ZKIZ Archives


間樓賺左點樣辦(債券篇)(答) Home Blogger

http://www.homebloggerhk.com/?p=5976

有100萬買咩好?

現時手頭上既股票已經有成0.5mil,今次係借錢出黎投資,想將借出黎既一百萬放落穩定投資工具。佢學人上網睇下點買債券。

 

打開銀行網頁,見到有隻KAISA GROUP HLDG LTD 派13.5%一年咁多,Joe心諗借出黎先2%,如果買隻bond收13.5%咁咪賺成10%以上!? 即管睇下個報價:

 

Bid/spread100.3677/101.3425
ISINUSG52132AA85
Maturity / Callable4/28/2015 : 4/29/[email protected]
Collateral TypeCOMPANY GUARANT
Coupon13 -1/2% fixed
RatingMoodyz B2 / S&P B+
Min PieceUSD 100,000

 

佢睇完都唔明,即管打比新x基證券個朋友問下咩黎。原來呢D債券係已發行,而家係二手市場幫客「撈」番黎的。不一定有貨,因香港債市實不活躍所以未必搵到人同你對盤。

 

Joe再問點買? 原來要成美金十萬一手。上面貴個價就係沽比你個價,如果你買就要用US101342.5去買呢個2015年到期既債券。仲要比番賣家計到買賣當日既已累利息。留意如果係2013年4月個價去到106.75,會觸發early call。即係比番個本阿Joe,但係就冇左13年4月打後既利息啦。個ISIN number係每隻bond unique既,例如Joe係新x基買完就係靠呢個好似股票咁既number轉去另一銀行個投資戶口。有時債券係有其他公司做擔保人的,不過呢隻係自己擔保。亦可留意發債人有冇放低咩做抵押,有起事上黎可以用抵押品賠付你既損失。

 

 

至於風險係點? 佢見個S&P rating係 B+。Joe見東亞銀行都有A-,連南豐都有幾個B而佢得一個,有些擔心。佢心諗如果我有幾百萬放五分一係呢隻bond無所謂,但係佢借一百萬出黎放係一隻低rating既債券好似好冒險。佢叫朋友再quote下rating去到A既bond有幾多%?

 

 

朋友話去到A都係得4% around,如果去到6.5%左右既要2018先到期,Hutchison有好選擇,都係十萬美金入場。Joe見要換港紙去美金又「蝕水」。呢個年期比既回報又唔算高,都係算數。朋友話其實bond都好似股票咁要等市跌執平貨。一隻原本100面值既債券可能係大跌市比你平幾成執到。

 

係證券行做既朋友緊係發揮sales本色,問Joe如果本金較少買債券基金又如何? 即係一隻基金既portfolio「載住」一百隻以上既債券。如果portfolio包含政府債券多風險一般較少,如公司債多風險都會增加。Joe問有幾多回報先? 朋友答係5.5%年回報左右。

 

 

朋友比左隻聯博美元收益基金比Joe,話入面有約1/3係美國國債。用一百萬港元買可以每月收到港元約$4500利息。如果買另一隻公司債多既高收益可以有成$5500利息。Joe心諗個息都幾好,仲可以最少買幾萬銀港紙都得,又可以隨時沽出。利用債券基金每月派息既特點,如果加按一百萬出黎,分20年還每月要$7588(本金佔5088),自己只係攞返原本供開按揭既$3218出黎就可以連同債券基金收$4500利息清還供新樓按。如果買另一隻成手公司債既高收益債券基金,仲有成1000蚊淨添(因派$5500一個月)。即係照舊供樓,20年之後會供完樓之後有成一百萬多左係度。

 

 

朋友見Joe兩眼發光,問佢幾時攞錢黎買? Joe心諗呢個債券基金冇年期限制,個利息又咁穩定,一定有價格風險即係唔保本。朋友話佢要預至少10%上落,係金融風暴該年佢跌左一成,雖然而家升穿埋風暴前既價但係都有些少風險。Joe覺得有升有跌都合理,睇佢個走勢見到升跌都慢過股票好多。佢另一個唔明係隻債券基金既公司名,因為聯博佢都未聽過。sales朋友唯有叫佢返屋企再睇下,如果聯博真係唔得可以買JP Morgan或HSBC出既。仲話佢下次返黎可以介紹隻用澳幣買既債券基金,可以計平佢收1%認購費,利息去到10%一年添!

 

 

Joe都好慶幸自己學左咁多債券同債券基金既野。起碼知道原來係香港除左買樓同股票之外原來有其他選擇。買開股票既佢心諗都可以承受到債券風險。債券基金仲可以透過買上百隻公司債幫佢分散信貸風險添。Joe既理論係債券呢樣咁多銀行都唔sell既野,應該會係低買賣收費既投資好選擇。如果買賣bond好賺銀行肯定勁sell比佢啦! 至少唔駃好似股票咁出出入入,一年計埋既手續費都唔少野。

 

 

本文內容不構成投資要約或推介。投資附帶風險。投資者在投資前應自行判斷,謹慎行事。

PermaLink: https://articles.zkiz.com/?id=43710

【專題籽】真‧Upcycling 皮布樣辦變全盒

1 : GS(14)@2016-01-14 13:30:56

兩個大男人Clive(左)和Kenneth,手工細膩,善用收集回來的皮布樣辦,製成賀年全盒,幫物料重生。



【專題籽:易零壹綠】農曆新年就到,又要準備搵番個賀年全盒和貼揮春應節。兩位身有正職、公餘手作出色的兄台,過去一年拯救了一批本來將被棄置廢場的皮布樣辦,人棄我取,以自己方式實踐真‧升級再造(Upcycling),將皮布製成全盒和揮春等,新年過後全盒還可分體變成儲物盒,持續使用。


從事室內設計的薛文諾(Clive),要以不同物料,製造傢俬、窗簾等樣辦供客人過目,惟往往用完即棄,「每季會棄置大量樣辦,例如唔要的皮布,可以多到塞滿600呎房間,而且棄置時還是100%新淨,質量很好。我覺得既然這些皮布都是未用過,更加不應該丟去垃圾站。不少行家為如何處理樣辦而煩惱,所以我去收集,他們好開心。」


Kenneth家中除了皮製全盒外,還有人造皮樣辦製成的揮春,「恭喜發財」四字為銅箔加熱燙在皮上。他笑說這個揮春過去一整年都掛在家中和工作室,也不覺outdated。

六角形可分體 一整年都可以用

兩年前,Clive開始向四、五間相熟的室內設計公司收集皮布樣辦,希望用來製作Upcycling產品,為這批皮布重生,去年成立品牌Made in Sample,還邀請以皮革做產品和手作的朋友劉健業(Kenneth)合作,由Clive提供材料和設計,Kenneth負責製作。初時構思,正值臨近農曆新年,Clive在Kenneth的工作室看到三角形皮袋,靈機一觸將六個三角形皮袋拼合成一個六角形,成為皮製全盒的雛型;全部內格只用磁石貼連接,並非想節省裁縫工夫,而是希望使用者新年過後將全盒「分體」,散落房間繼續存放雜物,Kenneth說:「我們想讓用家一整年都可以用,不致浪費。」正職是髮型師的Kenneth,覺得皮革「比較有個性,而且唔易爛。」對皮製產品情有獨鍾,但價錢不菲,於是四年前他索性做皮製手作,未知是否剪髮多年的經驗練得好身手,由小飾物到大型皮袋,對他都沒甚難度,後來甚至走到台灣學藝,又與拍檔Regin一同建立品牌SewSimply Leather,變成正職以外第二份工作,現於新蒲崗租了一個工廈單位開工作坊,公餘教人DIY皮製產品。今日世界大潮流,為避免濫殺動物及化學物質而免用真皮。皮製全盒使用牛皮,會否與此背道而馳?Kenneth承認,決定與Clive合作時,甚至當初用皮革製作產品,曾想過材料會否與環保有牴觸,因此他會從來源考慮,「市面上不少產品,始終離不開由動物皮製造,所以我現時使用的皮革,會了解來源並非故意殺死該動物、或做了牛肉後才獲取。若然那些皮最終命運會被丟棄,我想如今使用它,至少不會浪費牠身體部份。」



Upcycle全盒製作6部曲



1.材料:布(6塊)、皮(2大6細),磁石貼(18組)、紙、窩釘、蠟線。工具:槌子、鑿、木工膠水、白膠漿、線針、界刀、剪刀、間尺、鉛筆

2.做紙樣:首先在紙畫出和剪成全盒蓋、底盆和內格的平面形狀(六角形),然後用界刀把碎皮依照紙樣形狀界出來。

3.裝磁石:準備6塊皮和布,先在皮的邊位鑿多個小孔,每邊都裝上磁石粒(每塊3個共18組),利用磁石將小格連接成6塊內格。



4.貼布:在皮的另一面塗上膠水跟碎布黏合,因膠水易乾動作要快。

5.縫線:在皮的邊位再鑿小孔用蠟線縫合成立體形狀,完成內格。

6.蓋+底盆:在皮鑿多個孔,加上窩釘固定成立體形狀的蓋;底盆則用針線縫合而成。



完成品



Upcycle全盒工作坊

時間:1月17日(周日)下午2時至4時半地點:灣仔石水渠街85號6樓聖雅各福群會賽馬會升級再造中心費用:$680(包材料及贈送一個環保皮製揮春)
facebook:SewSimply Leather、Made in Sample



記者:余瑋攝影:徐振國編輯:謝慧珊美術:孔文彬





來源: http://hk.apple.nextmedia.com/su ... t/20160114/19450265
PermaLink: https://articles.zkiz.com/?id=294187

宋慧喬膺整容樣辦No.1

1 : GS(14)@2016-05-24 10:27:09

■宋慧喬成最多女顧客心中的理想靚樣。資料圖片


近年香港的整容事業越趨興旺,也非女士們的專利,日前壹美健醫療美容舉行了一個「我最想變的藝人樣貌」選舉,邀請有意整容的男女顧客,問他們最想參照哪一位藝人來整容?結果發現1,200名女顧客當中,約有14.6%投給韓國人氣女星宋慧喬,可能受惠於韓劇《太陽的後裔》的影響。第2位是范冰冰,得票約12%,第3位是楊穎(Angelababy),得票約9.7%,第4位是全智賢及第5位是文詠珊(Janice Man)。男顧客方面,同樣有1,200人參加投票,結果由金城武以大比數勝出,原來好多男士都認為他是最俊俏和有型的明星,第2位是韓國偶像G-Dragon,第3位才到《太陽》的宋仲基。撰文:鍾國仁





來源: http://hk.apple.nextmedia.com/entertainment/art/20160524/19624526
PermaLink: https://articles.zkiz.com/?id=301270

Next Page

ZKIZ Archives @ 2019