ZKIZ Archives


吳忻熹父俾Viu睇中

1 : GS(14)@2016-04-15 16:30:11

ViuTV前晚播出節目《屢見耆工》,內容是介紹長者退而不休的生活,該集主題是「我係Model」,訪問了一位67歲自由模特兒吳朱榮,原來他是98年港姐季軍吳忻熹(前名吳文忻)的爹哋,吳爸爸退休後,2008年在街頭被星探發掘拍廣告,從此入行8年。


吳忻熹 資料圖片


吳忻熹很自豪有個星爸,她昨日在電話中說:「爸爸呢個訪問好好,節目拍得仔細,大台拍呢類節目,可能幾分鐘就一個個案,但成半小時都係同一個人物,內容好深入。」吳忻熹還大讚ViuTV好睇,她說:「有多個台好,觀眾多咗選擇,讀咁多書為乜,人冇選擇係好悲哀。」採訪:楊定





來源: http://hk.apple.nextmedia.com/entertainment/art/20160415/19571430
吳忻 忻熹 熹父 父俾 Viu 睇中
PermaLink: https://articles.zkiz.com/?id=299375

吳忻熹撐爭產舊愛重親情

1 : GS(14)@2016-08-07 02:13:51

有「霓虹燈大王」之稱的隱形富豪譚華正,早前被指已欽點獨子譚浩瀚(William)為接班人,但上月底卻突然在報紙刊登聲明要斷絕父子關係。被逐出家門的William承認今年6月,九旬父親正式迎娶年輕31年的陳書琴,是父子決裂開始。陳書琴指有人穿櫃桶底達8位數,並聲稱William是4個月大時帶回家養的棄嬰,譚華正多年來供書教學,對養子仁至義盡。曾與William拍拖的前港姐吳忻熹(前名吳文忻)昨日透過短訊表示:「我哋冇聯絡啦,人哋家事,我不願置評。But as a person,William is a good guy!重朋友重親情!」採訪:比華利





來源: http://hk.apple.nextmedia.com/entertainment/art/20160806/19724623
吳忻 忻熹 熹撐 撐爭 爭產 舊愛 親情
PermaLink: https://articles.zkiz.com/?id=304705

教堂補辦婚禮 囡囡唱《Let It Go》贈興吳忻熹再嫁老公 眼濕濕

1 : GS(14)@2016-08-09 07:33:01

【交換戒指】■98年港姐季軍吳忻熹前日與老公陳劍陵在教堂補辦婚禮。互聯網圖片


現年41歲的98年港姐季軍吳忻熹(前名吳文忻),五年前嫁給有「南丫島王子」之稱的金融才俊陳劍陵,兩年前更生了囡囡陳芊彤(Scarlet),組成幸福三口之家。吳忻熹前晚突然在facebook貼出在教堂補辦婚禮的照片,這場婚禮多了寶貝女Scarlet,加上吳忻熹父母,三代同堂,溫馨熱鬧。吳忻熹當年結婚穿上低胸婚紗,前日教堂行禮卻一切從簡,只換上一條露肩白色裙襯白色高踭鞋,她貼相後留言:「今天在教堂補辦婚禮,即係結多次婚!嫁多次,都是你!」新郎陳劍陵上穿上白恤衫。



D.I.Y婚禮造型

問到吳忻熹為何要再在教堂補辦婚禮?她昨日在電話中說:「11年嗰時,我哋有請律師證婚,因為我喺天主教徒,冇喺教堂行禮,冇嗰張結婚證書,教義上我仍然係單身,所以噚日就簡單搞一次,只係邀請十幾名至親出席。我有咗呢張證明,囡囡就可以領洗。」吳忻熹表示前日婚禮造型全部是D.I.Y,她說:「我連化妝set頭都係自己搞掂。」一對新人在婚禮上有交換戒指,吳忻熹還眼濕濕,她解釋:「交換戒指時,囡囡喺咁唱《Let It Go》(動畫《魔雪奇緣》(Frozen)主題曲),唔知佢攞景定贈興,我係俾囡囡搞到喊咗,太好笑。」



【感動落淚】■吳忻熹被氣氛感動,以手抹淚,老公則笑不攏嘴。

■吳忻熹與老公在神父見證下宣誓。



吳忻熹除替自己扮靚外,還給囡囡Scarlet頭上加花朵做頭飾,變身萌爆花女。吳忻熹的爸爸吳朱榮已退休,但08年開始被星探發掘拍廣告,他早前還接受ViuTV節目《屢見耆工》訪問。吳忻熹與老公今年適逢結婚五周年,育有一女的她會追仔嗎?吳忻熹答:「順其自然,即使再生一個都係想囡囡有個伴。」採訪:陳杰



【前日】■吳忻熹再嫁陳劍陵,兩人寶貝女Scarlet及女方父母到場,三代同堂。

【2011年】■前港姐吳忻熹於五年前嫁給「南丫島王子」陳劍陵,獲親友到賀。



來源: http://hk.apple.nextmedia.com/entertainment/art/20160809/19728225
教堂 補辦 婚禮 囡囡 Let It Go 贈興 興吳 吳忻 忻熹 再嫁 老公 濕濕
PermaLink: https://articles.zkiz.com/?id=305116

懷孕六個月封肚之作吳忻熹生雞B獎大女

1 : GS(14)@2016-09-30 08:09:02

■近日吳忻熹(左)與女友人high tea,合照時谷奶大肚身形曝光。互聯網圖片



下月滿42歲的98年港姐季軍吳忻熹(前名吳文忻),五年前嫁給有「南丫島王子」之稱的金融才俊陳劍陵,婚後淡出幕前的她,兩年多前誕下囡囡陳芊彤(Scarlet),全職相夫教女。一直有意再生的吳忻熹,希望兩個夠晒數,估不到造人成功,已陀B六個月,預產期是明年2月農曆新年後。



■吳忻熹(右)現時懷孕6個月,上圍明顯升cup不少。互聯網圖片

■吳忻熹上月底送囡囡Scarlet返幼稚園,身穿白色恤衫及短褲,未見孕味。資料圖片

■吳忻熹囡囡陳芊彤兩歲多,她與丈夫陳劍陵才於上月初在教堂補辦婚禮,吳的父母在場見證。

閨密洩喜訊

吳忻熹雖活躍facebook,不時分享生活照,但近日貼出的多是半身或自拍相,甚至與老公及囡囡的相片,亦未見她貼出全身照,明顯想將陀B消息保密。可是吳忻熹的閨密日前貼出與她high tea,相中見穿上黑色貼身衫的吳忻熹腹大便便兼谷奶,身形脹了一個碼,陀B喜訊曝光,以她的預產期推算,吳忻熹腹中正陀雞B。


仔女賣關子

上月底湊女返幼稚園的吳忻熹,當時身形已非常圓潤,身穿短褲的她,以為只是心廣體胖,原來是有孕,上周相約友人欣賞鄭秀文演唱會的她,都未有將再懷孕喜事張揚,明顯是想低調處理。已有一女的吳忻熹,一直恨再追B為囡囡作伴,她開心迎第二胎,昨日在電話中說:「收到好多朋友嘅祝福。」問到腹中陀仔還是陀女?她大賣關子:「大家估吓,到時先揭盅。」吳忻熹表示這一胎為大女而生,是送給Scarlet的禮物,生完後便封肚,實行兩個夠晒數。採訪:陳杰




來源: http://hk.apple.nextmedia.com/entertainment/art/20160930/19785895
懷孕 六個 個月 月封 封肚 肚之 之作 作吳 吳忻 忻熹 熹生 生雞 獎大 大女
PermaLink: https://articles.zkiz.com/?id=310725

趕得切猴年出世吳忻熹順產誕B再做人母

1 : GS(14)@2017-01-26 18:22:16

現年42歲嘅98年港姐季軍吳忻熹(前名吳文忻),6年前嫁畀有「南丫島王子」之稱嘅金融才俊陳劍陵,3年前仲生咗囡囡陳芊彤(Scarlet),佢一直有意再追多個佢,去年成功有孕,預產期係下農曆新年後,腹中B女昨日突然搶閘出世,提早咗成3個禮拜,由雞女變猴女。吳忻熹經過休息,昨晚喺facebook貼相報喜。吳忻熹仲分享咗BB靚相,樣子精緻,同媽咪生得餅印一樣,第二次做媽咪嘅佢留言:「陳施辰Season Chan,趕着出來逗利是,今朝急不及待要趕出來同大家見面,Season好合作,朝早7點幾穿水,媽咪喺屋企慢慢執嘢,冲埋個涼,成9點幾先去醫院,入到醫院原來已經開到3度,10點幾11點打完無痛已經開到7-8度,11點半等到醫生來開始生,12點就出世了!今次笫一次試順產,真係順利到不得了!原本是雞女的你,原來你是一隻馬騮女!Welcome to our family n wish u healthy n happy ever after!!!」相中所見剛剛生完嘅吳忻熹臉色紅潤,好精神,然做咗家姐嘅Scarlet好開心,係咁護住妹妹,好有家姐仔風範。《蘋果》昨晚致電吳忻熹,佢好興奮話:「今朝穿水,同時有陣痛,我上一胎係剖腹,未試過順產,今次仲一早book定開刀,估唔到係順產。」囡囡提早出世,趕住逗利是唔蝕底,但咁樣係咪打亂媽咪陣腳,佢話:「我其實都未買齊啲嘢,但OK啦,今日順產好快,好開心。好彩我搵定咗陪月,同佢講咗我可能會早生。」由於囡囡早產咗成3個禮拜,佢體只有5磅多,但好健康,母女平安,明日仲可以趕及年三十晚返屋企,一四口團年迎雞年,恭喜恭喜。




來源: http://hk.apple.nextmedia.com/entertainment/art/20170126/19909546
趕得 得切 猴年 出世 吳忻 忻熹 順產 再做 人母
PermaLink: https://articles.zkiz.com/?id=324283

吳忻熹抱囡囡出院過年

1 : GS(14)@2017-01-28 12:04:19

前港姐吳忻熹(前名吳文忻)日前在養和醫院順產誕下重5磅多的二女陳施辰(Season),昨日帶囡囡出院回家團年,老公陳劍陵抱着細女先上車等,吳忻熹則在醫院門外接受傳媒訪問。吳忻熹笑言囡囡提早三周出世,做「馬騮女」趕?利是,她說:「我哋原本揀咗時辰,但佢自己揀咗早啲出世。」並表示兩個夠晒數,宣佈封肚不再追仔。問B女似爸爸還是媽咪?吳忻熹說:「似家姐,家姐好開心,冇妒忌。」採訪:羅慧敏攝影:仇志德




來源: http://hk.apple.nextmedia.com/entertainment/art/20170128/19911160
吳忻 忻熹 熹抱 囡囡 出院 過年
PermaLink: https://articles.zkiz.com/?id=324531

吳忻熹囡囡寫真當牆紙

1 : GS(14)@2017-03-04 10:18:18

■吳忻熹早前與剛滿月的細女影寫真。



前港姐吳忻熹和圈外老公陳劍陵育有兩女,大女陳芊彤(Scarlet)兩歲多,幼女陳施辰(Season)日前才滿月,她聘請攝影師回家為兩女影寫真,把相片掛在家中,更笑言多到不用貼牆紙。



■吳忻熹時常警惕自己要公平對待兩個囡囡。

這次為Season安排拍照,吳忻熹昨說:「趁佢得兩周大,成日瞓,任舞任影。」爛瞓Season萌爆出鏡,大搶媽咪鏡,她說:「我唔在狀態,仲好腫,細女收水,仲有啲甩皮。」吳忻熹希望兩姊妹將來是好玩伴,又強調決不會做怪獸家長:「我不斷警惕自己唔好將兩姊妹比較,咁樣會造成小朋友反叛,我換咗講鼓勵說話,叫姐姐以身作則。」最初對妹妹有醋意的Scarlet,在媽咪悉心教導下,變得愛護妹妹。採訪:陳杰




來源: http://hk.apple.nextmedia.com/entertainment/art/20170304/19946798
吳忻 忻熹 囡囡 寫真 牆紙
PermaLink: https://articles.zkiz.com/?id=327747

吳忻熹封肚拒追仔

1 : GS(14)@2017-04-15 23:27:58

吳忻熹(前名吳文忻)今年1月誕下細女,至今仍未收身,前晚她在柴灣接受ViuTV《晚吹—總有一件喺左近》訪問,表示相比最瘦的時候,還要減20磅。她解釋因為餵人奶,所以不可減食,怕自己無奶水。被問到會否做回幕前工作?吳忻熹說:「暫時冇諗,專心湊女先,同埋?家咁多後浪。以前喺TVB都唔係拍咁多劇,做主持為主,其實都想做吓幕前,因為會有動力去keep fit,不過又唔想用咁多時間,想珍惜同小朋友相處嘅時間。」至於會不會再追仔?她說:「唔會喇,收工啦!其實都有諗過追個仔,但諗落都係唔好,玩自己咩,先生都冇所謂。」採訪、攝影:卓寶花




來源: http://hk.apple.nextmedia.com/entertainment/art/20170415/19990540
吳忻 忻熹 熹封 封肚 肚拒 拒追 追仔
PermaLink: https://articles.zkiz.com/?id=330661

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019