ZKIZ Archives


債仔被捕 麥基:佢要洗pat 我好矛盾

2013-02-14  NM
 
 

 

上期本刊報導「金融老蠱惑 息誘麥基」,話前上市公司主席陳英鳴,以高息吸咗粵語殘片影星麥基嘅錢無還。文章一出,警方即刻做嘢,上週四喺灣仔拘捕一名五十七歲陳姓男子。小宗即刻打去搵陳英鳴,佢電話已飛去call台。而麥基則話自己開心又矛盾:「佢要洗pat pat(小宗按:大前提係被判罪成兼坐監),其實我都好矛盾,咁我嗰六十萬仲收得番嗎?」佢話搵緊律師商討對策。原來陳英鳴過去一直信誓旦旦還錢,但麥基每次同佢傾,佢都態度輕佻咁話:「我有二、三千蚊,要唔要吖?」有次麥基喺銀行門口等佢「還住十萬」,點知陳英鳴來到話:「哎呀,我只籌到一萬咋!」仲話:「你態度唔好,我又唔還住喇!」麥基次次被激到扎扎跳;債仔惡過債主,又一例證。本週圖片

白花油王子年年都喺維園擺檔賣吓白花油,今年仲喺攤位賣個人專輯,睇吓王子,揸住咁cute嘅福仔,都一副「唧」極唔笑嘅樣,似乎唔係好滿意銷量噃。(嚴寶權攝)

本週對峙

日方大波挑釁

東瀛防護相小野寺五典透露,一月十九日下午中國054型導彈護衞艦「溫州號」以火控雷達瞄準日本

驅逐艦「大波號」,雖然未有開火,但事不尋常云云。

以「大波號」出迎「溫州號」,究竟邊個挑釁邊個先?

即使開火,都唔怪得人嘅噃。

Give me a break平鑽充靚鑽

新年流流,最多春茗飯局,大家互相恭賀之餘,OL仲可以將身上嘅行頭,互相較勁,咁點樣可以平買靚鑽石?批發鑽石予Cartier、Dior、Tiffany的批發商LAZARE KAPLAN東南亞區董事兼副總裁李清輝,就教路話,同為最高級嘅D色,佢哋牌子嘅一卡價錢十八萬,零點九卡只九萬元,價錢差成倍!但肉眼點睇?佢自言做咗呢行幾十年,都分唔到。仲有,原來鑽石並非大粒淨色就叫靚,重點係夠閃。鑽石中D色為最貴,但揀到粒「cut得靚」嘅H色,望落分分鐘閃過同卡嘅D色,價錢又係平一截!要keep住鑽石夠閃,李清輝攞住隻五卡鑽戒話,用最普通的洗潔精加暖水浸,用牙刷擦吓啲罅,望落就閃閃令啦!

金管局出重炮

金管局去年尾話Hibor報價機制無問題,轉頭就被境外監管機構「溫馨提示」,指UBS就Hibor報價可能涉及不當行為。被人笑係無牙老虎,金管局就喺呢個星期、RBS被指操控Libor有結果前做嘢,並引用《銀行業條例》,首次將業界制定的操守準則作為法定指引;違規者,「釘牌」都有之。而Hibor日常運作及監管亦由銀行公會交俾財資會,讓金管局成Hibor的新管理人,「搣銀公柴」。銀行界人士話,金管局過去買大行怕,尤其獅子號,不但係發鈔銀行,細行嘅P(最優惠利率)都唯佢馬首是瞻,影響力大。金管局不時要派班職員巡查銀行,獅子號例以「資料機密」為由,指明非阿head級數嚴禁內進。今鋪金管局揸緊《銀行業條例》呢碌「重炮」,對銀行同新成立嘅金發局來說,絕對係下馬威!

樓市招「愈變愈辣」

市場一直流傳,政府會在上週五再出招打壓樓市,不過事實證明,流料歸於流料。咁究竟流言是如何形成的呢?前星期小宗從地產代理口中收到風,話政府有意效法星洲,對炒賣工廈徵稅。兩日後,facebook就傳出係對第二套住宅徵特別印花稅。再過多幾日,小宗收到whatsapp,話會加重買家印花稅、第三套房停造按揭、及第一季推一萬伙超長樓花期居屋等等,到上週五連改圖創作嘅假政府公告都出埋。呢單嘢,明顯係經紀想谷旺市之舉;但喺度奉勸行會成員,呢排別做物業買賣,免得政府突然出招,就步林奮強後塵矣。

金牙大狀講嘢練乙錚誹謗七百萬人

689出律師信指控練乙錚登喺《信報》篇鴻文誹謗佢。細閱全文,練教授其實係誹謗緊七百萬人。大家睇吓佢點講:堂堂一個香港特別行政長官候選人,得到「江氏紅」中聯辦的點頭去馬之後,是怎樣「斥之乞來」、「呼之不去」,怎樣誠惶誠恐,怎樣卑躬屈膝打哈哈擺和頭酒、最後得到黑道的百分百支持,神一樣替他撐住了比唐氏高的「民意」,讓當時的中聯辦領導得以「名正言順」抬他上位。各位,「民意」係乜呢?此又豈非七百萬人之意向乎?然而在練教授筆下,七百萬人原來並無陳寅恪所講「獨立之精神,自由之思想」,而是聽任黑道扯線擺布者,咁對七百萬人嚟講,又豈非絕大之侮辱?若然689要出律師信,都理應唔係以佢私人名義出,而係代表七百萬市民向練教授討回公道。不過,如果佢都識得咁做,佢又仲係689乎?

債仔 被捕 麥基 佢要 要洗 pat 我好 矛盾
PermaLink: https://articles.zkiz.com/?id=44029

阿信屋林偉駿:我好驚衰!

2013-11-28  NM
 
 

 

近日,日本電影﹑新版《阿信的故事》,在香港上畫,勾起港人不少回憶。另一邊廂,名字取材自這套電影的零食店759阿信屋,亦在股市上演了一齣好戲。持有一百七十多間阿信屋的CEC國際(759),宣布進軍化妝品業,店還未開,觀眾,即散戶,已蜂擁入場,股價十日內爆升一倍,市盈率抽高至七十五倍。野心暴露,以對抗霸權口號起家的阿信屋,如今被斥是新的「阿信屋霸權」。一切吹捧﹑攻擊同時直指向主席林偉駿。這一次。鏡頭下的他,招牌笑容仍在,手心卻捏了一把冷汗。戲碼進入高潮,劇本卻開始失控,林偉駿和散戶一樣,最怕爛尾收場。

上週五晚上,林偉駿原定要出席電影《阿信的故事》首映禮,卻臨時甩底。記者再三提他,這次活動宣傳噱頭十足。「無辦法啦,做生意緊要。」他略帶無奈道,原來有兩個韓國供應商,當晚就要離港,他趕着和他們開會。自從宣布開設化妝品店Kawaii Land,林偉駿的壓力與公司的股價一同颷升。鏡頭外,他收起笑容道:「依家我同班同事都捱到胃痛,每日都睇住啲貨,今個星期又派多六個女同事去日本掃貨,加埋有九個人做緊採購,真係全民皆兵!」林偉駿擔心不無道理。由工業股變零售股再變炒股,七十五倍市盈率(P/E),較持有零食物語的四洲(374),以及化妝品股龍頭莎莎(178),分別高出四點七倍及一點四倍。負面消息接踵而來。有美資分析員指阿信屋利潤率只得百分之一點五,萬一供應鏈出現問題,隨時蝕錢,「阿信屋債務成四億幾,一年利息都要千四萬,比零食嘅利潤仲要高,如果將來加息,佢又唔加價,咁點算?」他強調,阿信屋的估值沒有實質的業務數據支持,股價隨時會坐過山車。面對種種質疑,林偉駿不再推銷員上身,反而自潑冷水,同時幫散戶降溫。

炒股

記:記者林:CEC國際主席林偉駿記:股價十日內爆升一倍,變成炒股,你開心還是擔心?林:(合起雙眼,神情凝重)平時好少睇公司股價,因為我揸住就唔會放。(註:林持股約七成)自從話搞化妝品,外界反應咁大,炒到咁高,我真係好大壓力。啲供應商見我賣零食賣到有啲成績,咪俾我賣吓凍肉,見凍肉賣到,咪俾我賣吓家品,再到化妝品。如果賣唔掂,人哋會以為阿信屋冇料到,以前累積嘅優良記錄會冇晒,仲邊有供應商肯俾貨我?邊有業主肯租鋪俾我?記:根據現時P/E,公司一三至一四年的盈利起碼要倍增,投資者才收貨。對此,你有沒有信心?林:(想也不想)阿信屋依家要賺嘅唔係錢,而係規模,目標係三百間分店。冇規模嘅話,供應商點會俾面?日本仔仲會「冧(林)生」咁叫你咩?當你有親呀?純粹因為我有一百七十間分店,仲唔使上架費。今年九到十二月,達到每月一億一千萬嘅營業額目標,明年第一季希望每月做到一億三千萬。日後規模再大啲,物流採購成本平啲,希望將利潤率提升到百分之二點五。

轉型

記:新開分店主攻千呎以上大鋪,街坊式零食店已無得做?林:(指着一枱零食)阿信屋賣貨靠量多及快,四、五百呎嘅鋪,擺得三、四百款貨,啲客入嚟買幾包薯片,買支汽水就走啦,生意唔會多。依家我哋每日都有十一個貨櫃嘅貨,要大鋪先夠位擺,市場焗住你去做大。來緊會執咗部分細鋪,新開嘅分店,起碼要兩千呎。明年主力做整合,唔會開新店,後年會主攻開微型超市,目標係三十間。記:由賣零食,到微型超市,甚至化妝品。做得太濫,風險大增?林:我都要為租金去諗,先踩過界,賣吓呢樣嗰樣。有人幫我哋改名,叫「佳寶阿信版」﹑「日本城冇電器嘅阿信版」﹑「家興阿信版」。呵呵,但我唔係「萬寧」,冇藥賣吖嘛!我希望以一間微型超市做中心,帶住幾間細鋪嚟做。根據該區需求,某啲鋪會做特色店,如凍肉鋪。係北角至灣仔嘅街鋪,未來一年會轉做廿四小時營業。

記:明年將有三十間鋪約滿,如何應付加租問題?為何不買鋪?林:大部分新租約都傾得七七八八,加得唔算多。係商場嘅分店,租金係用營業額分成計算,部分好生意嘅,交緊嘅租金基本已多過底租兩成。如果要加租,我會叫業主俾我賣多啲產品,之前佢受到超市或日本城嘅壓力,唔俾我賣咁多嘢,好似日用品只可佔鋪頭整體產品約百分之五。我有時都係偷雞,擺多兩個衣架,咁樣慢慢變。阿信屋依家有六間自己鋪,都係四、五百呎嘅細鋪,唔再買係因為太貴啦,唔想冒險!記:阿信屋貨種急增,如何控制入貨及存貨?林:我每日都揸住部iPad睇即時銷情,每個月只會入七千萬左右嘅貨,種類可以變,但金額一定唔變。如果今個月生意額達標,毛利率不低過兩成七,就會七折減價清貨。所以無定時,有時係月頭,或第三個星期又會有。

霸權

記:你當年斥責超市霸權時,有本地大型供應商不肯供貨給你,如何解決本地貨源?林:(電話響起,掛線後笑說)大昌行朋友打來話:『四洲十二月會召開武林大會(採購會),實係針對你啦!』佢(四洲)搞咪搞囉,我試咁多新嘢,對人哋嚟講係敵意,但我都要交租o架。現時主要搵外國供應商,日本佔六成半、韓國佔一成半、歐洲佔一成。至於本地貨,我會搵啲細供應商。佢哋通常入唔到大場(連鎖超市),我唔收佢哋上架費,賣得幾多得幾多。

記:坊間有人批評你創造咗新的「阿信屋霸權」,與當年維護小店權益的形象相去甚遠。林:(攤開雙手,語帶無奈)阿信屋唔係霸權。如果有霸權,我就會同領匯(823)講:『喂!唔准嗰間士多賣呢啲嘢!咁到時你就寫(衰)我啦!而且,我冇㩒到供應商價,日本仔話賣幾錢,我就俾幾錢,保持到百分之一點四至一點六嘅利潤就繼續拿貨。規模上,人哋(百佳及惠康)超市加埋便利店,計埋華潤啦,有成二千間分店,我得百幾間分店,濕濕碎啦!人哋生意額幾百億,我得十億八億。佢哋仲係控制好大嘅銷售渠道,我哋未影響到任何嘢。氣氛上,我搞風搞雨,實際上我哋影響好微o架咋,得話題囉!我仔女將來唔會入公司幫手,阿信屋交俾手下打理,佢哋知我性格,即使我退休,公司都唔會變成賺錢機器。

阿信 林偉 我好 好驚 驚衰
PermaLink: https://articles.zkiz.com/?id=83450

呢排看呢套韓劇睇到我好激動

1 : GS(14)@2011-12-11 17:15:31

http://app2.hkatv.com/v5/video/video.php?p=922
2 : GS(14)@2011-12-11 17:16:02

http://www.hkatv.com/v5/11/giant/content.html
節目簡介

韓國SBS電視台為紀念創社20周年,投資一百億韓元打造了這部橫跨上世紀70至90年代,以首爾江南大開發為背景的時代劇《巨人》。故事講述在動盪多變的70年代初,李江慕的父親死於一場陰謀,一家人被迫逃往首爾。在逃亡路上,母親意外中煤氣身亡,江慕先後與哥哥、妹妹、剛出生的弟弟失散分離,歷經千辛萬苦到達首爾,遇上建築公司老闆黃泰變,並與他的女兒黃靜妍相愛。可是,江慕後來得知像對待親生父親一樣追隨著的黃泰變和其政治伙伴趙必然竟是殺父仇人。被黃泰變兒子陷害而含冤入獄後,江慕決定為了與手足重逢,夢想獲得成功,投身於建築行業。正值當時政府進行江南地區大開發,一場前所未見的地產大戰瞬間爆發。在這變革大時代下,江慕發誓要以自己的力量打倒有財有勢的敵人,而且要成為堅毅無懼的巨人!

《巨人》劇情精彩緊湊,身處經濟開發的黑暗年代,社會弱肉強食,李江慕這位報復者既要面對和親情、友情、愛情等之間的掙扎和矛盾,又要對擁有權力與金錢的仇家展開一連串的復仇計劃。其中李江慕與大反派趙弼延的大量對手戲,令人看得緊張刺激,不但成為眾多觀眾的討論熱點,且引發了在韓國的追看狂潮。

在開場時,劇中展現了擁有權力與金錢的趙弼延年老之後的淒涼境況,而隨後登場的主角李凡秀、朴真姬、黃靜茵等人的眼淚則代表了,為了成功而活的三個人背後的悔恨,正好表達了此劇的方向:到底成功何價,又能為人生帶來什麼意義,值得引人深思。如男主角李凡秀在接受記者採訪時表示,此劇是總結其20年演技生涯的,具備著重要意義的一部作品。

此劇製作認真,單是為了一幕展現巨大城市的全景,攝影組就白天乘著直升機飛翔到江南與貿易中心上空拍攝,再由CG組把照片變為夜景。在服裝造型方面亦特別講究,以復古為主題,劇中人物所穿的衣服設計得相當具代表性,如女主角朴真熙的髮型和衣服就重現了過去韓國70、80、90年代的經典女性打扮。

《巨人》由李凡秀、朴真姬、黃靜茵等明星陣容主演,李凡秀是韓國國民喜愛的男演員,無論電視和電影發展都相當成功,曾與金馬獎影后舒淇主演電影《我老婆係大佬3》;女主角朴真姬《錢的戰爭》走紅亞洲,第二女主角黃靜茵更是成功地從歌手變為演員,在有韓國「奧斯卡」之稱的「百想藝術大賞」頒獎典禮上奪得最佳女新人獎。

自開播以來,《巨人》獲得韓國觀眾的強烈反響,收視率一直飆升,更撃敗眾多強勁對手如《同伊》、《成均館緋聞》等劇集,佔據同時段的收視冠軍,大結局亦得到逼近40%的收視佳績。此劇同時榮獲多個韓國電視獎項,包括《2010 SBS演技大賞》「年度最佳作品」、「特別策劃劇最佳男主角」李凡秀、「最佳演技賞」朴尚民、「特別企劃劇優秀演員獎」鄭寶錫及朴真姬、「最佳螢幕情侶獎」朱尚旭及黃靜茵、《第47屆韓國百想藝術大賞》「最佳男演員」李凡秀、《韓國PD連合會》「2010年最佳劇集」等等。
3 : 游浪潮(3792)@2011-12-11 17:46:38

睇落好似唔錯﹗
4 : GS(14)@2011-12-11 17:49:38

3樓提及
睇落好似唔錯﹗


呢兩集話個男主角創業好好睇
5 : 200(9285)@2011-12-11 19:31:28

我開頭已經追啦,我寧願看巨人好過看天與地也‧
6 : GS(14)@2011-12-11 22:12:25

5樓提及
我開頭已經追啦,我寧願看巨人好過看天與地也‧


超贊成,至少個劇本認真,有用過腦去寫,香港的商業劇未去到呢個水平
7 : GS(14)@2011-12-12 22:18:32

今集講到要同黃泰燮爭位
8 : 200(9285)@2011-12-17 22:23:12

琴晚出去酒樓食飯仆街表姐同auntie死要看天與地
看了一集,唔知佢up什麼撚野‧
9 : honey(6546)@2011-12-18 01:51:13

8樓提及
琴晚出去酒樓食飯仆街表姐同auntie死要看天與地
看了一集,唔知佢up什麼撚野‧

無睇過,估計係青春劇
10 : GS(14)@2011-12-18 10:29:42

9樓提及
8樓提及
琴晚出去酒樓食飯仆街表姐同auntie死要看天與地
看了一集,唔知佢up什麼撚野‧

無睇過,估計係青春劇


算是啦,他時空交錯得太勁,睇完有少少唔明
11 : 200(9285)@2011-12-18 13:25:13

黃靜妍之後個化妝和頭髮和之前不同‧
12 : greatsoup38(830)@2011-12-18 13:35:09

11樓提及
黃靜妍之後個化妝和頭髮和之前不同‧


現在做復仇女嘛
13 : 200(9285)@2011-12-18 17:55:51

12樓提及
11樓提及
黃靜妍之後個化妝和頭髮和之前不同‧


現在做復仇女嘛


完來黃靜妍身段唔錯‧

http://www.google.com/search?q=% ... AQ&biw=1280&bih=630
14 : greatsoup38(830)@2011-12-19 20:56:45

我喜歡第二個多D
15 : 200(9285)@2011-12-20 00:05:39

14樓提及
我喜歡第二個多D


美珠? 我唔鍾意‧
16 : 200(9285)@2011-12-22 21:28:54

黃會長返出來啦,嘩姓趙氏個兩個進行緊偷錢大行動呢‧
17 : GS(14)@2011-12-22 21:36:19

16樓提及
黃會長返出來啦,嘩姓趙氏個兩個進行緊偷錢大行動呢‧


黃會長學埋他個女D野,好奸,之後好似到爐公司
18 : 200(9285)@2011-12-22 22:09:47

17樓提及
16樓提及
黃會長返出來啦,嘩姓趙氏個兩個進行緊偷錢大行動呢‧


黃會長學埋他個女D野,好奸,之後好似到爐公司


趙先生用5間公司吞萬寶的手法好熟口面‧
19 : GS(14)@2011-12-22 22:12:17

香港好難做到,鄭先生都有咁做,但是呢D都是要齊心,唔齊心都無用,是外國先咁蠢,用一間公司做人先可以咁做
20 : 200(9285)@2011-12-22 22:43:29

黃靜妍後來佢老媽打本俾佢攪財仔‧
21 : GS(14)@2011-12-22 23:22:24

20樓提及
黃靜妍後來佢老媽打本俾佢攪財仔‧


咁都好...那個二奶扮大婆死埋
22 : 200(9285)@2011-12-24 17:40:57

死人亞視cut到好散呀
23 : greatsoup38(830)@2011-12-24 17:41:30

22樓提及
死人亞視cut到好散呀


他真是cut 得好勁,明明好多感情戲無晒
24 : 200(9285)@2011-12-24 17:43:19

23樓提及
22樓提及
死人亞視cut到好散呀


他真是cut 得好勁,明明好多感情戲無晒


仆街 ,琴日美珠唱歌根本就唔係一開始咁順,佢又cut埋,頂佢個肺‧
25 : greatsoup38(830)@2011-12-24 17:45:17

24樓提及
23樓提及
22樓提及
死人亞視cut到好散呀


他真是cut 得好勁,明明好多感情戲無晒


仆街 ,琴日美珠唱歌根本就唔係一開始咁順,佢又cut埋,頂佢個肺‧


我都覺得怪怪地,你一講就知
26 : 200(9285)@2011-12-24 17:45:49

黃靜妍個老媽樣唔差
27 : greatsoup38(830)@2011-12-24 17:46:43

26樓提及
黃靜妍個老媽樣唔差


他幾年前好多暗瘡
28 : 200(9285)@2011-12-24 17:48:04

25樓提及
24樓提及
23樓提及
22樓提及
死人亞視cut到好散呀


他真是cut 得好勁,明明好多感情戲無晒


仆街 ,琴日美珠唱歌根本就唔係一開始咁順,佢又cut埋,頂佢個肺‧


我都覺得怪怪地,你一講就知


仲有大媽俾人拉坐臭格果段又係咁cut‧
29 : 200(9285)@2011-12-24 17:48:44

27樓提及
26樓提及
黃靜妍個老媽樣唔差


他幾年前好多暗瘡


可能化妝太多‧
30 : greatsoup38(830)@2011-12-24 17:49:33

但他幾年前化都好勁
31 : 200(9285)@2011-12-24 17:51:26

discuss 有人計過 計埋廣告 佢ATV話90min 實際得50min‧
32 : greatsoup38(830)@2011-12-24 17:53:41

韓國一集有60分鐘左右,他又多頭頭尾尾,中間又夾個六合彩...
33 : 200(9285)@2011-12-24 17:55:10

OK既主題歌 atv version
34 : greatsoup38(830)@2011-12-24 17:58:48

呢兩日成日唱
35 : 200(9285)@2011-12-24 17:58:50

http://www.discuss.com.hk/viewth ... 8990&extra=&page=16

你看看
36 : 200(9285)@2011-12-24 18:01:02

我宜家要計下巨人一集實際做幾耐 E-mail 此主題給朋友
[隱藏]
Start: 20:35
預告+唱歌: 20:37
廣告: 20:45
第二節: 20:49廣告: 20:59
第三節: 21:05
廣告: 21:10
第四節: 21:15

廣告: 21:25
第五節: 21:29
廣告: 21:36
第六節: 21:45
完: 21:55


8+10+5+10+7+10=50mins


一個半鐘裏個節目連一個鐘都冇
仲要係冇廣告
http://www.discuss.com.hk/viewthread.php?tid=16042533
37 : greatsoup38(830)@2011-12-24 18:04:50

未計首歌,兩首歌又礙了兩分幾
38 : 200(9285)@2011-12-24 23:30:07

25樓提及
24樓提及
23樓提及
22樓提及
死人亞視cut到好散呀


他真是cut 得好勁,明明好多感情戲無晒


仆街 ,琴日美珠唱歌根本就唔係一開始咁順,佢又cut埋,頂佢個肺‧


我都覺得怪怪地,你一講就知


政植賭錢果段又cut左
39 : 200(9285)@2011-12-25 12:28:16

黃靜妍佢老媽真係好好俾錢呀會長用‧
40 : greatsoup38(830)@2011-12-25 12:32:59

39樓提及
黃靜妍佢老媽真係好好俾錢呀會長用‧


他最後好似都一齊
41 : greatsoup38(830)@2011-12-25 12:33:16

38樓提及
25樓提及
24樓提及
23樓提及
22樓提及
死人亞視cut到好散呀


他真是cut 得好勁,明明好多感情戲無晒


仆街 ,琴日美珠唱歌根本就唔係一開始咁順,佢又cut埋,頂佢個肺‧


我都覺得怪怪地,你一講就知


政植賭錢果段又cut左



呢個人真是一事無成
42 : 200(9285)@2011-12-25 12:38:13

白派講得好
房子是什麼呢,好比能容納心愛家人的碗‧

長江和保華係道做什麼呢?
43 : 200(9285)@2011-12-25 12:41:31

40樓提及
39樓提及
黃靜妍佢老媽真係好好俾錢呀會長用‧


他最後好似都一齊


佢呀媽係金牌經理人呢‧
44 : GS(14)@2011-12-25 12:47:51

42樓提及
白派講得好
房子是什麼呢,好比能容納心愛家人的碗‧

長江和保華係道做什麼呢?


垃圾
呢排 排看 看呢 呢套 韓劇 睇到 到我 我好 激動
PermaLink: https://articles.zkiz.com/?id=276849

中女萬歲 - 彭晴 我好愛好愛好愛好愛好愛好愛好愛BB (2013年04月30日)

1 : GS(14)@2013-05-01 16:48:57

http://www.am730.com.hk/article.php?article=152553&d=2031

【am730專欄】「我好愛好愛好愛好愛好愛好愛好愛BB」嘩!林峯的好愛宣言,真的又肉麻又骨痺,難得他在公眾面前毫不保留地表現這種甜蜜,相對以往的神秘南轅北轍,真的感受到他是多麼的愛惜千語BB。愛情真的是有種令人改變的魔力,讓人變成了別人,連自我都沒有了,只變成了BB,豬豬,寶貝。我從未試過成為BB,更未做過豬豬,只因為我的乳名是家寶,所以是媽媽口中的心肝寶貝,但是從沒有男人這樣喊過我,令我誤會的倒試過!多年前的一個大清早,收到個電話的短訊:「 早晨BB,我睡不著……」,我望著電話,心想發這個短訊給我的人,從未在我面前這樣稱呼過我,是我不曾聽到抑或他忽然愛這樣的叫我呢!畢竟他曾對我說有些好感,或許是後者的原因吧! 然後我再收到他發的短信「很懷念你煮的早餐BB……」 嘩!我未曾對他煮過早餐喎,他怎會……隔了數分鐘再收到:「sorry,send 錯!」原來我真的太看得起自己了,BB果真不是我!不過也讓我看到他的另一面,倒也是個意外收穫呢!
戀人總有自己的暗號和密碼,BB等這樣的暱稱代表著大家親密的關係。這個暱稱只有當時人最心領神會,別人聽到肯定是肉麻的居多,管它是sweetheart、darling、honey、baby。只是用得太濫,像稱呼所有的人是「靚仔」和「靚女」一樣,到底是真心還是習慣呢! 其實不用任何特別的稱呼,只要叫聲「喂」,「點啊」,「是我啊」,聲音直接穿透心窩,足以叫人心花怒放,教人甜在心頭,恨不得從後緊緊的擁抱著不放!
甚麼暱稱也沒有所謂,只希望當下是唯一就夠了!
周二、四刊登。
中女 萬歲 彭晴 我好 愛好 BB 2013 04 30
PermaLink: https://articles.zkiz.com/?id=282693

【性格執着】「我知我好難頂」

1 : GS(14)@2016-09-29 08:05:36

胡杏兒日前與老公Philip當眾吵大鑊,誰是誰非只有當事人知。其實性格執着的杏兒,在感情及工作上一向有要求、認真及要安全感,早年她與黃宗澤拍拖時,於2011年獲頒無綫雙料視后,她在台上對黃宗澤承認:「我知我好多缺點,好難頂!」近年杏兒北上發展,近日擔正的《我和春天有個約會》舞台劇在上海公演,5場過後其角色由楊怡接替做巡演,有指杏兒想專心造人,要劇組遷就在港綵排兼要求多,堅持要自己髮型師和化妝師班底等,該劇的造型師張學潤指杏兒要求合理,不過認為她不識講說話,要時間與她溝通。




來源: http://hk.apple.nextmedia.com/entertainment/art/20160929/19784813
性格 執著 我知 知我 我好 好難 難頂
PermaLink: https://articles.zkiz.com/?id=310575

一路一帶:噚晚Kelly鬧得我好啱……

1 : GS(14)@2017-01-26 18:18:29

噚晚Kelly鬧得我好啱,文化差異係唔應該共融,要保持獨特性,唔係點支煙,飲啖酒就解決到。利申,女主角Kelly,香港人,今年32歲。Kelly自梁振英當選特首後,四年多以來都處單身狀態,親朋戚友怕Kelly成為單身剩女,於是喺馬家村嘅親戚介紹咗個男人畀佢識,叫阿Jack。
Jack係港漂一名,以前喺北京做英文老師,兩人加咗WeChat後好好傾,好快約咗出嚟食飯。Kelly隆重其事,化行妝,襯好衫出門口,去咗事先約好嘅餐廳見面,兩人年紀相近,Jack說得一口流利英語,仲有宏大理想,希望打拼一番事業,Kelly本以為Jack係筍盤,芳心暗許,覺得同內地人拍拖都冇問題啫。食完飯後,兩人埋單,都話有時間再約。但自從見面後,Jack就好似「404 not found」咁,消失於Kelly嘅WeChat,連朋友圈都冇埋。Kelly大惑不解,明明無講錯半句傷害兩地同胞嘅說話,食飯又爭住埋單。過幾日後,親戚來電,大數Kelly不是:「個男仔筍盤嚟,點解你唔好好把握機會?你淨係叫貴嘢食,又着名牌靚衫,化行個妝,人哋會覺得你係大使唔識慳家嘅港女!」
Kelly當堂嚇一跳,然後得啖笑;原來親戚問番個筍盤男點睇,男仔認為女方太貪慕虛榮:「佢又化妝,又滿身名牌,只會點貴菜,完全不懂得節儉,這種女仔根本不適合結婚。」「你估我好恨做馬太?阿Jack你收檔啦!」Kelly聽完覺得晴天霹靂,原來使自己着自己,忠於自己,只係冇按照Jack嘅意願去揀最平嘅嘢,買衫一向幫襯本地牌子,未試過淘寶,咁就係Jack口中不懂得節儉的女人。
Kelly覺得好匪夷所思,女人天生鍾意扮靚,自己化妝都係出於禮貌,着番件靚衫都係尊重場合,至於點貴菜,間餐廳係一齊揀嘅,如果太貴,點解當初唔去食Café de Coral?「其實我都係希望未來50年不變啫!」Kelly覺得要過以往的生活,唔明白點解拍拖、結婚、做咗人老婆,就要降低自己生活,佢認為要高度自治,要財政獨立,婚姻同融合,應該創造出1+1=3,而唔係付出一倍努力,收唔到回報,仲要感恩你送水送糧。Kelly同Jack兩個價值觀不同層次,生活同家庭觀念都唔一樣,夾硬要拍拖根本冇運行。其實過去幾年,香港出現好似Kelly同Jack之間的矛盾,港人底線不斷受到挑戰,未來兩個月對香港命運好關鍵,究竟新特首能否從香港人出發,守住香港的核心價值?3月自有分曉。最後預祝各位讀者雞年行大運。斯郎
https://www.facebook.com/oneroadonebelt/本欄逢周四刊出




來源: http://hk.apple.nextmedia.com/financeestate/art/20170126/19908650
一路 一帶 噚晚 Kelly 鬧得 得我 我好 好啱
PermaLink: https://articles.zkiz.com/?id=324237

陳雅倫閃嫁吳彥祖表哥「佢迷戀咗我好耐」

1 : GS(14)@2017-02-12 13:52:32

■半百陳雅倫跟吳彥祖表哥Martin拍拖半年,男方去年底求婚成功,並打算今年閃婚。



當緣份要來時,真是擋都擋不住,半百「凍齡女神」陳雅倫出道以來,情路崎嶇,但去年中經好友劉永健介紹,在朋友聚會認識了吳彥祖的45歲表哥Martin,二人拍拖三個月即被求婚,更自爆未婚夫迷戀了她很久,會做雞年新娘。



現年50歲的「凍齡女神」陳雅倫(Ellen)被爆會做雞年新娘,未婚夫是吳彥祖的表哥Martin,Martin比她年輕5歲,在美國長大的Martin,畢業後到內地工作,兩人於去年邂逅,拍拖半年即決定閃婚。陳雅倫近年專注留在北京發展,偶然遇上Martin,女神宣佈做雞新娘,身在北京的她昨接受電話訪問時說:「仲安排緊,未有確實日期。」講到兩人相識經過,她表示去年8月在朋友聚會上邂逅男友:「Martin同我都有共同朋友劉永健,Martin一見到我就展開攻勢,好積極囉。」Martin不但跟劉永健是小學同學,也是方中信好友。



■陳雅倫大讚未婚夫Martin高大威猛及乖仔孝順。

■Martin樣貌酷似表弟吳彥祖,吳彥祖與Lisa S.(右圖)結婚六年多並育有一女,今年就輪到Martin娶老婆。



■(左起)吳君如、陳雅倫、李美鳳、邱淑貞及張曼玉88年參演電影《求愛敢死隊》,五女以泳衣上陣騷身材。資料圖片

拍拖三個月被求婚

陳雅倫形容兩人約會有puppy love的感覺:「去完街返到屋企,仲要傾四、五個鐘電話,都唔知邊有咁多嘢講。」她坦言第一眼見到Martin都有feel,但最感動到她是對方深情表白:「同佢拍咗一個月拖左右,我好認真同Martin講:『唔想玩玩吓,如果你諗住玩玩吓就唔好嘞!』佢已經第一時間講係想大家有將來,令我好感動。」她透露男友於去年11月的生日派對上求婚:「佢突然間喺佢啲朋友面前講:『好希望嚟緊呢年,Ellen可以做到黃太』,好感動,冇諗過佢當住咁多朋友講。呢個年代好少男人肯公開commitment(承諾)。」陳雅倫不打算大搞婚禮,只想與至親在一個特別的地方分享喜悅,但一對準新人要完成手頭工作才着手籌備婚禮,她暫時未收到訂婚戒指。問會否擔心相識半年便閃婚太快?她說:「冇話快,圈中好多人都識咗冇耐就結婚,梁詠琪都係好似三個月就結,夾就得。」


協議婚後定居香港

Martin身高六呎,樣子酷似表弟吳彥祖,也是運動健將,除外在條件優勝,陳雅倫再補充說:「佢都好孝順、細心同有耐性。」Martin過往在內地替Nike、adidas兩品牌推廣,但近年做老闆代理了三款高爾夫球桿。兩人婚後有共識會在香港定居,因雙方的媽咪也在港居住,至於造人她表示會順其自然,但當然希望有BB。不過陳雅倫忍不住大爆未婚夫小秘密,她說:「佢迷戀咗我好耐。」她表示在微博的朋友圈知道彼此有很多共同朋友,Martin一早已想叫身邊女性友人介紹認識,惟陳雅倫經常不在港,料不到及後便在友人聚會上遇到,更成功私有化,Martin平日會暱稱陳雅倫做「BB」。對於表哥Martin閃婚,吳彥祖昨日透過經理人回覆:「冇嘢回應。」採訪:何永寧




來源: http://hk.apple.nextmedia.com/entertainment/art/20170212/19925552
陳雅 雅倫 倫閃 閃嫁 吳彥祖 表哥 迷戀 咗我 我好 好耐
PermaLink: https://articles.zkiz.com/?id=326529

《親親我好媽》講怪獸家長引網民熱議

1 : GS(14)@2017-02-12 13:52:36

日前讀者投訴有邨巴司機邊揸車邊煲無綫劇《親親我好媽》,仲大大聲話:「呢套劇都幾好睇!」揸車煲劇絕對唔啱,但究竟係乜嘢劇種,先會吸引到人去煲呢?呢套《親親我好媽》係無綫新任揸弗人杜之克拍板開拍,最因初為劇本問題,最後要停廠四日,搞到滿城(電視城)風雨。但估唔到套劇拍出嚟,又唔錯,仲引起好多家長同學生共鳴,皆因套劇講緊嘅係已介水深火熱嘅教育問題,仲帶出家庭倫理,夠貼地。由江美儀飾演嘅「虎媽」查向善,完美演繹咩叫極品「怪獸家長」,細女數學測驗攞到98分都要鬧:「連Oscar(呂慧儀囝囝)都攞到100分,你攞唔到係咪你問題?」而大女更加為咗媽咪,放棄考古學,轉讀「易有出路」嘅理科,立志做醫生。江美儀畀兩個女咁大壓力,但都唔夠呂慧儀飾演嘅「驕媽」袁圓咁得人驚。呂慧儀個角色為人非常勢利,為咗爭取做家教會(PTA)主席而搞小圈子,又鍾意用物質獎勵囝囝。不過咁,呂慧儀同江美儀調轉,咩都係「兒子永遠是對的」,結果飾演訓導老師文嘉熙嘅陳敏之就遭殃喇,被指摘為教自己個仔而忽略其他同學而遭投訴,呂慧儀仲以PTA副主席嘅身份施壓:「冇我哋呢班家長,你有糧出咩?」呢句對白咁熟口熟面嘅?「冇我哋____,你有____咩?」呢種句式,香港人聽到笑出聲添啦。(以下劇透!)(以下劇透!)(以下劇透!)(以下劇透!)(以下劇透!)(以下劇透!)(以下劇透!)(以下劇透!)(以下劇透!)(以下劇透!)據本報收到風,《親親》劇情會講到「驕媽」呂慧儀惡完一輪,最終得到教訓,家庭出現問題、同老公關係都變差,之後慢慢先識學乖,同江美儀由敵對磨合變好朋友。而單親媽咪陳敏之,老公意外過身後獨力照顧兒子Issac同細佬Hayden,但工作同家庭都面對好多壓力,包括學校入面嘅麻煩事。而最令人敏之頭痕,係師生戀——郭子豪飾演嘅中六學生連國佳,會愛上Miss Chan Chan陳敏之,唔係地下情,而係明目張膽示愛。但同一時間,演校工嘅韋家雄,又對敏之呵護有加,並展開追求。由「師生」戀到「師工」,令陳敏之忙得不可開交。啱啱做咗人母嘅敏之,被問及劇情發展時,就回覆傳媒稱:「唔好意思唔方便答太多,但呢套劇本身好貼地,我都盡量控制自己,囝囝到o依家都未報學校,我諗我都未係怪獸家長。」至於呂慧儀老公黃文迪就讚老婆演得好,佢話:「睇完之後大家都要一齊思考吓,點樣可以對下一代好啲,因為套劇都係想帶出教育上面,家長同學校可能會遇到嘅問題。」




來源: http://hk.apple.nextmedia.com/entertainment/art/20170212/19925890
親親 我好 好媽 怪獸 家長 網民 熱議
PermaLink: https://articles.zkiz.com/?id=326540

《親親我好媽》女神江嘉敏地獄式操走包面

1 : GS(14)@2017-03-05 23:02:22

2017-02-22 EW
在無綫新劇集《親親我好媽》,飾演江美儀大女的江嘉敏,雖然初登電視,但其實她十七歲已被發掘入行;而且能歌善舞,十二歲已經考獲鋼琴演奏級,二胡、打鼓一樣精。今年二十二歲的她,在劇中的學生造型,清新脫俗,獲得不少網民讚賞兼封為「仙氣女神」;不過亦有網友彈她,有塊包包面且身形未夠fit,令她倍感失落。

日前,本刊發現身穿背心、短褲的江嘉敏,到九龍灣一間健身室跟教練狂操;而為極速減磅致瘦面,教練更施展地獄式特訓,令女神叫苦連天。

狂操兩小時

近年,無綫鬧演員荒,單立文、陳山聰、何廣沛及傅嘉莉一晚出兩套劇集,看到觀眾有點膩。幸好,大台懂得請外援,等觀眾可以唞唞氣。最近,貼地劇集《親親我好媽》,劇中「虎媽」江美儀的怪獸家長惡行,令觀眾哭笑不得;而飾演江美儀大女的江嘉敏,亦成為全劇焦點。

現年二十二歲的江嘉敏(Kaman),畢業於名校嘉諾撒聖心,生於小康之家的她,家有兩個妹妹,爸爸是的士司機、媽媽則是家庭主婦。六歲開始學習鋼琴的她,十二歲時已達演奏級,她還精通二胡與打鼓,音樂天份奇高。

在十六歲時,她開始做私影模特兒,十七歲被發掘主演《野犬與貓咪》,而此片就獲得「香港鮮浪潮國際短片競賽」的「最佳創意獎」(學院組)。去年,她更在黃國輝執導的電影《此情此刻》中擔綱女主角,飾演孫耀威的女兒。在《親》劇中,江嘉敏則飾演一名中六學生,由於樣子甜美,外形清新兼有仙氣,故不少網民對她讚不絕口;不過,亦有一些觀眾覺得素顏上陣的她,有塊包包面,且身形未夠fit,令她大為沮喪。

日前,記者就發現身穿背心、短褲的江嘉敏,趁不用開工,便到健身室跟教練狂操。為了極速減磅,教練對她施展地獄式訓練,只是做了十五分鐘的戰繩,已令她叫苦連天。期間,她雖然曾經多次氣餒,要求休息;但嚴厲的教練絕不心軟,勒令她做完凌空掌上壓,再做引體上升,項目一個緊接一個,操足兩小時,她頓時成個人散晒,兼且大汗疊細汗。據密友透露,江嘉敏一星期每天兩小時的操練,已經減去了八磅肥肉,身形fit爆之餘,包包面亦隨之而消失。

江嘉敏接受本刊電話訪問時表示,她第一次拍劇,見到有人話自己肥,當然不開心,所以要努力keep好自己,下一套戲一定令大家耳目一新,她還向記者作了些劇透。「喺劇中,我同何廣沛有幾場咀嘴戲;而佢拍之前,竟然同人講話今日要同一個醜女拍咀戲,搞到佢成晚瞓唔着喎。佢咁樣講,我梗係唔蝕底啦!我咪周圍同人講,一開始知道要同佢合作,就已經開始發噩夢囉。」怪獸媽媽江美儀,最後會逼到個女離家出走,第一次拍劇,江嘉敏就要爆喊連場,絕對是新手的極級挑戰。

傳無綫雪藏

近日,有指江嘉敏早已簽約無綫,可是在劇集宣傳時,惟獨沒她出現,原因是她擅自接拍其他電視台的劇集,所以遭「雪藏」。不過,據密友透露,江嘉敏聲稱自己並非無綫「親生女」,所以可以接出面工作,如ViuTV的劇集《三一如三》,「早前無綫邀請Kaman喺《深宮計》做宮女,由於要性感,角色又冇乜發揮,所以佢推咗,唔知係味咁觸怒咗大台。」記者嘗試找江嘉敏回應,但她截稿前未有回覆。

新一代女神

這個年代「 模」二字來得俗氣,已經沒有人願意接受這個稱呼,而各界靚女最渴望成為網友心目中的「女神」;可是,網民要求多多,既要面孔夠新鮮,又要夠pure,還要帶點仙氣,才會冠以「女神」之名。

周子瑜

來自台南的十八歲周子瑜,四年前被「Wonder Girls」人氣女團所屬的經理人公司「JYP娛樂」的星探發掘,並遠赴韓國受訓,其後以九人女團「TWICE」出道,甜美出眾的五官,被韓國「10 asia」新聞網讚「比韓國小姐還美」,成為首位台灣土生土長的韓團偶像。

袁澧林

憑美心廣告成功彈出的二十二歲模特兒袁澧林(Angela),因她的清新面孔和簡約衣着服飾,而火速被網民封為「文青女神」,其後因為拍了ViuTV劇集,所以又多了個「ViuTV女神」的封號。

鄧月平

十八歲的鄧月平曾參加過ViuTV選美節目,有巨咪黃翠如之稱,選美期間,鄧月平獲鄭丹瑞(阿旦)賞識,拍攝《小男人週記3之吾家有喜》,飾演旦哥女兒,樣靚身材好,成全戲焦點,亦成為新一代宅男女神。

撰文☆武儀 攝影☆楊北鉅 設計☆李浩然
親親 我好 好媽 女神 江嘉 嘉敏 地獄 式操 操走 走包 包面
PermaLink: https://articles.zkiz.com/?id=327922

鍾嘉欣擔遮變大妗姐王君馨榮升章太「我好幸福」

1 : GS(14)@2017-06-16 01:47:46

【依足傳統】■王君馨於香港時間前日與Daniel在紐約舉行婚禮,除穿上裙褂出嫁外,更有鍾嘉欣(左)擔遮兼任大妗姐。



現年31歲的「處女黨」成員王君馨(Grace),去年11月與圈外男友Daniel申請註冊結婚,至香港時間前日,二人終在紐約舉行婚禮,正式升呢做章太。身為王君馨好姊妹的鍾嘉欣、李亞男、衛蘭和裕美等均有親到紐約分享好友喜悅。



【透視晒腿】■換上婚紗禮服的王君馨與老公在婚宴上切蛋糕。互聯網圖片

■王君馨與Daniel在教堂宣誓,正式成為夫婦。互聯網圖片

【星級姊妹】■獲一班圈中好姊妹陪伴出嫁的王君馨,笑到見牙不見眼。

姊妹團Rap歌

新娘子Grace於昨日凌晨時分,向傳媒分享出嫁心情及婚禮場面的靚相,她除穿上傳統裙褂出嫁外,更由好姊妹鍾嘉欣做大妗姐擔遮陪出嫁,甚至向父母斟茶,一切跟足傳統。另外,王君馨又穿婚紗跟老公錫錫,認真甜蜜。忙到一頭煙的Grace昨日興奮地說:「我喺噚日6月11日喺紐約同Daniel結咗婚啦,好嘢,哈哈哈。噚日係非常開心啦,一朝早起身,啲姊妹幫我着褂啦,我哋又有斟茶畀我哋嘅父母,總之成件事都非常之開心嘅,嘉欣變咗我嘅大妗姐,因為我哋冇一個大妗姐。」
Grace透露她與老公現身婚禮場地時,衛蘭帶領裕美和李亞男等唱詩歌和rap歌,眾人並準備了十分甜蜜的歌詞送給她和老公,她說:「我哋都好感動,我係章太啦,我好幸福呀!」開心爆燈的Grace其後更於微博和Ig分享婚照,正式宣佈「Hi!I'm章太。」Grace在紐約舉行婚禮後,將於下月11日在香港的美國會補擺喜酒大宴親朋。


香香送祝福

原來Grace所揀的婚紗為本地設計師Marco M Chan設計,食正今年的短袖嫁衣熱潮,而她之前已穿過他多套婚紗影pre-wedding相,可見她對Marco情有獨鍾。此外,岑麗香雖然未有出席好友Grace在美國的婚禮,但透露將會出席好友在香港的喜酒,屆時她還會擔任姊妹,香香於Ig留言向一對新人送上祝福說:「你們結婚啦!」撰文:魯吉




來源: http://hk.apple.nextmedia.com/entertainment/art/20170614/20054799
鍾嘉 嘉欣 欣擔 擔遮 遮變 變大 大妗 妗姐 王君 榮升 章太 我好 幸福
PermaLink: https://articles.zkiz.com/?id=335451

眾星盡訴父親情雷宇揚推Job陪仔玩「我好珍惜呢幾年」

1 : GS(14)@2017-06-18 11:18:11

■過往工作忙碌的雷宇揚,今年首度與囝囝雷庭慶祝父親節,開心玩波波池。



【父親節嚟喇】今日父親節,一眾爸爸紛紛出動與子女們慶祝。長居廣州的雷宇揚日前與3歲囝囝及太太到兒童樂園耍樂,原來早兩年他因工作少陪囝囝,於是去年減少工作享受親子樂,他說:「想彌補番,我每日張開眼就諗起佢。」而Dear Jane主音黃天翱和太太楊洛婷、胡子彤和爸爸,以及林俊賢和女兒林鈺洧,亦各自慶祝父親節。現年52歲的「鬼王」雷宇揚,2012年與內地女主播馬荔結婚後長居廣州,3年前他榮升爹哋。日前雷宇揚一家三口在廣州接受本報專訪,提早慶祝父親節。原來囝囝雷庭出世首兩年,雷宇揚因要兼顧工作四圍飛,未有時間陪伴,照顧囝囝的責任交由停薪留職的太太負責,今年是首次一家齊齊整整過父親節,雷宇揚說:「出世之後兩年我陪得佢少,想彌補番,我每日張開眼就諗起佢。」雷宇揚自言沒有節日觀念,總之囝囝開心他便開心,覺得日日都是父親節。



■雷宇揚減少工作,一家三口盡情享受親子樂。

■雷宇揚2012年與太太馬荔結婚後,3年前誕下囝囝雷庭。

■雷庭錫錫爹哋,令雷宇揚冧到爆。

■雷宇揚(右)早前為電影宣傳,結束工作後馬上返家陪囝囝。微博圖片

減少應酬戒酒

過去一年,雷宇揚已減少公幹,他說:「近一年我比較飛少啲,多啲時間留喺佢哋身邊,小朋友生活好簡單,早上6點幾起身,晏晝3點幾放學返屋企,去公園踩單車、去波波池玩吓,一般小朋友同父親做嘅嘢我都做晒,食完飯之後就瞓,我哋嘅親子活動一般平民百姓都會做,一齊瞓、送佢返學,發神經同佢一齊瀡滑梯,已經係好開心,仲有陪佢睇電視,佢逼我睇卡通片。」自有小朋友後,雷宇揚已絕少應酬,往往工作完畢便飛撲返歸。他說:「佢?家3歲半,去到8、9歲就唔跟我哋,我好珍惜呢幾年,所以?家多啲返屋企,少啲應酬,有啲工作太遠太辛苦,或者去好多日就唔接。?家好少見朋友,唔會好似以前單身咁,冇嘢做出去飲酒,?家出去飲酒係零。」


香港教育變態

當了父親3年多,雷宇揚指兒子對他影響不少:「以前覺得自己最重要,?家係個仔,以前喺國內坐車唔扣安全帶,?家會扣,我有乜事佢點算?」虎媽虎爸現今社會十分普遍,但雷宇揚堅拒做虎爸,他說:「我覺得最緊要佢開心,如果佢唔開心,強迫佢做一樣嘢都冇意思。」囝囝現於廣州一所國際學校就讀,雷宇揚認為小朋友讀書無需太緊張,只要成績不太差便可以,他說:「我揀啲冇乜功課嘅學校,香港啲教育真係變態,我朋友個女朝早6點幾返學,夜晚返到屋企做埋功課12點半,人生係咁點得?細路仔應該係玩,識字就得,呢方面我唔會畀壓力。」問會否生多個時?雷宇揚說:「我抱開放態度,我老婆就話夠,照顧一個都好花時間,如果兩個好辛苦,同佢去一日迪士尼,我散足三日,同佢玩一陣波波池,我底褲都濕埋,我太太重新投入工作都好忙,佢好鍾意份工,又唔想放棄。」採訪、攝影:曾小嘉




來源: http://hk.apple.nextmedia.com/entertainment/art/20170618/20059441
眾星 盡訴 父親 情雷 雷宇 宇揚 揚推 Job 陪仔 仔玩 我好 珍惜 呢幾 幾年
PermaLink: https://articles.zkiz.com/?id=335768

吳日言灑淚:我好錫爸爸

1 : GS(14)@2017-06-18 22:07:11

吳日言(Yan)去年跟拍拖17年男友Barry拉埋天窗,單親家庭長大的她,當日由爸爸陪住出嫁。她自爆以前和爸爸較生疏,直至今年15歲愛犬Win Win出現,父女關係才有改善。
Yan說她兩歲時父母離異,感覺父親經常眉頭深鎖,吳父即說:「佢細個已經好硬頸,好難溝通。自己成日要做嘢,返屋企就係煮飯,返到屋企都好少傾偈。」



■吳日言長大後,才明白因為爸爸一直在為她着想。

訪問期間,Yan提到爸爸一直好節儉,才有能力為她準備安樂窩,感動到流下淚來,她說:「結咗婚有家庭,先知我真係好錫我爸爸,見到佢退咗休好開心,爸爸又成日見到我笑,以前一路唔明嘅原來係我,爸爸作風就一向都係咁。」吳父則說見到女兒事業起伏會感到心噏,只想她開心快樂。採訪:鄉奈仁場地提供:美樂士多




來源: http://hk.apple.nextmedia.com/entertainment/art/20170617/20058685
吳日 日言 灑淚 我好 好錫 爸爸
PermaLink: https://articles.zkiz.com/?id=336002

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019