ZKIZ Archives


億萬食肆老闆慳住平樓

2014-04-24  NM
 
 

 

早前本刊訪問富臨飯店老闆之一、鮑魚大王楊貫一,佢嘅拿手名菜阿一鮑魚,索價過萬蚊,客人非富即貴,但呢位名揚海外嘅富豪御廚,原來住喺中產屋苑杏花邨。小宗老友一聽到即搭嘴:「唔奇啦。太興老闆陳永安,都係住太古城之嘛。」

陳永安同阿一一樣,都係白手興家,前者係豬肉佬,後者係廚房佬,所以發咗達都住得好「平民」。陳永安講過因為太興第一間鋪喺西灣河,所以近近哋揀太古城,後來做咗「燒味大王」,都只係換個大單位,仲話:「呢度好住,又方便太太行街。」陳永安老友、稻香集團(573)老闆鍾偉平,貴為五十億市值上市公司主席,都係報住大埔帝欣苑,單位估價約九百萬,仲平過太古城一截。比較識嘆嘅要數外賣仔出身嘅翠華(1314)老闆李遠康,當年佢曾報住屯門山景邨。翠華一二年上市後,如今市值已超越稻香,達五十九億。 李遠康亦搬上半山羅便臣道利德大廈,單位市值二千四百萬,喺半山來講唔算貴,但感覺就矜貴好多。不過講到尾,好像食嘢咁,鮑魚唔一定好食過魚蛋粉,各有所好而已。

本週圖片

上證A股市場股民唔buy,但上海外灘代表股市隻銅牛就好受強國人歡迎,相中男女痴纏之際,仍不忘自拍留念,至於牛角,就成為小朋友樂園。咁糟質法,難怪上證A股升唔起呀!

張主任墨寶堅定流

西環張曉明主任用「駿程萬里」四隻字幫民建聯籌咗1,380萬元,平均每隻字值345萬元,親自演繹乜嘢叫做字字值千金。呢四隻字係王光亞口中嘅贗品抑或真品呢?

未請專家鑑定之先,等我哋幫大家提供張主任另一幅墨寶以供參照。我哋唔知道廠商會俾咗幾多潤筆至攞到「聚合廠商、實業興邦」呢八粒字。唔係睇低班廠商,但可以肯定佢哋出唔起每隻字345萬元呢個價。傳統智慧話俾我哋知,平貨冇好。莫非呢八粒字唔係堅嘅?

職場秘笈

港大建築系畢業,由一個小小的項目經理,扶搖直上,升任至富豪國際(78)、百利保(617)及世紀城市(355)的董事。他每期分享不同的職場經驗及秘笈;要上位,無往不利。

點樣爭取加人工

提出這個要求前,先要知道公司有否錢賺?如無,你搵老闆加薪,等於找死!有幾個問題,要先問自己:第一、你的表現是否勝過同輩?第二、你的表現是否勝過老闆對你的預期?第三、你現時的工作,是否比你應負責的範圍更大?第四、你的人工,是否比同行低?每條25分,自己計計。如果無75分,就免問喇!應怎樣跟上司說呢?你可記低自己過去的成績,尤其是一些你認為老闆不知道的。如完成項目時間比人快、客人特別鍾意你的設計等。見老闆前,自行做一份Q&A,搵老友實習嚇。相約老闆面談,要專登約,而非隨意走去傾,要令他有心理準備跟你有重要事情商討。千萬不要約週一或週五,堆積如山的工作及holiday mood,都會降低成功率。不要開門見山,點都要補番句:「喺公司做得好開心,有挑戰性,我嘅責任愈來愈大,希望我嘅能力可以幫到公司等等。」最後先提出:「希望公司體恤努力,在薪酬上作出調整。」想加幾多、就講幾多,不要像街市講價般。公司並非善堂,切忌加入私人因素,如老婆點點點。你可暗示有其他公司請你,但你會忠心公司,千萬不要用跳槽來威脅。老闆say yes,當然皆大歡喜。他說考慮嚇,亦不用太灰心,他或者要考慮其他同事感受,及他的老闆是否容許?老闆say no,即管問點解,及做到什麼程度才加人工。千祈不要發脾氣,下次再努力過!

億萬 食肆 老闆 慳住 住平 平樓
PermaLink: https://articles.zkiz.com/?id=96977

【慳住遊】香港仔精品酒店變身hostel $189有床位!

1 : GS(14)@2018-01-07 16:35:02

香港近來流行「共享」概念,無論是工作空間、單車、汽車等也可以開心share。最近,香港有酒店就加入這共享行列,開設共居住宿空間。位於香港仔的精品酒店Ovolo,一向以型格設計作為賣點,最近整幢酒店就改建成為「Homstel」Mojo Nomad,即將Home及Hostel概念合而為一。


相信大家最關心的還是房型及設施,酒店改建後將會提供單人、雙人、3人、8人及最多14人的共居房間,8人及14人房間內更各設有兩間及四間浴室及廁所,不怕人多要爭,並分有男層,女層及混合樓層,可按喜好選擇。每張床位還設有私人儲物櫃,而電子保險箱則是要付費。Mojo Nomad由今日起開幕,記者在官網查詢價錢,發現最便宜的8人房床位於開幕時只要189元,非特價時就要210元。對比相似類型的hostel如YHA美荷樓青年旅舍,8人房床位要199元,價錢相若。


共享休息室是24小時開放,設有工作區、工作長枱及電視。

設計走young的路線,希望吸引年輕一代的住客互相交流。



記者︰黃依情
Mojo Nomad香港仔石排灣道100號



來源: https://hk.lifestyle.appledaily. ... e/20171223/20252948
慳住 住遊 香港仔 香港 精品 酒店 變身 hostel 189 床位
PermaLink: https://articles.zkiz.com/?id=346273

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019