ZKIZ Archives


中環在線:王維基搞培訓月薪3.6萬請新仔 李華華


2011-1-6  AD




 

好工難求,好人 工更難求,好老闆更加係難難難求!「電訊魔童」王維基嗰檔城市電訊(1137)旗下嘅香港寬頻,噚日宣佈,今年嘅「CXO of the Future」管理人員培訓計劃又開始招生喇,起薪點仲大幅調高60%,由2.2萬蚊加到3.6萬蚊,同政府AO睇齊!Train夠18個月之後,起標每 月有3萬幾蚊,仲有機會做老王(即係集團主席王維基)嘅私人助理,點都無做AO咁悶嘅!

目標請兩個月底截止報名

老王嘅親信 話,今年已經係第6年搞CXO,年年反應都好熱烈,上年就有793個人報名,無話年年規定要請幾多人,試過有年一次過請咗6個,有一年就一個都冇請,今年 嘅目標係請兩個……如果華華唔係喺社會謀生超過兩年,已經唔合資格,都想即刻趕喺呢個月31號截止報名前申請o架!

係咪因為老王offer 咁高人工就話佢係好老闆呢?查實唔係咁,華華識咗老王一段唔短嘅日子,都幾清楚佢點對公司上上下下,好多policy都幾得人心o架,好似之前派花紅畀啲 員工(平均係1.9個月),竟然可以畀佢哋將花紅換成假期(半個月花紅換10日),等佢哋多啲時間實現自己嘅夢想,都唔可以唔寫個服字畀老王!

因為老王咁識do,所以佢寶號好多員工都唔會輕易話走,舊年年尾,佢哋頒「老人牌」,一共使咗113萬蚊,打咗180個金牌(共重96.5盎司),有140個人拎5年牌、30個拎10年牌、10個拎15年牌……咁大家話老王算唔算係好老闆?

李華華

LiWaWa@AppleDaily.com


中環 在線 維基 培訓 月薪 3.6 萬請 請新 新仔 華華
PermaLink: https://articles.zkiz.com/?id=21077

賭場新仔呂耀東:我唔輸得

2006-11-02  NM




澳門賭業已進入群雄割據的戰國時 代,據統計,澳門的博彩業頭三季的毛利已達三百八十五億元,幾乎和美國的拉斯維加斯看齊,估計今年年底有望刷新五百億元的新紀錄。餅愈做愈大,就自然有人 來分;不但美國巨資金沙、永利進駐馬交,就連做開建築生意、與賭業風馬牛不相及的呂志和家族,亦加入戰團。

其中呂志和的長子呂耀東,被老父 授命做開荒牛,打造旗下銀河娛樂賭場,包括上月中才開幕的星際酒店。呂耀東以一招「亞洲心」,炮製以中式餐廳、中價賭枱打造的中國式賭場硬撼對手。面對着 做了幾十年賭場的老手,永利的史提芬、金沙的蕭登和「土炮」賭王何鴻燊,這位賭場新仔仍充滿信心高呼:「我一定唔係最差嗰個!」呂耀東小檔案

祖籍:廣東新會

已婚,育有一子一女。

1955:香港出生

1977:美國柏克萊加州大學土木工程系學士畢業

1979:美國柏克萊加州大學結構工程系碩士畢業,加入嘉華建材當策劃經理

1987:升至嘉華建材副主席

1989:晉升嘉華國際董事總經理

2000至今:被委任為嘉華國際副主席,負責發展與營運。現為銀河娛樂及嘉華集團副主席

呂氏旗下的銀河娛樂,有五間賭場,其中四家早已開幕,但反應平平,大家焦點都落在「秘密武器」——星際酒店及娛樂場身上。

這家酒店上月中千呼萬喚終於出來,開幕禮找來森巴舞女郎作熱情表演,更舉行了一千萬元大抽獎。賭場一開,打了一圈圈蛇餅的人龍立即奪門而入,呂耀東不禁興奮地說:「我哋係有能力做得到嘅。」

「老土」計算之內

銀 河娛樂為製造聲勢,以過千萬元邀來梁朝偉任星際酒店的代言人,並採用「花樣年華」的造型照,同時贊助由許冠文主持的《一擲千金》,比永利和金沙的拉斯維加 斯式宣傳手法來得更中國化。賭場內沒有長長的餐枱提供西式自助餐,而是設有對國內遊客更有親切感的「丹桂軒」、「避風塘」餐廳,與旁邊金沙、永利賭場的繽 紛、華麗相比,風味完全不同。原來這一切,都是在呂耀東計算之內。

「我哋搵咗喺澳門做賭業嘅專業人士做幫手,以『亞洲心』設計酒店,我相信 更適合客人。我哋中國人最講究實用,酒店房整成五十二平方米仲唔好用,所以我哋間到三十六平方米,大得嚟又唔會太空曠。食肆方面我哋又搵咗內地出名嘅餐 廳,好似避風塘、丹桂軒等,最重要合亞洲人口味。」這時他又意有所指地說:「做賭場係要金碧輝煌,但唔可以……呀呀……」口中硬是吐不出一個「俗」字,記 者幫他補充:「係咪俗呀?」「哈哈,差唔多,所以我哋都用金色,但唔係鋪天蓋地。」又明顯直指金澄澄的金沙。

美國佬照辦煮碗

說起美國賭場,他更將內心「冤屈」盡吐:「(金沙、永利)係好快就掂咗!但佢哋只不過係將美國嗰一套直接移植過嚟,好處咪快囉!但係美國得,係咪代表喺澳門都得?」

但金沙甫拿得賭牌後,立即動工建賭場搶住吃頭啖湯,○四年開幕,一年就回本。呂耀東卻力撐:「係咪一定適合澳門?我哋係華資公司, 一定最了解自己人嘅需要。譬如說中國人最鍾意任何事清清楚楚,但係美國式賭場搵個出口都要大半日,走吓走吓,都搞唔清自己喺邊!」難怪在星際賭場內,指示 路牌都大大個吊起,即使在賭枱最前的賭客都一定知出口的位置。外國人設計賭場時,出路沒有清晰指示,意在令賭客多留在賭場一段時間,呂耀東卻掉轉來做,可 說是有良心商人。

「我唔做阿二」

辣完過江龍,呂耀東再辣澳門土炮賭王何鴻燊。去年炒賭業股興起時,呂志和家族將嘉華建材易名銀河娛樂,配股十二億元,成為香港首家擁有澳門博彩牌照的上市公司。後又成功發行了四十六億元的債券,現時公司手頭有五十一億現金,呂耀東也自豪說絕對無經濟上的壓力,○八年前也無需要集資。

反觀澳門賭王何鴻燊,原先計劃在今年中將澳博來港上市,集資一百四十八億元,卻因與十姑娘何婉琪的官司而被迫擱置至今,難怪呂耀東氣定神閒說:「做賭業無一個融資平台好難做。舊年配股嗰陣真係一個好嘅timing,亦係好好嘅催化劑。我都唔想做做吓要向股東集資,不如一次過喺市場拎錢仲好!」

無謂惡性競爭

面 對賭業競爭激烈,既搶請荷官又要加碼佣爭賭廳廳主;現時星際酒店卻只開了中場,貴賓廳只有三十六張賭枱。市場亦說外間廳主嫌銀河娛樂出價低,不肯來開賭, 呂耀東仍無有怕:「你睇吓四年前有二千萬人次到澳門,而家有三千六百萬人次,就知個餅有幾大!大家鬥平只會少咗肉食,諗吓點整大個餅好過!」他充滿信心 說,絕對有能力可在澳門博彩業分一杯羹。今年五十一歲的他又補充說:「牌面上睇我哋唔係最差一個,澳門local人(意指中國人)做賭有一老一嫩,我唔會 係最差嗰個,我唔做阿二㗎!」

自信十足的賭場新仔呂耀東,早年在美國柏克萊大學主修土木工程,一畢業,翌日即返香港的安達臣道石礦場開工, 而且更自願在礦場工作了四年。那時他一星期工作七天也毫無怨言,更被工友稱他為「三條七」,事關他可以連續三個星期不停工作。「嗰時喺礦場食飯盒都有曱 甴,但我唔想人哋以為我係太子爺,所以更要俾心機做,令佢哋知道我都係好認真工作。」

他其後轉到嘉華建材,主力打理建築材料生意,直至○○年才正式被委任為集團副主席,負責發展與營運,專責集團除北美區業務外的整體發展及營運管理,到近年則被安排做起澳門賭業來。

家人全力支持

由 於經營賭場經驗欠奉,呂耀東坦言由投賭牌那一刻起,四方已有存疑的目光,「嗰時投完賭牌有人嚟問我,who are you?有人又覺得我哋無經驗,點可能做到。但我哋全家覺得中國人愈來愈有錢,花喺娛樂嘅錢亦都愈來愈多;而澳門剛巧開放賭權,咁好嘅機會放棄咪好嘥?」 他托了托眼鏡說。於是,投完賭牌後,他懶理其他人的懷疑,花了兩年時間飛往世界各地,研究經營賭場,順道招兵買馬,招攬賭場老手,「你講得出嘅賭場我全部 去過,學吓人哋點做賭場,識吓呢行啲專家。」

更重要的可能是有親戚的幫忙。呂耀東的太太是醫生,外母亦是美國的整容科醫生權威,據知她曾替 銀河娛樂的賭場帶來不少美國大客。而呂耀東的弟弟耀南,在美國經營史丹福酒店多年,家族在澳門開賭亦是他建議。的而且確,呂耀東這位賭壇新仔,要靠旁人幫 忙,才能硬撼旁邊有數十年經驗的賭王。

賭王大比併

呂耀東

年齡:51

威水史:「石礦大王」

呂志和長子

旗下賭場(投資額):華都、利澳、總統、金都及星際

(78億港元)

賭場定位及賣點:定位為中價娛樂場,內有十八間內地著名食府,巨形LED燈鋪滿外牆,乃全澳門最高酒店。

公司業績:銀河娛樂去年在港上市,因賭牌費用攤銷,上半年錄得7.34億港元虧損。

未來動向:在路氹興建二十萬平方呎的度假村,內設人造浪泳池等,預計○八年開業。

何鴻燊

年齡:85

威水史:經營澳博四十多年,有「澳門賭王」之稱。

旗下賭場(投資額):葡京及新葡京(建築中)

(30億港元)

賭場定位及賣點:傳統澳門賭場,地道大眾化。先有免費叉燒飯食,後送帝皇包配人參茶。

公司業績:公司仍未上市,去年純利達四十億港元。

未來動向:投資二百億港元打造「Oceanus」,以龐大巨鯨為設計藍本,內有商場、酒店和賭場。

史提芬永利

(Steve Wynn)

年齡:64

威水史:將荒蕪地區拉斯維加斯,打造成賭場不夜城,人稱「拉斯維加斯之父」。

旗下賭場(投資額):永利賭場度假酒店

(94億港元)

賭場定位及賣點:以高檔豪華的裝修及酒店服務作招徠,內有不少名店如Louis Vuitton、Chanel等。

公司業績:母公司Wynn Resorts 02年在美上市,06年第二季虧蝕1.56億港元。

未來動向:未有

蕭登艾德森

(Sheldon Adelson)

年齡:72

威水史:在八十年代中做展覽起家,其後進軍拉斯維加斯賭業,現為福布斯榜第三大富豪。

旗下賭場(投資額):金沙賭場

(18.7億港元)

賭場定位及賣點:標榜拉斯維加斯式服務的大眾化賭場,首創非吸煙區的中場。設全澳最低下注額50元。

公司業績:拉斯維加斯金沙去年在美上市,06年第二季錄得約8.5億港元淨收入。

未來動向:投資一百四十億港元,在路氹金光大道興建度假村。仿照意大利水鄉威尼斯設計,內有三百五十家名牌商店,估計明年投入營運。

 


賭場 新仔 仔呂 呂耀 耀東 我唔 唔輸 輸得
PermaLink: https://articles.zkiz.com/?id=24403

新仔$70萬賣奶昔 出師不利

2015-02-05  NM
 
 

 

愈來愈多80後趁三十歲前申請working holiday,但回來後都難免失落:「開心過後,做咩好?」今年三十歲、曾到澳洲working holiday的原美玲(Suki),選擇回港後,開一間當地流行的奶昔專門店Yo Yo Shake。為開鋪,她向政府申請三十萬小型創業貸款、向父母借多十萬元,妹妹美儀更放棄穩定的文員工作,到店內幫手。開業時她們推出半價優惠,每日賣過百杯。但優惠完結收取原價,生意即大減一半!兩個月來蝕近四萬。Suki還要開始還債:「每月還政府五千元,只希望捱到夏天,生意好轉。」記者找來現有八間分店的雪糕專門店Lab Made老闆Ronnie,他認為奶昔生意並非只是季節問題,鋪位地點、毛利及定價也大有改善空間。

大學畢業後,Suki於婚介公司打工四年,去年趁三十歲前到澳洲工作旅行。她於澳洲中部城鎮愛麗斯泉逗留,在當地一間奶昔專門店工作了半年。回港後重新出發,她發現在澳洲熱賣的奶昔,在香港未算流行,於是照辦煮碗,兩個月前投資七十萬開店。除了把在澳洲工作賺到的三十萬用盡,她更分別向政府及父母借共四十多萬,斥資七十多萬在灣仔道開鋪。為打響頭炮,一開鋪,她就大搞半價優惠,大杯裝十六安士原價四十五元,減至二十二元,細杯裝十四安士,亦由三十八元減至十九元。十零廿蚊一杯飲品,自然吸引不少人幫襯,Suki指當時每日賣出過百杯奶昔。她指不少客人都讚其奶昔真材實料,記者問過附近上班的何先生,點了一杯新地奶昔的他說:「奶味好香,唔太甜,飲落喉嚨好舒服。」但好飲都無用﹗自上個月開始,Suki以原價出售奶昔,銷情即暴跌,每日最多只賣到六十杯,多了的食材要棄掉,每月蝕萬五,更要開始還債。Suki唯有再問家人借錢,而對於特意辭工來幫手的妹妹,她更感到內疚,「佢犧牲咗份人工,我又無糧出俾佢,覺得虧欠咗佢。」以前,Suki得閒會跳街舞,現在生意未如理想,她一有時間便去其他鋪頭觀摩學習。

問題一心急開業選錯址

Suki認為生意不理想,與天氣有關,但其實選錯址才是致命傷。Yo Yo Shake位於灣仔道,距離地鐵站十分鐘路程,附近多是五金鋪、找換店等老鋪,先天不足。奶昔的目標顧客應為年輕人,但記者見路過這裡的人以老年人為主,只有午飯時間才有些學生、白領路過。Suki指,開鋪前原打算租灣仔另一位置較佳的鋪位,但簽約前一刻,才發現該鋪電壓不足以支援雪糕機。心急開業的她,在經紀介紹下,即決定改租現址,月租較之前貴三成,她解釋說:「當時夏天已過了一半,申請嗰三十萬創業貸款已批出,不能再等。」上手經營曬相,為要改成合乎食環署要求,裝修要重新起地台、裝廁所、地渠,花了兩個月時間,可謂因快得慢,價錢更比原定高出三倍,埋單要四十萬。唯有其他地方將就,故原打算買一部十萬元的全新軟雪糕機,改為買三萬元的二手貨,不過又「甩轆」,她說:「整三杯就要停十分鐘,人多就做唔切,始終都要換新機。」選址失策,但既成事實,惟在鋪頭形象上,Suki似乎要再下苦工。鋪外貼着一幅雪糕球比主角奶昔更突出的照片,記者初到時,以為是一間普通雪糕店。事實上,附近已經有一間近日「爆紅」主打雪糕雞蛋仔的Oddies。要食雪糕,年輕人寧願幫襯對手。記者向她說出問題後,Suki指她曾經打算安裝一塊燈箱招牌,「一個普通招牌燈箱幾千蚊,如果要整奶昔形仲貴!」但為突出她們是賣奶昔,Suki已立即改了和客人的開場對白:「澳洲奶昔,隨便睇!」她說將擺放一個巨大紙板奶昔在門口。

Ronnie意見

選址已不能改變,唯有增加宣傳,要吸引人專程來吃。這裡附近有一間IVE,最簡單直接可以考慮聯絡吓學生會,給予學生折扣,一間IVE數百人,年輕人最愛試新產品,如果試過好飲,更有機會成為常客。附近亦有好多寫字樓,喺地鐵站外擺易拉架同派傳單吸引OL,佢哋有消費力,食完飯會過嚟飲番杯奶昔。仲可以大膽一點,跟附近一些只賣食物、但無特色飲品的食店合作,俾折扣他們的客人,互惠互利。

問題二成本太高價錢太貴

來幫襯的梁同學:「這裡的奶昔唔太甜,奶味香濃。」但相比毛利有八成以上的台式奶茶,Yo Yo Shake毛利卻十分低。Suki表示為保持高質素,用的是澳洲牛奶Devondale,一盒來貨價十元的牛奶只能做到三杯奶昔,加入雪糕打製而成,一杯奶昔成本就要六至七元,最貴是奶昔上的雪糕球,她選用的New Zealand Natural,一球成本就要十元,加上雪糕上的toppings,如棉花糖、Oreal、紅豆等,毛利降至五成半。以原價計,每月多賣出七百多杯大杯裝奶昔,才能做到收支平衡。她說:「之前賣半價根本無錢賺,但而家賣原價又無人嚟買。」Suki打算於情人節,推出「期間限定」如玫瑰花味奶昔,希望用不同的綽頭吸引客人。

開業資料(11/14)

租金:$120,000^裝修:$400,000入貨:$40,000雜費:$140,000總投資:$700,000^兩按一上

營業資料(1/15)

營業額:$65,000租金:$40,000入貨:$30,000雜費:$10,000虧蝕:$15,000

Ronnie意見

香港人與澳洲人口味不同,一大杯奶昔再加上雪糕球太heavy,加上顧客未知質素,三十八蚊太貴啦。其實奶昔唔使食咁大杯,可以考慮把成本高的奶昔分量縮細,毛利較高的toppings的分量加大。Toppings顏色比較鮮艷,賣相望落亦較吸引。價錢要定低於三十元,咁就容易叫客人買。客人細細杯咁食,好快又會翻頭買,搏薄利多銷。Lab Made為增加收入,現時都有賣其他食物,如窩夫等,增加盈利,不過我建議Yo Yo Shake先把重點放在奶昔產品,避免削弱賣點。Suki不想辜負家人對她的支持,對Ronnie意見照單全收,希望可以盡快改善生意額。不過,其妹妹說:「其實我無怪家姐,一家人邊有得計。」而Suki透露,其父母亦沒有催促她還錢。雖然出師不利,但有這樣的後盾支持,Suki其實已比很多創業者幸運得多!

 
新仔 70 萬賣 奶昔 出師 不利
PermaLink: https://articles.zkiz.com/?id=130896

Janice Man搬屋 新仔梁錦松partner

1 : GS(14)@2015-06-18 14:33:17

2015-06-18 NM

去年,文詠珊(JM)的人生作出大反轉,事業上,收三千萬轉會費投太陽娛樂,感情方面則同梁錦松partner吳啟楠(Carl)撻着。和男友發展愈來愈穩定,愈搵愈有的JM最近將搬去元朗住大屋,二人早前為安樂窩添置傢俬,Carl全程陪住女友,有商有量,sweet爆!穩定發展

轉投太陽娛樂後,自組公司做老闆的文詠珊,剛與在內地爆紅的陳偉霆拍完古裝劇《蜀山戰紀之劍俠傳奇》,事業有新發展,愛情更得意,跟梁錦松partner、金融才俊Carl拍拖數月,感情穩定。上週日(六月七日),JM和男友孖咇出動,約了一班朋友,包括趙雅芝兒子黃凱傑的女友,到灣仔食法國菜。化了個淡妝的JM當日穿上露腰小背心,索!落車行去餐廳期間,與男友邊行邊講,雖然沒有親蜜動作,亦默契十足。

有商有量

食完飯,JM逐一跟Carl的朋友道別,非常得體。離隊後,二人在附近行傢俬店,將搬屋的JM主力試梳化,Carl就不斷在旁俾意見,大家有商有量,但無論男友說什麼,JM都報以甜笑,冧爆!「JM本來住屯門,但業主收樓,佢喺元朗搵咗間獨立屋。Carl本身住粉嶺,大家都方便。JM唔鍾意同居,覺得保持各自空間好啲。雖然成日要出trip,之前喺大陸拍《蜀山》又走咗幾個月,但Carl一有時間就飛上去探JM,感情發展得好穩定。」知情者說。

iBANK筍盤

JM的男友吳啟楠現年31歲,自小在外國讀書,由於成績優異,中學時跳班,16歲已經中學畢業的他,以拔尖直入LSE(The London School of Economics and Political Science)主修經濟,並獲甲級榮譽畢業。大學畢業後,獲投資銀行UBS招手任分析員,07年加入黑石(Blackstone),得前財爺梁錦松賞識,現於黑石私募股權擔任執行董事。此外,在粉嶺和半山都有豪宅的Carl亦有投資月租儲物箱公司Boxful,梁錦松、康師傅以及鷹君等都是主要股東。

結婚對象

現年二十六歲的JM曾表示希望在三十五歲前結婚生仔,她亦視Carl為結婚對象,只是想在婚前搏殺多幾年,做出成績。「JM覺得男人最緊要有目標、有方向、有自己諗法,Carl完全符合佢要求。佢哋亦有晒共識,現階段都要努力工作,Carl除咗做金融,自己仲有月租儲物箱公司,而JM套《蜀山》明年初會喺湖南衞視播,電視台方面好有信心,所以JM好大機會喺大陸爆紅。」知情者說。《蜀山》是重頭劇,劇中與爆紅的陳偉霆做一對,絕對有助剛在內地起步的JM,加上外界對她在電影《赤道》中的表現一致好評,甚至有機會爭取到提名,出道十年的JM,將進入收成期。

寧缺勿濫

出道十年,JM的感情生活不算多姿多采,寧缺勿濫的她,雖然多人追,但只要發覺身邊人不是Mr. Right,即閃,不愛騎牛搵馬。

七年初戀

跟初戀情人李冠峰離合多次,二人拍拖七年,直至11年底才正式分手。

見光死

13年3月,經歷一年真空期的JM被拍到跟美國留學回港,打理家族製衣生意的衞以德食飯撐枱腳,不過戀情見光死。

霧水情

13年12月,有指JM跟謝霆鋒在朋友刻意安排下認識,不過兩人未有進一步發展,當時仍單身的霆鋒亦公開稱讚對方是「好女仔」。

台灣甜蜜旅

14年8月,被拍到跟iBank筍盤Carl和友人到台灣旅行,當時男方正力追JM,現在感情 穩定。
Janice Man 搬屋 新仔 仔梁 梁錦 錦松 partner
PermaLink: https://articles.zkiz.com/?id=291083

趕返工遇門鎖壞新仔驚遲到玩跳樓

1 : GS(14)@2015-07-23 08:36:36

廣州番禺二十三歲姓梁男子,是個大學畢業沒多久的「新鮮人」,從事金融銷售工作。剛入職一周,他就為了上班「跳樓」,弄來一身傷。公司星期一早上要開會,小梁早上八時半就要趕到珠江新城上班,七時許便出門。誰知到了樓下,大鐵門卻怎麼也打不開。原來房東在前一天換了電子鎖,當天早上卻失靈了。眼見上班就要遲到,小梁又不想請假,心急之下,竟走上二樓一名租戶家,在窗口跳下樓。他心想,自己之前學過Parkour,從二樓往下跳應該問題不大。沒想到,他一落到地面,「就發現站不起來,聽到左腳骨折的聲音。」當時,小梁連站起來的力氣都沒有,只能大聲呼救。在好心街坊的幫忙下,他被送往醫院,被診斷為腰椎體壓縮性骨折和左足跟骨粉碎性骨折,不僅要做手術,還得在醫院躺上一個月。《廣州日報》





來源: http://hk.apple.nextmedia.com/international/art/20150723/19229558
返工 門鎖 壞新 新仔 仔驚 遲到 跳樓
PermaLink: https://articles.zkiz.com/?id=291816

【唔做大律師2】林作爆麥明詩有新仔?想寫醜聞做狗仔隊

1 : GS(14)@2017-03-23 06:51:16

返工第一時間刨熟新聞。



有大律師唔做嘅林作,近排動作多多,除咗客串拍戲,無綫同ViuTV都間中見到佢個飛輪海頭,遲啲林作仲做埋補習天王開班教英文,曝光率幾乎多過佢個10A好友麥明詩。



見到麥明詩個廣告,林作打咗個凸,話唔知對方有呢個廣告。

對Photoshop一竅不通嘅林作,一臉懊惱。



日前林作踩入蘋果大樓獻身做動主播,新丁第一日開工,由最基本嘅寫稿到用Photoshop、砌相整即時新聞keyframe,都要從頭學起。咪睇少砌keyframe,篇新聞吸唔吸引,全靠張keyframe吸唔吸引到你眼球。一埋位,林作就講明自己唔識執相,坐喺度?緊頭之際,就發現佢好友麥明詩啱啱出咗過好飄逸嘅髮型用品廣告,放喺Ig段片仲好鬼誘人,最後林作敲定就整呢段新聞。(新聞連結:http://bit.ly/2o3c3x5



好茫然…

林作第一日返工仲識萬歲請飲嘢。

麥明詩最近拍咗個髮型用品廣告。

不過原來講到尾,林作原來最想做狗仔隊爆名人醜聞,實行向高難度挑戰。



林作人生第一次整keyframe,究竟整成點?

呢個就係林作嘅製成品。

記者:王梓嫚、懷鈺攝錄:馮峰、Neo攝影:林德雄撰稿:阿仙剪接:Roy編審:Kaman




來源: http://hk.apple.nextmedia.com/entertainment/art/20170323/19967392
唔做 做大 律師 林作 作爆 爆麥 麥明 明詩 詩有 有新 新仔 想寫 醜聞 狗仔隊
PermaLink: https://articles.zkiz.com/?id=328499

洲際盃攻略:強陣恰死德國新仔智利平手出擊

1 : GS(14)@2017-06-23 02:58:43

周四洲際國家盃B組賽事,世界冠軍德國鬥南美王者智利。以小將為骨幹的德國首戰贏得險,預計今仗會繼續試陣;智利可望以更完整陣容出擊,故可稍秤高一線,平手盤捧智利。



兩隊皆在B組首戰取勝,今仗若再取三分,出線便十拿九穩。從未贏得洲際盃,今屆第三次參賽的德國,首戰對澳洲表現高開低走,上半場攻勢不絕,但把握力不足,僅以一球領先對手,下半場由哥列斯卡建功拉開比數,但隨後門將賓特尼奴犯錯失守,氣勢反被澳洲壓住,最終僅以3:2險勝對手。





德軍新丁過多難靠

德國藉洲際盃賽事試練新兵,卻奧斯、奧斯爾及湯馬士梅拿等主力皆沒有被徵召。球隊在洲際盃首戰的正選陣容,佔五人代表國家隊次數少於10次,只有隊長達斯拿及左閘祖拿斯赫達的代表次數達30次或以上,明顯旨在吸取經驗。預計首仗犯錯的賓特尼奴會被收起,由巴黎聖日耳門的奇雲查普或巴塞隆拿的達史特根代替。在2015與16年連贏兩屆美洲國家盃的智利首戰洲際盃,相比之下,爭標決心比德國大。教練比斯派出強陣參戰,不少助國家隊兩奪冠軍的功臣皆在陣中。球隊在今屆B組首場分組賽,面對喀麥隆要戰至最後九分鐘才連入兩球,以2:0擊敗對手。該仗上半場伊度亞度華加斯雖有入球,但透過VAR視像裁判被推翻,是否越位極具爭議性;智利在比賽的整體演出不差,全場超過六成控球率,所受威脅不大。


山神無恙料任正選

智利主力「山神」阿歷斯山齊士,因受輕傷在首輪分組賽任後備,下半場中段才入替。不過他依然表現出色,正是由他送出助攻造就維達爾打破僵局,今面對最強對手德國,復任正選機會大。至於在首戰因狀態不足缺陣的主力門將哥迪奧巴禾,同樣有機會亮相,不過上仗代替巴禾上陣、效力智利大學的36歲老將莊尼靴利拉,表現相當穩健,即使繼續由他把關,智利後防仍然可靠。智利以強陣出擊,爭勝鬥心強,今仗平手盤可敲。文:何西




來源: http://hk.apple.nextmedia.com/sports/art/20170622/20064230
洲際 攻略 強陣 陣恰 恰死 德國 新仔 智利 平手 出擊
PermaLink: https://articles.zkiz.com/?id=336649

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019