📖 ZKIZ Archives

新地（016）郭氏兄弟決裂、南豐姊妹反目，單單精采幕幕新鮮。全港市民等睇戲，估吓下一家反面嘅係邊個望族。船王之後、自己亦已創一番事業嘅卓能（131）主席趙世曾話，絕對唔希望自己嘅仔女，第日都會係咁。

佢話：「我都有各種準備同分配，做得好仔細o架，三個仔女唔同媽咪嘛，更加小心啲同佢哋做好善後準備，唔可以馬馬虎虎……內容唔講得，而且遺囑隨時可以改得o架嘛，所以做得清楚啲，將來唔會有糾紛。」

做好準備免子女爭產

「每個人都希望自己事業成功，賺多啲錢o架，到咗下一輩就會產生啲爭產嘅問題，如果你無幾多財產，咁咪無人爭囉，大家兄弟姊妹反而和諧啲。」

南 豐陳家發生嘅事，趙世曾形容係「不幸」，「人生就係咁o架喇，你想成功，又賺多個錢，後面就會有啲咁嘅問題發生……o依家唔係淨係遺產嘅問題，係太太要求 離婚喎，唔使睇張遺囑都分咗畀你先喇，有份分遺產嗰啲梗係反對，咁睇吓個官點睇喇。照計太太要求離婚，無理由唔畀佢離喎，只係唔知佢嘅財產，有無做到入基 金入面，如果喺基金入面，太太都郁唔到。」

o依家仲係「單身」嘅趙世曾話，純粹以法律角度睇呢單嘢，因為人哋嘅家事，佢都唔清楚，雖然佢以前同陳廷驊好熟。

離婚後遺多現擁5女友

離婚可以導致俾人分一半身家，呢個可能係趙世曾唔結婚嘅最大理由，「我都有啲朋友係接近啲嘅（指關係親密、穩定嘅女朋友），但結婚機會就細啲，受制於香港嘅法律，如果婚姻失敗，會產生好多後遺症」。

「一個男人可以唔結婚，但仔女就一定要有，有啲人因為唔結婚而無仔女，就唔好……唔結婚都可以好happy，一種種人嘅choice啫，有啲人鍾意結婚，有啲人唔鍾意，我就屬於比較自由嗰種人，但係仔女一定要有！」

趙 生呢套理論都幾多人buy，至少城中兩大鑽石王老五──李澤楷同李家傑都係咁諗，只不過後者搞到有啲論盡。據趙世曾講，男人真係要步入戀愛嘅墳墓，四十幾 五十歲先係「適當死亡年齡」，千祈唔好後生結婚，佢教自己個大仔都係咁；但係open嘅另一面就出乎意料咁封建，「個女就唔同嘞，女仔一定要結婚，仲要越 早嫁人越好！」

單身自由到爆，但係又有仔有女，趙世曾已經做到，佢仲經常拖住唔同嘅女伴穿梭社交場合，咁樣亦係佢嘅養生之道，「做多啲運動，人生開心啲，交多啲女朋友喇……」最後，佢默認約有5個穩定嘅女朋友，其他拖住畀大家影嗰啲，唔係喎！

對股票專一九成長揸

趙世曾嘅「專一」似乎只適用於股票，而唔係喺女人身上。「基本上，我九成股票係長揸嘅。」但強調無話死古古，「起得快，就賣咁啲；跌得快，就買番啲；如果我揸嘅股票唔到價，就永遠唔會賣，係三個大原則喇！」

有無必殺技呢？「最弊係跌嗰陣，（如果）個個去搶，你又去搶；（如果）跌到嚇親，你又去『揼』，咁係無辦法翻本嘅……除非買到一隻好差嘅股票，否則好難5年10年都唔起嘅，好少好少……總之有得賺我會走，呢個世界無撈底呢樣嘢。」

呢 幾個月股市風高浪急，但係趙世曾話投資策略無乜變，唯一唔同嘅係投資組合，「以前係藍籌多，o依家係紅籌同H股多啲，佔一半以上，香港就買公用股收息，滙 豐（005）就長揸。」趙生最長情嘅，原來係大笨象而非美人，唯一同佢絕緣嘅應該係地產股，「地產股好，即係地產好；地產好，我做地產嘅都好，所以唔需要 揸地產股。」

講開地產，卓能嘅地皮好早買落、又唔係做地產代理，所以趙世曾可以準時5點收工去打波，「政府干預基本上係OK嘅，香港政府同大陸一樣，做緊宏觀調控之嘛，呢次藥就重啲，啲地產代理好唔happyo架，點搞？修正吓囉，加到7%至唔超過10%就夠啦。」

講到發水限制，「發水兩成都OKo架，啲樓起出嚟靚啲之嘛！政府一味出口術，出唔到就落重藥，又嚇你唔減就再重啲……有少少打錯好人，太犀利係會整『彎』個市道……要收手嘞！」

後記

下晝5點做完訪問，74歲嘅趙世曾，趕住由灣仔過海去何文田打籃球；30出頭嘅攝影師，趕住去睇跌打，醫膝頭哥舊患；視年齡如秘密嘅華華，一走出門口就幫發炎嘅左手手筋搽藥膏。養生之道，都係得個聽字。

李華華

[email protected]

○六年與張玉珊分手後，五十七歲向華勝極速另結新歡，與來自北京的「端木櫻子」在灣仔私人會所夜蒲，戀情曝光。

前女友由電視台姐仔變成身家近億的上市公司主席，向華勝新歡背景更上一層樓，在內地經營製造提煉煙草工具生意的端木櫻子，去年公司營業額便接近二億人民幣。與向華勝拍拖兩年多的她，正計劃十一月結婚，屆時將飛去法國舉行盛大婚禮。照顧周到

向華勝與張玉珊的忘年戀結束後，女方一直不乏裙下之臣，去年更與家族擁有百億身家的富豪劉紀明傳出婚訊。

前度女友情路依然兜兜轉轉，向華勝反而修成正果，決定與現年三十五歲，從事製造提煉煙草器具及香煙廣告代理的女強人端木櫻子拉埋天窗。

上 週四（七月二日）下午二時，記者發現向華勝單獨離開月租十萬的豪峰軒單位，由司機駕駛寶馬房車載到海港城ilcolpo剪頭髮。向華勝下車後，司機再折返 豪峰軒，接載一身便裝打扮，皮膚白皙的端木櫻子上車，並向中環方向駛去。下午四點，剪完頭髮的向華勝，讓出司機服侍女友，自己則搭的士到佐敦見朋友。

掃名牌貨

在北京居住的端木櫻子，由於經常來港公幹，就算男友不在身邊，獨自shopping都不成問題，尤其喜歡到海港城及中環一帶名店，動輒花十萬八萬掃名牌，十分豪爽。

端木櫻子與男友同樣是佛教徒，據知，早年阿富汗一間佛寺因戰事受到破壞，端木櫻子受朋友所託，參與重建佛寺計劃。由於她人脈廣闊，於是擔任重建計劃召集人，並成功集資三億，興建一座由翡翠做成的全新大佛像，供奉在新寺內，足證她的辦事能力有多高。

「櫻 子好本事，成日北京、上海、香港三個地方周圍飛傾生意，佢有間工廠喺雲南，專係製造提煉煙草工具，舊年生意額有成一億八千萬，雖然佢係老闆，平日俾人感覺 好有威嚴，但對住男友，就好似小鳥依人咁溫柔，佢哋拍拖兩年幾，仲係好sweet，成日拖住手，向生嘅朋友都好鍾意佢，所以當佢哋話去法國結婚，大家都好 開心，仲約埋一齊飛過去參加婚禮。」向華勝友人說。

組夫妻檔

雖然好事近，但向華勝重返影壇大計，依然進展得如火如荼。曾經在影圈叱咤風雲的他，九三年因市道不景氣而轉戰商界。由於未來老婆鍾意睇電影，向華勝決定重操故業，去年初開始搵老拍檔李力持幫手部署大計，兩公婆拍住上搞電影。

「向生暫定計劃開十部戲，第一部應該有葛優、黃曉明、黃秋生同李冰冰，八月份左右開拍，係講追女仔嘅故事，到時會去歐洲取景，佢哋十一月喺法國舉行婚禮，到時隊crew應該都喺法國，相信婚禮應該會有好多圈中人出席。」向華勝友人說。

記者致電張玉珊，身在外地公幹的她，透過助手回應有關前度男友結婚一事：「Shirley話聽過朋友講佢就快結婚，Shirley都戥佢哋開心，話衷心祝福佢哋。」

三段情

早年活躍影圈的向華勝，年輕時曾與無綫訓練班藝員張美玲結婚，其後與他傳過緋聞的女星不多，較為人熟識的有張敏和張玉珊，無獨有偶，三人都是姓張。

張美玲

向華勝第一任太太張美玲，是八十年代無綫藝員訓練班成員，曾為「藝進同學會」擔任義工工作，有指兩人婚後數年，因性格不合而仳離。

張敏

身為電影公司老闆的向華勝，跟女星張敏過從甚密，更因利乘便投資開戲捧女友，幾乎部部戲都由張敏做女主角。後來張敏淡出影壇，轉戰商界，○四年有指張敏投資失利，損手五千多萬。

張玉珊

九八年張玉珊在契爺黃毓民介紹下認識向華勝，男方隨即展開追求。九九年初張玉珊因感冒菌入腸，向華勝親自送她入院。之後便展開相距廿年的忘年戀。○○年兩人遷入九龍塘共築愛巢，當時張玉珊棄演從商，投資豐胸丸成功賺第一桶金，之後創辦「修身堂」，生意愈做愈大，○三年更將公司上市，成為商界女強人。女方事業有成，卻感情失意，○四年跟向華勝感情轉淡並遷離愛巢，○六年才承認分手消息。

捧紅周星馳

五十七歲的向華勝，原籍廣東陸豐，其父向前是國民黨少將，為幫會新義安創辦人，有十三名兒子，其中排行第十的向華強和孻仔向華勝，是香港著名電影製片人。

八十年代，向氏兩兄弟成立永盛電影公司（中國星前身），投資過不少賣座電影包括《賭神》、《賭聖》系列，並成功將周星馳打造成喜劇之王。

其後香港電影市道不景氣，九三年向華勝淡出影圈，專注炒股，並進軍澳門賭業。九九年底他曾東山再起，注資兩億重投影圈，可惜影圈發展成績大不如前。

趙式芝的同性婚姻不為老父趙世曾 接受，阿爸甚至出五億利誘招婿，務求棒打鴛鴦。同是趙氏姊妹，系出名門，華光船務主席趙世光和何琍琍大女趙式明，即使拖友是男人同樣不被睇好，事關對方是 邱德根孫兒邱華瑋（Andrew），年齡比現年已三十八歲，被視為剩女的趙式明細了十六年，肥仔配熟女的姊弟戀，在上流社會被當笑料，難得當事人一笑置 之：「最緊要開心！」

趙世光與何琍琍育有三女一子，孖女式和（中）率先在○九年三月結婚，年底到細孖式平（左三）在巴黎出嫁，大家姐式明（右一）一直作嫁衣裳充當伴娘，今年家中唯一男丁式慶（右二）再添第二胎。

講男友

由廿一歲至今，趙式明認定拍拖六年的廣告界男友王世德為結婚對象，可惜分手收場；○五年她與九巴後人Warren Louey蜜運一年，無疾而終。後來跟合和太子爺胡文新撻着半年後又告失敗，最爆算是目前已維持兩年的姊弟戀。雖然年紀相差太遠，但最重要兩個人夾，我好 開心呀，沒想結婚了，為何一定要有個名份？當然每個女仔都有憧憬，幻想三十一、二歲時著婚妙結婚，但我過晒那段時間，我三十八歲，不是雜誌寫的四十歲呀！ 而這年紀影婚紗相效果不會好，我過晒了，以前出街不用化妝，依家？真是大不同，至少無以前咁靚。

講生仔

有傳男友母親一直反對他們拍拖，主因怕三十有八歲的趙式明無法為其獨子繼後香燈。你問我想不想生？我又不是趙家男丁，媽咪又不催無施壓力。心態真是變了，我見到朋友拍拖、結婚到生仔，他們的感情變了，不是話變壞，總之就是變質，我覺得目前最緊要開心。

講Ball場

Ball場名門靚女買少見少，青黃不接，曾是常客的趙式明因為老父趙世光與譚玉梅的婚外情被追訪嚇怕，加上自身感情易成為焦點，近年少見報為妙，偶然去 ball都是單人匹馬，見記者如見鬼。「以前去ball場，因為純粹想玩，但近年ball場面孔不同，有幾多個可以坐埋認識傾偈？即使跟記者朋友，都是問 完幾句，OK，輪到下一位名人，大多數是hi bye形式。我的朋友大部分都結咗婚，要留喺屋企湊仔啦，咁得我一個人去好悶嘅？」（說時靦覥，兩隻食指互相點點）

現年四十歲的黎瑞恩，○二年嫁給比她大七歲的金利來三少曾智明後全面退出娛圈，奉老爺之命趕造人的她，分別於○三年及○五年誕下現已十歲的長女凱栭及八歲幼子浩儒，三年抱兩湊成「好」字。

看似幸福少奶奶，原來黎瑞恩一直啞忍老公有內地密友的傷痛。據悉，近年曾智明冷待妻兒情況變本加厲，被穿透底線的黎瑞恩，數月前一度帶埋一對子女，搬離九龍塘大宅。

面對一段褪色婚姻，丈夫又無丁點補救之心，傷痛的黎瑞恩被追問婚變，觸動傷痛神經，強忍眼淚頂住。

搭上廣州妹

豪門新抱表面風光！入門十一年，作為金利來集團新抱的黎瑞恩，無豪宅揸手，生活跟一般家庭主婦無分別，與老公的感情也一年比一年冰凍。據悉，近年曾智明與黎瑞恩的夫妻關係已有名無實。兩個月前，黎瑞恩復出舉行兩場慈善個唱，另一半完全冇影；為顧夫家面子，黎瑞恩以老公要公幹作為掩飾，但實質二人婚姻已經破裂。為父親打理集團生意及履行內地公職的曾智明，數年前開始長駐廣州總公司。分隔兩地，初期仍會每星期返港一次，與家人共聚；但兩年前開始，有指他在廣州跟一名任職投資，在飯局認識的廿二歲姓陳內地女子過從甚密後，曾智明漸漸對自己的家庭愛理不理，之後有傳該女子索性辭去工作，並過住富泰生活。「嗰個女仔個樣生得幾清純，不過手段就好犀利，又會成日周圍同人講自己遲早會坐正，只係有人霸住個正印位唔放。」知情者爆。

02年個唱陪實

臨嫁前，黎瑞恩舉行告別演唱會，曾智明由個唱記招、開騷到慶功宴陪到足。可惜十一年後此情不再。

去年個唱冇影

去年11月隱瞞婚變復出開個唱的她，唱到首本名曲之《發誓》：「強忍心裡說話，就當作算吧！」便感觸落淚。輸掉婚姻，但贏到友情，其中不做其他個唱嘉賓的學友，破例撐她。

寶記小花

當年被稱寶麗金三小花之一的黎瑞恩，憑《一人有一個夢想》成名，九七年與富二代曾智明拍拖後，她為應男家要求，放棄仍盛的幕前事業轉做保險。○二年黎瑞恩舉行告別個唱，之後嫁入曾家，並三年抱兩；○七年她再接再厲，可惜懷孕四個月便小產。貴為億萬集團的豪門新抱，黎瑞恩僅於○七年以四百萬買入曼克頓山，四個月後便微賺轉手。十一年來以家為重，但換來只是婚變傷痛。

成個月唔見人

心不在家，縱使坐中港車由廣州回港，車程只需兩小時，但曾智明返屋企見妻兒的次數愈嚟愈疏落；一年前，更加變成每個月只返港一次，很多時還是即日來回，留家半天，就急住返廣州，敷衍了事。念及一對子女，黎瑞恩一直啞忍老公冷待；可惜對方反而變本加厲，有指剛過去的聖誕及除夕，他完全無蒲頭，不顧夫妻情分，也不放一對子女上心。一家四口三缺一的場面，近年司空慣見，她在微博放上的全家福，也是前年長女九歲生日時影的。據悉，夫婦二人曾於一年前為雙方關係攤牌。「傾完都冇用，個男人依然態度照舊，根本冇放老婆在眼內。小恩子好傷心，但睇在老爺份上，仲有一對仔女，佢一直撐住忍落去。有時出嚟做慈善活動仲要扮到冇事笑晒口，其實佢好辛苦。以前老公逢場作戲，所有人都知，得佢一個唔知，佢仲話兩公婆要互相信任。直到個老公放假都唔願返屋企，一切都太遲。」知情者爆。

老爺出面苦勸

容忍有底線！據悉數月前黎瑞恩終於爆發，帶埋一對子女搬離與老爺奶奶同住的九龍塘大宅，入住方便子女上學的沙田凱悅酒店幾近一個月。老婆擺出分居姿態，但曾智明對家變照舊無動於衷。至於早已把生意交曾智明打理的七十九歲曾憲梓，唯有親自出馬，勸新抱保住頭家。「小恩子對呢段婚姻已經心淡，但老爺奶奶年紀大又錫對孫，佢唔想老人家傷心，到最後都答應老爺搬返九龍塘；所以早排小恩子舉行復出個唱，老爺奶奶都有去撐場。」

愛國家族

現為金利來集團行政總裁的曾智明，是富二代亦是官二代，職銜包括全國政協委員、中華全國青年聯合會成員之一，並擔任社會和法制委員會專委。其父是曾任港區全國人大代表及常委的曾憲梓，也是金利來集團的創辦人。92年開始至今，曾憲梓多番捐出億元給國內建立教育基金、中國航天發展，08年又以億元設立「曾憲梓體育基金」，獎勵北京奧運會中國金牌運動員。打正愛國旗號的曾家，96年集團北上發展多個項目包括香煙及眼鏡等產品，並在廣州設立集團總部，估計市值身家近百億。曾憲梓育有三子，曾智謀、曾智雄及幼子曾智明。有傳79歲的曾憲梓近年已欽點幼子曾智明為接班人。次子曾智雄於06年跟妻子吳嘉寶分居，女方在香港報章刊登一篇「分居啟事」，指丈夫與一位楊姓女藝人有婚外情，令18年的婚姻破裂。

辭公職搬英國

老父出手保住頭家，但曾智明並無珍惜，繼續不聞不問。哀莫大於心死，隱退十一年的黎瑞恩，去年忽然復出開個唱，雖然是做慈善，歌酬及百萬收益全數捐到兩個慈善機構，但黎瑞恩其實是為將來隨時復出養家試水溫。據了解，近日黎瑞恩已辭去所有慈善公職，準備隨時帶埋子女遠走英國，早前她為個唱接受訪問，也曾透露為子女學業着想，打算定居英國；甚至提到在當地搞小生意，自給自足。「一旦要分開，小恩子唔會要任何嘢，只係要對仔女，佢唔想留喺香港，搬去英國一來陪仔女讀書，二來俾自己重新開始。」知情者說。

提婚變眼紅紅

老公變了心，一對子女是黎瑞恩最後防線。上週六、日（一月十一、十二日），一連兩天她都揸車外出，先與一對仔女到尖沙咀午膳，之後再送他們返課外活動，親力親為。本週一（十三日）送完細路返學，黎瑞恩過中環約老友林漪娸午飯，離開時，本刊記者上前求證她與丈夫關係有變一事，婚變、是否忍得好辛苦等問題觸動黎瑞恩的傷痛，只見她拳頭緊握，強忍眼淚。記者追問她老公是否有第三者及長期唔願返屋企，眼都紅埋的黎瑞恩沒有否認，只拋下一句：「唔好問我！」接着黎瑞恩急call司機盡快到場，並與林漪娸去了跑馬地一間美容院，留至傍晚六時許才離開。

手尾長

女人夢想嫁個有錢人！但豪門少奶並非人人啱做，尤其當婚姻亮紅燈也大把手尾，唔似得尋常人可以快手解決，話走就走！

朱玲玲

有「最美麗的港姐」之稱的朱玲玲，77年當選香港小姐冠軍後，翌年便與霍英東長子霍震霆閃婚並誕下三名兒子。自九十年代起，屢傳二人婚變，直到06年老爺霍英東病逝前一個月，朱玲玲才讓好友葉蒨文向外公布自己早在04年已離婚及於97年已搬離霍家，九年來守住婚變事實，全為了顧全霍英東面子。

羅霖

生了三個仔的羅霖於96年嫁給香港富商劉坤銘後淡出娛樂圈，二人結婚17年，傳出婚變多年，但二人極力否認。12年，羅霖終於承認與丈夫已分居，並透露結婚以來一直強忍對方的行為，更試過被動粗。去年羅霖與劉坤銘上演一幕爭仔風波，並暗示收到恐嚇訊息，希望前夫給她一條生路。