ZKIZ Archives


阿B三父女溫馨合唱溫拿老人甩手操比舞

1 : GS(14)@2016-02-09 03:34:55

■溫拿前晚演唱會自嘲跳甩手操,亦有不少感動位,五子分享感受時,阿倫說:「最擔心兩個兄弟係陳友同彭健新。」


溫拿一連8場跨農曆年演唱會「Never Say Goodbye演唱會2016」,前晚在紅館正式開騷。演唱會中,穿上多套溫拿經典造型西裝的五子,甫開場即大唱多首英文歌,更選唱了徐小鳳近排大熱的《喜氣洋洋》,可惜五子唱到一半,甩歌詞毛病又發作,此時譚詠麟(阿倫)重施故技,不停叫觀眾及坐在台下的曾志偉一齊大合唱。



阿倫冇膽用長者八達通

加埋超過300歲的溫拿五子,前晚在台上不時自嘲和互窒對方年紀大。65歲的阿倫最先對着66歲的彭健新(健仔)說:「知你成日坐兩蚊車喎!(長者搭乘優惠)」健仔即「禮尚往來」說:「我之前都送咗張綠色卡(長者八達通)畀你吖!」騷後阿倫接受記者訪問時,笑言自己真的有收過健仔張綠色卡,他說:「我真係唔夠膽攞出嚟用!」身旁的健仔搭嘴說:「我入咗1,000蚊落張卡度,佢(阿倫)可以用到500次㗎!」



■阿倫亦有邀請媽咪陳珍妮到紅館睇騷。

■閻奕格和岑寧兒(岑建勳女兒)前晚擔任表演嘉賓。

■五子跳舞時,台下的杜德偉和曾志偉等藝人亦企起身歡呼,氣氛熱鬧!





■阿B細女鍾幗(中)前晚亦有上台,與爸爸合唱《爸爸我來了》。

■阿B的11歲女兒鍾懿在台上自彈自唱。



演唱會中段的個人solo時間時,鍾鎮濤(阿B)和兩個女兒鍾懿、鍾幗在台上獻唱多首歌曲包括《感恩的心》和《爸爸我來了》,三父女在紅館上演家庭樂。到演唱會尾段,五子唱歌之餘亦加入小部份跳舞元素。他們在台上多謝排舞師Sunny Wong時,就笑言大家的動作好像老人甩手操般簡單。阿B笑說:「如果要多謝Sunny,就真係好似拆人招牌咁。」溫拿騷後表示只花了兩日時間排舞。阿B說:「其實之前我哋每人諗一個動作,Sunny就幫手串連變成舞步。」眾人此時取笑陳友的縮膊頭舞騎呢,陳友即反擊說:「呢個係北京氣功師傅教我日日做嘅動作嚟㗎!」採訪:張俊銘攝影:陳慧安





來源: http://hk.apple.nextmedia.com/entertainment/art/20160208/19483701
父女 溫馨 合唱 溫拿 老人 甩手 操比 比舞
PermaLink: https://articles.zkiz.com/?id=295586


ZKIZ Archives @ 2019