📖 ZKIZ Archives

黃芳雯餵母乳收身快

1 : GS(14)@2017-04-08 20:44:38

有線娛樂主播黃芳雯（Paula）上月為老公Jacky誕下囝囝潘朗天（Morgan），囝囝日前滿月，而Paula本月中復工，為即將開台的奇妙電視主持新節目《喜出望外》。
Paula昨在電話中說：「Morgan係sea chief意思，佢出世時7磅2，滿月就已經10磅喇。佢係happy boy，算易湊，好活躍。」為了囝囝健康，Paula堅持餵人奶，另一好處是收身快，現跟產前體重只差5磅。




來源: http://hk.apple.nextmedia.com/entertainment/art/20170408/19983212

---

【馮仁昭四圍超】周汶錡產後收身遺憾冇升Cup

1 : GS(14)@2017-04-28 02:11:04

周汶錡（Kathy）前晚着tube dress谷胸騷長腿，喺圓方出席Piaget展覽揭幕禮，產後極速收身嘅Kathy，上圍疑似升cup，但佢自爆話：「其實冇變過，連陀B時一cup都冇升過，覺得好遺憾，諗住可以升幾cup，但冇跳到cup數。」佢話啱啱幫細仔搞咗滿月酒，好惡湊又蝦哥哥。



■周汶錡細仔滿月，早前上載一家四口照到社交網晒幸福。

■生咗兩仔一女嘅曹敏莉，身形依然咁弗。

■林嘉欣（中）噚日話去過法國羅浮宮幾次，但太大所以睇唔晒。


林嘉欣開畫展

講到收身秘訣，Kathy話對住阿仔要做好多運動，可能咁令自己咁快回復身形，Kathy話每次出門都要同大仔糾纏一輪，佢話：「出門要用15分鐘，又叫我剝衫剝鞋搞搞震，有時都驚佢當戒指係玩具車嘅轆，驚佢會整唔見，因為佢試過將禮物丟垃圾桶，所以唔畀佢入廚房，好在暫時未有嘢唔見，如果唔見首飾會好緊張。」同場林嘉欣講到年底會開畫展，佢話呢個只會係興趣，唔會變成事業。林嘉欣噚日喺沙田香港文化博物館，出席羅浮宮珍品展開幕禮，嘉欣話喺法國生活過一段日子，所以今次獲邀做嘉賓。講到今次展出過百件歷史物品，嘉欣話係好好嘅見證，佢話：「好似拿破崙用過嘅地毯同物品，都係好好嘅見證。」佢話兩個囡囡太細，細女得3歲比較嘈，不過好在今次展覽，安排咗小朋友活動區畀佢哋可以互動。嘉欣話去過法國羅浮宮幾次，但因為太大同太多展品，所以都睇唔晒。撰文：馮仁昭



難得生性暴龍哥創科眾籌夢，遭隱世肥報販秒殺！ https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170426/20001361

---

林欣彤收身等開騷

1 : GS(14)@2017-05-01 11:58:04

林欣彤（Mag）、方健儀、Supper Moment等昨日現身又一城舉行的「饑饉30」閉幕禮，有別於以往形式，今年沒有舉行探訪旅程，Mag跟Supper Moment都感可惜，Mag原本希望探望助養非洲兒童，而Supper Moment想透過探訪，將所見所聞感染樂迷，幫助有需要的人。
Mag計劃年內推出三首歌兼舉行演唱會，近日努力收身中，她說：「過咗25歲就發現個肚有啲肉，要食少啲同做運動收吓。」對於羅孝勇情況，她指對方情況好好，不用擔心。Supper Moment將到倫敦舉行兩場迷你音樂會，表示信念成真。採訪、攝影：馬建華



難得生性暴龍哥創科眾籌夢，遭隱世肥報販秒殺！https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170501/20006953

---

郭晶晶產後未收身

1 : GS(14)@2017-06-11 16:09:20

35歲前跳水皇后郭晶晶退役後，在2012年嫁香港富豪霍英東長孫霍啟剛，嫁入霍家做少奶奶。不久後，晶晶更一索得男，為霍家誕下第四代嫡孫霍中曦，今年4月底，她再為霍家增添一名新成員，是一位可愛的小公主，成功湊夠一個「好」字。晶晶經過一個月的坐月及調理身體，昨日終於現身公開場合，出席在北京的品牌活動，穿上一條長袖衫襯及膝裙的她，腳踏3吋高踭鞋，身形略為圓潤，明顯是還未趕及收身。精神飽滿的晶晶，到場時跟現場的傳媒揮手打招呼，而且面上常掛着笑容，似乎一對子女相當乖巧，令晶晶的家庭生活美滿幸福。撰文：非非




來源: http://hk.apple.nextmedia.com/entertainment/art/20170611/20051658

---

3個月大囡囡畀嫲嫲湊秦舒培火速收身　陪Edison遊日

1 : GS(14)@2017-07-01 10:50:15

■秦舒培大前日與Edison現身日本新宿家電店，見她產後三個月火速收身，回復昔日瘦削身形。讀者提供圖片



【爆相爆片】陳冠希（Edison）和內地超模女友秦舒培今年3月被爆升呢父母，上月終流出囡囡Alaia百日宴照片，產後火速收身的秦舒培與Edison日前撇下三個月大的囡囡遊東京，大前日被本報讀者拍到二人拍拖現身新宿家電店，心情大靚的Edison更放下戒心讓粉絲集郵。



現年36歲的陳冠希去年被爆搭上內地超模秦舒培，兩人打得火熱，更傳出女方懷孕，今年3月有指Edison升呢做人父，及至上月中，網上流出一張Edison抱着B女與家人三代同堂的全家福，據知當日是B女百日宴，連帶令Edison囡囡英文名Alaia也曝光。讀者黃小姐透過本報「爆相爆片」，分享大前日於東京新宿的家電專門店BIC CAMERA野生捕獲Edison與秦舒培的濕平相，同行還有一女性友人，但就不見囡囡Alaia。



【大前日　搞電話卡】■Edison在店內辦有關電話卡的問題，秦舒培則站在一旁等候。讀者提供圖片

【昨日　潮店濕平】■秦舒培和Edison昨被網友影到拍拖逛Supreme× Louis Vuitton的pop-up店。互聯網圖片

■有粉絲昨日貼與Edison在東京影的合照，相中見秦舒培站在背後。互聯網圖片


成地戰利品

黃小姐指當日下午4時許撞見Edison，她說：「最初冇留意到，只係等等吓，見到有個女仔搵Edison影相，嗰層多數係日本人搞電話同上網嘢。」平日在港被狗仔隊追拍即發難的Edison，在日本被粉絲要求合照均有求必應，態度截然不同，黃小姐續說：「佢表現好nice，好大方同個女仔合照。」黃小姐表示當時Edison在辦理有關電話卡的問題，秦舒培則站在旁邊等候，地上放了一大袋戰利品，似乎剛在樓下血拼完，臉上疲態畢露。升呢人母的秦舒培，產後火速收身，全身白色打扮的她十分纖瘦，已回復模特兒身形。



■Edison與秦舒培（右）上月為囡囡Alaia搞百日宴，Edison的父母及胞姊亦有現身。資料圖片

■身為內地超模的秦舒培，曾為不少國際時裝展行騷。


逛新店朝聖

另外，昨日又有網友貼出在東京港區撞見Edison和秦舒培拍拖購物的相，兩人現身Supreme× Louis Vuitton的pop-up店，有指該店昨日才開始營業，Edison和秦舒培首日便急不及待往朝聖，看來想狂掃潮衫換季。記者昨聯絡Edison所屬公司，問Edison是否到日本工作，其所屬公司昨日回覆：「唔係呀！?家係佢私人時間。」
Edison和秦舒培前年把臂同遊東京，因流出秦舒培坐在Edison大髀相而驚爆戀情，今次秦舒培於產後再跟Edison重遊東京，兩人在當地濕平掃潮衫，估計也會預愛女Alaia。據知，Edison自知易惹是非，故不欲囡囡Alaia曝光，不想囡囡受外界批評而影響成長，加上秦舒培仍熱衷工作，兩人出埠工作時，會交Alaia給嫲嫲照顧。採訪：唐琛悠、小米




來源: http://hk.apple.nextmedia.com/entertainment/art/20170701/20074502

---