ZKIZ Archives


隔牆有耳:會計師內地被槍指頭

1 : GS(14)@2011-07-30 17:00:58

http://hk.apple.nextmedia.com/template/apple/art_main.php?iss_id=20110730&sec_id=4104&subsec=15333&art_id=15478867


香港傳統智慧「發三師」,即係做專業人士錢途無限,但近年世界變,專業人士搵食隨時要搵命博,八方冇誇張,最新一期會計師公會官方雜誌《 A Plus》就披露咗個會計師被槍指頭嘅驚險故事。
專做合併、上市前盡職審查( Due Diligence,DD)嘅顧問公司老闆 Steve Vickers接受《 A Plus》訪問時,形容大陸係「 Wild East」,佢手下會計師北上巡廠、查公司賬目時步步驚心,曾經有會計師被困房內,俾人用槍指住個頭!
Steve話好多小公司老闆唔知道 DD做乜,以為去算賬別有用心,因此好抗拒會計師睇數。仲有啲做戲咁做嘅 case,就喺民企搵老臨扮銀行經理,向查數嘅會計師出示偽造賬目文件,佢話近期見到越來越多大陸公司用疑似銀行信件去呃會計師,若然睇漏眼就唔得掂。
2 : GS(14)@2011-07-30 17:02:47

http://app1.hkicpa.org.hk/APLUS/ ... -selling-output.pdf
As he does for all companies he’s looking to short – making money by betting that the share price of a stock should be much lower – he pulled out Gulf Resources’ financial records and cross-compared them with equivalent companies. A look at Gulf Resources’
balance sheet from its 2009 annual report stopped him cold, he says.

“The American equivalent was a company, which is now private, called Great Lakes Chemical,” Hempton tells A Plus. The company, which was last publicly listed six years ago, recorded an inventory of US$324 million and sales of US$1.6 billion on its 2004 annual report – meaning it turned over its inventory five times
that year.

But Gulf Resources recorded US$110 million in sales with US$650,000 in inventories. “In other words, they turned their inventory stock over 170 times per year?” Hempton asks rhetorically. “That just didn’t make sense.”
3 : GS(14)@2011-07-30 17:06:50

http://app1.hkicpa.org.hk/APLUS/ ... 5-due-diligence.pdf
Even professionals can be swayed. Vickers recalls instances of targets under investigation being tipped off in advance, while Lane of Red Flag says he has heard of local due-diligence and other compliance-related staff succumbing to the temptation of under-the-table payments. “It usually happens to junior employees,” Lane says.
4 : 龍生(798)@2011-07-31 12:23:00

呢的咪叫在刀口上搵食lor, 即刻充滿霸氣, 呢的錢, 抵佢搵既!!
5 : GS(14)@2011-07-31 16:14:55

其實賺得唔多,時薪好過七仔咁
6 : GS(14)@2011-07-31 16:36:46

http://www.inv168.com/phpBB3/viewtopic.php?f=5&p=1553187#p1553187

係大陸私藏槍枝係重罪,判十年廿年監都有可能,使唔使呀。做大都要有個譜架! :inv168_12: :inv168_12: :inv168_12:

要係畀我做大就係 ─ 用成噸炸藥指住個頭,或者用中短程飛彈指住個頭。咁先夠吸引眼球嗎! :inv168_12:

哈哈 ~~~~~~ 好好笑!

...

文章由 gaubinfor » 週六 7月 30日, 2011年 11:46 pm
你係會計師,響內地被 Due D 對象 / Client 槍指頭,你可以點做 ? 除左暫時表示應和,等回港 / 無危險後馬上向上級 / 相關團隊報告外,等佢地決定是否 resign / 妥協外,有無其他方法 ?

又,是否有兩家會計師事務所正在打官司,或某間行正與其前高層打緊官司? 如果唔係何以有這類陳年電郵外洩兼給推上報 ?

http://news.hotpot.hk/fruit/art_ ... 104&art_id=15478684

文章由 gaubinfor » 週六 7月 30日, 2011年 11:52 pm
以下絕非虛構,每年小妹至少聽到一單類似的個案,然而對方總不肯告訴我最後點收科,或那港人員工點脫險。

假設你是某大陸廠佬的會計師。某日你回廠,廠佬在你未知情前忽然人間蒸發,and/or 同時廠內值錢原料和機器一夜被運走。大批憤怒的大陸工人和工頭把你困在辦公室裡討薪,容許你打電話但不許你報公安及通知家人,你會點做?

文章由 alia » 週日 7月 31日, 2011年 12:38 am
響大陸渣住枝槍有幾出奇, 淨係講有軍佬或者公安背景既公司已經有可能......況且, 原文幾時有講過話有人私藏槍械...??? :inv168_10:
隔牆 有耳 會計師 會計 內地 被槍 指頭
PermaLink: https://articles.zkiz.com/?id=275622

隔牆有耳:趙海珠峇里島結婚

1 : GS(14)@2011-11-14 23:02:08

http://hk.apple.nextmedia.com/te ... 104&art_id=15798773


香港乜人都有,好多人睇新聞唔係關心時事,反而係睇報新聞嘅靚女主播,女主播更加被唔少宅男奉為女神。無綫新聞前女主播趙海珠,曾經係唔少粉絲嘅女神,珠珠將會喺嚟緊星期六同從商嘅男友拉埋天窗,喺峇里島 Nusa Dua嘅 Melia酒店擺喜酒,佢仲包咗 80位親友機票住宿過去觀禮。
2 : 草帽(1253)@2011-11-15 17:38:13

真係有銀.
3 : greatsoup38(830)@2011-11-15 21:06:06

唔有銀點去呢D地方? 今日爽報又唱佢
隔牆 有耳 海珠 結婚
PermaLink: https://articles.zkiz.com/?id=276580

隔牆有耳:澳門詹培忠鬧富二代仆…

1 : GS(14)@2011-11-24 21:54:20

http://hk.apple.nextmedia.com/te ... 104&art_id=15827125

有「澳門詹培忠」之稱、綽號嘅馮大炮澳門立法會建制派議員馮志強(圖),同香港保皇黨一樣,鍾意向反對派發炮,日前發偉論時話:「搞到董建華落台,就係有一部份政客去打擊官員,搞到(董)永不抬頭、不作為,你(哋)係咪想見到呢一套?」
今年澳門派錢比香港多 1,000蚊,本身係建築置業商會會長嘅馮大炮好唔 like,問澳門財爺係咪要同香港鬥多?「我隔籬嗰個大把錢,畀佢有冇意思?」大炮所指嘅,咪係坐佢隔籬嘅賭王四太梁安琪囉。
大炮越發越激,「再派多幾年,澳門人都係廢柴,淨識享樂,唔識做嘢」,講到咁激,因佢有切膚之痛,「我嘅仔女就係唔使做嘢,廢嘅!」佢又話免費教育冇人珍惜,「學生吸毒、搶劫、援交都有」;富二代世姪約會都喺六星級酒店,「如果有女仔喺度,開香檳幾十萬一晚。」
講吓講吓差啲爆粗,「點解我哋下一代咁嘅貓樣、咁嘅仆……唔係,咁嘅衰樣?」搞到四太揞住口笑。
隔牆 有耳 澳門 詹培 培忠 忠鬧 鬧富 二代
PermaLink: https://articles.zkiz.com/?id=276700

隔牆有耳:萬寧貓真身係美少女

1 : GS(14)@2012-01-09 23:38:39

http://hk.apple.nextmedia.com/te ... 104&art_id=15964927


最近熱爆嘅廣告,肯定非萬寧嘅儍貓千里訪尋高山雪蓮救主人莫屬,人人睇完都大讚感動,諗起屋企隻儍貓唔知會唔會咁有主人心?
廣告中嘅儍貓識行識走,一睇就知係人扮嘅,但大家可能估唔到,原來呢隻咁惹人憐愛嘅儍貓,本身都係一位相當可愛嘅美少女。
2 : CHAUCHAU(1254)@2012-01-09 23:46:32

me
3 : GS(14)@2012-01-09 23:49:44

2樓提及
me


原來是呢隻,幾靚
4 : CHAUCHAU(1254)@2012-01-09 23:54:18

今年要揾股市雪蓮,轉下頭像望2012成功
5 : greatsoup38(830)@2012-01-09 23:56:45

4樓提及
今年要揾股市雪蓮,轉下頭像望2012成功


我希望追番少少,唔是好大貪
6 : skycity(2352)@2012-01-10 00:18:57

這個廣告拍得不錯,第一次睇時還覺得好搞笑下.smiley
好過之前果D"藥劑師"好多啦!
7 : GS(14)@2012-01-10 21:26:00


8 : GS(14)@2012-01-10 21:26:33

廣告
隔牆 有耳 萬寧 真身 係美 少女
PermaLink: https://articles.zkiz.com/?id=277187

隔牆有耳:李家仁新作《小明學救傷》

1 : GS(14)@2012-01-10 23:14:43

http://hk.apple.nextmedia.com/te ... 104&art_id=15969068
2 : GS(14)@2012-01-10 23:15:03

身為聖約翰救傷會副總監嘅李家仁最近自動獻身,為屬會作咗首名為《小明學救傷》嘅新歌,仲喺傳媒飯局上「全球首播」,唔少席上傳媒都覺得「好榮幸」。李家仁好多謝咁多年青人支持,認為用小明身份呼籲啲人去學急救,一定更加鼓動人心。但《小明上廣州》實在太 hit,相信《小明學救傷》難打破佳績。
隔牆 有耳 李家 新作 小明 學救 救傷
PermaLink: https://articles.zkiz.com/?id=277205

隔牆有耳:女主播變知客 黃珊被高幹調戲

1 : GS(14)@2012-01-14 17:23:14

http://hk.apple.nextmedia.com/te ... 333&art_id=15972515


001年喺浸大傳理學院畢業嘅黃珊係公認大美人,結咗婚依然係唔少宅男夢中情人,難怪被幹部睇中,為免被騷擾,佢要以各種奇招閃避呢啲接待活動,有日「又有國家領導人到訪,我決定去廁所走一轉」,可惜不出幾分鐘佢就被「逮捕」,大嘆「畀老闆打嚟捉住咗」。


結果點樣甩身?佢自爆扮 Print嘢都係好方法,嗰次攞 Print out時,遠距離同老闆及檢察院長打招呼就解咗圍。佢無提及呢位檢察院長嚟自邊個省市,但肯定海南同湖北領導都曾經喺鳳凰留下腳毛,有個 Friend仲話見到黃珊出現喺海南台。
黃珊陪老闆陪到煩厭,有次大呻:「頂,唔好再搵我出嚟啦,唔該」。佢自爆唔知邊度嘅「大陸佬」有次叫佢拍戲,戲名叫《伏波傳奇》。佢某個 Friend搞爛 gag,話係咪《微波傳奇》至真?黃珊無奈話情願做《神鵰俠侶》隻鵰仲好囉。主播呢份工,認真唔易撈。


2 : 亞力士(1473)@2012-01-15 21:12:33

只係調戲 都無迷姦 咪算文明 (無意冒犯女主播)
3 : 肥B(18468)@2012-01-16 00:06:36

怕且想唔撈了, 博炒補多個月~~
4 : honey(6546)@2012-01-16 00:11:22

電視台好似一直都有同類問題
5 : GS(14)@2012-01-16 22:33:23

4樓提及
電視台好似一直都有同類問題


他呢間特別有問題
6 : idsdown(1658)@2012-01-16 22:49:11

鳳凰衛視香港台 點至睇到?
7 : GS(14)@2012-01-16 23:01:15

6樓提及
鳳凰衛視香港台 點至睇到?

http://phtv.ifeng.com/event/special/xianggangtaikaibo/
上網睇
隔牆 有耳 女主 主播 播變 知客 黃珊 珊被 高幹 調戲
PermaLink: https://articles.zkiz.com/?id=277283

隔牆有耳--短髮 Tanya:男仔話好睇

1 : GS(14)@2012-01-29 13:00:48

http://hk.apple.nextmedia.com/te ... 104&art_id=16021252
八方同事早排求為政客往黃大仙求靈籤,幫喺兔年慧劍斬情絲嘅公民黨 Tanya陳淑莊向黃大仙問姻緣,得出 60號中籤,指佢今年有望愛上老外。噚日八方見到陳淑莊,當然追問支籤靈唔靈,識咗外國男朋友未? Tanya就搞笑話自己其實一向識好多外國人,黨友司馬文係其中一個,可惜,男朋友就未有。
上次因為八方狂想曲幻想佢龍年結婚,結果搞到晨咁早畀陳媽媽電話追問搞邊科嘅 Tanya,噚日坦言陳媽媽年初一亦曾就佢今年將「愛上老外」一事發表評論,但 Tanya就話吸取上次經驗,今次不便分享陳媽媽高見。
2 : Ben(10970)@2012-01-29 14:12:05

早個月係間貴到pk既sushi店(鮨辰日本料理)門口見到佢,藍衫(one piece?)黑絲,係度blah blah blah講電話。以佢既年紀叫保養得好了

題外話個間日本野好似傅穎都成日去。
3 : GS(14)@2012-01-29 15:46:56

2樓提及
早個月係間貴到pk既sushi店(鮨辰日本料理)門口見到佢,藍衫(one piece?)黑絲,係度blah blah blah講電話。以佢既年紀叫保養得好了

題外話個間日本野好似傅穎都成日去。


我見到那個傅穎就dislike啦
隔牆 有耳 短髮 Tanya 男仔 仔話 話好 好睇
PermaLink: https://articles.zkiz.com/?id=277470

隔牆有耳:情色版做得差 中大生解謎

1 : GS(14)@2012-03-21 00:15:44

http://hk.apple.nextmedia.com/te ... 104&art_id=16172202

不過有同學仔就掛住「實踐」,搞到冇時間做情色版,副總編輯蕭浩恩話:「為了將情色版的理念帶入生命之中——即是在日常生活中實踐情慾——我已經花去了很多時間,愛不止要講,還要做的。結果反過來就沒有做情色版了。最後唔知點樣埋尾,我好冧我女朋友。」
2 : GS(14)@2012-03-21 00:16:15

http://cusp.hk/?p=2634
秘密
總編輯︰林慧嫻

我地莊期情色版做得頹,唔知選民/讀者點諗……係,又係我地衰,前排同莊員講過不如搞讀者會,最後不了了之。參選果陣熱情滿溢,當選後有不少頹位。諗起呢個時空嘅代議士,唔知有幾多個好似我咁?人,唉。

講個秘密你知:想當初,我非常落力拉票。好記得有晚響shaw校巴站,有個女仔行埋黎好認真問我:「點解要做情色版?」我答左政綱寫嘅野,可能見我答得核突,隔籬莊有人幫我補多幾句。個女仔走左之後我就話:「其實我未真切感受到做情色嘅必要。」一開始我就話不如唔好做情色版,但最後佢都係繼續存在,而且係具有正當性地存在。

開初我無掂情色版,因為無乜經驗又視之為禁忌。後尾feel到呢種性禁忌尤其對女仔造成壓力,好多女仔睇過AV又唔敢認自己睇過,就連拎包M巾出黎都極之忌諱。我知仲有其他群體受害,但我未能真切地身同感受呢……總之覺得繼續沉默都無補於事,發起茅就寫過一篇交換經驗同情色小說-十月號的〈不辨她或他〉,我好鍾意呢篇嘅內容x形式,不過都唔算犯禁。老實講我到依家都仲係幾保守的,當然我會話自己條底線係具有正當性。未諗得清楚,我嘅保守算唔算有份參與營造性壓迫嘅氛圍。

不過有點我諗得清楚嘅係:理應重新思考所謂社會常識同道德規範於人本身/人際間能否起正面、良性嘅作用。做任何野唔係要服膺主流或權威,雖然咁樣係最安全,但容易對主流權威以外嘅人造成直接/間接嘅壓迫。當然人生在世有責,但要搞清楚負責對象,要為自己、為同你相關、受你牽連嘅人負責。就係咁。

所以借呢個機會,同當初俾我熱情感染而投票嘅選民、睇開學生報嘅讀者道歉。

就像哲學
副總編輯︰蕭浩恩

讀了兩年多哲學,我很認同讀哲學的一條座右銘:哲學不應是一種象牙塔內的玩意,哲學應該扣連我們的生命,啟迪我們的人生。就像做情色版一樣。

情色版的理念是甚麼?就是講一堆人家不敢講的東西-情慾,因為情慾不應成為一種禁忌,反而更應得到公眾的廣泛討論。跟哲學同理,做情色版不應只是泛泛而談,談完以為自己衝破了某些規條就算,我們更要關注情色版的實踐面向-究竟講情慾如何啟迪我們的生命?

為了將情色版的理念帶入生命之中-即是在日常生活中實踐情慾-我已經花去了很多時間,愛不止要講,還要做的。結果反過來就沒時間做情色版了。

最後唔知點樣埋尾,我好冧我女朋友,多謝各位。

點解情色版做得咁頹?
秘書︰林紀善

活於社會,大概都很難離得開社會的影響。而社會的影響,好像很難一時三刻就毫不費力地改變。

所以,雖然道理上說得到給自己聽為什麼要做情色版,但其實習慣上、感覺上都不是太願意去做情色版。

這樣的話說起來也還真是挺諷刺的:我們一開始在政綱說什麼希望情色版可以做到讓大家「重新認識及發展自己的多元情慾面向,並從中學習與他人相處」,但身為編輯的我,其實並沒有努力地認識及發展自己的情慾,結果情色版也就做不好,達不到初衷。

這個版面如此丟荒了一年,真是相當糟糕的事情:(。

我真係冇咩經驗呢
執行編輯︰郭英東

Defensive一點地說,其實我是偷偷地踩過界,將情色版的內容搬到生活版呢(可參考〈食色性也〉)。為何會這樣做呢?因為我在想,性就是生活的一部份,無須刻意地將性框在情色版裡面丫,所以便將心思轉移到在生活版裡構思色情的情節,而非專在情色版大造文章。我都算有做嘢架。(極無恥地笑)

較認真而且老實一點地說,其實我是失去了經營情色版的動力。這是我經常存在的毛病,在腦裡留下一大堆問題,自己不去積極地解決,也很少跟其他編輯分享這些問題。而我對於情色版的問題,是來自Michel Foucault的History of Sexuality《性史》的第8頁,「我這本書提出的問題不是問『為何我們被壓抑了性』,而是問『為何我們現在這樣強烈地要去講我們被壓抑了性』」,即是說,為何我要那麼在意自己的性被壓抑了而且不斷地去講這種狀態?我生產的論述想要製造一種怎麼的效果?至今我仍未想到答案,但我還會繼續去看和試做,I mean 做文章。

最後,我真的沒甚麼性經驗。曾經幻想過上莊後,一眾編輯、職員及老鬼會在報社進行大雜交,但最後都沒有發生到,可惜可惜,哈哈。

總會有人出來啃吧……
財政︰鄧權偉

雖然政綱中講到天花龍鳳,要提供一個讓大家討論性的地方,擴闊大家對情慾的想像,但回首這一年的情色版,卻是……不堪回首。

在各個版面中,最易頹皮的應該是情色版。其他版面無咁易頹,因為就算如何沒有經驗,找到資料就可以寫文。例如之前寫的可口可樂,我對南美洲裝瓶工廠工人的慘況完全沒有認識,但睇料後可以補充自己經驗的不足。但情色版與其他版面不同之處,是需要自己親身經歷過,才能有靈感想到寫甚麼,睇料的幫助是有限的。而我對性沒有甚麼經驗,而且又不擅長描述情慾、感覺,所以不知有甚麼可寫。

但除了情慾以外,我們還有其他東西值得寫,例如因對情慾的想像與主流社會不符而受壓迫的人,我們可以寫這些,而這部分就算沒有甚麼個人經驗也可以寫到。但這部分因為無努力搵料,這部分也做得不好,而這部分是較容易做的。

由於自己拋不出甚麼好的idea,所以沒有資格說其他莊員做得不好。大家都抱着同樣的心態,於是乎當有人願意出來啃了這版時,只要不過不失就會讓它出街。

但是寫得不好看,總比甚麼也不寫強。歸根究柢,做得不好很主要是因為自己太懶惰了。

世界上最遙遠的距離不是生與死,而是……
執行編輯︰劉志翔

最初我地做情色版,不過係想講:我地需要重拾身體的感覺,讓我們一同正視身體嘅情感與慾望。但老實講,無論我地頹唔頹做,你都唔會透過睇情色版而捕捉到情慾實踐當下嘅感覺,亦唔會感受到自我作為身體本身的各種微妙反應。所以,唯有願意將情慾落實於生活之中,我們才能真正把握自己的身體,這才是情色版應做的事。簡單D講,寫作不過係手段,實踐先至係目的。其實,真正的情慾感受,就只有身體的在場才可能被呈現,而唔能夠被對象化,被回憶、想象以至書寫。

情色版嘅意義就係讓佢繼續存在,這就足夠了。

連解釋其實都很頹
副總編輯︰陸明敏

首先,多謝拎住本學生報(有心或無意地)揭到去情色版呢一頁而且睇到呢一句說話嘅你。或者你真係咁岩得咁橋揭到黎,又或者其實你係情色版嘅忠實fans,每期都淨係睇情色版。但係都想講句,對唔住,其實情色版做得好撚頹。

身邊有唔少有睇開情色版嘅朋友都會問,喂,情色版到喉唔到唔到肺,咁頹仲做黎做乜?但係「頹」其實唔單止係達唔到讀者嘅期望,同時亦係冇好好咁講出我地想講嘅野,想讀者知道嘅野。(都get唔到你地想表達乜,咪就係一堆人圍威喂咋嘛!)

一開始果陣記得莊員都冇乜意欲想做情色版,個人堅持要做,其中一個好大嘅原因係出自某種反抗嘅心理:點解響社會上性冇被認真討論過就話唔好就唔比講?究竟邊到唔好?反覆諗過下、睇過下啲書就發覺其實性同我地嘅身體、慾望有好關係,既然咁貼身點解大家唔可以開心見誠咁拎出黎認真傾下?點解要比人控制我地對於慾望、身體嘅發言權?於是,情色版作為一個討論性(也即有關個人身體、慾望)嘅空間就誕生了。

開頭做的幾期情色版都有交換經驗的環節,希望可以同大家分享下性對於其他人黎講係作為點樣嘅一回事,可以有啲對於情慾上嘅交流。可惜期期諗分享啲乜都r爆頭:冇乜經驗嘅人(例如我……)又進入唔到個場域,有經驗嘅人又唔係太想坦誠相對,唔想進入;亦都因為大家冇乜心進入,結果又唔係好有心r人寫,結果頹做,後來情色版更成為可有可無(?)嘅版面……(未完待續)

能夠重拾質感嗎?
資料主任︰譚焜

一開始當情色版作為一種姿態或者講係態度,呢點係比較清晰嘅,可能亦係對自己過往最常聽到嘅一句「呢啲野,唔好講啦」,作出微弱的反抗。但上咗莊真係要落手做果陣,就發覺有好多窒礙寫作嘅地方,除咗所謂冇經驗,或者係始終未敢完全打開心扉,去分享情感同身體嘅事之外,我諗最主要「頹」嘅原因,就係未有能力用文字或圖像去表達一種立體同具質感嘅情色,不管當情色係身體感受也好、情感也好、還是視作經驗也好,都未有能力駕馭,十分遺憾。

即使自己係上期寫過情色產業嘅討論,似乎都走唔出平面或者學術嘅限制,始終限制喺封閉嘅場域中,過往可能出現是竊竊私語嘅場合,依家只係變成紙張上。以前同學之間講下黃色笑話,而家唔少朋友睇情色版睇到「笑騎騎」。

若果真係要檢討的話,我諗自己喺情色版最想做到嘅野,並唔係要單方面將一啲情色相關的訊息帶比讀者,係希望讀者睇完之後會對自身生活上嘅情色部份有所回饋,能夠把握更多值得愉悅的質感,而呢種質感並不是來自睇成人電影或者乜野J圖,而係來自每個人自身不同的觸感、體驗、氣味等等的質感,亦係超越「比或唔比」、「應該或唔應該」等等道德規範的身體質感。

答案最主要是集體懶惰
編輯主任(職員):羅奕媚

這個懶惰唔係話想寫少啲文,而係懶得打開自己,懶得overcome自己的怕醜,懶得實踐一開頭響政綱寫出黎既情色版理念。社會、校園、生活,呢啲對大家黎講全部都好易寫,就算寫得唔好,都唔會話坐響度你眼望我眼,但情色版就經常發生呢件事。藉口不外乎冇經驗、冇諗法或「我專寫社會版架乍」,之類。

情色版事件打後,年年學生報編輯都決定繼續開情色版,但可謂越做越頹(包括本人當編輯的時候),做情色版接近變成只擺姿態。我相信大家都係真心認同自己所講嘅價值,但上莊前傾做乜版面時,通常只有一兩個人insist要做,到上莊做的時候,只要果一兩個人收皮(經常發生),個版就會跟住收,今屆尤其如此。

其實今屆中間都有好過的,就係做「交換經驗」,有啲編輯終於試下放下身段一點,書寫自己的經驗。但好景不常,寫幾期之後就搞唔掂,因為可想及的題目已是「門檻太高」,沒有甚麼人有經驗,而我地又嚴重缺乏新意,結果「交換經驗」就變成一篇篇嘅微小說,把自己拉出文章。最後,終覺得寫「小說集」實在冇意思,就放棄了……

不過老老實實,我細個都係咁defensive的,不過做衰左都是要認的。

作為職員,冇力挽狂瀾,絕對難辭其疚,在此表示萬分抱歉!
3 : 龍生(798)@2012-03-21 01:45:15

無心機睇晒成篇文章, 呢條小學雞, 我想評論佢文章初段的一句

佢好不屑女仔拎包m 記都要避忌

我想講呢樣野係禮貌, 係尊重自己既表現

如果個女仔拎住包m巾拎到好似包tempo咁, 我會好睇佢唔起, 覺得佢好無家教的



正如我唔會拎住個避孕套通街走, 唔係因為我怕醜

而係因為我尊重身邊既其他人, 包括我自己
隔牆 有耳 情色 色版 版做 做得 得差 中大 解謎
PermaLink: https://articles.zkiz.com/?id=278343

隔牆有耳:向西東莞森林 唔預豬狼鴿

1 : GS(14)@2012-03-24 16:31:17

http://hk.apple.nextmedia.com/te ... 104&art_id=16182309
創作出《東莞的森林》嘅向西好謙虛咁話,其實東莞佢並唔太熟,但若然要佢考慮,佢覺得唐唐本應係首選,皆因佢,老婆覺得佢出軌都會回頭是岸,可以話幾乎冇婚姻包袱,份人又感情豐富,玩得特別放,同佢去蒲,一定可以放心盡興,一定係個 100分嘅酒肉朋友。但回心一諗,向西話呢位富二代又點會去東莞呢啲咁平民嘅地方消遣?去東京就差唔多。
咁隻狼又如何呢?向西覺得,有人話隻狼係地下黨員,咁萬一去玩過程中遇上掃黃,或可靠關係甩到身。但諗深一層,一旦出咗事,隻狼又好可能會同你劃清界線,聲稱唔識,或者唔記得向西。佢又諗起唐唐話過隻狼「既狼且辣」,咁隻狼玩起上嚟,會唔會唔太斯文呢?仲有呀,尋歡係黑材料嚟㗎,千祈唔好畀隻狼知呀!
咁隻豬同隻狼都唔揀,唔通向西會移情白鴿黨鐵頭仁,拍住佢齊齊北上?向西其實都擔心,鐵頭仁向來唔鍾意小圈子呢種玩意,得兩條友去玩,怕佢未必答應。而且,講到上東莞尋歡,白鴿黨友嘅經驗可能比向西豐富得多。仲有一個更加實際嘅問題,就係仁哥家陣連回鄉證都未拎番。

揀唔落 決定投白票

向西思前想後,最後嘅決定都係三個都係揀唔落手,決定投白票,支持流選。嘩,乜向西你唔怕中央唔鍾意咩?小心中聯辦打電話兇你呀!
2 : 游浪潮(3792)@2012-03-24 17:36:59

呢單野真係笑左﹗
3 : GS(14)@2012-03-24 17:46:30

http://hk.apple.nextmedia.com/te ... 462&art_id=16184744
唔記得今日仲有個訪問哈哈

(一)關於向西

蘇:蘇芬妮 向:向西村上春樹
向西巴打是謎一樣的人物,只知他是 80後,任職跨國企業負責市場策劃。身為 05小隊的他跟許多巴打一樣,熱捧阿仙奴,愛玩 Diablo。

蘇:請用 100字形容自己的外貌和身形。
向:其實真係冇乜特別。唔會媾死女,但又唔會媾唔到女嗰種。
——以為係英俊有型、身高 180、會考 30分、月入 5萬、有車有樓……

蘇:如果你一定要將作家身份告知一個人,你會告訴誰?
向:可能係老竇老母,始終佢哋仲未知自己個仔已經係一個暢銷書作家。
——連摯親都未知,果然守口如瓶。

蘇:你會否將向西的身份告訴將來的女友?
向:為了防止她影響我寫作,暫時不會考慮。
——何止影響寫作,分分鐘影響埋兩人關係㖭。

蘇:除了內地,有否去過其他國家/地區尋歡?
向:暫時未!
——答得咁妙,絕對夠 quali喺香港從政。

蘇:若果被女友發現有「課外活動」,你有甚麼方法應對?
向:我會解釋偶有感情缺失是正常的,然後再努力避免日後被發現黑材料。
——問題係世上有幾多個唐太?

蘇:喜歡固定伴侶還是同時有多個不同的性伴侶?
向:我喜歡有固定伴侶。但又喜歡沒有固定伴侶時,有着多個不同的性伴侶。(唔係玩嘢,是真的!)
——輕描淡寫將召妓經歷合理化,高手。
(二)關於政治
向西巴打跟許多高登 user一樣有強烈的 political sense,藉撰寫嬉笑怒罵的抽水文章,對荒謬政府作出控訴。

蘇:若一定要從三位特首候選人中選特首,會選誰?
向:除了唐英年,其餘兩位我也會考慮!
——原來向西心中,有腰骨、有膊頭的男人也不會加分。

蘇:如你當選特首,會用甚麼方法阻止內地雙非孕婦在港衝關生子?
向:(沒有回答)
——是咪太敏感?明明他也寫過《我們死也要到香港生寶寶》,抽乾雙非孕婦……

蘇:若一定要從唐太或梁太選老婆,你會選誰?為甚麼?
向:肯定是唐太!因為全世界只有她明白一個感情豐富的男人是很難得的!
——或許世上只有她才會義無反顧的死撐不忠丈夫。

蘇:如果你可以帶其中一位特首候選人去東莞蒲,你會選誰?為甚麼?
向:唔會叫唐英年,因為聽聞佢鍾意去東京多過東莞。亦都唔會叫梁振英,因為傳說佢既狼且辣,似乎唔係玩得咁斯文。所以唯有帶何俊仁去見識, X!唔記得呢條友冇回鄉證!
——呢啲算唔算黑材料?

(三)關於電影
《 3D肉蒲團》編劇胡耀輝( Mark)聲稱以七位數字買下向西的《東莞的森林》版權,電影講明忠於原著,近日已密鑼緊鼓籌備。

蘇:你覺得圈中哪位男藝人夠氣質飾演 Frankie?
向:如果要選年輕男藝人,其實真的想不到。但如果杜汶澤可以年輕十年,他絕對是首選。看過了他在《破事兒》的演出,我認定了他演尋歡的過程絕對可以嚴肅又可生動。
——分明諷刺年輕藝人冇氣質,兼兜圈寸杜汶澤老。

蘇:除了素人,你覺得哪位圈中女星最具備小思的氣質?
向:台灣的算不算?陳妍希絕對有小思的氣質。
——由女神陳妍希演妓女,肯定將深層次矛盾變得更深層次。

蘇:真實版小思有否因看了小說而聯絡你?你有主動聯絡她嗎?
向:這個問題有很多讀者問我,但怕掃了他們的興,也怕損害了他們的幻想,我一直也不答這個問題。
——與其說怕破壞巴打的幻想,倒不如說向西想保護小思,免受更換門鈴之苦。

蘇:關於電影主題曲,你有甚麼要求?會否指定哪位中港台歌手獻唱?
向:當然希望能像原著般用到伍佰的《挪威的森林》來做片尾曲。
——也許只有伍佰的結他獨奏,才能滲透出不覊浪子的滄桑佬味。
蘇:電影是 3D版,你認為哪一場戲一定要用 3D來呈現?
向:整個東莞服務希望也可以用 3D呈現。
——只希望到時不要像《 3D肉蒲團》般, 3D的是血漿和內臟。

蘇:你實際上收了多少版權費?(請不要回答 198964)
向:其實 198964是真的,希望你不要平反。(其實最好問阿 Mark或蕭生)
——唔使問阿 Mark都知,那年夏天的天安門冇死過人,太陽係由西邊升起……至於版權費,其實係收 19896.4。(好似係)

蘇:若荷李活買下《東莞的森林》版權,你想由哪位外國導演執導?
向: David Fincher(大衞芬查)無論拍甚麼題材也很出色,《 Social Network》(社交網絡)基本上是一個很難拍而且很容易拍得沉悶的劇本,但在這位大師手中也可以拍得如此引人入勝,實在難得。不過阿 Mark在廣東話的處理方面比起 David Fincher更加有絕對性的優勢,所以我也放心給阿 Mark拍。
——老老實實,大衞芬查未必掌握到最地道的廣東話粗口,這是向西經常引述的「 lost in translation」。
(四)關於文學
向西文筆秀麗抵死啜核,竟能將尋歡報告添上文藝色彩,而他對投資炒股亦甚有研究,絕對稱得上半個文化人。

蘇:除了村上春樹,還喜歡哪些作家?
向:陶傑、倪匡、黃霑。
——畢竟他是拿陶傑散文集《泰晤士河畔》到廁所自讀而樂上半天的青年。

蘇:如有機會見到村上春樹,你會跟他說甚麼?
向:問他可否介紹賴明珠給我認識,找她幫我將《東莞的森林》譯做日文版。
——那將會是人文學的寶典,單是研究兩地的文化差異(尋歡),足以讓學者發表萬字論文。

蘇:短期內會否寫中長篇小說?會否繼續以尋歡作樂為題材?
向:已有中長篇小說構思,但寫之前想看多一點書和做一些 research,不過還是會在第二本書推出後才會開始發佈。第二本書將會全部是短篇故事,努力中。
——曾聽說向西巴打想撰寫純愛故事,可惜高登仔似乎冇乜迴響。

蘇:有沒有看過九把刀的小說?對他有甚麼評價?
向:我也很喜歡《那些年》,但其實沒有看過他的書。
——畢竟《那些年》只會出現在港男 FF過後的夢境中,太不實在。

蘇:你在高登發迹,會用甚麼行動回饋及支持高登巴打創作更多作品?
向:例如會跟出版社討論有冇可能將其他高登作品出書,始終高登的確有好多比我更熱心寫作的巴打,但細節還在研究中。
——高登的甜故寫手有福了!正評是小記給向西的。
(五)關於瑣事
蘇:為何喜歡阿仙奴,你最喜歡哪位阿仙奴球員?
向:開始喜歡阿仙奴已經是 1999。當時英超依賴小組進攻,攻勢水銀瀉地踢法華麗的球隊只有阿仙奴,自此成為球迷。當中最喜歡柏金、亨利。
——真心一問,咁樣答算曲定直?但柏金確實係蘇芬妮偶像。

蘇:你認為應否炒雲加(阿仙奴領隊)?
向:雲加是我喜歡阿仙奴的原因之一,我明白他這幾年做過很多錯誤的決定,但實在難以忍心去認為他應該被炒。
——典型高登阿迷心聲,期待向西兄為阿仙奴會歌填詞。

蘇:內地媒體將你歸納為「屌絲」,你有甚麼看法?
向:屌絲的定義似乎很雜。如果屌絲指一個失敗的毒男的話,我絕對不是。至少不會有毒男穿 Ted Baker和 Paul Smith上大陸叫雞,而且從我寫過的文章之中,其實可以睇得出我其實好外向(我覺得)。但屌絲的特徵是含有強烈的自嘲精神,這點我就絕對認同。
——但單靠穿 Ted Baker去召妓而換取優越感,或許是失敗者的心態。

蘇:有甚麼建議給本報「豪情夜生活」?
向:當然是拍動新聞!拍情色短劇,而且加上英文字幕,推動旅遊業。
——英文版「包膠」幾有創意,隨時招攬更多老外讀者。
隔牆 有耳 向西 東莞 森林 唔預 預豬 豬狼 狼鴿
PermaLink: https://articles.zkiz.com/?id=278411

隔牆有耳:潮州佬夠義氣 順德人最擦鞋

1 : GS(14)@2012-03-31 18:45:44

http://hk.apple.nextmedia.com/te ... 104&art_id=16194374

正如立法會議員詹培忠所講,呢個世界有好多「俊傑」,因為佢哋統統都好識時務,知道「北風」嘅動向,就會即時跳船。不過原來邊個有骨氣,邊個係反骨仔,睇吓佢係邊處鄉下就自有分曉。呢次小圈子選舉其中一個啟示係,順德人真係好順德人,邊個揸旗就「順」邊個、擦邊個。相反,潮州佬就係最講義氣,話企硬就企硬,唔洗驚未來五年冇運行!
唐唐今次慘敗,本來手握 395張提名票,到最後有 110人變節,原來都係「順德基因」作怪,唔少疑似跳船者都係順德人。
隔牆 有耳 潮州 佬夠 義氣 順德人 順德 擦鞋
PermaLink: https://articles.zkiz.com/?id=278537

隔牆有耳:房署收欠租 狂追$0.45

1 : GS(14)@2012-04-07 14:20:43

http://hk.apple.nextmedia.com/te ... 104&art_id=16212564

住喺慈雲山慈樂邨 15年嘅郭生,一直都同待業嘅阿哥住;之前因為工作需要,暫時搬咗去柴灣獨居。約 4、 5個月前返屋企時,竟然發現房署寄咗封欠租通知書嚟,話佢冇交租兩個月,所以佢拿拿臨清還合共約 3000幾蚊嘅欠租,找清條數一身輕。
點知上月初房署又寄咗封欠租通知,寫明「閣下仍未繳交租金港幣 0.45元」,郭生心諗:「家陣欠嗰 4毫子租都要出信,有冇搞錯呀?」男人老狗決定唔理呢啲婆乸數,點知房署窮追猛打,隔咗十幾日後第二度出信,郭生睇完火都嚟埋,覺得為咗嗰 4毫子而嘥埋郵費兼人力,唔係咁合乎成本效益囉,佢好不忿咁話:「人哋放貴利、財務追數都唔會追得咁密啦!」
八方講句公道話,覺得 0.45元都係錢吖,仲要係公帑,唔搞清楚又點交數上去呢,房署都係盡自己本份啫!但房署接連寄兩封信,都要用成$2.8郵費,仲多過筆欠款幾倍囉,難怪令郭生心中有氣嘅。

欠租隨時收回單位

公屋租戶如果長期欠租,房署可以要求住戶遷出㗎;若郭生堅持唔交欠租,分分鐘為咗幾毫子,連間公屋都冇得住。好彩郭生預告呢個月交租時會順便交埋餘下欠款,房署可以唔使煩咯。
隔牆 有耳 房署 署收 收欠 欠租 狂追 0.45
PermaLink: https://articles.zkiz.com/?id=278630

隔牆有耳:維園阿伯被禁足

1 : GS(14)@2012-04-07 14:20:57

http://hk.apple.nextmedia.com/te ... 104&art_id=16212565
佔主場之利嘅人,當然有話事權;但如果好似西環咁,誤以為自己係主場,就當然會被趕離場啦。雖然維園阿伯係港台節目《城市論壇》嘅堅實支持者,風雨不改打躉捧場,但始終節目主持人謝志峰先至係揸 fit人,隨時可以用「紅牌」趕人出場。
噚日兩個維園阿伯又俾卿姐撩㷫,不時喺卿姐發言時出口兼離席「干預」節目進行,謝志峰幾好人都冇情講,最終下「逐客令」,下次唔畀兩位維園阿伯入場,令出席節目嘅嘉賓可以「講人自講」,捍衞節目嘅核心價值。
隔牆 有耳 維園 阿伯 被禁 禁足
PermaLink: https://articles.zkiz.com/?id=278631

隔牆有耳:旺角美而廉 轉戰大角嘴

1 : GS(14)@2012-04-07 15:07:53

http://hk.apple.nextmedia.com/te ... 104&art_id=16225042


自從傳出咗呢間老店告別嘅消息後,唔少新知舊雨都趕去幫襯,希望臨別緬懷一下那些年嘅情懷,店外不時排晒長龍,想鋸扒幾乎一定要等位。不過,美而廉嘅粉絲唔使失望,八方噚日收到風,美而廉已經喺大角嘴塘尾道搵到新舖,今個月底就會原班人馬重新開業。
八方噚日向美而廉老闆陳澤球求證,佢就話呢段日子班街坊熟客咁熱情支持,令佢好感動,佢又怕呢頭結業嗰頭又重開,會俾人怪佢哋,所以佢好低調,冇喺舊舖張貼搬遷告示,連熟客問到都唔講咁多。其實陳老闆肯繼續經營,班熟客開心都嚟唔切,又點會怪你呢?


2 : idsdown(1658)@2012-04-07 18:54:25

好心佢有心經營就存定錢, 趁低迷時期入返間鋪啦.
呢個世界有食客記住故然係好事, 但間鋪無左的話, D客除左放棄仲有乜好做? 唔通向正苦求救?
3 : 草帽(1253)@2012-04-07 19:17:20

2樓提及
好心佢有心經營就存定錢, 趁低迷時期入返間鋪啦.
呢個世界有食客記住故然係好事, 但間鋪無左的話, D客除左放棄仲有乜好做? 唔通向正苦求救?


本身我想鬧妳, 不過我覺得香港人係應該仆街, 都係作罷.smiley
4 : idsdown(1658)@2012-04-07 19:24:17

3樓提及
2樓提及
好心佢有心經營就存定錢, 趁低迷時期入返間鋪啦.
呢個世界有食客記住故然係好事, 但間鋪無左的話, D客除左放棄仲有乜好做? 唔通向正苦求救?


本身我想鬧妳, 不過我覺得香港人係應該仆街, 都係作罷.smiley


你咪鬧lor, 無野喎
我真唔覺得一個唔懂保護自己的人係抵得可憐, 你可能話我自私, 但呢種自私係出於乜立場?

以前差佬叫你報警都係先走到安全的地方先啦, 試問自己都救唔到自己, 救乜鬼人, 可笑至極
5 : 龍生(798)@2012-04-08 00:15:22

無錯, 唔抵可憐, 此一時彼一時

唔通個業主又有責任因為佢租得夠耐而平租咩?

商業社會, 佢開得番算佢好彩
6 : 亞力士(1473)@2012-04-08 11:56:27

佢近來生意好 係d人趁熱鬧 一話仲做落去 邊有咁好景

我去咁多次旺角 都未幫趁過佢
7 : greatsoup38(830)@2012-04-20 23:24:19

http://hk.apple.nextmedia.com/te ... 104&art_id=16265812
【本報訊】在本月初結束營業的港式扒房「美而廉」餐廳,將再延續半世紀傳奇,美而廉位於大角嘴塘尾道的新店將於明日開幕,舊式木椅及牛頭鐵板等顧客的集體回憶將一概保留。在連鎖食肆紛紛加價下,老闆陳澤球承認在食材成本上漲及新店大幅投資裝修下,港式扒餐也要「象徵式加價兩蚊」,他堅持不會削減扒餐食物份量,致力保持出品的質素及作風。
在短短半個月內重新開業,陳澤球稱心情興奮,強調舊店因收樓結業時,仍有心尋覓地點重新開業,但要視乎能否物色合適的舖位及租金水平。在友人介紹下,火速找到現下的新店舖位,對比舊店人流不息的旺角中心區,新店處於較靜的街道,但租金與舊店相若,他也將舊店的夥計一併帶到新店,「我哋係原班人馬。客人食慣啲口味,廚房班師傅更加要保留」。

木椅卡座移往新店

新舊店的順利交接,令美而廉最惹人懷念的木椅卡座得以保留及移植到新店,新店也加入了幾塊鏡子等現代化餐廳的裝飾,希望顧客在回味懷舊感覺同時,也感受到與時並進的氣息。陳澤球承認,新店的裝修費用高達百萬元,加上食材不斷漲價,新店的食品也需象徵式加價兩元,他指店內最昂貴的鐵板西冷晚餐,加價後也不足 80元,依舊包餐湯、多士及餐飲。
陳澤球形容,以一個扒餐的價錢計算,有四成是用於購買食材的成本,其餘六成則是毛利,毛利未計算租金、人工、水電等開支,在攤分所有成本後,「可以打個和或者賺一成,唔夠本就冇得做落去。」能夠再續前緣,他直言:「希望香港市民仲記得美而廉。」
租金及食材漲價無疑已大大加劇食肆經營的成本,大家樂及吉野家等連鎖食店近日已悄悄加價,也有市民埋怨連鎖粥店一碗皮蛋瘦肉粥配上油條,收費高達 35元。

隔牆 有耳 旺角 美而 而廉 轉戰 大角
PermaLink: https://articles.zkiz.com/?id=278645

隔牆有耳:真專家連線罵偽專家 盛女作戰變作賤

1 : GS(14)@2012-04-16 23:44:16

http://hk.apple.nextmedia.com/te ... 104&art_id=16251597
有高人就喺 facebook發起一個《向盛女愛作戰說不》專頁,直斥節目根本就係令參賽者們作賤自己。部份成員今日會開記者會宣佈成立「向盛女愛作戰說不連線」,《字花》編輯洪曉嫻,文化人梁文道等亦已表態支持。
呢個連線內有好多真正嘅專家,開宗明義要踢走節目內嗰班偽心理學專家、偽人生導師、拒絕美容廣告植入。咁又係,嗰啲所謂專家講埋啲乜鬼嘢「 45度角同對方交談」、「係人都知道男人鍾女人靚呀、唔駁嘴」、「你靜靜地,冇理由嫁得唔好」等膠人膠語,確係反智。
洪曉嫻同八方講,睇咗呢個節目後覺得好嬲,用「低俗」兩字去形容就最啱。佢又批評,成個節目太多明顯嘅植入廣告,不斷帶參加者接受輔導、美容、去婚姻介紹所,「大家都忘記咗溝通先係兩人關係嘅重點,識唔到另一半唔係手段唔啱,而係溝通出咗問題」。
另一位真正專家曾繁光醫生就話,節目中嘅「教練」教嘅方法,大家笑吓就算,唔好認真去學。佢提醒大家,若果靠呃、靠手段去建立一段關係,最終一定分手收場,倒不如做番自己。佢哋會發動一人一信向廣管局投訴,要講畀 CCTVB聽,呢啲咁嘅垃圾節目,有水平嘅觀眾,係接受唔到囉。

2 : mr_dlm(19486)@2012-04-17 00:20:06

睇左2集, 覺得根本痴痴地線, 叫D廿幾三十未到的女仔係個面度打針美容, 幫佢美容個美容顧問本身塊面好似毀左容咁....SHXT
隔牆 有耳 專家 連線 罵偽 盛女 作戰 作賤
PermaLink: https://articles.zkiz.com/?id=278802

隔牆有耳:煲呔臨別抽水 寸記者大聲

1 : GS(14)@2012-04-24 23:30:56

http://hk.apple.nextmedia.com/te ... 104&art_id=16276619
仲有兩個幾月,煲呔就無官一身輕,以後日日搭私人飛機都冇有怕,難怪噚日出席報業公會頒獎禮時咁風騷,致辭時句句有骨,話記者大聲提問,令佢覺得尷尬兼難堪。咦,乜咁似 CY早前批評《星島日報》記者嘅對白?睇嚟煲呔真係好緊貼新聞,連人哋對白都背埋。
煲呔話傳媒係監督政府嘅武器,輿論報道令政府認真嚴肅處理問題,自己都係傳媒監督嘅對象,仲話傳媒早前報道佢接受富豪款待,令佢深刻反省,從政者要有最高操守咁話喎。

面對批評覺得好難受

咁煲呔係咪知錯?戲肉喺後面。煲呔話當時面對洶湧而嚟嘅指摘、批評,覺得好難受;在任咁多年,面對記者嘅提問、質詢,甚至大聲喝罵,「令人相當難堪、尷尬、不知所措…你咁問,我想答又答唔出,大家都得唔到好結果」。
經常喜怒形於色嘅煲呔,直言好難掩飾個人情緒,所以被記者話佢黑口黑面喎,佢反而建議記者用另一種方式提問,提問時「細聲些少」。不過八方就認為,如果對方選擇性失聰,其實記者用咩語調、咩聲線都唔係問題。
特首選戰期間,中央話過好重視民意,視民望如浮雲嘅煲呔終於轉軚,話輿論同民意對香港走向民主化、實現普選特首好重要,記者要理性報道,以防社會走向極端同民粹。

頒獎完畢,煲呔有別於平時雞咁腳走,竟然企定定畀記者扑咪提問,唔少政治組行家都話,此情此景,簡直百年一遇呀。
隔牆 有耳 煲呔 臨別 抽水 記者 大聲
PermaLink: https://articles.zkiz.com/?id=278923

隔牆有耳:惡搞《版權條例》千條修訂萬能 key

1 : GS(14)@2012-05-03 23:41:53

http://hk.apple.nextmedia.com/te ... 104&art_id=16303436

職位罪行修之不盡

替補機制嘅修訂仲未玩完,嚟緊網絡 23條嘅修訂就更加精采。其實咁多條修訂都係萬變不離其宗,秘訣就係善用「萬能 key」,例如其中一項就豁免二次創作描述「不同人物」涉嫌干犯「不同罪行」嘅修訂,大嚿就惡搞呢兩個 subject,不斷換上特首、影視紅星、歌星、共產黨員、司局長等不同身份,罪行就輪流用上亂倫、強姦、獸交、謀殺、收受利益等不用字眼,咁就演變出逾百項修訂案。
舉個例,其中一項修訂,就係要喺條例中加入「用於描述或評論涉嫌『收受利益』的『任何中國地下共產黨員』的影片或聲音紀錄除外」,唔鍾意呢個配搭?可以改為「涉嫌『煽惑叛變』的『任何立法會議員』......」咁又得咗,咁樣無限 loop修訂,簡直係可以「修」之不盡。
人民力量嘅網台主持人「皇上」黃洋達負責集結網民智慧,收集呢啲修訂。皇上話,原本有萬多條修訂,最終都係整咗千多條畀政府嘆。佢話,最值得大家留意嘅係,若侵權作品喺公共傳播中係「為收復釣魚台列島而作出」、「收復台灣」亦可獲豁免,到時睇吓班保皇黨敢唔敢投反對票!

2 : mr_dlm(19486)@2012-05-04 16:04:58

果段動新聞笑死我
3 : 草帽(1253)@2012-05-04 16:16:33

呢輪其實都幾好笑.
4 : mr_dlm(19486)@2012-05-04 16:21:06

今日議員遲到果段動新聞又係好搞笑
5 : GS(14)@2012-05-04 22:00:33

呢堆人都好好笑
隔牆 有耳 惡搞 版權 條例 千條 修訂 萬能 key
PermaLink: https://articles.zkiz.com/?id=279110

隔牆有耳:暑期工做小販抗霸權

1 : GS(14)@2012-05-05 00:12:04

http://hk.apple.nextmedia.com/te ... 104&art_id=16307213
各大公司開始招聘暑期實習生,天主教正義和平委員會今年都會請中六、中七同學做暑期工,不過係請廿個小販喺花園街同深水埗午夜墟擺檔,同學仔要隨時走鬼,逃避食環嘅大追捕。
但係正委同八方講,佢哋同啲資深小販、檔主會照住班同學仔,務求將風險減到最低。八方聽到都覺得好過癮。
正委啲老友同八方講,佢哋成個實習計劃會透過簡介會、導賞,畀同學仔親身落場做小販,明白小販過去幾十年,點樣撐起一頭家兼建立香港嘅本土文化。資深小販仲會教同學點樣「睇水」、點樣開檔收檔,不過呢份暑期工係冇人工㗎噃!
2 : 肥B(18468)@2012-05-05 00:43:54

http://www.hkjp.org/ (又正義, 又和平, 仲係教會, 真係神級組織, 勁呀, 嘿.. smiley )

真係有趣.....到時班靚仔靚妹唔小心出左事, 都唔知點賠返個90後俾人....
3 : GS(14)@2012-05-05 12:49:36

頂唔信佢,呢個世界得合理無正義
4 : Ar Yan(11362)@2012-05-05 13:30:39

1樓提及

http://hk.apple.nextmedia.com/te ... 104&art_id=16307213
各大公司開始招聘暑期實習生,天主教正義和平委員會今年都會請中六、中七同學做暑期工,不過係請廿個小販喺花園街同深水埗午夜墟擺檔,同學仔要隨時走鬼,逃避食環嘅大追捕。
但係正委同八方講,佢哋同啲資深小販、檔主會照住班同學仔,務求將風險減到最低。八方聽到都覺得好過癮。
正委啲老友同八方講,佢哋成個實習計劃會透過簡介會、導賞,畀同學仔親身落場做小販,明白小販過去幾十年,點樣撐起一頭家兼建立香港嘅本土文化。資深小販仲會教同學點樣「睇水」、點樣開檔收檔,不過呢份暑期工係冇人工㗎噃!


咁樣公然教人犯法?佢地係咪傻q左?
5 : GS(14)@2012-05-05 13:33:34

他們是正義的朋友
6 : Ar Yan(11362)@2012-05-05 14:04:48

5樓提及
他們是正義的朋友


蝙蝠俠係故事度都係過街老鼠來~~正義朋友,唔好玩啦

不過,宗教自由同新聞自由,真係最好架擂箭牌
隔牆 有耳 暑期 工做 小販 霸權
PermaLink: https://articles.zkiz.com/?id=279140

隔牆有耳:黃大仙剩男剩女集中營

1 : GS(14)@2012-05-08 00:14:12

http://hk.apple.nextmedia.com/news/art/20120507/16313571
正所謂區區有睇頭,18區最富有係中西區,最窮係深水埗,呢啲唔使講都知,但近日潮流興講「剩女」,邊區最多剩女你又知唔知?唔好以為女強人聚居嘅灣仔、中西區係「剩女」集中地,官方數據話你知,18區中,黃大仙先至係「剩男剩女」集中營!
統計處早兩星期公佈咗2011年人口普查嘅分區數據,除咗了解邊區最多房奴,供樓供到氣咳;邊區最多打工皇帝之外,仲有一個被視為終身幸福數據,就係每區15歲以上從未結婚嘅人口比例。
荃灣姻緣最旺


八方真係勢估唔到,黃大仙竟然係各區中,未婚比率最高嘅區域,剩男比例高達36.2%、剩女嘅比例有31.6%,未婚男女各自高達逾6萬人,雖然統計處條線劃喺15歲,但按比例推算,即使到咗適婚年齡,剩女剩男嘅比例都係會一樣咁高。唔通年年都咁多來自18區嘅善信去黃大仙求籤,畀佢哋求走晒黃大仙區嘅姻緣籤,搞到呢區自身姻緣運咁麻麻?
剩女高企區份排第二係中西區,其餘係南區同大埔。咁邊區最少男女未結婚呢?答案原來係荃灣,無論男同埋女,未結婚嘅比例都係最低,男係30.3%,女係27.6%。咁如果想搵老婆老公,擺脫單身,應該搬去黃大仙碰運氣,定係殺入荃灣好呢?
黃大仙「票王」區議員胡志偉喺該區紮根咁多年,都話無從估計點解自己呢區咁多剩男剩女,推斷原因之一係因為黃大仙呢區係舊區,好多長者後生時,都係擺幾圍、拜過天地就叫做結咗婚,所以冇官方結婚紀錄喎。不過全香港有咁多舊區,八方認為呢個講法未必成立。
2 : 龍生(798)@2012-05-08 01:08:58

哈哈, 湯兄, 高危呢
3 : 自動波人(1313)@2012-05-08 01:28:41

仲有我smiley
4 : Ar Yan(11362)@2012-05-08 11:05:19

1樓提及

http://hk.apple.nextmedia.com/news/art/20120507/16313571
正所謂區區有睇頭,18區最富有係中西區,最窮係深水埗,呢啲唔使講都知,但近日潮流興講「剩女」,邊區最多剩女你又知唔知?唔好以為女強人聚居嘅灣仔、中西區係「剩女」集中地,官方數據話你知,18區中,黃大仙先至係「剩男剩女」集中營!
統計處早兩星期公佈咗2011年人口普查嘅分區數據,除咗了解邊區最多房奴,供樓供到氣咳;邊區最多打工皇帝之外,仲有一個被視為終身幸福數據,就係每區15歲以上從未結婚嘅人口比例。
荃灣姻緣最旺


八方真係勢估唔到,黃大仙竟然係各區中,未婚比率最高嘅區域,剩男比例高達36.2%、剩女嘅比例有31.6%,未婚男女各自高達逾6萬人,雖然統計處條線劃喺15歲,但按比例推算,即使到咗適婚年齡,剩女剩男嘅比例都係會一樣咁高。唔通年年都咁多來自18區嘅善信去黃大仙求籤,畀佢哋求走晒黃大仙區嘅姻緣籤,搞到呢區自身姻緣運咁麻麻?
剩女高企區份排第二係中西區,其餘係南區同大埔。咁邊區最少男女未結婚呢?答案原來係荃灣,無論男同埋女,未結婚嘅比例都係最低,男係30.3%,女係27.6%。咁如果想搵老婆老公,擺脫單身,應該搬去黃大仙碰運氣,定係殺入荃灣好呢?
黃大仙「票王」區議員胡志偉喺該區紮根咁多年,都話無從估計點解自己呢區咁多剩男剩女,推斷原因之一係因為黃大仙呢區係舊區,好多長者後生時,都係擺幾圍、拜過天地就叫做結咗婚,所以冇官方結婚紀錄喎。不過全香港有咁多舊區,八方認為呢個講法未必成立。


這些數據睇落真奇怪,又話女多男少,但到適婚,又男多女少
5 : tramssc1(13821)@2012-05-08 11:43:52

係百分比來架MA
6 : Ar Yan(11362)@2012-05-08 12:08:47

5樓提及
係百分比來架MA


係呵,傻左tim~~~
7 : GS(14)@2012-05-08 20:56:44

2樓提及
哈哈, 湯兄, 高危呢


我無想過這問題,正如失業率唔計無打算找工的人,我無打算拍拖結婚生仔所以唔計...
8 : GS(14)@2012-05-08 20:56:58

我現在時間都唔夠用啦
隔牆 有耳 大仙 剩男 男剩 剩女 集中營 集中
PermaLink: https://articles.zkiz.com/?id=279208

隔牆有耳:「苦幹」富二代豪賣名錶

1 : GS(14)@2012-05-10 00:29:17

http://hk.apple.nextmedia.com/news/art/20120509/16320208
玩具大王蔡志明「孻仔」蔡加讚,曾以一句「成功需苦幹」嘅訪問被網民「傳頌」。佢舊年底經營汽車展銷場雖然一度觸礁,但無礙今年繼續「苦幹」,搶攻貴價鐘錶零售巿場。佢喺銅鑼灣開設專賣限量錶款的鐘錶旗艦店譽一,今日開鑼,仲首賣全球只有一枚嘅積家(Jaeger-LeCoultre)Gyrotoubillon I球體形陀飛輪,定價逾千萬元,免費畀人觀賞添。
八方噚日率先到場睇錶, Gyrotoubillon I屬積家首創雙軸心陀飛輪設計,外圈每60秒繞軸自轉一周,內圈每24秒自轉一周,好處係時間更準,手工精巧;手錶另鑲嵌459枚鑽石。喜運佳鐘表集團主席蔡加讚仲遞隻錶畀八方感受吓。揸住成千萬喺手,真係一步一驚心,皆因唔小心跌落地,分分鐘同佢打成世工都還唔起。
[蔡加讚話,斥資千萬元開設譽一旗艦店,係睇好高檔鐘錶市場。] 蔡加讚話,斥資千萬元開設譽一旗艦店,係睇好高檔鐘錶市場。
林保堅尼免費載客

蔡加讚話,開設譽一旗艦店專賣世界五大鐘錶品牌——積家、愛彼錶、 IWC、 Omega、 Roger Dubuis嘅限量版名錶,係睇好本港同內地嘅貴價鐘錶巿場,人均消費成7萬蚊。
譽一今日起一連四日喺店內舉行的逾億元手錶展,免費畀巿民睇之餘,仲大搞噱頭,即日起至20日購物嘅顧客,會派出林保堅尼等跑車免費接載。
隔牆 有耳 苦幹 二代 豪賣 賣名 名錶
PermaLink: https://articles.zkiz.com/?id=279246

隔牆有耳:廣州玩具城苦主 搵誠哥討債

1 : GS(14)@2012-06-12 00:49:36

http://hk.apple.nextmedia.com/news/art/20120611/16415074

振英哥未上場,就有人搵首富算賬!一批廣州國際玩具禮品城業主,今日會殺去長江中心,搵長實主席李嘉誠算賬!晚黑又會去深水灣李家大宅,點白蠟燭幫佢「守夜」!
乜咁大吉利事呀?其中一名業主澳門人麥先生話,03年信李嘉誠個名,以為長實真係會將玩具城打造成全球最大玩具禮品商業中心,於是畀咗百幾萬,買咗個60平方米嘅店舖。點知說好了的配套,多年嚟未有出現,反而舊年起咗兩幢30幾層高嘅住宅。麥先生話玩具城無宣傳、無配套、無生意已經變成死城。佢哋今日登晒報紙廣告(圖),誓要向首富討回公道,仲會到中聯辦遞信畀汪洋。
2 : GS(14)@2012-06-12 00:50:27

[realblog]http://realblog.zkiz.com/greatsoup38/33572[/realblog]
3 : 鱷不群(1248)@2012-06-12 02:29:46

XX城概念極有問題,輸錢是天經地義
4 : dennis001(8614)@2012-06-12 11:21:20

魔鬼好像不懂搞商鋪生意

你睇旗下商場甩皮甩骨就知

況且魔鬼生意邊有甘易做
5 : Sunny^_^(11601)@2012-06-12 11:51:40

唉...係D業主chun姐
6 : dcdc(1215)@2012-06-12 11:55:43

只有 蘋果 夠膽 報導, 其他全部比面比面.
7 : GS(14)@2012-06-12 23:13:02

4樓提及
魔鬼好像不懂搞商鋪生意
你睇旗下商場甩皮甩骨就知
況且魔鬼生意邊有甘易做


他唔是唔識做商鋪,他只不過殺雞取卵,唔理個規劃
8 : GS(14)@2012-06-12 23:13:26

6樓提及
只有 蘋果 夠膽 報導, 其他全部比面比面.


今日即刻有澄清出來,是生果無
9 : GS(14)@2012-06-13 01:14:54

http://hk.apple.nextmedia.com/news/art/20120612/16418596

有苦主背部貼上標語,抗議長和做法令商戶血本無歸,要求「賠血汗錢」。


近百苦主昨聚集長江集團中心門外,拉橫額、叫口號,要求與集團高層會面,商討賠償。黃賢創攝

【本報訊】長實、和黃投資開發的廣州國際玩具禮品城,有舖位業主去年發現項目二、三期已改為純住宅項目「都會新城」,商舖難以維生。
近百名苦主昨來港直奔長江中心,要求與李嘉誠對質及賠償,其間與警方衝突,三男兩女被捕,其他苦主齊集警署外聲援。
近百苦主昨日中午陸續聚集中環遮打花園,拉橫額、叫口號,高呼「李嘉誠、大騙子」、「嘉誠不誠、長實不實」,指長實、和黃在廣州黃埔建造廣州國際玩具禮品城,卻未有完善發展配套,更擅改用途,令業主、商戶血本無歸,要求與集團高層會面,商討賠償。
圍繞長江中心遊行

他們圍繞長江集團中心遊行靜坐,揚言若未獲答覆,入夜後會前往李嘉誠深水灣住宅外露宿。午後示威者一度阻塞中心停車場出口,20多架車「被困」。黃昏時有示威者想衝入長江中心,與在場戒備警員推撞,最終三男兩女被押往中區警署,其餘苦主則往警署門外拉起橫額聲援。
苦主麥先生稱,項目當初以「永不落幕廣交會,世界最大批發市場,首席玩具城」招徠,第一期800多個舖位認購率達160%,發展商留起300個舖,其餘500多個舖位每個以最少90餘萬元人民幣成交,涉及總額超過7億元人民幣。
他續指,禮品城05年落成後,未見相關配套落實,無法吸引買家,城內十室九空,恍若死城。有業主往廣州市規劃局查詢,赫然發現項目的第二、三期已在07年9月更改用途作商用辦公樓,09年再變更成10棟31層高的「港式住宅」項目,卻未有諮詢任何舖位業主。
業主前年發起維權,要求發展商賠償,揚言「要賠償去香港搵李嘉誠」,被內地警察封鎖玩具城,自此無法營商。麥先生透露,來港前多人被內地維穩辦勸阻,更接獲自稱黑幫來電恐嚇稱「別去香港搞事否則殺全家」。
警方證實拘捕三男兩女,年齡介乎37至50歲,其中一名內地女子涉襲警,兩名內地男子涉在公眾地方行為不檢,另一名本地男子及一名內地女子涉襲擊被捕,截稿前仍被扣查。另外,事件中一名女警及一名男保安員受傷。
10 : dennis001(8614)@2012-06-13 10:24:14

8樓提及
6樓提及
只有 蘋果 夠膽 報導, 其他全部比面比面.

今日即刻有澄清出來,是生果無


兩個都一擔擔,澄唔澄都是甘
11 : 八旗子弟(15368)@2012-06-13 10:36:11

果度根本就係工業區,透一淡氣都辛苦,輸打贏要哈哈
12 : greatsoup38(830)@2012-06-13 23:06:53

http://www.inv168.com/phpBB3/vie ... de8a29a4e8de6eb1447
由 johnson1 » 週三 6月 13日, 2012年 3:05 pm
廣州玩具城盼與業主協調
2012年 06月 12日 00:00 中國窗

【香港商報訊】對於昨日有廣州國際玩具禮品城(下稱玩具城)的業主於長江集團中心外抗議,玩具城在接受傳媒查詢時回應表示,對抗議事件造成交通阻塞及長江集團中心工作受影響表示遺憾。

對示威阻塞交通表遺憾

玩具城稱,公司一直以來透過各種宣傳活動以提高玩具城人流和吸引采購商,但海外采購商稱,部分玩具城商戶所提供的產品不符合歐盟標準,故未能達成合作。

玩具城指,有購入玩具城商舖的業主意在進行物業投資而非經營業務,其中有逾百間店舖從未開店營業,令玩具城一直未能形成市場氣氛,而公司自05年開始已提供包括承擔部分開業成本在內措施鼓勵業主開業,同時,積極進行翻新工程等,以令玩具城可吸引人流,為商戶制造商機。

公司表示,已針對業主對目前的項目建設和經營策略意見進行溝通,公司已與業主及區政府約定,今后將大約每月舉行一次協調會議。

據悉,廣州國際玩具禮品城是長實(001)及和黃(013)合共占公司的60%權益,其餘40%權益由廣州國際玩具中心有限公司持有。就此事件,消息人士昨日對本報表示,長實昨日曾要求參與示威的業主進行登記以便日后跟進事件,惟沒有示威人士願意登記,令人疑惑。

另外,分析人士認為,買入玩具城單位因投資無利可圖便示威抗議,并要求十倍賠償,「這完全不符合商業運作模式,不合情理」。

13 : greatsoup38(830)@2012-06-13 23:07:03

由 carvhk » 週三 6月 13日, 2012年 4:14 pm
強國人終於知道李首富發達秘訣了
14 : Sunny^_^(11601)@2012-06-13 23:08:33

但係冇配套喎.多多少少都回D水啦
15 : Ar Yan(11362)@2012-06-13 23:11:09

香港個科技城,都俾李家變左豪宅啦~~

見怪不怪~~

信誠哥,不如信早年架郭家~~記得,係早年~~~~依家都退左步~~~
16 : greatsoup38(830)@2012-06-13 23:19:06

省錢睇得無咁實是咁
17 : 鱷不群(1248)@2012-06-13 23:38:38

索性整個玩具城轉型,XX城根本無得做
18 : greatsoup38(830)@2012-06-13 23:43:59

17樓提及
索性整個玩具城轉型,XX城根本無得做


原價回購都得
隔牆 有耳 廣州 玩具 苦主 搵誠 誠哥 討債
PermaLink: https://articles.zkiz.com/?id=279835

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019