荷李活票房：《狂野7》票房 內地反超北美
1 :
GS(14)@2015-04-28 22:53:11■《復仇者聯盟2》刷新咗本港單日票房紀錄。
已故影星保羅獲加（Paul Walker）及男星雲狄素（Vin Diesel）嘅電影《狂野時速7》（Furious7），喺內地嘅票房越戰越勇，開畫15日已經有20.6億人民幣，即25.75億港元，除咗超越咗《變形金剛：殲滅世紀》（Transformers：Age of Extinction）嘅19.68億人民幣嘅紀錄，成為咗內地史上最賣座電影之外，亦係繼《變》片後第二部內地反超北美票房嘅電影，唔怪得第八集都計劃嚟香港拍，《狂野7》嘅北美票房現時係3.2億美元（約24.96億港元），而全球票房已達13.2億美元（約103億港元）。至於超級英雄電影《復仇者聯盟2：奧創紀元》（Avengers：Age of Ultron）走勢都唔錯，在港周六嘅單日票房達1,575萬港元，成為本港歷年單日票房冠軍。另外，英國Amazon網透露《復仇者2》遲啲出嘅DVD會有一個同電影唔同嘅結局，亦會有加長版，吸引影迷預訂。撰文：房早鳴
來源:
http://hk.apple.nextmedia.com/entertainment/art/20150428/19127750
奇趣韓李活：5月新劇浪接浪宋智孝玩翻撻等食糊
1 :
GS(14)@2015-05-04 13:57:16自從神劇《來自星星的你》之後，暫時仍未有一套韓劇可以爆出，不過今個月似乎有轉機。本報嚴選六套5月新劇，當中「懵智」宋智孝將前男友卞耀漢的情史拍成電影，然後二人翻撻的tvN新劇《前女友俱樂部》屬於必追之選。而金秀賢繼《星星》後的回歸作《Producer》，也被外界一致睇好。這場韓劇收視大戰，注定精采。撰文：江湖
【食回頭草搶鏡】
《前女友俱樂部》演員：宋智孝、卞耀漢首播日期：5月8日（tvN電視台）宋智孝的搞笑功力，齋睇花絮片見她穿古裝自畫「八婆癦」，已經可以感受到。男主角卞耀漢之前在人氣劇《未生》的角色十分搶鏡，今次他飾演當紅網絡漫畫家，做出賤男行為公開自己過去與投資公司女強人、離婚有錢女及性感女演員的情史。而飾演電影製作人的智孝為救財困的公司，被迫接手將前男友卞耀漢的情史搬上大銀幕。tvN過往炮製的《未生》及智孝的《急診男女》等都贏盡口碑收視，今次絕對有機會再下一城跑出。追看指數：★★★★★（編註：以5★為最高）
【有金秀賢贏晒】
《Producer》演員：金秀賢、孔孝真、IU、車太鉉首播日期：5月15日（KBS電視台）「都教授」金秀賢千挑萬選再戰公仔箱之作，號召華麗陣容演出，牌面冇得輸。故事以電視台做背景，講述金秀賢加入電視台做新人導演，戀上「魔女導演」孔孝真，不過愛神之箭亂射，令二人與IU及車太鉉陷入四角戀，還有金鐘國一改形象，飾演拍馬屁達人。加上客串陣容隨手數來已經有TaeTiSeo、2PM成員Nichkhun等，而每次劇組公開海報或預告都引起迴響，劇集的首播日期又一再押後，令劇迷吊足胃口，所以贏收視並非難事。追看指數：★★★★★
■金秀賢於《Producer》將會戀上孔孝真。
【用濟州島吸客】
《心情好又溫暖》演員：姜素拉、劉延錫首播日期：5月13日（MBC電視台）《未生》長腿女星姜素拉飾演內衣店職員，後來與《請回答1994》的「七封」劉延錫在濟州島相遇，譜出戀曲。編劇洪氏姊妹曾炮製爆紅韓劇如《最佳愛情》、《主君的太陽》等，有信心保證，而且今次劇組拉隊前往出名靚景的濟州島拍攝，睇見姜素拉在海邊騎馬，已經是視覺享受。當然，如果金宇彬沒有辭演男主角會更加好。追看指數：★★★★
【豪門暗鬥出招】
《假面》演員：秀愛、朱智勛首播日期：5月27日（SBS電視台）豪門明爭暗鬥、陰謀報復的故事。秀愛前年在《野王》中扮演一心想要脫貧成為第一夫人的慾望女，贏得高達25.8%的收視。今次她改為飾演隱瞞身份嫁入豪門做千億新抱的女子，面對朱智勛無條件地付出，又有人想揭開她的真實身份，加上她要與已經知道她所有秘密的人角力，揭露出人性黑暗的一面，可說是秀愛演技的晒冷作。追看指數：★★★★
【大玩人鬼情緣】
《Orange Marmalade》演員：呂珍九、雪炫首播日期：5月15日（KBS電視台）曾於《懷抱太陽的月亮》中飾演金秀賢童年的呂珍九，新劇和《Producer》同日首播，今次他不再做皇帝，反而演高中風頭躉，與隱瞞吸血鬼身份轉校來的女同學雪炫走得越來越近，更甜絲絲地彈結他。同劇還有人氣樂隊CNBLUE成員李宗泫演吸血鬼。吸血鬼題材向來受歡迎，加上改編自人氣網絡漫畫，相信會有一定捧場客。追看指數：★★★
【蒙面英雄查案】
《蒙面檢察官》演員：金宣兒、朱相昱首播日期：5月20日（KBS電視台）「金三珣」金宣兒相隔三年再拍韓劇，飾演一名身穿迷你裙、毫不在意外界目光和壓力的正義女警官。男主角朱相昱之前在《美女的誕生》中有不少盞鬼演出，今次飾演熱血檢察官，每當他遇到無法以檢察官的身份解決的問題時，就會變身蒙面英雄，用拳頭來解決。故事抵死過癮，兩位主角早前對劇本時亦表示期待擦出火花。追看指數：★★★
來源:
http://hk.apple.nextmedia.com/entertainment/art/20150504/19134511
馮仁昭四圍超：曉明Baby再報喜打孖闖荷李活
1 :
GS(14)@2015-06-05 09:29:25黃曉明上個禮拜三同太太楊穎（Angelababy）喺青島領證結婚後，雙雙再有喜事宣佈！黃曉明同趙薇噚日凌晨，喺洛杉磯荷李活星光大道嘅中國大劇院打手印同腳印，同場仲有曾執導《狂野時速》系列嘅華裔導演林詣彬，佢哋更係繼吳宇森、成龍同馮小剛後，獲得呢個榮耀嘅華人電影人，黃曉明係第一位內地男星留印，趙薇更係星光大道首位亞洲女演員，趙薇個富商老公黃有龍都有嚟度撐老婆。儀式舉行期間落雨，連黃曉明都笑言：「在洛杉磯拍戲兩個月都沒下雨，居然今天下雨了，都覺得是一件幸運的事情。」
■黃曉明同趙薇喺娛樂圈成績驕人，齊齊名留荷李活。
■黃曉明同趙薇喺荷李活星光大道打手印，趙薇老公黃有龍都有現身。
Baby拍《天煞2》
黃曉明接受訪問時，都有多謝新婚太太Angelababy，佢話：「我的經歷也是adventure，很開心成為在此留下手印的中國男演員第一人。感謝祖國，父母，感謝老婆，感謝電影給我夢想。」另一邊廂，Baby喺北京出席遊戲活動未有陪老公去洛杉磯，不過佢嚟緊有機會拍荷李活片《天煞：地球反擊戰2》（Independence Day2），飾演名字叫Rain嘅角色，但未知有幾多戲份。電影官網已宣佈消息，該片導演羅倫艾默烈治（Roland Emmerich）更用中國最閃亮女星形容Baby。撰文：馮仁昭
來源:
http://hk.apple.nextmedia.com/entertainment/art/20150605/19172339
正式滿約 結束16年賓主情杏兒飛無綫攻荷李活
1 :
GS(14)@2015-07-22 08:20:34■胡杏兒昨終約滿無綫，以2,500萬簽約蕭定一旗下公司。資料圖片
在香港一台獨大的電視一哥無綫因一向出手低，不少小生花旦約滿都不願再續約，如今該台的影響力可謂今非昔比。當紅一線花旦胡杏兒昨天正式離開無綫，結束16年賓主關係，而昨日是最後一天，她已經與男友度完假回來，已低調由新加坡直接飛返內地開工拍攝劇集《領養》。
■杏兒在IG留言指回到現實，似暗示終撇甩無綫。
孖莫文蔚接拍西片
今年事業愛情兩得意的胡杏兒已年屆35歲，她私下跟閨蜜透露，99年開始簽約無綫，合作了十多年，應該是時候求變了。而愛情方面男友又向她求婚，計劃年底舉行婚禮，但剛轉新公司的她還在考慮，想在事業再拼搏多一年再作打算。據知她將加盟蕭定一旗下的一元製作室和轉戰內地市場及接拍西片，年期為三年，包薪2,500萬。除了蕭定一公司和英皇對其感興趣外，北京的華誼兄弟、海潤和李澤楷旗下的大國豐臣等娛樂公司都邀請她加盟，只不過蕭定一公司出手闊綽，又真的為她開拓電影市場，想來想去，最終都是簽阿一公司，下周拍完劇回港，阿一公司會安排她接演一部與莫文蔚合演的西片，年底再為她度身訂做角色拍新片。
「合約的確係滿咗」
雖然杏兒已經不是無綫旗下藝人，但畢竟合作了這麼長時間有一定感情，所以縱使約滿，她也不想舊公司沒有面子，所以約滿也是比較低調，新公司也盡量配合，願意再過一段時間才對外公佈她加盟的消息，但她就在Instagram寫了句：「Back to reality！（回到現實）」昨日問杏兒正式離開無綫有何感受？她說：「唔好意思各位，合約的確係滿咗，心情有點複雜，亦很不捨，但暫時未有可以宣佈嘅事情，因為劇集正在趕煞青，所以回港後再同大家見面，謝謝大家關心！」而問到蕭定一杏兒是否正式加盟旗下？他說：「而家我都冇乜可以講，到適當時候，自有分曉啦！」此外，杏兒昨日亦在內地接受訪問，對今次離巢外闖，杏兒說：「今年無論喺事業或者生活上，都係好大變動嘅一年，我自己真係好希望去再經歷吓唔同嘅環境，亦都想放鬆一吓，好好享受人生。」她續說：「喺呢16年要多謝嘅人實在太多，我覺得自己好幸運。」採訪：鍾國仁
■杏兒早前在內地演出綜藝節目《奇妙的朋友》而人氣急升。資料圖片
■出名闊綽的蕭定一前年亦以4,000萬簽下Chilam。資料圖片
■杏兒日前被踢爆陪男友Phil赴新加坡睇波。資料圖片
來源:
http://hk.apple.nextmedia.com/entertainment/art/20150721/19226382
荷李活走寶事件簿 2015年10月15日
1 :
GS(14)@2015-10-18 23:52:34http://www.am730.com.hk/article-285177
世界上好多人都以為自己係千里馬，會怨遇唔到伯樂，聽落好似好悲哀，不過命運呢樣嘢好奇妙，有時千里馬唔知已經遇到伯樂，有時伯樂都唔知眼前嘅就係千里馬，單係荷李活，戲裡戲外都發生過唔少呢啲走寶事件，雖然部分唔知係真定係假，不過事實係，把握到機會嘅人成功咗。文：77合作社
羅拔迪尼路
影帝羅拔迪尼路當年覺得唔會有人睇海盜戲，拒絕咗《魔盜王》(Pirates of the Caribbean)入面Jack Sparrow船長呢個經典角色，後來佢梗係揼心，為咗補償自己，不惜犧牲色相接拍《魔幻星塵》(Stardust)入面有易服癖嘅海盜莎士比亞船長，噢，同Jack Sparrow船長差好遠啊。
Emily Watson
《天使愛美麗》(Amélie)嘅主角Amélie，係導演Jean-Pierre Jeunet為英國演員Emily Watson度身訂造，可惜，導演一廂情願覺得Emily幾日就會學識法文，Emily梗係唔敢博，角色最終俾咗當時寂寂無名嘅法國演員Audrey Tautou，後來有口痕友問Emily有無後悔，佢梗係話無，唔係想佢點答啫？！
成龍/李連杰
《義勇群英之毒蛇風暴》(G.I.Joe：The Rise Of Cobra) 喺美國開畫票房大收1.7億港幣，南韓紅星李炳憲真係執到寶，事關部戲本身係搵成龍或者李連杰嚟做，雖然得一場戲以真面目示人，不過李炳憲完全唔介意，反而覺得難能可貴，話時話，九成戲要蒙住面，唔怪得之兩位大哥唔接啦！
舒淇
依家講起《臥虎藏龍》玉嬌龍，大家都會諗起章子怡，不過李安當年嘅第一人選係舒淇至真，原本嘅玉嬌龍亦較剛陽強悍，可惜舒淇無檔期，章子怡就得到呢個機會，角色性格亦因為佢嘅外形而要改動，真係執到寶。
M&M’s
記得《E.T.》嘅小主角係用朱古力豆引E.T.現身，史堤芬史匹堡原本想搵M&M’s幫手，點知M&M’s嫌E.T.個樣醜而拒絕，咁啱當時Reese’s Pieces都有生產朱古力豆，贊助之餘仲豪咗100萬美金俾部戲宣傳，結果部戲開畫頭2星期，Reese’s Pieces銷量就升咗3倍，最終賺咗2千萬美金呀！
Eliza Dushku
《狂野時速》(The Fast And The Furious)長拍長有，主角絕對名利雙收。話說第一集已故演員保羅獲加喺戲中女朋友Mia嘅角色，搵嚟一粒超奀星Eliza Dushku飾演，點知佢拒絕咗，最後就搵咗另一粒超奀星Jordana Brewster，至於邊個係Eliza Dushku？近年好似無乜拍戲。
Chuck
相信好多人都聽過《劫後重生》(Cast Away)嘅傳聞，就係話由湯漢斯飾演嘅主角Chuck，喺荒島留咗一份無拆嘅FedEx包裹，入面其實係一部太陽能衞星電話。如果有睇DVD入面一段收得好埋嘅訪問，就會見到導演Robert Zemeckis親口回應：「裡面係一部防水太陽能衛星電話。」Chuck：「天呀！」
1,849間電影公司
史泰龍當年用咗3日寫起《洛奇》呢部經典電影，不過佢當年又窮又燶，要搵電影公司幫手，仲堅持自己嚟做主角，結果俾荷李活500間公司拒絕，仲要每間拒絕3次，喺佢第4輪再拜訪呢500間公司嘅時候，第350間公司終於答應佢，咁計法，即係有1,849間電影公司走咗寶。
華納兄弟
奧斯卡名片《一百萬零一夜》(Slumdog Millionaire)成本大約係1.16億港元，喺荷李活叫做獨立電影、小本製作，套戲當年差啲無得喺北美上畫，事關華納兄弟為咗慳錢想cut咗北美發行，好彩Fox Searchlight冷手執個熱煎堆，結果《百》喺北美開畫3個月，就賺咗7.6億港元，係成本6倍有多呀！
觀眾
《魔間傳奇》(I Am Legend)有個場景嘅電影廣告板，係重疊超人同蝙蝠俠logo嘅poster，原來華納曾經想開拍《蝙蝠俠大戰超人》，可惜成本太高煞停，曾經參與嘅編劇Akiva Goldsman，為咗紀念呢部胎死腹中嘅戲，就將佢加入《魔》嘅場景，無緣欣賞咁精彩嘅戲，仲唔係觀眾走寶？！不過，事隔8年，華納搵到合夥人，終於夠錢開拍喇！
李準基拍《生化6》進軍荷李活
1 :
GS(14)@2015-10-19 07:35:59韓劇《夜行書生》男星李準基進軍荷李活，拍攝首部電影《生化危機6》（Resident Evil：The Final Chapter）！此電影系列的女主角美娜祖維華芝（Milla Jovovich），昨日在Instagram公開和李準基的合照，並留言：「過去幾晚跟好出色的跆拳道大師兼演員李準基一起，感覺很有趣很正，令我想重新上堂提升實力。」
■李準基日前暗示身處南非並非旅遊。
事務所證實李準基有份演出《生化危機6》，更透露他目前身在南非：「但李準基飾演的角色和戲份的多寡，暫時無可奉告。」撰文：江瑚
來源:
http://hk.apple.nextmedia.com/entertainment/art/20151018/19337561
徐子淇又晒仔建熹坐荷李活星級BB凳
1 :
GS(14)@2016-03-02 15:16:54千億新抱徐子淇先後為李家生咗兩個「好」字，今年1月仲豪使千萬於中環摩天輪旁搭巨型帳篷，為孻仔建熹搞百日宴，似乎特別錫佢咁。其實除咗豪搞百日宴，子淇仲不時會喺IG晒建熹靚相。日前，佢就po咗建熹近照，相中建熹所坐嘅凳仲係出自荷蘭嘅nuna BB名牌，呢個品牌旗下嘅「Nuna Leaf」BB凳出名舒服，據稱BB坐上時就可好快覺覺豬。而呢個品牌嘅BB車亦深受荷李活星媽追棒，好似Gwen Stefani、名模Miranda Kerr和Jamie King都係用家。
來源:
http://hk.apple.nextmedia.com/entertainment/art/20160302/19512018
荷李活星談：《萬千星輝綁架案》影射同行佐治古尼人夫過宅佬生活
1 :
GS(14)@2016-03-06 03:14:48【《蘋果》洛杉磯專訪】由金像導演高安兄弟（Coen Brothers）Joel和Ethan Coen炮製的新片《萬千星輝綁架案》（Hail, Caesar！），起用多位荷李活紅星攜手演出，環球電影公司日前安排本報記者到比華利山四季酒店，跟片中三星佐治古尼（George Clooney）、佐斯布連（Josh Brolin）和卓寧泰坦（Channing Tatum）作獨家訪問，以前愛五光十色生活的佐治古尼更難得大談告別王老五後的宅佬生活。香港上映日期：本月10日佐：佐治古尼記：記者記：《萬千星輝綁架案》有不少影射圈中人的橋段，有報道指你所演的角色其實是已故影星Fred Macmurray，是嗎？佐：是的，不過我也覺得他有點像《不是冤家不聚頭》（My Gal Sal）的Victor Mature。記：有沒有一些角色令你想繼續演下去呢？佐：有，例如《逃獄三王》（O Brother, Where Art Thou）內的Everett、《至激關係》（Out of Sight）的Jack Foley等，我可說我演過這麼多不同的角色，我都很喜愛，有時也會在想，當電影停了之後，那些角色的生活會變成如何。記：現在特朗普（Donald Trump）是美國共和黨的大熱參選人，你覺得哪一位演員能演特朗普這角色呢？佐：我不會答這問題，如果我跟你開這個玩笑，可能明天成為頭條新聞！記：對今次片中的戲服，你有甚麼感覺呢？佐：當我第一次試身時，我覺得一生的演藝事業都可以畫上句號了，導演Eyhan和Joel還在旁邊大笑。
■佐治飾演被綁架的大明星，但全片只得這個凱撒look。
澄清愛妻未有孕
記：你太太Amal有何想法呢？她有沒有影響你穿衣的品味呢？佐：她對我說2016年會很流行穿皮草製造的服飾，Amal從沒有投訴我的服裝選擇，但我知道她不太喜歡我在數年來穿着晚禮服出席一些大場合，但我也明白她的立場，因此她要花時間上裝，也有壓力去穿不同晚裝陪我出席大型盛會或晚宴。記：到現在還有很多八卦報寫你和太太離婚的傳聞，你有甚麼看法呢？佐：如果不是寫我們離婚便是寫Amal在懷孕，我只可說我們不是搞離婚，Amal現在也沒有懷孕。記：可否談一下結婚之後，你和太太的生活呢？佐：一般都正常，通常我們7時多便起床，吃早餐，我喜愛每天早上做運動，如果我們在洛杉磯的話，我通常是談一些電影的工作，如果我們在英國，我通常會寫作，Amal有家人和朋友們，比較獨立，早前Amal幫助馬爾代夫前總統納希德（Mohamed Nasheed）釋放到倫敦接受手術，他還到我們家中向我們道謝呢！我們在英國的生活跟荷李活的生活很不同，我也很支持人權的工作。
施嘉莉祖安遜
群星送驚喜
《慾女掌門》施嘉莉祖安遜（Scarlett Johansson）在片中飾演影壇女神，她以美人魚造型演繹戲中戲時化身出水芙蓉。不過，其角色在鏡頭後其實是個慾女掌門人，施嘉莉更要擘髀與佐斯布連講數。
《硬膠男神》愛頓艾維列治（Alden Ehrenreich）飾演的大明星Hobart Doyle，被片商塑造成西部牛仔片的首席男神。雖然他外形俊朗及唱功了得，卻演技水皮，加上口齒不清，鬧出不少笑話。
《八卦記者》金像影后泰達史雲頓（Tilda Swinton），今次在片中一人分飾兩角，扮演傳媒界孖生姊妹。其飾演的兩角同屬娛樂八卦新聞的專欄寫手，為爭獨家新聞卻針鋒相對，甫出場已經有惹笑效果。
記者Lilly Lui直擊報道（Hollywood Foreign Press Association）
故事簡介
在荷李活黃金時代後期，電影界巨頭卡必圖公司重金製作年度猛片《凱撒萬歲！》。正當拍攝工作如火如荼，由佐治古尼飾演的主角兼巨星伯德韋洛，卻突然被神秘組織離奇綁架。專為公司內明星解決大小問題的高層曼尼斯（佐斯布連）既要阻止消息曝光，更要展開救人行動，並鬧出不少影圈笑話，又是高安兄弟一貫的抵死作風。
來源:
http://hk.apple.nextmedia.com/entertainment/art/20160305/19516836
Baby驕傲編荷李活夢
1 :
GS(14)@2016-06-06 03:03:18楊穎（Angelababy）日前為內地時尚雜誌拍攝硬照，化身成馴獸師與不同的小動物影相，Baby抱完小白兔，又作狀親吻變色龍兼讓牠在手上亂爬，完成拍攝後仍意猶未盡說：「我還想和變色龍多玩一會。」
■Baby馴獸成功，令兔仔乖乖趴在手上。
Baby有份參演的電影《天煞地球反擊戰：復甦紀元》（Independence Day：Resurgence）本月23日上映，戲中她和隊友並肩反擊外星人，最終成功保護地球。提到不少中國女演員拍攝荷李活電影都不被重視，Baby認為每部電影都不一樣：「我看到劇本的時候，覺得這個故事拍出來會很厲害。可以參與為大家編製一個美好的夢，也是一件高興的事。」撰文：陳以晴
來源:
http://hk.apple.nextmedia.com/entertainment/art/20160602/19636988
【荷李活星談】非常盜2 變出亞洲風
1 :
GS(14)@2016-06-06 03:17:56魔術主題電影《非常盜2》（Now You See Me：The Second Act）繼續大玩視覺感觀，更有新角色加盟，如找來周杰倫加添不少亞洲色彩，還請來殿堂級魔術高手及讀心師擔任顧問，肯定可以滿足廣大魔法迷。撰文：黃珈楠
由謝西艾辛堡（Jesse Eisenberg）、活地夏里遜（Woody Harrelson）、戴夫法蘭高（Dave Franco）、麥克雷法路（Mark Ruffalo）、摩根費曼（Morgan Freeman）、米高堅（Michael Caine）等合演的電影《非常盜》（Now You See Me），在2013年上映時大收旺場，全球錄得逾3億美元票房（約23.4億港元），以魔術作為題材更風靡全球，電影公司起用原班人馬開拍續集《非常盜2》，雖然上集女主角未有歸隊，但今次就加入「哈仔」丹尼爾拉德克里夫（Daniel Radcliffe）、麗茲卡潘（Lizzy Caplan）及飾演魔術道具店老闆的周杰倫，並由美籍華裔導演朱浩偉（Jon M. Chu）負責執導，為今次新片增添了不少亞洲色彩。
挑戰中文對白
今集劇本由編劇Ed Solomon和Peter Chiarelli聯合編寫，又是集合魔術、心計及動作等豐富元素，目標是保留上集電影精神的同時，把故事和人物挖掘得更深更廣。上集四騎士處處領先敵人，今集則風水輪流轉，不慎墮入別人佈置的陷阱，繼而受到威脅。電影以魔術表演作為主導，《非常盜2》的時空設在上集故事結局的一年後，四騎士銷聲匿迹，靜待麥克雷法路所屬的神秘魔術組織「天眼」委派下一個任務。那邊廂，四騎士的剋星、以拆穿魔術師戲法為業的Thaddeus Bradley就身陷牢獄，而FBI也在全力緝捕四騎士。《非常盜》女星艾娜菲舒亞（Isla Fisher）因懷孕而未能參演續集，四騎士又豈能三缺一？於是今集加入了全新女騎士Lula，起用麗茲卡潘上陣。電影大隊去年底到澳門取景，主角謝西艾辛堡等人在澳門上演不少驚險及魔術場面，四騎士在多個充滿中國色彩的場景演出，片中會充斥廣東話，連麥克雷法路和摩根費曼都在片中挑戰中文對白。
■丹尼爾加盟飾演富商，十分仰慕四騎士。
■《非常盜2》去年在澳門取景，更在賭場實景拍攝。
棄用電腦特效
為拍攝當中的魔術戲份，特別請來多位世界級頂尖魔術師擔任顧問，並由演員親身演繹，而導演朱浩偉更以使用最少或不用電腦特效作大前提，在銀幕呈現不經剪接的魔術場面。電影亦找來在魔法界鼎鼎大名的專家提供意見，包括讀心師Keith Barry及殿堂級魔術師大衞高柏飛（David Copperfield），後者更擔任本片聯合監製，親自炮製魔術道具及提供意見，把《非常盜2》變得更富可觀性。
來源:
http://hk.apple.nextmedia.com/entertainment/art/20160605/19641384
Next Page