林日曦撐方健儀：沒有問題繆美詩斥前主播 將專業淪笑話
1 :
GS(14)@2016-05-22 12:16:10■方健儀曾以輕鬆形象為《100毛》做節目，「腦細」林日曦當然力撐。資料圖片
前亞視主播、其後開公關公司的繆美詩，前日在《信報》專欄撰文，題為《新聞主播的最底線》，文中直指有前主播食老本拍廣告搵錢，破壞整個行業的專業及公信力，寫着：「當年家喻戶曉的新聞人仍以同一主播形象兼用同樣報道手法，反過來去嘲笑新聞報道這專業，令專業淪為笑話橋段，形同向同行摑了一個大巴掌。」文中亦特別提到，除了離職主播的底線「低處未見低」，更開名直指《100毛》「學生幾乎完全不看電視新聞。」
■前亞視主播繆美詩在專欄上，斥前主播食老本拍廣告，破壞行業的專業及公信力。資料圖片
■柳俊江認為現今新聞質素下降，最大責任是新聞部的總監。資料圖片
柳俊江：我唔會咁做
雖然未有指邊個主播，但方健儀曾為《100毛》做節目，身在韓國的方健儀昨透過短訊回覆稱不清楚繆美詩的看法。而繆美詩昨日在電話中否認針對方健儀，她說﹕「當然唔係啦，我都認識方小姐，我講緊成個現象。我喺自己fb都冇named任何人。我嘅年代training一路都係，如果我離開呢個崗位，咁我就卸下呢個光環。」她覺得新聞從業員轉任何行業都不是問題，但要有底線，她解釋：「我都有睇毛記電視，覺得好好笑。但當一個曾經從事新聞嘅人用番呢個形象手法，稿件已經唔係新聞稿，咁就有問題。」林日曦用短訊回覆：「每個人都有投訴嘅權利。不過香港人好少就呢啲嘢投訴，因為我哋都有基本思辨能力。正如我哋睇《足球小將》，唔會話投訴『新一代誤以為《足球小將》就是足球之宗師』……有關方健儀，我認為完全沒有問題。難道李麗珊不可以以前運動員身份賣廣告嗎。阿明（黎明）以歌手專業甚至唱歌形式去賣咖啡廣告，也應該沒有影響音樂專業吧。」柳俊江說：「我唔會咁做，但亦唔覺係罪大惡極嘅一件事。」可覺得拖低新聞質素？他說：「新聞質素而家普遍都降低緊啦！我覺得最大嘅責任都係新聞部嘅總監，新聞部嘅編採人員身上。」陳珍妮則說：「佢嘅value係冇錯，但個market係改變緊，我冇資格去講啱定錯。」採訪：嵐山、皓騫、林妙萍
來源:
http://hk.apple.nextmedia.com/entertainment/art/20160522/19622377
方健儀幽默成賣點
1 :
GS(14)@2016-11-08 05:45:57方健儀昨日在中環樂施會店舖協助義賣，她喜歡幫襯二手店，近日成功將家中智能燈、手袋、銀包等以低至半價出售，再將錢做善事。方健儀離開無綫時曾想過開二手店，她說：「嗰時好多私伙衫，知道跳出電視圈就唔會着到，全部係誇張嘅彩色，最後低調送畀舊同事，個個都好捧場，喺電視上見到佢哋着住我啲衫感覺與我同在。」今年工作不斷，日日有工開，臨近年尾雖未正式統計收入，但方健儀透露司儀工作比去年多，還笑言：「可能經過之前一年嘅洗禮，我畀人感覺係可以好瘋狂，可以好正經，唔再只係嚴肅一面，而家啲人搵我做嘢反而以風趣幽默變咗賣點。」採訪、攝影：卓寶花
來源:
http://hk.apple.nextmedia.com/entertainment/art/20161108/19826025
何韻詩新女 被爆曾戀方健儀妹
1 :
GS(14)@2017-01-22 02:17:13■方迦南（左）加入何韻詩的公司後，很快便成為阿詩的愛將。資料圖片
何韻詩上月被發現背着台灣同性密友鄧九雲，偷食嫩口女助手方迦南（Cannan），兩人在貝沙灣拍拖互咀斷正，事後鄧九雲在facebook貼黑白相，暗示跟阿詩情已逝。昨日Cannan再被雜誌爆料，指她跟阿詩交往之前，曾同時跟男同學及前主播方健儀的胞妹Noel交往，一腳踏兩船。
前年初分手
在貝沙灣跟阿詩互咀事件發生後，Cannan迅速被起底，她在科技大學讀書時，已有一名叫子健的同學仔男朋友，愛放閃的Cannan不時在Instagram貼出合照及咀嘴相。不過昨日有周刊報道，指Cannan跟子健拍拖之外，在14年年尾到一間本地刊物任職實習記者時，背着當時的男友，跟雜誌的美術總監Noel暗中交往，這位Noel被指是前新聞主播方健儀的妹妹。當時她們交往很低調，公司中知道二人關係的同事不多，這段情一直維持到15年初便結束。一向古靈精怪的Cannan顯得頗為撇脫，反而Noel要過一段日子才能放得低，再在網上平台刪除對方的賬號。之後Cannan加入阿詩的Goomusic公司，憑着機靈及善解人意，迅速成為阿詩的愛將。據知方健儀共有三姊妹，Noel排行最細喜作中性打扮，甚得家人喜愛。
■有傳方迦南曾與方健儀胞妹Noel（左）交往。資料圖片
■方迦南讀大學時，已有同學仔男朋友，不時在網上貼相放閃。資料圖片
■鄧九雲（左）曾暗示跟何韻詩情已逝。資料圖片
方健儀被問到胞妹曾經跟方迦南交往一事，她昨透過WhatsApp回覆表示：「我唔識女事主，冇聽聞同得啖笑。」阿詩透過助手表示：「沒有回應，唯一回應係下星期阿詩嘅Live演唱會DVD同CD會同步推出。」採訪：李森
來源:
http://hk.apple.nextmedia.com/entertainment/art/20170121/19903702
方健儀微創割朱古力瘤
1 :
GS(14)@2017-01-27 07:40:41方健儀昨晚與方中信等人在中環出席電動汽車品牌活動，方健儀早前在社交網透露做了手術，她說：「係婦女病，生咗啲朱古力瘤，做咗微創手術，做完喺社交網講先知好多朋友都有，所以真係要年年驗身。」另外，有報道指其妹曾與何韻詩拍拖，方健儀表示得啖笑，沒有回應。方中信則帶老婆及囡囡一齊出席，他表示是品牌粉絲，終於等到有新車，又指上一代車款都有買。會否留港過農曆年？他表示：「會返去內地幾日，放到年初四，因為喺內地同吳鎮宇、吳君如拍緊戲，所以要返去，都唔可以同囡囡去旅行。」採訪、攝影：曹家誠
來源:
http://hk.apple.nextmedia.com/entertainment/art/20170127/19909982
【馮仁昭四圍超】「有人唔做，去做蜜蜂？」黎明點醒方健儀
1 :
GS(14)@2017-03-04 00:34:44■司儀方健儀都話每次同黎明做訪問獲益良多。
黎明（Leon）噚日以影視娛樂大使身份，出席喺尖沙嘴舉行嘅「香港影視娛樂博覽」記者會，被封「金句王」嘅Leon冇接受傳媒訪問，只喺台上同司儀方健儀傾幾句，但對話精采，連方健儀都話獲益良多。
■黎明噚日連環爆金句，又彈活動口號老套。
彈口號老套
方健儀讚Leon開facebook一年已有33萬粉絲，係神級人物，點知Leon好認真咁話：「如果我係神級，就唔會坐喺度參加呢個影視娛樂博覽，因為我都係勞動階層，都係香港勞動級嘅人民，fb嘅嘢見仁見智，每人有不同際遇。」Leon仲反客為主，問方健儀今年活動口號，方健儀答：「全情投入，全城支持。」點知Leon話：「我覺得好老套，呢啲口號係我初出道參加《公益金》、《歡樂滿東華》啲字眼！」不過，最搞笑係方健儀話Leon啱啱搞嘅演唱會用企鵝做宣傳，問佢會用乜動物去形容影視娛樂界？Leon竟然話：「呢個一定要分享，因為係大會指定嘅稿，大會要我揀蜜蜂，但我覺得蜜蜂同企鵝冇關，企鵝係我同fans交代，但冇理由用蜜蜂去形容個行業，有人唔做，去做蜜蜂？」全場爆笑。撰文：馮仁昭
來源:
http://hk.apple.nextmedia.com/entertainment/art/20170303/19945343
方健儀視母親 靈魂支柱
1 :
GS(14)@2017-05-13 02:04:11現年40歲的無綫前主播方健儀與媽咪長得餅印一樣，兩母女日前在葵涌對談，方健儀視母親為最佳後盾，母女會坦誠相待，一切盡在不言中。
■方媽媽對年幼的方健儀管教非常嚴厲。資料圖片
方媽媽外表嚴肅，但其實愛開玩笑，問她可覺女兒很叻？方媽媽說：「佢本事係自己爭取，滿意啦！」方健儀爆料：「媽咪好記得啲紀念日子，成日扮唔知，有意冇意提示我哋，仲會暗示想我哋買乜畀佢，?家佢冇咁物質，看淡咗，近年冇乜缺失，佢物質豐富過我，最緊要平時對佢好。」方健儀眼中的母親很兩極，幼時管教嚴，當方健儀工作遇到挫折，她會返回父母這個避風港聽意見：「雖然有時佢哋唔明白我嘅工作，但係聽完佢哋講嘢，我會好舒服，佢哋係我靈魂嘅支柱。」採訪：羅慧敏
來源:
http://hk.apple.nextmedia.com/entertainment/art/20170511/20017276
Next Page