📖 ZKIZ Archives

【馮仁昭四圍超】鄺文珣有咗想生女

1 : GS(14)@2017-04-04 08:56:01

微博圖片





鄺文珣昨日41歲生日，忽然喺微博宣佈喜訊，穿上粉紅色露腰裝嘅佢，用雙手托住隆起腹部，宣佈即將再做人母。已經有分別8歲同6歲囝囝嘅鄺文珣，接受本報訪問時話預產期係10月，仲承認今胎想生女，又話今次陀B同以前好唔同，口味完全變晒，因為好多嘢食唔到，所以都瘦咗好多。鄺文珣仲話之前懷孕個肚都超大，所以預計今次都會好大。撰文：馮仁昭




來源: http://hk.apple.nextmedia.com/entertainment/art/20170404/19979099
PermaLink: https://articles.zkiz.com/?id=329053

【動畫】同新紮姐仔陳婉婷有咗「餡」？鄭俊弘搵樂小姐拆彈

1 : GS(14)@2017-04-06 07:41:33

鄭俊弘被指背未婚妻Beebs偷嗒何雁詩，報道出街後，堅稱自己唔係「第三者」嘅何雁詩，就話自己「清者自清，行得正企得正。」至於男主角鄭俊弘，潛咗一日水，到夜晚先蒲頭接受訪問。不過佢未接受訪問前，就有人爆料指外表乖仔嘅佢，其實係圈中「食家」，除咗同蔡思貝、王君馨、吳若希傳緋聞，仲同秦沛女姜麗文拍咗6年拖，到鄭俊弘紅咗之後，就飛甩姜麗文。原來鄭俊弘緋聞女角名單中，仲漏咗一個成員，呢個就係無綫新紥姐仔陳婉婷(Hebe)。昨日有讀者爆料，指13年喺《星夢傳奇》勝出走紅嘅鄭俊弘，搭上陳婉婷，二人打得火熱，一直想公開戀情嘅Hebe，仲以「肚」要求鄭俊弘公開女友身份，但彈起咗嘅鄭俊弘就對Hebe愛理不理，為防有後患，鄭俊弘仲匯報俾無綫高層樂易玲知，幫自己打定個底。讀者話Hebe見鄭俊弘冇反應，有晚扮醉踩上鄭俊弘屋企，打算借醉講數，點知一入門口，就見到樂小姐大大個棟咗喺鄭俊弘屋企個廳度……事後《蘋果》打俾陳婉婷，佢好大反應話：「吓，唔係啩！邊個作故仔，我連佢(鄭俊弘)電話都冇，大家唔熟。」




來源: http://hk.apple.nextmedia.com/entertainment/art/20170406/19981787
PermaLink: https://articles.zkiz.com/?id=329413

早知張達倫太太有咗黎芷珊：我哋係家人

1 : GS(14)@2017-04-28 00:54:33

■舊愛黎芷珊昨日第一時間恭喜張達倫即將當爸爸。



張達倫昨日到銅鑼灣撐舊愛黎芷珊的自家眼鏡品牌發佈會，黎芷珊第一時間送上祝福，恭喜張達倫太太有喜，她說：「講得之前已經知道，我係屋企人嚟㗎！」被問到做爸爸的心情，張達倫笑說：「知道係好開心，冇諗過咁快，黎諾懿都要搞成兩年先有，估唔到我幾個月就搞掂咗，BB都係天秤座，真係恐怖，天秤係一個好煩嘅人，我都係天秤座，預產期係10月15日，我係10月16日。?家係3個幾月，男仔叫張震、張晉，女就用子怡，我自己好想係仔。」



難得生性暴龍哥創科眾籌夢，遭隱世肥報販秒殺！ https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170427/20002934
PermaLink: https://articles.zkiz.com/?id=331564

【馮仁昭四圍超】講卓林同性戀吳綺莉自譏好過有咗

1 : GS(14)@2017-06-18 21:45:14

吳綺莉同韓君婷噚日喺銅鑼灣出席NuMe美容活動，提到囡囡卓林情況，吳綺莉話：「一路有醫生、社工幫手，係我自己唔好，忽略咗佢嘅感受，單親家庭，有啲嘢我頂得順，唔代表佢頂得順，我虧欠咗佢，爆咗煲，感恩好多人幫手。」



■卓林（右）同網紅A小姐關係友好。資料圖片

「唔想做婆婆」

講到囡囡自殘，吳綺莉話：「佢?家有食藥，佢身體唔舒服，唔可以怪佢。」問到卓林同網紅密友A小姐嘅關係，係咪兩母女嗌交嘅導火線？吳綺莉話：「冰封三尺非一日之寒，好多嘢唔可以全部怪人，好多時忽略咗個女嘅感受，我有同佢講對唔住，所以我要做好自己。」仲話會積極工作，已經戒酒。再追問卓林係咪同A小姐拍拖？吳綺莉話：「係朋友，17歲，摸索緊，唔知自己係點，17歲拍拖都未必係嗰個，冇得逼。」問佢介唔介意囡囡同性戀？佢話：「我好開通嘅，冇乜所謂，反而介意佢返嚟話畀我聽有咗，我唔想做婆婆，性別唔重要，搵個伴要照顧、了解大家、心地善良，錫我個女比任何嘢更重要。」撰文：馮仁昭




來源: http://hk.apple.nextmedia.com/entertainment/art/20170616/20057218
PermaLink: https://articles.zkiz.com/?id=335918

有咗五個月　個肚竟然仲咁…

1 : GS(14)@2017-06-25 10:11:11

平坦的小腹、毫無贅肉的四肢，這是孕婦的身形嗎？美國加州一名索媽在Instagram大騷自己身穿比堅尼的相片，原來她正懷孕5個月，叫人驚訝。33歲洛杉磯模特兒斯特奇（Sarah Stage）在Instagram上載自己身穿比堅尼的相片，兒子坐在她膝上輕撫她的肚皮，她寫道︰「昨天他拍我的肚子說『我的寶寶』，你覺得2歲(兒子)是否真的明白？」並附上「懷孕5個月」的帖文標籤。其實斯特奇上次懷孕時也「技驚四座」，肚子出奇地小，又保持有做運動，當時有網民責怪她為了身材危害寶寶，幸好最後誕下8磅的健康兒子，而且她產子後9天，肚皮已經回復平坦，叫人難以置信。今次懷第二胎，斯特奇說與第一次懷孕有別，「我(腹部)有少許隆起，我今次懷孕有點不同，醫生說寶寶的位置比較低」。她續指，今次懷孕比上次累，因為還要同時照顧2歲的兒子，整天追著她跑也是很累的，她又指自己保持每天做5至10分鐘運動。英國《每日郵報》




來源: http://hk.apple.nextmedia.com/international/art/20170623/20066217
PermaLink: https://articles.zkiz.com/?id=336887
Next Page
ZKIZ Archives @ 2019