶澤 一拖 十踩 踩場
PermaLink: https://articles.zkiz.com/?id=315667

奇妙電視招兵開台 鵬哥試咪杜汶澤住家菜 挑機鼎爺

1 : GS(14)@2017-01-09 08:11:23

■杜汶澤識飲識食又識煮,將為奇妙電視主持節目《杜汶澤食住上》教煮餸。互聯網圖片



【電視風雲】亞視去年「熄機」,免費電視ViuTV接棒,不讓無綫一台獨大。今年5月中將再掀起一股電視風雲,有線寬頻旗下的免費電視奇妙電視(77台)啟播,為了令觀眾有新鮮感,奇妙電視吼準李家鼎近日主持的無綫節目《阿爺廚房》受歡迎,馬上邀請「小杜大廚」杜汶澤教煮餸挑機,同時盧海鵬會親到的士台試咪。



有線寬頻旗下的免費電視奇妙電視將於今年5月中開台,近日招兵買馬做準備,秘密武器有廚藝了得的杜汶澤教煮餸,以及盧海鵬到的士台試咪。奇妙電視到時會24小時高清播放,並主打「合家歡」節目,希望吸納一家大細觀眾黐實螢幕。


公開家傳秘方

阿澤一向會搞家宴招呼好友,朋友都稱他是「小杜大廚」,阿澤將於月底開拍一連13集的《杜汶澤食住上》為開台響頭炮,他昨在電話中說:「我每集教一味餸,總之係我拿手菜,同大家分享吓。」是否如李家鼎的《阿爺廚房》?阿澤謙虛說:「當然無法同鼎爺比較,佢高深莫測,我呢啲係師奶仔,點同佢比?」阿澤還會碌人情卡邀好友撐場,他搞笑說:「咪我喺娛樂圈僅餘嘅朋友,好似鄭中基、鄧麗欣同薛凱琪。」問阿澤正菜會有甚麼?他說:「我煮西餐多,拿手有24小時慢煮牛肋骨、薯茸同麵包布甸,仲會煮番外母生前家傳秘方,外母最叻燉元蹄。」他謂還會有一環節評劣食,他說:「我會搜羅城中劣食,希望大家唔好中伏。」



【鼎爺熱潮】■李家鼎在節目《阿爺廚房》技驚四座,觀眾大讚有料到。資料圖片

■有線寬頻旗下的奇妙電視5月中啟播,執行董事張家龍稱該台會主打合家歡節目。資料圖片


碧兒捐窿尋寶

鵬哥則與前新聞主播趙海珠和林小珍主持實況節目《放試》作真人測試,包括如何作出雙重標準、貪小便宜和愛投訴等不同體驗,鵬哥更會被安排到的士台試咪。而廖碧兒、河國榮和李尚正將主持《香港有寶證》,發掘鮮為人知的香港寶物。廖碧兒近日為ViuTV拍劇集《瑪嘉烈與大衛系列前度》,現轉頭又助奇妙電視做節目,食盡兩家茶禮,不過奇妙電視和ViuTV對藝人自由度較大,不如無綫綁死藝人。廖碧兒昨表示:「我鍾意拍劇,又鍾意主持,唔同平台見到我,係我2017年好開始,呢次奇妙電視新節目係介紹香港一啲大家少見地方同人才。」對於又有免費新台供觀眾選擇,河國榮昨說:「應該啦,多啲選擇,每間電視可以勤力啲拍好嘢。」此外,奇妙電視亦重視旅遊及資訊節目,將邀李司棋與女兒葉子青到東非拍攝《帶阿媽去旅行》;黎燕珊和被喻為「史上最美麗女主播」的曾美華拍住主持《潮拜傲媽》,節目將邀城中媽咪分享教子女心得。採訪:魯吉、楊定


【闖的士台】■盧海鵬會為奇妙電視新節目《放試》到的士台大玩「試咪」。

【發掘寶物】■河國榮與自由身的廖碧兒合作主持新節目,介紹香港的寶物。

【媽媽心聲】■同為人母的黎燕珊與主播曾美華於新節目《朝拜傲媽》訪問一班叻媽咪。



來源: http://hk.apple.nextmedia.com/entertainment/art/20170109/19890661
奇妙 電視 招兵 開臺 鵬哥 哥試 試咪 咪杜 杜汶 汶澤 住家 挑機 機鼎 鼎爺
PermaLink: https://articles.zkiz.com/?id=322024

杜汶澤寸Mark嫂:雲吞麵檔買㗎?

1 : GS(14)@2017-02-08 22:31:30

■杜汶澤昨出席奇妙電視《杜汶澤食住上》開鏡禮,獲拍檔盧頌恩(左)及鄺芷凡餵古怪食物。



杜汶澤昨日在荃灣為奇妙電視主持的《杜汶澤食住上》舉行開鏡禮,對於Mark嫂教人煮意粉要過冷河去鹼水味,阿澤感到愕然說:「吓?煮意粉要過冷河?自己10幾歲開始煮飯,但我成世都未試過過冷河囉。可能每個人入貨地方都好唔同,我未試過買啲意粉有鹼水味嘅。其實烚完啲意粉夾上嚟嘅時候,係會有小小水掛身,咁樣就會容易上汁啲。不過人外有人天外有天,可能佢嘅做法都好食,但我就冇呢個機會去食,我知阿Mark老婆最出名煮燒牛肉。呀,佢嗰啲意粉係咪喺中式嘅雲吞麵檔買㗎?」



■阿澤被爆曾在家中赤祼上身煎牛排。

阿澤表示煮食其實各師各法,希望將來可以試到對方所煮美食。採訪:皓騫、黃曉妍攝影:陳慧安




來源: http://hk.apple.nextmedia.com/entertainment/art/20170208/19921393
杜汶 汶澤 澤寸 Mark 雲吞 麵檔 檔買
PermaLink: https://articles.zkiz.com/?id=325995

買新相機被田蕊妮問話杜汶澤:吓…哦…

1 : GS(14)@2017-02-18 09:51:49

近年杜汶澤因為被大陸封殺,搞到工作量大減,最近就主力拍緊自導自演嘅電影《空手道》,而老婆田蕊妮都好多嘢做,自從喺13同15年攞過兩次視后之後,就冇停過拍劇,所以不時都會傳出係由田蕊妮擔起頭家。係杜汶澤擔起頭定田蕊妮就真係唔清楚,不過阿澤買嘢呢……相信田蕊妮就會有啲意見喇,因為早前田蕊妮就喺facebook貼咗一部相機嘅相,內容就話:「啱啱喺屋企行過,見到一部好生面囗嘅相機,然後與屋企另一位成員展開對話!我:『咦,你又買咗新相機呀?』杜:『um……吓…哦…』我:『你又買咗新相機?』杜:『吓……哦……』我:『喂,問你呀,係咪買咗新相機呀?』杜:『aiya……我哋去旅行吖嘛!』然後悄悄地飄走!!!」之後田蕊妮再貼多張相,就係杜汶澤做緊嘢嘅相,田蕊妮就話:「好,見你做緊嘢,又有其他人喺度,相機單嘢暫時擺低,繼續努力剪片!」之後喺facebook都唔見佢再提相機嘅事。而佢哋兩公婆之後就去到日本旅行,田蕊妮就貼咗張滑雪嘅相,話:「滑呀⋯⋯滑呀⋯⋯」但之後杜汶澤就貼咗一張相,不過就轉咗黑白,仲話:「我老婆一學就識,我條氣好唔順,我好灰。」雖然講到好灰,但都係佢哋兩公婆嘅情趣嚟,邊個擔起頭家其實又唔係好重要嘅,重要嘅係夫妻相處得開心就好啦。




來源: http://hk.apple.nextmedia.com/entertainment/art/20170218/19932410
買新 相機 被田 田蕊 蕊妮 問話 杜汶 汶澤
PermaLink: https://articles.zkiz.com/?id=326891

Ball后薛芷倫依然自信杜汶澤遇怪病禪修休養

1 : GS(14)@2017-03-22 00:47:15

陳子聰大病過後,漸漸康復,老婆何超儀喺身邊陪住做運動四圍去,生活越嚟越健康。平時聽聽埋埋唔少藝人要追更,連續廿幾三十個鐘拍戲拍劇,工時咁唔穩,又要舟車勞頓,真係易出事㗎。鄭秀文:天后Sammi以往對自己要求極高,為保持纖瘦,不惜節食減肥,又唔容許演出有任何差錯,對於其他人批評都好上心,喺各種壓力之下導致抑鬱,幸好佢最終有宗教、朋友幫助,重獲新生。杜汶澤:12年阿澤證實患上「米勒費雪症候群」,阿澤病至雙眼現重影、手腳麻痺,上落樓梯都有難度。呢種疾病最嚴重會令患者四肢癱瘓、呼吸困難,甚至窒息,阿澤要即時停工休養兩個幾月,留家打坐禪修,調理身體。張達明:達明曾患上鼻咽癌二期,當時妻子何念慈售出西貢獨立屋套現醫病,達明最終戰勝癌魔。之前同農夫一齊開咗幾場「棟篤唱」,可惜當時共同面對病患嘅何念慈,最後卻離婚收場。薛芷倫:「Ball后」薛芷倫09年證實患上乳癌,成功擊退癌魔卻留下後遺症,面容改變、身體潰爛。病癒嘅薛芷倫仍然堅強有自信,不時打扮靚靚出席活動。黃浩然:黃浩然因患上罕見嘅「貝塞特氏症」,體重一度跌至136磅,無奈退出大台劇集《張保仔》拍攝工作。好番嘅黃浩然落力工作,o依家播嘅《我瞞結婚了》就可以搵到佢身影。




來源: http://hk.apple.nextmedia.com/entertainment/art/20170321/19965301
Ball 後薛 薛芷 芷倫 依然 自信 杜汶 汶澤 澤遇 遇怪 怪病 病禪 禪修 休養
PermaLink: https://articles.zkiz.com/?id=328220

杜汶澤邵仲衡 奇妙講食講情懷

1 : GS(14)@2017-05-13 01:56:27

■杜汶澤為飲食節目搏到盡,每次都親自去挑選至靚食材。互聯網圖片



【奇妙駕到之後日開台】免費電視頻道奇妙電視將於後日開台,奇妙電視嘅免費電視牌由舊年5月31日正式發出,個牌有成12年長。奇妙電視主攻合家歡節目,重頭係杜汶澤主持嘅飲食綜藝訪談節目《杜汶澤食住上》,有食好西,也有試劣食;黎燕珊同曾美華喺《朝拜傲媽》中訪問多位叻媽分享貼士,而《帶阿媽去旅行2017》則賣母女情,邀李司棋同囡囡葉子青、李彩華母女、方健儀母女出埠旅行,仲有盧海鵬同趙海珠等測試香港人特質嘅《放試》,同埋邵仲衡同林二汶主持介紹香港情懷嘅《香港事.香港是……》,邵仲衡日前仲親身試整木製傢俬。



■邵仲衡(右)訪問老木匠,仲即場學整木傢俬。互聯網圖片

有《鬼怪》睇

劇集方面,攞到韓國男神孔劉主演嘅《鬼怪─孤單又燦爛的神》播映權,仲有方中信同林峯主演嘅內地劇《六扇門》,自家製作有鄭融主演嘅《100天》等。此外,奇妙電視77台透過固網傳送訊號,再經公共天綫入屋,只要係使用有線電視固定網絡系統嘅大廈,住戶就可以重新搜台接收奇妙電視嘅數碼同模擬訊號。




來源: http://hk.apple.nextmedia.com/entertainment/art/20170512/20018339
杜汶 汶澤 澤邵 邵仲 仲衡 奇妙 講食 食講 情懷
PermaLink: https://articles.zkiz.com/?id=332618

【唔使Chok】杜汶澤秘製豬扒飯 音音姐大讚︰最好食!

1 : GS(14)@2017-07-02 14:52:27

最近他在飲食節目《杜汶澤食住上》中教煮餸,還一邊煮一邊爆金句。



「這真是我吃過所有焗豬排飯中,最好吃的豬排!」連音音姐都大讚的豬扒飯,原來是出自阿澤之手。想不到杜汶澤Sell豬排飯和做豬排飯一樣掂,最近他在飲食節目《杜汶澤食住上》中教煮餸,還一邊煮一邊爆金句。前幾集做過慢煮牛肋骨和蘿蔔糕都難不到他,最新一集就做他的招牌焗豬排飯,剁豬排、炒飯都有板有眼,連網民都讚他的手勢純熟流暢,又不花巧,跟謝霆鋒的華而不實正正相反。快睇片學嘢喇!



每集都會邀請不同嘉賓上來試試他的手勢。

奇妙電視《杜汶澤食住上》-焗豬扒飯播出日期:2017年6月24日(星期六)播出時間:晚上9時正播映頻道:奇妙電視粵語頻道77台記者:黎婉婷2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170702/20075689
唔使 Chok 杜汶 汶澤 澤秘 秘製 製豬 豬扒 扒飯 音音 音姐 姐大 大讚 最好
PermaLink: https://articles.zkiz.com/?id=337721

杜汶澤培訓鄧麗欣

1 : GS(14)@2017-08-06 11:39:14

鄧麗欣(右)、倉田保昭及歐錦棠主演、杜汶澤(左)自編自導自演的電影《空手道》,已排期在11月2日上映。杜汶澤在戲中飾演陳強,甚有《無間道》儍強的味道。故事講述演教練的杜汶澤,為了令鄧麗欣重拾對空手道的熱情,當中有勵志加激情的橋段,可以算是女版《激戰》。於戲中演鄧麗欣父親的倉田保昭,其中一款海報是他在海邊練功的背影。




來源: http://hk.apple.nextmedia.com/entertainment/art/20170805/20111911
杜汶 汶澤 培訓 鄧麗 麗欣
PermaLink: https://articles.zkiz.com/?id=339802

杜汶澤胃有事入院

1 : GS(14)@2017-08-18 07:55:08

現年45歲的杜汶澤平時愛在facebook分享食好西,日前他留言:「我諗我要畀個胃唞吓。」到了昨日,他突然貼出「入廠」相,一臉鬚根的他穿上白色醫院衫,躺在病床上留言:「大家要注意,任何事情不要過量,愛惜身體,不要沉迷於追求健康的同時,亦無需刻意破壞,因為人身難得,該好好修行。」



■杜汶澤嗜杯中物,又愛在社交網分享食好西。互聯網圖片

友人紛紛留言問候阿澤,阿澤透露胃出現毛病,可能跟他愛杯中物有關,也估計他是往照胃鏡。張栢芝昨日留言慰問:「多鋒利嘅刀總有一天會生銹,真係要小心身體。」陳靜、林盛斌和區永權等都有問候。記者昨日聯絡阿澤,直至截稿前未有回覆。撰文:劉敏




來源: http://hk.apple.nextmedia.com/entertainment/art/20170818/20124574
杜汶 汶澤 澤胃 有事 入院
PermaLink: https://articles.zkiz.com/?id=340149

杜汶澤 鄧麗欣 以空手道的名義 2017/11/03

1 : GS(14)@2017-11-06 04:32:16

https://skypost.ulifestyle.com.h ... 4%E5%90%8D%E7%BE%A9

《空手道》,簡單直接的片名,承載的是杜汶澤自編自導自演的勵志故事和本土情懷。本身已取得空手道黑帶的他,在片中飾演繼承師傅空手道館的過氣師兄,與師傅女兒平川真理(鄧麗欣飾)因空手道館業權安排而重遇,兩人透過一場格鬥,重新找回自己的價值和存在意義,譜寫一段貼地而動人的奮鬥經歷。

看過《空手道》,便會發現一個從未如此這般的鄧麗欣(Stephy)。拋開過往葉念琛的「阿寶」包袱,這一次,Stephy以行動和信念來證明她好打得也好演得。「第一次見到劇本時,只聽到三個字︰空手道。我其實也很搲頭,因我對空手道毫無認識,所以後來和杜汶澤出來談劇本時,我也有問他究竟空手道、跆拳道及柔道有甚麼分別,然後我便上網看相關資料和片段。」Stephy說完,身旁的阿澤即時補充︰「就像我上網學煮餸一樣。」Stephy回想當日練習時,根本不知由何開始。「當時阿澤的日本籍大師兄教我基本功和套拳,其實基本功才是最難。開始時我覺得很挫敗,因為覺得自己甚麼都錯,45度和46度的角度是如何分辨?我只覺得自己永遠都不達標,可幸大家後來也給我信心,令我終於克服這些困難。」

片中杜汶澤和Stephy飾演師兄妹,二人經歷過人生的失意和低潮,憑着空手道,讓自己告別爛泥式生活,重拾自尊和自信。空手道已不僅是一門運動,而是砥礪人生的精神。杜汶澤說:「其實當初我學空手道只為打架,本身我是反對人們說空手道是運動,不過學完後我會深深體會它的確是運動,要達到一定程度的話,就必須刻苦、捱痛。」

受倉田保昭啟發

戲中飾演杜汶澤師傅、鄧麗欣父親的資深日本演員倉田保昭,本身也是空手道高手,由他參演本片絕對是錦上添花。「我見到倉田師傅時,第一感覺就是如果我70歲時,也能像他一樣把腿踢得那麼高就好。然後,他跟我說他從來不煙不酒,聽完後我想,我還是應該不會踢得那麼高。倉田師傅16歲便已考到黑帶,空手道的帶是跟人一世的,所以現在他的黑帶經歷了數十年洗禮,已經磨得變成淺灰色。他的一生就是空手道人生,其實有時做人如果簡簡單單,只沉迷一件事的話,也是好事。還記得在沖繩集訓時,倉田師傅說當地有三位空手道高手,兩位仍在任教,另一位則是的士司機,令我深深意識到,在生活中你遇到的下一個人,可能就是武林高手。」

阿澤充滿感染力

阿澤和Stephy在戲中飾演分別多年再遇的師兄妹,現實中二人早在十年前的《破事兒》已碰頭,只是當時對對方的印象並不算深刻。「他的心很細,注意到很多事情,《空手道》的團隊精神也是取決於他,他也很有感染力,所以這次我也拍得很開心,體力上縱然勞累,但整體來說也不會覺得辛苦」Stephy說。阿澤則笑言面對面前的Stephy,其實不太習慣。「我未接受到她化粧。由我和她談劇本到埋位拍攝,她其實都沒化粧,現在見到這位我不禁要問她是誰。」阿澤這番話,正好說明Stephy和她飾演的平川真理一樣,告別過去,脫胎換骨。

撰文︰宣柏健

攝影︰林良明

編輯︰黃卉彤

設計︰梁政敏

杜汶澤

髮型︰ Milk Chan@Xenter Salon

化粧︰ Mon Chun

鄧麗欣

髮型︰ Euling Chow@IL COLPO TST

化粧︰ Cyrus Lee

服裝︰ Edition Mo & Co

場地:The Mira Hong Kong
杜汶 汶澤 鄧麗 麗欣 空手道 空手 名義 2017 11 03
PermaLink: https://articles.zkiz.com/?id=343891

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019