被百億富商狂追？志玲被孖經理人隊酒傾心事
1 :
GS(14)@2016-09-17 16:15:50林志玲最近黑氣纏身，除咗因「冠希之亂」惹上口舌之爭外，佢有份嘅台灣「3大黃金剩女團」，林心如同舒淇相繼結婚，剩番41歲嘅佢，仲未搵到真命天子，雙重打擊搞到志玲姐姐近排心情跌入谷底。不過，昨日台灣有傳媒爆出志玲姐姐終於見到曙光啦！有身價百億嘅C姓富商正猛烈追求，而呢位傳聞中嘅C姓富商比林志玲年長，擁有上市公司，現時單身。C姓富商先前苦無機會認識林志玲，因緣際會之下向名人界打聽女方認識，最近終於輾轉接近佳人，仲俾圈中名人巧遇二人單獨約會食飯。似乎志玲姐姐脫離剩女行列嘅日子不遠了！不過，事後志玲姐姐嘅經理人邱瓈寬(寬姊)，向傳媒轉達「志玲發誓說兩人真的沒有見過面」。本月4號，係舒淇婚訊爆出嘅第二日，台灣《壹週刊》直擊林志玲現身BELLAVITA百貨嘅6樓「同28」日本料理店，但同行嘅，並非傳聞中C姓富商，而係經理人寬姐，當晚二人飲咗成枝紅酒，由晚上7點直踩到11點，人哋間舖閂門都未捨得走。飲到醉醺醺嘅志玲姐姐，仲飲到塊面紅卜。
來源:
http://hk.apple.nextmedia.com/entertainment/art/20160915/19771037