ZKIZ Archives


中環在線:黃英豪因傅明憲變高調

2008-08-13  AppleDaily

黃 英豪上個月揼咗兩億做白武士,拯救藝人傅明憲老公葉劍波間海域化工(2882),仲做埋大股東。佢噚日同華華講,當日個清盤官朋友同佢講海域搵財團招標, 咪入標試吓,仲話細劉劉鑾鴻都有入標。健談嘅黃英豪好坦白咁話只係想買隻殼,相信9月份會搞掂晒復牌。佢話不嬲都有收購嘢,不過好低調,今次本來都想低調 啲,但係間公司(海域化工)同前老闆屋企人比較高調,所以多人留意。

黃英豪捐咗百萬銀畀香港管理專業協會(HKMA),噚日出席交收儀式,佢一家大細包括太太、外母同四個由外國返港放暑假嘅仔女都有出席。同場仲有身兼HKMA主席嘅李國寶,華華本來想同佢傾幾句,但儀式之後佢匆匆離開,話要飛去北京睇奧運喎!
中環 在線 黃英豪 因傅 明憲 高調
PermaLink: https://articles.zkiz.com/?id=1695

叶剑波案开审被控九宗罪 前妻傅明宪未现身


From

http://finance.sina.com.cn/stock/hkstock/ggscyd/20090121/10575786653.shtml

叶剑波案开审被控九宗罪 前妻傅明宪未现身
海域集团前主席叶剑波(图片来源:星岛日报)

叶剑波案开审被控九宗罪 前妻傅明宪未现身

艺人傅明宪。 (图片来源:中新社 邓庆乐 摄)

叶剑波案开审被控九宗罪前妻傅明宪未现身

 

中新网1月21日电 据香港《大公报》报道,海域集团前主席叶剑波就夸大公司业绩一案在香港高等法院被控以欺骗手段获取金钱利益、串谋捏改帐目、作虚假陈述及欺诈等九项罪名。

案件20日在高院正式开审,叶剑波(49岁)否认全部控罪,同案另一名被告,海域子公司侨立精细化工有限公司销售部经理郭志毅20日也否认一项串谋捏改帐目罪。案件预计审讯70天,控方20日先读出开案陈词。

蓄有胡子的叶剑波20日在犯人栏上一直神情呆滞。案件曾多次在高院进行提讯,叶也曾数度申请保释不果。直至20日开审,叶的前妻艺人傅明宪一直没有在法庭现身。

据控方开案陈词说,海域集团及海域化工为香港上市公司,案发时的主席均为叶剑波,案件也涉及海域两间子公司侨立精细化工及侨立化工。海域的业务为生产一些化学原料,如氰化银钾、硫酸铑及氯化氨钯等,主要用作镀金和制作首饰之用。

控方说,案件涉及叶以五间由他控制的空壳公司于2004年至2006年向侨立化工购买化学原料,该批交易涉款超过5亿元。不过控方称,所有交易其实均为虚构,根本没有任何化学原料运到该五间公司,该些公司的注册地址均只用作收信,且由海域的职员负责。

控方还指该些交易均由叶、郭及已潜逃的叶下属朱伟兵负责。其中一所空壳公司的户口持有人徐士琳也为叶的友人,另一所空壳公司的董事,也是由叶剑波胞妹叶蕴锋要求他人安排担任。控方称,该些公司无须缴交任何税项,故根本没有任何交易。

控方表示,罗兵咸永道会计师行受海域股东安排为该些交易核数时,叶剑波曾向他们称交易没有问题,叶也于2006年5月安排会计师行职员到其一间空壳公司的货仓观看运货。及后经多番查证后,证实当时搬运的只是英泥,并非化工材料。

控方指叶另涉于2004至2006年安排另一所空壳公司售卖价值2.6亿元的化工材料给海域的子公司侨立精细化工,但控方指该些均为虚构的交易,叶所提供的单据也是捏造的。

控方指出,叶利用该些“虚假交易”于2004年及2005年的海域年报上夸大公司业绩,从而使他在2005年凭该些“业绩”向盘谷银行要求增加其子公司的借款额,最终也获得批准。控方将于21日继续读出其开案陈词。


劍波 開審 被控 九宗 宗罪 前妻 明憲 現身
PermaLink: https://articles.zkiz.com/?id=5357

傅明憲前夫涉欺詐葉劍波高院脫罪 另涉盜竊區院候審

2009-03-20  AppleDaily





【本 報訊】海域集團前主席、息影藝人傅明憲前夫葉劍波,被指開設空殼公司,偽造生意往來,谷大營業額至28億元,以詐騙銀行貸款,及誘騙投資者購買集團債券案 件,昨在高等法院審結。陪審員以7比1裁定葉劍波所有罪名不成立。由於他涉另一宗盜竊案,排期7月在區域法院開審,仍需還押監房的葉劍波仍未「甩身」。記 者:黃幗慧

50歲的葉劍波,原被控一項欺騙手段取得金錢利益、兩項串謀造假賬、四項公司董事發表虛假陳述及兩項欺詐共九項罪名。欺詐罪 最高刑罰可判囚14年,其餘控罪可判囚10年。案件在高院經過31日審訊,陪審團昨退庭商議5小時,以7比1大比數裁定葉劍波所有罪名不成立,兼得堂費。 面對如此裁決,有份參與調查的警員坦言「唔滿意」,難掩失望之情。

蓄鬍子的葉劍波,開庭前木無表情,正襟危坐犯人欄內。他得悉全部罪名不成立後,亦沒有半點歡容或意外,只顧向前望。其前妻傅明憲以及親友,都沒有現身法院。

警指沒有實質交易證據

控 方指,海域集團開設空殼公司金亮,聲稱集團子公司僑立化工向金亮購入化工原料,在04年7月至06年5月間,雙方交易近2.6億元。僑立化工再將貨品轉售 給5間空殼公司,04至05年間,銷售額共5.1億元。控方稱,僑立化工向金亮買貨,但金亮竟然反向僑立付款,故懷疑6間公司根本沒有真正交易。海域在 04年度的營業額被誇大至28億元,海域化工在04至05年度的營業額被誇大至10億元,令銀行提高信貸額,誘騙投資者購買集團的債券。辯方解釋,金亮其 實擔當兩個角色,首先金亮向僑立化工供貨,僑立化工將貨物賣給內地客,5間「空殼公司」其實是代表內地客處理交易的「窗口公司」。由於內地客以人民幣付 款,此時金亮擔當人民幣兌換的角色,替窗口公司將人民幣兌換成港幣後,才將港幣轉交給僑立化工。辯方指交易的確存在,只是金亮的重叠角色,令人誤會貨款最 終回流至僑立化工手上。負責調查的商業罪案調查科昨在庭外指,辯方一方面指金亮負責兌換人民幣,但沒有單據、文件等實質證據支持。

稱租用貨倉作示範送貨

控 方亦指,警方搜查集團的貨倉,發現聲稱是化工原料的貨品,全都是水泥,而貨倉只是短暫租用兩個月,以便核數師檢查時「做戲」。但辯方解釋稱,租用貨倉只是 用作向核數師等人示範送貨情況,並非造假。本案另一被告郭志毅(52歲),案發時為集團子公司僑立精細化工銷售經理,曾簽發送貨單。他被控一項串謀造假賬 罪,陪審團一致裁定罪名不成立,獲當庭釋放。被問及是否還他清白時,郭說「你講o架咋。」海域集團在97年上市,一度被看好。在06年初,海域因計劃發 債,當時集團副主席許浩明及財務總監,建議更換更有名氣的核數師,故由摩斯倫.馬賽會計師事務所,更換至羅兵咸永道,結果發現集團賬目異常,引進德勤作為 獨立第三者為集團進行獨立核數,結果問題越揭越多,最後由德勤報警。06年7月24日,停牌的海域及海域化工獲委任臨時清盤人,葉劍波之前10日已避走內 地,但曾是廣東省政協港區委員的他,卻高調現身於廣東省政協會議。香港警方與內地公安聯絡,葉劍波最終在07年9月,由公安送到皇崗口岸交予本港警方拘 捕,還柙至今。去年7月,海域化工獲律師黃英豪注資,10月復牌,易名香港資源控股。海域至今一直停牌。案件編號:HCCC67、188/08
 



明憲 前夫 欺詐 劍波 高院 脫罪 另涉 盜竊 區院 候審
PermaLink: https://articles.zkiz.com/?id=6748

中環在線:傅明憲緋聞男友做莊中副主席 李華華


2011-1-11  AD




 

莊士中國(298)噚日宣佈,委任執行董事莊家彬做副主席,即日生效。莊家彬係邊個可能唔係咁多人識,或者咁介紹,佢就係莊士主席莊紹綏個仔、「名媛」傅明憲(圖)嘅緋聞男友、成日喺娛樂版見到嗰個「富二代」囉!

據 莊士嘅通告講,細莊生係喺08年加入公司,持有106.4萬股莊士機構(367)股份,佢嘅董事袍金為兩萬大元。至於細莊生負責啲乜,well,佢以前同 記者講過,佢幫阿爸打理屋企嘅地產生意,但係根據資料顯示,除咗舊年8月成功賣出香島道37號D獨立屋,基本上無再喺財經版見過佢嘅蹤影……話時話,細莊 生再上一層樓,華華覺得,最值得恭喜嘅應該係傅小姐,無咗海域化工嘅主席老公,o依家搵到個年輕有為嘅莊士副主席,直頭要開香檳啦!

 


中環 在線 明憲 緋聞 男友 做莊 莊中 中副 主席 華華
PermaLink: https://articles.zkiz.com/?id=21346

闊太夢碎傳明憲哭訴:「我老公唔見咗!」


2006-7-27  NM




由傅明憲夫婿葉劍波創立,在內地經營鋁材業務的海域集團,週一(廿四日)獲法院頒令該公司自行委任臨時清盤人,海域集團(1220)及海域化工(2882)董事會懷疑有人挪用涉及超過八億的巨額款項而報警。

其實,早在上週中爆出葉劍波旗下大陸公司「海域佛山」出現賬目問題,被公安查封時,傅明憲已曾向友人哭訴老公失蹤:「我搵唔到佢呀!我老公唔見咗!」

成屋名牌衫名牌袋,為儲Hello Kitty,不惜花十二萬投絕版后冠,養狗養到去外國醫病,甚至為亡犬做法事,傅明憲多年來奢華的闊太生活,隨着葉劍波上市王國爆破頓成泡影。涉八億公款

月中,傅明憲夫婿葉劍波創立的海域集團在大陸的分公司「海域佛山」,涉及六百萬的賬目問題被公安查封,香港上市的海域集團(1220)及海域化工(2882)即時停牌,海域佛山財務總監失蹤。公司爛數愈查愈多,週一(廿四日)獲法院頒令該公司自行委任臨時清盤人,兩公司的董事會懷疑有人挪用巨額公款而報警,款項高達八億多。

不過,「香港海域」內部其實早已發出通告,指公司大股東兼主席葉劍波正在休假,似早有準備 。

老公突然失蹤

自上星期爆出海域出事,身為太太的傅明憲出席公開活動時,雖然避提老公,但據知在上週四(二十日)她與友人通電話時,提及老公葉劍波情況,悽然淚下,向友人哭訴:「我搵唔到佢呀!我老公唔見咗!」

九九年息影豪嫁,做了多年闊太,老公突然失蹤,傅明憲感到極之無助與徬徨。一直過着富貴少奶奶生活的她心情忐忑,同日下午,因而遲到出席好友何婉盈《真情狗話》新書簽名會,無晒心機的她,強裝心情輕鬆。

有備而來

記者連日來在金鐘海富中心的「海域」總部守候,平時日日準時返工收工的葉劍波,果然沒有上班。老公玩「失蹤」,身為東華總理的傅明憲,週日出席陳寶珠與鄭少秋合演的舞台劇《天之驕子》為東華籌款的義演;身穿全黑Prada露罅晚裝,手挽

LV限量版手袋,多次被問到老公財政問題,就如背台詞般重複又重複,答同一個答案。

「財經上嘅嘢我唔清楚,我專注慈善嘅工作,幫動物籌款係我終身職責……」問到老公為何不陪她出席活動?她笑笑口說:「先生唔喺香港!」

早走缺席慶功

其後她表示會睇完整晚演出才離開,但中途卻鬼祟離場,缺席當晚在鴻星酒家舉行的慶功宴。事隔三日,更爆出老公涉挪用巨額公款。

證券界人士稱,近數星期已聯絡不上葉劍波。有傳媒週一晚聯絡上他,葉劍波表示整件事要到適當時候才能對外交代。「而家由律師跟進緊。(調查賬目工作完成未?)仍未做完,跟進緊。」週二晚,商台時事節目《左右大局》中,主持李慧玲則表示與葉劍波取得聯絡,他人在廣州。

其實自去年傳出老公公司財 政出現問題後,自稱每月花三十萬買新衫,以免撞衫,穿Christian Dior古董裙、挽LV Vanity鱷魚皮限量手袋、戴粉紅宇宙寶Hello Kitty后冠等出席各fashion show的傅明憲風光不再。社交界盛傳她近期經常向各大名店如Chloe及Harvey Nichols等,借衫借珠寶出席公開活動,充撐場面。

帶狗紐約醫病

除了周身名牌,儲Hello Kitty物品成狂,養了多隻名種犬的她是狗痴一名。去年其十四歲雙目失明的北京狗「綠茶」患上末期皮膚癌,她花數十萬帶「綠茶」到紐約治病,進行七次手術。

去年七月「綠茶」去世時,她再花十多萬為愛犬舉行法事,親自戴孝唸經,又痴又奢華。

老友收口

傅明憲的好友何婉盈對於老友出事,三緘其口:「呢個時候,人哋啲嘢,人哋唔提,我唔會講㗎!」

而另一狗痴蘭子即劃清界線,說跟傅明憲話題限於「講狗」。「我唔知呢件事!前幾日我生日,佢仲打電話俾我講生日快樂。其實我哋一行埋就講狗,好少講其他嘢!」

說到好友大使,蘭子妙語連珠:「我都係睇報紙見佢行頭愈來愈勁。我都有使錢喺狗度,睇你點睇啫。我同工人講,做佢隻狗好過做人!」

闊太路

自小已愛發明星夢,十三歲讀女拔萃時投考電影《開心鬼放暑假》招募演員被取錄。九四年,由父親搭路,經邵逸夫安排入無綫。拍過重頭劇《神鵰俠侶》、《花木蘭》,《醉打金枝》等,其間曾與梁榮忠拍拖。

九八年,在友人介紹下認識葉劍波,二人於九九年在美國洛杉磯註冊結婚。七年闊太生活,傅明憲與老公共同擁有三層市值合共五千多萬住宅。

左派家族

傅明憲父親傅奇(名原傅國梁)和母親石慧(原名孫慧麗),是六十年代長城電影製片有限公司著名演員,夫婦倆曾因參加反英抗暴被囚禁在摩星嶺集中營八個月。文革後,二人到內地開免稅店,八八年退休移民加拿大。

石慧曾擔任人大代表及全國政協,傅奇則和前全國政協主席李瑞環等政要很老友,是超級親中人士。

至於夫婿葉劍波東莞出生,原名葉建波。現年47歲,比傅明憲大十一年。他出身貧困,少年輟學,在內地當燒煤工人。八十年代,他獲委派來港成立專做中國貿易的「僑立實業」,賺第一桶金。

九一年葉劍波與父親葉立志創立海域集團,業務包括金融、能源、建材和酒店等,九七年正式把海域上市,成為上市公司主席。○四年全球首富蓋茨入股海域化工。葉劍波是廣東政協委員。

愈變愈怪

有對大眼睛的傅明憲,少女時期雙眼皮並不明顯,到加入娛樂圈後,雙眼皮愈來愈明顯,連眼袋都大埋。

嫁人做闊太後,有說她去年中趁帶「綠茶」去美國醫病之便,順帶做削面和抽眼袋手術,兩個月後回港,面形明顯尖咗,眼袋消失,但她否認整容。


闊太 太夢 夢碎 碎傳 明憲 哭訴 老公 唔見 見咗
PermaLink: https://articles.zkiz.com/?id=24382

莊父要脅踢出董事局 傅明憲莊家彬協議疏遠

2015-03-12  NM
 
 

 

四十四歲傅明憲(GiGi)與坐擁八十億的莊士集團太子爺,現年三十三歲的莊家彬,姊弟戀九年,最近突傳「分訊」,有指男方另結新歡,搭上台灣女音樂人而提出 分手。但據了解,分手導火線另有其人。莊家彬父親莊紹綏一直反對兒子同傅明憲拍拖,多年來想盡一切辦法包括經濟封鎖棒打鴛鴦,最近更使出絕招,逼莊家彬辭去莊士集團執行董事職務,將他踢出董事局。為了保住男友前途,傅明憲同莊家彬最終協議,將情侶關係逐漸疏遠。經濟封鎖

年齡相差十一年,加上傅明憲結過婚,所以由拍拖第一日開始,莊家已經反對!拍拖九年,其間莊家彬父親莊紹綏,一直用盡辦法阻止兩人繼續交往,甚至對兒子採取各方面經濟封鎖,不斷施壓。據知,身為莊士集團執行董事的莊家彬,月薪只有約六萬元左右,以執行董事計,薪酬極度偏低,此舉是為免莊家彬有多餘錢花在傅明憲身上,以此令對方放手。「其實拍拖咁耐,GiGi用家彬嘅錢一定唔多,早排買樓同之前租樓嘅錢,全部都係GiGi自己,就算有時一齊去滑雪潛水,好多時GiGi都係自己俾番機票錢,都唔想使男友錢,係莊生(莊紹綏)成日以為有人因為錢,先同佢個仔一齊!」知情者說。試過不同打壓方法,都無法令莊家彬放棄傅明憲,直到半年前,莊紹綏開始訂立新家規,要莊家彬每晚必定回家報到,禁止他在女友屋企過夜。雖然如此,但兩人仍搵到機會見面,不過最終都被莊父的線眼所 發現。

走投無路

莊家彬已經三十三歲,莊紹綏愈來愈心急,希望兒子成家立室,但他絕不容許傅明憲入門,過去軟硬兼施都搞唔散,最近再將行動升級,將一封預先打好的辭職信交到莊家彬手上,如果他選擇繼續同傅明憲一齊,就在辭職信上簽名。要保住傅明憲,莊家彬便要起身,同時失去做「莊士」接班人機會。橋段似足電視劇《豪門恩怨》,但橋唔怕舊,終於令莊家彬無路可走,要面對現實。「家彬梗係有同GiGi講呢件事,大家都好無奈,其實GiGi一早都預咗,自己同家彬唔會有乜嘢結果,但求兩個人一齊開心就夠,完全冇要求過結婚呢樣嘢。不過見到莊(紹綏)生做到咁絕,GiGi知道如果家彬俾人踢咗出董事局,佢嘅前途就係咁先,加上佢又係政協同菁英會副主席,萬一俾人踢咗出董事局,其他都好難做落去,所以大家協議咗將關係逐漸疏遠。」莊家彬身邊人說。

唱K爆喊

近兩個月,莊家彬和傅明憲都沒有再見面,農曆新年期間,GiGi返加拿大探父母,莊家彬就舉家到日本度假;上星期傅明憲轉飛歐洲滑雪,長時間離港,避開見面。「佢哋表面上冇乜嘢,亦都好少提起件事,不過有次家彬去唱K,飲咗啲酒,唱唱吓《天梯》嘅時候,突然爆喊,喊咗成十分鐘!不過當時大家都未知原來出咗事!」莊家彬身邊人說。

棒打鴛鴦

要嫁個有錢人做豪門新抱,隨時要過關斬將,就算身份背景合格,仲要氹得老爺奶奶歡喜,圈中女星想升呢做闊太,更難!過去有唔少情侶,都因為父母反對,導致分手。

劉嘉玲許晉亨劉嘉玲與許晉亨拍拖三年,86年一度對外宣布婚訊,但遭許家阻撓,更對許晉亨作出經濟封鎖,二人被迫分手。

楊其龍何超瓊00年,何超瓊與許晉亨離婚後,Pansy經常被拍到在楊其龍寓所過夜,賭王何鴻燊更公開批評男方「質地唔好」,又警告女兒「不要跌落會撻死人的坑」,若二人堅持一起「就會乜都冇」。

林建岳王祖賢90年代,有傳因為王祖賢介入,令林建岳與謝玲玲婚姻破裂,當外界以為王祖賢有望入門補位,但問到林老太余寶珠對王祖賢的看法,林老太竟公開大罵「我當我個仔叫雞」。戀情被反對,二人最終分手收場。

 
莊父 父要 要脅 脅踢 踢出 董事局 董事 明憲 莊家 協議 疏遠
PermaLink: https://articles.zkiz.com/?id=135862

傅明憲醉酒攬仔 莊少眼火爆

1 : GS(14)@2012-08-19 16:34:19

http://hk.apple.nextmedia.com/entertainment/art/20120819/16615716
傅明憲與莊家彬的四年姊弟戀雖然甜蜜,不過昨日凌晨,二人拍拖到中環夜蒲時,傅明憲因為飲醉酒而當眾攬仔,令莊家彬醋意大發,極度不悅,捉實女友「哦」足半粒鐘。同一場合上,莊思敏胞妹莊思華亦陪男友、練馬師告東尼之子告崇恩打桌球,不過莊思華美其名做跟得女友,實則住男友阻女埋身。
現年41歲的傅明憲( GiGi)與31歲的莊士集團太子爺莊家彬08年發展姊弟戀,二人不但愛孖住出埠旅行潛水,而且亦喜愛夜蒲,如前晚二人為好友古巨基慶祝生日後,即偕另一班朋友到中環蘭桂坊夜店 Play飲酒跳舞。不過,飲到醉醺醺的 GiGi竟當住莊家彬面前攬仔,令莊家彬醋意大發。
明憲 醉酒 攬仔 莊少 少眼 火爆
PermaLink: https://articles.zkiz.com/?id=281102

唔俾一齊過年莊家彬父趕絕傅明憲

1 : GS(14)@2015-01-15 16:57:17

2015-01-15 NM

44歲失婚傅明憲一心再戰豪門,為箍實細自己十年的莊士集團太子爺莊家彬,打扮愈趨年輕,更陪玩陪蒲埋莊家彬身邊的富二代朋友。可惜拍拖七年,傅明憲卻未能奪取男友父母歡心。為拆散二人,家人試過經濟封鎖莊家彬,最新趕絕招式,逼他在大時大節返屋企報到交人,所以在剛過去的聖誕及除夕夜,傅明憲只能單拖度過。大除夕單拖

夜蒲獵男

近期莊家彬受壓要陪家人,傅明憲難耐寂寞周圍蒲,日前在黃百鳴公司活動,她跟一名男士十分好傾,更主動拖住對方。

用盡藉口留人

在剛過去的除夕夜,四十四歲傅明憲悉心打扮,與大班女性朋友夜蒲倒數,平日與她形影不離的男友莊家彬卻全程無影,難怪大時大節,傅明憲還是一臉愁容。「大除夕,Gigi(傅明憲)約班朋友一齊倒數,本來家彬話,但最後都no show,搞到Gigi好唔開心。其實家彬父母一直想拆散佢,莊家有頭有面,尤其家彬係長子,佢父母梗係想搵個門當戶對新抱,所以用盡招數,例如要家彬大時大節返屋企報到,搵藉口唔俾佢出街,佢父母知Gigi好重呢日子,專登要佢冇伴又冇癮。」知情人說。

喊住箍男友

其實幾年前莊家彬試過被父母經濟封鎖,在壓力下一度向傅明憲提出分手,但見到女友哭哭啼啼,莊家彬才心軟留低。「當時Gigi喊住問家彬:『你而家係咪唔要我?』家彬即刻心都軟晒。佢屋企以為閂水喉,個仔就會醒,點知家彬一味拖字訣,到而家都未分手。家彬本身幫家族打理生意,平日代表公司去應酬,身上仙都唔仙,咪又係令屋企冇面,最後佢父母屈服,冇再經濟封鎖。佢初時以為個仔玩玩,點知同Gigi一拍就拍七年,成家人都跌晒眼鏡。」知情人說。莊家彬父親莊紹綏不滿兒子搭上失婚傅明憲,多年前曾出言詆毀:「呢個世界冇女人咩?我個仔點會同佢!大佬,仲要結婚!」雖然男友對自己不離不棄,但未來老爺落閘,傅明憲要做莊家新抱,難!

成功姊弟戀

姊弟戀雖然難被睇好,但圈中卻有成功例子,開花結果。

王菲謝霆鋒

03年因張芝介入,令年齡相差12載的王菲、謝霆鋒分手。之後二人各自組織家庭,亦相繼離婚,去年9月,兩人被發現在王菲北京寓所相對四日四夜,鋒菲戀正式世紀復合。

楊千丁子高

07年與細自己5年的丁子高相戀,外界一面倒睇淡,但兩人卻在09年結婚,翌年再誕下囝囝Torres,婚姻美滿。

楊怡羅仲謙

楊怡與細5年的羅仲謙拍《On Call 36小時》撻,拍拖3年,傳今年8月拉埋天窗。其實羅仲謙早已搬入楊怡的將軍澳寓所同居,並多次向女友求婚,隨住近年男方事業起飛,最近還以200萬人仔接拍電影《西遊記之孫悟空三打白骨精》,楊怡終於應承下嫁。
唔俾 一齊 過年 莊家 彬父 父趕 趕絕 絕傅 明憲
PermaLink: https://articles.zkiz.com/?id=287213

部署5個月 莊家彬密包猛料北姑 設局呃傅明憲

1 : GS(14)@2015-06-11 12:45:20

2015-06-04 NM



傅明憲同莊士集團太子爺莊家彬拍拖九年,終於宣布玩完,外間甚至連當事人傅明憲,都以為分手原因是一直反對二人拍拖的莊父莊紹綏,使計踢莊家彬出董事局,保事業棄愛情所致,但原來只是一場騙局!早在去年八月,莊家彬已經搭上一名豪放北妹程新惠,一腳踏兩船近半年。據知,莊家彬的新寵程新惠(Grace)做小三其實早有前科,過去曾經與台灣綜藝天王吳宗憲搞埋,男方更差點為她離婚。換新碼頭後,程新惠即獲莊家彬安排入住月租六萬蚊的陽明山莊酒店長房。「男友」風流快活,傅明憲蒙在鼓裡,白白犧牲九年感情。

急帶新女見老友

花近半年時間,逐步將九年女友傅明憲淡出朋友圈的莊家彬,今年三月中爆出二人分手消息後,過冷河一個半月,已經急不及待,帶同新歡出席有老死霍啟剛、郭晶晶等人的 活動。四月底,一班朋友拉隊到灣仔一間「平民餐廳」老巴剎開餐,莊家彬亦有帶同新女到場,二人並肩而坐;據有份在場的目擊者稱,新女操流利普通話,國產味濃郁,全程陪坐陪笑,冇機會搭嘴,就連同聲同氣的郭晶晶,都沒有理會對方。飯局晚上九點半散band,等車期間,這名國產佳麗主動繑實莊家彬,見男友冇厘反應繼續手插褲袋,她便加強攻勢,送波餅頂手臂,又刻意哄埋莊家彬面前,搏他進一步行動,但男友卻一味顧住同其他人傾偈,她唯有無癮玩手機。

身份多又神秘

莊家彬的新歡叫程新惠(Grace),做過娛樂圈幕後經理人工作,經常吹噓自己交遊甚廣,識盡中港台三地娛樂圈猛人;報稱今年只有三十歲的她,出身上海,但卻經常扮是台灣人,連Facebook都填報自己現居台北。北姑充台菜外,程新惠的背景亦十分神秘,一時是富二代,一時又暗示屋企有軍方背景。據了解,去年八月和莊家彬撻着的程新惠,幾年前已經互相認識包括傅明憲,亦清楚二人是情侶關係。「舊年八月家彬去上海公幹,有晚同班富二代去咗蒲,當時Grace都在場。佢見到家彬單拖到,Gigi(傅明憲)又唔喺度,就好似機不可失咁,埋去黐身黐勢,一齊劈一齊玩。嗰晚有冇下文唔知,不過之後佢哋肯定keep住有聯絡,仲係瞞住唔俾Gigi知嗰隻。原本家彬諗住同佢玩吓就算,點知個女人(程新惠)咬住唔肯放,佢最後仲揀咗同Grace一齊!」莊家彬身邊人說。

獻計教分手

雖然莊家彬答應和程新惠繼續來往,但為進一步令男友同正印傅明憲分手,程新惠索性擺埋男方老豆上枱,度出絕世好橋,假借莊父莊紹綏要莊家彬在離開董事局,和同傅明憲分手,二擇其一。最終傅明憲唔想影響男友前途,妥協分手,誰料到從頭到尾都是一個局,傅明憲完全被蒙在鼓裡。莊家彬和傅明憲分手爆出後一個月,程新惠已急住在微博、Facebook等網上平台,有意無意間宣示她與莊家彬的合照,有策略地,一步一步走入男方的生活圈。

吳宗憲前小三

其實程新惠並非初次做小三,一二年,她搭上台灣有婦之夫綜藝王吳宗憲,當時她的身份是吳宗憲的中國經理人,大條道理出雙入對,更有指程新惠曾多次逼吳宗憲要同老婆離婚,拖拉多年,兩人曖昧關係去年正式結束。泊埋香港富二代,程新惠表現進取,經常陪住男友周圍飛公幹,平時亦大部分留守香港箍到實。為了方便見面,莊家彬上個月開始以月租港幣六萬元,在大潭陽明山莊酒店包了一間長房,用來做愛巢。上星期四(五月二十八日),莊家彬冇返工,全日留在酒店瘟女!晚上七時,司機到酒店準備接二人外出,似啱啱瞓醒的莊家彬和程新惠一身街坊裝,先接了個朋友到金鐘睇衫shopping,程新惠不時主動幫男友襯衫,又拼又度表現體貼。之後一行人去了間日本料理食晚飯,莊家彬更在餐廳外賣了幾箱酒,叫司機送返酒店房。當晚莊家彬沒有留在酒店過夜,而是返回山頂莊家大宅交人。

街頭耍花槍

兩日後(三十日),莊家彬帶同程新惠到灣仔逸東軒同友人飯聚,食到晚上十時,離開時,只見莊家彬對黑住面的程新惠又繑又氹,即使當住男友的朋友面,程新惠照樣大發脾氣,為了氹番對方,一直做晒主動,又攬又呵,女方見好就收,又肉緊地摸住男友塊面嗲番,非常有手段。耍完一輪花槍,二人就返回酒店,繼續happy。對於被莊家彬設局呃分手,本週二傅明憲回應記者時,顯得相當愕然。壹:最近仲有冇同莊家彬聯絡?傅:之前喺報紙都講咗,而家係少聯絡嘅朋友。壹:知唔知莊家彬有新女友,拍緊拖?傅:(停頓三秒)唔知!

見過Grace一兩次

壹:佢女友叫程新惠,妳識唔識?傅:(諗了五秒)英文名係咪叫Grace。壹:妳同佢熟唔熟?傅:幾年前見過一兩次。壹:知唔知佢哋拍緊拖?傅:完全唔知。壹:佢哋上年八月已經一齊,妳嗰陣都未同家彬分手。傅:真係完全唔知,不過過咗去就由得佢過去。壹:覺唔覺得俾莊家彬呃咗?傅:過咗去就由得去,最緊要佢依家開心。壹:會唔會嬲莊家彬一腳踏兩船?傅:過咗去唔會再諗,好obvious佢move on佢嘅life,我都要move on,I am happy with my life,I hope he's happy with his life too!壹:知唔知Grace之前都做過人哋小三!傅:人哋嘅嘢我唔清楚,最緊要家彬而家開心就得。

九年情

06年傅明憲與莊氏集團太子爺莊家彬撻着,雖然二人年齡相差十一年,但多年來一直恩愛,可惜付出九年時間,亦無法得到莊家父母體諒和歡心。

秘密撻着

99年與葉劍波結婚,直到06年因為海域集團有賬目問題,葉劍波失蹤,二人隨即傳出「婚變」,其後傅明憲搭上莊家彬,因當時她還未正式離婚,一直未有公開承認。

逐漸浮面

08年,傅明憲與葉劍波正式離婚後,二人經常被拍到出雙入對,甜蜜外遊,又結伴到日本沖繩出席台星吳辰君婚禮。

父母打壓

莊父莊紹綏多年來一直棒打鴛鴦,更曾出言公開踩傅明憲,又不滿兒子搭上失婚婦,除了經濟封鎖,又逼莊家彬大時大節返屋企交人,出盡招數拆散 二人。

正式玩完

年多前,在家庭壓力下,二人一度再傳分手,但未幾又復合。經歷多次離合後,莊家彬終於為新歡程新惠,和傅明憲在去年底正式結束9年情。
部署 個月 莊家 彬密 密包 包猛 猛料 料北 北姑 設局 呃傅 明憲
PermaLink: https://articles.zkiz.com/?id=290796

傅明憲滑雪教練牌得手

1 : GS(14)@2016-02-09 12:17:01

傅明憲(GiGi)昨日大年初一即有好消息宣佈!不過,並非是GiGi跟莊家彬分手之後有新戀情,而是繼考取潛水教練牌後,她昨日又在加拿大溫哥華考取了滑雪教練牌,上山下海樣樣掂!目前身在溫哥華陪父母過年的GiGi,昨日在facebook宣佈:「猴年年初一,馬上有好消息宣佈,我正式成為滑雪教練了,l am ski instructor now。」記者昨致電GiGi,她透過WhatsApp說:「我係香港時間大年初一考到個牌,考試為期3日,自己一路鍾意滑雪,咁啱過嚟陪屋企人過年,雪山有啲instructor exam,咪試吓囉!嚟緊我都會睇吓仲有乜嘢可以進修。」採訪:魯吉





來源: http://hk.apple.nextmedia.com/entertainment/art/20160209/19484411
明憲 滑雪 教練 得手
PermaLink: https://articles.zkiz.com/?id=295656

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019