ZKIZ Archives


年吸五千萬 老闆流口水張智霖續約收一億

1 : GS(14)@2014-09-07 12:20:46

張智霖(Chilam)去年與蕭定一的中國3D數碼娛樂有限公司簽了3年經理人合約,包薪4,000萬港元,據悉合約剛滿一年,其收入已超過5,000萬,縱使合約還有兩年才屆滿,但已引起英皇娛樂向他招手,嚇得蕭定一立刻與他提出再續約3年,以包薪1億元誘他加簽。



■張智霖接拍不少廣告,收入可觀。

■蕭定一(右)出價一億箍實張智霖。


「參與吓幕後創作」

昨日本報記者向蕭定一求證,他在電話中表示:「係,我同Chilam已經傾緊加簽3年,雖然合約只過咗一年,但佢收入已接近5,000萬,淨係內地綜藝節目《兩天一夜》就畀咗900萬人民幣,今年幫佢接咗約11個廣告、8場巡迴演唱會,幾部電影同內地20幾個商演。因為收入咁好,我覺得3年太短,提議加碼畀佢,再續3年,但實際價錢就唔講啦!總之係多過之前好多,而家雙方對續約都傾得好順利。」對於這個價錢,Chilam本人當然感到吸引,口頭上已答應續約。昨日記者聯絡了身在英國拍攝電影的Chilam,他表示:「時間真係過得好快,大家合作已經滿一年,咁同阿一公司係合作得幾愉快,的確近期有其他公司接洽過我,與此同時阿一同我傾續約,如果條件滿意,我都樂意續約嘅!」問到是否續約有1億包薪?他笑說:「總之係好可觀啦!實際數字幾多,真係唔方便講啦!提出續約嘅話,我會同公司講,畀多啲時間我參與幕後工作,無論音樂同電影我都想參與吓幕後創作。」採訪:鍾國仁




來源: http://hk.apple.nextmedia.com/entertainment/art/20140904/18854712
年吸 吸五 五千 千萬 老闆 流口水 流口 張智 智霖 續約 收一 一億
PermaLink: https://articles.zkiz.com/?id=285417

張智霖引英狂迷圍觀

1 : GS(14)@2014-09-13 23:51:43

張智霖(Chilam)最近在英國拍攝電影,日前Chilam與台灣女星郭采潔在當地旅遊區公園拍攝,不少當地華人見到Chilam表現瘋狂,更爭相與他合照,但因要趕在太陽下山時拍完日間的戲份,為免因太多人圍觀而影響進度,工作人員要驅趕人群離去。今次是Chilam與郭采潔首次合作,不過開工期間很有默契,Chilam大讚郭采潔有潛質,更專程去欣賞對方的作品。因要趕工的關係,Chilam在英國過中秋,幸好當日開工,於是便相約古天樂食飯過節,Chilam說:「我哋喺香港各有各忙,好難約埋一齊食飯,所以好難得呢次喺英國有機會食飯敍舊。」撰文:張曦彤




來源: http://hk.apple.nextmedia.com/entertainment/art/20140913/18864195
張智 智霖 霖引 引英 英狂 狂迷 圍觀
PermaLink: https://articles.zkiz.com/?id=285526

張智霖 叛逆成就今天的我 2015-01-13

1 : GS(14)@2015-01-18 02:39:48

http://www.skypost.com.hk/featur ... %84%E6%88%91/166527憑《衝上雲霄II》中瀟灑不羈的Cool魔一角,張智霖再度爆紅,Cool魔熱潮更延續至今年二月上映的電影版,但原來他也十分鍾愛象徵一個叛逆世代的占士甸:「他是我最喜歡的叛逆偶像,自己小時很反叛,現在反叛想死咩!哈哈!」少年時他沉迷踢足球,夢想做職業球員,結果成績未如理想,他笑言若掛住讀書怎會有機會參加音樂比賽贏獎入娛樂圈。
張智霖(Chilam)會否將叛逆基因遺傳到兒子張慕童身上,問八歲的慕童開始反叛期了嗎?Chilam搖搖頭說:「真的不必擔心,每個孩子一定會經歷反叛!」他又醒了教育孩子心得:「我怎樣去教,我又不是很叻。只是看到他也就看到自己年輕時那種叛逆調皮!」又說小朋友反叛不是貶意,每個人應有自己的選擇,任由孩子去跌跌碰碰,才會走出自己的路。


寧兒子做上班族


近年間,拍劇、拍戲、開演唱會、出碟,還有大量商演、廣告、登台等,佔據了不少時間,那麼可會心裏有一把尺衡量家庭與工作的比重?「暫時我會覺得被市場需要時要好好把握,現實世界不知市場幾時會不再需要你。去年我覺得沒有miss孩子的成長,從零到一歲我特別不接工作而去陪伴孩子。
「第三輯《爸爸去哪兒》我沒有接洽過,在我自己立場,小朋友要參加真人騷要承受太大壓力。我的孩子有不少缺點,不必要將他的缺點暴露別人面前。我不是特別保護孩子,只是感覺若然孩子能夠輕鬆一些,就讓他輕鬆一些。藝人的孩子已經受到太多的關注。」記得問過Chilam對兒子的期望,他曾悠然地回答過:「不想兒子進入娛樂圈吃這行飯,寧願他做個普通上班族。」


教仔難免惹爭拗


父母最大爭端往往跟教育孩子有關,Chilam笑言:「我倆(和太太袁詠儀)教育小朋友都是新手,自然引起很多爭拗,沒有說那個一定對、那個一定錯。我不是嚴父,喜歡寵愛孩子,因孩子很快就長大、很快就會離開自己,所以自己特別珍惜相處這一刻的關係。」
編輯:黃寶恩
設計:鄧俊明
張智 智霖 叛逆 成就 今天 的我 2015 01 13
PermaLink: https://articles.zkiz.com/?id=287254

張智霖拒為阿佘做媒

1 : GS(14)@2015-04-17 08:25:17

■Chilam透露有興趣設計眼鏡給自己。


張智霖(Chilam)和韓國女團4MINUTE成員金泫雅昨日在銅鑼灣出席韓國眼鏡品牌開幕酒會,Chilam表示藝人經常不夠瞓,喜歡用太陽眼鏡掩殘樣,有意親自設計。他透露全家人都喜歡玩iPad,擔心囝囝有近視及關係疏離,他說:「好耐冇同囝囝眼神接觸,自己都希望能以身作則玩少啲。」對於薛家燕爆唐文龍曾追佘詩曼,他笑言還自己一個清白,會否幫二人再續前緣,他說:「吓,呢啲順其自然啦。」


■泫雅谷胸到場,但就不受訪。


泫雅昨午則先在銅鑼灣樂做自由行旅客,身穿牛仔短裙的她在工作人員及近十位保安護駕下,豪花六位數字添置新裝。直到晚上8時,泫雅以性感谷胸到場,她分別在佈景板和商店影相,不過離開前未有接受訪問。採訪:羅慧敏攝影:梁繼光、陳俊強





來源: http://hk.apple.nextmedia.com/entertainment/art/20150416/19113886
張智 智霖 霖拒 拒為 為阿 阿佘 做媒
PermaLink: https://articles.zkiz.com/?id=289649

張智霖借煇哥騷集郵

1 : GS(14)@2015-05-19 22:52:47

張智霖(Chilam)前晚擔任《顧嘉煇榮休盛典演唱會》表演嘉賓,Chilam在演唱會上獻唱兩首煇哥的名曲《當年情》和《畫出彩虹》,其間Chilam去到台邊跟樂迷玩自拍,逗得現場觀眾開心不已,有成功跟Chilam自拍的歌迷開心到尖叫。
Chilam不止一次表示感恩可擔任表演嘉賓,還答應擔任餘下兩場的嘉賓,他在後台接受訪問時,表示有少少緊張,他說:「全部都係殿堂級歌手,所以我喺後台不停集郵,我第一次見到仙杜拉,但係感覺好熟,佢好友善,佢台下面嘅power好值得學習,所以見到對方,都唔敢話自己攰。」採訪:卓寶花





來源: http://hk.apple.nextmedia.com/entertainment/art/20150519/19152183
張智 智霖 霖借 借煇 煇哥 哥騷 集郵
PermaLink: https://articles.zkiz.com/?id=290483

張智霖玩殘電話騙徒

1 : GS(14)@2016-03-08 00:08:37

張智霖(Chilam)昨日於太古出席Fancl活動,Chilam透露愛以運動來保養,尤其做瑜伽,他更表示隨時隨地也可做倒立,提到他即將接拍一個關於危急處理的真人騷,問他有否嘗試過危急的事?他說:「嗰時拍《射鵰英雄傳》七日冇瞓,揸車時撞到對面線兩架車,當時即刻醒晒,好彩人冇事,自始都好小心駕駛。」提到最近網上流傳有一段疑是撞車黨的片段,他說:「真係無妄之災,如果我係個司機會覺得好無奈。」Chilam還爆曾試過接詐騙電話,他說:「玩咗一輪,一聽就知佢搵笨,我同佢講爭我嘅錢慢慢還,亂講一輪,佢冇癮收線,不過下次都唔好玩,記低個電話號碼去報警。」採訪:羅慧敏攝影:陳慧安





來源: http://hk.apple.nextmedia.com/entertainment/art/20160307/19519106
張智 智霖 霖玩 玩殘 電話 騙徒
PermaLink: https://articles.zkiz.com/?id=297162

張智霖爆老婆澳洲半裸

1 : GS(14)@2016-07-14 08:09:53

張智霖昨日到商台宣傳新歌,剛剛跟妻兒去完意大利的他,透露下星期一家再飛到馬爾代夫度假。日前跟太太浸火山浴,有網民指袁詠儀是半裸浸浴,他代太太澄清:「佢無咁大勇氣,嗰度有好多人,不過十幾年前我哋喺澳洲試過到無上裝沙灘,佢都即席半裸,仲行得好坦然,我開頭都有監視吓現場,好快就冇乜特別玩。」今次邀請周柏豪寫歌,張智霖打算將來做對方演唱會嘉賓作為報答,9月他會到佛山開騷,他說:「巡迴真係唔做得太長,因為好難成日保持咁佳狀態,我比之前肥咗20磅,着條機師褲變成臘腸褲,我都估唔到對腳粗咗咁多。」採訪、攝影:馬建華





來源: http://hk.apple.nextmedia.com/entertainment/art/20160714/19693478
張智 智霖 霖爆 老婆 澳洲 半裸
PermaLink: https://articles.zkiz.com/?id=303696

張智霖被禁做貓奴

1 : GS(14)@2016-08-09 07:33:06

張智霖(Chilam)、薛家燕、側田和衛蘭等,前晚在灣仔會展出席「新城25聲光綻放音樂會」祝賀新城牛一。Chilam剛由馬爾代夫度假回港,本月27日生日的他,將在上海開演唱會,問之前會不會慶祝?他說:「呢啲唔使咁多,怕到時做嘢太攰,畀唔到反應,我都係揀同三五知己食飯,唔使次次要驚喜。」
Chilam透露生日禮物想養一隻貓,可惜被老婆袁詠儀一口拒絕:「老婆話唔畀,以前係有鼻敏感,唔知係動物定係因為食煙,其實我個仔都想養,佢同我喺同一陣線,不過冇用,我哋係受壓一群。」薛家燕在新城工作16年,雖然人面全非,但她覺得是一個新挑戰:「自己做咗幾十年,宗旨做好個節目,呢個係工作目標。」採訪:馬建華攝影:沈健程





來源: http://hk.apple.nextmedia.com/entertainment/art/20160809/19728260
張智 智霖 霖被 被禁 禁做 做貓 貓奴
PermaLink: https://articles.zkiz.com/?id=305135

張智霖指傅園慧似儍大姐

1 : GS(14)@2016-08-10 07:54:57

張智霖和駱振偉昨日在黃竹坑為ViuTV主持節目《我的HERO》,王宗堯和張建聲擔任嘉賓,張建聲擔心在節目重提去年因病離世的父親會落淚。對於中國泳手孫楊與澳洲泳將賀頓的是非?張智霖說:「有留意,點解有咁大衝突,奧運唔係宣揚公平競爭同和諧咩,運動精神好重要。」他亦有留意泳手傅園慧說話時似「火雞姐」,他話:「佢好似儍大姐。」採訪:黃曉妍攝影:沈健程





來源: http://hk.apple.nextmedia.com/entertainment/art/20160810/19729669
張智 智霖 霖指 傅園 慧似 大姐
PermaLink: https://articles.zkiz.com/?id=305290

袁詠儀45歲生日張智霖再送Hermès手袋

1 : GS(14)@2016-09-06 22:51:04

袁詠儀(靚靚)是圈中出名的Hermès狂迷,連張智霖受訪都曾講過,已經記不起送過幾多個Hermès手袋俾老婆。袁詠儀前日45歲生日,一身床就有囝囝小魔童整早餐,令她大呼幸福感恩,「你問我今年的願望,我希望身體好、工作好、我身邊所有的人好、所有事情都好,只寄望好!很簡單!」老公Chilam雖然不在香港,但當然不忘送生日禮物,靚靚在微博梗要晒一晒,「知道你們一定問生日禮物是什麼?尾圖!」她只是影相show了手袋的一角,但一望個銀扣,無錯,又是一個Hermès手袋,今次是,籐織Kelly bag,靚!更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20160906/19761569
袁詠儀 45 生日 張智 智霖 霖再 再送 Herm 手袋
PermaLink: https://articles.zkiz.com/?id=307838

張智霖呻老婆孤寒

1 : GS(14)@2016-09-11 05:50:33

張智霖(Chilam)前晚在尖沙嘴出席瑪莎拉蒂新車發佈會,他透露現擁有兩部家庭車,自婚後已沒買兩座位座駕。談到他的好友郭富城擁有多部超跑,他笑說:「佢單身嘛!同我唔一樣,我當擁有咗,而家都冇時間玩車,有時間都同屋企人一齊,好少單獨出街。」問到Chilam會否要求太太袁詠儀送車?他笑謂:「係就最好不過,不過佢唔會,咁孤寒,今年終於收到佢份生日禮物,係一條佛珠,沉香味,有助睡眠啱我。」而周四是中秋節,要回內地工作的Chilam說:「飛到想喊,而家好珍惜同家人相處時間,要活在當下。」採訪、攝影:張俊銘




來源: http://hk.apple.nextmedia.com/entertainment/art/20160911/19766907
張智 智霖 霖呻 老婆 孤寒
PermaLink: https://articles.zkiz.com/?id=308626

【add】紅人主場:張智霖 超級愛妻號

1 : GS(14)@2016-09-17 16:15:54

Gucci刺繡西裝褸恤衫



如果有廣告明星好感度調查,張智霖(Chilam)應該是老少通殺型,無論是針對一家大細的月餅,又或是二十多至四十的保養品,他都如斯稱職地代言。大概是因為Chilam的愛妻愛家形象也太入屋了,令他在觀眾網民心中加分再加分。埋位拍攝硬照時的他眉宇間自然一chok,型到零死角,但鏡頭一轉講老婆仔仔,又立即暖男上身:「我最鍾意縱人,縱我老婆,縱阿仔,縱屋企隻狗仔,縱到全部人都軟賴賴。」統籌:林妙萍造型及撰文:趙潔恆攝影:周樂恒化妝:Hetty Kwong髮型:Tommy Leung@ ii hair& nail張智霖和袁詠儀(靚靚)實在是圈中模範夫妻,兩口子近年密密以夫妻檔拍真人騷、出席時尚活動,今年二人與仔仔先後去意大利、馬爾代夫旅行享天倫,在微博上不忘狂晒恩愛場面。月初靚靚生日,公開炫耀Chilam送上的生日禮物──Hermès古董手袋,羨煞港女。



Ports1961栗子色bomber jacket白恤衫黑色運動褲

Burberry珠片間紋毛衣格紋外套黑色長褲黑色sneakers


買手袋馴情

Chilam出手闊綽地買Hermès來哄靚靚不是秘密,究竟買過幾多個卻已成一個謎,「真係計唔到喎,唔知呢,買到個人都馴晒,知唔知有斯德哥爾摩症候群,即係有賊綁架咗啲人,而嗰啲人同個賊傾偈,仲慢慢認同咗個賊,我咪就係個人質囉,買得多就會覺得買袋係啱數嘅。」夫妻倆近年一起拍攝內地真人騷《一路上有你》,奉旨公開地肉麻死人,Chilam稱一切實屬戲劇效果,「好多嘢都硬要我哋去做,唔會咁肉麻囉,不過係工作一部份又無可厚非,我又唔太抗拒。但私底下會唔會成日講住:『我好珍惜你呀!你享吓福喇!』我諗應該係做咗啲嘢好大鑊,先會咁講。」節目中二人曾化老人妝經歷白頭到老,但Chilam覺得一段真正的夫妻關係,不需要想太多怎樣維繫下去,「咪就係兩個人去過生活咋嘛,唔會去諗點樣先可以白頭到老,諗得嚟已經白咗頭又再染番黑啦!」



■Chilam與靚靚於真人騷內曾重演婚禮。

■阿靚是Hermès手袋忠粉,Chilam也樂於買袋氹老婆。


有顆玻璃心

近年港星北上拍真人騷成風,Chilam也收過很多真人騷提案,「都要睇吓乜嘢性質,你話歌唱比賽我諗就未必喇,入咗行已經二十年,要好似新人咁畀人評頭品足,覺得自己好脆弱,有顆玻璃心呀!」幽默自嘲的Chilam反而會考慮一下格鬥類節目,「都有諗過,但係怕自己會猝死,除非有支持可以操練多個月,安全啲,又好睇啲,但臨時拉伕去操練兩三次就去做,咁就好似對唔住觀眾喇。」未見到Chilam挑戰新實況節目,多棲的他最近就有新戲上映,與另一型男古天樂合拍《S風暴》,兩大男神相遇火花四起,「同古仔合作冇鬥型冇扮型,做好自己角色。今次做一個好賭警察,因為賭波而家破人亡,想藉破案而振作。而同佢嘅火花位就係ICAC同警察之間對立,係劇情牽引出衝突。」他同時籌備新專輯,又落實為ViuTV拍攝節目《Hero》,工作不停手,「咁啱自己出新碟,都係講家庭嘅Hero,通常都會有好多歌去歌頌媽媽,但係一講爸爸就已經係《空櫈》,想大家一家人齊齊整整同爸爸講我愛你。」



■Chilam於新片《S風暴》中飾一名嗜賭警察。

■Chilam今年與靚靚仔仔兩度旅行享天倫。


老並不可怕

學45歲的Chilam話齋:「皮膚keep住咁彈唔係冇可能㗎!」但要keep住fit的狀態是一種壓力也是一種blessing,「如果唔keep就會好似後期嘅馬龍白蘭度(Marlon Brando)咁,但我又冇話要戒口,食方面好放任,食得是福嘛,最多跑多啲步。」另一必做運動便是跟老婆去練瑜伽,「練開會成日去,扭來扭去咁係幾好嘅活動,成班朋友跟Almen(黃佩霞)學,成日見面。」金曲高唱叮噹可否不要老,偏偏不老男神Chilam就話老並不可怕,「老係必經階段嚟,老唔可怕,冇記性、好多病就可怕喇,雖然而家都成日唔記得嘢。」



更多精采時尚內容,盡在http://add.appledaily.com




來源: http://hk.apple.nextmedia.com/entertainment/art/20160915/19770762
add 紅人 主場 張智 智霖 超級 愛妻號 愛妻
PermaLink: https://articles.zkiz.com/?id=309267

張智霖籲粉絲罷買消息

1 : GS(14)@2016-09-27 07:14:48

張智霖(Chilam)和蔡雪瑩昨日在圓方出席FANCL活動,Chilam以店長身份為蔡雪瑩測試皮膚。他透露最近發現有人在微博以數十元的價錢,兜售他的行蹤訊息,直言有被侵犯私隱的感覺,他謂:「最誇張嗰次係做嘢去酒店住嘅時候,俾佢哋嘅職員影低咗證件,真係令我好震驚。雖然藝人透明度係好高,但係都應該有正常私隱。」此外,囝囝剛滿月的蔡雪瑩說:「百日宴至搞party,英文名叫Wesley,因為老公叫William,所以想用番W字頭,如果下次生女,就用S字頭,中文名就仲未改。」採訪、攝影:盧妹




來源: http://hk.apple.nextmedia.com/entertainment/art/20160926/19781777
張智 智霖 霖籲 粉絲 罷買 消息
PermaLink: https://articles.zkiz.com/?id=310145

張智霖搵老闆傾分紅

1 : GS(14)@2016-10-01 13:19:55

張智霖(Chilam)、古天樂、蔡少芬、陳靜等人,昨晚在銅鑼灣出席電影《S風暴》慶功宴,此片香港、澳門及內地票房達2.5億,昨晚筵開14席慶祝。Chilam表示要恭喜老闆黃百鳴,問他可有份分紅?他笑說:「冇傾喎,下次要傾吓先,少少無拘。」又說:「10月大部份時間會喺上海,有電影同埋真人騷,會同靚靚(袁詠儀)一齊去上海。」古仔亦表示有聽過老闆有意拍第3集,問他可會投資?古仔說:「我自己都係做番嗰個角色啦!」蔡少芬則承認11月會返無綫拍《老表3》,更笑指自己執二攤:「我講笑啫,最緊要有得參與,會同郭晉安做一對,hold咗3個月期。」採訪:王連連攝影:陳慧安




來源: http://hk.apple.nextmedia.com/entertainment/art/20161001/19787118
張智 智霖 霖搵 老闆 分紅
PermaLink: https://articles.zkiz.com/?id=310870

張智霖又做一哥

1 : GS(14)@2016-10-21 05:28:12

張智霖(Chilam)昨晚與鄭融和雨僑等在銅鑼灣出席HMV Music發佈會,因為蕭定一(阿一)有份投資,Chilam再次跟阿一合作,論資排輩,Chilam是一哥,他說:「上一次最後合作都好愉快,最後一次隻碟賣得好好。」Chilam表示要再簽新唱片合約,一切交由阿一處理,至於阿一投資多少在自己身上,Chilam表示不會理:「出年我都會出碟,可能後年先做演唱會。」



■Chilam要再簽蕭定一,皆因之前合作愉快。

雨僑表示等了又等,終於等到阿一成立唱片部:「終於有種親生女感覺。」是否想做一姐?,她說:「唔好,一日未嫁唔使做一姐,如果我叫做雨姐,好難聽。」採訪:馬健華攝影:葉君海




來源: http://hk.apple.nextmedia.com/entertainment/art/20161021/19807271
張智 智霖 霖又 又做 做一 一哥
PermaLink: https://articles.zkiz.com/?id=313045

張智霖俾囝囝投訴

1 : GS(14)@2016-11-11 08:10:35

張智霖昨晚在海港城為聖誕燈飾主持亮燈,透露跟太太袁詠儀(靚靚)初次約會是某年的除夕倒數,「唔記得係92定93年,都四分一世紀嘅事,我哋有返嚟呢處慶祝。」明天是兒子慕童10歲生日,將會一家人慶祝,而下月的聖誕節檔期,他已向公司請假,準備兩夫婦陪兒子過節,他說:「要休息吓,加上小朋友投訴話我同太太成日工作,阿仔話自己一個好寂寞。」採訪、攝影:卓寶花




來源: http://hk.apple.nextmedia.com/entertainment/art/20161111/19829778
張智 智霖 霖俾 俾囝 囝囝 投訴
PermaLink: https://articles.zkiz.com/?id=315086

張智霖怕與靚靚鬧交

1 : GS(14)@2016-12-06 03:56:21

張智霖(Chilam)、郭富城、周秀娜等前晚出席北京舉行的「愛奇藝尖叫之夜」,郭富城、周冬雨則獲頒年度最佳男女演員,而Chilam獲頒「VIP最喜愛演唱會」獎項,被問到甚麼時候會尖叫,他說:「就是跟老婆(靚靚袁詠儀)吵架的時候很想尖叫呀!」至於周秀娜無懼低溫天氣,穿上哩士長裙現身,她更獲得「年度最佳網絡大電影」獎項。撰文:葉綠悠




來源: http://hk.apple.nextmedia.com/entertainment/art/20161205/19855066
張智 智霖 霖怕 怕與 與靚 靚靚 靚鬧 鬧交
PermaLink: https://articles.zkiz.com/?id=318354

張智霖去P靚靚滿場飛

1 : GS(14)@2017-01-02 11:51:09

【淺水灣】張智霖與袁詠儀(靚靚)夫婦前晚應保良局主席暨金利豐老闆娘朱李月華之邀,出席在淺水灣法拉利showroom舉行的派對,之前朱太旗下先施錶行代理的Franck Muller請了張智霖做代言人,雙方關係友好。前晚朱太還請了黃玉郎與張玉珊等賓客,現場更有一班艷女跳森巴舞,整個派對非常熱鬧。張智霖亦十分受歡迎,不停被現場賓客集郵,靚靚就一於少理,自己滿場飛,不知玩得幾高興,夫婦二人倒數完約12點半離開。採訪、攝影:陳辰、楊浩賢




來源: http://hk.apple.nextmedia.com/entertainment/art/20170102/19883929
張智 智霖 霖去 靚靚 滿場
PermaLink: https://articles.zkiz.com/?id=321050

張智霖自爆努力造人

1 : GS(14)@2017-03-03 00:59:53

張智霖(Chilam)、鄭融、陳瀅、雨僑、莊思敏及向華強夫婦等,昨日到尖沙嘴出席蕭定一成立的hmvod開台儀式,Chilam表示與太太袁詠儀正努力造人,問到會否考慮人工受孕,他笑說:「我唔幫佢邊個幫佢,我係唯一可以達成呢件事嘅人,所以我唔應該咁抗拒。」鄭融最近忙於拍攝有線奇妙台開台劇,與棒棒堂的威廉合作,首次拍劇的她說:「要有一齣電視劇代表作喺履歷上先算圓滿。」另外,陳瀅早前替無綫拍攝的新劇《全職沒女》將於下月播放,她說:「喺劇中同張振朗有咀嘴。」採訪、攝影:張俊銘




來源: http://hk.apple.nextmedia.com/entertainment/art/20170302/19944309
張智 智霖 霖自 自爆 努力 造人
PermaLink: https://articles.zkiz.com/?id=327471

張智霖折現賀城城

1 : GS(14)@2017-04-09 10:49:37

90年代曾簽約飛圖的張智霖(ChiLam),當年與許秋怡合唱一首《現代愛情故事》而成為經典歌,ChiLam更獲封「飛圖王子」。昨晚他到啟德出席奧比斯慈善跑步起步禮嘉賓,並負責鳴槍,他謂過去十多年都有捐款支持奧比斯。ChiLam自爆鍾意跑步,跑10K都沒問題,但不會跟老婆袁詠儀(靚靚)一齊跑:「佢跑得好快,佢以前係田徑隊。」問到可會擔任好友郭富城的兄弟團?ChiLam說:「未收到通知。」他透露多數折現給人情,記者即取笑沒紀念性,他笑說:「咁捐錢去奧比斯,拎番張收據,祝佢哋前途一片光明。」採訪:卓寶花攝影:陳俊強




來源: http://hk.apple.nextmedia.com/entertainment/art/20170409/19984231
張智 智霖 霖折 折現 現賀 賀城 城城
PermaLink: https://articles.zkiz.com/?id=329814

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019