ZKIZ Archives


黃智雯

1 : GS(14)@2012-03-10 23:59:18

http://hk.apple.nextmedia.com/te ... 462&art_id=16142828

單親家庭不乏愛

黃智雯自幼在單親家庭長大,父母在她小學時仳離,她跟媽咪及胞姊相依為命,雖然在單親家庭長大,但無損父女感情,她說:「爸媽離婚時我雖然好細個,但一家人有溝通,我明白呢啲係佢哋大人嘅事,佢哋分開只係想各自過新生活,大家都冇錯。我唔同爸爸住啫,但爸爸一樣好錫我,我哋定期會見面,彼此關係好好。」
黃智雯表示成長不缺父愛之餘,母親那一方的親戚多多,對她非常疼錫,她說:「媽咪呢邊親人好團結,有乜嘢事都齊心協力,我根本感受唔到缺失啲乜嘢,從冇缺乏愛。」自幼被寵被愛,令黃智雯更渴望被愛,她自爆入行至今,先後只拍過兩次拖,初戀是無疾而終的 puppy love,曇花一現,不值一提。第二段戀情發生在入行前,對方是圈外人,並不了解藝人的工作情況,彼此聚少離多下,四年情最終宣佈 certified。

日夜顛倒致甩拖

黃智雯從失敗的戀愛中吸取教訓,她說:「我入咗行後,大家方向唔同咗,成日半夜趕劇冇時間陪佢,對方梗詐型,大家價值觀唔同,分手收場。」再見不是朋友,讓黃智雯更專注演藝工作,但辛勞過後,她又恨有男生肩膊依傍和耳朵的聆聽。
事業上位,黃智雯感情卻一直空白,她期待新戀情出現,並歡迎各方男士熱烈追求,那就讓她硬銷一下自己優點作招徠,她笑說:「我份人喺感情上幾被動,家要學吓主動啲,接受吓朋友邀請食飯,擴濶吓生活圈子同人際關係。我對感情好真,從來唔會玩玩吓,開始得嘅人就想佢係 the one,好想一拍即合。」黃智雯自問是浪漫爆燈小女人,她說:「大家拍拖,我會營造浪漫畀男友,我試過情人節親手 D.I.Y咗相冊畀男朋友,記錄晒我哋嘅開心片段,佢當時都好受㗎。」

公開徵求西裝友

不過,襄王有心,也要符合神女的摘偶條件,黃智雯開門見山說:「對方一定要好成熟,唔使好有錢,最緊要我哋大家心靈上溝通到,傾到偈,對方要幫到我,好似我唔認得路,最好佢係地圖王。」至於另一半的外形,黃智雯羞澀說:「我對着西裝嘅男仔有情意結㗎!祖迪羅( Jude Law)有型有魅力,睇完電影《愛 Love》我迷上乖仔嘅趙又廷,似佢哋都唔錯。」黃智雯表示感情上已做好準備,隨時為心儀對象 on call。

爆大鑊:情歸花弗袁偉豪

黃智雯把劇集《缺宅男女》中乞人憎的巴辣人妻關二嫂演得入木三分,一度被看得投入的觀眾鬧爆,慶幸近日緊接推出的新劇《 On Call 36小時》中她改演實習醫生洪美雪,醫者父母心,形象健康,馬上為黃智雯成功洗底。

...
訪問當天,黃智雯先後換了黑膠框和紫膠框眼鏡,變身四眼 look的氣質果然不同,她說:「其實早喺劇集《巴不得爸爸》我已戴過眼鏡出鏡,我都知好受網友歡迎,我私下都問過男仔朋友點睇我個四眼 look,佢哋話我戴咗眼鏡個樣好斯文,好有鄰家女孩 feel。」
問到黃智雯既然千度近視為何不做矯視手術,她說:「我視網膜太薄唔適合。」那可會貪靚戴大眼仔?她又說:「我唔鍾意喎,我覺得戴咗好無神,好假吓,我鍾意自然嘅感覺,所以好抗拒整容。」
2 : Hierro(1191)@2012-03-11 09:56:54

其實我覺得佢一點也不靚,但做戲卻是不錯
3 : GS(14)@2012-03-11 10:40:10

一般啦,做番自己睇唔到
4 : 亞力士(1473)@2012-03-11 12:20:55

比較圓潤

我都係鍾意狐狸型多d

子珊 法拉 恩娜 慧敏
5 : 龍生(798)@2012-03-11 14:50:46

無錯, 我都覺佢做得好好, 但只係做番自己, 又不覺有何突別之處, 呢的貨色, 普篇港女都係咁

等如當年發掘周星馳戲路的人, 才是高手

周只係做番自己而己....
黃智 智雯
PermaLink: https://articles.zkiz.com/?id=278234

爽視彈:關二嫂囚禁黃智雯 朱國亮

1 : GS(14)@2013-07-11 01:15:34

http://www.sharpdaily.hk/article/entertain/20130710/211204
回家吃飯,發現「金枝作孽」後未有追劇的母親在追看《好心作怪》,問她愛看什麼?母親指着螢光幕說:「我鍾意睇呢個關二嫂,佢做得好生鬼。」關二嫂就是黃智雯。
作為藝人,一個討好的角色可以令觀眾完全接受,自《缺宅男女》的巴辣人妻關二嫂後,黃智雯成功上位,同年即奪「飛躍進步獎」。往後《On Call 36小時》的醫生美雪、《女警愛作戰》的督察司徒驕、到《好》劇的「私家車」,戲份越來越吃重,由三線閒角變為力捧對象。
周日《星夢傳奇》智雯也有參賽,有趣是評判Eric Kwok都叫她關二嫂,證明角色深入民心,當然,問題正是未有角色突破前作。智雯首集即被淘汰,母親失望說:「哎呀,佢輸咗呀!」我說:「咪證明冇造馬囉!」

朱國亮
逢一、三、五
爽視 視彈 二嫂 囚禁 黃智 智雯 朱國 國亮
PermaLink: https://articles.zkiz.com/?id=283273

黃智雯33歲生日P杏兒率胡說八道鬥閃

1 : GS(14)@2015-12-21 14:45:54

【準新娘】■胡杏兒結婚在即,前晚相約「胡說八道」姊妹相聚。








【中環】胡杏兒結婚在即,跟圈外男友Philip Lee已定於今個月28日喺Ritz Carlton舉行婚宴。杏兒噚日凌晨2點幾,約埋成班「胡說八道」好姊妹,包括胡蓓蔚、胡定欣、李詩韻(現名李施嬅)、黃智雯、姚子羚一齊去中環一間西餐廳歡聚,當然唔少得胡蓓蔚老公「豹哥」單立文啦!



【禮物盒】■姚子羚(左)喺杏兒車上取回兩個大盒。

■胡杏兒、胡蓓蔚、黃智雯、胡定欣、姚子羚同李詩韻感情深厚,前晚喺微博透露「已訂婚」。



婚禮進展:幾好吖

記者首先發現杏兒嘅七人車停泊喺中環太子大廈附近,未幾杏兒最先現身,被問係咪搞婚前派對?佢話﹕「唔係,係黃智雯生日。」問到婚禮進展如何?佢笑笑口答:「幾好吖,多謝,多謝,辛苦晒,thank you。」姚子羚同李詩韻等隨後跟上,各人手上都拎住禮物,之後子羚行到杏兒車上再拿走兩個大盒。而今次嘅約會應該係有特別主題,個個都着得好隆重,聽日33歲生日嘅黃智雯同豹嫂穿上閃令令珠片裙,定欣則穿上一對金色高踭鞋,前晚定欣就喺微博宣佈一個消息,放上一張六位好姊妹齊齊戴上閃石戒指嘅相,留言﹕「We are amazingly engaged!!(已訂婚)。」令姊妹情更昇華一大步!除咗杏兒有專車接送,豹哥豹嫂自己揸車走外,其他姊妹都係各自坐的士離開。杏兒可能係擔心新婚地址曝光,所以召喚咗一架七人車同一架私家車攔截記者,成功避開追訪。採訪、攝影:畢紹基、梁繼光



【壽星女】■聽日係黃智雯33歲生日,一班姊妹提早為佢慶祝。

【嚇一跳】■李詩韻(左)與姚子羚到埗時驚訝現場有咁多記者。

■杏兒日前舉行婚前派對,與姊妹們玩到癲。資料圖片



來源: http://hk.apple.nextmedia.com/entertainment/art/20151220/19419003
黃智 智雯 33 生日 杏兒 兒率 胡說 八道 鬥閃
PermaLink: https://articles.zkiz.com/?id=293988

袁偉豪黃智雯孖份飲水

1 : GS(14)@2016-06-20 05:45:21

■袁偉豪與黃智雯在炎熱天氣下拍外景,要喝冰水降溫。DV圖片


袁偉豪近年被大台捧上位,日前約4時許與黃智雯去了灣仔星街為新劇拍外景,這場戲講述他倆坐在路邊吃缽仔糕,兩人邊吃邊聊,看來十分輕鬆。但當時天氣炎熱,當導演一叫停,黃智雯急急拿手提風扇出來吹風散散熱,她還拿了一支冰凍的水遞給袁偉豪,一支水兩份喝?袁偉豪要小心女友吃醋!原來袁偉豪也不是「吹喇叭」直接飲,口沒有接觸到樽口,只是用手隔住喝,喝完才把水再遞給黃智雯喝,相當細心。在女方喝水時,袁偉豪非常之man地大字形擋在黃智雯前面,以防被傳媒拍到她喝水失儀之態。如果她不是已有男友,袁偉豪似乎真的可以考慮。採訪、攝影:徐錦池、吳耀輝





來源: http://hk.apple.nextmedia.com/entertainment/art/20160620/19660981
偉豪 黃智 智雯 雯孖 孖份 飲水
PermaLink: https://articles.zkiz.com/?id=302250

智雯結婚8月有期

1 : GS(14)@2017-05-18 02:14:13

■黃智雯與男友詹文天拍拖四年,頻傳婚訊。資料圖片



胡說八道會昨日爆出胡杏兒造人成功,有指姚子羚與黃智雯都好事近。子羚昨回覆傳媒時,擺智雯上枱:「我工作去到12月,智雯8月,以期嚟計佢得閒過我啲。」34歲的智雯跟任職珠寶集團高層男友詹文天拍拖四年,去年尾已頻傳婚訊,智雯昨回覆傳媒笑說:「傳囉,如果結咗,你哋應該會知得快過我。」問到有否計劃結婚?智雯推搪說:「做嘢呀,嚟緊要開新劇。」子羚爆她8月有空結婚,智雯強調男友未求婚:「唔係湊熱鬧,緣份到就會結,唔會人結我又結,順其自然啦。」兩人都恭喜杏兒有BB,子羚說:「應該五個做晒契媽,哈哈,我哋要做auntie嘞。」採訪:嵐山




來源: http://hk.apple.nextmedia.com/entertainment/art/20170515/20021291
智雯 結婚 有期
PermaLink: https://articles.zkiz.com/?id=333376

黃智雯仆得專業

1 : GS(14)@2017-07-09 03:39:07

■黃智雯拍攝時,被飾演匪徒的演員推落地。



黃智雯最近演出邵氏和內地網站合拍的網劇《飛虎極戰》,日前她為網劇在西灣河拍外景。當日下午3時左右,黃智雯跟劇組於馬路邊拍戲,劇情講述她和小朋友過馬路時,突然有一架貨van駛至,更將小朋友捉走。雖然天氣又熱又濕,但黃智雯都好專業,拍了多個不同反應,其中一take更被匪徒推落地。黃智雯真跌之餘亦交足戲,於鏡頭後亦好緊張自己的表現,每拍完一個鏡頭,她都會重看演出,而現場圍觀的人亦越來越多,黃智雯未埋位時就不停補妝及抹汗。採訪、攝影:徐錦池、吳耀輝



■黃智雯表現專業交足戲。





來源: http://hk.apple.nextmedia.com/entertainment/art/20170708/20082342
黃智 智雯 雯僕 僕得 專業
PermaLink: https://articles.zkiz.com/?id=338486

黃智雯被後輩爬晒頭出道十年仲未上位

1 : GS(14)@2017-07-09 03:39:08

黃智雯07年選港姐只係入到最後5強,冇名份之下入讀翌年嘅藝訓班,眨下眼咁就加入咗大台10年。冇咗港姐后冠呢頂光環,黃智雯咁多年嚟有份演出嘅劇集,十套有八套都唔係大台一線劇,但機會係自己把握嘅,二線劇反而有驚喜,好似《巴不得爸爸…》眼鏡娘蘇鳳蓮呢個角色就好多網民話正。本身喺演藝學院畢業,黃智雯主修跳舞同戲劇,有番咁上下底子。12年佢就拎過「飛躍進步女藝員」。呢個獎可以話係大台女演員護身符,楊怡、徐子珊、胡定欣、唐詩詠、黃翠如都拎過,仲個個都紅得起,可惜黃智雯就啱啱相反。數一數得獎之後,黃智雯喺《On Call36小時II》嘅戲份俾後輩朱千雪、岑麗香壓住,《師奶MADAM》又敵唔過轉馬房嘅黃翠如,甚至有傳《張保仔》原本係由黃智雯做女一,最後就爭輸咗俾陳凱琳。上年《律政強人》黃智雯同李佳芯孭重飛,最近由拍住方中信嘅李佳芯跑出,好彩黃智雯忍得住,今年拍緊嘅幾套戲都係女主角,上唔上得番一線就要睇自己喇。




來源: http://hk.apple.nextmedia.com/entertainment/art/20170708/20082906
黃智 智雯 雯被 後輩 爬曬 曬頭 出道 十年 年仲 仲未 上位
PermaLink: https://articles.zkiz.com/?id=338487

杏兒老公IG勁貼老婆相晒恩愛智雯感情好低調

1 : GS(14)@2017-07-09 03:39:08

喺大台有唔少周邊組織,就好似以前嘅「至八會」、「Cry Runner」、「處女黨(官方名為Amazing Esther)」等等嘅團體,不過講到現今最大影響力嘅就有「胡說八道會」,佢哋嘅成員包括胡杏兒、胡定欣、胡蓓蔚、黃智雯、姚子羚、李施嬅等等。佢哋個個喺事業上都有番咁上下,喺感情上胡蓓蔚同胡杏兒都已經成為人妻,胡蓓蔚就唔使講啦!豹嫂、豹哥不嬲都係恩愛嘅代名詞。而胡杏兒喺前年同李乘德(Philip)結婚,佢哋真係非常之咁恩愛,一睇Philip個instagram就知,事關做咗人夫之後,Philip嘅IG十張有九張都係佢老婆杏兒嘅靚相。而黃智雯、姚子羚呢,雖然都係未婚,不過各自都有個穩定男友,其中姚子羚就有綽號「的士邦」嘅鄭子邦,仲有指佢哋同居咁話;至於黃智雯,佢嘅緋聞少之又少,查實佢男友詹文天(Anthony)都幾犀利,係謝瑞麟珠寶集團高層。最後,就有胡定欣同李施嬅,雖然佢哋都未有另一半,但佢哋美貌與智慧並重。




來源: http://hk.apple.nextmedia.com/entertainment/art/20170708/20082907
杏兒 老公 IG 勁貼 老婆 相曬 恩愛 智雯 感情 低調
PermaLink: https://articles.zkiz.com/?id=338488

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019